روزچترال کی طرف سے چترالی طلبہ کیلئے سکالرشپ کا اعلان

چترال(نمائندہ چترال ٹائمز) چترال میں اعلی تعلیم کے فروغ کے لیے کوشاں ادارہ ریجنل آرگنائزیشن فار سپورٹنگ ایجوکیشن (ROSE) نے چترالی طلباء وطالبات کے ایک اور شاندار موقع فراہم کر رہا ہے۔ ROSEچترال کے دفتر سے جاری پریس ریلیز کے مطابق، ROSE چترال کا الحمد اسلامک یونیورسٹی کوئٹہ کے ساتھ ایک معاہدہ طے پایا ہے جس کے رو سے یونیورسٹی کا اسلام آباد میں واقع کیپمس میں 5 ڈیپارٹمنٹس میں (ہر پروگرام کے لیے ایک سیٹ کے حساب سے) ان چترالی طلبہ کو ٹیوشن فیس میں 60فی صد تک چھوٹ مل سکتی جو ROSEچترال کے کوٹے پر داخلہ لے رہے ہوں۔ پروگرامات/ ڈیپارٹمنٹس کی تفصیل درج ذیل ہے۔

اس تعلیمی سال کے لیے درخواستیں ROSE کے مجوزہ اسکالرشپ فارم بمعہ تعلیمی اسناد کی مصدقہ نقول 25 اگست 2019 تک ROSEچترال کے آفس واقع میر پلازہ گولدور چوک پہنچ جانی چاہئیں۔ انٹرویو کی تاریخ 27 اگست 2019 ہے.