بزمِ درویش – عید کے بکرے – تحریر:پروفیسر محمد عبداللہ بھٹی

Posted on July 26, 2021July 26, 2021

بزمِ درویش – عید کے بکرے – تحریر:پروفیسر محمد عبداللہ بھٹی

آج بہت دنوں بعد امریکہ سے چوہدری جمیل صاحب کا فون آیا۔وہی زندگی سے بھر پور جوش آواز ایسی آواز جس سے مخلوق خدا کا درد اور مدد کا جذبہ ٹھاٹھیں مار رہا تھا حال احوال کے بعد کرونا کی تباہ کاریوں پر بات چیت کہ کس طرح سر زمین چین سے پھوٹنے والی پراسرار وبا کرونا نے دنیا کے سب سے ترقی یافتہ اکلوتی سپر پاور کو اُدھیڑ کر رکھ دیا کرونا کے خوفناک اثرات جب امریکہ میں پھیلے تو اپنی ہی ذات میں گم رہنے والی امریکی جو احساس تفاخر کے کے ٹو پر ہمہ وقت سوار خود کو دنیا کا خدا سمجھتے تھے کرونا کے ہاتھوں جب بے بس ہو کر زمین پر رینگتے کیڑے مکوڑوں کی طرح بے بسی سے ہاتھ مارنے لگے امریکی زیادہ تر ملحد لادین ہوچکے جو چرچ کا رخ صرف شادی موت پر ہی کرتے ہیں کرونا کے خو ف سے خدائے لازوال سے معافیاں مانگتے نظر آئے۔

کرونا وبا نے سپر پاور کے طاقت اور غرور کے غبارے سے ہوا نکال کر رکھ دی وہ امریکہ جو ساری دنیا کا مالک بنا بیٹھا تھا بے بسی کا مجسمہ بنا نظر آیا جبکہ متاثرین کی تعداد لاکھوں اور مرنے والوں کی تعدا روزانہ ہزاروں میں پہنچی تو امریکیوں کو بھی ان کی اوقات یا دآگئی کہ اِس کائنات کا مالک امریکہ نہیں بلکہ سارے جہانوں کا مالک خدائے لازوال ہے زمینی خداؤں کے حکمرانی نہیں بلکہ بنانے والے خدا ئے ذوالجلال والاکرام کی ہے کرونا کی تباہ کاریوں اور امریکیوں کی بے بسی پر بات چیت کے بعد چوہدری صاحب اصل بات کی طرف آئے پروفیسر صاحب جس طرح اللہ تعالی کی توفیق سے پچھلے کئی سالوں سے میں غریبوں میں قربانی کا گوشت اور سالم بکرے تقسیم کرتا ہوں وہ نیک عمل اِس سال کرونا کی وجہ سے بند نہیں ہو گا بلکہ ماضی کی طرح اُسی طرح مستحق لوگوں تک قربانی کی خوشیاں پہنچیں گی.

میں تو کرونا اور قرنطینہ کی وجہ سے پاکستان نہیں آپاؤں گا لیکن میں نے بھانجے کی ڈیوٹی لگائی ہے وہ ماضی کی طرح اُسی طرح قربانی کا گوشت تقسیم کر ے گا میں چوہدری صاحب کے ایمانی جذبے سے سرشار سا ہوگیا چوہدری صاحب کی یہ انسان دوستی بہت بھاتی ہے ان کی خدمت خلق کے جذبے کہ وجہ سے میرے دل میں اُن کا بہت احترام ہے کہ موجودہ دور کے مادیت پرستی کے طلسم ہوشربا کے زمانے میں جب موجودہ مادی انسان مادیت پرستی کی کبھی نہ ختم ہونے والی شاہراہ پر اندھا دھند دوڑے چلے جا رہے ہیں اِس پر فتن دور میں بھی چوہدری صاحب جیسے درد دل رکھنے والے انسان مغرب کے دیس میں خدمت خلق کی شمع جلائے ہوئے ہیں جہاں پر انسان خدا اور مذہب سے ناطہ توڑ کر لادینی کے اندھیروں میں گم ہو چکا ہے چوہدری صاحب جیسے لوگوں کو دیکھ کر ہی تو سر ماؤں سے شفیق خدا یاد آتا ہے جو معاشرے کے توازن اور غریبوں تک اپنے انعامات پہنچانے کے لیے انسانوں کے دلوں میں سخاوت اور خدمت خلق کا جذبہ ڈالتا ہے خوش قسمت ہوتے ہیں وہ لوگ جن کو حق تعالی ایسے نیک کاموں کے لیے چُن لیتا ہے

چوہدری صاحب سے میری پہلی ملاقات چند سال پہلے اُس وقت ہوئی جب امریکہ میں ان کی بہن نے اُن کو میرانام پتہ دیا رابعہ بہن اپنے خاندانی مسائل کے لیے چند سال پہلے میرے پاس آئی تھیں اللہ نے جب ان پر کرم خاص کر دیا تو عقیدت بھرا رشتہ قائم ہو گیا چوہدری صاحب اپنے بیٹے کے حوالے سے پریشان تھے پاکستان آئے تو مُجھ سے بھی ملے دو چار ملاقاتوں میں تعارف شناسائی میں ڈھل گیا پہلی باقاعد ہ تفصیلی ملاقات اُس وقت ہوئی جب چند سال پہلے بقرہ عید پر چوہدری صاحب میرے پاس آئے اور بولے میں صرف قربانی کر نے پاکستان آیا ہوں اللہ تعالی نے مجھے بہت ساری دولت سے نواز رکھا ہے بلکہ رب تعالی نے مجھے میری اوقات سے زیادہ نواز رکھا ہے اتنی میری اوقات نہیں تھی میں بچپن میں ہی یتیم ہو گیا تھا بچپن جوانی غریت کی کڑی دھوپ میں گزری پھر یورپ سے امریکہ چلا گیا تو اللہ تعالی نے میرے اوپر رزق کی بارش کر دی دولت مند ہونے کے بعد بھی میں اپنی غربت اوقات نہیں بھولا جہاں تک ممکن ہو تا ہے غریبوں تک پہنچنے کی کو شش کرتا ہوں میں ہر سال اپنے والدین اور شہنشاہ دو عالم محبوب خداﷺ کے نام کے بہت سار ے جانور ذبح کر کے گوشت غریبوں میں تقسیم کرتا ہوں وہ جانور میں نے لے لئے ہیں کل آپ میرے ساتھ چل کر اُن جانوروں کو دیکھیں گے

ساتھ میں چند حق دار غریب خاندانوں کا پتہ بھی دے دیں تاکہ ان تک قربانی کا گوشت پہنچا یا جا سکے چوہدری صاحب کا قابل تحسین جذبہ اور انسانوں سے پیار مجھے ان کے ساتھ دریا ئے راوی کے اُس پار لے گیا جہاں پر حیرتوں کا سمندر میرا منتظر تھا ایک فارم ہاؤس پر بہت سارے صاف ستھرے بکرے ادھر اُدھر گھوم رہے تھے یہاں پر قربانی کے تمام قسم کے جانور چارہ کھاتے نظر آرہے تھے چوہدری صاحب نے جانوروں کی دیکھ بھال کا خوب انتظام کیا ہوا تھا صحت مند تازہ چارے کے ساتھ مختلف قسم کے پھل جو جانور شوق سے کھاتے ہیں وہ بھی جانوروں کو کھلائے جا رہے تھے سفید بکروں کو صابن سے خوب نہلا کر اُن پر مہندی کے پھول بوٹے اور گلوں میں گانیاں ہار ڈالے ہوئے تھے جانوروں کے لیے تازہ چارے کے ساتھ ٹھنڈا پانی بھی خوب میسر تھا اس طرح جانوروں کی بھوک کے ساتھ ساتھ گرمی کا توڑ بھی کیا گیا تھا

اب میں اور چوہدری صاحب بہت سارے جانوروں کے ساتھ گھوم رہے تھے چوہدری صاحب جانوروں کی دیکھ بھال میں مصروف ہو گئے تو وہاں پر موجود کام کرنے والا بندہ میرے پاس آگیامیری متجسس فطرت اُس سے چوہدری صاحب کے بارے میں سوال کرنے لگی تو اُس بندے نے بتایا چوہدری صاحب انسان نہیں فرشتہ ہے جو انسانوں سے پیار کرنے کے لیے اللہ نے زمین پر بھیجا ہے چوہدری صاحب نے ایک لسٹ بنا رکھی ہے جس کے مطابق وہ عید کے تین دن گوشت تقسیم کر تے ہیں سب سے خوشگوار حیرت مجھے اُس وقت جب پتہ چلا کہ ایسے خاندان جن کے افراد زیادہ ہیں چوہدری صاحب ان کو عید سے پہلے سالم بکرہ دے دیتے ہیں یا چند خاندانوں کو بڑا جانور دے دیتے ہیں میں نے لوگوں کو عید کا گوشت تقسیم کرتے تو بہت سنا یہ پہلا شخص تھا جو عید سے پہلے مستحق لوگوں کے گھروں میں سالم جانور دیتا ہو .

جب چوہدری صاحب میرے قریب آئے تو میں نے ممنون ستائشی نظروں سے چوہدری صاحب کی طرف دیکھا اور پوچھا چوہدری صاحب سنا ہے آپ قربانی پر گوشت نہیں سالم بکرے لوگوں میں بانٹ دیتے ہیں تو وہ بولے ایسے گھر جہاں غربت نے ڈھیرے ڈالے ہوں اور چھوٹے بچے ہوں جب محلے والے اپنے جانوروں کی گلی میں نمائش کریں گے تو وہ چھوٹے بچے حسرت بھری نظروں سے ان جانوروں کو دیکھیں گے اُن کی خوشی کے لیے میں ایسے گھروں میں سالم جانور دے دیتا ہوں تاکہ وہ غریب یتیم بچے بھی خوشی سے اپنے جانور کو دیکھ اور محسوس کر سکے میں چوہدری صاحب کے جذبہ انسانیت سے متاثر اور سر شار ہو چکاتھا چوہدری صاحب بولے پروفیسر صاحب دعا کریں اللہ مجھے معاف اور جنت عطا کرے تو میں آسمان کی طرف اشارہ کر کے بولا چوہدری صاحب وہ اب آپ کو معاف بھی کرے گا اور روز محشر یقینا آپ کے لیے جنت کے سارے دروازے کھول دیے جائیں گے آپ جہاں سے مرضی داخل ہو جائیں۔

عالم اسلام کی عید قربان کیسی ہوتی ہے – تحریر :حافظ عثمان علی معاویہ

Posted on July 26, 2021

اللہ تعالیٰ نے جناب نبی اکرم صلی اللہ علیہ وسلم سے فرمایا کہ آپ کہہ دیجئے کہ میری نماز، میری قربانی، میری زندگی اور میری موت سب کچھ اللہ تعالیٰ کے لیے ہے، مسلمان کی ہر عبادت محض رب العالمین کی خوشنودی حاصل کرنے کے لیے ہوتی ہے۔
دیگر عبادات کے ساتھ ساتھ عید الاضحی کی قربانی بھی اللہ تعالیٰ کی طرف سے امت مسلمہ پر لازم ہے
عالم اسلام کی عید قربان بڑے جوش و خروش سے منائی جاتی ہے۔

یہ عظیم عبادت ایک طرف اللہ کا حکم ہے تو دوسری طرف سنت ابرھیمی کے ساتھ سنت حبیب خدا بھی ہے
نبی اکرمؐ نے خود قربانی کی ہے اور امت کو قربانی کرنے کا حکم دیا ہے۔ حضرت عقبہ بن عامرؓ فرماتے ہیں کہ ایک دفعہ عید الاضحی کے موقع پر جناب نبی اکرمؐ نے بھیڑ بکریوں کا ایک ریوڑ میرے سپرد کیا اور فرمایا کہ اسے میرے صحابہ میں قربانی کے لیے تقسیم کر دو۔ حضرت علی کرم اللہ وجہہ دو جانور عید قربان پر ذبح کیا کرتے تھے اور فرماتے تھے کہ مجھے نبی اکرمؐ نے وصیت فرمائی تھی کہ ان کی طرف سے بھی قربانی دیا کروں اس لیے میں ایک جانور آپؐ کی طرف سے ذبح کیا کرتا ہوں۔

حضرت عبد اللہ بن عمرؓ فرماتے ہیں کہ جناب نبی اکرمؐ نے دس سال مدینہ منورہ میں قیام فرمایا اور ہر سال قربانی کرتے تھے۔ حضرت انس بن مالکؓ فرماتے ہیں کہ نبی اکرمؐ ہر سال دو مینڈھے قربانی کیا کرتے تھے اور میں بھی دو مینڈھے قربانی دیتا ہوں۔ ایک روایت میں ہے کہ جناب نبی اکرمؐ قربانی میں دو مینڈھے ذبح کرتے تھے اور فرماتے تھے کہ ایک جانور اپنی طرف سے قربان کر رہا ہوں اور دوسرا اپنی امت کے ان افراد کی طرف سے ذبح کر رہا ہوں جو قربانی نہیں کر سکیں گے۔

ان تعلیمات اور روایات کی روشنی میں دیکھا جائے تو آج بھی دنیا بھر کے تمام مسلمان سنت ابرھیمی پر طریق رسول اللہ صلی اللہ علیہ وسلم کے مطابق عمل پیرا ہیں
قربانی کی عید جس میں دنیا بھر کے مسلمان اللہ تعالی کی بارگاہ میں نذرانہ پیش کرنے کے لیے جانور ذبح کرتے ہیں اور اللہ تعالی کی رضا کے لیے اپنا مال خرچ کرتے ہیں۔

دنیا بھر میں بڑے پیمانے پر بہت سے ادارے اور تنظیمیں غریب عوام تک گوشت پہنچا کر انہیں اپنی خوشیوں میں شریک کرتے ہیں
’عوام الناس اجتماعی قربانی مختلف مدارس اور اداروں کے ذریعے کرتے ہیں، جبکہ زیادہ تر لوگ اپنے گھروں میں ہی اس سنت ابراہیمی کو ادا کرنا پسند کرتے ہیں، اس کو بہتر سمجھتے ہیں اور گھروں میں حفاظتی تدابیر کا اہتمام بہتر طریقے سے کیا جاتا ہے۔
دنیا بھر میں انسانی صحت کے ناگزیر تقاضوں، مذہبی شعائر و عبادات کے تحفظ و احترام اور قومی یکجہتی کو برقرار رکھنے کے بنیادی اصولوں کو سامنے رکھتے ہوئے بین الااقوامی سطح پر اعلٰی مذہبی قیادت، ماہرین صحت اور متعلقہ ذمہ دار حکام باہمی مشاورت و اعتماد کے ساتھ جلد کسی اجتماعی لائحہ عمل کا اعلان کر دیں تاکہ قوم اس کے لیے ذہنی طور پر تیار رہے اور عید الاضحٰی اور قربانی بھی رمضان المبارک اور عید الفطر کی طرح مناسب ماحول میں کی جا سکے۔

کیونکہ اب پاکستان سمیت دنیا بھر کے مسلمان اپنا مذہبی تہوار عیدالاضحیٰ منانے کی تیاریوں میں مشغول نظر آرہے ہیں اس سلسلہ میں قربانی کے لئے جانوروں کے لئے مویشی میڈیاں سج چکی ہیں
عید الاضحی سے قبل ہی میل جول کے حوالے سے احتیاطی تدابیر کے شعور کو بین الاقوامی سطح پر اجاگر کرنا چاہیے کیونکہ نماز عید کی ادائیگی کے لیے لوگ عید گاہ میں نماز پڑھتے ہیں نماز اور خطبات کے اختتام پر مسلمان ایک دوسرے کو گلے لگاتے ہیں اور ایک دوسرے کو مبارکباد دیتے ہیں۔

بہت سارے مسلمان اس موقع پر اپنے غیر مسلم دوستوں، پڑوسیوں، ساتھی کارکنوں اور ہم جماعتوں کو اپنے عید کے تہواروں پر دعوت دیتے ہیں تاکہ وہ اسلام اور مسلم ثقافت سے بہتر طور پر واقف ہوں۔ ہر طرف خوشی اور مسرت کا ماحول رہتا ہے۔
نماز عید کھلے علاقوں جیسے شہروں میں عیدگاہ یا بڑی مسجدوں یا محلے کی مسجدوں میں ادا کی جاتی ہے اور گاؤں میں کھیتوں ، برادری کے مراکز وغیرہ میں ادا کی جاتی ہے۔ نماز عید کے بعد مسلمان اپنے آس پاس کے نمازیوں سے اور دوستوں سے بڑی ہی خوشی کے ساتھ ایک دوسرے سے گلے ملتے ہیں اور پھر دن بھر یہاں تک کہ پورے تین دن تک اپنے عزیز و اقارب اور رشتےداروں کے ساتھ عید کی خوشیاں بانٹتے رہتے ہیں۔
یہ عید ڈھیروں خوشیاں لاتی ہے اور بہت سی یادیں چھوڑ جاتی ہے۔

سیاسی غربت – تحریر. فیض العزیز فیض

Posted on July 25, 2021July 25, 2021

سیاسی غربت – تحریر. فیض العزیز فیض

کشمیر الیکشن مہم کے دوران ایک سیاسی رہنما کی تقریر کا موضوع تقریباً یہ تھا کہ پاکستان میں سیاسی لوگوں کو ہی ہمیشہ کے لئے نشانہ بنایا جاتا رہا ہے. اور ان کی عزت نہیں کی جاتی جیسے کہ مہذب معاشروں کے اندر ان کا وقار ہوتا ہے. کسی حد تک تو یہ بات درست لگتی ہے. لیکن میرے ناقص علم کے مطابق منظر کچھ الگ ہے. ہوسکتا ہے کہ میں غلط ہوں. لیکن سیاسی لوگوں کو بھی کچھ اپنے اپنے رخوں کی تصحیح کی ضرورت ہے. سیاستدان بہت سیانا ہوتا ہے.

خصوصاً پاکستان میں. لیکن اس کا سیانا پن بہت ہی سطحی قسم کا ہوتا ہے۔بطور کمیونٹی بھی انہیں اس بات کی قطعاً کوئی پروا نہیں کہ ان کی عزت کتنی ہے اور عموماً کتنی اہمیت کے حامل ہوتے ہیں خصوصاً ان حلقوں میں جن کے اندر ان کی’’اہمیت‘‘ ہونی چاہئے کیونکہ عوام میں ان کی اہمیت تو نہ ہونے کے برابر ہے، خصوصاً ووٹ وصول کرنے کے بعد تو عوام اس گائے کے برابر رہ جاتے ہیں جس کا دودھ سوکھ گیا ہو اور ماس بوٹی بھی برائے نام رہ گئی ہو۔ہمارا سیاستدان کرتا کیا ہے؟اقتدار سے باہر ہو تو بہادری نہیں ڈھٹائی سے مار کھاتا ہے یا مل جل کر ڈنگ ٹپاتا ہے اور کچھ سیانے ایسے بھی ہوتے ہیں جو اپوزیشن میں بیٹھ کر بھی اقتدار کے ساتھ بنائے نبھائے رکھتے ہیں اور ان کا دال دلیہ چلتا رہتا ہے.

جانوروں کی قسمیں ہوتی ہیں مثلاً کتے آپس میں لڑتے رہنے کے لئے مشہور ہیں جبکہ بھینسوں کے بارے میں مشہور ہے کہ وہ بہنوں کی طرح ہوتی ہیں اور مل جل کر کھاتی ہیں۔ سیاستدان اقتدار میں ہو تو اس کا مرکزی خیال مال کے گرد گھومتا ہے یا حسب توفیق پروٹوکول۔کسی کو ریلیف کسی کو تکلیف، اور کسی سے انتقام، میرٹ سے ماوراء ان کی عوام دوستی بھی دراصل دشمنی ہوتی ہے۔ذرا اندازہ لگائیں وہ عوامی نمائندے کتنے عوام دوست ہوں گے جنہوں نے مختلف سرکاری کارپوریشنوں اور دیگر اداروں مثلاً ریلوے، پی آئی ا ے، اسٹیل مل وغیرہ میں’’فیس‘‘ یا اس کے بغیر لوگوں کو اندھا دھند بھرتی کراکے اس ملک دشمن کلچر کی بنیاد رکھی کہ’’کام کرو نہ کرو ماہ بماہ تنخواہ مل جایا کرے گی‘‘ اسکولوں سے لے کر سرکاری ڈسپینسریوں تک’’گھوسٹ ملازمین‘‘ متعارف کرانے والے یہ نمائندے، درندے تھے جنہوں نے معاشرہ کی جڑوں میں زہر انجیکٹ کردیا اور آج بھی اس پر نادم نہیں، فخر کرتے ہیں۔

گلیاں، پلیاں، نالیاں بنا کر ان میں بھی کمیشن کھانے والی کمیونٹی کی عزت کون کرے ؟ ان کا ٹوٹل ’’قصہ قصہ بقدر جثہ‘‘ ہے، جن کے جبڑے ہیں وہ جبڑوں سے بوٹیاں نہیں پڑچھےاتاررہے ہیں، جن کی چونچیں’’یوسی‘‘ سائز کی ہیں وہ اپنی اوقات کے مطابق ماس نوچ رہے ہیں تو اس کمیونٹی کو عزت کیسے ملے؟اس تمہید کے بعد چلتے ہیں اس سوال کی طرف کہ آئندہ کشمیر الیکشن کا نتیجہ کیا ہوگا؟ تو بھائی ! آئندہ کیا ہم تو اس سے اگلے تین چار الیکشن کے نتائج سے بھی بخوبی آگاہ ہیں. یعنی وہی ڈھاک کے تین پات ۔۔۔۔سیاستدانوں کی یہ برادری اگر اپنے اندر بنیادی تبدیلیاں نہیں لاتی تو قصر صدارت میں’’صدر‘‘ بھی ہوگا، وزیر اعظم ہائوس میں کوئی نہ کوئی چمپو بطور وزیر اعظم بھی جلوہ افروز ہوگا، وزیر اعلیٰ ہائوسز بھی آباد ہوں گے لیکن عملاً وہی حال کہ ہونے کے باوجود کچھ بھی نہیں ہوگا اوریہ چمن یونہی رہے گا اور ہزاروں جانور اپنی اپنی بولیاں سب بول کر اڑ جائیں گے.

سیاسی کلچر میں تبدیلی کے لئے کوئی خاص اسکول تو کھولے نہیں جاسکتے سو ٹاپ لیڈر شپ کو سر جوڑ کر، دلوں پہ پتھر رکھ کر یہ فیصلہ کرنا ہوگا کہ ہم نے لوٹ مار میں اسی فیصد کمی کرنی ہے اور اپنی کارکردگی کو اسی فیصد تک بڑھانا ہے اور کسی قیمت پر میرٹ سے انحراف نہیں کرنا، ہر شعبہ کو ڈی پولیٹسایز کرنا ہے۔نمائشی آرائشی پراجیکٹس کے بجائے یا ان کے ساتھ ساتھ پبلک ہیلتھ اور کوالٹی ایجوکیشن پر فوکس کرنا ہے ورنہ یہ’’برادری‘‘ لاکھ’’اسٹیبلشمنٹ اسٹیبلشمنٹ‘‘ چیختی رہے، یہ دن رات خلائی مخلوق جیسی لغو اصطلاحیں گھڑتے اور عوام کے سر مڈھتے رہیں ……..

رسوائی اور پسپائی ان کا مقدر تھی، ہے اور رہے گی۔یہ کیسے گھامڑ ہیں جنہیں اپنی نام نہاد’’ترقی‘‘ ا ور ’’اصلاحات‘‘ کے لئے اربوں روپے کے اشتہارات شائع کرنا پڑتے ہیں. ایک دوست ان دنوں فیملی کے ساتھ کشمیر یاترا پر ہیں. تو وہی بتا رہے تھے. کہ ہر طرف بینرز اور جعلی نعروں سے بھرے اشتہارات کا یہ عالم ہے. کہ شاید کوئی دیوار خالی ہو. تو جناب والا حالانکہ جب کوئی عطر جنیوئن ہو تو عطار کو اس کا ڈھنڈورا نہیں پیٹنا پڑتا۔ یہ کیسے وزیر ہیں جو پانچ پانچ سال اپنے قلمدان اگالدان کی طرح استعمال کرکے رخصت ہوجاتے ہیں اور وہ منحوس وزارت اسی فرسودہ حالت میں پڑی رہتی ہے جس بیہودہ حالت میں انہیں ملی ہوتی ہے۔ مجال ہے جو انہیں کبھی یہ خیال بھی آتا ہو کہ یہ اپنے پیچھے کوئی لگیسی چھوڑ جائیں، کوئی ایسا کام کر جائیں جو صدیوں انہیں زندہ رکھے۔

ایک مثال لیجیے کہ 15سال سے زیادہ ہوگئے ڈبل ون ڈبل ٹو (1122)کو متعارف ہوئے لیکن لوگ آج بھی اس کام کے لئے چودھری پرویز الٰہی صاحب کو یاد کرتے اور دعائیں دیتے ہیں۔عرض کرنے کا مقصد یہ کہ جسے عوام تا اسٹیبلشمنٹ عزت و اہمیت درکار ہے وہ کام کرے، ڈلیور کرے، عوام کے ساتھ زیادہ سے زیادہ ہم آہنگی پیدا کرے، اپنے اور ان کے درمیان فاصلے کم کرے ورنہ مالی اور انتظامی زور پر کئے گئے جلسوں میں مسخرانہ طور پر” I love  ”کہنے سے کچھ نہیں ہوگا۔الیکشن کی ٹیکنالوجی خود فریبی ہے جو مزید کام نہیں آئے گی۔ حکومت پی ٹی آئی کی ہو، ن لیگ کی یا پیپلز پارٹی کی۔۔۔۔

’’ٹھوکریں‘‘ تب تک ان کا مقدر رہیں گی اور رہنی چاہئیں جب تک ان کے بنیادی رویے اور ترجیحات تبدیل نہیں ہوتیں ورنہ اسی ’’تنخواہ‘‘ پر جینا مرنا ہوگا۔۔۔۔’’اثاثے‘‘بنتے رہیں گے’’عزت‘‘ بگڑتی رہے گی یہ ہونے کے باوجود نہ ہونے کا المیہ تمہاری داستان کا مستقل عنوان بنا رہے گا۔تقریباً ایک عشرہ ترقی یافتہ اقوام کے سیاسی رہنماؤں کی طرزِ حکمرانی کے یہ گناہگار آنکھیں شاہد ہیں. کہ ان کے سیاسی کیریئر کا آغاز سے لیکر اختتام تک مقصد سیاست اس عزم کے لئے قربان نظر آتی ہے کہ ہم کونسا ایسا کام کرگزریں. کہ تاریخ میں ہمیں یاد رکھا جائے. ان کے سیاسی دوستیوں اور دشمنیوں کی بنیاد اس فکر پہ منحصر ہوتے ہیں. نہ کہ زاتی مفادات و اغراض و مقاصد. 

انسانی زندگیوں سے کھلواڑ – محمد شریف شکیب

Posted on July 24, 2021July 23, 2021

اس بار عید کی خوشیاں کورونا کی صورت حال اورمختلف حادثات کی وجہ سے پھیکی پڑ گئیں۔ عالمی وباء کورونا تو قدرتی آفت ہے جس میں ساری دنیا گذشتہ ڈیڑھ سالوں سے مبتلا ہے لیکن کچھ سانحات انسان کے اپنے پیدا کردہ ہوتے ہیں۔ جو قدرتی آفات کے نقصانات سے بھی زیادہ تکلیف دہ ہوتے ہیں۔ عید سے دو روز قبل ایسا ہی ایک حادثہ اپرچترال کے علاقہ ریشن میں پیش آیا۔

پشاور سے عید اپنے پیاروں کے ساتھ منانے کے لئے مختلف شہروں سے آئے ہوئے اٹھارہ مسافر ایک کوچ کے ذریعے جب دومون گول کے مقام پر پہنچے تو گاڑی بریک فیل ہونے کی وجہ سے گہری کھائی میں جاگری۔ ڈرائیور، ایک خاتون اور بینک آفیسر سمیت تین افراد موقع پر ہی دم توڑ گئے جبکہ چھ خواتین سمیت گیارہ افراد شدید زخمی ہوگئے جنہیں گاڑی کی باڈی کاٹ کر نکالا گیا۔ گیارہ میں سے نو زخمیوں کو تشویش ناک حالت میں پشاور ریفر کردیا گیا۔ بونی سے ایک زخمی خاتون کو اس کا بھائی، بھابی اور ماموں زاد لے کر پشاور آرہے تھے کہ لواری کے قریب ان کی گاڑی پھرحادثے کا شکار ہوگئی، زخمی خاتون کا بھائی اس حادثے میں جاں بحق ہوگیا جو سات بہنوں کا اکلوتا بھائی تھا۔ زخمی خاتون مزید زخموں سے چور ہوگئی اور پشاور کے ایک ہسپتال میں بدستور تشویش ناک حالت میں ہے۔

مرنے والوں کے گھروں میں عید کے دن صف ماتم بچھی ہوئی تھی۔ زخمیوں کے رشتہ دار ان کے ہمراہ ہسپتالوں میں اپنے پیاروں کی زندگی بچنے کی دعائیں مانگ رہے ہیں۔ چترال روٹ پر ٹریفک حادثات کی سب سے بڑی وجہ سڑکوں کی مخدوش حالت ہے۔ عشریت سے لے کر بونی اور مستوج تک سڑکیں ٹوٹ پھوٹ کا شکار ہیں ان سڑکوں سے بخیریت گذرنا جوئے شیر لانے کے مترادف ہے۔ دوسری وجہ مسافر گاڑیوں کا رات کے وقت سفر کرنا ہے۔

تنگ پہاڑی راستوں پر سفر کے دوران تھکے ہارے ڈرائیور کو چند سیکنڈ کے لئے بھی اونگھ آگئی تو گاڑی میں سوار تمام افراد کی زندگی داؤ پر لگ جاتی ہیں چترال روٹ پر مسافر گاڑیوں کو پیش آنے والے 90فیصد حادثات کی وجہ ڈرائیوروں کی نیم خوابی ہوتی ہے۔عید کے موقع پر گاڑیاں کم اور مسافر زیادہ ہوتے ہیں ٹرانسپورٹرز زیادہ سے زیادہ مال کمانے کے لئے ڈرائیوروں کو دو دو، تین تین دنوں تک بغیر آرام کئے سفر کرنے پر مجبور کرتے ہیں۔ 72گھنٹوں تک آنکھ جھپکائے بغیر ڈرائیونگ کرنے والے پر غنودگی طاری ہونا فطری بات ہے۔گاڑیوں میں مسافروں کو بھیٹر بکریوں کی طرح ٹھونسنا اور سامان کی اوور لوڈنگ بھی حادثات کی بڑی وجہ ہے۔

لانگ روٹ پر چلنے والی گاڑیوں کی چیکنگ کا کوئی نظام موجود نہیں۔ پولیس اور ضلعی حکام کی ملی بھگت سے ناکارہ اور خراب گاڑیاں پبلک ٹرانسپورٹ کے طور پر استعمال کی جاتی ہیں۔ ریشن حادثے کا شکار ہونے والی گاڑی کے بارے میں بتایا گیا کہ پشاور سے ریشن پہنچنے میں اس نے آٹھ گھنٹے کے بجائے چودہ گھنٹے لگائے اور چھ مقامات پر گاڑی خراب ہوئی تھی۔مسافروں کو محفوظ سفر کی سہولت فراہم کرنا ٹرانسپورٹرز، اڈہ مالکان، ڈرائیوروں اور ضلعی انتظامیہ کی مشترکہ ذمہ داری ہے۔ ان میں سے کسی ایک کی غفلت سے کئی گھروں میں صف ماتم بچھ جاتی ہے۔ ایسے جانکاہ حادثات کی انکوائری ہوتی ہے نہ ہی اب تک کسی کو سزا ملی ہے یہی وجہ ہے کہ اپنے مادی مفادات کے لئے قیمتی انسانی جانوں سے کھیلنے والوں کو شہ ملتی ہے۔

کسی کی غفلت اور لاپرواہی سے ایسا کوئی حادثہ پیش آئے تو جاں بحق ہونے والوں کے لواحقین کو معاوضے اور زخمیوں کے علاج معالجے کے اخراجات حادثے کے ذمہ داروں سے وصول کرنے کا قانون تو موجود ہے۔ مگر جب کسی واقعے کی انکوائری ہی نہ ہو۔ تو ذمہ داری کا تعین کون کرے گا اور متاثرین کو معاوضہ کون ادا کرے گا۔ صوبائی دارالحکومت کی پولیس اور انتظامیہ سمیت صوبے بھر کے ضلعی حکام کو ٹریفک حادثات کی روک تھام اور قیمتی انسانی جانوں کا ضیاع روکنے کے لئے قوانین کا سختی سے نفاذ کرنا ہوگا۔

پاکستان کی امریکہ کے لیے سہولت کاری . غزالی فاروق

Posted on July 22, 2021July 22, 2021

پاکستان کی امریکہ کے لیے سہولت کاری . غزالی فاروق

 ایک حالیہ  شائع ہونے والی  رپورٹ کے مطابق   امریکی انٹیلی جنس برادری کا اندازہ ہے کہ افغان حکومت مکمل امریکی انخلاء کے بعد زیادہ سے زیادہ چھ ماہ سے ایک سال  کے دوران  طالبان کے ہاتھوں  ختم ہوجائے گی۔ وال اسٹریٹ جرنل کی جانب سے جاری  کردہ یہ  رپورٹ  امریکی انٹیلی جنس برادری  کےپچھلے زیادہ امید افزا اندازوں کے برخلاف ہے جن میں یہ کہا گیا تھا کہ افغان حکومت امریکی انخلاء کے بعد دو سال تک برقرار رہ سکے گی۔

افغانستان کی تیزی کے ساتھ بدلتی ہوئی  صورتحال میں  امریکہ کی انٹیلی جنس برادری  نے اپنے پچھلے اندازوں کو تبدیل کردیا ہے،   کیونکہ گزشتہ چند روز  میں  طالبان نے افغانستان میں  اہم کامیابیاں حاصل کی ہیں۔   افغان حکومت کی فوج اس وقت طالبان کے خلاف   مختلف مقامات پر محاذ آرا ہیں لیکن  طالبان   ایران، تاجکستان، ترکمانستان، چین اور پاکستان  پر مشتمل   پانچ ممالک  کے ساتھ  قائم مرکزی بارڈر کراسنگ پر  کنٹرول حاصل  کر چکےہیں۔ خود طالبان کا یہ  دعویٰ ہے کہ وہ افغانستان  کے 85 فیصد علاقے  پر کنٹرول حاصل کر چکے ہیں۔ لیکن  بعض ذرائع کے مطابق افغانستان کے تقریباً  400 اضلاع میں سے ابھی تک  ایک تہائی کا کنٹرول طالبان کے ہاتھ میں آیا  ہے۔

آج امریکہ بگرام ائیربیس کو رات کی تاریکی میں اور مکمل خاموشی کے ساتھ  چھوڑ کر  بھاگ  چکا ہے۔ یہ وہ فضائی اڈہ تھا  جو  افغانستان میں امریکا کا بنیادی جنگی مرکز تھا اور دسیوں ہزار امریکی فوجیوں کا گڑھ  بھی تھا۔ لیکن امریکہ کو برسرپیکار جنگجوؤں  کا خوف اس قدرزیادہ  تھا  کہ امریکہ نے اس معاملہ میں افغان حکومت کو بھی اپنے  اعتماد میں لینا  مناسب  نہ  سمجھا کہ کہیں جنگجوؤں کو کان و کان خبر نہ ہو جائے اور وہ بھاگتی ہوئی  امریکی افواج کو نشانہ نہ بنا لیں۔ اور نہ ہی امریکہ یہ چاہتا ہے کہ اس کی فوج کی ویسی ہی تصویریں میڈیا کی زینت بنیں جو ویتنام سے بھاگتے ہوئے بنیں تھیں!

یہ بات بہت عرصے سے واضح ہو چکی تھی کہ امریکہ افغانستان میں اپنے قبضے کے خلاف جاری مزاحمت کو ختم کرنے میں ناکام ہو چکا ہے، جسے افغان قبائلی آبادی کی حمایت اور شمولیت حاصل تھی۔ امریکہ نے خود  بھی یہ  تسلیم کر لیا تھا  کہ اس کی کابل میں قائم کٹھ پتلی  حکومت بھی  ملک کے کئی علاقوں پر اپنا کنٹرول اور اختیار لاگو کرنے میں ناکام ہے۔ لہٰذا امریکہ نےطالبان کے ساتھ  اِس امید پر سفارتی حل کا رستہ اختیار کیا کہ جو مقصد وہ جنگ کے ذریعے حاصل نہیں کرسکا تھا  وہ اس طرح سے حاصل کرلے گا۔ لیکن امریکہ  مذاکرات کے ذریعے بھی مکمل سفارتی کامیابی اور اپنی مرضی کا سیٹ اپ حاصل نہیں کرسکا کیونکہ مذاکرات کرنے والے افغان مجاہدین کی مکمل نمائندگی نہیں کرتے بلکہ اس کے ایک  حصے کی نمائندگی کرتے ہیں۔

یہ بات امریکہ کو گوارا نہیں کہ وہ  افغانستان سے ایسے انخلاء کرے کہ خطے میں اس کا عمل دخل ہی ختم ہو جائے۔ امریکہ یہ خواہش رکھتا  ہے کہ طالبان  کابل حکومت کے اہم مراکز پر قبضہ نہ کرسکیں۔  امریکہ کو اس بات میں کوئی تامل نہیں اگر وہ افغانستان میں بھی عراق والی صورتحال کو دہراتا ہے، جہاں امریکہ نے عراق سے ایسی صورتحال میں انخلاء کیا تھا کہ ملک افراتفری کا شکار تھا،  اور کسی بھی گروہ کو ملک پر مکمل کنٹرول حاصل نہ تھا، مخلص لوگ اقتدار سے باہر تھے اور بغداد کی کٹھ پتلی  حکومت امریکی مفادات کا تحفظ کررہی تھی۔ عراق کی حکومت نے یہ کوشش نہیں کی تھی کہ اس کا اقتدار پورے ملک پر قائم ہوجائے، لیکن وہ اس قابل تھی کہ تیل کے کنوؤں کی حفاظت کرسکے جنہیں امریکی کمپنیاں لوٹ رہی تھیں۔ حکومت اس قابل بھی تھی کہ وہ عراق میں امریکہ مخالف لوگوں، چاہے وہ مسلمانوں میں سےہوں یا بعث پارٹی سے، مکمل اقتدارحاصل کرنے سے  روک سکے۔لہٰذا   اگر افغانستان  کی صورتحال  بھی عراق کی سی   شکل اختیار کر  لیتی ہے اور خونریزی جاری رہتی ہے تو   ایسا  امریکہ کے لیے قابل قبول ہو گا۔ اور امریکہ اس صورت حال کو چین اور روس کی راہ روکنے کے لیے بھی استعمال کر سکے گا جو افغانستان کے لیے اپنے منصوبے بنائے بیٹھے ہیں۔

لہٰذا  امریکہ کی یہ خواہش ہے  کہ طالبان افغانستان کے حساس علاقوں جیسا کہ کابل کا گرین زون، ائر پورٹ، سپلائی روٹس  اور دیگر اہم تنصیبات پر قبضہ نہ کرسکیں اور ایسا وہ  پاکستان اور ترکی جیسے ممالک  کے تعاون اور  ان کے  اثر و رسوخ  کو استعمال میں لا کر ممکن بنانا چاہتا ہے۔ چنانچہ  امریکہ پاکستان پر  Financial Action Task Force (FATF) کے ذریعے دباؤ کو  برقرار رکھے ہوئے ہے جس نے پاکستان کو مزید ایک اور سال کے لیے ‘گرے لسٹ’ سے نکالنے سے انکار کر دیا ہے۔ پاکستانی حکومت اس وقت  اعلانیہ طور پر تو امریکی دباؤ کے خلاف ردعمل ظاہر کر رہی ہے اور امریکی اڈوں کی اجازت دینے سے بھی  انکار کر رہی ہے مگر دوسری طرف  پاکستان  نے  امریکہ کے ساتھ 2001 ءمیں  طے پائے جانے   والے ” ایئر لائن آف کمیونیکشن (اے ایل او سی) اور گراؤنڈ لائن آف کمیونیکشن (جی ایل او سی)” کی تجدید کر دی ہے بلکہ ان کے بارے میں برملا اعلان کیا جا رہا ہے کہ وہ معاہدے  اب بھی اپنی جگہ   برقرار  ہیں!

حقیقت تو یہ ہے کہ اشد ضرورت کے وقت پاکستان کے فرمانبردار حکمرانوں نے امریکہ کو کبھی مایوس نہیں کیا۔ پاکستان ہی وہ بڑا سہولت کار  تھا جس کی مدد   سے امریکہ افغانستان پر اپنے قبضے کو  ممکن بنا پایا   تھا۔ اور یہ پاکستان ہی تھا جس نے مزاحمت کاروں کے ساتھ مذاکرات کی بساط بچھانے میں امریکہ کی بھرپور مدد کی۔  اور  اس وقت بھی  امریکی افواج کے  افغانستان  سے انخلاء کے موقع پر اور اس کے نتیجہ میں  افغانستان  میں پیدا ہونے والی  اندرونی صورتحال سے  متعلق   پاکستان کی جانب سے امریکہ کے لیے سہولت کاری  زور و شور سے      کے ساتھ  جاری ہے۔ وزیراعظم عمران خان کا ازبکستان کا دورہ اسی سلسلے کی کڑی ہے، جبکہ اس سے کچھ ہی دن قبل ازبکستان کے وزیر خارجہ امریکہ کا دورہ کر واپس لوٹے ہیں۔ 

ہم نے ستر سال امریکی علاقائی منصوبوں کا ایندھن بن کر دیکھ لیا،  اور ان منصوبوں میں اپنی ریاستی طاقت کا مشاہدہ بھی کر لیا کہ ہماری طاقت کے بل بوتے پر ہی امریکہ سوویت یونین کو شکست دینے میں کامیاب ہوا،  پاکستان کے ذریعے ہی امریکہ نے دہائیوں تک بھارت کے ناک میں دم کیے رکھا اور پھر اسے اپنے کیمپ میں کھینچنے پر قادر ہوا۔ امریکہ وسطی ایشیا تک ہماری طاقت کو استعمال کرتا رہا۔ لیکن اس سب سے ہمیں کیا حاصل ہوا، سوائے یہ کہ ہمارا ملک دولخت ہوا، سیاچن اور تین دریا بھارت نے چھین لئے، اکسائی چن  چین نے لے لیا، ہمارے قبائلی علاقے اور پھر پورا ملک  انتشار کا شکار ہوا اور آج مقبوضہ کشمیر پر ہندو ریاست کے جبری قبضے پر ہم چپ سادھے بیٹھے  ہیں، اور اسے سرکاری طور پر سرنڈر کرنے کی جانب بڑھ رہے ہیں۔  تو جب امریکہ ہماری طاقت کے بل بوتے پر پورے خطے میں اپنا کھیل کھیل کر اپنے  استعماری مفادات حاصل کر سکتا ہے، تو ہم اس طاقت کی بنیاد پر اللہ کی رضا حاصل کرتے ہوئے  اسے خطے کے مسلمانوں کے مفاد کے لیے کیوں استعمال نہیں کر سکتے؟ افغانستان میں ذلت آمیز شکست کے بعد یہ تصور کرنا محال ہے کہ امریکہ اب دوبارا اپنی فوجیں لے کے اس خطے پر حملہ آور ہو گا تو کیا اب وقت نہیں آ گیا کہ پاکستان جرات مندانہ قدم اٹھا کر خطے سے امریکی اثرورسوخ کا جڑ سے خاتمہ کردے؟

کچھ تو ادھر بھی – محمد شریف شکیب

Posted on July 22, 2021July 22, 2021

حکومت نے وسیلہ تعلیم پروگرام کے دائرہ کار کو پرائمری سے سکینڈری اور ہائیر سکینڈری تک بڑھانے کا فیصلہ کیا ہے۔ وزارت سماجی تحفظ و تحفیف غربت نے احساس وسیلہ تعلیم پروگرام میں رواں مالی سال کے دوران مزید 17 لاکھ 50 ہزار طلبا کو شامل کرنے کا ہدف مقرر کیا ہے۔پرائمری کلاس کے 10 لاکھ، سیکنڈری کے 5 لاکھ جبکہ ہائیر سکینڈری کے 2 لاکھ 25 ہزار طلبا کو پروگرام میں شامل کیا جائے گا۔ رواں مالی سال کی پہلی سہ ماہی کی تکمیل پر سیکنڈری و ہائیر سیکنڈری کلاس کے طلباکو تعلیمی وظائف ملنا شروع ہوجائیں گے۔وسیلہ تعلیم پروگرام کے تحت پرائمری کلاس کے بچوں کو فی سہ ماہی 1500 جبکہ بچیوں کو 2000 روپے دیئے جائیں گے

سکینڈری کلاس کے بچوں کو فی سہ ماہی 2500 جبکہ بچیوں کو 3000 روپے ملیں گے۔ ہائیر سکینڈری کلاس کے بچوں کو فی سہ ماہی 3500 جبکہ بچیوں کو 4000 روپے دئے جائیں گے۔ پانچویں جماعت پاس کرنے پر بچیوں کو 3000 روپے اضافی رقم بھی دی جائے گی۔وزارت سماجی تحفظ و تخفیف غربت کے اعدادوشمار کے مطابق وسیلہ تعلیم پروگرام کے آغاز سے اب تک 44 لاکھ 50 ہزار طلبا کا وظائف کے لئے اندراج ہوا ہے اور انہیں اب تک مجموعی طور پر 19 ارب روپے تعلیمی وظائف کی مد میں فراہم کئے جاچکے ہیں۔وسیلہ تعلیم پروگرام کا بنیادی مقصد خواندگی کی شرح بڑھانا اور نادار طلبا کی مالی اعانت کے ذریعے انہیں تعلیم جاری رکھنے میں مدد دینا ہے۔

اس پروگرام کی بدولت تعلیمی اداروں میں داخلوں کی شرح میں خاطر خواہ اضافہ ہوا ہے۔ تاہم یہ سہولت صرف سرکاری تعلیمی اداروں کے طلبا و طالبات کو حاصل ہے ملک بھر میں پرائیویٹ تعلیمی اداروں میں پڑھنے والے کروڑوں بچے اس سہولت کے حق دار نہیں ہیں۔ سرکاری اداروں کے تعلیمی معیارکو بہتر بنانے کے لئے حکومت کی طرف سے کوئی قابل ذکر کوشش ابھی تک نہیں کی گئی۔ تمام والدین کی یہی خواہش ہوتی ہے کہ ان کے بچے اچھی تعلیم حاصل کریں جس کے لئے وہ اپنے پیٹ پر پتھر باندھ کر بچوں کے تعلیمی اخراجات پورے کرتے ہیں۔ پرائیویٹ تعلیمی اداروں میں پڑھنے والے تمام بچے متمول خاندانوں سے تعلق نہیں رکھتے۔ ان بچوں کی اکثریت متوسط طبقے سے تعلق رکھتی ہے جن میں سرکاری اور پرائیویٹ اداروں کے ملازمین کے بچے شامل ہیں۔ مہنگائی کے اس دور میں والدین اپنے بچوں کے تعلیمی اخراجات اور پرائیویٹ سکولوں کی آئے روز کی فرمائشیں کس طرح پوری کرتی ہیں اس کا اندازہ پالیسی ساز نہیں لگا سکتے۔

انصاف کا تقاضا یہ ہے کہ وسیلہ تعلیم پروگرام میں پرائیویٹ تعلیمی اداروں میں پڑھنے والے نادار اور ہونہار بچوں کے لئے بھی کوٹہ مقرر کیا جائے۔قومی وسائل پراس ملک میں بسنے والے تمام لوگوں کا مساوی حق ہے۔ ستم ظریفی یہ ہے کہ قومی وسائل کو صرف سرکار سے وابستہ لوگوں کا استحقاق سمجھا جاتا ہے۔ ہر سال بجٹ میں سرکاری ملازمین کی تنخواہوں اور پنشن میں اضافہ کیا جاتا ہے۔ لیکن پرائیویٹ اداروں میں کام کرنے والے کروڑوں افراد کو قومی وسائل سے پھوٹی کوڑی بھی نہیں ملتی۔ حکومت مزدور کی کم سے کم اجرت کا بجٹ میں اعلان تو کرتی ہے مگر اپنے فیصلے کو نافذ کرنے کی کبھی ضرورت محسوس نہیں کرتی۔

آج مزدور کی کم سے کم اجرت بیس سے پچیس ہزار کے درمیان مقرر کی گئی ہے لیکن پرائیویٹ سکولوں، کارخانوں، بھٹہ خشت کے مزدوروں گھروں اور دکانوں میں محنت مشقت کرنے والوں کو آج بھی آٹھ دس ہزار سے زیادہ اجرت نہیں ملتی۔ سرکاری ملازمین کوتنخواہوں اور مراعات میں اضافے کے لئے احتجاج، توڑپھوڑ اورقلم و اوزار چھوڑ ہڑتال کا حق حاصل ہے مگر پرائیویٹ اداروں کے کروڑوں ملازمین اس حق سے بھی محروم ہیں۔ تحریک انصاف کی حکومت اگر بلاامتیاز انصاف پر یقین رکھتی ہے تو معاشرے کے ان طبقات پر بھی نظر کرم کرنی چاہئے جو اب تک ہر قسم کی مراعات سے محروم ہیں۔

حضرت ابراہیمؑ کی شاندار قربانی اور اس کی حقیقت – تحریر : سردار علی سردارؔ

Posted on July 21, 2021July 21, 2021

حضرت ابراہیمؑ کی شاندار قربانی اور اس کی حقیقت – تحریر : سردار علی سردارؔ

“جاننا چاہئے کہ لفظ قربانی قُرب سے مشتق ہے  جس کے معنی کوئی ایسی نیکی کرنا یا فی سبیل اللہ کوئی ایسی چیز کو صرف کرنا جس کی وجہ سے مومنین کو خداوند تعالیٰ  کا مذید قرب حاصل ہوجائے”۔

 (الکواکب ) مجموعہ مقالات۔ کمال الدین علی محمد ۔ص 175

قربانی کے اس فلسفے پر اگر غور کیا جائے تو سوال پیدا ہوتا ہے کہ کیاکوئی بھی چیز چاہے وہ  اللہ تعالیٰ کا عزیز ہو یا نہ ہو خدا کی راہ میں قربان کرکے اس کا قرب حاصل کیا جاسکتا ہے؟ اس اہم نکتے کو سمجھنے کے لئے ضروری ہے کہ خدا کی مقدس کتاب قرآن پاک کی طرف رجوع کیا جائے تاکہ اس کا بہتر حل مل سکے۔ارشادِ خداوندی ہے  لَن تَنَالُوا الْبِرَّ حَتَّىٰ تُنفِقُوا مِمَّا تُحِبُّونَ. (3.92)

ترجمہ:  تم نیکی کو نہیں پہنچ سکتے  جب تک کہ اپنی وہ چیزیں (خدا کی راہ) میں خرچ نہ کرو  جنہیں تم عزیز رکھتے ہو۔

مزکورہ آیت سے یہ حقیقت واضح ہے کہ خداوند تعالیٰ نے  حضرت ابراہیم ؑ کو صوم و صلواۃ ، جہاد فی سبیل اللہ اور دیگر اعمالِ صالحہ سے نہ آزماتے ہوئے صرف اپنے بیٹے کی قربانی سے کیوں  آزمایا؟ کیا اللہ تعالیٰ کو حضرت اسماعیلؑ کے خون اور گوشت کی ضرورت تھی؟ ایسا ہر گز نہیں ہے اگر ایسا ہوتا تو خدائے بے نیاز نے حضرت اسماعیلؑ کو ذبح  ہونے سے نہیں روک دیتا  اور اس کا گوشت پوست  اور خون اپنے لئے طلب کرتا۔حقیقت ایسی نہیں ہے  کیونکہ خداوند تعالیٰ کو کسی چیز کی بھی  ضرورت نہیں ہے،وہ کسی کا محتاج نہیں ہے ساری کائنات اس کی محتاج ہے۔ در اصل قربانی کے اس فلسفے کا بنیادی مقصد یہ ہے کہ مومنین کے دل سے دنیوی اور مادی آشیاء کی چاہت  اور محبت کم کردی جائے تاکہ خداوند تعالیٰ کی پاکیزہ محبت اس میں اپنا گھر بناسکے اور اس کے دل میں تقویٰ اور پرہیزگاری کی روح پیدا ہوجائے جیسا کہ خداوند تعالیٰ کا ارشاد گرامی ہے ۔

لَن يَنَالَ اللَّهَ لُحُومُهَا وَلَا دِمَاؤُهَا وَلَٰكِن يَنَالُهُ التَّقْوَىٰ مِنكُمْ ۚ۔(22.37 )

ترجمہ: اللہ کے پاس نہ اس کا گوشت پہنچتا ہے اور نہ اس کا خون  لیکن اُس کے پاس تمہارا تقویٰ پہنچتا ہے۔

جاننا چاہیئے کہ حضرت ابراہیمؑ اور حضرت اسماعیلؑ کے اس شاندار قربانی میں بہت سی حقیقتیں پوشیدہ ہیں۔ پہلی بات تو یہ ہے کہ حضرت ابراہیمؑ اور اسماعیلؑ دونوں مشاہدہء باطن اور نور، یقین کے اعلیٰ درجے پر فائز تھے۔ انہیں معلوم تھا کہ اس قربانی کی حقیقت و اصلیت کیا ہے؟ جیسا کہ قرآن پاک میں ارشدِ خداوندی ہے کہ  وَكَذَٰلِكَ نُرِي إِبْرَاهِيمَ مَلَكُوتَ السَّمَاوَاتِ وَالْأَرْضِ وَلِيَكُونَ مِنَ الْمُوقِنِينَ۔(6.75)

ترجمہ: اور اسی طرح ہم ابراہیم ؑکو آسمان اور زمین کی ملکوت کا مشاہدہ کراتے رہے تاکہ وہ یقین کرنے والوں میں سے ہوجائیں۔

ڈاکٹر عزیزاللہ نجیبؔ کا کہنا ہے کہ ” اب آپ انصاف کی نظر سے غور کریں کہ آدم سے لیکر قیامت تک اولاد آدم میں کوئی ایسا نابالغ بچہّ ہوسکتا ہے جسے اس کا باپ ذبح  کرنے کے لئے کہے اور وہ  خوشی خوشی سے نہ صرف ذبح ہونے پر راضی  ہو جائے بلکہ ایسا کرنے میں والد کی حوصلہ افزائی بھی کرے۔ یہی وہ اسرار ہیں  جن کا تعلق صرف انبیاء و اولیاء سے ہے ۔ اس عمر میں بچّے تو خون اور چھری کے نام سے بھی ڈرتے ہیں مگر اسماعیلؑ خود کو ذبح ہونے کے لئے پیش کرتا ہے۔ اس کا مطلب یہ ہوا کہ باپ اور بیٹا دونوں کو نور، یقین کی روشنی میں معلوم تھا  کہ ذبح   (میثاقِ انبیاء) کی حقیقت کیا ہے؟”۔

کتاب الہدایۃ۔ ڈاکٹر عزیز اللہ نجیبؔ۔ ص 76

مزکورہ بالا  آیت کی حقیقت یہ ہے کہ حضرت ابراہیم ؑ حق الیقین کے بلند ترین درجے پر فائز تھے۔ انسان کی ظاہری آنکھ بہہ سکتی ہے مگر عین الیقین سے غلطی نہیں ہوتی۔ حضرت  مولا علی کرم اللہ وجہہ کا ارشاد گرامی ہے  ” ابَصَرَ طَریقَۃُ وَ سَلَکَ سَبِلَہُ وَ عَرَفَ مَناَرَہُ وَقَطَعَ غَماَرَہُ فَھُوَ مِنَ الیقینِ عَلیَ مِثلُ ضُوءِ الشمس”۔ ترجمہ: اُس نے اللہ کا راستہ دیکھا ، اُس کی راہ پر چلا، اس کی نشانیوں کو پہچانا، اس کی دشواریوں کو عبور کیا وہ یقین کے اس  درجے پر ہے گویا وہ سورج کی روشنی میں سب کچھ دیکھ رہا ہے۔

کتاب الھدایۃ، ڈاکٹر عزیزاللہ نجیبؔ۔ ص 77

مولا علی  کرم اللہ وجہہ کے اس فرمان میں بہت سی حقیقتیں پوشیدہ ہیں جنہیں حقیقت کے راستے سےواقفیت رکھنے والا انسان ہی سمجھ سکتا ہے جبکہ عام لوگ ان مخفی حقائق کے ادراک سے کوسوں دور ہیں۔ ان رمزو اشاروں کو وہی لوگ سمجھتے ہیں جو علم وعرفان کی منزلوں سے آشنا ہوں۔ گویا یہ عاشق و معشوق کے درمیان عشق و محبت کی باتیں ہیں جیسا کہ عارف رومی کا کہنا ہے کہ

میانِ عاشق و معشوق رمزیست۔

کرامان کاتبین را ہم خبر نیست

ترجمہ: عاشق و معشوق کے درمیان ایک ایسا رمز بھی ہے جس سے کراماََ کاتبین بھی واقف نہیں۔

حضرت ابراہیم ؑ کی اس شاندار قربانی کی دوسری  اہم حقیقت عہدہ امامت پر فائز ہونا ہے کیونکہ اللہ تعالیٰ نے اپنے حبیب کو کئی آزمائیشات کے بعد امامت کے عظیم عہدہء جلیلہ پر فائز کیا ۔ اہلِ علم کو یہ حقیقت معلوم ہے کہ حضرت ابراہیم ؑ عہدہ امامت سے پہلے تین اہم عہدوں پر فائز تھے۔ آپ ؑ اللہ تعالیٰ کے عبدیت خاص میں شامل تھے۔ آپ ؑ کے پاس رسالت کا ایک عظیم عہدہ تھا  اور آپ ؑ ایک صاحب شریعت پیغمبر تھے۔ تیسری بات یہ کہ آپ ؑ خلت یعنی خدا کے خلیل ہونے کا شرف رکھتے تھے اس لئے حضرت ابراہیم ؑ کو ابراہیم خلیل اللہ بھی کہا جاتا ہے۔ان تمام اوصاف اور خصوصیات کی وجہ سے اللہ تبارک و تعالیٰ نے آپ ؑ کو آزمائیش کے ایک دور سے بھی گزارا جس میں کامیاب ہونے کی صورت میں امامت کی مہربانی بھی آپ ؑ کو عنایت کی گئی۔ جیسا کہ ارشاد ِ خداوندی ہے۔وَإِذِ ابْتَلَىٰ إِبْرَاهِيمَ رَبُّهُ بِكَلِمَاتٍ فَأَتَمَّهُنَّ ۖ قَالَ إِنِّي جَاعِلُكَ لِلنَّاسِ إِمَامًا ۖ قَالَ وَمِن ذُرِّيَّتِي ۖ قَالَ لَا يَنَالُ عَهْدِي الظَّالِمِينَ    (2.124)

ترجمہ: اور وہ وقت یاد کرو جب کہ ابراہیم ؑ کے رب نے اس کا امتحان لیا چند کلمات سے تو اس نے انہیں پورا کردیا تو خدا نے فرمایا تو مین تمہیں سب انسانوں کا امام بنانے والا ہوں۔ ابراہیم ؑ نے کہا اور میری اولاد میں سے بھی۔ تو خدا نے فرمایا میرا یہ عہدہ ظالموں کو نہیں پہنچے گا۔

حضرت ابراہیمؑ کی اس قربانی کے پیچھے یہ حقیقت بھی پنہان ہے کہ حضرت ابراہیمؑ اپنے بیٹے اسماعیل ؑ کوذبح کرتے وقت ہاتھ اور پاؤں باندھے تھےاور اسماعیلؑ بار بار یہ فرماتے تھےکہ قَالَ يَا أَبَتِ افْعَلْ مَا تُؤْمَرُ ۖ سَتَجِدُنِي إِن شَاءَ اللَّهُ مِنَ الصَّابِرِينَ ٘ (37.102)   

ترجمہ: بیٹے نے کہا  اے آبا جان! آپ کو جو حکم ہوا ہے آپ کیجئیے انشا اللہ آپ مجھکو صبر کرنے والوں میں سے پائیں گے۔

اس آیت پر اگر غور  کیا جائے تو معلوم ہو گا کہ یہاں نہ صرف باب اور بیٹے کے درمیان ایک رشتہ ہے بلکہ ایک پیغمبر اور اس کے ایک امتی یا مرید کے درمیان ایک عہدو پیمان ہے ۔ اگر پیغمبر اپنے  ایک امتی سے اس کی جان کا نذرانہ  بھی طلب فرمائے تو  امتی کو  اپنے آقا کی خوشنودی کی خاطر جان بھی دینے کے لئے دریغ نہیں کرنا چاہئے کیونکہ یہ قرآن کا فیصلہ ہے ارشاد ہوتا ہے۔

  النَّبِيُّ أَوْلَىٰ بِالْمُؤْمِنِينَ مِنْ أَنفُسِهِمْ۔ (33.6 )

 ترجمہ: نبی مومنوں پر خود ان کی اپنی جانوں سے زیادہ اختیار رکھتا ہے۔

اس حقیقت  کی ترجمانی نبی کریم ﷺ  کی اس حدیث  سے بھی  ہوتی ہے جیسا کہ آپﷺ فرماتے ہیں کہ لاَ یوُمِنُ اَحَدَ کُم حَتّیَ اَکُونَ اَحَبَّ اِلَیہِ مِن وَٗالِدِہِ وَوَلَدِہِ وَالنَّسِ اَجمَعیِن۔ ترجمہ: تم مین کوئی اس وقت تک مومن نہیں بن سکتا جب تک اپنے باپ، بیٹےاور تمام لوگوں سے زیادہ مجھے محبوب نہ رکھے۔    صحیح مسلم، کتاب الایمان، ص 121

حضرت ابراہیم ؑ کی اس قربانی سے یہ سبق بھی ملتا ہے کہ ہمیں ہر حال میں اپنے ماں باپ کی تابعداری کرنی چاہئے۔ باپ اور بیٹےکے درمیان ایک خونی اور روحانی رشتہ ہوتا ہے ۔ کوئی بھی باپ  یہ نہیں چاہتا کہ اس کے بیٹے کو  باپ کی طرف سے  کوئی تکلیف پہنچے۔  وہ ایک شفیق  اور مہربان ہوتا ہے کہ اس کے پاؤں میں کوئی کانٹا  بھی چبے تو وہ برداشت نہیں کرتا  چہ جائیکہ اسے قربان گاہ لے جاکر اس کے گلے میں چھری چلائے۔ آیت کی نوعیت یہ بتارہی ہے کہ ہمیں بحیثیت ماں باپ اپنے بیٹے کو آیّامِ جوانی ہی سے علمی،اخلاقی، سماجی ،عقلی اور مذہبی طور پر ایسی تربیت  کرنی چاہئے کہ وہ  ماں باپ کی تابعداری کے لئے خود کو قربانی کے لئے سرِ خم تسلیم کرے. بقول شاعر 

یہ فیضانِ نظر تھا کہ مکتب کی کرامت تھی

سکھائے کس نے اسماعیل کو آدابِ فرزندی

مختصر یہ کہ عیدالاضحی  ہمیں یہ پیغام دیتا ہے کہ دنیوی چیزوں سے اپنی محبت کم کرکے اپنا تعلق  صرف اس زاتِ یکتا کے لئے مخصوص کردیا جائے۔ خدا کی اطاعت گزاری کا عملی اظہار    اس کے بندوں کے ساتھ حسنِ سلوک اور محبت سے ہی  ہوتی ہے۔گوکہ خدا کو کسی چیز کی ضرورت  نہیں ہے  اگر ہے تو اس کے بندوں کے ساتھ رحم دلی، شفقت اور مہربانی  سے پیش آنی چاہئے۔ پس خدا کے بندوں کی اس ضرورت کو پوری کرنے کے لئے ہمیں ہر قسم کی قربانی دینے کے لئے کوشش کرنی چاہئے۔لہذا  یہ دن ہمیں دعوتِ فکر دیتا ہے کہ عید کی خوشیوں میں دوسروں کو بھی شامل کیا جائے ۔ اور خاص طور پر ان لوگوں کو فراموش نہ کیا جائے جو معاشرے کے اندر کس  مپرسی  کی حالت میں  زندگی گزار رہے ہیں اور ان کے پاس ایک وقت کا کھانا بھی میسر نہیں ہے۔آن کے بچّوں کے پاس عید کے موقع پر پہنے کو کپڑے نہیں ہیں۔درحقیقت اس قسم کے لوگوں کی خوشیوں میں حصّہ دار ہونا خدا کی رضا کے حصول کا ذریعہ ہے۔ بقولِ شاعر

  یہی ہے مذہب یہی دین و ایمان

کہ کام آئے دنیا میں انسان کے انسان

داد بیداد ۔ ڈیپ فریزر ۔ ڈاکٹر عنا یت اللہ فیضی

Posted on July 20, 2021July 20, 2021

اخبارات میں خبر لگی ہے کہ بڑی عید اور قر با نی کے دن نزدیک آتے ہی ڈیپ فریزر کے نر خوں میں دگنا اضا فہ ہوا قر با نی کا گوشت اور ڈیپ فریزر لا زم و ملزوم گر دا نے جا تے ہیں سید نا ابرا ہیم ؑ کے زما نے میں قر با نی کا گوشت پہلے ہی دن ختم ہوتا ہو گا آج سے 1442سال پہلے بنی کریم ﷺ اور صحا بہ کر ام ؓ بھی قر با نی کا گوشت سر دیوں میں دوسرے دن اور گر میوں میں پہلے ہی دن تقسیم کر کے ختم کر تے تھے اس وجہ سے نہیں کہ ان کے پا س ڈیپ فریزر نہیں تھے بلکہ اس وجہ سے کہ یہ شریعت مطہرہ کا تقا ضا ہے یہ قر با نی کا فلسفہ ہے.

یہ اللہ تعالیٰ کا منشا ہے اور یہ اسلا می تعلیمات کی روح کے مطا بق احسن عمل ہے آج ہمارے پہا ڑی علا قوں کے دیہا ت میں لو گ بھیڑ بکریاں پا لتے ہیں سب لو گ دولت مند اور صاحب نصاب نہیں ہو تے جس گھر چھ سات بھیڑ یں ہو تی ہیں اس گھر کے لو گ ہر سال بھیڑ کا ایک بچہ قر با نی کی نیت سے رکھتے ہیں تیسرے سال قر با نی کے تین دنبے ہو جا تے ہیں ایک دنبہ قر با ن ہو تا ہے اس کی جگہ نیا بچہ لے لیتا ہے اور زنجیر کا یہ سلسلہ کبھی نہیں ٹوٹتا قدیم لا یام سے علما ء نے ان کو یہ بات سکھا ئی ہے کہ قر با نی کا گو شت تین حصوں میں تقسیم کرو ایک حصہ گھر والوں کا دوسرا حصہ قریبی رشتہ داروں کا اور تیسرا حصہ غر با ء، مسا کین اور نا دار لو گوں کا ہو نا چا ہئیے علما ء نے اجا زت دی ہے کہ اپنی سہو لت کے مطا بق کچا گوشت تقسیم کرو یا اسے پکا کر تقسیم کرو گاوں والے گوشت کو چا ول یا گندم کے دا نوں کے ساتھ پکا کر سارا دن لو گوں کو کھلا تے ہیں گھروں میں بھیجتے ہیں.

شا م تک گوشت کی ایک ایک بوٹی حقداروں کو پہنچتی ہے اگر 50گھرا نوں والے گاوں میں 10گھرا نوں نے قر با نی کا ذبیحہ کیا تو 50گھرا نوں کو اس کا گوشت ملا مر د، عورت، بوڑھا، بچہ، بیمار اور معذور کو ئی بھی گوشت سے محروم نہیں ٹھہرا اگر کچا گوشت تقسیم کرنا ہو تو اسی تر تیب سے ہر گھرا نے میں دو وقت کے سا لن کا گوشت پہنچا دیا جا تا ہے، اب بجلی آگئی ہے فریج اور فریزر گھروں میں رکھے ہوئے ہیں مگر لو گ علما ء کی تر بیت کے اثر سے قر با نی کے گوشت کو دوسروں کی اما نت سمجھ کر تقسیم کر تے ہیں تقسیم کر کے کھنگال نہیں ہو تے اگر دنبے کا دو تہا ئی دوسرے کو دیتے ہیں تو دوسرے گھروں سے اتنا ہی گوشت اُس گھر میں بھی آجا تا ہے وہ اس میں بھی غر با اور مسا کین کا حصہ نکا لتے ہیں لیکن یہ پہا ڑوں کے دامن میں رہنے والے چرواہوں اور گلہ با نوں کی قر با نی کا طریقہ ہے.

تر قیا فتہ قصبوں اور شہروں میں ایسی قر با نی اب نہیں ہو تی محلے میں دیکھا جا تا ہے کہ کس کے گھر سے بکرے کی را ن بھیجی گئی اس کو جواب میں دُنبے کی ران بھیجی جائیگی رشتہ داروں کے ساتھ بھی یہی سلوک ہو گا غریب اور مسکین کے لئے سو باتوں کی ایک بات رکھی گئی ہے ”با با معاف کرو“ گھر کی قر با نی کا ایک تہا ئی گوشت اگر محلے میں نا م پیدا کرنے اور بدلہ چکا نے کے لئے بھیج دیا گیا تو اتنا ہی گوشت ہمسا یے کے متمول گھروں سے بھی آیا تھا یہ گوشت سارے کا سارا ڈیپ فریزر کی روزی ہے منجمد کرنے والی اس مشین کے رزق میں جتنا گوشت لکھا تھا سب اس کو مل گیا اب آنے والے مہینوں میں اس گوشت کو افیسروں اور متمول دوستوں کے ساتھ دعوتوں میں اڑا یا جا ئے گا ماں باپ کا یہ طرز عمل بچوں کے لئے مثا ل بن جا تا ہے روایت قائم ہو جا تی ہے.

اس مثال کی پیروی کی جا تی ہے اس روا یت کی پاسداری کی جا تی ہے شاعر کے کلا م میں تصر ف کی اجا زت ہو تو یوں کہا جا سکتا ہے شریعت خرا فات میں کھو گئی یہ امت روایا ت میں کھو گئی نئی حکا یت یہ ہے کہ دو جگری دوستوں نے قر با نی کی ایک نے تقسیم کیا دوسرے نے فریزر میں ڈال دیا رات اُس نے خواب دیکھا کہ تقسیم کرنے والے کا بکرا اس کو مل گیا ہے اس نے کہا میرا بکر ا مجھے کیوں نہیں ملا؟ غیب سے آواز آئی تمہارا بکرا فریزر میں پڑا ہوا ہے۔

خوش قسمتی اور بد قسمتی کا فیصلہ ۔ گل عدن

Posted on July 19, 2021July 19, 2021

خوش قسمتی اور بد قسمتی کا فیصلہ

  بعض اوقات سالوں سے سمجھ نہ آنیوالے سوالوں کے جواب اچانک کسی ایک لمحے میں آپکو سمجھ آجاتے ہیں ۔میرے ساتھ بھی کچھ ایسا ہی ہوا ۔دراصل بچپن  سے میں ہمیشہ سے سوچتی آئی ہوں کہ آخر یہ خوشقسمت یا بد قسمت لوگ کون ہیں ۔ کھبی کوئی کہتا ہے دولت کا ہونا خوش قسمتی ہے تو کوئی غربت کو بد قسمتی قرار دیتا ہے مگر میں کھبی کسی حتمی نتیجے پر نہیں پہنچ سکی۔جتنا سوچتی اتنا الجھتی۔مجھے قسمت کو ماپنے کے لئے دولت حسن نام پیسہ جیسے معیار بہت سطحی لگتے رہے ۔

آخر ان میں کونسی ایسی چیز ہے جو ہمیشہ کے لئے آپکے پاس رہ جاتی ہے۔صحت دولت حسن اور حتی کہ غربت بھی کوئی بھی شے ہمیشہ رہ جانے والی نہیں ہے ۔وقت کسی کے لئے بھی ہمیشہ ایک جیسا نہیں رہتاپھر آپ کیسے کسی کو خوش قسمت اور بد قسمت کا خطاب دے سکتے۔؟شاید معاشرے میں پھیلی بے ہنگم انتشار کو دیکھتے ہوئے میں اس نتیجے پر پہنچی ہوں کہ دنیا کے خوش قسمت ترین لوگ وہ ہیں جنہیں “قناعت” کی “دولت ” حاصل ہے ۔ جی ہاں قناعت ہی وہ دولت ہے جو انسان کی ذہنی سکون کا باعث بنتا ہے ۔اور ذہنی سکون سے بڑھ کر انسان کو اور کیا چاہئے ؟۔

یہ قناعت ہی ہے جو آپکی نظر کو آپکے اپنے ہی نوالے پر رکھتا ہے ۔آپکی نظر کی حفاظت کرتا ہے ۔  تبھی آپکو اللہ کی عطا کی ہوئی نعمتوں کی قدر ہوتی ہے ۔اور آپ شکر گزار بندوں کے لسٹ میں شامل ہوجاتے ہیں۔ دوسری طرف قناعت سے محروم وہ بدبخت لوگ ہیں جنکی نظر ہمیشہ دوسروں کے نوالے پر رہتی ہے ۔جسکی وجہ سے اسکا اپنا نوالہ کھبی اسے مزہ نہیں دیتا بلکہ اسکے گلے کا پھانس بن جاتا ہے ۔ایسے شخص کا سکون برباد ہوجاتا ہے ۔جلنا کڑھنا اسکا مقدر بن جاتا ھے۔نہ کسی کی خوشی اس سے برداشت ہوتی ہے نہ کسی کا سکون۔ہم میں ایسے بہت لوگ ہیں جو خاندان یا پڑوس میں کسی کی سفید پوشی کو خوب جانتے ہیں ۔انکی مصائب اور ضرورتوں سے باخبر ہوتے ہوئے بھی نظریں چرائے انجان بنے رہتے ہیں مگر جونہی انکے گھر تھوڑی خوشحالی آنے لگتی ہے ہماری توجہ فورا انکے جانب ہوجاتی ہیں پھر وہ ہر وقت ہماری حریص نظروں کے حصار میں رہتی ہیں کہ جب تک ہم انہیں اپنی بد نظری کا شکار نہ کرلیں۔نجانے کیوں ہمیں دوسروں کی سالوں کی محتاجی مشقت تنگدستی نظر نہیں آتی اور آسائشیں چار دن میں نظر آجاتی ہیں۔

ہم دراصل بڑے حریص لوگ ہیں ہم چاہتے ہیں کہ ہمارا ہاتھ ہمیشہ دینے والا ہو اور دوسروں کا ہمیشہ بس لینے والا ہاتھ رہے۔ہم اتنے تنگ دل کیوں ہیں کہ کسی کہ چار پیسے کسی کا بڑانڈد سوٹ کسی کا آرام و آسأش ہمیں بے چین کردیتا ہے ؟ہم اتنے گرے ہوئے اتنے کم ظرف کیوں ہوگئے ہیں ؟ کیا وجہ ہے کہ ہم کسی کو خود سے ایک قدم آگے کھبی برداشت نیہں کرسکتے؟۔ شاید اسی لئے کہتے ہیں کہ قناعت امیر کے لئے بھی اور غریب کے لئے بھی دو جہاں میں عزت کا باعث بنتا ہے ۔جتنی جلدی ہوسکے اس حقیقت کو سمجھ لیں کہ  ہر انسان اس دنیا میں اپنا رزق لیکر آتا ہے ۔

اپنے حصہ کی خوشیاں سمیٹتا ہے  اور اپنے حصہ کے غم اٹھاتا ہے اور چلا جاتا ہے ۔کوئی بھی ہم سے ہمارے حصہ کی خوشیاں نہیں چھین سکتا۔نہ ہم چاہ کر بھی کسی سے اسکا نصیب چھین سکتے ہیں۔اگر آپکو لگتا ہے کوئی مفت میں بیٹھ کر کھا رہا ہے تو اگر وہ مفت میں بھی کھا رہا ہے تو یقین کرے وہ اپنا ہی رزق کھا رہا ہے اسے اللہ تعالی کھلا رہا ہے آپ اللہ کے انتظام پر کس جرأت سے انگلی اٹھا رہے ہیں؟؟۔ ۔اسلئے ضرورت اس بات کی ہے کہ آپ اور ہم سب اللہ کی تقسیم کو تسلیم کرلیں۔اسکی رضا میں راضی ہوجائیں۔ جتنا آپکو ملا ہے اس پر صبر اور شکر کرلیں۔

ممکن ہے کہ اللہ کو آپکا قناعت پسند آجائے اور اللہ آپکو اس سے زیادہ عطاء فرمائے۔شاید ایسے ہی حالات کے پیش نظر حضرت محمد صلی اللہ علیہ وسلم نے فرمایا ہے کے تم اس شخص کی طرف دیکھو جو (دنیاوی اعتبار سے ) تم سے کم تر ہو ۔اور اس شخص کیطرف مت دیکھو جو (دنیاوی اعتبار سے ) تم سے بڑا ہو ۔کیونکہ اسطرح تم اللہ کی نعمتوں کو حقیر نہیں سمجھو گے ۔” بات بہت سادہ ہے کاش ہمیں سمجھ آجائے۔چاہے آپ امیر ہیں یا غریب جب دعا کے لئے ہاتھ اٹھا ئیں تو اپنے لئے عزت دولت شہرت صحت اور خوشیوں کے ساتھ ساتھ “قناعت” کی دولت مانگنا مت بھولیے گا کیونکہ قناعت سے محرومی امیروں کو حریص بنا دیتا ہے اور غریب کو رسوا کر دیتا ہے ۔اسی لئے قناعت کا حاصل ہونا ہر ایک کے لئے دونوں جہاں میں عزت کا باعث ہے ۔

نوٹ :یہ تحریر خاص طور پہ خواتین کے لئے ہے بغیر معذرت کے۔

ریشمی دھاگے – ڈاکٹر شاکرہ نندنی

Posted on July 19, 2021July 19, 2021

ریشمی دھاگے – ڈاکٹر شاکرہ نندنی

صاحب اب میرا کام ہو جائے گا ناں؟ اُس نے دیوار کی طرف رخ موڑا اور تیزی سے کپڑے پہننے لگی۔ ہاں ہاں بھئی ہو جائے گا۔ میری سانسیں اب بھی بے ترتیب تھیں۔ پھر میں پیسے لینے کب آؤں؟ دوپٹے سے اس نے منہ پونچھا اورپھر جھٹک کر لپیٹ لیا۔پیسے ملنے تک تو تمہیں ایک دو چکر اور لگانے پڑیں گے۔ کل ہی میں مالکان سے تمہارے شوہر کا ذکر کرتا ہوں۔ میں نے شرٹ کے بٹن لگائے۔

ہاتھوں سے بال سنوارے اور دفتر کے پیچھے ریٹائرنگ روم سے باہراحتیاط کے طور پر ایک طائرانہ نظر دوڑانے لگا۔ ویسے تو دفتر کا چوکیدار مجھ سے چائے پانی کے پیسے لے کر میرا خیرخواہ ہی تھا لیکن میں کسی مشکل میں نہیں پڑنا چاہتا تھا۔

پھر میں کل ہی آ جاؤں؟ وہ میرے پختہ جواب کی منتظر تھی۔ نہیں کل نہیں!!! میں اس روز یہاں آ نے کا رسک نہیں لے سکتا تھا اس لئے بس آہ بھر کر رہ گیا۔ ہائے غریبوں کو بھی کیسے کیسے لعل مل جاتے ہیں ۔ میں نظروں سے اس کے جسم کے پیچ و خم کو تولنے لگا۔ ارے سنو!! تم نے شلوار الٹی پہنی ہے۔ وہ چونک کر اپنی ٹانگوں کی طرف جھکی اور پریشان ہو گئی۔ اسے اتار کر سیدھی پہن لو۔ میں چلتا ہوں میرے پانچ منٹ بعد تم بھی پچھلے دروازے سے نکل جانا۔ اور ہاں! احتیاط سے جانا کوئی دیکھ نہ لے تمہیں۔

مُنوخان چار سال سے ہماری فیکٹری میں رات کا چوکیدار تھا۔ دو مہینے پہلے ڈاکوؤں کے ساتھ مزاحمت کے دوران اسے ٹانگ پر گولی لگی اور اب بستر پر لاچار پڑا تھا۔ فیکٹری کے مالکان اس کی امداد کے لئے پچاس ہزار روپے دینے کا اعلان کر کے بھول چکے تھے۔ اس کی بیوی اسی سلسلے میں بار بار چکر لگا رہی تھی۔ میں نے اس کی مدد کرنے کا فیصلہ کیا اور چھٹی کے بعد شام کو اسے فیکٹری آنے کا اشارہ دیا۔

نجیب! اپارٹمنٹ کی سیڑھیاں چڑھتے ہوئے عقب سے مجھے اپنی بیوی کی آواز سنائی دی۔ اس کے اور میرے گھر آنے کا وقت ایک ہی تھا۔ وہ ایک چھوٹے سے بینک میں کلرک تھی۔ ایک خوشخبری ہے نجیب، وہ تیزی سے اوپر آ رہی تھی۔ خوشی سے اسکی باچھیں کھل رہی تھیں۔

مینیجر صاحب میرے کام سے بہت خوش ہیں اور آج ہی انہوں نے میرے پروموشن کی بات کی ہے۔ دروازے کے سامنے اس نے ہینڈ بیگ ٹٹولا اور چابی نکال کر کہنے لگی، انہوں نے کہا تھوڑا وقت لگے گا مگر کام ہو جائے گا۔

ارے واہ مبارک ہو۔ میں نے خوشدلی سے اسے مبارکباد دی۔

تمہیں معلوم ہے مجھ سمیت پانچ امیدوار ہیں مگر ڈائریکٹر صاحب میرے کام سے بہت خوش ہیں۔ کیوں نہ ہوں میں محنت جو اتنی کرتی ہوں۔ وہ اندر داخل ہوتے ہوئے بھی مسلسل بولے جا رہی تھی۔

میں اسکی پیروی کرتے ہوئے اس کی فتح کی داستان سے محظوظ ہو رہا تھا کہ۔۔
اچا نک میری نظر اسکی الٹی شلوار کے ریشمی دھاگوں سے الجھ گئی۔

فلسفہ عیدالاضحی – تحریر: امیرجان حقانی

Posted on July 19, 2021July 19, 2021

فلسفہ عیدالاضحی

عیدالاضحی کا سب سے بڑا فلسفہ یہی ہے کہ اس دن اللہ رب العزت کی طرف سے اس کے بندوں کو قربانی و ایثار کا عملی طریقہ سکھلایا گیا ہے اور اس کا آغاز سیدنا ابرہیم و اسماعیل علیہماالسلام سے کیا گیا ہے اور ہمیں ملت ابراہیمی کی اتباع کا حکم دیا گیا ہے۔اور اللہ کو اپنے بندے سے ظاہری و باطنی ایثار و قربانی مطلوب ہے۔

قربانی کا لفظ قربان سے ماخوذ ہے۔قربان کا مفہوم یہی ہے کہ اس کے ذریعے بندہ اللہ کا قرب تلاش کرتا ہے۔قربانی کے ذریعے ہی بندہ قُرب الہی کا طالب ہوتا ہے۔قربانی دراصل ایثارو نذر کا ایک ایسا جذبہ ہے جو عملا نظر آتا ہے۔یہ جذبہ جاہل اور عالم غرض ہر انسان دیکھ سکتا ہے۔ اللہ رب العزت کسی کے گوشت اور خون کا بھوکا یا طالب قطعا نہیں۔شان الہی تو یہ ہے کہ و ہ ھویطعم یعنی اللہ کھلاتے ہیں، ولا یُطعم یعنی کھلائے نہیں جاتے۔

قربانی کے ذریعے اللہ حضرت انسان کو یہ سکھلانا چاہتے ہیں کہ تم اللہ کے حضور اس طرح قربان ہوجاو، یہ بھی دراصل تمہارا ہی قربان ہونا ہے جو آپ اپنا قیمتی جانور قربان کردیتے ہیں۔قربانی کا ظاہر ی فلسفہ یہ ہے کہ اللہ نے ابراہیم علیہ السلام کو امتحان میں پورا اترتے دیکھ کر، اسماعیل ؑ کی جگہ دنبہ کو ذبح کروا دیا اور پھر امت محمدیہ ﷺ کو بھی سنت ابراہیمی کو زندہ رکھنے کا امر کرکے، جانور قربان کرنے کا حکم دیا۔یہ قربانی کی ظاہری صورت ہے۔ جبکہ قربانی کا باطنی فلسفہ یہ ہے کہ اس کے ذریعے نفس کو ذبح کیا جاتا ہے۔قربانی سے مطلوب ہی فناء نفس ہے۔ اور فناء نفس ہی قربانی کی اصل روح ہے۔اور جس قربانی میں فناء نفس نہ ہو وہ بے روح قربانی کہلائے گی یعنی قربانی ہوئی ہی نہیں۔

سیدنا ابراہیم علیہ السلام کو اللہ نے بڑھاپے میں نرینہ اولاد سے نوازا۔پھر اللہ نے امتحان لیا جس میں باپ بیٹا کامیاب ہوئے۔عین وقت ذبح اللہ رب العزت نے سیدنا اسماعیل ؑ کی جگہ جانور لاکھڑا کردیا۔ اور اللہ نے حضرت ابراہیم علیہ السلام سے فرمایا ”قد صدقت الرویا“ یعنی تم نے اپنے خواب کو سچا کردکھایا۔یہی قربانی کا اصل فلسفہ ہے کہ ایک مسلمان اپنے نفس کو، اپنی آل اولاد کو اور اپنی مال و متاع کو اللہ کے نام پر قربان کررہا ہوں اور ہر وقت قربانی اور ایثار کے جذبے سے مملو ہو۔

قربانی ایک مستقل عبادت ہے۔ایک محبوب سنت ہے۔یہ محض ایک سنت نہیں سیدنا ابراہیم و اسماعیل اور محمدعربی ﷺ سے محبت و مودت اور عقیدت کا اعلی ترین اظہار بھی ہے۔ ہر اس مرد و عورت پر واجب ہے جو صاحب نصاب ہے۔اگر کوئی مسلمان صاحب نصاب نہ ہو اور وہ قربانی کرنا چاہیے تو اس کے لیے مستحب ہے۔ رسول اکرم ﷺ نے ارشاد کیا:
قربانی تمہارے باپ ابراہیم (علیہ السلام) کی سنت ہے۔(مسنداحمد)
قربانی کے دن اس سے زیادہ کوئی عمل محبوب نہیں (ابن ماجہ)

ہجرت کے بعد آپ ﷺ نے ہر سال قربانی فرمائی ہے۔ کسی سال ترک نہیں کیا۔اور صاحب استطاعت ہونے کے باوجود ترک کرنے والوں کو سخت وعیدیں سنائی ہیں۔

خود آپ ﷺ نے حجۃ الوداع کے موقع پر سو(۰۰۱) اونٹوں کی قربانی کی۔روایات میں آتا ہے کہ آپ ﷺ نے حضرت علی کرم اللہ وجہہ کے ذریعے یہ اونٹ یمن سے درآمد کروائے تھے۔ان اونٹوں میں ۳۶ اونٹ کو آپ ﷺ نے خود نہر فرمائے۔سیدہ فاطمہ ؓ سے فرمایا تھا کہ اپنی قربانی کے ذبح کے وقت خود کھڑی ہوجائیں تاکہ کثرت ثواب ہو۔قربانی کے جانور کے ہر بال کے عوض ثواب ملے گا، یہی میرے آقاﷺ کا فرمان ہے۔

ٓآپ ﷺ نے اپنی اور اپنی امت کی طرف سے قربانی کی ہے تو امت کو بھی چاہیے کہ اپنے پیار حبیب ﷺ کی طرف سے قربانی کرے۔
سیدنا علی المرتضی رضی اللہ عنہ کا معمول تھا کہ ایک بکرا اپنی طرف سے اللہ کے نام قربانی کرتے تھے اور ایک بکرا سردار دو عالم حضرت محمد ﷺ کی طرف سے قربانی فرمایا کرتے تھے۔ کسی نے حضرت علی کرم اللہ وجہہ سے دریافت کیا تو آپ نے ارشاد کیا کہ مجھے آپ ﷺ کا فرمان ہے کہ میں آپ ﷺ کی طرف سے قربانی کیا کروں۔ اس لیے میں ہمیشہ آ پ ﷺ کی جانب سے بکرے کی قربانی کرتا۔

خلیفہ دوئم سیدنا عمر رضی اللہ عنہ اپنے چھوٹے بچوں کی طرف سے خود قربانی فرمایا کرتے تھے۔آپ ﷺ سے لے آج تک مسلمان مسلسل عیدالاضحی کے تینوں ایام میں جانوروں کی قربانی کرتے آرہے ہیں۔قربانی کے حوالے سے متجددین اور معترضین کے اشکالات پر آج تک مسلم امہ نے کان نہیں دھرے۔محبوب کی سنت کے احیاء میں معترضین کے اشکالات امت کے سامنے مچھر کے پر جیسی حیثیت نہیں رکھتے۔

قربانی کے سینکڑوں معاشی فوائد بھی ہیں۔ صرف ہمارے ملک میں قربانی کے ایام میں لاکھوں لوگ حلال طریقے سے اپنی کمائی کرتے ہیں۔ کروڈوں غریبوں کو انہی قربانی کے دنوں میں جی بھر کر کھانے کو گوشت ملتا ہے۔ٹنوں کے حساب سے غرباء و فقراء میں قربانی کا گوشت تقسیم کیا جاتا ہے۔اللہ کی برکت دیکھ لیا جائے تو حیرت ہوتی ہے کہ لاکھوں جانور ذبح کیے جاتے ہیں لیکن کبھی بھی حلال جانور کی مارکیٹ میں قلت پیدا نہیں ہوتی ہے۔المختصر قربانی کے فضائل بے شمار ہونے کیساتھ قربانی ایک ایسا عمل بھی ہے جس سے لاکھوں لوگوں کا معاش وابستہ ہے۔اللہ رب العزت ہمیں قربانی کی ظاہری و باطنی برکتیں نصیب کرے۔

یہ تحریر ریڈیوپاکستان کی ٹرانسمیشن کے لیے خصوصی لکھی گئی ہے اور ریکارڈ کروائی گئی ہے ۔

امیرجان حقانی

اسسٹنٹ پروفیسر: پوسٹ گریجویٹ کالج گلگت
ریسرچ اسکالر: علامہ اقبال اوپن یونیورسٹی اسلام آباد

قربانی : فکروفلسفہ – ڈاکٹر ساجد خاکوانی(اسلام آباد،پاکستان)

Posted on July 19, 2021July 19, 2021

بسم اللہ الرحمن الرحیم

قربانی:فکروفلسفہ – ڈاکٹر ساجد خاکوانی (اسلام آباد،پاکستان)

                دنیائے مذاہب میں دین اسلام کی پہچان عقیدہ توحیدہے۔توحید ”ایک ہونا“کو کہتے ہیں،حقیقت یہ ہے کہ اگرچہ ذات باری تعاکی اپنی ذات میں ”ایک“ہی ہے لیکن اسکا بھیجاہوادین بھی اپنی تمام تر خصوصیات میں دنیا بھر میں اور کل انسانی تاریخ میں ایک اور اکیلاہی ہے۔دنیاکے کسی کونے میں دن میں پانچ دفعہ عبادت نہیں کی جاتی،پورامہینہ مشرق سے مغرب تک امت کاروزوں میں پرویاجاناکی مثال ڈھونڈے سے نہیں ملے گی،محض ثواب کے لیے لاکھوں خرچ کردینااور پرصعوبت سفر اختیارکرنادنیامیں ناپید ہے،زکوۃ،عشر،خمس اور صدقات کا تصور سن کر تو دوسری دنیاؤں کے لوگ حیران ہی ہو جاتے ہیں اور صرف یہی نہیں کہ یہ امور کتابوں میں ہی درج ہیں بلکہ حالات کے عروج و زوال کا شکار اس امت نے کبھی بحیثیت مجموعی ان اعمال کو قضا نہیں کیا۔

                انسان کی حیات کل دراصل قربانی سے ہی مستعار ہے۔ماں باپ اولاد کے لیے قربانی دیتے ہیں۔ماں ایک طویل مدت تک ناروابوجھ کو قربانی دے کر برداشت کرتی ہے۔اسے اپنے آرام کی قربانی دینی پڑتی ہے،اپنی صحت کی قربانی دینی پڑتی ہے،اپنے خوردونوشت کی قربانی دینی پڑتی ہے،اسے اپنی جملہ معاملات و معمولات کی قربانی دینی پڑتی ہے یہاں تک کہ بوقت پیدائش ماں گویا موت کے منہ سے ہو کر واپس آتی ہے اور اتنی بڑی قربانی کے بعد ایک انسان اس دنیامیں جنم لیتاہے۔یہ تمام قربانیاں اگرچہ بہت سخت اور بعض اوقات ناقابل برداشت ہوتی ہیں لیکن بہرحال ایک ہی فرد”ماں“ سے متعلق ہوتی ہیں۔پیدائش کے بعد تو پہلے ماں باپ مل کر قربانی دیتے ہیں پھر پوراخاندان ایک بچے کے لیے قربانی دیتاہے اوراپنی محبت،توجہ اور وارفتگی اس کے لیے نچھاورکرتاہے اس کے بعد اگلے مرحلے میں پورامعاشرہ اس بچے کی تعلیم و تربیت کے لیے قربانی کے جاں گسل مراحل سے گزرتاہے۔گویا کل انسانیت اپنی تمام تراکائیوں کی حیثیت سے اور بالاجماع اس ایک فرد کے لیے قربانیوں کے مراحل سے گزرتے ہیں اور تب وہ فرد کارگر و ثمرآورو کارآمد ثابہت ہوتاہے۔جیسے ہی وہ فرد تیارہوتاہے تو اگلی نسل کے لیے قربانیوں کاایک اور سلسلہ چل نکلتاہے۔قربانیوں کی یہ مشق مسلسل ایک زمانے سے اس کرہ ارض پر تاشرق و غرب جاری ہے اور تاقیامت جاری رہے گی۔انسانوں کی طرح جانور پرندے اور آبی مخلوقات ببھی قربانی کے اس دائرہ حیات سے باالتزام گزرتے ہیں۔

                جو فرد جتنی قربانی دیتاہے وہ اتنا ہی قیمتی ہوتاہے اور قیمتی تر ہوتاچلاجاتاہے۔قربانی کے اعتبار سے قبیلہ بنی نوع انسان میں دو طرح کے مردو خواتین پائے جاتے ہیں۔ایک طرح کے وہ لوگ ہیں جن کی کل حیات قربانیوں سے مزین ہوتی ہے،وہ اپنی اور آنے والی نسلوں کے لیے اپنی زندگیاں تج دیتے ہیں۔یہ محسنین ہیں جن کے باعث انسانی نسل اس کرہ ارض پر افزائش پزیر ہے۔خاص طورپر وہ خواتین جن کی ساری زندگی اور کل صلاحیتیں انسانیت کی امانتوں کی نذر ہوجاتی ہیں،وہ اپنی آزادیاں،اپنے شوق اور جوانیاں بھی قربان کردیتی ہیں اور ذہنی و جسمانی و جذباتی و نفسیاتی طورپر صحت مند تر نسل کی بالیدگی کاباعث بنتی ہیں۔اپنی نسلوں اور پھران سے اگلی نسلوں کو دودھوں پالتی ہیں اور اپنے قیمتی تجربات منتقل کرنے کے بعد امر ہوجاتی ہیں۔عالم انسانیت کادوسراطبقہ دنیاسے اپنی جوانی کی قیمت وصول کرتاہے اور اپنی مسکراہٹ تک کے دام لگاتاہے۔یہ طبقہ قربانی نہیں دیتابلکہ اپنی خاطر انسانیت کو قربان کرتاہے۔یہ استحصالی طبقہ ہے جس نے کل انسانیت کو ناک تک سود میں جکڑ رکھاہے۔اس طبقے کے زن و مرد اپنی ہر صلاحیت،اپناوقت اور اپنی تمام مہارتیں بازارمیں لاکر زرتجارت کے طورپررکھ دیتے ہیں،اور جو بھی ان کی اچھی بولی دیتاہے اس کے ہاتھوں فروخت ہو جاتے ہیں۔ان کے اس کردار کے باعث دنیا دوزخ کا گڑھابن جاتی ہے اور زمین ظلم سے بڑھ جاتی ہے۔

                انبیاء علیھم السلام وہ طبقہ ہیں جنہوں نے انسانیت کی خاطر راہ للہ بے پناہ قربانیاں دیں اوران کاکچھ بھی صلہ انسانوں سے نہ مانگا۔قرآن مجید نے جگہ جگہ انبیاء علیھم السلام کایہ قول نقل کیاہے کہ ”میں تم سے کوئی بدلہ نہیں مانگتا،میرابدلہ توصرف اللہ تعالی کے ہاں ہی ہے“۔انبیاء علیھم السلام کے توسط و توصل سے جو طرز زندگی انسانوں کو میسر آیاہے وہ بھی سراسرقربانی سے عبارت ہے۔دن میں پانچ اوقات کی قربانی ہے،جس وقت،جہاں بھی اور جس بھی مصروفیت میں ہو ہر حال میں قربانی دے کر اللہ تعالی کے حضورپیش ہوناہے۔سال بھرمیں زکوۃ کے نام پر مال کی قربانی دینی ہے۔عمر بھرمیں ایک بار حج کرنے کے لیے جانا جس میں جان کی قربانی،مال کی قربانی،وقت کی قربانی،اپنے گھربارکے آرام کی قربانی اوروطن سے ہجرت کی قربانی اور ظالم نظام کے خاتمے کے لیے طاغوتی قوتوں سے ٹکرانا اور قتال و شہادت کے عنوان سے اپنی جان کو قربانی کے لیے پیش کرنا۔اس کے علاوہ قرآن کا ہر صفحہ ”صبر“کے حکم سے بھراہے اور تمام انبیاء علیھم السلام کی زندگیوں کواگرایک لفظ میں جمع کرنا چاہیں تو وہ بھی ”صبر“ہے۔جب کہ بادی النظر میں دیکھاجائے تو صبر بھی دراصل قربانی بلکہ سب سے بڑی قربانی کا نام ہے کہ انسانی رویوں کے نتیجے میں بدلہ،انتقام یاصدائے احتجاج کی بجائے اپنی ”انا“کی قربانی دیتے ہوئے انہیں برداشت کرنا اور اپنے ایمانی موقف پر ڈٹے رہنا۔انہیں قربانیوں میں سے ایک قسم سالانہ ذبیحے کی قربانی بھی ہے۔شریعت محمدیﷺمیں سال بھرمیں ایک قربانی کرنا ہر صاحب نصاب مسلمان مردوعورت پر واجب ہے۔سال کے کسی بھی حصے میں یہ قربانی کر لینے سے وجوب اداہو سکتاہے۔لیکن سنت رسول اللہ ﷺکے مطابق یہ قربانی سال کے آخری مہینے ”ذوالحجہ“میں کی جاتی ہے۔اس طریقے سے قربانی کرنے پر واجب اور سنت دونوں کاثواب ملے گا۔اگرکوئی صاحب نصاب ہوتے ہوئے بھی قربانی نہیں کرے گاتو عنداللہ گناہ گارہوگا۔جولوگ فوت ہوچکے ہوں ان کے ایصال ثواب کے لیے بھی قربانی کی جاسکتی ہے اس طرح اس قربانی کاثواب اللہ تعالی ان مرحومین کو عطاکرتاہے اور قربانی کرنے والا بھی اجرپاتاہے۔آپ ﷺ کی ایک حدیث کے مطابق امت مسلمہ کو قربانی کاگوشت کھانے کی اجازت اللہ تعالی کے خصوصی انعامات میں سے ہے جب کہ گزشتہ امتوں کواس کی اجازت نہیں تھی۔

                قربانی کا عمل جس باقائدگی کے ساتھ اور جن جن شرائط کے ساتھ اور جن جن اثرات و نتائج کے ساتھ امت کے اندر جاری و ساری ہے اسکی مثال بھلا کہاں ملے گی؟۔سال خیریت سے گزر جانے پر کل دنیاکے صاحب نصاب مسلمان جن پر زکوۃ فرض ہوتی ہے شکرانے کے طور پر قربانی کرتے ہیں۔سب مسلمان اس عمل بابرکت میں یوں شریک ہوتے ہیں کہ صاحب نصاب قربانی کرتے ہیں اور جوصاحب نصاب نہیں ہوتے وہ قربانی میں سے اپنا حصہ وصول کرتے ہیں اور وہ لوگ جو غربت کی وجہ سے ساراساراسال گوشت جیسی نعمت سے محروم رہتے ہیں اب کی دفعہ وہ بھی پیٹ بھرکے اور دل سیر کر کے گوشت کھا لیتے ہیں اور رب تعالی کا شکر بجالاتے ہیں۔قربانی کا تصور گزشتہ امتوں سے جاری ہے۔حضرت آدم علیہ السلام کے بیٹے ہابیل اور قابیل جب باہم اختلاف کا شکار ہوئے توانہیں حکم دیا گیا کہ اپنی اپنی قربانی پیش کریں،ہابیل بھیڑیں لے آیا اور قابیل جو کاشتکاری کرتا تھا،اپنے اگائے ہوئے غلے میں سے ایک حصہ لے آیا۔دونوں نے اپنی اپنی قربانی ایک میدان میں پیش کر دی۔گزشتہ امتوں میں قربانی کی قبولیت کا پتہ اس وقت چلتا تھا جب آسمان سے ایک آگ آکرتو اسکو جلا دیتی تھی۔دونوں کی قربانیوں میں سے ہابیل کی قربانی کو آسمانی آگ نے جلادیااور قابیل کی قربانی قبول نہ ہوئی اور یوں انکے اختلاف کا فیصلہ اللہ رب العزت کی طرف سے چکا دیا گیا۔

                گزشتہ امتوں سے بنی اسرائیل تک میں قربانی کا سلسلہ یوں ہی چلتا رہا۔بنی اسرائیل کو انکی ناشکریوں کی جو سزا ملی ان میں سے ایک یہ بھی تھی کہ انکی شریعت مشکل بنا دی گئی تھی۔چنانچہ ان کے ہاں قربان گاہ ایک مخصوص جگہ ہوتی تھی اور کہیں بھی قربانی نہیں کی جا سکتی تھی،وہ لوگ قربانی کاگوشت بھی کھا نہیں سکتے تھے،جس کی قربانی قبول ہو جاتی تو وہ جل کر راکھ کا ڈھیر بن جاتی اور جس کی قربانی قبولیت کے مقام پر نہ پہنچ پاتی تو ویسے ہی نادم اورخائب و خاسرہوجاتا کہ اللہ تعالی نے اسکی قربانی کو قبولیت کاشرف نہیں بخشا جبکہ ہماری شریعت میں قربانی کا وہی طریقہ رائج کیا گیاجو ملت ابراہیمی یعنی حضرت ابراہیم علیہ السلام کے زمانے سے جاری تھا۔محسن انسانیت ﷺنے حضرت ابراہیم علیہ السلام کے طریقے کے مطابق قربانی کا طریقہ دوبارہ رائج کیااور درمیان کی مدت میں جو خرافات  و بدعات اس عمل میں داخل ہو چکے تھے انہیں ختم فرمادیا۔

                ابوالانبیاء حضرت ابراہیم علیہ السلام نے خواب دیکھا کہ وہ اپنی پیاری چیز اللہ تعالی کے راستے میں قربان کر رہے ہیں۔نبی کا خواب چونکہ وحی کا حصہ ہوتا ہے اس لیے وہ محض سچی پیشین گوئی نہیں ہوتا بلکہ اللہ تعالی کا حکم ہوتا ہے جسے پورا کرنا نبی کے لیے ضروری ہوتاہے۔چنانچہ حضرت ابراہیم علیہ السلام نے اپنی پیاری چیز اپنا بیٹا اللہ تعالی کے راستے میں قربان کردیا۔حضرت ابراہیم علیہ السلام نے اپنی زوجہ محترمہ حضرت حاجرہ سے فرمایا کہ بیٹے کو تیار کردیں کہیں جانا ہے،باپ بیٹا مکہ کی وادی سے نکلے اور منی کے میدان کی طرف چل دیے۔راستے میں حضرت ابراہیم علیہ السلام نے اپنے بیٹے حضرت اسمئیل علیہ السلام سے تذکرہ کیا کہ مجھے بیٹے کی قربانی کا حکم ہوا ہے،سعادت مند بیٹا قربان ہونے کے لیے تیارہوگیااور حضرت اسمئیل علیہ السلام نے فرمایاکہ باباجان آپ کو حکم ہوا ہے اسے پوراکر ڈالیے۔آسمان نے دیکھاکہ باپ نے اپنی اور اپنے بیٹے کی آنکھوں پر پٹی باندھی تا کہ حکم الہی کے پوراکرنے میں فرط محبت آڑے نہ آجائے اوربیٹے کی گردن پر چھری چلادی۔ اللہ تعالی نے اس قربانی کو”ذبح عظیم“کہ کریادکیاہے۔بیٹے کی جگہ جنت سے ایک مینڈھالاکررکھ دیاگیاجس کے ذبح کی یاد میں ہر سال قربانی کی جاتی ہے۔

                اس ذبح عظیم کی یاد میں اسلام نے مسلمانوں کو عید الاضحی کا تہوار دیاہے،یہ خوشی کے تین ایام جن میں روزہ رکھناحرام ہے اور کھانا پینامستحب ہے،پوری دنیاکے مسلمان اللہ کے نام پر قربانیاں کرتے ہیں اور گوشت کھاتے ہیں۔ان دنوں میں اللہ تعالی کو جانور ذبح کرنے سے زیادہ کوئی عمل پسند نہیں ہے کیونکہ یہی اس کے پیارے نبیوں کی سنت ہے۔روایات میں لکھاہے کہ یہ جانور قیامت کے دن اپنے سینگوں،کھروں اور بالوں سمیت آئیں گے اور ان کے ایک ایک بال کے بدلے نیکی ملے گی۔قربانی کرنے والے کو چاہیے کہ اپنی حیثیت کے مطابق اچھااور صحت مند جانور خریدے کیونکہ پل صراط سے انہیں جانوروں پر سواری کرتے ہوئے گزاراجائے گا چنانچہ صحت مندجانور اپنے سوار کو بحفاظت اور سرعت کے ساتھ اس پار جا اتارے گا۔قربانی کے لیے ضروری ہے کہ بالغ اور بے عیب جانور خریداجائے،لنگڑا،لولااور نابالغ جانورکی قربانی سے منع کیاگیاہے۔قربانی کے جانور کی رقم کسی اورمقصد کے لیے استعمال کرنے سے قربانی کااجرحاصل نہیں ہوگااور قربانی کاوجوب بھی ادانہیں ہوگا۔تاہم اپنے سے دور قربانی کی رقم اس لیے بھیج دینا کہ وہیں قربانی کر دی جائے،جائزہے۔رشتہ داراس حسن سلوک کے زیادہ حق دار ہیں کہ جو لوگ امریکہ یا یورپ سمیت دنیاکے دوسرے ملکوں میں رہتے ہیں اور انہیں وہاں قربانی کرنے میں دقت پیش آتی ہے یا نہیں آتی تو بھی وہ اپنے مادر وطن میں قربانی کی رقم ارسال کردیں اور یہاں انکے عزیزواقرباانکے نام کی قربانی کر دیں تو قربانی کاوجوب اداہوجائے گا۔

                ایک بکرے یا مینڈھے میں ایک فرد قربانی کرسکتاہے جبکہ گائے،بیل یااونٹ میں سات حصے دار اپنی قربانی کر سکتے ہیں۔بہتر ہے کہ قربانی کاجانور خود ذبح کیاجائے لیکن قصاب کی خدمات لے لینا بھی جائز ہے لیکن اس صورت میں کوشش کی جائے کہ گردن پر چھری چلانے کا عمل خود کیاجائے،یا پھر کم از کم اتناتو ضرور ہی کیاجائے کہ قصاب جب گردن پر چھری چلائے تو اس کے ہاتھ پر اپنا ہاتھ دھر دیاجائے۔ذبح کرنے سے پہلے جانور کو پانی پلانا،بوقت ذبح جانور کا منہ قبلہ رخ کرنا،مسنون دعاپڑھنااور چھری کی دھارکو خوب تیزکرکے چھری چلانا پسندیدہ امور ہیں جن کی پابندی باعث ثواب ہے۔قصاب کو مزدوری کے طور پر کھال دینایاگوشت کا کچھ حصہ دیناجائز نہیں ہے،تاہم مزدوری اداکرچکنے کے بعد ہدیہ کے طورپریاصدقے کی نیت سے غریب ومزدورقصاب کو کچھ بھی دے دیناجائز ہے۔قربانی کی کھال ان اداروں کو دینی چاہیے جو شرعی پابندیوں کے ساتھ معاشرے میں غرباومساکین کی بھلائی میں کوشاں ہیں۔اگر کسی مجبوری کے باعث قربانی کے جانور کی کھال بیچ دی گئی ہوتوپھراس رقم کو ذاتی استعمال میں لانا ممنوع ہے تب لازم ہے کہ وہ رقم کسی مستحق کو تھمادی جائے۔آپ ﷺ کا طریقہ مبارکہ تھاکہ قربانی کے جانور کا گوشت پکنے تک کچھ نہیں کھاتے تھے اور دن کے کھانے کا آغاز قربانی کے گوشت سے ہی کرتے تھے۔یہ اس جانور کا احترام ہے کہ جو ہماری خاطراپنی جان سے گزر گیااور ہم کم از کم اسکے گوشت کے پکنے تک کاتوانتظار کریں۔عیدالاضحی کو بڑی عید کہتے ہیں کیونکہ اس کی عمر کم و بیش چار ہزار سالوں پر محیط ہے۔

                قربانی ان دس سنتوں میں سے ہے جن کا آغاز حضرت ابراہیم علیہ السلام سے ہوا، انہوں نے سب سے پہلے بت خانے کی مورتیوں کو اپنی ٹھوکروں سے پاش پاش کیا اور جھوٹے خداؤں کی قربانی دی۔ہمارے لیے یہ سبق ہے کیا ہم نے اپنے سینے میں جمائے ہوئے  ناجائزخواہشات کے بت توڑ ڈالے ہیں؟؟اولاد کا بت بہت بڑا بت ہوتا ہے جس کی گردن پر حضرت ابراہیم علیہ السلام نے چھری چلا دی تو کیا آج ہم اپنی اولادکی ناجائز خواہشات کوقربان کرتے ہیں؟؟کیاہم نے حضرت ابراہیم علیہ السلام کی سنت سے یہ سبق سیکھاکہ اولاد کی خاطر ہر جائزوناجائز،حلال و حرام اور صحیح وغلط کی پابندیوں کو توڑ دینا درست نہیں؟؟حضرت ابراہیم علیہ السلام نے ہر نبی کی طرح اپنے وطن کی قربانی دی اور دین کی خاطر اللہ تعالی کے حکم سے ہجرت کی کیاہم نے اپنے وطن کا بت توڑا؟؟”سب سے پاکستان“کا نعرہ لگا کر امت کو پس پشت ڈال کر اور اپنے وطن کا بت پوج کر ہمیں کیاملا؟؟۔قرآن نے واضع طور پر فرمایا کہ جس نے حضرت ابراہیم علیہ السلام کے طریقے سے منہ موڑا اس نے گویا اپنے آپ کو دھوکا دیا۔سوقربانی کا سبق ہمیں یاد دلاتا ہے کہ جس طرح ایک نبی علیہ السلام نے اپنی محبتوں کا مجموعہ اللہ تعالی کے راستے میں پیش کردیاہم بھی اپنی خواہشات کو نبی ﷺ کی لائی

ہوئی تعلیمات کے تابع کر دیں،جانورکی گردن پر چھری چلانا دراصل اپنی ناجائز خواہشات پر چھری چلانا ہے جس کو تقوی کانام دیا گیاہے۔اور یہ حقیقت ہے کہ اللہ تعالی تک قربانی کا گوشت نہیں پہنچتا بلکہ تقوی پہنچتا ہے۔قربانی تو تمام تر شرعی قوائدوضوابط کے ساتھ کر ڈالی لیکن خواہشات نفسانی کے جانور کو بے لگام چھوڑ دیاتو پھر گویا قربانی چہ معنی دارد؟؟عملی زندگی ہر ہر قدم پر قربانی مانگتی ہے اور نبیوں کے طریقے کے مطابق ہر ہر قربانی کواللہ تعالی

 کے حضور پیش کیے جانا یہ سبق ہے جو ہر سال کے آغاز سے پہلے سنت ابراہیمی ہمیں یاد کراتی ہے۔

[email protected]

دادبیداد – نقل یا چوری – ڈاکٹر عنایت اللہ فیضی

Posted on July 18, 2021July 18, 2021

دادبیداد ۔۔۔۔۔نقل یا چوری۔۔۔۔۔۔ڈاکٹر عنایت اللہ فیضی

وزیراعلیٰ محمود خان نے چکدرہ لوئر دیر کے امتحانی سنٹر میں ایک بااثر افیسر کے بیٹے کو الگ کمرے میں بٹھا کر نقل کی سہولت دینے کا نوٹس لیا اور ذمہ دار افیسروں کے خلاف رپورٹ درج کرکے ان کو جیل بھیجدیا گیا گویا اعلیٰ سطح پر اس بات کو تسلیم کیا گیا کہ امتحان میں نقل قابل دست اندازی پولیس جرم ہے اس جرم پر گرفتاری ہوسکتی ہے قید وبند کی سزابھی ہوسکتی ہے اس واقعے کی محکمانہ انکوائری کا حکم دے دیا گیا ہے محکمانہ انکوائری کے بعد پتہ لگیگا کہ محکمہ کیاکرتا ہے؟اگر کسی افیسر کو تبدیل کیا گیا تو اس کو سزا کی جگہ انعام تصور کیاجائے گاانکوائری کی رپورٹ آنے سے پہلے دوباتیں سامنے آگئی ہیں پہلی بات یہ ہے کہ پہلی بار اخباری نمائیندوں نے امتحانی ہال میں ہونے والی بے ضابطگی کوکیمروں کی مدد سے ویڈیو بناکر بے نقاب کیا ہے اخباری نمائیندوں کو اس جرء ت اوربہادری پر داد ملنی چاہیئے بلکہ انعام اور ایوارڈ ملنا چاہیئے دوسری بات یہ ہے کہ نقل کو چوری قرار دے کر چوروں کو گرفتار کیا گیا ہے اور یہ ملاکنڈ کی تاریخ میں دوسری بار ہوا ہے۔

61سال پہلے کا واقعہ محکمہ تعلیم سے وابستہ بزرگوں کو آج بھی یاد ہے1960ء میں پروفیسر پریشان خٹک نوجوان لیکچرر تھے جہانزیب کالج سوات میں امتحان پران کی ڈیوٹی لگائی گئی اس وقت سوات میں شرعی قوانین نافذ تھے۔قاضی القضاۃ میزان شریعت میں بیٹھ کر فیصلے سناتا تھا قتل کے مجرم کوقصاص کی سزا دی جاتی تھی۔چوری کے مجرم کو ہاتھ کاٹنے کی سزا سنائی جاتی تھی اُس زمانے میں آج کی طرح باجماعت نقل مارنے کا رواج نہیں تھا ایک آدھ بندہ نقل میں پکڑا جاتا تو اس کا پرچہ منسوخ ہوتا جرم کی نوعیت کے لحاظ سے ایک سال،دوسال یا تین سال تک امتحان دینے پر پابندی بھی ہوتی تھی۔اس سے زیادہ سزا نہیں تھی امتحان کے دوسرے روز پریشان خٹک نے ایک طالب علم کو نقل کرتے ہوئے پکڑلیا۔نقل کے ساتھ رنگے ہاتھوں گرفتار کرکے پولیس کے حوالے کیا اور اپنی طرف سے وقوعہ کی رپورٹ لکھ کر قاضی القضاۃ(چیف جسٹس) کو بھیجدیا۔

رپورٹ میں اُنہوں نے موقف اختیار کیا کہ ریاست سوات میں شریعت نافذ ہے شرعی سزائیں مقرر ہیں اور شریعت کے احکامات پرعمل بھی ہوتا ہے میں نے سوات کے امتحانی ہال میں طالب علم کو نقل کرتے ہوئے رنگے ہاتھوں پکڑلیا ہے گواہ بھی موجود ہیں چونکہ محکمہ تعلیم کے قواعد وضوابط اور امتحانی ہال کے لئے وضع کردہ قوانین میں نقل کو چوری تصور کیا گیا ہے نقل کرنے والے کی وہی سزا ہوتی ہے جو سزا چور کی ہے اس لئے طالب علم ایکس وائی زی پر چوری کا مقدمہ چلاکر گواہوں کو طلب کیا جائے اور جرم ثابت ہونے پر مجرم کا ہاتھ کاٹ دینے کے لئے حکم جاری کیا جائے۔امتحانی ہال میں پرچہ ختم ہونے سے پہلے اس واقعے کی رپورٹ والی سوات میاں عبدالحق جہانزیب کو دی گئی۔ان کے سامنے اپنی نوعیت کا یہ پہلا واقعہ تھا

والی صاحب کو تعجب بھی ہوا حیرت بھی ہوئی اُنہوں نے ہال کے سپرنٹنڈنٹ کو بلانے کا حکم دیا۔ہرکارہ آیاتو پریشان خٹک نے والی صاحب کو خط لکھ کرامتحان کے ہال کوچھوڑ کرشاہی دربار میں حاضر ہونے سے معذرت کا اظہار کیا۔اس خط نے والی صاحب کے دل میں پروفیسر صاحب سے ملنے کا اشتیاق پیدا کیا والی صاحب نے خط کے جواب میں پروفیسر صاحب سے درخواست کی کہ آج شام کے لئے میری دعوت قبول کریں اور ”نان شیراز‘ میں شریک ہوکر میری عزت افزائی کریں پریشان صاحب نے لکھا کہ میں اکیلا نہیں ہوں میرے ہمراہ امتحانی ہال کا پورا عملہ ہے۔والی صاحب مزیدمتاثر ہوئے اور لکھا کہ میری دعوت آپ کے عملے کے لئے بھی ہے رات کھانے پرجو گفتگو ہوئی اس میں پریشان خٹک نے والی صاحب کو قائل کیا کہ نقل بدترین چوری ہے جو ایک نسل کو تباہ کرنے کا سبب بنتی ہے والی صاحب کے مشیر سیف الملوک صدیقی خودبھی دانشور تھے شاعر تھے”زہ انتظار کوم ستادسترگو،ولے پنہ شوے تہ زمادسترگو“ انہی کی غزل ہے۔مشیر صاحب نے1973ء میں چنداخورہ کبل میں اساتذہ کے ایک گروپ کو یہ واقعہ سناکرآخیر میں کہا کہ والی صاحب پریشان خٹک کی صداقت،دیانت،جرء ت اور کردار کی بلندی کے گرویدہ ہوگئے۔

2021کا چکدرہ سوات سے زیادہ دور نہیں بلکہ سوات کے دروازے پر واقع ہے1960ء میں پریشان خٹک نے والی صاحب کو قائل کیا تھا کہ نقل بھی چوری ہے61سال بعد اخباری نمائیندے فیصل نے خیبر پختونخوا کے وزیراعلیٰ محمودخان کو قائل کیا ہے کہ نقل چوری ہے قابل دست اندازی پولیس ہے اور اس جرم پر بھی ڈکیتی والی ایف آئی آر ہونی چاہیئے بقول اقبال۔۔۔
وہی نامحکمی وہی دیرینہ بیماری دل کی
علاج اس کاوہی آب نشاط انگیز ہے ساقی

تمام آنکھیں میری آنکھیں ہیں – ڈاکٹر شاکرہ نندنی

Posted on July 17, 2021July 17, 2021

تمام آنکھیں میری آنکھیں ہیں آنکھیں بھی کیا خوب ہیں، ایک بار کھلتی ہیں تو موت پر ہی بند ہوتی ہیں۔ کھلنے اور بند ہونے کے درمیانی عرصے میں سوتی جاگتی آنکھیں کیا کچھ اپنے اندر سمو لیتی ہیں۔ یہ نہ صرف دل و ذہن کو چہرے پر لے آتی ہیں بلکہ پورا وجود ہی آنکھ کی پتلی میں سمٹ آتا ہے۔ 

اگر ان سے رنگ و نور کے چشمے پھوٹتے ہیں تو باہر کے رنگوں کو بھی ہر لمحہ یہ اپنے اندر سموتی رہتی ہیں۔ کبھی آسمان کی بلندی، کبھی خورشید کی تمازت، کبھی چاند کی اداسی تو کبھی سمندروں کے مد و جزر ان کے دامن میں پناہ لیتے ہیں۔ ایک منظر کے بعد دوسرا منظر، پھر منظر کے بعد کا منظر، پھر پس منظر، گویا جسم کا یہ دروازہ ہر منظر کے لئے کھلا ہی رہتا ہے۔ میری آنکھوں نے کیا دیکھا، کیا سمجھا، کیا کھویا، کیا پایا، کسے اپنایا، کسے ٹھکرایا، کہاں بھٹکیں، کہاں ان کی سرزنش ہوئی، کس منظر کو یاد رکھا، کسے بھلا دیا، کس سے بات کی، کس سے منہ موڑا، کہاں اٹھیں، کہاں جھک گئیں، کہاں دل بن گئیں، کہاں ذہن میں ڈھل گئیں، کہاں ان پر پیار آیا، کہاں انھیں نوچ کر پھینکنے کو جی چاہا، ایک نہ ختم ہونے والا منظر نامہ ہے جو قلم کے راستے کاغذ کی روح میں اتر گیا ہے۔ 

آنکھیں بند کرتی ہوں تو اندر کی آنکھ پلکیں جھپکنے لگتی ہے۔ آنکھیں کھولتی ہوں تو خود آنکھ بن جاتی ہوں۔ لگتا ہے کائنات کی سب آنکھیں میرے وجود پر آ گئی ہوں۔ ہر زاویہ نگاہوں کی زد میں آ کر انکشاف کی نئی قیامتیں توڑ تا رہتا ہے۔ 

باطن کی آنکھ کھل جائے تو ظاہری آنکھیں مضطرب ہو جاتیں ہیں۔ چشمِ حیراں کو دلاسا دینا چاہا مگر تلاش و جستجو میں کوئی سرا ہاتھ نہ لگا۔ دل سے پوچھا تو وہ خود آنکھ بن گیا۔ ذہن سے سوال کیا تو کئی آنکھیں اس کے اندر روشن ہو گئیں۔ روح سے پوچھا تو اس کی تابناکیوں نے نئے عالم آشکار کر دیئے۔

 کچھ سمجھ میں نہیں آتا کیا دیکھ رہی ہوں، کیا آنکھ سے اوجھل ہے اور کیا اوجھل نہیں ہے۔ جو نظر آتا ہے وہ ہے نہیں ہے، سب دھوکا ہے، باطل ہے، فریبِ نظرہے، جو ظاہر کی آنکھ نہیں دیکھ سکتی وہی سچ ہے، وہی حق ہے، وہی جستجو، وہی راستہ، وہی منزل ہے، وہی خواب ہے، وہی تعبیر ہے، اندھیرا فریب دیتا ہے، آنکھ اس فریب کوسمجھتی ہے۔ اندھیروں میں بھی متلاشی آنکھیں ظلمت کا پردہ چاک کر کے وہ دیکھ لیتی ہیں جو دیکھنا چاہتی ہیں۔ اندھیرا چشمِ بینا کی راہ میں دیوار نہیں بن سکتا۔

 آنکھیں راستے کی ہر دیوار گرانا جانتی ہیں۔ بشرطیکہ ہنر مند ہوں، لگن رکھتی ہوں، کیف و مستی سے سرشار ہوں، جذب کا ایسا عالم ہو کہ ہر چیز وجد میں آ جائے۔ کائنات پاؤں میں گھنگرو پہن کر محوِ رقص ہو جائے، ڈھولک کہیں اور بجے، رقص کہیں اور ہو۔ یہ آنکھ کے عرفان کی انتہا ہے۔

 پیدائش اگر ایک انتہا ہے تو موت دوسری انتہا۔ ہم خاکی صورت لوگ ان انتہاؤں کے درمیان قید ہیں ، جتنے مجبور ہیں اتنے بااختیا ر بھی ہیں ،جتنی لگن ہے ، جتنی تڑپ ہے، اتنا ہی اختیار بھی ہمارے حصے میں آئے گا۔پھر سب عیاں ہو جاتا ہے ، آگہی کے در وا ہو جاتے ہیں ، پردے اٹھتے ہیں ، اصل تماشا نظر آتا ہے۔ بس جادۂ عرفاں پر چلنے کی ضرورت ہے ۔ باطن کی آنکھ ایک کے بعد ایک منظر دیکھتی ہے تو ظاہر کی آنکھ حیرتوں میں ڈوب جاتی ہے۔

 یہ کائنات حیرت کدہ ہے ۔ صرف دیکھنے والی آنکھ چاہئیے۔ حیرت زدہ آنکھوں نے جب اردگرد دیکھا تو سب اپنا ہی لگا۔ ہر آنکھ اپنی آنکھ اور ہر روشنی اپنی روشنی تھی۔ میری آنکھیں، میری نہ رہیں۔ کائنات میں بکھر کر ہر منظر کے چہرے پر ثبت ہو گئیں۔ اس ادل بدل میں سب آنکھیں میری آنکھیں بن گئیں۔ سب نقش میرے تھے، سب رنگ، سب جذب، سب کیف و مستی میرے اندر ہی موجود تھی۔ رگوں میں دوڑتا ہوا لہو ثناء خوانی کر رہا تھا۔ دل کسی کی یاد میں گریہ زاری کر رہا تھا۔ ایک شور تھا جو کبھی سکوت میں ڈھل گیا تو کبھی شعروں میں اتر کر کاغذ کے وجود سے لپٹ گیا۔ 

معاشرے میں بڑھتی ہوئی عدم برداشت ۔ تحریر صوفی محمد اسلم

Posted on July 16, 2021July 16, 2021

معاشرے کی عمارت اخلاقیات، برداشت، رواداری اور محبت کے ستونوں پر کھڑی ہوتی ہے اور جب یہ خصوصیات سماج سے رخصت ہوجائیں تو وہ تباہی کی طرف تیزی سے گام زن ہوجاتا ہے۔ ہمارے معاشرے میں عدم برداشت کا رجحان تیزی سے فروغ ہو رہا ہے  اس کے باعث تشدد پسند سرگرمیاں بھی سامنے آرہی ہیں۔ لوگوں میں برداشت کم ہوتی جارہی ہے، محض چھوٹی چھوٹی باتوں پر بھی تشدد کرتے ہیں۔ گھروں میں تشدد،  سکولوں میں تشدد، کھیل کی میدان میں تشدد ،یہاں تک کہ پارلیمنٹ میں بھی ایسے متشدد واقعات اکثر دیکھنے میں آتے ہیں، سوشل میڈیا پر تو اس حوالے سے کئی وڈیوز خاصی تیزی سے وائرل ہورہی ہیں۔ 

انسان ایک سوشل انیمل ہے جو ہمیشہ سے مل جل کر رہتے ہیں اسی طرح ایک معاشرہ تشکیل پاتی ہے۔ معاشرتی ارکیں میں مرد ،خواتیں اور بچے شامل ہیں۔جو الگ الگ شخصیات کے مالک ہوتے ہیں۔بعض اراکیں فطرتاً انتہائی جذباتی واقع ہوتے ہیں اور کسی بھی صورت حال میں اپنے اندر اٹھنے والے غصے کو قابو کرنا ان کے لیے انتہائی دشوار گزار مرحلہ ہوتا ہے۔ اس کے برعکس ایسے شخصیات بھی ہوتی ہیں جو مشکل صورتحال میں جذبات سے ذیادہ صبر ،تحمل اور عقل سے کام لیتی ہیں۔جب یہ دونوں رویے آمنے سامنے آ جائیں تو عین ممکن ہے کہ منفی جذبات رکھنے والا شخص مثبت سوچ رکھنے والے انسان کے رواداری اور درگزر کو بھی اپنے منفی رویے سے ختم کردے اور نتیجتاًعدم برداشت کی وائرس وباء کی طرح ایک سے دوسرے کو لگتے لگتے پورے معاشرے کو اپنی لپیٹ میں لے لیتا ہے۔

معاشرے میں پیش آنی والی پرتشدد اور کردار کشی کے واقعات کی جانچ کی جائے تو بنیادی طور پر ان واقعات کے پیچھے چار طرح کے نظریات پائ جاتی ہیں۔

1 مذہب
2 قومیت
3غیرت
4سیاست
آئیں پہلے مذہب کی بات کرتے ہیں۔ اگر ہم مختلف مذاہب کے بارے میں جاننے کی کوشش کریں تو ہمیں معلوم ہوگا کہ مذہب اہم شخصیات کےکردار گرد گھومتی ہے۔ پیروکاروں کے پاس انہی شخصیات کے افعال و اقوال بطور حوالہ جات موجود ہیں جن سے وہ رہنمائی حاصل کرکے اپنی زندگی گزارنا چاہتے ہیں۔ کوئ بھی اپنے نظریات میں مداخلت برداشت نہیں کرپاتے ہیں۔ اس مداخلت کی وجہ سے ہمارے معاشرے میں عدم برداشت بڑھتی جا رہی ہے۔مداخلت اور عدم برداشت کے سبب مزاہب کے پیروکاروں کے مابین فاصلہ بڑھتی جاری ہیں ۔ یہ حساس پہلو ہے اس  معاملے میں انتہائ سنجیدگی اور تدبر سے کام لینا ہوگا۔ جزباتی رویے سے بلاتر ہوکر برداشت اور رواداری سے پیش انا معاشرے کی اہم ضرورت ہے۔جزباتی اور غیر سنجیدہ تقاریر کی وجہ سے ہم دن بدن فرقہ واریت کے دلدل میں پھنستے جارہے ہیں۔

نسل یا قومیت پرستی 
یہ انسانی فطرت ہے کہ انسان کو اپنے گھر ، اپنے خاندان ، اپنے قبیلے ، اپنی قوم سے زیادہ لگا ہوتا ہے۔ وہ چاہتا ہے کہ اس کا گھر ، اس کا خاندان، اس کا قبیلہ ، اس کی قوم کو لوگوں اچھے الفاظ میں یاد کرے۔یہ فطرت بچپن میں اپنے خاندان تک محدود رہتی ہے وقت کے ساتھ ساتھ ماحول اس کے فطرت پر اثرانداز ہوتا ہےاسے خاندان سے نکال کر قبیلہ اور قوم کی طرف لیجاتی ہے۔ جس سے وہ مختلف قسم کے قوم پرستی یا نسل پرستی میں مبتلا ہوجاتا ہے۔ وقت کے ساتھ ساتھ اس کے رویےمیں بھی تبدیلی اجاتی ہے۔اپنے خاندان اور قبیلے کو افضل اور دوسروں کو حقیر سمجھ کر بے تکے الفاظ استعمال کرتے ہیں۔ دوستی اور قرابت داری میں بھی کردار سے زیادہ قومیت کو اہمیت دی جاتی ہے۔ اس وجہ سے معاشرے میں ایک دوسرے سے دوریاں بڑھتی جارہی ہے ۔ایک دوسرے کو برداشت نہیں کرپاتے ہیں۔ معمولی غلطی سرزد ہونے پر دوسروں کے خلاف اپنی پوری قوت سے ساتھ ٹکراتے ہیں۔ 

تیسری نمبر پر اتی ہے غیرت۔ غیرت کو ہم نمائشی الہ سمجھتے ہیں۔ انا پرستی اور غیرت میں فرق نہیں کیا جاتا ہے۔ انا پرستی کو غیرت کا نام دیکر ایسی کام کرجاتے ہیں جو اسلامی و اخلاقی نظریے سے اکثر ٹکراتی رہتی ہے۔ انا کی تسکین کیلئے معمولی تکرار پر قتل ،عداوت،  جسمانی اور جنسی تشدد کرتے ہوئے نہیں کتراتے ہیں۔ دشمنی نسل در نسل جلتی رہتی ہے۔جو غیرت مندی کے اصولوں کے سراسر خلاف ورزی ہے۔ اخبارات اور سوشل میڈیا پر ایسے واقعات کے انبار لگی ہوئ ہیں۔ جو غیرت کے علامات نہیں بلکہ عدم برداشت اور انا پرستی  کی علامت ہے۔

سیاسی عدم برداشت۔
یہ بھی ایک ایسا پہلو ہے جس کی وجہ معاشرے میں عدم برداشت کو فروعت حاصل ہوتی ہے۔ سیاست سے منسلک لوگوں میں برداشت کی فقدان کا اندازہ بخوبی لگایا جاسکتا ہے۔ بڑے بڑے تعلیم یافتہ لوگ بھی سیاسی عدم برداشت کے دلدل میں پھنس چکے ہیں۔ مختلف پارٹیوں میں منقسم ہوکر اور مخالفت میں ایک دوسرے کو گالیوں سے مخاطب کرتے ہیں۔ ایک دوسرے کی کردار کشی کی جاتی ہے۔مخالفت میں چادر اور چاردواری کی تقدس کا بھی خیال نہیں رکھا جاتا ہے ۔ نازیبا الفاظ سرعام استعمال کرتے ہیں۔ایک دوسرے پر تہمت لگا کر ایک دوسرے کو نیچے دکھانے کی کوشش کی جاتی۔ اس کی اثر سے عام لوگوں میں  بھی ایک دوسرے کیلئے عصہ پائ جاتی ہے۔ 

عدم برداشت پڑھے لکھے لوگوں کو بھی نہیں چھوڑا ہے۔ سوشل میڈیا میں برداشت پر لیکچر دینے والے بڑے بڑے لکھاریوں کے سوچ ایک کمنٹ سے کھل کر سامنے آجاتی ہیں۔ انکی معمولی طبیعت مخالف کوئی کمنٹ کرے یا کوئی ان کے رائے سے اختلاف رائے کرنے کی جسارت کر لے تو اک منٹ میں یہ برداشت کے سبق کو بھول جاتے ہیں قلم چھوڑ کر عدم برداشت کے میدان میں اتر اتے ہیں جوکہ ایک المیہ ہے۔

اسلامی جمہوریہ پاکستان کوریاست مدینہ بنانے کی بات تو ہورہی ہے جو ہمارے خواہش بھی ہے مگر کیا ریاست مدینہ جن ستوں پر کھڑا تھا ان اصولوں پر کاربند رہنے کی ہم میں وہ ہمت و صلاحیت موجود ہیں۔ ریاست مدینہ کی بنیادی اصولوں میں سے ایک برداشت بھی ہے۔ کیا برداشت ،رواداری اور درگزر کا مادہ ہمارے اندر موجود ہے۔  جس کی مثال چودہ سو سال قبل رسول اللہ نے اخلاق ،تہذیب،برداشت اور درگزر سے دی  ہے ۔ طائف کی گلیوں میں لہولہان ہونے ،عزیز چچا کا کلیجہ چبانے والی ہندہ ، مکہ کی عظیم الشان فتح پر عام معافی کے اعلانات فخر سے ہم بیان تو کرتے  کیا عملی ذندگی میں اس پر عمل کرنے کی بھی اہلیت ہے ۔

دوسری طرف سوال یہ پیدا ہوتا ہے کہ ہم لوگوں میں سے برداشت کیوں ختم ہوتی جارہی ہے۔اس کی وجہ جاننے کی کوشش کی جائے تو یہ حقائق سامنے آتے ہیں کہ ہمارے عوام کی اکثریت کو گوناگوں مسائل کا سامنا ہے۔ وقت گزرنے کے ساتھ مصائب بڑھتے ہی چلے جارہے ہیں۔ ان میں انصاف کی فقدان، بیروزگاری اور مہنگائ وغیرہ مسائل شامل ہیں۔ پریشانیوں کا سامنا کرتے کرتے ہمارے عوام اذیت میں مبتلا ہوچکی ہیں۔ لوگوں کے ذہنوں پر اس صورت حال نے انتہائی منفی اثرات مرتب کئے ہیں، مسائل کا سامنا کرنا مشکل ہوچکی ہے۔اگر قریب سے دیکھا جائے عدم برداشت مجموعی طور پر ہمارے ہر طبقے کی بنیاد کھوکھلا کرچکا ہے۔اس عدم برداشت کی وجہ سے ہم مختلف گروہوں میں منقسم ہوکر مزید مسائل اپنی طرف مدعو کیے جارہے ہیں۔ عدم برداشت کی طرف ایسے بھاگتے جارہے ہیں کہ اگے نہ گھاٹی نظر اتی ہے نہ سامنے اٹھتی ہوئی طوفان۔

یہ حقیقت ہے کہ ہم اگر اپنے اندر برداشت کا مادہ پیدا کرلیں تو صورت حال خاصی بہتر ہوسکتی ہے۔ صرف برداشت پیدا کرنے سے ہی معاشرے کا امن و چین لوٹ سکتا ہے۔ انسان ہونے کے ناتے کسی پر بھی تشدد کرنا کسی طور مناسب نہیں۔ یہ ہر لحاظ سے قابل مذمت امر ہے لہٰذا بہتری اسی میں ہے کہ تشدد اور عدم برداشت کے رویوں سے جان چھڑائی جائے۔ اعلیٰ اخلاقی اقدار کو فروغ دیاجائے ۔ مساجد،  سکول اور مدارس میں باقاعدہ برداشت پر درس دیا جائے۔ تبہی ہم اس پر قابو پاسکتے ہیں۔
وما علینا الاالبلاع۔

تحریر صوفی محمد اسلم

بزمِ درویش – ڈاکٹر یا قصائی – تحریر:پروفیسر محمد عبداللہ بھٹی

Posted on July 15, 2021July 15, 2021

لا ہو ر کا مشہور و معروف پرائیوٹ ہسپتا ل مریضوں لواحقین ڈاکٹروں نرسوں اور عملے سے کھچا کھچ بھرا ہوا تھا انسان سیلا ب کی طرح یہاں امڈ آئے تھے یہاں پر انسانوں کا جیسے دریا بہہ رہا ہوں یوں لگ رہا تھا جیسے پورا لاہور یہاں ہی اکٹھا ہو گیا ہو لوگوں کی وضع قطع سے لگ رہا تھا کہ اہل لا ہور کے علاوہ پنجاب کے دور دراز کے علاقوں سے بھی لوگ یہاں مسیحائی کی تلاش میں آئے تھے ہسپتال کی انتظامیہ اور ڈاکٹر حضرات جلادوں کی طرح مریضوں کے جسموں کا قتل عام کر رہے تھے لواحقین بچارے ساری عمرکی پونجی اپنے پیا روں کی زندگی کے لئے لٹائے جا رہے تھے پنجاب کے دور دراز علا قوں سے آئے ہو ئے لوگ اپنی زمینیں مویشی اور زیوارت بیج کر بھیڑیا صفت ڈاکٹروں کے ہتھے چڑھے ہو ئے تھے اہل لا ہور تو پر اعتماد طریقے سے آجا رہے تھے جبکہ دیہات سے آئے ہو ئے لو گ اپنا آپ لٹا کر بھی تحسین آمیز نظروں سے ڈاکٹروں کو دیکھ رہے تھے.

پیچارے اپنے لئے یہاں ایک اعزاز سمجھ رہے تھے ڈرے ڈرے سہمے سہمے لو گ قطار در قطار بیٹھے کھڑے نظر آرہے تھے ڈاکٹر تو ڈاکٹر چھو ٹا عملہ بھی اپنی لو ٹ ما ر میں مصروف تھا سادہ لو ح دیہاتی اِن خا کروبوں سیکو رٹی گارڈ وں اور گیٹ کیپروں کے ہا تھوں لٹ رہے تھے ڈاکٹر اور دوسرا عملہ فاتحانہ شان سے لوٹ ما ر میں مصروف تھا انسان کے دوروپ یہاں نظر آرہے تھے ایک تو انتظامیہ اورڈاکٹر جو اپنی اپنی آخرت بر باد کر نے پر تلے ہو ئے تھے دوسری طرف لو گ اپنے پیا روں کی سانسیں طو یل کر نے کے لئے سر دھڑ کی با زی لگا ئے ہو ئے تھے اکاد کا کو ئی مریض روتے دھاڑتے نظر آتے یہاں زندگی اور مو ت انسان کے دونوں روپ نظر آرہے تھے۔ میں کسی بیما ر کی بیما ر پر سی کے لیے یہاں آیا ہوا تھا

مجھے ساتھ لا نے والے اِس انتظار میں تھے کہ کب اندر سے اجا زت ملے اور وہ مجھے لے کر اپنے مریض تک جا ئیں میں انتظار میں کھڑا مریضوں اور ان کے لوا حقین کو مشاہداتی نظروں سے دیکھ رہا تھا کہ اچانک میرے جاننے والا ایک شخص میرے پا س آیا اور بو لا سر آپ یہاں کیسے آئے ہو ئے ہیں میں نے بتا یا کسی کو ملنے تو وہ بولا سر میں بھی اپنے بھا ئی کو یہاں لے کر آیا ہوں جس کا ایکسیڈنٹ ہو گیا تھا پہلے تو وہ اِدھر ادھر ڈاکٹروں پھر سرکا ری ہسپتالوں کے چکر لگا تا آیا پھر ہمیں سر کا ری ہسپتا ل میں فرشتہ صفت ڈاکٹر مل گیا جو شام کو یہاں پریکٹس کر تا ہے اس کو ہما ری حالت پر ترس آگیا لہذا وہ ہمیں یہاں لے کر آگیا ہے اب ہما را مریض یہاں پر داخل ہے پیسے تو بہت لگ رہے ہیں

لیکن پیسے بندہ کما تا کس لئے ہے جان ہے تو جہاں ہے ہم پیسے پانی کی طرح بہا رہے ہیں ہم نے ڈاکٹروں کو کہہ دیا ہے کہ پیسہ جتنا مرضی لگ جا ئے ہما رے مریض کو بچنا چاہیے اور سر آپ یہاں آئے ہیں تو پلیز ہما رے مریض کو بھی دیکھتے جا ئیں میں جس مریض سے ملنے آیا تھا ادھر ابھی دیر تھی اِس لیے میں اِس بندے کے ساتھ چل پڑا اس کے کمرے کی طرف جا تے ہو ئے راستے میں مجھے ایک جاننے والا ڈاکٹر مل گیا جو یہاں پر ہی کام کر تا تھا مجھے دیکھ کر بہت حیران اور خو ش ہوا اور میرے ساتھ ہی چل پڑا ہم باتوں کے دوران ہی مریض کے پرائیوٹ کمرے میں پہنچ گیا مریض کی ٹانگ ٹو ٹی ہو ئی تھی وہ مہنگے ترین کمرے میں آرام دہ بیڈ پر لیٹا ہوا تھا اس کی ٹا نگ پر پلستر چڑھا ہوا تھا۔ میرے ساتھ آئے ڈاکٹر نے اس کی رپو رٹس دیکھنی شروع کر دیں ساری رپو رٹیں دیکھنے کے بعد مریض سے با ت چیت اورایکسرے دیکھنے کے بعد ڈاکٹر صاحب نے میری طرف دیکھا اور مجھے اشارہ کیا کہ علیحدہ ہو کر میری بات سنیں ہم کمرے سے نکل کر با ہر راہداری میں آئے تو ڈاکٹر سر گو شی میں بو لا مریض کی ہڈی جڑ چکی ہے

اب چند دنوں کے اندر اندر خو د ہی درد ختم ہو جا ئے گا یہاں پر ڈاکٹر صاحب نے اپنی لوٹ ما ر کے لیے مریض کو رکھا ہوا ہے اِس کو اب کسی بھی قسم کے علاج کی اب کو ئی ضرورت نہیں ہے کیو نکہ میں یہاں پر جاب کر تا ہوں اِس لیے میں یہ با ت کھل کر نہیں کر سکتا۔ بہتر یہی ہے کہ آپ مریض کو یہاں سے واپس لے جا ئیں اب یہاں اِس کا کسی قسم کا بھی علاج نہیں ہو رہا۔ اب صرف لو ٹ مار ہو رہی ہے۔ میں نے آکر مریض اور اس کے بھائی کو بتا یا کہ اب آپ گھر چلے جا ئیں اب آپ کو علاج کی ضرورت نہیں اب جب انہوں نے انتظا میہ سے کہا کہ ہمیں ڈسچارج کر دیں تو انتظا میہ نے صاف انکار کر دیا کہ اِس بات کا فیصلہ ڈاکٹر صاحب کریں گے جب ڈاکٹر صاحب سے رابطہ کیا گیا تو انہوں نے بھی انکا ر کر دیا کہ بلکل بھی نہیں۔

ابھی آپ چند دنوں اور یہاں ٹہریں اس لیے کہ میں آپ کا علاج کر سکوں۔ اب میں اپنے دوست ڈاکٹر صاحب کے ساتھ دوسرے مریض کو ملنے گیا جس کی وجہ سے میں یہاں آیا تھا۔ اب ہم اس مریض کے پا س گئے جس کو ICUمیں رکھا گیا تھا ڈاکٹر صاحب نے جا تے ہی مریض کو پہچان لیا وہ پہلے سے اِ س مریض کو جانتے تھے لیکن ہما ری تسلی کے لیے رپورٹس پڑھنی شروع کر دیں مریض کو دماغ کی چوٹ لگی جس کی وجہ سے یہ پچھلے 10دن سے بیہو ش تھا جب لا ہور کے تما م سرکا ری ہسپتالوں نے اِس کو تقریبا مر دہ قرار دیا کہ اب یہ قابل علا ج نہیں ہے تو لو ٹ مار کے سپیشلسٹ اِس ہسپتال نے اِس مریض کو اپنے پاس داخل کر کے وینٹی لیٹر پر چڑھا دیا گا ں سے سادہ لو ح لو گ اِ س با ت پر ہی ڈاکٹروں اور ہسپتال انتظامیہ کو دعائیں دے رہے تھے کہ ہمیں تمام ڈاکٹروں اور ہسپتالوں نے جواب دے دیا تھا

یہ ہسپتال والے کتنے اچھے ہیں ہمیں یہاں داخل کیا اوراب پچھلے کئی دن سے پو ری جان تو ڑ کو شش کر رہے ہیں مریض پر یہاں لو ٹ مار اپنے نقطہ عروج پر تھی لوا حقین تقریبا پندرہ لا کھ اِس مریض پر لگا چکے تھے اور لو ٹ مار کا یہ سلسلہ ابھی شرمندہ اور پریشان نظر آرہا تھا مجھے ایک طرف لے جا کر کہنے لگا سر میں اِس کیس کو پہلے سے جانتا ہوں یہ مریض ہما رے حسا ب سے مر چکا ہے دماغ اِس کا ڈیڈ ہو چکا ہے اب وینٹی لیٹر پر مصنو عی سانسوں پر اِس کو لٹکا یا ہوا جس دن لوا حقین کے پاس پیسے کم ختم ہو جا ئیں گے یا تھک جا ئیں گے تو یہ وینٹی لیٹر اتار کر لا ش ورثا کے حوا لے کر دیں گے کہ ہم نے تو پو ر ی کو شش کی ہے اب اللہ کو ہی منظور نہ تھا یہ ہسپتال بد نا م زمانہ جب لا ہور کے تمام ڈاکٹر اور ہسپتال مریض کو لینے سے انکا ر کر دیتے ہیں تو یہ مریض کو ویلکم کہتے ہیں مریض کے پیا رے اپنے آپ کو بیچ کر کہتے ہیں ہما رے مریض کو بچالیں

جتنا پیسہ چاہیے ہم دیں گے پھر مریض کے گھر والے اپنی جائیدادیں زیوارت اور جمع پو نجی یہاں لٹا کر ڈیڈ با ڈی یہاں سے لے کر چلے جا تے ہیں یہاں پر کام کرنے والے ڈاکٹر مختلف سرکا ری ہسپتالوں سے مریض مرغیاں بنا کر یہاں لا تے ہیں اور پھر انہیں یہاں ذبح کر تے ہیں مظلوم مریض بیچارے ڈاکٹروں کو مسیحا سمجھ کر ان کی ہر بات مانتے ہیں کہ ڈاکٹر تو زندگی بچانے والے ہیں یہ ڈاکو تو ہو ہی نہیں سکتے اور یہ ڈاکٹر مسیحا کے روپ میں ڈکیتی کر تے ہیں اور پھر فخریہ انداز میں بیٹھ کر اپنی لو ٹ ما ر کے قصے لہک لہک کر سناتے ہیں ڈاکٹروں کو اچھی طرح پتہ ہو تا ہے کہ مریض اب مر چکا ہے

لیکن یہ مر دہ انسان کے ساتھ لو ٹ ما ر کر تے ہیں مردہ انسان کے لواحقین کو جھوٹے خو اب دکھا کر ان کے روپے پیسے کو ہڑپ کر جاتے ہیں میں حیرت سے ڈاکٹر صاحب کی با توں کو سن رہا تھا اور آتے جا تے ڈاکٹروں کو دیکھ کر سوچ رہا تھا کہ اِن کو بلکل بھی احساس نہیں کہ انہوں نے بھی مر نا ہے اِن کے گھر والوں کو مرنا ہے روز محشر بھی بر پا ہو ناہے ہر عمل کا جواب دہ ہو نا ہے اِن کو خدا رسول مذہب اخلا قیات کا بلکل بھی احساس نہیں فطرت کے اِس اصول کا احساس نہیں کہ جیسا کر گے ویسا بھرو گے مجھے اچانک لگا میں بہت بڑے ذبح خانے میں ہوں جلاد بے دردی سے زندہ انسانوں سے گا جر مو لی کی طرح کا ٹ رہے ہیں۔

آغاخان مڈل سکول شیراندور سہت کی افتتاحی تقریب- تحریر: سردار علی سردارؔ

Posted on July 15, 2021July 14, 2021

آغاخان مڈل سکول شیراندور سہت کی افتتاحی تقریب- تحریر: سردار علی سردارؔ

آغاخان پرائمری سکول سہت بالا موڑکہو  1987ء سے  قائم ہے جہاں بہت سے طلبہ و طالبات دور دور سے یہاں  اکر AKES کی طرف سے اچھے خاصے اور مستند اساتذہ کی زیرِ نگرانی میں اپنی پرائمری تعلیم حاصل کرتے آرہے ہیں ۔گوکہ یہ سکول علاقے میں بچّوں کی  بنیادی تعلیم میں ایک اہم کردار ادا کرتا آرہا ہے لیکن پرائمری تعلیم کے بعد مڈل سکول میں  داخلہ لینے کے لئے  انہیں لمبی مسافت طے کرتے ہوئے گورنمنٹ یا  پرائیویٹ سکولوں کا رُخ کرنا پڑتاہے  جس سے ان کی تعلیمی کیرئیر  میں خلل آنے  کے رجحانات زیادہ ہوتی ہیں کیونکہ انہیں AKES سکول جیسا ماحول اور  نظامِ تعلیم میسر نہیں ہوتا۔

اس مقصد کے حصول کے لئے سہت کے عوام نے شروع ہی سے سکول کی ( (Up gradationکے لئے ماضی میں بھی   ادارے سے  وقتاََفوقتاََ رابطہ کرکے اپنی درخواستیں اور قراداد  دے چکے تھےلیکن علاقائی مجبوریوں اور وسائل کی عدم دستیابی کی بنا  پر اُن کی شنوائی ابھی تک نہیں ہوسکی تھی  تاہم سہت کے علم دوست عوام نے  اپنی مسلسل محنت اور کوشش  کو جاری رکھنے میں کوئی کسر باقی نہیں رکھی جس کے نتیجے میں اُن کی یہ محنت اور کوشش آخر کار رنگ لائی  بقولِ  ڈاکٹر محمد اقبالؒ

خدا نے آج تک اس قوم کی حالت نہیں بدلی

نہ ہو جس کو خیال آپ اپنی حالت کے  بدلنے کا

سہت کےغیور عوام نے وقت  کی ضرورت  اور مریٹوکریسی کی اہمیت کو  مدِ نظر رکھتے ہوئے  اپنے بچّوں کو  بہتر تعلیم دلانے  کی خاطر  سکول کی (Up gradation)  کے لئے  شب وروز محنت کی۔ عوام کی محنت کو  مذید حوصلہ دینے کے لئے لوکل اور ریجنل کونسلات کے صدور صاحبان نے بھی گاہے بگاہے انہیں اپنی قیمتی مشوروں اور  ہدایات سے نوازتے رہیں۔خاص طور پر ریجنل کونسل کے صدر محترم  امتیاز عالم نے اپنی قائدانہ صلاحیتوں کو بروئے کار لاتے ہوئے عوام کے دیرینہ مطالبے کو منطقی انجام تک پہنچانے میں اپنا مثبت کردار  ادا کیا جس کے نتیجے میں  آج شیراندور سہت پائیں میں آغاخان مڈل سکول کا قیام عمل میں آیا۔اس اہم کام کو عملی جامہ پہنانے پر سہت کے تمام عوام محترم امتیاز عالم  صدر نامدار ریجنل کونسل اپر چترال کا  تہ دل سے شکریہ  ادا کرتے ہیں کہ ان کی بھر پور تعاون اور کوشش سے ایک ناممکن کام ممکن میں بدل گیا ۔

بارہ جولائی 2021 ء  کی تاریخ  اُن کے لئے اور ان کی پوری اولاد کے لئے  ایک  ناقابلِ فراموش اور یادگار   دن رہے گا کہ اس دن  اپر چترال بونی RSDU (ریجنل سکول ڈیولپمنٹ یونٹ) کے ہیڈ محترم تاج الملک اپنے دیگر رفقاء کی معیت میں سہت پائین تشریف لائیں اور کمیونٹی کی طرف سے تعمیر شدہ تین کمروں پر مشتمل آغاخان مڈل سکول شیراندور کا باقائدہ  افتتاح کیا۔اس کے بعد ایک چھوٹی سی تقریب منعقد ہوئی جس میںAKES کے عملے کے علاوہ علاقہ سہت کے عمائدین ،اکابرین ،سکول کے بچے اور ان کے والدین بھی شریک تھے۔تقریب کی  ابتدا  قرآن پاک کی  تلاوت  سے کی گئی جس کو  قاری محمد ولی نے  ادا کی۔تلاوت کے بعد سکول انتظامیہ کی طرف سے ہیڈ ٹیچر  محترم جماعتی خان نے سکول کے نظم و ضبط کو بیان کرتے ہوئے معزز مہمان اور دیگر اکابرین  کا  تہہ دل سے شکریہ ادا کیا۔ اس  کے بعد  الواعظ سردار علی سردارؔ نے علم کی اہمیت کو اجاگر کرتے ہوئے  AKES انتظامیہ  کی مدد اور تعاون کو سراہتے ہوئے کہا کہ ان کی تائید شامل حال نہ ہوتی  تو مڈل سکول کا قیام عمل میں  انا محض ایک خواب تھا۔

انہوں نے علاقے کے  اُن بےلوث خدمت کرنے والے ممبرز کی انتھک کوششوں اور محنت کو بھی حراجِ تحسین پیش کیا جنہوں نے لیڈرشیپ سے بار بار ملاقات کرتے ہوئے آغاخان سکول کے قیام کو عملی جامہ پہنانے  میں بھر پور کوشش کی۔ تقریب میں ریٹائرڈ حوالدار شیر ولی خان بھی موجود تھے جن کی صاف گوئی اور سماجی خدمات کو کبھی بھی فراموش نہیں کیا جاسکتا۔ انہوں نے تعلیم کے لئے ہز ہائی نس  پرنس کریم آغاخان کے وژن کو سراہتے ہوئے آغاخان مڈل سکول شیراندور کو اپنے  لئے   اور پوری قوم کے لئے رحمت اور نیک شگون قرار دیا ۔ انہوں نے بچوّں کو محنت  کرنے اور دل لگاکر پڑھنے اور اپنا مقام حاصل کرنے پر  بھی بہت زور دیا ۔ اسطرح RSDU کے ہیڈ محترم تاج الملک نے  اپنے خیالات کا اظہار کرتے ہوئے فرمایا کہ درحقیقت  AKES   اپنے منشور کو عمل میں لانے کے لئے  صرف  رہنمائی فراہم کرتا ہے  اور راہ  دیکھاتا ہے  جس پر چل کر عوام  اور والدین   دونوں اپنے مطلوبہ  مقصد کے حصول کے لئے اپنا کردار  ادا کرتے ہیں۔ جس کے بغیر کوئی کام حل نہیں ہوسکتا ۔ اپنی گفتگو کو آگے بڑھاتے ہوئے آپ نے کہا کہ یہ شروعات ہے آئندہ اس سے بھی زیادہ کام کرنے کی ضرورت ہے تاکہ مستقبل میں آنے والی نسل کے لئے معیاری تعلیم کا نظام ٍ اسی علاقے میں  ہی دستیاب ہو۔

مختصر یہ کہ آغاخان مڈل سکول شیراندور  میں ہونے ولی یہ سادہ مگر پرُوقار  علمی تقریب چند دعائیہ کلمات کے ساتھ اپنے اختتام کو پہنچی۔تقریب کے آخیر میں مہمانوں اور دیگر اکابرین کے لئے لائیٹ ریفریشمنٹ کا بندوبست بھی کیا گیا تھا اس کے بعد والدین اپنے نونہال بچّوں کو اچھی تعلیم کے حصول کے لئے اساتذہ کے حوالےکرتے ہوئے  رخصت ہوگئے۔

امن وامان اورچند تلخ حقائق – محمد شریف شکیب

Posted on July 14, 2021July 14, 2021

امن وامان اورچند تلخ حقائق – محمد شریف شکیب

وزیر اعلیٰ محمود خان نے صوبے کے مختلف اضلاع میں جائیداد اور خاندانی تنازعات کی بنیاد پر فائرنگ اور قتل کے بڑھتے ہوئے واقعات پر گہری تشویش کا اظہار کرتے ہوئے پولیس اور ضلعی انتظامیہ کوایسے واقعات کی مؤثر روک تھام کے لئے ٹھوس اقدامات کی ہدایت کی ہے۔ وزیراعلیٰ نے صوبے میں امن و امان کی صورتحال کا جائزہ لینے کے لئے ہر پندرہ دن بعد باقاعدگی سے اجلاس منعقد کرنے کا فیصلہ کیاہے۔ جس میں ریجنل پولیس افسران امن و امان کی صورتحال پرتفصیلی بریفنگ دیں گے۔

وزیراعلیٰ نے صوبے کو غیر قانونی اسلحے اور منشیات سے مکمل طور پر پاک کرنے کے عزم کااظہار کیااورپولیس کو اس حوالے سے نظر آنے والے اقدامات کرنے کی ہدایت کی اجلاس میں صوبے میں نئے اسلحہ لائنس کے اجراء پر پابندی کا بھی اصولی فیصلہ کیا گیا .

وزیراعلیٰ کا کہنا تھا کہ صوبائی حکومت امن و امان کی صورتحال کو بہتر بنانے کے سلسلے میں پولیس کوہر ممکن وسائل فراہم کرے گی تاہم پولیس کو عوامی توقعات پر پورا اترنا ہوگا۔اجلاس میں اسلحہ کی نمائش، ہوائی فائرنگ، منشیات کے کاروبار اور سماج دشمن عناصر کے خلاف سخت کاروائیوں کا فیصلہ کیاگیا۔اس میں شک نہیں کہ دیگر صوبوں کے مقابلے میں ہماری پولیس کی کارکردگی بہت اچھی ہے۔ یہاں چادر اور چاردیواری کے تقدس کو پولیس پامال نہیں کرتی۔ دہشت گردی کے خلاف جنگ میں ہماری پولیس نے سب سے زیادہ قربانیاں دی ہیں۔ تین ڈی آئی جیز سمیت درجنوں افسران اور سینکڑوں اہلکار دہشت گردی کی آگ کا ایندھن بن گئے۔ لیکن حکومتی دعوؤں کے برعکس ہماری پولیس مثالی نہیں بن سکی۔ اس کی بنیادی وجہ وسائل کی کمی اور تربیت کا فقدان ہے۔اکثرتھانوں میں سپرداری کی گاڑیوں سے کام چلایاجاتا ہے۔

پٹرول کا خرچ نکالنے کے لئے پولیس کو چالان اور رشوت کا سہارا لینا پڑتا ہے۔ وردیاں، جوتے خود خریدنے پڑتے ہیں ان کی دھلائی اور استری کا خرچہ بھی ان کے اپنے ذمے ہے۔ پولیس سے چوبیس گھنٹے ڈیوٹی لی جاتی ہے۔ اور تنخواہ مزدور کی کم سے کم اجرت کے برابر دی جاتی ہے۔ مہنگائی کے اس دور میں اپنے بچوں کا پیٹ پالنے، اس کی تعلیم اور علاج کا خرچہ اٹھانے کے ساتھ دوران ڈیوٹی اخراجات پورے کرنے کے لئے اسے پچاس روپے رشوت پر بھی اکتفا کرنا پڑتا ہے۔ حکومت پولیس اہلکاروں کو ہائی وے اور موٹر وے پولیس کے مساوی تنخواہیں اور مراعات دے۔اس کے بعد اگر وہ رشوت اور بھتہ لیتے ہوئے پکڑے جائیں تو انہیں نوکری سے برطرفی سمیت سخت سے سخت سزا دے سکتی ہے۔

زمینی حقیقت یہ ہے کہ آج بھی تھانے عوام کے لئے نوگو ایریا ہیں۔ وہاں انسانیت کی تذلیل ہوتی ہے۔ کارکردگی دکھانے کے لئے بے گناہ لوگوں کو پکڑ کر ان سے اعتراف جرم کرایاجاتا ہے اور عدالت پہنچ کر وہ صحت جرم سے انکار کرتے ہیں۔ تفتیشی نظام میں سقم کی وجہ سے اگر جرائم پیشہ لوگ پکڑے جانے کے باوجود عدالتوں سے عدم ثبوت یا ناقص تفتیش کے باعث بری ہوجاتے ہیں۔ کہا جاتا ہے کہ قتل مقاتلے، ڈکیتی، رہزنی، چوری، کسی کی جائیداد پر قبضہ، اغوا برائے تاوان جیسے جرائم بھی پولیس کی مدد اور تعاون کے بغیر نہیں ہوسکتے۔ اگر پولیس کا نظام ٹھیک کیاجائے تو 70فیصد جرائم خود بخود ختم ہوجائیں گے۔

پولیس کو مالی لحاظ سے مستحکم کرنے کے ساتھ دوران ملازمت ان کی تربیت بھی ناگزیر ہے اور تربیتی نصاب میں انسانی حقوق، احترام انسانیت کے موضوعات بھی شامل ہونے چاہیئں تاکہ انہیں عوام کی جان و مال اور عزت و آبرو کا حقیقی محافظ بنایاجاسکے۔ ان تمام اقدامات کے باوجود پولیس کو جب تک سیاسی مداخلت سے پاک نہیں کیاجاتا۔ اصلاحات کے مثبت نتائج برآمد ہونا دیوانے کا خواب ہے۔ آج بھی تھانوں میں ایس ایچ اوز سیاسی لوگوں کی سفارش پر تعینات کئے جاتے ہیں۔

ہر ایم پی اے، ایم این اے، سینیٹر، وزیر، مشیر، معاون خصوصی کے علاوہ سیاسی جماعتوں کے رہنماؤں کے ساتھ وردیوں اور سادہ لباس میں پولیس کی سیکورٹی ہوتی ہے۔ جب سیاسی لوگ عازم سفر ہوتے ہیں تو ان کے لئے سڑکوں پر ٹریفک روک دی جاتی ہے۔ وی آئی پی اور وی وی آئی پی کلچر نے پولیس نظام کی تباہی میں بنیادی کردار ادا کیا ہے۔ جب تک وی آئی پی کلچر کا خاتمہ نہیں ہوتا۔ پولیس عوامی فورس نہیں بن سکتی۔اور نہ ہی جرائم سے پاک معاشرے کی تشکیل کا خواب شرمندہ تعبیر ہوسکتا ہے۔

عیدالاضحی کے سائنسی اور نفسیاتی پہلو .. پروفیسر عبدالشکورشاہ

Posted on July 14, 2021July 14, 2021

اللہ تعالی نے انسان کو حواس خمسہ کی نعمت سے نوازہ ہے۔عید الاضحی کا تہور اپنی ساری سعادتوں اور مذہبی فوائد کے ساتھ ساتھ اللہ تعالی کی طرف سے ہمیں اپنے حواس خمسہ کو، متحرک، طاقتور اور تروتازہ کرنے کا ایک زریعہ بھی ہے۔ تحقیق یہ بات ثابت کر چکی ہے کہ ہمارے حواس خمسہ معلومات جمع کرنے اور کسی صورتحال میں مکمل طور پر شامل ہونے کے لیے بہترین زریعہ ہیں۔عیدکے موقعہ پر تمام مسلمان دلی، دماغی، روحانی، بصری، سمعی، چکھنے اور سونگھنے کی صلاحیتوں کو نہ صرف تروتازہ کر تے ہیں بلکہ ان سب کو پاک صاف رکھ کر اپنے حواس خمسہ کو جلا بخشتے ہیں۔ عید الاضحی ہماری سونگھنے کی صلاحیت کو دوبالا کر دیتی ہے۔خوشبو اور عید الاضحی لازم و ملزوم ہیں۔دین اسلام کے ہر حکم کے پیچھے ہماری بہتر ی ہونے کے ساتھ ساتھ اس کی کوئی نہ کوئی سائنسی وجہ بھی ہوتی۔

خوشبو او ر یاداشت کا گہرا تعلق ہے۔کچھ سکولوں میں اساتذہ تعلم کو موثر بنانے کے لیے بھی خوشبو کا استعمال کر تے ہیں۔اگر تاریخ پر نظر دوڑائیں تو مختلف مذاہب میں خوشبوکا استعمال ملتا ہے۔یونانی چرچ میں حواس خمسہ کو جلا بخشنے کے لیے خوشبو کا استعما ل کیا جا تاتھا۔ سبت کے دن بھی خوشبو استعما ل کی جاتی تھی۔خوشبو کے زریعے ماضی کی یاداشتوں کو بھی اجاگر کیا جا تا ہے۔ادوار کے بدلنے کے ساتھ ساتھ خوشبو کے زرائع بھی تبدیل ہوتے رہے ہیں 1920سے 1940 کے عرصہ کے دوران پیدا ہونے والوں کو قدرتی خوشبو میسر رہی ہے جبکہ اس کے بعد کے عرصہ میں پیدا ہونے والوں نیم قدرتی یہ غیر قدرتی خوشبو سونگھنے کو ملی۔ عید کا تہورا ہماری سونگھنے کی حس کے لیے اللہ تعالی کا بیش بہا خزانہ ہے۔

قسم قسم کے پکوان، انواع و اقسام کی خوشبو، مختلف اقسام کی پرفیومز کے جھونکے، بھنے اور روسٹ کیے ہوئے گوشت کی خوشبو، روسٹ ہوتی کلیجی، مٹن، بیف، اونٹ کے گوشت کی کڑاہیوں کی بھوک لگانے والی خوشبوں، چھتوں اور صحن میں بنائی جانے والے تکے، ملائی بوٹی، پھر دوسرے اور تیسرے دن گوشت پلاو، نہاری اور دیگر پکوان ہماری سونگھنے اور چکھنے کے حواس کو تروتازہ اور توانا بنا دیتے ہیں۔ ہم اپنی سونگھنے کی حس کی مدد سے بہت سے واقعات کو یاد رکھتے ہیں۔سونگنے کی حس دیگر حسیات کی نسبت سب سے زیادہ موثر ہے۔ سونگھنے سے پیغام یا اثر فورا دماغ تک منتقل ہو تا ہے۔یہی وجہ ہے کہ بیہوشی  کے لیے سونگھائی جانے والی اشیاء بیہوشی کے انجکشن سے زیادہ جلدی اثر کرتی ہیں۔ بصری پہلو، یعنی دیکھنے کی حس کا بھی عید الاضحی سے بہت گہر تعلق ہے۔ دیکھنے کی حس دوسری اہم حس ہے۔ انسان کے جسم کے اندر موجود تمام حواس کا70% تعلق انسان کی بصری حس سے ہے۔عید الاضحی کے موقعہ پر ہرکسی کو زرق برق لباس پہنے دیکھنا ہماری دیکھنے کی حس کے لیے انتہائی مفید ہے۔

نئے کپڑوں کی خریداری نہ صرف ہماری آنکھوں کی تروتازگی کو دوبالا کر تی ہے بلکہ ہماری خریداری سے ملکی معیشت کو بھی استحکام ملتا ہے۔عمومی طور پر والدین اپنے بچوں کے کپڑے بھی اپنے لباس سے ملتے جلتے یا یکساں رنگ کے بناتے ہیں۔ عید کے موقعہ پر مختلف رنگوں کی مختلف ٹولیاں ایک عجیب نظارہ پیش کر تی ہیں۔ سرمہ لگانا بھی عید کا ایک لازمی جز و سمجھا جا تا ہے۔ سرمہ آنکھوں کے لیے انتہائی مفید ہے۔ہر طرف چمکتے چہرے اور نئے کپڑوں کا نظارہ ہماری آنکھوں کو ٹھنڈک اور تازگی فراہم کر تا ہے جو ہماری دیکھنے کی حس کے لیے خوراک کی طرح ہے۔ معدے کی طرح باقی اجزاء کو بھی خوراک کی ضرورت ہو تی ہے۔ آنکھوں کی خوراک صفائی، طہارت، تروتازگی اور خوبصورتی ہے۔

عید الاضحی ہمیں یہ تمام لوزمات فراہم کر تی ہے۔ عید کا موقعہ ہمیں حسد،جلن، نفرت، حقارت، برتری، کم تری اور دیگر بری نظروں سے دیکھنے سے روکتا ہے۔ تمام مسلمان صرف محبت،پیار اور خلوص کی نظر سے دیکھتے ہیں۔ عید الاضحی بصری اور سونگھنے کی حسیات کے ساتھ ساتھ چھونے کی حس کے لیے بھی اللہ تعالی کی طرف سے تفویض کر دہ گراں قدرنعمت ہے۔چھونے کی حس سونگھنے اور دیکھنے کی حس کے بعد تیسری اہم حس ہے۔ اگرچہ اس کا حاطہ کرنا قدرے مشکل ہے کیونکہ جلد دیگر حسیات کی نسبت زیادہ وسیع ہے۔انسانی جسم کی جلد کا وزن تقریبا6سے10پونڈ تک ہوتا ہے۔ تحقیقات سے یہ بات ثابت ہو چکی ہے کہ لمس یا چھونا بچوں کی نشونما میں اہم کر دار ادا کر تاہے۔چھونے کی حس شاید ہماری بقاء کی ضامن ہے۔ عید الاضحی کے موقعہ پر کپڑوں کی خریداری اور ان کو چھونے کی خوشی دیدنی ہوتی ہے۔

قربانی کے جانوروں کی خریداری اور ان کو پیار و محبت سے چھونا اور عید کے ایام میں ایک دوسرے سے گلے ملنے اور ہاتھ ملانے سے ہماری چھونے کی حس کو بیش بہا تونائی ملتی ہے۔ عید کے موقعہ پر ملنے والے تحائف، عیدی، مساجد میں صاف ستھری قالینوں، صفوں اور جائے نمازوں کو خوشبووں سے معطر کیا جا تا ہے۔ انہیں چھو کر ہم اپنی چھونے کی حس کو مزید تقویت دیتے ہیں۔ کھانے پینے اور سجاوٹی اشیا ء کو چھو کر بھی دیدنی خوشی حاصل ہوتی ہے۔عید کا تہورا باقی حسیات کے ساتھ ساتھ ہماری سمعی حس کو بھی متحرک کر تا ہے۔ عید کی تسبحات کا ورد، عید کے واعظ، خطبہ اور دعائیں ہماری سننے کی حس کو جلا بخشتی ہیں۔ متذکرہ حسیات کے علاوہ عید الاضحی کا تہوار ہمارے دلوں میں ایک عجیب خوشی پیدا کر نے کا باعث بنتا ہے۔

روحانی ماحول اور تزکیہ نفس کے لیے بھی عیدا لاضحی کا تہوار باقی تمام تہواروں کی نسبت زیادہ پرا اثر اور مفید ہے۔ عید کے تہوار کے موقعہ پر ہم ماضی کی عیدوں اور ماضی کی روایات سے بھی آراستہ ہوتے ہیں۔ عید کے موقعہ پرمختلف پروگرامات اور بزرگوں کی زبانی سنی جانے والی باتیں ہماری سمعی، بصری، روحانی اور تخیلیاتی صلاحیتوں کی نشوونما اور ہماری معلومات میں اضافے کا باعث بنتی ہیں۔

عید الاضحی انسانی نفسیات کے مطابق ہے جو انسان کی زندگی میں نہ صرف ایک تبدیلی لا تا ہے بلکہ اس کے ساتھ ساتھ یہ انسان کی حسیات کے لیے انتہائی مفید ہے۔عید الاضحی کا تہوار سائنسی اور نفسیاتی فوائد سے بھر ا ہے جس کا ایک کالم میں احاطہ کر نا مشکل ہے۔ ہمیں چاہیے کہ ہم اسلامی تہواروں کو مذہبی تشریحات کے ساتھ ساتھ جدید سائنس اور نفسیاتی نقطہ نظر سے بیان کریں تا کہ روائیتی طرز تبلیغ کے بجائے ہم نئی نسل کو جدید سائنس اور نفسیات کی مدد سے اسلامی تہواروں اور احکامات خداوندی کی طرف راغب کرسکیں۔

داد بیداد – واخان خبروں میں – ڈاکٹر عنا یت اللہ فیضی

Posted on July 13, 2021July 13, 2021

داد بیداد – واخان خبروں میں – ڈاکٹر عنا یت اللہ فیضی

آج کل واخان خبروں میں ہے افغا نستان کے مشرق میں چین، تا جکستان اور پا کستان کی سر حد پر واقع واخان کی پٹی 1993سے خبروں کا مو ضوع بنتی آرہی ہے افغا نستان کے نقشے پر واخا ن کی سر حدی پٹی کسی جا نور کی زبان یا دم کی طرح باہر نکلی ہوئی ہے اس وجہ سے انگریزوں نے اس کو افغا نستان کی زبان کا نا م بھی دیا ہے افغا نستان کی دُم بھی لکھا ہے جو چا ہے تیرا حسن کرشمہ ساز کرے تازہ ترین خبروں کے مطا بق افغا ن جنگجووں کے مختصر قافلے نے ولا یت بد خشان کی ولسوالی واخا ن میں ڈیرہ ڈال دیا ہے افغا ن فو جیوں نے مزا حمت نہیں کی،

واخا ن کے عوام نے جنگجووں کا خیر مقدم کر تے ہوئے نعرہ تکبیر اور امارت اسلا می کے نعرے لگا ئے سفید جھنڈے لہرا ئے 1994ء میں واخا ن کے لو گوں نے احمد شاہ مسعود کے جنگجووں کے حملوں سے تنگ آکر چترال اور گلگت کی طرف ہجرت کی تھی یہ لو گ مہا جرین کے کسی بڑے گروپ کا حصہ نہیں بنے اور حا لات معمول پر آتے ہی وطن واپس چلے گئے افغا ن جنگجووں کی طرف سے واخا ن پٹی پر تازہ ترین قبضے کی باز گشت امریکی اور بر طا نوی میڈیا میں بھی سنا ئی دے رہی ہے پا کستان، بھا رت اور چین کے ذرائع ابلا غ نے بھی اس کو بے حد اہمیت دی ہے اس اہمیت کی متعدد وجو ہات ہیں

پہلی وجہ یہ ہے کہ 6000مر بع کلو میٹر کے وسیع رقبے پر پھیلے ہوئے اس علا قے کی وخی آبادی صرف 15000ہے تاریخ میں اس آبادی نے کبھی کسی حملہ آور کی مزا حمت نہیں کی البتہ واخا ن کے شما ل اور شما ل مشرق کی طرف پا میر یعنی بام دنیا کی کر غیز آبا دی کو جنگجو ہو نے کی شہرت حا صل ہے 1979ء میں شور وی انقلا ب اور تا جکستان کی طرف سے خطرہ درپیش ہونے پر پا میر کے لو گوں نے گلگت اور چترال کے راستے ہجر ت کی پامیر کے خا ن رحمان قل کی سر براہی میں کر غیز مہا جرین اپنے ما ل مویشیوں کے ساتھ راولپنڈی پہنچے جہاں سے تر کی نے دیو ہیکل جہا زوں میں ان کو ما ل مویشیوں سمیت اُٹھا یا اور تر کی میں مستقل آبا د کیا کاراکر غیز قبیلے کا ایک سردار عبد الغنی حا مد کر زئی کے زما نے میں واپس آکر اپنی جا ئیداد وں اور چرا گاہوں کا قبضہ دوبارہ حا صل کیا کر زئی کی حکومت میں بد خشان سے شاہ منصور نا دری کو کا بینہ میں جگہ دی گئی تھی.

یہ بات قا بل ذکر ہے کہ بد خشان اور واخا ن کی آبا دی اسما عیلیہ مسلک سے تعلق رکھتی ہے جبکہ پا میر کے کر غیز حنفی فقہ کے پیرو کار ہیں عرف عام میں بھی حنفی کہلا تے ہیں واخان کی لمبا ئی 360کلو میٹر جبکہ چوڑا ئی کم سے کم 15اور زیا دہ سے زیا دہ 60کلو میٹر ہے یہ علا قہ سطح سمندر سے 10ہزار فٹ بلندی پر واقع ہو نے کی وجہ سے زراعت کے لئے مو زوں نہیں محدود پیما نے پر صرف جو کی کا شت ہو تی ہے لو گوں کے گھروں میں خو ش گاو یعنی یا ک اور بھیڑ بکریوں کے ریوڑ پا لے جا تے ہیں وسیع وعریض ایلا ق (چرا گاہ) سے بھر پور استفادہ کیا جا تا ہے 1893ء میں واخا ن اس وقت خبروں میں آیا جب ہندوستان کی برطا نوی حکومت، زار روس اور افغا ن با د شاہ امیر عبد الرحمن خا ن کے درمیاں ایک معا ہدے کے تحت وا خا ن کی پٹی کو بفرزون یعنی غیر جا نبدار علا قہ قرار دیا گیا اس وجہ سے تما م فریق اس علا قے سے بحفاظت گذر سکتے تھے

اس سے پہلے واخان کو سلک روٹ یعنی شاہراہ ریشم کی وجہ سے تاریخی شہرت حا صل تھی چینی تا جروں کے کاروان تاش قرغن سے واخجیر اور سومہ تاش کے راستے واخا ن میں داخل ہوتے تھے اور گاز خان کے مقام پر آب پنجہ کو عبور کر کے دریائے آمو کے طاس سے ہوکر درواز اور روشان کے راستے مغرب کا رخ کر تے تھے مو جو دہ حا لا ت میں واخا ن کی پٹی اگرخا نہ جنگی سے محفوظ رہی یا کا بل کی کسی مستحکم حکومت کا حصہ بنی تو چین، پا کستان، تا جکستان کو براہ راست فائدہ ہو گا بین الاقوامی تجا رت کا ایسا ہی راستہ بنے گا جیسا ما ضی میں تھا اگر خدا ناخواستہ واخا ن کو خا نہ جنگی کی نذر کر دیا گیا تو تا جکستان اور پا کستان کے لئے اپنی سر حدات کو محفوظ بنانا مشکل ہو جا ئے گا واخا ن کے خطے میں ہندو کش کے پہا ڑی سلسلے میں اب سر حدی باڑ نہیں لگا ئی گئی ہنزہ اور چترال کے راستے در انداز ی ہوتی رہے گی واخان کی ایک اور اہمیت یہ ہے کہ خوروگ میں قائم یو نیورسٹی آف سنٹرل ایشا تک ہمارے طلبہ اور اساتذہ کی رسائی ممکن ہو جائیگی نیز تا جکستان اور تر کمنستان سے بجلی کی لا ئن اور گیس کے پا ئپ لائن لا نے میں سر حدی رکا وٹ ختم ہو گی اللہ کرے کہ واخا ن کی پٹی آنے والی خا نہ جنگی سے محفوظ رہے۔

پس و پیش – پہاڑی لوگوں کا ایک منفرد میلہ – اے۔ایم۔خان

Posted on July 13, 2021July 13, 2021

گزشتہ کئی سالوں سے ہر سال شندور کے مقام پر بارہ ہزار فٹ کی بلندی پر ایک روایتی کھیل کھیلا جاتا ہے جسمیں لاسپور اور غذر ، اور بعد میں  چترال اور گلگت سے پولو ٹیمز حصہ لیتے آرہے ہیں۔ اس سطح مرتفع میں ہونے والی کھیل  جسے بعد میں ‘بادشاہوں کا کھیل اور کھیلوں کا بادشاہ’  نام دی گئی۔  یہ روایت نہایت قدیم ہے جو بعد میں اس نام سے مشہور ہوگئی ہے۔ اس روایت کی تاریخ اس سے بڑھ کر ہے، یہ قیاس کیا جاتا ہے کہ سب سے پہلے لاسپور اور غذر کے لوگ اپنے اپنے علاقے کے گرمائی سے ہوکر شندور گراونڈ میں  ایک خاص سیزن میں اپنے پالتو جانور چرانے کے ساتھ ایک  تماشہ یا کھیل کے طور پر پہاڑی پولو کی بنیاد  رکھ دی۔ 

گوکہ اب یہ وثوق سے کہا نہیں جاسکتا کہ شندور کے مقام پر یہ کھیل کب اور کسطرح شروع ہوا لیکن عین ممکن ہے کہ شندور میں روایتی پولو لاسپور اور غذر کے اُن باسیون نے  شروع کئے ہونگے  اور اسے ایک نام دی جوکہ اب فری اسٹائل پولو کے نام سے مشہور ہے۔  شندور سطح مرتفع میں گرمیوں کے مہینے میں [ پہلے جون اور اب جولائی ] یہ کھیل اب بھی ایک تہوار  کے طور پر منایا جاتا ہے۔ معلوم تاریخ کے مطابق چھ صدی قبل مسیح کو پولو کا کھیل  ایران میں جنم لی جوکہ اب مختلف شکل میں دُنیا میں موجود ہے۔ اس بات میں قوی امکان ہے کہ ایران سے ہوتے ہوئے یہ کھیل  وسطی ایشیاء اور افعانستان سے اس ریجن میں پہنچ چُکی ہے۔چترال کی تاریخ میں انیسویں صدی کے آخری پندرہ سال اہم رہے ہیں جسمیں برطانوی سامراج “گریٹ گیم” کے دوران  روس اور افعانستان سے خطرات  کے پیش نظر گلگت اور چترال میں دلچسپی لینا شروع کی۔

جس کا  ایک یہ نتیجہ یہ ہوا کہ برطانوی حکومت کے فوجی اہلکار بالاخر لوکھرٹ مشن میں چترال کے اسوقت کے حکمران سے ایک معاہدے میں شامل ہوگئے جس سے دفاعی اور خارجی امور اُن کے ہاتھ میں چلی گئی ۔ برطانوی اخبار ‘گارڈین’ اپنے ایک فیچرڈ رپورٹ میں  لکھی ہے کہ  جنرل کوب نے پولو  کو رسمی شکل دی ، اور ایک دوسری روایت کے مطابق  یہ برطانوی اہلکار  “مس جُنالی” میں رات کے وقت چاند کی روشنی میں پولو کھیلنے کی روایت رکھ دی؟  مس جُنالی  میں پولو سے شعف رکھنے والے یہ پہلے  انگریز ہو سکتا ہے جسے پہاڑی پولو کھیلنے کا موقع ملا ہوا ہوگا لیکن یہ انہی رپورٹس سے واضح ہوجاتی ہے کہ 1930 سے پہلے  اس گراونڈ میں مقامی لوگ چاند کی روشنی میں پولو کھیلا کرتے تھے اور اسی مناسبت سے یہ گراونڈ مس جُنالی نام سے پہلے ہی سے جانا جاتا تھا۔ چترالی چترال میں بولی جانے والی زبان کھوار میں ‘مس’ کے معنی چاند اور ‘جُنالی’ کے معنی کھیل کا میدان ہے۔ 

لاسپور اور غذر کے لوگوں سے ہوتا ہوا یہ تہوار ایک قومی میلہ کی شکل اُسوقت اختیار کی جب یہ ایک کیلینڈرڈ تہوار قرار دی گئی۔  ہر سال ضلعی انتظامیہ کی نگرانی میں اس کا انعقاد ہونے  لگا۔ شندور میں روایتی پولو  ایک باقاعدہ تہوار کی حیثیت لینے کے بعد  کھیل کا مرکز  چترال اور گلگت کے پولو ٹیمون  کے درمیان مقابلے سے مقبول ہونے لگا، جوکہ اب بھی ہے۔ گزشتہ دو سال پہلے اس تہوار کے انعقاد میں تعطل شندور گراونڈ اور اس سے متصل زمیں کے حوالے سے صوبائی حکومتوں میں تنازغہ  ،اور چترال میں مسائل ضلعی انتظامیہ اور چترال پولو اسوسیشن کے درمیان کھیل کا انتظام اور کھلاڑیوں کے سلیکشن کے حوالے سے سامنے آئے، اور بعد میں، باوجود اسکے گزشتہ سال کی طرح  اس سال بھی شندور کا میلہ نہ ہونے کا بنیادی وجہ کورونا کی وباء تھی۔دُنیا میں فری پولو کیلئے مشہور اور بلند ترین پولو گراونڈ ہونے کی شہرت کو مزید تقویت اُسوقت  ملی جب باہر ملکوں سے میڈیا  اور سیاح اس تہوار میں شرکت کرنے کیلئے آئے، اور  اس ایونٹ کو قومی اور بین الاقوامی میڈیا نے  کوریج دی۔ چترال کے مقامی زبان  کھوار  میں پولو کو  “استورغاڑ” کہا جاتا ہے، اسکا مطلب ‘گھوڑے کا کھیل’ ہے ۔

چترال کے تناظر میں پولو شروع سے اب تک “گھوڑے کا کھیل اور کھلاڑی کا کھیل” سے مستغر تھا اور یہ بعد میں، ایک دور میں، ‘بادشاہوں کا کھیل اور کھیلوں کا بادشاہ’  کہا جانے لگا ۔ لاسپور اور چترال کے پولو ٹیمون کے کھلاڑیوں کو دیکھا جائے اس میں چترال  کے مختلف وادیوں، اعتقاد اور قوم یا قبیلے  کے لوگ ہیں جسمیں ایک عام کھلاڑی کے علاوہ چترال سکاوٹس اور پولیس کے کھلاڑی بھی شامل ہوتے ہیں۔  اور یہ صورتحال گلگت میں بھی ہے۔ زبان زد عام کھیل جسے اب فری اسٹائل پولو کہا جاتا ہے اسمیں لوگ گھوڑے اور کھلاڑی دونوں کو دیکھنے ہر سال شندور چلے جاتے ہیں کہ وہ سطح سمندر سے بارہ ہزار فٹ کی بلندی میں ہواوں کے دوش اور اکسیجن کی کمی میں  کسطرح کھیل کھیلتے ہیں۔ چترال میں شندور کے علاوہ بالائی چترال میں مستوج، سنوغر، خاندان لشٹ [ جو اب موجود نہیں]، بونی، کوشٹ ، ریشن اور زیرین چترال میں چترال پولو گراونڈ کے علاوہ دروش اور ایون کے گراونڈ میں پولو مشہورہیں ۔ نہ صرف گلگت بلکہ چترال میں بہت سے کھلاڑی اپنے زمانے میں اپنے کھیل اور گھڑ سواری کی وجہ سے جاننے جاتے ہیں۔ 

چترال میں اب پولو کھیلنے والے کھلاڑی پروفیشنل ہوگئے ہیں یعنی اُن کے کھیل میں ذور اور طاقت کے علاوہ  پھرتی ، اور کھیل کی ٹیکنیکی نوعیت پر  زیادہ توجہ دی جاتی ہے۔ اب کھلاڑی اپنے گھوڑے کو اس طرح ٹرین کرتی ہے  جس سے وہ تیز دوڑ کے ساتھ پھرتی سے کھیلے۔ پولو میچ کے دوران کھلاڑی اور گھوڑے کے درمیان ایک دوسرے کو سمجھنے، کھیل کو بھانپنے ،  ربط اور ہم اہنگی کلیدی حیثیت کا حامل ہے، اور پھر ٹیم کے ساتھ کھیل کھیلنا  پولو میں ناگزیر ہے۔شندور پولو فیسٹول کو مقامی سے قومی ، اور قومی سے بین الاقوامی سطح پر اُجاگر کرنے اور اسے اسطرح جاری رکھنے کا تعلق بھی کھیل ، کھلاڑی، انتظامیہ ، تماشائی، میڈیا، حکومت،  چترال اور گلگت کے لوگوں میں اس تہوار سے شعف پر منحصر رہ چُکی ہے جس میں بعض لوگوں کو کھیل پر ، بعض کو کھلاڑی ہونے پر، کسی کو انتظامیہ ، کسی کو حکومت اور انتطامیہ کا سربراہ اور نمائندہ ہونے کی بنیاد پر اس کھیل کی سرپرستی اور پروموشن پر اپنے اپنے کام اور کردار کی بنیاد پر داد تحسین کے مستحق ہیں۔ 

شندور میں کاروبار اور سیاحت کی سیاست حالیہ سالوں کی پیداوار اور مظہر ہے۔ خوف صرف یہ ہے کہ جس سے اس  تاریخی کھیل اور مقام کو زد نہ پہنچے ۔دُنیا میں چترال کے پہاڑی لوگوں کا یہ منفرد کھیل ، پولو،  اب پوری دُنیا میں مشہور ہے اور  ملک میں سیاحت کے فروغ میں یہ میلہ نہایت اہمیت کا حامل ہے۔  یہاں کے لوگ اب بھی اُس شدت اور شوق کے ساتھ سے یہ کھیل کھیلتے ہیں ، دیکھتے اور پسند کرتے ہیں۔ صوبائی سطح پر شندور میلہ منعقد کروانے میں  وہ عوامل اور عناصر جو خلل ڈالنے کا سبب بنے اور بن سکتے ہیں، اور وہ مسائل جو اس میلے میں تعطل کا باعث بنے اور بن سکتے ہیں اُنہیں صوبائی سطح پر حل کرکے اس تہوار کو جاری رکھنے کیلئے اقدامات حکومت، سیاحت کے فروغ اور علاقائی ترقی کے وسیع تر مفاد میں ہے۔

چترال بچاو تحریک – ڈاکٹرخلیل ‎‎

Posted on July 13, 2021July 13, 2021

امریکی اور نیٹو ممالک کے افواج افغانستان سے تقریبا نکل چکے ھیں اور افغان طالبان نے افغانستان کے تقریبا نصف حصے پر قبضہ کرلیا ھے ۔ طالبان کو نہ ماننے والوں کی تعداد افغانستان میں طالبان سے کہیں زیادہ ھے۔ اور اپ مغربی ابلاغ عام بتا رھی ھے کہ طالبان کو پسند نہ کرنے والے افغانیوں نے لاکھوں کی تعداد میں اپناملک چھوڑنا شروع کیا ھے ۔

ھم یک اواز ھوکر اپنے نمایندگان ایم این اے عبدالاکبر منسٹر وزیرزادہ   کی نوٹس میں یہ بات لانا چاھتے ھیں کہ ھم چترال کے عوام دوبارہ کسی افغانی کو چترال بطور پناہ گزین یا مہاجر دوبارہ داخل ھونے کیلے کسی بھی صورت اجازت نہیں دے سکتے ۔

ملک کی اقتصادی حالت کو سامنے رکھاجائے تو اج عوام ھر طرح کے مسائل سے دوچار ھے،  مہنگائی سر چڑھ چکی ھے اور ھمارے وسائل اتنے نہیں کہ ھم کسی اور کو یہاں برداشت کر سکیں ۔

چترال نے پہلے ہی افغانیوں کی وجہ سے بڑی مصیبتیں سہی ھے ۔ ھمارا کلچر ماحول جنگلات چراگاھیں افغانیوں کی وجہ سے جو تباہ ھوئیں وہ مسایل ھم اپ بھی سہہ رھے ھیں ۔

چترال بازار میں مقامی دوکانداروں کو جتنا نقصان افغانیوں کی وجہ پہنچا اس کا ازالہ اپ تک نہیں ھوسکا چترال جو کبھی امن کا اماجگاہ تھا جرایم پیشہ عناصر سے واقف ھوا کلشنکوہ کلچر دوکانوں میں ڈکیتیاں پانی کی گندگی جیسے مسایل جو افغانیوں کی وجہ سے شروغ ھوئیں۔ اج تک ھم انکو درست نہیں کر پائے ۔

ھم مزید کسی مھاجر کو برداشت کرنے کے متحمل نہیں ھیں ۔ اس عوامی رائے کا احترام کرتے ھوے ھمارے نمیندگان اس عوامی اواز کو صوبائی اور قومی اسمبلیوں میں بطور ریکارڈ درج کروایں ۔

بصورت دیگر ھم ابھی سے سڑکوں پر اکر اپنا احتجاج ایوانوں تک ضرور پہنچایں گے ۔ اور کسی بھی افغانی کے چترال کے حدود میں داخل ھونے صورت میں بھر پور مزاحمت کیلیے بھی تیار ھیں ۔

افغانستان میں نہ کبھی امن قایم ھوی ھے اور نہ ھوتی نظر ارھی ھے ۔ اسکے زمہ دار خود افغانی ھیں ۔ ھم انکے کرتوتوں کا خمیازہ کیوں بھکتیں ۔ ھم یہ بھی درخوست کرتے ھیں کہ جو افغانی چترال میں موجود ھیں انکو بھی فلفور چترال سے نکال باھر کیا جاے ۔۔

کامیابی کا تاج – ڈاکٹر شاکرہ نندنی

Posted on July 12, 2021July 12, 2021

 میں اپنی منزل کی جانب چلا جا رہا تھا، آج سورج اپنی جگہ چھوڑ کر بہت نیچے آچکا تھا، جس کی وجہ سے ریت کے ٹیلے گرم سے گرم تر ہو کر سُرخ سُرخ دکھائی دے رہے تھے، گرم ہوا کی وجہ سے سانس لینا دشوار ہو رہا تھا، ایسا لگ رہا تھا کہ آکسیجن بالکل نہیں ہے، میرے ارد گرد کسی بھی جاندار شے  کا وجود نہیں تھا، شاید گرمی سے بچنے کیلئے ہر ایک اپنے آپ کو سورج سے چھپا رہا تھا۔ آخر میں نے سورج سے پوچھا کہ “آج تم اپنی جگہ سے ہٹ  کر اتنا نیچے کیوں آگئے ہو؟ دیکھو تمہا ری وجہ سے چلنا مشکل ہو گیا ہے، کوئی بھی جاندار شے دکھائی نہیں دے رہی، ہر چیز تمہاری وجہ سے پناہ لے چُکی ہے، زمین بھی تمہاری گرمی برداشت نہیں کر پا رہی۔” سورج  نے تپ کر جواب دیا کہ “یہ وقت پوچھنے کا نہیں بلکہ اپنے آپ کو سنبھالنے کا ہے، میں تو اپنی منشاء سے چلتا ہوں اور میری ایک ہی جگہ ہے میں کبھی اپنی جگہ کو تبدیل نہیں کرتا، یہ تو زمین ہی ہے جو گردش میں ہے اور وہ میرے ارد گرد چکر لگا رہی ہے، اور آج اس نے اپنی جگہ تبدیل کرکے مجھ سے قریب آنے کی کوشش کی ہے،

میں آگ کا گولا ہوں، میرے نزدیک آنے کی کوشش مت کرو بلکہ دور سے دوستی کرو کیونکہ۔۔۔ دُور کے ڈھول سُہانے ہوتے ہیں“ پھر میں نے زمین سے پوچھا کہ تم سورج سے قریب ہونے کیلئے دوسرا دن نہیں چن سکتی تھیں؟ زمین نے چکرا کر جواب دیا کہ “میں اپنے مدار میں ہی گھومتی ہوں، دراصل آج میں تھوڑی بُہت ٹھنڈ  محسوس کررہی تھی، مُجھے سورج  کی تپش کی ضرورت درپیش ہوئی، جس کی وجہ سے میں نے اپنا گول بدن سورج کی جانب کر دیا، تم اپنے لئے کسی سایہ دار درخت کو ڈھونڈ  کر اُس کے نیچے پناہ  لینے کی کوشش کرو۔” یہ کہہ کر زمین چُپ ہو گئی۔ 

میں نے لُو سے بچنے کیلئے چاروں جانب نظریں دوڑائیں مگر مُجھے کوئی سایہ دار درخت کہیں بھی نظر نہ آیا پھر میں نے ایک چھوٹے سے درخت کے نیچے پناہ لینے کی کوشش کی مگر درخت چھوٹا ہونے کے سبب اس کا سایہ بہت کم تھا اوراس سائے میں میرا صرف نصف جسم چُھپ سکتا تھا، ناچار میں نے اسے غنیمت جان کر اپنے سر والے حصے کو درخت کے سایہ میں کر لیا۔ مجھے پیاس بھی شدید لگ رہی تھی، مگر میرے ساتھ جو بچا ہوا پانی تھا وہ بھی اس چلچلاتی دھوپ میں گرم ہو چپکا تھا۔ میں نے پانی پینے کی کوشش کی پانی گرم ہونے کی وجہ سے میرے حلق سے نہیں اُتر رہا تھا۔ چاروں جانب موت کا مہیب سناٹا سا چھایا ہُوا تھا۔ اب میں نہ تو آگے جاسکتا تھا اور نہ ہی پیچھے۔ میرے ارد گرد کسی جاندار شے کا وجود نہیں تھا۔ میرا آدھا جسم سائے میں اور آدھا سورج کے رحم و کرم پر تھا۔ سورج  نے میرا ساتھ چھوڑ دیا اور ہوا بھی سورج کے سامنے بے بس تھی۔

زمین اپنے غم میں مبتلا تھی۔ ہر جاندار اپنے آپ کو بچانے کی تگ ودو میں تھا، اب میرے اور خُدا کے درمیان کوئی نہ تھا۔ تب میں نے اپنا چہرہ اوپر کی جانب کر کے خُدا سے عرض کی۔”اے خدایا!  قیامت مرنے سے پہلے آتی ہے یا مرنے کے بعد؟ اوپر سے کوئی جواب نہ آیا۔  میں نے اگلا سوال کیا کہ، کیا میرے مرنے کے بعد اس بیابان میں میری لاش کا دیدار کسی کو نصیب ہوگا یا نہیں؟اوپر سے اب بھی کوئی جواب نہ آیا۔ اب میں نے تیسرا سوال کیا کہ، جس مقصد کی خاطر میں گھر سے نکلا ہوں کیا وہ ادھورا رہ جائے گا؟حسبِ سابق پھر بھی کوئی جواب نہ آیا۔ پھر میں نے چوتھا اور آخری سوال کیا کہ،  کیا میں اس ویرانے میں گُھٹ  گُھٹ کر اس دُنیا سے چلا جائوں گا؟اس بار بھی کوئی جواب نہ آیا۔ شیطان میری اس حالت پر مجھے دیکھ  دیکھ کر قہقہے لگا رہا تھا۔ تب میں نے شیطان سے پوچھا کہ، تم کیوں اتنا ہنس رہے ہو؟ کیا میں نے کوئی گناہ کیا ہے سوال کر کے؟ یا میرے سوال غلط تھے؟ نہیں! نہیں! ۔۔۔ تم نے تو بہترین سوالات کئے ہیں مگر شاید تمہیں معلوم نہیں کہ خدا انسان کے ساتھ براہِ راست بات نہیں کرتا، بلکہ جب انسان پاگل ہو جاتا ہے تو یہی سمجھنے لگتا ہے کہ وہ خدا کے ساتھ  براہِ راست بات کر رہا ہے۔ اب تمہیں بچانے والا کوئی نہیں، تم یہاں گُھٹ گُھٹ کر مرو گے۔ تمہارا دیدار کسی کو نصیب نہ ہو گا۔

تمہارے جسم کا سارا گوشت صحرا کے جانور کھا جائیں گے۔ تمہاری ہڈیاں ہر طرف بکھر جائیں گی۔ تم اپنے مقصد میں اُس وقت تک  کامیاب نہ ہو پائو گے جب تک تم خدا کو بھول کر میرے پیروی نہیں کرو گے۔ جو تم نے سوچا تھا وہ سب بھول جاؤ۔ اب اپنی موت کا انتطار کرو تمہیں بچانے والا کوئی نہیں آئیگا۔ آئو میرے ساتھ شامل جائو۔ میری پیروی کرو۔ میری نصیحتوں پر عمل کرو۔ میں تمہیں دُنیا میں ہیرو بنادوں گا۔ ہر طرف تمہارا ڈنکا بجے گا، دولت کمانے میں، میں تمہاری مدد کروں گا اور جب تم دولت مند بن جائو گے تب لو گ خود بخود تمہاری عزت کریں گے۔  کیا تُم، میرے ساتھی بنو گے؟ میں غُصّے میں اُٹھ  کھڑا ہوا اور گَرج کر کہا،  نہیں!!!!!!  ایسا نہیں ہو سکتا مجھے پتہ ہے کہ ”جس کا کوئی نہیں تواُس کا خدا ہوتا ہے“۔مجھے خدا پر پورا بھروسہ ہے، میں جس مقصد کی خاطر گھر سے نکلا ہوں  وہ مقصد ضرور پورا ہو جائے گا۔

 تم، میرے اور میرے خدا کے درمیان بولنے والے ہوتے کون ہو؟ مجھے اپنے خدا پر پورا یقین ہے اور یقین ہی کامیابی کی ضمانت ہے۔ یہ کہہ کر جب میں شیطان کی جانب دیکھا تو وہ غائب ہو چُکا تھا۔ درختوں کے سائے بڑھ چُکے تھے، سورج کی گرمی کَم ہو چُکی تھی۔ پانی بھی ٹھٹندا ہو چکا تھا۔ میں نے خُدا کا نام لے کر پانی پیا، اِدھر اُدھر نظریں دوڑائیں تو دیکھا سورج کی شدت ختم ہو چُکی تھی اور میں بھی اپنے آپ کو بہتر محسوس کر نے لگا ٹھا۔ تب مجھے ایک دانشور کا قَول یا د آیا۔”جب تقدیر کسی پر مہربان ہونا چاتی ہے تو پہلے اسے مشکلات میں ڈال کر اس کا امتحان لیتی ہے، کہ آیا یہ انسان اس قدر مضبوط ہے کہ کامیابی کا تاج اس کے سر پر رکھا جاسکے“اب میرے پاؤں میں بھی کھوئی ہوئی طاقت واپس آرہی تھی۔ میں نے خُدا کا شکر ادا کیا اور اپنی منزل کی جانب روانہ ہو گیا۔ 

آزادکشمیرالیکشن، مریم نوازکی تقاریرکا تنقیدی جائزہ… پروفیسرعبدالشکورشاہ

Posted on July 12, 2021July 12, 2021

آزادکشمیرالیکشن، مریم نوازکی تقاریرکا تنقیدی جائزہ… پروفیسرعبدالشکورشاہ

آزادکشمیر الیکشن کی گہما گہمی اپنے عروج پر ہے۔ بڑی پارٹیوں کے سربراہان گلگت بلتستان کی طرح آزادکشمیر میں بھی اپنی پارٹیوں کی سیاسی مہم چلانے میں مصروف ہیں۔ یہ المیہ ہے کہ کشمیری سیاستدان کارکردگی کے بجائے مریم نواز، بلاول بھٹو، آصفہ بھٹو اور عمران خان اور دیگر وزراء کے بل بوتے پر الیکشن لڑنے اور جیتنے کی کوشش میں مگن ہیں۔مریم نواز اور بلاول بھٹو صاحب کی تقریروں کا اگر تنقیدی جائزہ لیا جائے تو دونوں ریاست کشمیر کے بجائے پاکستانی سیاست کے گرد گھومتے ہیں۔ان کے پاس متصادم سیاست کے علاوہ کچھ نہیں۔نظریاتی سیاست کی جگہ حادثاتی اور مفاداتی سیاست نے لے لی ہے۔ پی پی اور ن لیگ گلگت بلتستان میں صوبہ بنانے کا نعرہ اور آزادکشمیر میں کشمیریت کا نعرلگاتے ہیں۔

یہ دوغلہ پن کیوں؟ گلگت بلتستان بھی تو ریاست جموں و کشمیر کا حصہ ہے اگر وہاں پر صوبہ بنانا درست ہے پھر آزادکشمیر میں کشمیریت کا نعرہ لگانا سمجھ سے باہر ہے۔ دونوں گلہ پھاڑ پھاڑ کرآزادی کشمیر پر تقریریں کرتے ہیں۔ دہائیوں سے دونوں جماعتیں برسراقتدار ہیں آج تک انہوں نے کشمیر کے لیے کیا کیا ہے؟مریم نواز نے مظفرآبا جلسے میں سیاہ رنگ کا لباس پہنا تھا جو موقعہ کی مناسبت سے کسی خاص طبقے، خوبصورتی، بہادری اور اعتماد کو ظاہر کرتا ہے۔ جبکہ نیلم ویلی شاردہ جلسے میں سرخ رنگ کا لباس پہنا تھاجومحبت، لگاؤ، قربت اور تعلق کے علاوہ ممتاز ہونے کو ظاہر کرتا ہے۔لباس کا انتخاب شخصیت کا آئینہ دار ہوتا ہے۔ مریم نواز کے لباس اورالفاظ کے چناؤ میں گہری مماثلت ہے۔

لباس میں برتری کو ملحوظ خاطر رکھا گیا ور الفاظ کے زریعے بھی ’آپ کے بجائے، تم، بتائیں کے بجائے بتاو، کریں کے بجائے کرو،لگائیں کے بجائے لگاو وغیرہ کے الفاظ اس کا منہ بولتا ثبوت ہیں۔ لباس کے ساتھ کشمیر ی روائیتی ہاربھی پہنا تھا جوآج کے بعدان کے گلے میں کبھی نظر نہیں آئے گا۔ سیاسی محبت بس اتنی ہی ہوتی ہے۔مریم نواز نے اپنی تقاریر میں ’ہیں‘ کے بجائے ’ہو‘ کا صیغہ استعمال کیا جس سے عیاں ہے ان کا ہدف کشمیری نہیں بلکہ اقتدار ہے۔ تقریری کے دوران سپیکر اسمبلی اور دیگر رہنما لوگوں کو نعرے لگانے، ہاتھ بلند کرنے کے اشارے کرتے رہے جو نظریہ ن لیگ کی عدم مقبولتی کو ظاہر کرتا ہے۔جب عوام لیڈر کو دل سے پسند کرتی ہے اسے نعرے لگانے اور ہاتھ بلند کرنے کونہیں کہا جاتا۔مریم نواز اپنے ایجنڈے کی بندوق کشمیریوں کے کندھوں پر رکھ کر چلا رہی ہیں۔انہیں روائیتی کشمیری شال پیش کی گئی مگر کشمیر سے اتنی محبت ہے کہ اسے اوڑھنا گوارہ نہیں کیا بس تصوریر کشی تک ہی محدود رکھا۔

مریم نواز نے گلگت بلتستان میں بھی کمپین چلائی تھی ن لیگ حکومت میں تھی پھر بھی ہار مقدر بنی۔ کشمیری شہدا کو سرجھکا کر سلام پیش کرنے کی بات پرمریم نواز کو یہ نہیں بھولنا چاہیے تھا نواز شریف نے گارگل آپریشن پر بھارت سے معافی مانگی تھی اور پاکستانی ایجنسیوں کو ذمہ دار ٹھہرایا تھا۔ عوام کو مخاطب کر تے ہوئے ’دیکھیں‘ کے بجائے ’دیکھو اور ’پوچھیں‘ کے بجائے پوچھو‘ کے الفاظ استعمال کرتی رہیں جو ان کی موروثی اقتدار اور اپنے آپ کو عوام سے بالاتر سمجھنے کی سوچ کی عکاسی کر تے ہیں۔بار بار’آپ‘ کے بجائے ’تم‘ کا استعمال ن لیگ کے نعرے ووٹ کو عزت دو کے منافی ہے۔

لیگی رہنماوں کی جانب سے دی جانی والی پرچیاں بھی اعداد و شمار کے اعتبار سے غلط تھیں۔مظفرآباد پی ڈی ایم کے جلسے میں پاکستان کی آبادی20کروڑ بتائی جبکہ چند ماہ بعد چھتر کلاس کے جلسے میں آبادی 22کروڑ بتائی۔ چند ماہ میں آبادی کروڑوں تک کیسے پہنچ گئی۔آزادکشمیر میں پاکستانی سیاست پر تقریریں کرنے والی مریم نوازکو درست آبادی ہی معلوم نہیں۔ کشمیر پر دو منٹ کی خاموشی کا طعنہ دیتے ہوئے یہ بھول گئی ن لیگ نے5فروری 2015میں کشمیریوں کے لیے سر کاری سطح پر صرف ایک منٹ کی خاموشی اختیار کی تھی۔سپیکر اسمبلی کا کشمیر ی پرچم کے بجائے جماعتی پرچم گلے میں ڈالنا اور اسے بار بار درست کرنا یہ ظاہر کر تا ہے انہیں کشمیر سے زیادہ ن لیگ پیاری ہے۔ کوئی عالمی قرارداد پیش نہ کرنے کا طعنہ دیتے ہوئے یہ بھول گئی ان کی حکومت میں بھی ایسا ہی تھا۔ پی ٹی آئی میں شامل ہونے والے لیگی وزراء کی تعداد کافی زیادہ ہے جبکہ مریم نواز صرف دو کا ذکر کر رہی تھی۔اس کا مطلب ہے انہیں اپنے وزراء کی درست تعداد کا علم بھی نہیں ہے۔

عمران خان کو چور کہنا اخلاقی گراوٹ کی نشانی ہے۔ اگر ہم نے اپنے سیاسی کارکنا ن کی اس ٖڈگر پر تربیت کی تو یہ بہت بیانک ثابت ہوگا۔ عمران خان پہلے ہی پاکستانی سیاست میں گالی اور بدزبانی متعارف کروا چکے ہیں اس کا ہر گز یہ مطلب نہیں ہم اس کلچر کو اپنا لیں۔ مریم نوازدرخت گرنے پر گھبرا گئی نیلم والے بھارتی گولہ باری میں بھی اپنے کام کاج کرتے رہتے ہیں۔اگر درخت پر چڑھنے والے کشمیریوں کے لیے مریم نواز دعائیں کررہی تھی توان کی دعائیں قبول نہیں ہوئیں اور وہ دھڑام سے زمین پر آگرے۔اگر ن لیگ پی ٹی آئی کے خلاف اقتدار کے لیے پی ڈی ایم بنانے کے بجائے آزادی کشمیر کے لیے متحدہ محاذ بناتی تو آج صورتحال مختلف ہوتی۔شاردہ کا پل بہت ناقص ہے تو محترمہ پانچھ سال حکومت آپ کی تھی پکا پل لگوا دیتے۔

جلسے میں صرف سامنے والے چند افراد نعرہ بازی کر رہے تھے باقی مجمعہ تقریر میں کوئی دلچسپی ظاہر نہیں کر رہا تھا۔ نیلم میں جولائی میں بھی رات کو اتنی سردی ہوتی ہے کہ رات کو دریا کے کنارے بیٹھنے والے صبح ہسپتا ل یا قبرستان ہوتے،تقریر کرنے کے قابل نہیں رہتے۔پتہ نہیں مریم نوازکہاں کس دریا کے کنارے بیٹھ کر ساری رات کشمیریوں کے لیے دعائیں مانگتی رہی ہیں۔کشمیریوں کی بہادری کی تعریف کرتے ہوئے مریم نواز بھول گئی نواز شریف صاحب اتنے بہادر ہیں مشرف سے معاہد ہ کر کے جلاوطن ہو گئے اور ابھی بھی لندن میں قیام پذیر ہیں۔جو اپنے مقدمات کو سامنا نہیں کر سکتا وہ کشمیریوں کا مقدمہ کیا خاک لڑے گا۔ مریم نواز کی تقریر کا اکثر حصہ مظفرآباد پی ڈی ایم کے جلسے میں کی گئی تقریر پر مشتمل تھا اور ہٹیاں کے مقام پر کی جانے والی تقریر بھی معمولی ردوبدل کے بعد مظفرآباد اور شاردہ والی ہی تھی۔

عمران خان کو کون لایا کے سوال کے جواب میں عوام میں سے دوتین افراد نے ہی جواب دیا باقی کسی نے اس بات کو اہمیت نہیں دیا۔فوج پر تنقید کی مگر یہ بھول گئی ان کا سار ا خاندان عدالت سے سزاء یافتہ اور مفرور قرار دیا جا چکا ہے اور ن لیگ خود فوج کی پیداوار ہے۔ میڈیا پر مظالم کا تذکرہ کرتے ہوئے یہ بھول گئی ن لیگ دور میں صحافیوں کو نیچے گرا کر نواز شریف کے پرسنل سیکورٹی گارڈ ان کے سر وں پر کود کر جاتے تھے۔سپیکر اسمبلی کا پی ٹی آئی شامل ہونا عجب نہیں شاہ صاحب نے جانے کی بڑی کوشش کی مگر انہیں قبول نہیں کیا گیا۔ عوام کو بیوقوف بناتے ہوئے ن لیگ کی مقبولیت کے بارے جھوٹے میڈیا سروے کا حوالہ دیا۔مریم نواز نے کہا عمران خان سپیکر اسمبلی سے پوچھتا تھا بتاو میں کیا بات کروں یہ کسی لطیفے سے کم نہیں ہے۔ عمران خان اور کچھ کرے نہ کرے تقریریں اچھی کر لیتا ہے۔آزادکشمیر کی سیاست پرامن ہے مریم نواز نے دھاندلی کا قبل از وقت نعرہ لگاتے ہوئے کارکنان کو رزلٹ خلاف آنے پر بدامنی پر اکسایا ہے جو کہ درست نہیں۔شاہ صاحب نے مریم نواز کو غلط معلومات دیں۔

انہوں نے شاردہ میں کوئی ڈگری اورکیل میں گرلز کالج نہیں بنایا ہے۔ن لیگ کی 5سالہ حکومت ایک سکول یا ہسپتال تو بنا نہیں سکی اب یونیورسٹی بنائے گی۔ کشمیر میں کوئی سیاسی لائحہ عمل دینے کے بجائے تقریر کا نشانہ عمران خان اور پی ٹی آئی رہی۔نریندر مودی کے نواز شریف فیملی کے ساتھ تعلقات کسی سے ڈھکے چھپے نہیں ہیں۔ کشمیرکا بیٹاکشمیریوں کے قاتل مودی کو اپنی شادیوں میں مدعو کر ے تو کیا کشمیری اتنے بیوقوف ہیں جو کشمیریوں کاخون بھول جائیں گے۔ نوازشریف کی ہمدردیاں کشمیریوں سے زیادہ مودی کے ساتھ ہیں۔ اسی لیے مریم نواز نے بھارتی وزیر اعظم کے لیے ’آتے ہیں‘ کا صیغہ استعما ل کیا ہے جبکہ کشمیریوں اور پاکستانیوں کے لیے ’ہو‘ کا صیغہ استعمال کیا گیا۔ یہ محض اتفاق نہیں ہے کیونکہ ہر جگہ،ہر تقریر میں وہ ایسے ہی فکس صیغے خاص مقاصد کے لیے اور مخصوص افراد کو پیغام پہنچانے کے لیے استعمال کرتی ہیں۔

کشمیر بنے گا پاکستان کا نعرہ لگا کر دہائیوں تک مسلم کانفرنس نے اپنے اقتدار کے لیے کشمیریوں کو بیوقوف بنائے رکھااب ان کا حال بھی سب کے سامنے ہے۔ یواین او کی قراردادوں اور آئین پاکستان میں کشمیر بنے گا پاکستان کا کوئی ذکر نہیں ہے۔ یہ محض ایک سیاسی نعرہ ہے جو اپنے مفادات کے حصول کے لیے کشمیریوں پر تھونپ دیا گیا ہے۔ میاں نواز شریف نے 2016کے الیکشن کے دوران فرمایا تھا نیلم کو موٹروے دوں گا مگر وہ موٹروے تو نہیں مل سکی۔بیٹی کہتی شاردہ میں یونیورسٹی بنائیں گے۔ ہم یا تو بہت معصوم لوگ ہیں یا بہت ہی بے قوف ہیں جو ہر مرتبہ ان کی باتوں میں آجاتے ہیں۔2016میں نواز شریف نے ہسپتال بنانے کے وعدے کیے مگر کشمیریوں کے لیے تودرکنا اپنے علاج کے لیے بھی کوئی ہسپتال نہیں بنا پائے۔کشمیری بیٹی بھی عجب بیٹی ہے جسے الیکشن کے دوران ہی اپنا گھر یاد آتاہے۔مریم نواز نے گلگت بلتستان میں ن لیگ چھوڑنے والوں سے متعلق ہارجانے کاجھوٹ بولا۔ ایڈوانس انتخاب جیتنے کی بات انتہائی مزاحیہ ہے کیونکہ مریم نواز عوام کو ووٹر سمجھ رہی ہے جبکہ یہ جلسہ انجوائے کرنے آئے تھے ووٹر نہیں تھے۔  

چترال میں ایک اور شندور کا وجود – قاضی نذیر بیگ

Posted on July 12, 2021July 12, 2021

چترال میں ایک اور شندور کا وجود
سوتکوریک سے جشن شاقلشٹ کا انوکھا سفر
پیار اور محبت کے چند رسومات معدومیت کا شکار جسکا مداوا جشن شاقلشٹ

بونی سے تورکہو کی طرف اگر آپ کو سفر کرنا ہو تو بونی تھانے سے متصل روڈ سے گزرنے والی ہر چوتھی یا پانچویں گاڑی کھوت کی طرف گامزن آپ کو دکھائی دے گی ۔ اور جہاں وادی کھوت کا نام آتا ہے وہاں محبت امن اور بھائی چارے کی انگنت مثالیں اپنی جگہ موجود تو ہیں ہی مگر گزشتہ کئی دہائیوں سے کھوت اپنی گاڑیوں کی وجہ سے بھی خاصا شہرت کا حامل رہا ہے ۔ کیونکہ علاقہ تورکہو کی تقریبا ساٹھ فیصد گاڑیاں وادی کھوت کے باسیوں کے پاس ہیں ۔ یعنی کہ کھوت جانے کے لئے کسی کو بھی کبھی ٹرانسپورٹ کی عدم دستیابی کا مسئلہ درپیش نہیں ہوسکتا ہاں یہ الگ بات ہے کہ سیاسی نمائندے اور ممبران کی عدم توجہ کی وجہ سے یہ راستے پر پیج اور کٹھن ضرور ہیں ۔ کھوت پہنج کر سب سے پہلے آپ کو تاریخی مسجد گیسو کی زیارت کا شرف حاصل ہوتا ہے جو اپنے آپ میں ایک مقام رکھتی ہے ۔ یہاں کچھ کہاوتیں ایسی ہیں کہ گیسو مسجد کے اندر پیعمبر علیہ سلام کے گیسو مبارک موجود ہیں جس کی وجہ سے یہ نام ان گیسو شریف سے منسوب ہے۔ مگر اس بات پہ ابھی تک صداقت کم ازکم مجھے نظر نہیں آئی اور نہ ہی کہیں اس کی مستند دلائل موجود ہیں ۔

گیسو مسجد کی زیارت کے بعد شاہی بنگلہ اور کھوت پولوگراونڈ کی سیر کے بعد تمام سیاح کھوت کی تاریخی نہر راجوئے کو دیکھنے کی خواہش ظاہر کرتے ہیں جو کئی صدیوں سے کھوت کی اسی فیصد ابادی کو نہ صرف سیراب کرتی ہے بلکہ سینکڑوں گھرانے اس نہر سے پینے کا پانی بھی حاصل کرتے ہیں اور اس پانی کو ویرمینوغ کہتے ہیں جسے زرعی زمینات کے لئے کمیا بھی تصور کیا جاتا ہے۔ بلکہ اس پانی سے آج سے چند سال پہلے تک اتنی عقیدت ہوا کرتی تھی کہ جب پہلی دفعہ اس نہر میں پانی چھوڑا جاتا تھا تو اس پانی سے محروم علاقے کے لوگ بالٹی بھر کر ایک ایک قطرہ اپنی زمینوں پہ اس نیت سے ڈالا کرتے تھے کہ ویرمینوغ کی تاثیر ان کی زمینوں پر بھی ہو اور ان زمینوں کی فصلوں میں برکت ہو ۔
راجوئے کی ایک الگ ہی تاریخ ہے ۔

راجوئےکی تاریخ

بزرگ کہتے ہیں کہ جب قدیم الایام میں جب کھوت کے لئے نہر کھودی جا رہی تھی اس وقت انجنئیر اور مشینری نہ ہونے کی وجہ سے لوگ بہت تکلیف سے دوچار ہوگئے تھے اور تقریبا شکست مان کر گھروں کو لوٹنے والے ہی تھے تو اچانک ایک پرندہ جس کو مقامی زبان میں اشقوڑہ کہا جاتا ہے ۔ آتاہے اور جہاں تک نہر نکالی گئی تھی وہاں سے کچھ دوری پہ آکر بیٹھ جاتا ہے ۔ ان محنت کشوں میں چند ایک سیانے بھی تھے جو اس وقت اپنے تجربات کی بنیاد پر کہتے ہیں کہ اس پرندے کا پیچھا کرو اور جہاں جہاں بیٹھ جائے وہاں نشان لگایا کرو تاکہ ہم اس نہر کو کامیاب بناکر کھوت کی آدھی ابادی کو پانی سے خودکفیل کر سکیں گے اور آنے والی نسلوں کے لئے پانی کا انتظام ہوسکے ۔ اس مجمع میں کچھ لوگوں نے اس بات کا مذاق بھی اڑایا مگر اکثر نے حامی بھرلی تو چند لوگوں کو مخصوص اوزاروں کے ساتھ اس پرندے کے پیچھے روانہ کر دیا گیا یہ لوگ اس پرندے کے پیچھے پیچھے چلتے جہاں وہ بیٹھ جاتا وہاں پہ نشان لگاتے جاتے اور اسی طرح کھوت راجوئے کے سروے مکمل ہوگیا اور اس زمانے کے دلیر اور محنت کش لوگوں نے ایک ناممکن کو ممکن بناکر تاریخ رقم کردی ۔ اب تک کھوت میں جب بھی سیاح آتے ہیں تو اس نہر کی سیر کرتے ہیں جہاں سے نہر کا آغاز ہوتا ہے وہاں دو محصوص وال کے زریعے پانی کو چھوڑا اور بند کیا جاتا ہے وہاں تک سیر سپاٹے کی نیت سے سیاح چلے جاتے ہیں اور لطف اندوز ہوجاتے ہیں ۔ اس کو مقامی زبان میں مدوک کہتے ہیں جو شاریگرم جامع مسجد سے چند قدم کی دوری پہ واقع ہے ۔

بل صفائی مہم کھوت کی اس مشہور نہر کی صفائی مارچ کے آخری دنوں میں شروع ہوجاتا ہے اور تقریبا ایک ہفتے لگاتا کام کرنے کے بعد پائہ تکمیل کو پہنچتا ہے ۔ اس مہم کے لئے بھی باقاعدہ قواعد و ضوابط لاگو ہیں جن کی پیروی ہر ایک پہ لازم و ملزوم ہے ۔ بل صفائی مہم کا طریقہ کار کچھ یوں ہے کہ اس نہر سے فائیدہ ٹھانے والوں کی کوئی اٹھارہ سے بیس تک مختلف گروپ تشکیل دی گئی ہے جو روز ازل سے اس گروپ میں ہیں اور ہر گروپ میں میں اٹھارہ بیس گھرانے ہوتے ہیں اور اس ایک گروپ کو ایک (پھی) کہتے ہیں ۔ اور دوران صفائی ہر (پھی) یعنی گروپ کو پیمائش کے حساب سے زمہ داری دی جاتی ہے جیسا کے ایک مخصوص جگے کو دکھایا جاتا ہے کہ یہاں سے وہاں تک فلان (پھی) کی زمہ داری ہے اسی طرح ہر (پھی) اپنے اپنے مقررہ جگے کی صفائی کرکے شام کو گھروں کو لوٹتے ہیں ۔ اور اسی طرح سات یا آٹھ دنوں میں بل صفائی موسم مکمل ہوجاتا ہے اور ایک دن مقرر کرکے اس نہر میں پانی چھوڑا جاتا ہے ۔

کھوت_غاری

مدوک سے اگر گاڑی کا سفر ہو تو صرف چالیس منٹ کی مسافت کے بعد آپ کھوت کی مشہور چراگاہ پتیان پہنچ جاتے ہیں ۔ اور یہ کھوت میں بسنے والے تمام باسیوں کی ذاتی ملکیت ہے ۔ اور ہر برادری اور قبیلے کے نام الگ الگ علاقے اور چراگاہیں موجود ہیں جو آپس میں امن اور بھائی چارے کی وجہ سے تاحال منقسم نہیں بلکہ پورا کھوت کے عوام آپس میں مل بانٹ کر اس سے جہاں فائیدہ اٹھانا ہو وہاں فائیدہ اٹھاتے ہیں ۔ ورنہ گرمی کے دنوں میں گائے بیل اور دوسرے جانور وہاں پہ چرنے کے لئے چھوڑ دیتے ہیں جو تقریبا چار سے پانج مہینوں تک وہاں پہ چرتے ہیں اور سردیاں آتے ہی ان کو واپس نیچے بستیوں کی طرف لایا جاتا ہے۔

غاری_نیسک یا غاریوغ کھوت میں تین الگ الگ نالے ہیں جن کو غاری کہا جاتا ہے ۔ جن میں ووزگ ، اوجو اور پتیان شامل ہیں ۔ یہاں جس غاری کی بات ہورہی ہے یہ پتیان ہے ۔

یہ حدالنظر وسیع پیمانے پر پھیلا ہوا ایک درہ ہے جس کے وسط میں مشہور گراؤنڈ شاقلشٹ واقع ہے ۔
جولائی کے اوائل میں کھوت کے چند خاندان جو مال مویشیوں کی دیکھ بال زمینوں کے لئے کھاد اور سردیوں کے لئیے ایندھن جمع کرنے کی غرض سے دو مہینے کے لئے غاری کا رخ کرتے تھے ۔ جس کے لیے ایک دن مقرر کیا جاتا تھا جس دن پورا کھوت کے مرد و خواتین اپنے مال مویشیوں کو لیکر غاری چھوڑنے جاتے ۔ خواتین اپنے مال مویشیوں کے ساتھ اور مرد ہر دور کے حساب سے گانے اور میوزک کا اہتمام کرتے ۔ مثلا آج سے اگر چالیس یا پچاس سال پیچھے جائیں تو ڈف بجا کر خود سے گانا گاتے ۔ اور شاقلشٹ پہنچ کر پولو اور بوڈی دیک جیسے کھیلوں کا انعقاد ہوتا اور شام ڈھلتے ہی واپس نیچے بستی کی طرف چلے آتے ۔ پھر زمانے کے ساتھ ساتھ سازو سامان بھی بدلتے گئے ڈف کی جگہ سونی اور پینوسونک اور نیشنل کے جاپانی ٹیپ ریکارڈر نے لے لیے اور ایک دور ایسا آیا کہ غاریوغ کے دن ہر کسی کے کندھے پہ مقامی دستکاری سے تیار کردہ رنگ رنگیلے کور میں ملبوس ٹیپ ریکارڈر جن میں اس زمانے کے مشہور گانے بج رہے ہوتے تھے ۔ غاری کی طرف چلے جاتے تھے۔ مذکورہ مقام شاقلشٹ میں جاکر فٹبال، ولی بال اور کرکٹ کھیل کر شام کو واپس آجاتے تھے۔
اور جو لوگ دو مہینے کے لئے وہاں سکونت اختیار کرتے تھے وہ بھی ان دو مہینوں میں چار الگ الگ تہوار منایا کرتے تھے جنکو #تیلاشٹاریک #چھیراشٹاریک #تیلیکی اور #سوتکوریک کہاجاتا تھا ۔

تیل_اشٹاریک:

جب گاؤں کے باسی دوسرے کھوت کے مال مویشیاں لیکر غاری میں دو مہینے گزارنے کے لئے چلے جاتے تھے تو ایک ہفتے تک وہ نہ ہی چائے میں دودھ استعمال کرتے تھے اور نہ ہی کھانے میں دیسی گھی اور مکھن استعمال کرسکتے تھے مقامی اصولوں کے مطابق ان چیزوں پر پابندی عاید ہوتی تھی تاہم ایک ہفتے یعنی گنتی کے ساتھ دن بعد تیل گھی اور مکھن وغیرہ پر سے پابندی ہٹ جاتی تھی اس دن گھی یا مکھن کا بناہوا ہوا طعام کا انتظام ہوجاتا تھا اور تمام اڑوس پڑوس والے مل بانٹ کر کھاتے تھے جس کو تیل اشٹاریک کہاجاتا تھا ۔

چھیر_اشٹاریک :

دو ہفتوں یعنی چودہ دن بعد دودھ پر سے بھی پابندی ہٹ جاتی تھی اور پہلی دفعہ دودھ والی چائے بناتے اور دودھ سے بنے ہوئے مختلف قسم کے لذیذ کھانے جیسا چھیر گرینج۔ چھیرا شاپک ، وعیرہ بنا کر کھاتے اور اس دن کو چھیر اشٹاریک کہاجاتا تھا۔

تیلیکی:

جو بھی نئی نویلی دلہن یا کسی کا نومولود بچہ اگر پہلی دفعہ غاری میں آئے تو ان پر لازم تھا کہ ایک محصوص دن وہ ایک دیکچی میں چاول اور ایک دیکچی میں مقامی مٹر جس کو شاکوچھون کہا جاتا ہے ۔ پکاکر ایک مخصوص جگئے پہ لاکر خواتین مل بیٹھ کر کھالیتی تھیں البتہ اس میں مردوں کا حصہ نہیں ہوا کرتا تھا ۔ جسکو تیلیکی کہاجاتا تھا ۔

سوتکوریک

غاری میں بسنے والے جتنے بھی لوگ ہیں وہ ایک خاص دن پورے کھوت کے لئے دعوت خاص کا انتظام کرتے تھے ۔ جس کا طریقہ کار کچھ یوں تھا ۔ کہ غاری میں بسنے والے ہر گھر کے ذمے ایک چھوٹے سے برتن میں دہی (مچھیر) جمانا ہوتا تھا ۔ اور جن جن کے پاس کھوت سے باہر کے مال مویشی ہوتے تھے ان کے ذمے ایک بڑی پلیٹ میں مقامی کھانا (سناباچی) پکاکر پیش کرنا ہوتا تھا ۔ غاریوغ کے بیس سے پچیس دن بعد سوتکوریک کا اعلان ہوا کرتا تھا جو گیسو مسجد سے ہی جمعہ کے روز اعلان ہوتا تھا اور پورے کھوت میں نمازیوں کے زریعے پیغام (پہنچیا جاتا تھا) اور پھر پانج دن کے اندر پورے کھوت سے مرد حضرات جن میں بچے نوجوان اور بزرگ بھی “جو چل کر پہنچ سکتے تھے” ایک بار پھر عاری کا رخ کرتے تھے۔ اور شاقلشٹ پہنچ کر ان چالیس پینتالیس گھرانوں سے مقامی دہی جسکو مچھیر کہا جاتا ہے ۔ شاقلشٹ پہ جمع کرتے اور پورے عوام مل کر اسے کھاتے اور حسب روایت پولو اور بعد ازاں جب گھوڑے پالنے کا رواج معدوم ہوگیا تو فٹ بال ولی بال اور کرکٹ کھیل کر شام کو واپس گھروں کو لوٹ آتے ۔

وقت کے ساتھ ساتھ سب کچھ بدل گیے۔ جہاں سوتکوریک کے نام پہ یہ تہوار منایا جاتا تھا ۔ وہ معدوم ہوتا چلا گیا وہ رونق نہیں رہی اور نہ ہی کھوت کے باسیوں میں وہ جذبہ اور سکت باقی رہی کہ گہما گہمی کے لمحات میں کچھ وقت نکال کر اس نایاب تہوار کو منانے آتے ۔

بہرحال اس رونق بھری تہوار کو یوں معدوم ہوتا ہوا دیکھ کر کھوت کے چند جوانوں نے ملکر کر یہ تہیہ کرلیا کہ اس تہوار کو تھوڑی سی وسعت دیکر کم ازکم تورکہو کی حد تک منایا جائے ۔ ان نوجوانوں میں ماسٹر امتیاز علی خان جو اسوقت سکول میں تھے ۔ کچھ بچوں کو لیکر جشن شاقلشٹ کے نام سے ایک ٹورنمنٹ کا انعقاد کیا ۔ اور دھیرے دھیرے اس کو شہرت ملتی گئی ۔ شروعات میں تقریبا کافی مشکلات کا سامنا کرنا پڑا ۔ مگر سدا بہار نوجوان قاری نجم الدین ۔ شیر فراز ، میر کمال الدین ، نظام الدین ، مقبول حسین ، سجاد حسین اور ایسے ہی کافی ترقی پسند نوجوانوں نے ٹھان لی کہ شاقلشٹ کو ترقی کی منزل پہ پہنچا کر دم لینا ہے ۔ مگر کسی بھی کام کو بہتر طریقے سے کرنے کے لئے حکومت کی پشت پناہی نہ ہو تو وہ کام ممکن نہیں ہوسکتا، مگر ان نوجوانوں نے ہمت نہیں ہاری سالہا سال جشن شاقلشٹ کو بہتر کرتے گئے اور آخر کار شاقلشٹ ویلفئیر سوسائٹی معرض وجود میں آئی ۔ اور تا حال کھوت اور شاقلشٹ میں سپورٹس کے حوالے سے صف اول پہ کوشاں ہے ۔ اس تنظیم کے چیئرمین امتیاز علی خان ہیں ۔ صدر قاری نجم الدین ، نائب صدر شیر فراز, مہنور علیشاہ جنرل سیکریٹری اور قاری امام الدین فینانس سیکریٹری ہیں ۔ امسال بھی ان ہیروں کی محنت اور جستجو کی بدولت بڑے ہی پروقار انداز میں جشن شاقلشٹ اختتام پزیر ہوا ۔ اور اگلے سال کے لئے ہمارے نمائندوں اور ممبران پر چند سوالات چھوڑ گیا ۔ وہ یہ کہ انصاف کی حکومت جو ابھی تک ٹورزم کے حوالے سے بڑے بلند بالا دعوے کرتی آئی ہے ۔ مگر شاقلشٹ جیسے ایک انمول ٹورسٹ سپورٹ ابھی تک حکومت کی آنکھوں سے اوجھل کیوں ہے ؟ آج سے غالبا دو سال پہلے شاقلشٹ کے روڈوں کے حوالے سے سمری بھیجوادی گئی تھی وہ آج تک کیوں لاپتہ ہے ؟ اگر ماحول میں نشے اور دوسرے غلط کاموں کی روکھتام اور بچوں میں صحت مند زندگی کو عام بنانے کے لئے کوشاں اس تنظیم کو کوئی سپورٹ کیوں کرنہیں کرتا؟

یہ وہ سوالات ہیں جن کا جواب آج نہیں تو کل ہمارے نمائندوں کو دینا ہی پڑے گا اور جس انداز سے نوجوانوں میں سپورٹس کا جنون بڑھ رہا ہے کھوت کے نوجوانان شاقلشٹ میں اپنے سامنے ایک بہت بڑے سٹیڈیم کا خواب دیکھ رہے ہیں ۔ جو مستقبل قریب میں اپنے ووٹوں سے بھی مشروط کرسکتے ہیں ۔

شاقلشٹ کامحل وقوع اور_سیاحت

تین سے چارمربع کلومیٹر پہ پھیلا ہوا یہ سرسبز ہرا بھرا میدان جس کے ایک کونے پہ محکمہ موسمیات کا ٹاور نصب ہے جس کا لاہور کے ساتھ ہوائی رابطے ہیں کے شمال اور جنوب کی طرف خوبصورت پہاڑی سلسلہ جسکو اشپیرو زوم کہاجاتا ہے یہ سلسلہ براستہ کھوتان کھوت اور یارخون کو چند گھنٹوں کی مسافت کے بعد آپس میں ملاتا ہے ۔ اس زمانے کے تندرست اور توانا لوگ صبح کھوت میں گھر سے کسی رشتہ دار کی تعزیت یا مبارکباد کے لئے نکلتے تھے تو شام کو واپس آبھی جاتے تھے اور وہ سلسلہ ابھی تک تسلسل کے ساتھ جاری ہے البتہ اسی دن واپس آنے والے لوگ شاید دنیا میں نہیں رہے مصنوعی خوراک اور نازک مزاجی کے باعث موجودہ دور کے لوگ یہاں سے اکثر بائی روڈ گاڑیوں کے زریعے بونی سے ہوتے ہوئے یارخون چلے جاتے ہیں ۔ اگر کوئی کھوتان کے راستے سے پیدل چلا بھی جائے تو وہ دو دن سیر سپاٹے کے بعد ہی واپس اسی راستے سے لوٹتا ہے ۔

حلانکہ مستحکم حکومت ہو اور اگر اس پر خاطرخواہ رقم خرچ کئے جائیں تو وہ دن دور نہیں کہ لڑکے موٹر سائیکل میں کھوتان لشٹ بازار سے سودا سلف لیکر کچھ ہی دیر میں واپس آجائیں گے۔ یا کوئی ایسا اقدام ہو کہ تین سے چار کلومیٹر کی سرنگ کھوت اور یارخون کو بالکل ایسا ہی قریب لے آئے گی جیسے ٹاؤن چترال اور اویون ۔ یہ باتیں بس مشورے کی حد تک ہیں باقی شاقلشٹ کی بات کرتے ہیں ۔
شاقلشٹ سیاحت کی نیت سے جانے والے کھوت سے صرف ایک گھنٹے کی مسافت کے بعد شاقلشٹ پہنچ جاتے ہیں اور وہاں پہ اپنا کیمپ لگا کر اگر صبح آٹھ بجے آرام سے اٹھکر آہستہ آہستہ چل کر صرف دو گھنٹے کی مسافت کے بعد کھوتان پہنچ جاتے ہیں اور کھوتان میں جہاں بھی وہ بیٹھے
پورا یارخون ، کارگن ، دیوان گول ، بریپ، استچ، دیزگ ، خورزگ، مہتنگ ، بیرزوز، بنگ پائن ، بنگ بالا، یوکوم ، شیچ، دیوان گول، میراگرام نمبر 2, پاور ، پترنگاز ، اور اسی طرح شوڑ کوچ اور وسوم تک کا نظارہ بہت اچھی طرح کرنے کے بعد ایک گھنٹے میں واپس شاقلشٹ پہنچ جائیں گے ۔ اس سے سیاحت کی سیاحت اور ورزش کی ورزش بھی ہوجاتی ہے ۔ اسی طرح شاقلشٹ سے متصل کئی اور درے ہیں جن میں خوبصورت چوٹیاں ، ہرے بھرے گھاس ، دودھ جیسے بہتے ہوئے آبشار اور کئی کئی کلومیٹر میدان بس سیاحوں کی آمد کا منتظر ہیں ۔

اکثر پہاڑی علاقوں میں جنگلی جانوروں کا ڈر رہتا ہے مگر یہاں یہ علاقہ حد نظر وسیع اور کھلا ڈھلا ہونے کی وجہ سے جنگلی جانور بھی نایاب ہیں ۔ بہت کم بھیڑیے لومڑیوں کے علاؤہ ایک اور جانور پایا جاتا ہے جن کو مقامی زبان میں بیشندی کہاجاتا ہے ۔
شاقلشٹ کے تینوں طرف بہتی ندیاں ہیں جس کی ایک طرف بہت چھوٹی مقدار میں دریا بہتا ہے جو گرمیوں میں تیرنے کے لئے انتہائی موزوں ہے ۔

میں کبھی شندور گیا نہیں ہوں مگر جس طرح لوگوں سے سنا ہے کہ شاقلشٹ کا میدان شندور سے کافی حد تک بڑا ہے اور ۔ شاقلشٹ تک رسائی شندور سے کئی گنا آسان ہے ۔ بونی سے سے صرف پانج گھنٹے میں شاقلشٹ پہنچا جاسکتا ہے ۔
ہزاروں خواہشیں ایسی کہ ہر خواہش پہ دم نکلے کے مصداق میں بھی اس خیال کے ساتھ یہ لکھ رہا ہوں کہ کیا پتہ کوئی تو ہو جو ایک دفعہ محبت کی نظر سے اس بہترین مقام کی طرف دیکھے، جس پر تھوڑے سے پیسے خرچ کرے تو حکومت پاکستان کے لئے بہترین ٹورسٹ سپوٹ بن کے سامنے آسکتا ہے اور اس کی بدولت کھوت کے باسیوں کے لئے روزگار کے مواقع فراہم ہوسکتے ہیں اور یہاں سیاحت کا نظام اصولی بنیادوں پہ ہو، یہاں پہ سٹیڈیم بنایا جائے تو آنے والی نسل اسپورٹس کے میدان میں اچھا خاصا نام کماسکتے ہیں اور علاقے کی نمائندگی نیشنل لیول پہ کرسکتے ہیں ۔ اور اگر تھوڑی سی محنت کی جائے تو انشاءاللہ صرف تیس سے پینتیس منٹ کی دوری پہ یارخون وادی کی سیر بھی ممکن ہوسکتی ہے ۔

فی الحال ۔ حکومت وقت کو چاہئیے کہ شاقلشٹ تک روڈوں کی بحالی کو ممکن بنانے کوشش کرے اور سب سے ضروری شاقلشٹ میں کم ازکم ایک چھوٹا سا گیسٹ ہاؤس تعمیر کیا جائے تاکہ مستقبل میں کسی مہمان کی آمد متوقع ہو ۔ اور یہاں کے ماحول کو ملحفوظ خاطر رکھ کر یہاں محصوص مقامات پر لیٹرین تعمیر کیے جائے تاکہ شاقلشٹ کی خوبصورتی ہمیشہ ایسی ہی برقرار رہے ۔
آخر میں بس اتنا سا گزارش ہے کہ جشن شاقلشٹ کو پروموٹ کرنے کے لئے ہر پاکستانی کو ایک دفعہ ضرور تشریف لانا چاہئیے تاکہ جلد سے جلد جشن شاقلشٹ عالمی سطح پہ سیاحوں کو اپنی طرف راغب کرے ۔
بہت بہت شکریہ ۔

طالب دعا قاضی نذیر بیگ