سپریم کورٹ کے جج جسٹس اعجاز افضل نے ایک مقدمے کی سماعت کے دوران اپنے تاثرات میں کہا ہے کہ ارکان اسمبلی کا اصل کام قانون سازی اور پالیسی ہے گلی محلوں میں نالیوں کی پختگی ،سڑک اور پل بنا نا ارکان اسمبلی کا کام نہیں اگر چہ جج کا تبصرہ کسی حکم کا درجہ نہیں رکھتا تاہم اخبار نویس کے تجز ئیے اور سیاسی لیڈر کے بیان سے کئی گنا زیادہ اہمیت رکھتا ہے جسٹس اعجاز افضل کا کردار مشرف دور میں عدلیہ کی بحالی کی تحریک میں نمایاں رہا ہے انہوں نے حکومت کاساتھ دینے کے بجائے ججوں کا ساتھ دیا وکلا ء کا ساتھ دیا جن لوگوں کی عمریں 1970 ؁ء کے انتخابات کے سال 15 برس سے زیادہ تھیں وہ لوگ جانتے ہیں کہ اس زمانے میں اراکین اسمبلی میو نسپل کمیٹی کے دفتر میں بیٹھ کر 5 لاکھ روپے اور 6 لاکھ روپے کی چھوٹی چھوٹی سکیموں کے ٹینڈر نہیں کرواتے تھے سی اینڈ ڈبلیو کے دفتر میں جا کر کو ٹیشن نہیں کرتے تھے ڈپٹی کمشنر اور ایس پی کے کے دفتروں کوطواف نہیں کرتے تھے جن لوگوں نے پشاور کے ارباب نور محمد خان ، سیف الرحمن کیانی ، حیات محمد خان شیر پاؤ کا دور دیکھا تھا ان کو یا د ہوگا کہ اُس دور میں سرکاری حکام ارکان پارلیمنٹ کی کتنی عزت کرتے تھے ؟ وجہ یہ تھی کہ ارکان پارلیمنٹ کا ذاتی مفاد یا کاروبار رکارسرکاری افیسروں کے رحم و کرم پر نہیں ہوتا تھا اُن کی کمزوری سرکاری حکام کے قدموں میں نہیں ہوتی تھی چارسدہ کے حاجی شیر دل خان اسمبلی کے ممبر تھے کھدر کا کپڑا پہنتے تھے مگر رعب داب میں بڑے بڑے افیسروں کومات دیتے تھے اس زمانے میں چارسد ہ تحصیل ہوا کرتی تھی عبدا اللہ صاحب چار سدہ کے اسسٹنٹ کمشنر تھے اور شیخ بمبار کہلاتے تھے خالد منصور پشاور کے ڈپٹی کمشنر تھے ایسے ایسے افسران حاجی شیر دل خان کے گھر پر حاضری دیکر اُن سے رہنما ئی حاصل کرتے تھے کیو نکہ نالیوں کی پختگی میں ارکان اسمبلی کا کوئی حصہ نہیں تھا ارکان اسمبلی مالی بدعنوانیوں میں ملوث نہیں ہوتے تھے اتالیق جعفر علی شاہ چترال سے قومی اسمبلی کے ممبر تھے وہ ڈپٹی کمشنر سے ملنے نہیں جاتے تھے بلکہ ڈپٹی کمشنر اُن سے ملنے آتا تھا وجہ یہ تھی کہ وہ پالیسی دینے والے تھے قانون سازی میں حصہ لینے والے تھے ٹینڈر اور کوٹیشن کھولنے والے نہیں تھے جولائی 1977 ؁ء میں عزت والے ارکان اسمبلی کی آخر ی اسمبلی ٹوٹ گئی اور آئین معطل ہوا 8 سال بعد 1985 ؁ء میں غیر جماعتی انتخابات ہوئے اسمبلی کے اندر مسلم لیگ بنائی گئی مسلم لیگ میںآنے والوں کو 50 لاکھ روپے کے فنڈ دید یے گئے پھر ہر حکومت نے اس میں اضافہ کیا اب رکن اسمبلی کو 10 کروڑ روپے کا فنڈ ملتا ہے وہ ٹینڈر کھو لتا ہے کو ٹیشن کھولتا ہے سکیمیں تقسیم کرتا ہے اس کا درجہ قانون سازی کے درجے سے کم تر ہو کر سکیل 14 کے سب انجینئر اور سکیل 17 کے اسسٹنٹ ڈائر یکٹر یا سکیل 16 کے تحصیل میو نسپل افیسر کے مساوی رہ گیا ہے اب رکن اسمبلی کے مجبوری ہے کہ وہ ڈپٹی کمشنر کو سلام کر ے ایس پی کی منت سماجت کرے ایگز یکٹیو انجینئر کے دفتر کا بار بار طواف کرے گاؤ ں ، گلی اور محلہ کی سطح پر چھوٹے چھوٹے مسائل میں اُلجھنا بھی اس کی مجبوری ہے اس لئے رکن اسمبلی کی وہ عزت نہیں رہی جو 1970 ؁ء کے عشرے میں تھی سینئر صحافی اور وکلاء اس بات پر اکثر بحث کرتے ہیں ارباب فکر و دانش کا ایک طبقہ کہتا ہے کہ جنرل ضیا ء لحق نے ارکان اسمبلی کو ترقیاتی سکیموں میں حصہ دے کر ان کی عزت میں اضافہ کیا لوگ ان کی محتا ج ہوگئے اب وہ سکیمیں تقسیم کرتے ہیں اس لئے ان کی عزت بڑھ گئی ہے احباب کا ایک حلقہ ایسا بھی ہے جو اس کے برعکس رائے رکھتا ہے اس طبقے کا خیال یہ ہے کہ جنرل ضیا ء الحق نے سیا ستدانوں کو بد نام کر نے کے لئے ان کو پیسے دےئے فنڈ دئیے ترقیاتی سکیموں میں حصہ دیا اس کا فائد ہ سیاستدانوں کو نہیں ہوا بلکہ اسٹبلشمنٹ کو فائد ہ ہوا پہلے کرپشن کا الزام صرف بیوروکریسی پر لگتا تھا اب کرپشن کا الزام پہلے سیاستدانوں پر لگتا ہے سیاستدانوں کوپکڑنے کے بعد بیوروکریسی کی باری آتی ہے جنرل ضیا نے جس طرح ، علما ء ، مساجد اور مدارس کو بدنام کیا اس طرح انہوں نے سیاستدانوں اور ارکان پارلیمنٹ کو بھی داعذار کر دیا اب یہ داغ کبھی نہیں دُھلے گا مر زا غالب کا لاجواب شعر ہے
بھا گے تھے بہت سو اس کی سزا ہے یہ
ہو کر اسیر دا بتے ہیں راہز ن کے پاؤں

اخبارات میں دو طرح کی خبریں آرہی ہیں ایک خبر یہ ہے کہ خیبر پختونخوا سے کالجوں کے 7ہزار اساتذہ کرام نے بنی گالہ جاکر مطالبات کے حق میں دھرنا دیا دوسری خبر یہ ہے کہ نوشہرہ ،چارسدہ ،مردان وغیرہ میں کالجوں کے ہزاروں طلبہ نے اساتذہ کے دھرنے کے خلاف جلوس نکالا اور مطالبہ کیا کہ دھرنا دینے والوں کو گھر بھیجا جائے انہوں نے طلبہ کا قیمتی وقت ضائع کیا ہے اس ماہ کے شروع میں ٹیچنگ اسٹنٹ کیڈر کے 700ملازمین نے بنی گالہ جاکر دھرنا دیا تو عمران خان نے ان کو گریڈ سترہ میں مستقل کرنے کا حکم دے دیا اسمبلی میں ان کی مستقلی کا بل پیش ہوا تو حزب اختلاف کے سردار حسین بابک نے بل کا خیر مقدم کرتے ہوئے جملہ معترضہ میں شکوہ کیا کہ 2014 ؁ء میں ہم نے ٹیچنگ اسٹنٹ کیڈر کو مستقل کرنے کی تحریک پیش کی تو حکومتی پنچوں نے مخالفت کی تھی 2015 ؁ء میں اسمبلی کی سٹینڈ نگ کمیٹی میں یہ مسئلہ آیا تو حکومت نے پھر مخالفت کی اب بھی پشاور،مردان ،بنوں ،ڈی آی خان اور ایبٹ اباد میں مطالبات دہرائے گئے تو حکومت نے شدید الفاظ میں مطالبات کو رد کر دیا ہمیں بتا یا جائے کہ بنی گالہ طواف میں کونسا معجزانہ کام ہوا کہ حکومت فوراََ مان گئی؟ انہوں نے سوال اٹھا یا کیا یہ ریموٹ کنٹرول حکومت نہیں ہے ؟ اور حقیقت یہ ہے کہ اس سے پہلے بھی مختلف شعبوں سے تعلق رکھنے والے لوگوں نے بنی گالہ میں عمران خان کے گھر پر دھرنا دے کر اپنے مطالبات منوائے اس میں ایک سہو لت ہے پنجاب پولیس آپ کے ساتھ دوستانہ ،مشفقانہ اور برادرانہ رویہ رکھتی ہے اسلام اباد کیپیٹل سٹی پولیس آپ کو سیلوٹ کرتی ہے درودیورار آپ کو راستہ دیتے ہیں ’’دھرنا‘‘جماعت اسلامی کے سابق امیر قاضی حسین احمد کی اختراع تھی اس کو عمران خا ن نے ڈی چوک میں چار چاند لگا کر دوبارہ متعارف کرایا اب مشکل یہ ہے کہ کنواں کھودنے والے کے سامنے کنواں آگیا ہے’’لو آپ اپنے دام میں صیاد آگیا ‘‘ مرزا غالب نے کہا
تھی جن سے توقع داد خستگی کی پانے کی
وہ ہم سے بھی زیادہ خستہ تیع ستم نکلے
سردار حسین بابک کی پوری تقریر سیاسی تھی تاہم انہوں نے اسمبلی کے ایوان میں سیاسی تقریر کے اندر ایک اصولی بات بھی کہی ان کی اصولی بات یہ تھی کہ اگر مطالبات جائز تھے تو بنی گالہ طواف سے پہلے کیوں نہیں مانے گئے؟اگر مطالبات ناجائز تھے تو بنی گالہ طواف کے بعد کس طرح جائز ہوئے کیا طواف کوئے ملامت فرض اور واجب کا درجہ رکھتا ہے ؟ یا بقول غالب
پھر طواف کو ئے ملامت کو جائے ہے دل
پندار کا صنم کدہ ویراں کئے ہوئے
حقیقت یہ ہے کہ ہماری حکومتوں کا رویہ عوام کے ساتھ ہمیشہ سے ایسا ہی رہا ہے ایک معقول مطالبے کو تین چار سالوں تک سردخانے میں ڈال دیا جاتا ہے یہاں تک کہ ہڑتال ،ریلی ،جلوس،لاٹھی چارج ،بھوک ہڑتال وغیرہ کی نوبت آتی ہے تب جاکر مطالبے کو تسلیم کیا جاتا ہے اور حکومت اس کا باقا عدہ کریڈیٹ لیتی ہے کہ ہم نے کارنامہ انجام دیا عمران خان نے جب دھرنا دیا تو اس کو تاریخ کا سب سے بڑا دھرنا کہا گیا پی ٹی آئی کے کارکنوں نے دھرنا دینے پر اتنا فخر کیا کہ گلی گلی اور محلہ محلہ اس کی شہرت پھیل گئی ،ایس ایچ او کے خلاف دھرنا ،مجسٹریٹ کے خلاف دھرنا،ہیڈ کلرک کے خلاف دھرنا یہاں تک کہ نوبت عمران خان کے خلاف دھرنے تک جا پہنچی ۔
سوشل میڈیا پر کالج اساتذہ نے اپنے دھرنے کی تصاویر بالکل اُسی طرح دی ہے جس طرح پی ٹی آئی کے کارکن 2014ء میں عمران خان کے دھرنے کی تصاویر دیا کرتے تھے نعرے بھی وہی انداز بھی وہی ہے اور طرز تخاطب بھی تقریباََ وہی ہے ان دھرنوں کا ایک ہی علاج ہے عمران خان کو اس پر ضرور غور کرنا چاہیے اب یہ بات ڈھکی چھپی نہیں رہی کہ خیبر پختونخوا کے اصل چیف ایگزیکٹیو جہانگیر ترین ہیں ان کو پشاور میں مستقل سکونت دی جائے وزیر بے قلمدان کا قلمدان دے کر پشاور میں حکومت کے کام ان کو سپرد کئے جائیں بنی گالہ جانے والے قافلے پشاور میں رہینگے اور صوبے کے مسائل صوبے کے اندر حل ہونگے پنجاب پولیس ہمارا مذاق نہیں اڑائیگی اسلام اباد کیپیٹل سٹی پولیس اور موٹروے پولیس کے سامنے ہمارے صوبے کا بھر م رہ جائے گا جو لوگ ہماری حکومت کو ریموٹ کنٹرول کا طعنہ دیتے نہیں تھکتے ان کی زبان بند ہوجائیگی سول بیورو کریسی میں جولوگ بنی گالہ کو اپنا قبلہ سمجھتے ہیں وہ اپنا قبلہ پشاور ہی میں ڈھونڈ نکا لینگے ورنہ بنی گالہ کے دروازے پر دھرنوں کا سلسلہ مزید تیز ہو جائے گا یونیورسٹی اساتذہ کا دھرنا ابھی باقی ہے این ٹی ایس اساتذہ بھی دھرنے کے موڈ میں بھرے بیٹھے ہیں ینگ ڈاکٹرز،کلرک برادری ،مزدور، بے روز گار نوجواں اور چھوٹے تاجر بھی بنی گالہ طواف کا سوچ رہے ہیں اگر سب نے سچ مچ بنی گالہ کا رخ کیا تو یہ کپتان کو مہنگا پڑے گا ۔