ایک بین الاقوامی جائزے کے مطابق پاکستانی قوم ایمانداری، دیانت داری اورامانت داری کے اعتبار سے 200ممالک میں 160ویں نمبر پر ہے۔ اگرچہ یہ بہت دکھ کی بات ہے کہ ایمانداری میں 159ممالک ہم سے آگے ہیں لیکن خوشی کی بات یہ ہے کہ 40ممالک ہم سے بھی گئے گذرے ہیں۔سوچنے کی بات یہ ہے کہ ہمارے ملک میں ہزاروں مدرسے ہیں۔جہاں قرآن و حدیث کی تعلیم دی جاتی ہے۔ سکولوں، کالجوں اور یونیورسٹیوں میں بھی دین اور اسلام کی باتیں کی جاتی ہیں۔ہزاروں علماء دین کی تشریح کرتے پھیر رہے ہیں۔ ہمارے ہاں سالانہ تبلیغی اجتماع ہوتا ہے جس میں پچاس لاکھ سے زیادہ لوگ شرکت کرتے ہیں۔ ہزاروں کی تعداد میں تبلیغی جماعتیں تشکیل دی جاتی ہیں جو سال بھر ملک کے کونے کونے میں جاکر دین کی باتیں کرتے ہیں اور لوگوں کو دعوت دیتے ہیں۔ لاکھوں لوگ ہر سال حج بیت اللہ اور عمرہ کی سعادت حاصل کرنے حجاز مقدس جاتے ہیں۔ ربیع الاول کا مہینہ شروع ہوتے ہی ملک بھر میں محافل میلاد کا انعقاد شروع ہوتا ہے ۔ لاکھوں لوگ ان اجتماعات میں شرکت کرتے ہیں۔ تمام عبادت گاہوں میں رمضان المبارک اور ربیع الاول کے علاوہ دیگر مہینوں میں بھی درس اور حفظ قرآن کی محافل و مجالس ہوتی ہیں۔ محرم الحرام میں لاکھوں افرادشہدائے کربلا کی یاد میں عزاداری کرتے ہیں۔ عید اور جمعہ کے اجتماعات میں کروڑوں افراد شرکت کرتے ہیں ان میں بھی خدا اور رسول کی باتیں کی جاتی ہیں۔لاکھوں افراد راتوں کو اٹھ کر تہجد پڑھتے ہیں۔ کروڑوں لوگ درود و سلام کی محافل میں شرکت کرتے ہیں۔ اس کے باوجود ہمارا شمار بے ایمان، دروغ گو، بدعنوان اور بری اقوام میں ہوتا ہے۔اگر ان عبادات ، ذکر و اذکارکے باوجود ہم ایماندار نہیں بنتے تو ان عبادات کا فائدہ؟ظاہر ہے کہ ہم دین کا نام لے کر خود کو دھوکہ دے رہے ہیں۔ اللہ کو دھوکہ نہیں دے سکتے کیونکہ وہ ہماری شہ رگ سے بھی قریب ہے ۔ وہ ہمارے دلوں کا حال جانتا ہے۔ مذہبی فرائض اور عبادات کے مقاصد بھی اللہ تعالیٰ نے بیان فرمائے ہیں۔ قرآن کہتا ہے کہ بے شک نماز بے حیائی اور منکرات سے روکتی ہے۔اگرپابندی سے نماز پڑھنے کے باوجود ہم بے حیائی سے باز نہیں آتے ۔ تو اس کا واضح مطلب یہ ہے کہ ہم نماز پڑھنے کی پریکٹس تو کرتے ہیں ۔اس کا حق ادا نہیں کرتے۔ روزے کے بارے میں واضح طور پر قرآن کریم میں مذکور ہے کہ تم پر روزے فرض کئے گئے ہیں جس طرح تم سے پہلے کی امتوں پر فرض کئے گئے تھے۔تاکہ تم پرہیز گار بنو۔ جو انسان روزہ رکھنے کے باوجود پرہیزگار نہیں بنتا۔ جھوٹ بولتا ہے۔ مغلظات بکتا ہے۔ کسی کا حق مارتا ہے۔ ظلم سے باز نہیں آتا۔ اپنے گھر والوں، پڑوسیوں اور دیگر متعلقہ لوگوں کے ساتھ حسن سلوک نہیں کرتا۔ تو روزے کے نام پر دن بھر بھوکا پیاسا رہ کر خود کو سزا دیتا ہے۔ قربانی کا ذکر قرآن میں واضح ہے کہ تمہاری قربانی کا گوشت یا خون اللہ تعالیٰ تک نہیں پہنچتا۔ بلکہ تمہارا خلوص، نیک نیتی، ایثار کا جذبہ اور قرب الی اللہ کی خواہش اللہ تک پہنچتی ہے۔ اگر قربانی کا مطلب بہت سے جانور خرید کر اپنی دولت کا رعب جمانا ہے۔ اور قربانی کا گوشت فریج اور ڈیپ فریزروں میں بھر کر دعوتیں اڑانا ہے تو وہ انسان اللہ کو نہیں بلکہ خود کو دھوکہ دیتا ہے۔ ہم اپنے گریبان میں جھانک کر تھوڑی دیر کے لئے سوچیں کہ ہم خدا اور اس کے رسول کی کتنی فرمانبرداری کرتے ہیں۔ اسلام کی تعلیمات پر کس حد تک عمل کرتے ہیں۔اللہ کی نعمتوں کا کتنا شکر بجالاتے ہیں۔ جن کاموں سے اللہ اور اس کے رسول نے منع کیا۔ ان سے خود کو کتنا دور رکھتے ہیں اور جن کاموں کی تلقین کی گئی ان کی بجاآوری پر کتنی توجہ دیتے ہیں۔اور منافق کی جو تین نشانیاں بتائی گئی ہیں کہ بات کرے تو جھوٹ بولے، وعدے کرے تو اسے توڑ دے اور جب امانت اس کے پاس رکھی جاتے تو اس میں خیانت کرے۔ان میں سے کتنی نشانیاں ہم میں موجود ہیں۔ تو ہمیں اپنے بارے میں فیصلہ کرنے میں زیادہ دشواری نہیں ہوگی کہ ہم کتنے اچھے مسلمان ہیں۔جب یہ طے ہوا کہ ہم اچھے مسلمان نہیں ہیں۔ تو پھر یہ کیسے توقع کرسکتے ہیں کہ ہم پر منصف اور صالح لوگ حکومت کریں گے۔ ہم کیسے توقع کرسکتے ہیں کہ ہماری دعائیں قبول ہوں گی اور ہم پر رحمتوں کی بارش ہوگی اور فرشتے ہماری مدد کو آئیں گے۔علامہ اقبال نے بھی ہمیں یہی سمجھانے کی کوشش کی تھی کہ ’’ آج بھی ہو جو ابراہیم کا ایمان پیدا۔۔ آگ کر سکتی ہے انداز گلستان پیدا۔پہلے ہمیں اپنی ذات کو منکرات سے پاک کرنا ہے۔ ہر شہری اپنی اصلاح کرے گا۔ تو محلے، شہر، صوبے اور پھر ملک کی سطح پر اصلاح ہوگی۔ دنیا والے اسلام کو سلامتی کا مذہب اور مسلمانوں کو صالح قوم تسلیم کریں گے۔اور ایمانداری میں ہم دیگر اقوام سے آگے نکل سکتے ہیں۔

سنا ہے کہ ترقی یافتہ ممالک میں سیاسی بحث ومباحثے کا رواج صرف الیکشن کے دنوں تک محدود ہوتا ہے، اس سےہٹ کر نمائندے اپنا فرض منصبی انجام دیتے ہیں اورعوام اپنے منتخب نمائندوں سے ان کے وضع کردہ منشور کے مطابق اپنا حق طلب کرتے ہیں۔ شاید یہی وجہ ہے ان کے ہاں باتوں سے زیادہ کام کا رواج ہے لیکن ہمارے ہاں معاملہ الٹا ہے۔ الیکشن کے زمانے میں سیاسی بحث و مباحثے ہوتے ہی ہیں اور ہونے بھی چاہئیں لیکن اس کے علاوہ بھی سارا سارا سال سیاست اور گالم گلوچ ایک دوسرے پر بلا جواز تنقید کا سلسلہ تواتر سے جاری رہتا ہے اور پھر یہ رجحان صرف لیڈروں کے مابین ہو تو کسی حد تک سمجھ میں آنے والی بات ہے کیونکہ ان کے درمیان مقابلے کی فضا ہوتی ہے لیکن غضب یہ ہے کہ عام کارکنان جن کا کام صرف ووٹ دینا ہے کے مابین بھی جنگ و جدال کا ماحول گرم رہتا ہے۔ خصوصا سوشل میڈیا کے عام ہونے کے بعد لفظوں کی یہ فضول گولہ باری صبح سے رات گئے تک مختلف محاذوں میں اخلاقی حدود کو پار کرتی نظر آتی ہے حالانکہ ان میں سے اکثر کی حیثیت چاہے وہ جس پارٹی میں بھی ہوں مجھ جیسے ایک روڈ چھاپ کارکن کے سوا کچھ نہیں ہوتی۔ جن کا واحد مصرف صرف جلسہ اور جلوس کی رونقیں بڑھانا ہے۔ اس ساری لفظی جنگ میں جو موضوع زیر بحث نہیں آتا وہ عوام کی فلاح و بہود ہے۔ حالانکہ یہ ساری لڑائی عوام کے نام پہ ہی لڑی جاتی ہے۔

یہ تلخ حقیقت ہمیں پلے باندھنی چاہئے کہ چاہے آپ کا تعلق جس پارٹی سے بھی ہو اگر کل کلان وہ پارٹی بر سر اقتدار آتی ہے تو سب سے پہلے لیڈر، اس کے بچے، عزیز و اقارب، پھر چمچے نوازے جائیں گے اور آپ کو ماسوائے اس جھوٹی خوشی کے کہ میری پارٹی کی حکومت ہے یا کسی وزیر یا ایم این اے کے ساتھ تصویر بنوانے کے اور کچھ بھی ہاتھ نہیں آئے گا۔

کل کی ہی بات ہے یہی میاں نواز شریف صاحب پارلیمنٹ اور اپنے ایم این ایز اور وزیروں تک کو ٹائم دینے کے لئے تیار نہ تھے اور آج جب برے وقت نے لپیٹ میں لے لیا تو آئے دن کارکنوں کے درمیان دکھائی دے رہے ہیں اور پارلیمنٹ کا تقدس بھی انہیں شدت سے یاد آرہا ہے۔

باقی سیاسی رہنمائوں کا حال بھی اس سے مختلف نہیں۔ عمران خان صاحب کل تک زرداری کو ڈاکو کہتے رہے، پھر ڈپٹی چئیرمین سینیٹ کے لئے انہی “ڈاکو” کو ووٹ دے بیٹھے۔ پی ٹی آئی کے میرے بے چارے دوست اس حرام کے وقت بدلنے کے ساتھ حلال ہونے پر یقینا دل میں شرمندہ تو ہوں گے۔۔۔

اب پیپلز پارٹی کو دیکھ لیجئے۔ یہ پچھلے دس سال سے سندھ میں برسر اقتدار ہے۔ یہ اندرون سندھ کے حالات کیا سدھارتے، کراچی کا بھی کباڑا کر دیا اور ہر ہر محکمے میں کرپشن کی داستانیں قائم کیں لیکن انہیں پنجاب کی فکر کھائی جارہی ہے۔حالانکہ جس بھٹو کی یہ جماعت ہے، ان کی سوچ جمہوریت کے ساتھ کمٹمنٹ میں کھلی کتاب ہے، مگر آج انکے سیاسی جانشین غیر جمہوری قوتوں کی خوشنودی میں پنجاب فتح کرنے چلے ہیں اور مقتدر حلقے بھی ان کے لئے نرم گوشہ رکھتے ہوئے سندھ کے کرپشن کیسز سردخانے منتقلی کا پروگرام بنا چکے ہیں۔

تازہ واقعہ ہے، ہمارے جمعیت کے کچھ ساتھی جماعت اسلامی پر اور جماعت والے کچھ دوست ہم پر بے جا تبرا کرتے نہیں تھکتے تھے لیکن آج متحدہ مجلس عمل کے وجود میں آنے کے بعد وہ ایک جھنڈے تلے ووٹ کے حصول کے لئے جدوجہد کر رہے ہوں گے۔۔۔۔ سو سیاست اپنی جگہ کہ اس کی آنکھ میں حیا نہیں ہوتی لیکن ضمیر کے بوجھ تلے ضرور گھٹن محسوس کر رہے ہوں گے لہذا ندامت اور شرمندگی سے بہتر ہے کہ پہلے ہی الفاظ تول کر بیان کئے جائیں تاکہ کل شرمندگی اور خفت اٹھانا نہ پڑے، لہذا گزارش یہ ہے کہ اپنے موقف کو مہذب انداز میں کھل کر بیان کریں، اگر کسی کو اعتراض ہو تو وہ بھی شائستہ انداز میں اس کا اظہار کریں اور کسی پارٹی سے وابستگی بھی ہے تو ڈنکے کی چوٹ پر اس کا اظہار ہونا چاہئے لیکن اپنے مخالف نظریے والے بھائی اور دوست سے خواہ مخواہ اس حد تک بغض اور مخالفت کا بازار گرم کئے مت رکھیں کہ کل کو یہ لیڈر سیاست اور ملکی مفاد کے نام پر ایک ہی اسٹیج پہ ہاتھوں میں ہاتھ دے کر بیٹھے نظر آئیں تو آپ دوسری پارٹی کے اپنے جیسے کارکن سے جلسہ گاہ کی آخری صف میں بیٹھے ان رہنماوں کی خاطر لڑی جانے والی ماضی کے کسی لڑائی کی وجہ سے آنکھیں چار نہ کر سکیں۔

یہ فضول بحث و مباحثے نوجوانوں میں بکثرت عام ہیں۔ جن کو اس عمر میں اپنے مستقبل کا زاد راہ تیار کرنا ہوتا ہے لیکن وہ اپنے اس کے بجائے بے مقصد بحثوں میں اپنا قیمتی وقت برباد کرتے نظر آتے ہیں اور پھر نہ سوال کا ڈھنگ نہ جواب کا سلیقہ، مخص سنی سنائی باتوں کو لے کر ایک دوسرے کے رہنماؤں پر کیچڑ اچھالنے میں اخلاص کے ساتھ سرگردان نظر آتے ہیں۔

سوال ایشوز پر ہو اور جواب بھی اس زاویے میں آئے تو سننے اور دیکھنے والوں کے علم میں اضافے کا سبب ہوتا ہے۔ یہ کیا بات ہوئی کہ آپ ایک لیڈر کو چور بولیں، دوسرا جواب میں آپ کے لیڈر کو ڈاکو کہہ دے۔ یہ وقت کے ضیاع کے سوا کچھ بھی نہیں۔ یاد رکھئے آپ کو بغیر فیس کی اس وکالت سے سوائے کل اپنا وقت برباد کرنے پہ ندامت اور پشیمانی کے کچھ بھی ہاتھ نہیں آئے گا۔۔۔۔۔۔

معصوم بچوں کی مسکراہٹوں اور اُن سے وابستہ امیدیں کو اگر دیکھنا ہو تو اپنے جگر گوشوں کو اپنی نظروں کے سامنے بیٹھاکر اور اس کے فرشتے جیسے معصوم چہرے کو اپنے ہاتھوں میں لیکر اُس کا ماتھا چومیں تو دل میں اٹھنے والے سمندر کی لہروں سے بڑی شفقت و محبت آپ کی روح میں سر تا پیر دوڑ جائیں گی ۔ میں اس وقت اپنے جذبات کو قابو میں رکھنے کی کوشش کررہاہوں ۔ لیکن سانحہ اتنا بڑا ہے کہ میں اسے دوبارہ بیان کرنے کے لئے دلی تکلیف و ذہنی اذیت سے گذر رہا ہوں ۔گزشتہ دنوں افغانستان میں قندوز کے علاقے دشت آرچی پٹھان آباد ‘ میں امریکا و افغان فورسز و بھارتی ہیلی کاپٹروں نے کے ایک مدرسہ ’ ہاشمیہ عمریہ ‘ پرحملہ کیا ۔جہاں طالب علم ختم بخاری شریف کی تقسیم اسناد کی تقریب میں دستار فضیلت باندھے شریک تھے ۔ 150سے زاید معصوم احفاظ قرآن امریکا ،کابل و بھارت گٹھ جوڑ بربریت کا نشانہ بن گئے ۔ دہل دہلانے والی تصاویر اور ویڈیوز نے ہر انسان دوست کی آنکھوں کو اشکبار کردیا ۔ معصوم بچوں کا صرف یہ قصور تھا کہ یہ طالبان ( مدرسے کے طالب علم ) تھے ۔ جارح کے نزدیک ہر وہ شخص طالبان ہوتا ہے جو مدرسے میں تعلیم حاصل کرتا ہے ۔ کیونکہ سوویت یونین کے خلاف اٹھنے والی مزاحمتی تحریک بھی مدارس کے طلبا ( طالبان) نے اٹھائی تھی یہی وجہ ہے کہ امریکا و بھارت او ر مغربی بلاک کے خلاف اٹھنے والی ہر آواز کو طالبائنزیشن سے نتھی کردیا جاتا ہے ۔

پاکستان میں بھی امریکی ڈرون حملوں میں کئی مدارس نشانہ بن چکے ہیں۔2007میں خیبر پختونخوا کے علاقے باجوڑ ایجنسی میں ڈماڈولہ کے مقام پر امریکی حملے میں مدرسے کے80طالب علموں کو شہید کردیا گیاتھا۔ 2013میں بھی ہنگو کے ایک مدرسے پر امریکا نے فضائی حملہ کیا ۔ ڈما ڈولہ حملے کا جواز بتایا گیا کہ اس مدرسے میں خود کش حملہ آورو ں کی تربیت کی جا رہی تھی اور یہ مدرسہ خودکش حملہ آوروں کی تربیت گاہ تھا۔ ڈما ڈولہ کے مدرسے میں سینکڑوں خود کش بمباروں کی تیاری کی خبروں پر فرانس سے ڈرون حملوں پر تحقیقات کرنے والی ایک انوسٹی گیشن جرنلسٹ ٹیم پاکستان آئی اور ڈماڈولہ میں مدرسے پر ہونے والے ڈرون حملے کے حوالے سے تحقیقات کا آغاز کیا ۔ ان کے پاس سرکاری اور غیر سرکاری ذرائع سے مہیا کردہ کچھ معلومات تھی ۔ ٹیم کے مطابق(جاں بحق) ایس پی چوہدری اسلم نے انہیں بتایا تھا کہ اس مدرسے میں کراچی سے تعلق رکھنے دو ایسے طالب علم بھی تھے جو اس حملے میں زندہ بچ گئے تھے باقی سب مارے گئے تھے ۔ ان بچوں کا تعلق پختون آبادیوں سے بتایا جارہاتھا۔ غیر ملکی صحافیوں کے ساتھ مختلف اسائمنٹ پر کام کرنے کے تجربے کی بنا پر مجھ سے بھی رابطہ کیا گیا۔ فرنچ صحافیوں نے دو طالب علموں کے نام کے ساتھ مدرسے کا نام بھی بتایا لیکن ان کی معلومات قیاس آرائیوں پر مبنی تھی۔ لیکن میرے لئے یہ انکشاف حیران کن تھا ۔ راقم نے کئی روز کی تحقیق اور چوہدری اسلم سے رابطے و موصولہ معلومات کے بعد بالا آخر ایک بچے کا سراغ لگا لیا ۔پھر اُس بچے کے والد تک پہنچے ، بچے کا والد فٹ بال کوچ تھا۔ جو کراچی کے پوش علاقے میں کوچنگ کیا کرتا تھا ۔ بچے کے والد انٹرویوکے لئے اس شرط پر تیار ہوگئے کہ ان کی شناخت ظاہر نہیں کی جائے گی ۔ ہم نے بھی وعدہ کرلیا ۔کراچی کے پوش علاقے میں بنے بنگلوز کے گیسٹ ہاؤس میں اس بچے سے ملاقات کی اور اس کے والد سے تفصیل سے سوالات پوچھے ۔ ڈرون حملے میں بچ جانے والے بچے نے بتایا کہ اس کے چچا نے والدین کی اجازت کے بغیر اُسے مدرسے میں داخل کرادیا تھا ۔ جہاں حملہ ہوا تو وہ بھی زخمی ہوگیا تھا ۔ زخمی بچے کی نشان دہی پر گرفتار ہوا اس کے خلاف قانونی کاروائی کی گئی اور اسے سزا بھی ملی تھی۔ فرنچ صحافی کے ساتھ راقم مہیا معلومات پر کراچی کے مخصوص مدارس گیا ۔ خاص طور اُن مدارس میں جن پر الزام تھا کہ وہ بچوں کی برین واشنگ کرتے ہیں ۔ ہم کئی بچوں اور ان کے والدین سمیت مدرسے کے اساتذہ سے بھی ملے ، اندرونی و بیرونی کئی مدارس کی تصاویر بھی اجازت و بنا اجازت بھی لیں ، لیکن کسی بھی مدرسے میں ایسے کوئی آثار نظر نہیں آئے کہ ان میں کوئی غیر قانونی طور پر ٹریننگ کیمپ بنا ہوا ہو۔ ساتھی صحافی مایوس تھے کہ انہیں ایسے کوئی شواہد نہیں ملے تاہم ڈرون حملے میں بچ جانے والے طالب علم اور اس کے والد کا انٹرویو ان کے لئے کافی اہم تھا ۔

مدارس سے متعلق پھیلائی جانے متعدد افواہوں میں نہ جانے کتنی صداقت ہو ۔ لیکن دنیا اس بات کو تسلیم کرتی ہے کہ مدارس دنیا کا سب سے بڑا تعلیمی نیٹ ورک ہے جہاں بھاری فیسوں کے بجائے صاحب ثروت افراد کی مالی امداد اور بعض مدارس کو حکومت کی جانب سے مالی اعانت ملنے کے سبب لاکھوں بچے ابتدائی تا مکمل دینی و عصری تعلیم حاصل کرتے ہیں۔ بلکہ ایسے کئی بیٹھک مدرسے بھی دیکھے جہاں مدراس کے اساتذہ دینی و عصری تعلیم دیتے اور حکومت سے منظور شدہ این جی اوز انہیں معمولی مالی معاوضہ بھی دیا کرتی۔ ایسے مدارس بھی دیکھے جہاں مولوی حضرات این جی اوز سے تنخواہ لیکر طالب علموں کو دینی و عصری تعلیم مفت فراہم کرتے ۔ جس سے ان کے گھریلو مالی حالات میں تبدیلی بھی آئی۔ عموماََایک مدرسے کے مولوی کی ماہانہ تنخواہ چھ سے پانچ ہزار روپے بتائی جاتی ہے۔ مجبوراََ وہ جمعہ و عیدین کی نماز کے بعد اپنے گھریلو اخراجات چلانے کے لئے نمازیوں سے چندہ اکھٹا کرتا ہے ۔ رمضان میں تراویح پڑھا کر آمدنی حاصل کرتا ہے۔ شہری علاقوں میں تو ہمارے پختون علاقوں کی طرح رواج نہیں ہے کہ جہاں امام مسجد کی دنیاوی ضروریات گاؤں کے رہائشی مل جل کر پورے کرتے ہیں۔ مدارس دنیا کی سب سے بڑی این جی او ہے جہاں لاکھوں طلبا و طالبات دن رات ہوسٹل میں رہتے ہیں اور دینی و عصری تعلیم کا حصول و تکمیل بلا معاوضہ پوری کرتے ہیں۔

اس میں کوئی شک و شبہ نہیں کہ پشاور کے آرمی پبلک اسکول میں شدت پسندوں نے حملہ کرکے 16دسمبر کو 150کے قریب معصوم بے گناہ طالب علموں کوشہید کرکے اپنی بربریت کا نشانہ بنایا ۔ اس میں بھی کوئی دو رائے نہیں کہ شدت پسندوں نے متعدد اسکولوں کو بھی بارود خیز مواد مواد سے تباہ کیا ۔ افغانستان کے ایک ایسے اسکول کے پاس صاف پانی میں زہر ملایا دیا تھا جس میں طالبات زیر تعلیم تھیں ۔ زہر خوارنی کے سبب 150معصوم بچیوں کی حالت خراب ہوئی۔ اب تو افغانستان میں کابل فورسز نے خود ایسے سرکاری اسکولوں پر قبضہ کرکے چوکیاں بن لی ہیں جہاں عصری تعلیم دی جاتی تھی ۔ اب اگر ان مورچوں پر مزاحمت کار حملہ کرتے ہیں تو یہ اب سرکاری اسکول نہیں رہے بلکہ کابل و امریکی افواج کی مسلح چیک پوسٹ وچھاؤنی کی شکل اختیار کر چکی ہیں۔ لیکن ان واقعات کو ایسے عناصرسے جوڑ دینا مناسب نہیں ہے جو حقیقی طور پر اسلام کے امن و سلامتی کے پیامبر ہیں۔ قندوز میں نہتے اور بے گناہ احفاظ القرآن معصوم بچوں پر وحشیانہ بمباری کے لئے یہ جواز تراشنا انتہائی گمراہ کن پروپیگنڈا ہے کہ یہاں امارات اسلامیہ کے آئمہ اکرام بھی موجود تھے۔ قندوز میں امریکا، کابل اور بھارتی ہیلی کاپٹرز کے بے رحمانہ حملے میں تادم تحریر ایک بھی ایسا افغان طالبان رہنما زخمی و جاں بحق نہیں سامنے لایا گیا جو امریکی فوج کے نزدیک دستار فضلیت کی تقریب میں شریک تھا ۔ کابل، بھارت اور امریکی حکومت کی جانب سے اس قسم کی کاروائیوں سے افغانستان میں امن کبھی نہیں آسکتا ۔ کیونکہ ردعمل بھی بڑا سخت دیا جاتا ہے ۔

افغانستان میں عام انتخابات گزشتہ تین برسوں سے التوا کا شکار ہیں ۔ کابل حکومت نے اس برس اکتوبر میں عام انتخابات کرانے کا دوبارہ وعدہ کیا ہے ۔ لیکن قرائن و شواہد اظہر من الشمس ہیں کہ کابل حکومت جانتی ہے کہ ماضی کے دھاندلی کی بدترین تاریخ دہرائے جانے والے انتخابات کا انجام کیا ہوا تھا ۔ قیاس یہی کیا جاتا ہے کہ کابل حکومت افغانستان میں امن قائم ہی نہیں کرنا چاہتی اس لئے ازخودمسلسل ایسے واقعات کرائے جاتے ہیں جس سے دنیا میں پیغام جائے کہ افغانستان میں انتخابات کے لئے ماحول سازگار نہیں ۔ کابل حکومت اپنے اقتدار کو طوالت دینے کے لئے اتحادی افواج کو غلط معلومات دینے سے بھی گریز نہیں کرتی ۔ قندوز سانحہ بھی اسی سلسلے کی ایک کڑی معلوم ہوتا ہے۔امریکی صدر نے شام کے حوالے سے اپنی افواج کو شام سے واپس بلانے کا عندیہ ظاہر کیا ہے کہ شام کی مہنگی جنگ امریکی مفاد میں نہیں ہے ۔ لیکن افغانستان میں جنگ ، امریکی کی تاریخ کی مہنگی ترین لاحاصل جنگ ہونے کے باوجود کیونکر جارح ملک میں مفاد میں ہے اس کا جواب امریکی صدر ٹرمپ سمیت ان کے تمام اتحادیوں کے پاس نہیں ۔ معصوم بچوں کو بربریت کا نشانہ بنا کر کیا افغانستان میں امن کی خواہش اور افغان طالبان کو مذاکرات پر لانے کا ڈھونگ اپنے انجام کو پہنچ سکتا ہے۔یقیناََ نہیں ۔ خاص طور پر بھارت کے ہیلی کاپٹرز نے نہتے مسلم حافظ القرآن بچوں پر بربریت میں حصہ لیکر اپنے انتہا پسند سوچ کو مزید پھیلا دیا ہے جو خطے میں امن کے لئے ایک بڑا خطرہ ہے۔یہیں سے واضح ہوجاتا ہے کہ امریکا کیوں چاہتا تھا کہ بھارت افغانستان میں اپنا کردار بڑھائے۔

خبر آئی کہ ڈاکٹر محمد نصیر الدین مدینہ منورہ میں وفات پاگئے اور جنت البقیع ان کی آخری آرام گاہ بنی تو ذہن کی سکرین پر اُن کی قابل رشک زندگی اور قابل رشک موت کے مناظر خیالی تصویر کی صورت میں نمودار ہونے لگے لمبا قد، دبلا پتلا جسم ، چہرے پر سدا بہار مسکراہٹ اور بشاشت ، گفتگو میں متانت اور چال ڈھال میں بے مثال شرافت کا نمونہ تھے سکول کی تعلیم میں میٹرک پاس کرکے دارالعلوم میں داخل ہوئے ، مولانا ایوب جان بنوریؒ کے پسندیدہ شاگر د تھے دارالعلوم سرحد سے شہادۃ العالمیہ کی سند لیکر واپس انگریزی تعلیم کی طرف مائل ہوئے، گریجویشن کے بعد یونیورسٹی میں داخل ہوئے پہلے ایم اے اسلامیات کیا پھر عربی میں ایم اے کیا، اس کے بعدفن حدیث میں تخصص کے ساتھ پی ایچ ڈی کیا خیبر پختونخوا کے ہائر ایجوکیشن ڈیپارٹمنٹ کے معتبر اور بزرگ اساتذہ میں آپ کا شمار ہوتا تھامختلف بورڈوں اور یونیورسٹیوں کے ممتحن تھے ان کی دیانت داری، امانت داری ، صداقت اور راستبازی ضرب المثل کا درجہ رکھنے والی صفات تھیں پروفیسر ڈاکٹر محمد نصیر الدین سابق ریاست کے مردم خیز گاؤں ورکپ تحصیل تورکھو میں 1947ء میں پیدا ہوئے کہا کرتے تھے کہ میری عمر اتنی ہی ہوتی ہے جتنی پاکستان کی عمر ہوتی ہے ان کا کنبہ علمی گھرانوں میں شمار ہوتا تھا ان کے والد الحاج محمد قاضی دارالعلوم دیوبند کے فاضل اور ریاست چترال میں عہدہ قضا پرفائز تھے چترال خاص کے مقام جنگ بازار میں شاہی قبرستان میں مدفون ہیں بڑے بھائی حاجی محمد عرفان الدین نے درس و تدریس میں عمر گذاری چھوٹے بھائی حاجی محمد ظہیر الدین بابر سول سروس میں گئے ’’ہمہ خانہ آفتاب‘‘ والا محاورہ اس گھرانے پر صادق آتا ہے اُن کے پڑدادا مُلا محمد دین خود عالم تھے اور دادا ملاّ برہان الدین بھی عالم دین تھے ڈاکٹر محمد نصیر الدین کی شادی ایون چترال کے ایک علمی گھرانے میں ہوئی آپ کے سسر قاضی صاحب نظام کا شمار چترال کے ممتاز علماء میں ہوتا تھا سیاست میں بھی ان کا بلند مقام تھا پاکستان کے ساتھ سابق ریاست چترال کے الحاق اور انضمام کی تحریک میں انہوں نے مولانا نور شاہدینؒ کے شانہ بشانہ کام کیا ان کی بذلہ سنجی، ادب دوستی ، ادب نوازی اور حاضر جوابی کے لطائف و ظرائف اب بھی زبان زدِ عام ہیں ڈاکٹر صاحب کے ساتھ جن احباب کی رفاقت و صحبت رہی وہ اس بات کے گواہ ہیں کہ آپ بیحد نفیس طبیعت اور حلیم مزاج کے مالک تھے کالج کی سطح پر سزا کا تصور ذرا کمزور سا ہے اس لئے طلباء سرکشی پر مائل ہوتے ہیں بالائی حکام کا رویہ عموماََ ناموافق ہوتا ہے آپ نے کبھی حرفِ شکایت زبان پر نہیں لایا ہشاش بشاش طبیعت کے باوجود آپکا علمی رعب و جلال ایسا تھا کہ طلباء آپ کے اشارے پر اپنی ’’ شرارتیں ‘‘ قربان کرتے تھے ڈائریکٹوریٹ سے آپ کو کبھی شکوہ نہیں رہا کیوں کہ ان کا ہر کام روٹین پر ہواروٹین سے ہٹ کر آپ نے کبھی کچھ نہیں مانگا کالج میں پرنسپلوں کے ساتھ کبھی ان بن نہیں ہوئی کیونکہ ڈیوٹی تدریس کی ہو، ہاسٹل وارڈن کی ہو یا کنٹرولر امتحانات کی ہو، آپ نے پرنسپل کو کچھ کہنے کا موقع نہیں دیااور یہ خوبیاں بہت کم لوگوں میں ہوتی ہیں کالج کی لائبریری ، سٹاف روم اور غلام گردشوں میں سازشیں اور شرارتیں پروان چڑھا کرتی ہیں ڈاکٹر ظہور احمد اعوان، پروفیسر سید تقویم الحق کاکاخیل اور پروفیسر شمشیر نے ایسے بے شمار واقعات کا تذکرہ اپنی کتابوں میں کیا ہے پروفیسر اقبال پراچہ نے بھی اپنی تحریر وں میں ایسے واقعات سے پردہ اُٹھایا ہے مگر ڈاکٹر محمدنصیر الدین نے کبھی اس طرح کی سرگرمیوں میں حصہ نہیں ڈالاوہ ’’ غیبت کلب ‘‘ سے دور رہتے تھے ، گپ شب کی مجلس میں کبھی نہیں بیٹھتے تھے البتہ راہ چلتے ، آتے جاتے یا کسی دفتری میٹنگ میں ہلکی پھلکی نوک جھونک سے ضرور لطف اندوز ہوتے نفسیات کی زبان میں ایسی شخصیت کے لئے انٹر و ورٹ (Intro-vert) کی ترکیب استعمال ہوتی ہے ریٹائرمنٹ کے بعد آپ نے حیات آباد میں گھر بسا لیا برادر نسبتی صالح نظام کو یہ بستی پسند ہے آپ کے ہم زُلف حاجی مسلم الحق بھی حیات آباد میں تا حیات آباد ہیں عرصہ ایک سال سے آپ کی طبیعت نا ساز تھی ہسپتال سے گھر آنے کے بعد بیماری میں کبھی افاقہ ہوتا کبھی بیماری عود کر آتی پروفیسر حسام الدین ان سے ملنے جاتے تو سارے احباب کا احوال پوچھتے ٹیلیفون پر ان کے ساتھ بات ہوتی تو دیر تک دوستوں کا ذکر کرتے 24 مارچ کو عمرہ کی ادائیگی کے لئے حرمین شریفین کے سفر پر روانہ ہوئے اہلیہ اور منجھلے بیٹے محمد اطہر الدین کو ساتھ لیا ایک ہفتہ بعد مدینہ منورہ سے آپ کی وفات کی خبر آئی اپنی صداقت ، دیانت اور شرافت کی وجہ سے بلا شبہ اس اعزاز کے مستحق تھے کہ جنت البقیع آپ کو اپنی آغوش میں لے لے چنانچہ ایسا ہی ہوا ’’ پہنچی وہیںیہ خاک جہاں کا خمیر تھا‘‘ اللہ پاک مرحوم کے درجات کو بلند کرے اور پسماندگان کو صبرجمیل کے ساتھ ترقی ، سرفرازی اور دین و دنیا کی کامیابیاں عطا فرمائے ( آمین) آپ کا بڑا بیٹا میجر محمد مظہر الدین آرمی ایوی ایشن میں ہے منجھلا بیٹا محمد اطہر الدین ، چھوٹا بیٹا محمد اظہر الدین دونوں ابھی تعلیم کے مراحل طے کررہے ہیں صاحبزادی بھی زیر تعلیم ہے پروفیسر ڈاکٹر محمد نصیر الدین اُن خوش قسمت لوگوں میں سے تھے جن کی زندگی نیک نامی سے عبارت تھی اور جن کی موت بھی قابل رشک قرار پائی ؂
بچھڑا کچھ اس ادا سے کہ رُت ہی بدل گئی
ایک شخص سارے شہر کوویران کر گیا

تحریر: یاسمین ارشد
ڈپٹی ڈائریکٹرمحکمہ اطلاعات خیبر پختونخوا
تفر یح ایک فطر ی ضر ورت ہے جو روزمر ہ کی سر گر میوں سے تھکے ہو ئے انسا ن کو کا روبا ر زند گی کیلئے پھر سے تا زہ دم کرکے فعا ل کر دار ادا کر نے کے قا بل بنا تی ہے لیکن تفر یح کیلئے مو زوں تفر یحی مقا م کا ہو نا لا زمی ہے جہا ں انسان خو بصو رت اور صحت افزا نظا روں کا مشا ہدہ کر ے، نئے مقا مات دیکھے اور نئے تجر بو ں سے گز رے۔ کچھ تفر یحی مقا ما ت ایسے ہو تے ہیں جہا ں قد رتی منا ظر کی فرا وانی انسا نو ں کو شہر کے شو ر و غل سے دور لے جا کر فطر ت سے قر یب کر دیتی ہے۔ لو گ ایسے مقامات دیکھنے کے آرزو مند ہو تے ہیں اور تجسس کا یہ احسا س انہیں نئے نئے مقا ما ت کی طر ف راغب کرتا ہے جہا ں وہ حسین قدر تی نظاروں سے پو ر ی طر ح لطف اندوز ہو تے ہیں۔

پا کستا ن تحر یک انصا ف کی حکو مت نے صو بہ خیبر پختو نخوا کی بحا لی تر قی اور خصو صا پشا ور کی خو بصو رتی کا تہیہ کر رکھا ہے اور پشا ور میں چڑ یا گھر کے منصو بے کی تکمیل حکو مت کے اس عز م کا عملی ثبو ت ہے۔ صوبا ئی حکو مت نے طو یل عر صے سے تجا ویز کی حد تک محدود چڑ یا گھر کے منصو بے کو عملی شکل دینے کا اعزاز حا صل کر لیا ہے۔ راحت آباد پشاور میں واقع یہ چڑیا گھر اہلیا ن پشا ور کیلئے ایک تحفہ ہے۔ ما حو ل کی آلو دگی سے دور پر سکو ن علا قے میں اس منصو بے کو پشا ور کی تر قی اور مثبت تبد یلی کی سمت خو شگوار قد م قرا ر دیا جا سکتا ہے جس کو وقت کے ساتھ ساتھ تر قی دی جا تی رہے گی۔ تا ریخی دستا ویزات سے پتہ چلتا ہے کہ دنیا کا پہلا چڑ یا گھر چینی حکمرا نوں نے 1100 قبل مسیح میں بنا یا تھا جبکہ پہلا چلتا پھر تا چڑیا گھر بر طا نو ی حکمرا ن ہنر ی اول نے قا ئم کیا تھا بعد ازاں ٹا ور آف لند ن کے نز دیک ایک مستقل چڑ یا گھر قائم کر کے شا ہی مجمو عہ وہا ں منتقل کر دیا گیا۔ یہ چڑ یا گھر 1928 تک مو جو د رہا جس کے بعد ریجنٹس پا رک میں لند ن زو قا ئم کیا گیا جسے بر طا نیہ کا پہلا چڑیا گھر ہو نے کا اعزاز حا صل ہے۔ دنیا کا سب سے بڑا چڑ یا گھر بر ونکس زو ہے جو نیو یا رک میں واقع ہے جبکہ دنیا کا سب سے بڑا اور انو کھا زوالو جیکل گا رڈن ما لٹازوا لو جیکل گا رڈن ہے، ٹو کیو کا چڑیا گھر ایسا انوکھا چڑیا گھر ہے جہا ں شیر آزادانہ چہل قد می کر تے ہیں جبکہ یہ نظا رہ سفا ری پا رکو ں کے علا وہ کسی اور چڑیا گھر میں نہیں دکھا ئی دیتا۔ جا نو روں میں انسا ن کی دلچسپی اور ان سے تعلق اتنا ہی قد یم ہے جتنی کہ انسا نی تا ریخ ۔ 400 قبل مسیح میں ارسطو نے جا نو روں کے با رے میں تحقیق کی اور حیو ا نا ت پر پہلی انسا ئکلو پیڈیا لکھ کر نہ صر ف انسا نو ں کی جا نو روں میں دلچسپی کا ثبو ت پیش کیا بلکہ آنے والی نسلو ں کے لئے جا نو روں سے متعلق قا بل قد ر تحقیقی مواد اور معلو ما ت فرا ہم کیں۔ پا کستا ن کے شہروں خصو صا اسلا م آبا د، لا ہو ر اور کراچی میں مو جو د چڑیا گھر لو گو ں کی تو جہ کا مر کز ہیں۔ لا ہو ر کا چڑیا گھر 1872 میں پا کستا ن کے صوبہ پنجا ب میں قا ئم کیا گیااور برا عظم ایشیا ء کے بڑے چڑیا گھروں میں اسکا شما ر کیا جا تا ہے جب لا ہو ر کا چڑیا گھر بنا تو لعل

ما ہندارا م نے چڑیا گھر کیلئے پر ند ے فرا ہم کئے۔ جو ں جو ں وقت گزرتا گیا انکی تعداد اور اقسا م میں اضا فہ ہو تا گیا اور اب اس چڑیا گھر میں
پرندوں اور مختلف اقسام کے جانوروں کے علا وہ نباتاتی باغ بھی موجود ہیں۔

دنیا کے اکثر شہروں میں چڑیا گھر مو جو د ہیں جہا ں جا نو روں کی حر کا ت و سکنا ت اور عا دات کا نہا یت قر یب سے مطا لعہ کیا جا تا ہے۔ بچو ں کیلئے چڑیا گھر کی سیر ایک دلچسپ تفر یح ہو تی ہے جس سے وہ بے حد لطف اندوز ہو تے ہیں ۔ آج کے دور کا ہر انسا ن ذہنی دبا ؤ اور تنا و کا شکا ر ہے۔ ایسے میں لو گ چھٹی کے دن اپنی فیملی یا دوست احبا ب کے ہمراہ پر کشش مقا ما ت پر جا کر کچھ وقت سکو ن کے ساتھ گزارنے میں راحت محسو س کر تے ہیں۔ پشاور میں تفر یح کے لئے پا رک تو بہت ہیں جیسے ڈیفنس پا رک، وزیر با غ، چا چا یو نس پا رک، گر یژن پا رک، با غ نا ران، تا تا را پا رک وغیر ہ جو عوام کیلئے دلچسپی کا سا ما ن مہیا کرتے ہیں لیکن پشاور کے با سی چڑیا گھر کی تفر یح سے محروم تھے۔ نو شہر ہ پا رک میں کچھ جا نو راور پر ندے لو گو ں کی دلچسپی کیلئے رکھے گئے ہیں جن کا مقصد تفر یح کو فر وغ دینا ہے لیکن با قا عدہ ایک ایسے چڑیا گھر کی کمی تھی جس میں جا نو ر اور پر ندے آزادانہ گھو م سکیں، لو گ انہیں قر یب سے دیکھیں اور خو شی محسو س کر یں۔

12 فروری 2018 کوخیبر پختو نخوا کے وزیر اعلیٰ پر ویز خٹک نے بچو ں اور بڑوں کیلئے تفر یح کا احسا س کر تے ہو ئے چڑیا گھر کے منصو بے کا با قا عدہ افتتا ح کیا۔ پشاور میں پلو سی روڈ پر پا کستا ن فا رسٹ انسٹی ٹیو ٹ کی حدود میں واقع چڑیا گھر خیبر پختو نخوا کے عوا م کیلئے بیش بہا تحفہ ہے یہ پا کستا ن کا پہلا چڑیا گھر ہے جسے ایک جا مع پلا ن کے تحت بین ا لا قوامی معیا ر کے مطا بق تعمیرکیا گیا ہے۔ 29 ایکڑ کے وسیع رقبے پر پھیلا ہو ا یہ چڑیا گھر اپنی نو عیت کا ایک منفرد منصوبہ ہے جو لا ہو ر اور اسلا م آبا د میں مو جو د چڑیا گھرو ں سے بھی رقبے کے لحا ظ سے وسیع ہے۔ اس منصو بے کی تخمینہ لا گت 2100 ملین روپے ہے۔ اس کیلئے 270 ملین روپے کے نا یا ب جا نو ر مختلف مما لک سے پہنچنا ابھی با قی ہیں۔ وزیراعلیٰ خیبر پختو نخوا پر ویز خٹک کی جا نب سے پشاور کی خو بصورتی کو دو با لا کر نے کیلئے یہ چڑیا گھر کا قیا م نہ صرف بچو ں کیلئے خو شی، تفر یح اور مسرت کا با عث بنا ہے بلکہ عوام اور طلبا ء کیلئے جا نو روں سے متعلق تحقیقی مواد اور معلو ما ت کا ذریعہ بھی بنے گا۔ چڑیا گھر کے قیا م سے تفر یحی سہو لیا ت کے علا وہ حیا تیا تی تحقیق کے فروغ میں بھی مدد ملے گی ۔ سیر و تفر یح کیلئے آنے والے لو گو ں کو مزید سہو لیا ت دینے کیلئے اس کے قر یب دو رویہ سڑ ک کی منظو ری دی گئی جس سے آمدورفت میں آسا نی پیدا ہو گئی ہے۔

پشا ور کے چڑیا گھر میں داخل ہو نے کے راستہ کو خوبصو رت جا نو روں کے مجسمو ں سے آراستہ کیا گیا ہے اس کی خو بصو رتی اور دلکشی خصو صاً ننھے بچو ں کو اپنی طر ف کھینچتی ہے اور وہ خو شی سے سر شار ہو کر دوڑتے ہو ئے چڑیا گھر میں داخل ہو تے ہیں۔ یہ نظارہ دیکھ کرصو بہ خیبر پختو نخواکے وزیر اعلیٰ پر ویز خٹک کے اس شا ہکا ر منصوبے کو داد دینے کو دل چا ہتا ہے کیونکہ پشا ور کے با سیو ں کے لئے خو بصو رت چڑیا گھر کایہ انمول تحفہ ہے جوصو بے کے عوام کیلئے خو شی کی علا مت بن گیا ہے ۔چڑیا گھر میں داخل ہو نے کیلئے خواتین و حضرات کیلئے علیحدہ علیحدہ گیٹ بنا ئے گئے ہیں جن میں خو اتین اور بچو ں کو اندر جا نے میں کسی دشو ار ی کا سا منا نہیں کر نا پڑتا۔ گیٹ کے اندر داخل ہو تے ہی ایک وسیع رقبے پر پھیلا سر سبز و شاداب چڑیا گھر آپ کی خو شی کو دوبا لا کر تا ہے۔ 29 ایکڑ رقبے پر پھیلے چڑیا گھر کا ڈ یڑھ سا ل کے قلیل عر صے میں قیام عزم اور عمل کی منہ بو لتی تصو یر ہے اس کی تزئین و آرائش کے کام کی تکمیل جا ری ہے چڑیا گھر میں جا نو روں اور پر ندوں کیلئے

خو بصورت 10 کیجیز بنا ئے گئے ہیں جن میں مختلف قسم کے جا نو ر جن میں پر ند ے شیر، چیتا، بندر، مار خور، ہر ن، اونٹ، چکو ر، شتر مر غ ، تتلیا ں اور طو طوں کے علاوہ مختلف چرند پر ند قدرتی ماحو ل میں جمع کئے گئے ہیں۔ ان میں زیا دہ تر پا کستا ن کے مختلف شہروں لا ہو ر، چترا ل وغیرہ سے خر یدے گئے ہیں جبکہ زرافہ اور ہاتھی افریقہ سے منگوائے جا رہے ہیں ۔ ان جانوروں اور پرندوں کی تعداد میں اضافے کی بھی توقع ہے۔ اکثر چڑیا گھر وں میں دیکھا جاتا ہے ہے کہ جانور لوہے کے بڑے بڑے پنجرورں میں قید ہوتے ہیں جو بے بسی اور لا چاری کی منہ بولتی تصویر دکھائی دیتے ہیں اس لحاظ سے پشاور کے وسیع رقبے پر بننے والے چڑیا گھرمیں جانوروں اور پرندوں کے آزادانہ گھومنے کیلئے اچھا ماحول فراہم کیاگیا ہے ۔ جانوروں کیلئے پنجرووں کا نقشہ اس طرح تیار کیا گیا ہے ۔ جہاں ان کے آرام کرنے اور چھپنے کی مناسب جگہیں موجود ہیں ۔جانور سارا دن ٹہل ٹہل کر گزارتے ہیں اور جب تھک جاتے ہیں تب انہیں آرام کرنے کیلئے تنہائی درکار ہوتی ہے۔ ایسے میں انہیں جنگل جیسی کسی ایسی جگہ کی تلاش ہوتی ہے جہاں وہ کچھ وقت سکون سے گزار سکیں کیونکہ وہ جنگل میں صاف ستھرے اور خاموش ماحول کے عادی ہوتے ہیں اس لئے انہیں مصنوعی جنگل جیسی سہولیتیں درکار ہوتی ہیں ورنہ بصورت دیگر لوگوں کو پژمردہ جانور دیکھنے کو ملتے ہیں۔ جانوروں اور پرندوں کو پنجروں میں تفریح کا سامان بھی مہیا گیا ہے پشاور کے چڑیا گھر میں بچوں اور بڑوں کی تفریح اور خوراک و طعام کو بھی مد نظر رکھا گیا ہے۔ یہاں کیفے ٹیریا، ٹک شاپس،واکنگ ٹریک، چلڈرن پارک بھی بنائے گئے ہیں اور سفاری زو کے نام سے گاڑیاں بھی موجود ہیں جو تفریح کرنے والوں کو آرام وسہولیات فراہم کرینگی۔
چڑیا گھر کی سیر کیلئے آنے والے جب تفریح کرکے تھک جائیں تو تھکاوٹ دور کرنے کیلئے خوبصورت لان بنائے گئے ہیں۔ جہاں بیٹھ کر خوبصورت نظاروں سے لطف اندورز ہو سکتے ہیں اس کے اندر مناسب اور معیاری ریسٹورنٹ موجود ہیں جہاں بازار کی نسبت سستی اور معیاری خوراک کا بھی انتظام کیا گیا ہے جن میں چکن بروسٹ ، برگر، شوارما، پیزہ ، سموسے ، پکوڑے ، دھی بھلے، گول گپے، کول ڈرنکس، منرل واٹر اور چائے وغیرہ شامل ہیں ۔ پینے کے پانی کا مناسب انتظام کیا گیا ہے اور مختلف جگہوں پر واٹر کولر رکھے گئے ہیں اس کے ساتھ ساتھ خواتین حضرات کیلئے مختلف جگہوں پر علیحدہ علیحدہ واش روم بنائے گئے ہیں۔ ایڈمن آفیسر نعمت اللہ صاحب نے راقم کو بتایا کہ چڑیا گھر میں ایمرجنسی کی صورت میں فوری طبی امدادکیلئے کلینک اورمیڈیسن سٹور بھی موجود ہے ۔ انہوں نے مزید بتایاکہ گاڑیوں کی پارکنگ کیلئے ایک پلازہ تعمیر کیا جا رہا ہے جس پر کام جاری ہے۔ چڑیا گھر میں صفائی کا خصوصی خیال رکھاگیا ہے صاف ستھری گزر گاہیں اور صاف شفاف پارک ہیں نعمت اللہ صاحب نے بتایا کہ یہ 2020 تک پوری طرح مکمل ہونے والا منصوبہ ہے اور اس میں اب تک صرف 30 فیصد کام ہوا ہے۔ اسکی تزین و آرائش کا کام ابھی جاری ہے جسمیں وقت کیساتھ ساتھ نکھار آتا رہے گا۔

چڑیا گھر کے اندرواکنگ ٹریک کو دیکھا تو خیال آیا کہ کیا ہی اچھا ہوگا اگر اس ٹریک کی جگہ ایک خوبصورت ندی بنائی جائے راقم تجویز کی صورت میں وزیر اعلیٰ خیبر پختونخوا کی توجہ اس جانب مبذول کرانا چاہتی ہے کہ مجوزہ ندی اتنی ہی جگہ گھیر تی ہے جتنی جگہ پر یہ ٹریک بنا ہے۔ اور اس ندی کے دونوں اطراف کو سر سبز و شاداب بنا کر مصنوعی جانوروں ، مصنوعی پرندوں ، درختوں، پھولوں ،، بیل بوٹوں ،

خوبصورت جھاڑیوں ، چھوٹی چھوٹی پہاڑیوں، خوبصورت پتھروں سے سجایا جائے۔ اس ندی کے کناروں کو ہمارے کلچر کے نمونوں سے آراستہ کیا جائے اسی طرح چھوٹی خوبصورت کشتیوں کو ندی میں چلا کر تفریخ کیلئے اس کودلچسپ بنایا جائے تا کہ وہ نہ صرف ندی کے اجلے پانی میں چلتی ہوئی کشتی کا لطف اٹھائیں بلکہ ارد گرد کے پھیلے ہوئے ان خوبصورت نظاروں کو اور کلچر کے منا ظرے کو دیکھ کر بین الاقوامی سفاری (Safari World )ورلڈ کا مزہ اٹھا سکیں ۔ بنکاک چڑیا گھر کے دورے کے موقع پر وہاں کی سفاری ندی کے منظر نے راقم کو بہت متاثر کیا ۔ جس میں تفریح کے ساتھ بنکاک کی ثقافتی زندگی کی خوبصورت منظر کشی کی گئی تھی۔
اس کے علاوہ جانوروں اور پرندوں کے پنجروں کے اندر درختوں کی شاخوں کو خوبصورت رنگوں سے سجا کر پنجروں میں رکھا جائے۔ پنجروں کے اندر پتھروں سے چھوٹی چھوٹی پہاڑیاں بنائی جائیں اس کے اندر درخت لگائے جائیں اور اسکی زمین کو سر سبز بنایا جائے۔ اس سے اس کی اندرونی خوبصورتی کو چار چاند لگ سکتے ہیں ہر جانور کے پنجرے کے باہر اسکا آرٹیفیشل مجسمہ بنا کر لگایا جائے تا کہ دور سے دیکھ کر معلوم ہو سکے کہ اس میں کون سا جانور یا پرندہ ہے۔

خیبر پختونخوا کے وزیر اعلیٰ پرویز خٹک عوامی شکایات کو اپنی مصروفیات پر ترجیح دیتے ہیں اور یہ اس کا ثبوت ہے کہ وہ اس عظیم منصوبے کو کامیابی سے ہمکنار کرنے کیلئے وقتاً فوقتاً چڑیا گھر کے اچانک دورے کرکے منصوبے پر کام کا جائزہ لیتے ہیں اور اس میں مزید بہتری کیلئے ہدایات بھی دیتے ہیں۔ وزیر اعلیٰ خیبر پختونخوا پرویز خٹک کی خصوصیت ہے کہ وہ طویل المعیاد منصوبوں کو مختصر وقت میں پایہ تکمیل تک پہنچانے کا گربخوبی جانتے ہیں۔

12 فروری 2018 کو اس منصوبے کے افتتاح کے بعد لطف اٹھانے والے شہریوں نے چڑیا گھر کے پرندوں اور جانوروں کی جسطرح پزیرائی کی وہ لطف کی بجائے جانوروں کی ایزا رسانی اور چڑیا گھر انتظامیہ کی پریشانیوں میں بدل گئی۔
کون باشعور انسان ہوگا جو معصوم جانوروں کو کنکریاں اور پتھر مارے اور انہیں خوفزدہ کرے۔مہذب انسان اور ایک اچھے شہری ہونے کے ناطے ہم سبکو جانوروں کی حفاظت اور ان کے ساتھ اچھا برتاؤکرنا چاہئیے

پاکستان کی سرزمین دلکش مناظر سے آراستہ ہے اور وسیع حیاتیاتی انواع کو اپنے دامن میں سمیٹے ہوئے ہے جہاں نگاہوں کو راحتیں بانٹنے میں قدرت اتنی فیاض ہو وہاں مرجھائے ہوئے چہروں پرخوشیاں بکھیرنے میں ہم کیوں بخل سے کام لیں۔ پاکستان تحریک انصاف کے سربراہ عمران خان اورصوبائی قیادت خصوصاًوزیر اعلیٰ خیبر پختونخوا پرویز خٹک نے وقت کے ساتھ ساتھ بڑی بڑی تبدیلیوں کے جو وعدے کئے وہ تیزی سے پایہ تکمیل تک پہنچانے میں مصروف ہیں اور ہماری دعا ہے کہ یہ حکومت جب اپنی مدت پوری کرے تو خیبر پختونخوا ایک ماڈل صوبے کی حیثیت اختیار کرچکا ہو۔آمین