پاکستانی سیاست کے بارے میں ساری اچھی بری خبریں لند، کینڈا، امریکہ اور دوبئی سے آرہی ہیں اسلام اباد ، لاہور اورکراچی کا صرف نا م رہ گیا ہے سیاست اور جمہوریت کا دار مدار ریموٹ کنٹرول پر ہے بڑی خبر یہ نہیں کہ لندن میں مسلم لیگ (ن) کا اجلاس ہوا تین بڑوں نے مل کر بیٹھ کر تین بڑے فیصلے کئے بڑی خبر یہ بھی نہیں کہ سابق صدر زرداری اپنی مصروفیات منسوخ کر کے دوبئی پہنچ گئے جہاں غیر ملکی سفارت کاروں سے اُس کی ملاقات طے ہے بڑی خبر یہ بھی نہیں کہ ایک مشتر کہ دوست نے لندن میں نواز شریف اور زرداری بھائی بھائی کا نعرہ بلند کرنے کی تیاری مکمل کرلی ہے سب سے بڑی خبر یہ ہے کہ کینیڈا میں کھچڑی پک رہی ہے عوامی مسلم لیگ کے سربراہ شیخ رشید اور پاکستان عوامی تحریک کے سربراہ شیخ الاسلام ڈاکٹر طاہر القادری نے ٹور نٹو میں ملاقات کی ہے تجز یہ نگاروں کو اُمید ہے کہ ملاقات کا مثبت نتیجہ بر آمد ہوگا ابھی یہ بات طے نہیں ہوئی کہ کس کے حق میں مثبت ہوگا اچکن اور شیر وانی سلوانے کا مرحلہ قریب ہے یادور ہے اس پرکچھ کہنا قبل از وقت ہوگا خدا کر ے دونوں میں ملاقاتوں کا یہ سلسلہ جاری رہے شاعر نے کہا تھا ’’ خوب گذرے گی جو مل بیٹھینگے دیوانے دو ‘‘ لاہور کے ایک اخبار نویس نے طاہر القادری اور شیخ رشید کو ’’ گیم چنیجر‘‘ کا خطاب دیا تو راولپنڈی میں دوسرے صحافی کی ’’ رگِ صحافت ‘‘ پھڑک اُٹھی انہوں نے گرہ لگائی یہ دونوں گیم چنیجر نہیں بلکہ ’’ گیم سپا ےئلر ‘‘ ہیں اس وقت سیاسی فضا میں جو دُھنیں سنائی دے رہی ہیں یہ راگ نہیں ہلکی پھلکی موسیقی ہے راگوں میں طاہر القادری اور شیخ رشید ، دونوں کودیپک راگ پسند ہے یہ وہ راگ ہے جس کی مدد سے تان سین کو آگ لگاتے ہوئے دکھا یا گیا ہے فلم مغل اعظم کا وہ منظر دیکھنے سے تعلق رکھتا ہے جب تان سین نے دیپک راگ چھیڑی اور دیکھتے ہی دیکھتے آگ لگ گئی تبھی تو شاعر نے اپنے محبو ب کے بارے میں کہا
اس غیرت نا ہید کی ہر تان ہے دیپک
شعلہ سالپک جائے ہے آواز تو دیکھو
ستم ظریفی یہ ہے کہ ہمارے ہاں دیپک راگ والے بہت ہیں الطاف حسین کی انفرا دیت بھی دیپک راگ ہے مولانا فضل الرحمن کے درجہ ، مرتبہ اور مقام کا خیال رکھتے ہوئے اگر کسی راگ کو ان سے منسوب کیا جاسکتا ہے تو یہ یہی دیپک راگ ہے برا درم سراج الحق اگر کبھی ’’ مطر ب و نغمہ ونے ‘‘ کی طرف آگئے تو دیپک راگ کے سوا کچھ بھی ان کے مزاج پر پورا نہیں اتر ے گا نواز شریف نے بھی ’’ مجھے کیون نکالا ؟‘‘ کا نعرہ مستانہ بلند کر کے خود کو دیپک راگ والے گروپ میں شامل کر لیا ہے اب لے دے کے آصف زرداری رہ گئے ہیں جنکا سیاسی اثاثہ اُن اجز ائے تلاثہ پر مشتمل ہے جنہیں 8 سال قید ،بی بی کی وصیت اور ’’ پاکستان کھپے ‘‘ کے نام سے خلق خدا جانتی ہے زرداری کی مسکراہٹ کے بارے میں ایک ہی رائے پائی جاتی ہے وہ یہ کہ اُن کی مسکرا ہٹ میں راگ ملہا ر کی سی خاصیت ہے جو چلچلاتی دھوپ میں بارش برساتی ہے آصف زرداری نے ماضی میں بھی آگ بجھا نے کا کام کیا ہے 2014 ؁ء والے دھرنے میں اگر آصف زرداری فائر فا ئٹنگ نہ کر تے تو شاید بڑے بڑوں کا دھڑن تختہ ہو چکا ہوتا وہ دشمن سے ہاتھ ملانے کو جمہوریت کا حسن قرار دیتے ہیں ان کا خیال ہے کہ دشمن کو اگر شہد سے مار سکتے ہو تو زہر دینے کی کیا ضرورت ہے ؟ ہاں ! جہاں شہد کا م نہ دے وہاں ’’ پولیس مقابلہ ‘‘ واحد آپشن ہے ورنہ تم خود ’’ نا معلوم افراد ‘‘ کے ہتھے چڑھ جا ؤ گے لند ن کے ریموٹ کنٹرول نے یہ خبر بھی پھیلا ئی ہے کہ 2018 ؁ء کے الیکشن اگر کبھی ہوئے تو مسلم لیگ (ن) کو مسلم لیگ (ش) کا نام دیا جائے گا اور شہباز شریف وزارت عظمیٰ کے اُمیدوار ہونگے اگر مسلم لیگ (ش) نے وزارت عظمیٰ پر نظریں لگا لیں تو لبیک یا رسول اللہ والے کہاں جائینگے اور مستقبل کی حکمران پارٹی مسلم لیگ (م) یعنی ملی مسلم لیگ کدھر جائیگی ؟
یہ سب تو ہمات ہیں ان توہمات کا ایک ہی حل ہے لندن اور دوبئی سے تاریں ہلا ئی گئیں ریموٹ کنٹرل کو حرکت دے دی گئی تو ساری کٹھ پتلیاں اپنا رقص ختم کر کے اصل کھلاڑیوں کو راستہ دید ینگی بقول افتخار عارف
تما شا کر نے والوں کو خبر دی جاچکی ہے
کہ پر دہ کب گرے گا کب تما شاختم ہوگا

شاعر نے کہا ؂ سرآئینہ مراعکس ہے پس آئینہ کوئی اور ہے
میں خیال ہو ں کسی اور کا مجھے سوچتا کوئی اور ہے
پاکستان میں اقتدار ، دولت اورا ختیار کی جو لڑائی ہے یہ کسی زمانے میں سویت یونین اور امریکہ کی لڑائی تھی موجو دہ حالات میں یہ چین اور امریکہ کی لڑائی ہے ذہنی کوفت ، جسمانی تکلیف ہمارے حصے میںآتی ہے جان و مال کا خسارہ ہمارا ہے معیشت کا نقصان ہمارا ہے سیاسی افر اتفر ی ہمارے حصے میں آئی ہے اور بدامنی کا سیلا ب ہمارا مقدر بن چکا ہے یہ لڑائی ہماری اپنی نہیں اخبارات میں امریکی وزیر خارجہ کا بیان شہ سر خیوں میں شائع ہوا ہے کہ چائنا پاکستان اکنا مک کو ریڈور (CPEC) پر ہمیں اعتراض ہے یہ گلگت بلتستان سے گذرتا ہے جو بھارت اور پاکستان کے درمیان متنازعہ علاقہ ہے امریکی وزیر خارجہ نے یہ بیان سینیٹ کی خارجہ کمیٹی میں دیا جو امریکہ کا اعلیٰ پالیسی ساز ادارہ ہے 28 جولائی کو سا بق وزیر اعظم کی حکومت کے جانے کے ساتھ (CPEC) سی پیک پر ہونے والے سارے کام روک دیے گئے پلاننگ کمیشن میں سی پیک کا شعبہ ایک بھی میٹنگ نہ کر سکا دونوں طرف سے آمد ورفت بھی رک گئی وفود کا تبادلہ بھی رک گیا پنجاب حکومت کے ساتھ چائنا کی کمپنیوں کے دوچار منصوبے رہ گئے ہیں جہاں چینیوں کا آنا جانارہتا ہے اگر چہ سی پیک کی گرما گرمی اور گرم جوشی دم توڑ گئی ہے اندرون خانہ سی پیک کے حوالے سے امریکہ کی ناراضگی کو دور کرنے کے لئے متعددیقین دہانیاں کرائی گئی ہیں مگر امریکہ ہر حال میں چین کو پاکستان سے نکالنا چاہتا ہے فنی اور تکنیکی طورپر امریکہ نے مشرقی اور مغربی روٹ کا مسئلہ اُٹھا یا سی پیک کے خلاف سیاسی اور عوامی ردعمل اُٹھا یا خیبر پختونخوا سے سی پیک کی مخالفت میں آواز اُٹھا ئی گئی امریکہ نے چینی انجینئر وں پر حملوں کے لئے کئی تنظیموں کو فنڈنگ کی سابق افغان صدرحامد کرزی نے ثبوتوں کے ساتھ یہ بات کہی ہے کہ داعش کو امریکہ فنڈنگ کرتا ہے داعش کے جنگجو امریکی اڈے اور امریکی جہاز استعمال کرتے ہیں یہ گھر کے اندر سے آنے والی گواہی ہے پاکستان میں حکومت کی تبدیلی سے سی پیک کا پورا عمل رُک گیا ہے مگر امریکی حکام کو پھر بھی تسلی نہیں ہوئی اب امریکہ کی نظر دو امور پر ہے 2018 ؁ء کے انتخابات نہ ہوں تو امریکہ کی تسلی ہو جائیگی الیکشن کو ملتوی کر کے امریکہ اپنی مرضی کی حکومت لا ئے گا نا ئیجر یا ،مصر اور پاکستان میں پہلے بھی یہ عمل دہر ایا جا چکا ہے امریکی پالیسی میں اس کا نام ’’ انتقال اقتدار ‘‘ ہے اس عمل میں اقتدار منتقل نہیں ہوتا بلکہ اقتدار مرجاتا ہے آزادی دم توڑ دیتی ہے غلامی کے سایے لمبے ہوجاتے ہیں اور جہالت کی تاریکی چھا جاتی ہے پاکستان میں ایسی فضا امریکہ کور اس آتی ہے ایسی ہی تاریک رات تھی جب امریکہ نے افغانستان کی خانہ جنگی میں پاکستان سے کام لیا تھا اور جواب میں دہشت گردی درآمد کروائی تھی 1978 ؁ء میں آنے والی دہشت گر دی 2017 ؁ء میں بھی ختم نہیں ہوئی دوسری بات جس پر امر یکہ کی گہری نظر ہے وہ گوادر کی بند ر گاہ ہے اس بند ر گاہ پر چینی جہاز کا لنگر انداز ہو نا امریکہ کے لئے گو یا موت کا پیغام ہے چینی حکومت کی پالیسی ہمیشہ سے یہ رہی ہے کہ دشمن کو تھکا دیا جائے امریکہ اور بھارت کو تھکا دینے کے لئے چین خاموشی اختیار کرتا ہے تاہم سی پیک کے معاملے میں چین نے خاموشی اختیار نہیں کی چینی وزارت خارجہ نے امریکی دعوے کو مسترد کیا ہے اور جوابی بیان میں کہا ہے کہ سی پیک ون بیلٹ ون روڈ کا حصہ ہے جو مختصر اًOBOR کہلاتا ہے اس منصو بے کو اقوام متحد ہ سمیت 70 ممالک اور بین لاقوامی اداروں کا تعاؤں حاصل ہے اس پر بیجنگ نے اقوام متحدہ کے ساتھ بھی معا ہد ہ کیا ہے سلامتی کونسل کے ساتھ بھی سمجھو تہ کیا ہے کشمیر کے مسئلے پر چین کا موقف پہلے ہی سے بہت واضح ہے اس موقف کے ساتھ سی پیک کا کوئی ٹکراؤ نہیں اور سی پیک کسی تیسرے فریق کو نقصان پہنچا نے کے لئے ہر گز نہیں لا یا گیا پاکستان نے بھی سی پیک کے حوالے سے امریکی حکومت کے موقف کو مستر د کیا ہے ایک بیان میں پاکستان کے دفتر خارجہ نے امریکہ پر زور دیا ہے کہ سی پیک کے حوالے سے سوال اُٹھا نے کی جگہ مقبوضہ کشمیر میں بھارتی فوج کے ہاتھوں انسانی حقوق کی پامالی کانوٹس لیا جائے CPEC معاشی ترقی کا جامع منصو بہ ہے اور یہ پاک چین دوستی کی دیر ینہ روایات کا تسلسل ہے اس میں کسی تیسرے فریق کا اعتراض قابل قبول نہیں ہوگا خدائی خدمت گار تحریک کے بانی خان عبد الغفار خان نے 1985 ؁ء میں کہا تھا کہ سویت یونین کے خلاف سازش کرنیوالے افغانستان میں امریکہ کو راستہ دے رہے ہیں یہ ڈالروں کی جنگ ہے اس جنگ میں سویت یونین کو شکست ہوئی تو نقصان مسلمانوں اور پختونو ں کا ہوگا آج یہ بات سوفیصد درست ثابت ہوئی ہے افغانستان میں قدم جما نے کے بعد امریکہ نے پاکستان کے اندرونی معاملات میں اپنی مداخلت کا دائر ہ اتنا وسیع کر دیا ہے کہ خیبر ایجنسی کو ضلع بننے نہیں دیتا وزیر،محسود،مہمند،آفریدی،شنواری اور دیگر قبائل کوصوبائی اسمبلی میں نما ئندگی دینے پر اعتراض کرتا ہے چین کے ساتھ اشتراک اور تعاؤن کے ذریعے شاہر اہیں تعمیر کر نے کی مخالفت کرتا ہے یہاں تک کہ ہمیں وزیراعظم بدلنے کا حکم دیتا ہے یہ لڑائی چین امریکہ کی ہے جبکہ اس کا ایند ھن ہمارے ملک کے لوگ ہیں