گرم چشمہ اور چترال ٹاون کے درمیاں واقع گرم چشمہ روڈ اپنی جیو اسٹریٹیجیک اور اقتصادی افادیت کے لحاظ سے ایک خاص اہمیت کا حامل ہے۔ایک طرف یہ پاکستان کو درہ دوراہ (Dorah Pass) کے زریعے مشرق وسطیٰ کے مسلم ممالک تک رسائی کے لیئے مختصرترین زمینی راستہ مہیا کرتی ہے کیونکہ چترال ٹاون سے تاجکستان کے درمیان ٹوٹل فاصلہ تقریبا 180کلومیٹر ہے۔اور دوسری طرف درہ شوئی کے زریعے یہ پاکستان کو افغانستان کے نورستان صوبے سے ملاتی ہے۔ایک اندازے کے مطابق 1979؁ء سے لیکر 2007؁ء تک افغانستان سے تقریبا 33ارب کے لاگت کے قیمتی پھتر لاجورد(Lapiz laluzi) اور کم و بیش اٹھائیس لاکھ مال مویشی دوراہ کے راستے پاکستان کے مختلف مارکیٹوں میں داخل ہوئے۔اور دوسرے اشیاء کے مد دونوں ممالک کے درمیان درامدت اور برامدت کی لاگت بھی کروڑوں میں تھی۔پچھلی سال یہ درہ دوبارہ کراس بارڈر ٹریڈ کے لیئے کھولنے کا باقاعدہ اعلاں ہو چکا ہے اور مختلف افس کے لیئے زمین بھی تعین کی گئی ہے۔

اس کے علاوہ گرم چشمہ کے روڈ سے ہر سال کروڑوں مالیت کے آلو،مٹر اور ٹماٹر اور میوے بھی ملک کے مختلف منڈیوں میں منتقل ہوتے ہیں اگر جیو اسٹریجیک اور اقتصادی طور سے دیکھا جائے تو اس پاس کوملک میں ایک خاص اہمیت حاصل ہے۔

گرم چشمہ اور چترال کے درمیان45کلومیٹر پر محیط گرم چشمہ روڈ کی تعمیر کا اغاز 1960؁ء کے عشرے میں ہوا تھا۔اور اس کے بعد وقتا فوقتا مختلف حکومتوں کے ادوار میں اس پر کام ہوتا رہا۔تاہم پکاگی (matteled road)کے حوالے سے مرحوم ظفر احمد نے نمایان کا م کیا لیکن اگر یہ ہماری بدقسمتی سمجھی جائے تو غلط نہ ہوگا کیونکہ اس کی حکومت کو مقررہ وقت سے پہلے تحلیل کیا گیا۔اس کے علاہ لٹکوہ کے چمپین شہزادہ محی الدین نے بھی تھوڑے سے اپنے حصے سے اس روڈ میں ڈالا لیکن جو احساں لٹکوہ کے عوام نے اس کے ساتھ کئی عشروں سے کیئے تھا وہ اس کا دس فیصد بدلہ بھی نہیں تھا۔بات یہان تک نہیں رک سکتی ہے پھر وہ دن بھی دیکھنے کو ملا کہ گرم چشمہ کا اپنا بیٹا سلیم خاں کی ایک طویل المدت اقتدار کا اغاز ہوا۔

سیاست کا پہلا سیڑھی بحثیت اسپیکر ضلعی اسمبلی سے ہوا پھر اس کے بعد روکنے کا نام ہی نہیں لیا کیونکہ لٹکوہ کے عوام بڑے مخلص اور سیاسی طور پرعلاقائی پسند ہوتے ہیں بیٹا صوبائی وزیر بھی رہا پھر بڑی مشکل سے اس سے دوبارہ صوبائی اسمبلی کے نشست کے لیئے منتخب کئے گئے اور بات یہاں تک نہیں رکتی موجودہ الیکشن میں بھی اپنے اکثریتی ووٹ ا سکے جھولی میں ڈال دیئے۔امیدیں اور خواہشات بہت زیادہ تھے لیکن کریم اباد،ارکاری اور گرمچشمہ تک سب کا ایک ہی خواہش تھی اور ایک ہی مطالبہ تھا کہ کچھ بھی نہ کریں صرف اس روڈ کو صحیح معنوں میں ہمارے لئے بنائے تاکہ ہم موسم گرما میں سیلاب اور سرما میں برف کے تودے گرنے سے بچ جائیں وعدے ہوئے جلوس جلسوں میں اعلانات ہوئے کہ آن قریب اس روڈ میں کام شروع ہونے والے ہیں لیکن خدا جائے وہ دن کبھی بھی نہ ایااور اس دن کا سورج کبھی بھی طلوع نہیں ہوا،اور ہمارا یہ سپوت خود کہتا تھا کہ گرم چشمہ کے اچھے دن شروع ہونے والے ہیں لیکن گرم چشمہ کے اچھے دن کبھی نہیں ائے البتہ بھائی صاحب کے اچھے دن ضرور ائے ہیں اور اگر ہم یہ کہیں تو غلط نہ ہوگا کہ ہمیں اپنون نے لوٹا غیروں میں کہاں دم تھا۔

جب میں اس اہم راستے کے لیئے بے یارومدگار کا لفظ استعمال کرتا ہوں تو کئی دوست اعتراض کرتے ہیں کہ فلان صاحب نے اس روڈ پر یہ کام کیا تھا فلاں وقت میں ابھی سلیم خان نے تو سوشل میڈیا پر یہاں تک دعوی کیا ہے کہ چترال سے پھاچیلی تک روڈ کو پکا اسی نے کیا ہے اور اس کے دور اقتدار میں چترال سے گبور تک روڈ کی منظوری بھی ہوئی تھی جو حقائق سے مکمل طور پر ہٹ کر اور مضحیکہ خیز بیاں ہے اور حقیقت سے دور تک اس کا کوئی تعلق نہیں ہے۔اگر جیکا چترال سے پھاچیلی تک اس کو پکا کیا تو کیا ہم اس کی کریڈیٹ کسی سیاسی لیڈر کے کھاتے میں ڈالیں تو یہ سراسر ناانصافی ہوگی۔ہاں البتہ گرم چشمہ روڈ کی لاچاری ختم ہوتے نظر اتی ہے کیونکہ ابھی پاکستان کے اہم ادارے این ایچ اے اس سے سنبھال رہی ہے اور ہمیں کام ہوتا نظر ارہے ہیں شاہ سلیم تک مشنری ہر وقت موجود ہیں اور اس سال برف باری میں بھی گبور روڈ بند نہیں ہوا جو ایک معجزہ سے کم نہیں ہے،انصاف کا تقاضہ بنتا ہے کہ جس کے دور حکومت میں این ایچ اے نے کام شروع کیا ہے کریڈیٹ بھی اس کو جاننا چاہئے کیونکہ یہ ادارہ اوپر اسمان سے نہیں ایا بلکہ حکومت کے ماتحت ادارہ ہے اور یہ حکومت کے اجازت کے بغیر کوئی بڑا فیصلہ نہیں کرسکتا۔

جب سے یہ ادارہ تحریک انصاف کے دور حکومت میں گرم چشمہ روڈ پر کام شروع کیا ہے دوسرے جماعتوں کے اکابریں کریڈیٹ لینے کی کوشش میں ہیں کہ اس کو یہاں لانے میں میں نے فلان وقت میں فلان کام کئے تھے،انشاء اللہ بہت جلد پی ٹی آئی کی حکومت میں شاہ سلیم تک روڈ پر کام بھی شروع ہوگا۔

چند روز قبل گرم چشمہ میں پاکستان پپلز پارٹی کا ایک جلسہ منعقد ہوا تھا جس میں فخر انجیگان سابقہ صوبائی وزیر اور دو دفعہ سابقہ ایم پی اے سلیم خان نے پی ٹی آئی کے حکومت کو ورننگ دیا ہے اور ایک سوشل میڈیا پر پیغام بھی اس کی طرف سے وائرل ہوا ہے کہ اگر حکومت نے ایک مہینے کے اندر گرم چشمہ روڈ پر کام شروع نہیں کیا تو ہم اسلام اباد میں دھرنا دیں گے۔ہم جناب سلیم خان کی جرات کو سلام پیش کرتے ہیں کہ وہ عوام لٹکوہ کے لیئے اتنا بڑا کام کرنے جارہا ہے۔لیکن مجھے ہنسی اتی ہے کیا یہ واقع ہو جائے گا؟ہم بس سلیم خان سے صرف یہ مطالبہ کرین گے کہ 100بندوں کو لیکر اسلام اباد میں صرف 26 دن کا دھرنا دیں جس میں پاکستان پیپلز پارٹی کے علاوہ اپنے ساتھ سی ڈی ایم اور دوسرے پریشرگروپس کے لوگ بھی لے جائیں۔

اگر اپ نے چھبیس دن کا دھرنا اسلام میں کامیابی سے دیا تو واپسی پر لٹکوہ کے سارے لوگ پارٹی وابستگی سے بالاتر ہوکر اپ کا چترال میں شاندار استقبال کریں گے اور اپ کو اکیس توپوں کی سلامی دی جائے گی اور اس کام میں سارے علاقے کے لوگ اپ کے ہمت کو داد دینگے۔لیکن جہاں تک میرا خیال ہے یہ اپ کے بس کا کام نہیں ہے اب صرف حکومت پر دباوٗ ڈالنے کی کوشش کرتے ہیں اور جو اپکے خلاف بولتے ہیں ان کے اواز کوبھی دبانے کے لئے مختلف بلیک میلنگ کے حربے استعمال کرتے ہیں اور یہاں تک کہ بعض وقت جھوٹ کا سہارا بھی لیتے ہو کہ فلان کو پروجیکٹ میں اتنے ر وپے دیا تھا اور کبھی مخالفیں پر جب شیڈول لگتا ہے تو مسیج سینڈ کرتے ہو کہ ابھی مزا چھکو۔

یہ بڑے cheapکام ہوتے ہیں اور اپ جیسے سیاسی لیڈر سے یہ توقع نہیں کیجا سکتی ہے حتی کہ گاوں کے سطح پر بھی سیاسی ورکر ز یہ کام نہیں کر سکتے ہیں۔بحرحال ہم اپکی اسلام دھرنے کا منتظیر ہیں کہ کب چھبیس دن کا کامیاب دھرنا دیکر ہمارے بھائی واپس چترال پہنچے گا۔تاکہ یہ چترال کی تاریخ کا ایک منفرد واقعہ ہوگا جس کا کریڈیٹ یقینا عمران خان صاحب کو جائے گا کیونکہ اس نے تاریخ کا سب سے بڑا دھرنا دیا تھا جس کادورانیہ 126دن تھے اور ابھی اپوزیشن والے بھی دھرنے کو ایک مثبت پہلو کے طور پر استعمال کرنے کی کوشش کررہے ہیں۔

پاکستان میں سرکاری سطح پر صحت عامہ کی سہولیات کے حوالے سے اقوام متحدہ کے ادارے ورلڈ ہیلتھ آرگنائزیشن کی تازہ رپورٹ میں انکشاف ہوا ہے کہ پاکستان میں صحت عامہ کی صورت حال نہایت غیر تسلی بخش ہے۔ملک میں میڈیکل کالجوں کا معیار بھی انتہائی تشویش کا باعث ہے۔رپورٹ کے مطابق پاکستان میں 2300افراد کیلئے صرف ایک ڈاکٹر دستیاب ہے جبکہ 80فیصد ڈاکٹرز دن میں صرف 4گھنٹے کیلئے ہسپتال آتے ہیں دیہی علاقوں میں ڈاکٹرز کی عدم دستیابی سب سے بڑا مسئلہ ہے۔ پاکستان میں میڈیکل کالجوں کی تعداد118ہے جن میں سے صرف10 ادارے معیاری تعلیم فراہم کر رہے ہیں۔

رپورٹ کے مطابق پاکستان میں طب کی تعلیم حاصل کرنے والوں میں خواتین کی تعداد بڑھ رہی ہے جو خوش آئند ہے تاہم ان میں سے بیشتر تعلیم مکمل ہونے کے فوری بعد اپنی پیشہ ورانہ ذمہ داریوں کی ادائیگی شروع نہیں کرتیں اور58 فیصد لیڈی ڈاکٹر شادی ہونے کی وجہ سے جاب چھوڑ دیتی ہیں جو ملک میں ڈاکٹروں کی قلت کی ایک بڑی وجہ ہے۔رپورٹ کے مطابق ملک میں 2800 مریضوں کے لیے اسپتال میں ایک بستر دستیاب ہے۔طبی سہولتوں تک عدم رسائی کی وجہ سے 80 فیصد زچگیاں غیر تربیت یافتہ دائیوں کے ہاتھوں ہوتی ہیں جس کی وجہ سے ہزاروں نوزائیدہ بچے اور مائیں زندگی کی بازی ہار جاتی ہیں۔عالمی ادارہ صحت کی رپورٹ ملک کے حکمرانوں اور پالیسی سازوں کے لئے لمحہ فکریہ ہے۔

سرکاری سطح پر معیاری ہسپتال موجود نہ ہونے کی بنیادی وجہ یہ ہے کہ ہمارے سیاست دان، اعلیٰ افسران اور ان کے خاندان اپنا علاج ملک سے باہر کرواتے ہیں۔اپنے بچوں کو امریکہ، لندن، فرانس، جرمنی اور آسٹریلیا کے کالجوں اور یونیورسٹیوں میں پڑھاتے ہیں۔ یہی وجہ ہے کہ سرکاری سطح پر بین الاقوامی معیار کا کوئی ہسپتال پاکستان میں بن سکا اور نہ ہی سرکاری تعلیمی اداروں کا معیار بہتر بنانے پر کسی نے توجہ دی۔پاکستان کی 70فیصد آبادی دیہی علاقوں میں رہتی ہے شہروں کے مقابلے میں دیہی علاقوں میں تعلیم اور صحت کے اداروں کی حالت ناگفتہ بہہ ہے۔ المیہ یہ ہے کہ دیہی علاقوں سے تعلق رکھنے والے ڈاکٹرز بھی اپنے علاقے میں جاکر عوام کی خدمت کرنے سے کتراتے ہیں کیونکہ انہیں دیہات میں صرف تنخواہ پر گذارہ کرنا پڑتا ہے۔ جبکہ شہروں میں پرائیویٹ کلینک کھول کر وہ ماہانہ لاکھوں کماتے ہیں۔

خیبر پختونخوا حکومت نے دیہی علاقوں میں جاکر خدمات انجام دینے والوں کے لئے پرکشش مراعات کا اعلان کیا ہے اس کے باوجود دیر، شانگلہ، بونیر، چترال، کوہستان، بٹگرام ہنگو، لکی مروت، وزیرستان، کرم، اورکزئی، مہمند اور باجوڑ جاکر دکھی انسانیت کی خدمت کے لئے ان علاقوں سے تعلق رکھنے والے ڈاکٹر بھی تیار نہیں ہوتے۔ لیڈی ڈاکٹروں کے حوالے سے ڈبلیو ایچ او کی رپورٹ بھی قابل غور ہے۔ ایک ڈاکٹر تیار کرنے پر قوم کے چالیس پچاس لاکھ روپے لگ جاتے ہیں اور تعلیم مکمل کرنے کے بعد قوم کی امانت خدمت کی شکل میں لوٹانے کے بجائے اکثر لیڈی ڈاکٹرز شادی کرکے ہاؤس وائف بننے کو ترجیح دیتی ہیں جو اس غریب قوم کے ساتھ زیادتی ہے۔

عالمی ادارہ صحت نے ایک اہم مسئلے کی طرف حکومت کی توجہ دلائی ہے کہ پیشہ ور عملہ اور محفوظ زچگی کی سہولیات نہ ہونے کی وجہ سے سالانہ ہزاروں خواتین اور نومولود بچے موت کے منہ میں جاتے ہیں۔ دیہی صحت مراکز، بنیادی صحت مراکز اور ڈسپنسریوں میں کم از کم دو تربیت یافتہ نرسیں اور لیڈی ہیلتھ وزیٹرزتعینات کرنے کی ضرورت ہے تاکہ خواتین اور بچوں کو گھروں کے قریب صحت کی بنیادی سہولیات میسر آسکیں۔ خیبر پختونخوا حکومت تعلیم اور صحت کے شعبوں کو اپنی اولین ترجیحات قرار دیتی ہے۔ محکمہ صحت خیبر پختونخوا کو عالمی ادارہ صحت کی اس رپورٹ کو پیش نظر رکھتے ہوئے اپنا آئندہ کا لائحہ عمل مرتب کرنا چاہئے۔ تاکہ عوام خصوصاًدیہی آبادی کو صحت کی مناسب سہولیات ان کہ دہلیز پر فراہم کرنے کے وعدے ایفا ہوسکیں۔

وفاقی حکومت نے ملک بھر میں چینی، گندم، دودھ،گوشت اور دالوں سمیت50 اشیائے ضروریہ کی قیمتیں کنٹرول کرنے، ناجائزمنافع خوری اور ذخیرہ اندوزی کوروکنے کا حکم نامہ جاری کردیا ہے۔ تمام اضلاع کے ڈپٹی کمشنروں کو قیمتوں پر کنٹرول کے لئے کنٹرولر جنرل کے اختیارات سونپ دیئے گئے ہیں۔وزارت صنعت و پیداوار نے وفاقی کابینہ کی منظوری کے بعد پرائس کنٹرول، ناجائزمنافع خوری اور ذخیرہ اندوزی روکنے کے ایکٹ 1977 کے تحت آرڈر 2021 کا نوٹی فیکشن جاری کردیاہے جس کا اطلاق فوری طور پر ہوگا۔سرکاری اعلامیہ کے مطابق چینی اور گندم کی قیمتیں مقرر کرنے کا اختیار وفاقی وزارت نیشنل فوڈ سیکیورٹی کے سیکرٹری کو دیا گیاہے۔

خوردنی تیل،چائے، گوشت، سیمنٹ، موٹرسائیکل، سائیکل، ٹرک، ٹریکٹرز، فروٹ جوسز، مشروبات، فیس ماسک، آکسیجن سلنڈرز اور ہینڈ سینٹائزر سمیت 15 اشیا کی قیمتیں مقرر کرنے کا اختیار وفاق کی سطح پر متعلقہ وزارت کے سیکرٹری کے پاس ہوگا۔ دودھ، پیاز، ٹماٹر، دالوں، گوشت، انڈے، روٹی، نان اور نمک سمیت 33اشیا کی قیمتیں مقرر کرنے کے اختیارات صوبائی سطح پر سیکرٹری صنعت کو دیئے گئے ہیں۔اعلامیہ کے مطابق کنٹرولر جنرل درآمد کنندگان،ڈیلرز اور پروڈیوسرز سے ماہانہ بنیادوں پر قیمتوں کے حوالے سے رپورٹ طلب کرسکیں گے۔

کنٹرولر جنرل کے پاس ازخود نوٹس، چھاپہ مارنے، دکانوں اور گوداموں میں داخل ہونے کا اختیار ہوگا۔ وزیر خزانہ شوکت ترین کا کہنا ہے کہ بنیادی اشیائے ضروریہ کی قیمتیں پوری دنیا میں 10 سال کی بلندترین سطح پر ہیں۔امریکہ، کینیڈا، ہالینڈ، ناروے، فرانس اور جرمنی جیسے ترقی یافتہ ملکوں میں بھی عوام مہنگائی کے خلاف احتجاج کر رہے ہیں۔ اشیائے ضروریہ کی قیمتوں کو کنٹرول کرنا صوبائی حکومتوں کی ذمہ داری ہے۔ان کا کہنا ہے کہ زرعی پیداوار بڑھا کر قیمتوں کو کنٹرول کیا جاسکتا ہے۔مگر یہ بات وزیرخزانہ بھی بخوبی جانتے ہیں کہ زرعی پیداوار بڑھانے کے لئے طویل المعیاد منصوبہ بندی کی ضرورت ہے۔

کاشت کاروں کو کھاد، بیج، زرعی ادویات،مشینری کی خریداری، ٹیوب ویلوں کی تنصیب اور پیداوار کو کھیتوں سے منڈیوں تک پہنچانے کی سہولت فراہم کرنی ہوتی ہے۔بنجر اراضی کو قابل کاشت بنانے کے لئے ڈیم اور نہریں نکالنی پڑتی ہیں اور یہ چند ہفتوں یا مہینوں کا کام نہیں۔کمرتوڑ مہنگائی نے عوام کے لئے جسم و جان کا رشتہ برقرار رکھنا دوبھر کردیا ہے۔ حکومت کی طرف سے بنیادی اشیائے ضروریہ کی قیمتوں کو کنٹرول کرنے کے لئے ضلعی انتظامیہ کو اختیارات تفویض کرنا اورنرخون کا تعین کرنے کی ذمہ داری سرکاری اداروں کو سونپنا خوش آئند ہے۔ تاہم بنیادی مسئلہ نرخنامے پر عمل درآمد کرانا ہے۔

صوبائی اور ضلعی سطح پر گمنام پرائس کمیٹیوں کے نام سے نرخنامے تو بلاناغہ جاری کئے جاتے ہیں مگر سرکاری نرخ نامے اور برسرزمین قیمتوں میں آسمان و زمین کا فرق ہوتاہے۔پرائس کمیٹیوں کے پاس اپنے فیصلوں پر عمل درآمد کرنے کا اختیار ہے نہ ہی ان کے پاس فورس ہے۔مجسٹریسی نظام کے خاتمے کی وجہ سے تھوک اور پرچون فروش شتر بے مہار ہوچکے ہیں وہ اپنی مرضی کے پرائس ٹیک لگا کر چیزیں بیچتے ہیں کوئی پوچھنے والا نہیں۔ عوام کو موجودہ صورتحال میں فوری ریلیف چاہئے۔ اشیائے ضروریہ کی قیمتوں کو اعتدال پر رکھنے اور ان کی کڑی نگرانی سے مہنگائی پر قابو پانے میں کافی حد تک مدد مل سکتی ہے۔

تاہم مہنگائی کی بنیادی وجوہات کے تدارک پر بھی حکومت کو توجہ دینی ہوگی اشیائے ضروریہ کی قیمتیں آئے روز بڑھنے کی اصل وجہ پیداواری لاگت میں اضافہ ہے جو پٹرولیم مصنوعات، گیس اور بجلی کی قیمتوں میں وقتاً فوقتاً اضافے کا شاخسانہ ہے جب تک حکومت اس پر قابو نہیں پاتی۔ قیمتوں میں اضافے کی رفتار کو روکنے کی کوششیں بار آور ثابت نہیں ہوسکتیں۔اور جب تک حکومت مہنگائی پر قابو نہیں پاتی۔ اس کی عوامی مقبولیت کا گراف گرتا رہے گا۔

آج ایک بزرگ سے ملا قات ہوئی وہ گھر سے ٹیلیو یژن کو نکا ل با ہر کر رہے تھے پوچھنے پر بتا یا میں نے اس ملک کی خاطر 1965ء اور 1971ء میں دو خطرنا ک جنگیں لڑی ہیں اس ملک کے ساتھ میرا رشتہ صرف مٹی کا نہیں بلکہ خون کا بھی رشتہ ہے صرف ٹیلی وژن نہیں میں نے ریڈیو، اخبار اور سو شل میڈیا کے مکمل بائیکا ٹ کا بھی پکا فیصلہ کر لیا ہے بات سمجھ میں نہیں آئی تو بزرگ نے وضا حت کی ملک اور قوم کے بارے میں کوئی اچھی خبر نہیں آتی بری خبریں دیکھنے، سننے اور پڑھنے سے میڈیا کا بائیکا ٹ ہی بہتر ہے کم از کم ذہنی کو فت، پریشا نی اور اعصا بی تنا ؤ سے نجا ت مل جا ئے گی بزر گوں سے بحث مبا حثہ منا سب نہیں تا ہم بزرگ کی خد مت میں اس قدر عرض کیا کہ اس میں خبر رساں کا کوئی قصو ر نہیں لڑ کی اغوا ہو گئی تو اس خبر کو خو ش خبری بنا کر پیش کر نا ممکن نہیں ہے میڈیا معا شرے کا آئینہ ہے جو کچھ سما ج میں ہے وہ آئینے میں نظر آتا ہے خوا جہ میر درد نے بڑی بات کہی ہے ؎

ہر چند ہوں آئینہ پر اتنا ہوں نا قبول
منہ پھر لے جس کے مجھے روبرو کریں

بزرگ کو مختصر جواب دینے کے بعد میں نے اپنے گریبان میں جھا نکنے کی کو شش کی 3دن کے اخبارات کو سامنے رکھا تو بزرگ کی بات میں خا صا وزن نظر آیا ایک طرف کورونا کی وبا ہے دوسری طرف افغا نستان سے پا کستان کا رخ کر نے والے پنا ہ گزینوں کی اطلا عات ہیں افغا ن مسئلے پر پا کستا ن عالمی دباؤ سے دو چار ہے دونوں بڑے عذاب اور دہرے مصائب ہیں لیکن ہمارے ہاں جوڑ اور توڑ کی کیفیت سے فرصت نہیں جوڑ بہت کم اور توڑ بہت زیا دہ دیکھنے میں آتا ہے کرا چی میں حکومت مخا لف پا رٹیوں کا جلسہ اور اسلا م اباد مارچ کا اعلا ن آگیا ہے،

لا ہور میں ڈاکٹر وں کا احتجا ج اور مظا ہرین پر پو لیس کا لا ٹھی چارج، کیمیکل سپرے، اسلا م اباد میں نا درا کے ملا زمین کا دھر نا،وفاقی دار لحکومت سے 7000ملا زمین کے بید خلی کی خبر قانونی جنگ اور احتجا ج کی دھمکی، سب سے بڑے صوبے کے دار لخلا فہ میں میٹرو بس سروس کے ڈرائیور وں کی ہڑ تا ل، سروس کی بندش، منی بسوں اور رکشہ والوں کی من ما نیاں ایک ہی دن کے اخبارات کی زینت بن چکی ہیں گذشتہ 3دنوں کے اندر ملک میں 7کمسن بچیوں کو جنسی ہرا سا نی کا نشا نہ بنا یا گیا، 5لڑ کیوں کو اغوا کیا گیا 11مسخ شدہ لا شیں برآمد کی گئیں پورے مہینے کے اندر جنسی جرائم کے اعداد شمار دل کو وحشت زدہ کر دیتے ہیں عدا لتوں سے جو خبریں آرہی ہیں ان میں 36سالوں سے زیر التوا مقدمات کی سما عت ہو رہی ہے 18سال پرانے مقدمے کا فیصلہ آتا ہے 24سال پرانے مقدمے کو از سر نو تفتیش کے لئے واپس نا ئب تحصیلدار کے پا س بھیجا جا تا ہے.

کا بل میں امارت اسلا می نے ابھی با ضا بطہ اقتدار نہیں سنبھا لا تصویر اور ویڈیو کے ساتھ خبر آگئی چور پکڑا گیا تھا قاضی کے سامنے پیش کیا گیا ایک گھنٹہ بعد کھلے میدان میں لا کر چور کا ہاتھ کا ٹ دیا گیا اس خبر کی ویڈیو کو دیکھ کر سب نے کہا کا ش ہمارے ملک میں جنسی درندگی، چوری، قتل، اغوا، ڈاکہ زنی اور دیگر جرائم میں ملوث جن مجرموں کو 16جو لا ئی سے پہلے گر فتار کیا گیا تھا 30اگست تک ان کو سزائے مو ت اور ہاتھ کا ٹنے کی سزا ئیں دی جا تیں تو معا شرہ کتنا پر امن ہو جا تا 40سال بعد ان مقدمات کے فیصلے ہو نگے

تو اخبار پڑھنے اور ٹیلی وژن دیکھنے والے عوام اس گھنا و نے جر م کو بھو ل چکے ہو نگے اور یہ ضما نت بھی نہیں کہ 40سا لوں کی تھکا دینے والی مقد مہ بازی کے بعد بھی مجر موں کو سزا ملے گی میں نے سما ج کے اندر جھا نکنے کی کو شش کی تو چار خطر نا ک صورتیں سامنے آتی ہیں سیا ستدا نوں کے درمیاں سیا سی مبا حثہ کی جگہ ذاتی دشمنی نے لے لی ہے سول اور فو ج کے تر بیت یا فتہ افیسروں کے خلا ف نا زیبا پرو پیگینڈا چل رہا ہے صنعت و تجا رت اور کارو بار میں نا م پیدا کر نے والے شہریوں کو غلیظ الفاظ میں گا لیاں دی جا رہی ہیں، عدلیہ میں گروہ بندی کا تا ثر پھیلا یا جا رہا ہے جس بزرگ نے 1965اور 1971کی جنگوں میں خو ن کا قطرہ بہا کر ملک کی خد مت کی وہ اس صورت حا ل کو برداشت نہیں کرے گا ؎
نا وک نے تیرے صید نہ چھوڑ ا زما نے میں
مرغ باد نما تڑپے ہے آشیا نے میں

یہ ایک عقلی دلیل ہے کہ جہاں تاریخ کے حوالے سے تحریری ماخذات کی کمی ہو وہاں تاریخی زبانی روایات، قدیم نقشہ نگاری اور آثار قدیمہ جیسے تحقیقی میدانوں سے ذیادہ سے ذیادہ فائدہ لینے کی کوششیں کی جاتی ہے اور اگر کوئی مذکورہ ماخذات کو بنیاد بناکر اپنا تجزیہ کرتا ہے اور خصوصا زندہ روایات کو تحریری شکل دیتا ہے تو کل کے ریسرچرز کے لئے یہ ایک تحریری تاریخی سند اور تحقیقی مواد تصور کیا جاتا ہے۔

چترال میں دین اسلام سے پہلے کے مذاہب کے بارے میں اکثر محققین اور مصنفیں مثلاََڈاکٹر عزیز اللہ نجیب (۲۰۰۰)، ڈاکٹر فیضی (۲۰۰۵) رحمت کریم بیگ (۲۰۰۴) میرزہ محمد غفران (۱۹۶۲) وغیرہ کے تحقیق کے حساب سے تین مذاہب کا یکے بعد دیگر اس خطے میں ہونے پر اتفاق ہے یعنی زرتشت، بدھ مت اور کلاشہ۔ جبکہ جان بڈلف (۱۹۸۱) اور کارل جیٹمار (۱۹۹۶)کے ہاں چترال اسلام کے آمدسے پہلے ہندو مذہب کے زیر اثر بھی رہا ہے۔ زرتشت اور بدھ مت کا چترال میں ہونا عین ممکن اس لئے بھی ہے کہ قدیم فارس، سمرقند، بلخ و بخارا تاریخی طور پر ان مذاہب کے لئے مرکز یت کا کردار ادا کرتے رہے ہیں لہذامیری نظر میں اِن مذاہب کا چترال تک رسائی ایک تاریخی حقیقت ہے۔ فارس کے جیوگرافی پر لکھی ہوئی سب سے قدیم کتاب حدود العالم ہے جو کہ ۹۲۲/۳۷۲ عیسوی میں لکھی گئی ہے اور اسکا کا ترجمہ Minorsky نے ۱۹۳۰ میں کیا ہے۔ اس کتاب میں دو راہ (شاہ سلیم) اور بروغل کے راستوں کو تجارتی راستے Business Routs قرار دیے گئے ہیں اور ان راستوں سے گھریلو استعمال کے برتن، شہد وغیرہ کی تجارت وسط ایشیا سے چین تک ہوتی تھیں۔ لہذا تاریخی حقائق اور عقلی تجزیے کی بنیاد پر وسط ایشیا اور ایران میں زرتشتوں اور بدھ مت کی حکومت و مرکزیت کی وجہ سے اُن کا قدیم چترال میں اپنے عقائد کو پھیلانا منطقی عمل ہے۔

تاریخی اعتبار سے چترال میں سب سے پہلا مذہب زرتشت ہے جس کے پیروکار آگ سے مذہبی عقیدت رکھتے تھے۔ میرزہ محمد غفران اس حوالے سے یہ دلیل دیتے ہیں کہ اُس دور میں بلخ زرتشتیوں کا مرکزِ تبلیغ ہوا کرتا تھا جبکہ پامیر اس کا ایک ضلع تھا اور یہاں سے لوگ ہر سال زیارت کے لئے بلخ جایا کرتے تھے۔ میرا خیال ہے کہ یہی وجہ ہے کہ ہماری روایات اور ادب میں (بلخو زیارت) کا تصور پایا جا تا ہے اور آگ و لنگر کو ایک مقدس مقام تصور کرنے کا رواج اور اُس پر قسم کھانے کا رسم ہماری روایات کے حصے رہے ہیں۔ علاوہ ازیں نوروز کی تہوار جو کہ در حقیقت زرتشتوں کی تہوار تھی آج بھی چترال سمیت وسط اشیا

اور ایران میں مذہبی و ثقافتی جوش و جذبے سے منایا جاتا ہے۔ لٹکوہ خصوصا انجگان تک محدود ہوکر اگر اس حوالے سے سے
بات کی جائے تو ایک حیران کُن نتیجہ اُس وقت میرے سامنے آیا جب میں مختلف دیہات کے ناموں پر ریسرچ کر رہا تھا تاکہ کوئی تاریخی مدد مل سکے۔ برزینBirzin جوکہ انجگان کا ایک گاوں ہے درحقیقت (برزینِ مھر) زرتشتوں کے اُس مقدس اتشکدہ کا نام ہے جہاں وہ اپنے عقیدت کا اظہار کیا کرتے تھے اور وسط ایشیا میں اس نام سے کئی مقامات اور افراد موجود ہیں جو زرتشتیوں کی موجودگی کے واضح اثبات ہیں۔ شاہنامہ فردوسی میں کچھ اس طرح کے اشعار بھی درج ہیں۔

شبِ تار جوئیندہ کین منم۔ ہماں اَتشِ تیز برزین منم

جدید دور کے ایک مشہور ریسرچر کارل جیٹمار (۱۹۹۶) چترال اور ناردرن ایریاز میں بدھ مت مذہب کی موجودگی کے حوالے سے آثار قدیمہ، سٹوپا Stupa کے تقشے جو کہ چترال کے مختلف مقامات پر لکڑی اور پتھروں پر بنائے گئے ہیں کو بنیاد بناکر اس علاقے میں بدھ مت کی موجودگی کو یقینی مانتے ہیں۔ رحمت کریم بیگ کے مطابق تیسری صدی میں کنیشکا جو کہ کُوشان کا بدھ مت عقیدہ رکھنے والا راجا تھا چترال پر قبضہ کرلیا تھا اور اس علاقے میں بدھ مت کی ترویج کروائی۔

چترال کا تیسر ا مذہب کلاشہ رہا ہے جس کا واضح اثر آج تک چترال میں موجودہے۔ ڈاکٹر عنایت اللہ فیضی صاحب سمیت کئی اور سکالرز کے ہاں جنوبی چترال میں دسویں صدی سے لیکر رئیسہ کے آمد تک ایک دور کیلاش حکمرانی کا گزرا ہے جو کہ نورستان سے چترال میں واردہوئے تھے۔ یہ وہ دور تھا جب برنس سے اگے یعنی بالائی چترال میں ُسومالک کی حکومت تھی۔

اس مخصوص دورانیے میں اس پورے علاقے میں کیلاشہ عقیدے کی ترویج ہوئی ہے۔ کلاشہ حکومت کی اخری حکمران بال سنگھ تھا جس کو ۱۳۲۰ ء میں شاہ نادر رئیس نے شکست دی اورر ئیسہ حکومت کی ابتدا کی۔ آج انجگان سمیت پوری چترال کے مختلف علاقوں میں کلاش تہذیب کے واضح اثرات موجود ہیں۔ کچھ مقامات آج بھی با قائدہ طور پر کلاشان دُور، کلاشان دہ ، کلاشان شال وغیرہ کے نام سے پائے جاتے ہیں۔ کچھ علاقوں میں ایسے قبریں بھی دریافت ہوتے ہیں جہاں مُردوں کے ساماں بھی دفنائے ہوئے ہوئے ہیں مثلا انجگان کے اخری علاقہ گبور میں گُبت کے مقام پر ایسے قبروں کے بارے میں معلومات ہیں جہاں قبرستان میں بہت سارے سامان ملتے ہیں جو تدفیں کئے گئے ہیں لیکن یہاں یہ بات بھی قابل غور ہے کہ الہامی مذاہب سے پہلے دنیا کے تقریبا تمام تہذیبوں کے اندر لاشوں کے ساتھ اُن کے سامان دفن کرنے کا سلسلہ عام تھا۔ لہذا آج کیلاش قوم کی چترال میں موجودگی ہی اس بات کا قوی ثبوت ہے کہ نہ صرف اُن کی حکومت رہی ہے بلک اُن کے ثقاتی و مذہبی اثرات بھی رہی ہیں۔

جہاں تک ہندو تہذیب کے اثرات کی بات ہے کارل جیٹمار اور جان بڈلف کے اُس دلیل کہ ہندو مذہب بھی چترال میں رہا ہے کی توثیق فارسی جیو گرافی پر لکھی ہوئی کتاب حدود العالم سے بھی ہوتی ہے جس میں وہ کہتے ہیں کہ بلور (چترال اور ناردرن ایریاز کا پرانا نام) کا بادشاہ اپنے آپ کو سورج کا بیٹا مانتا ہے جو کارل جیٹمار کے ہاں یہ ہندو مذہب میں (سورا) کا تصور ہے جو ہندو سماج کے اندر سورج سے ایک مذہبی عقیدے کی بنیاد پر ہوتا ہے اور سورج کو اہم مذہبی علامت تصور کیا جاتا ہے۔ میرا ذاتی خیال ہے کہ ہندو تہذیب یا مذہب سطورِ بالا میں ذکر شدہ مذاہب کی طرح اس علاقے میں کوئی ایک مخصوص دور کی نمائندگی نہیں کرتا البتہ ہندو اور سکھ تاجروں کا تاریخی طور پر اس خطے میں آمدورفت رہی ہے جن کی وجہ سے کچھ ثقافتی اثرات ہوسکتے ہیں جن کے اُپر مزید تحقیق کرنے کی ضرورت ہے۔ لہذا چترال میں درجہ بالا ذکر شدہ تین مذاہب بلترتیب زرتشت، بدھ مت اور کلاشہ کے زیر اثر رہا ہے اور اُن کے کئی اوراہم ثقافتی و مذہبی اثرات بھی ہیں جن پر مزید تحقیق کی ضرورت ہے۔

افغانستان کی مودی نواز حکومت کا طالبان کے ہاتھوں دھڑن تختہ ہونے کے بعد بھارتی حکام کو سانپ سونگھ گیا ہے۔ بھارتی فوج کے سابق جنرل ایچ ایس پناگ نے مودی حکومت کی پالیسیوں پر نکتہ چینی کرتے ہوئے کہا ہے کہ بھارتی حکومت امریکہ کے حقیقی ارادوں کو بھانپ سکی نہ ہی طالبان کی طاقت کا اندازہ لگاسکی اورکابل میں اشرف غنی کی قیادت میں بدعنوان اور غیر مقبول حکومت کی کمزوریوں کو سمجھنے میں بھی بھارت ناکام رہا جس کی وجہ سے آج خود ہی مشکل میں پھنس گیا ہے۔

جنرل پناگ کا کہنا تھا کہ ہمارے سفارت کار یہ سمجھ نہیں پائے کہ بھارت کو طالبان کے ساتھ مذاکرات اور معاملہ کرنے میں طالبان کے نظریات کے بجائے اپنے قومی مفاد کومدنظر رکھنا چاہیے تھا جب ہمیں سعودی عرب، متحدہ عرب امارات، پاکستان، ترکی، انڈونیشیا، بنگلہ دیش اورایران جیسے مسلم ملکوں سے تعلق رکھنے میں کوئی قباحت نہیں ہے تو ہم طالبان کے ساتھ بات چیت کیوں نہیں کرسکتے۔ افغانستان پر طالبان کے قبضے کے بعد بھارت جس الجھن اور پریشانی کا شکار ہوگیا ہے اس کی اہم وجہ سٹرٹیجک متبادل کا فقدان نہیں بلکہ اس کی خوش فہمی اور بروقت صحیح فیصلہ نہ لینا ہے۔

یہ بھارت کی تاریخی انٹیلی جنس ناکامی ہے۔جنرل پناگ کے مطابق طالبان کے خلاف کھڑے ہونے کے لیے ہم شمالی اتحاد کے جن رہنماوں پر بھروسہ کررہے تھے وہ بھی آزمائش کا وقت آنے پر اپنی جانیں بچاتے ہوئے پاکستان چلے گئے اور جب طالبان کی پیش قدمی شروع ہوئی تو وہ ہمارے مفادات کو بچانے کے لیے سامنے آنے کی جرات ہی نہ کرسکے۔ ان کا یہ بھی کہنا تھا کہ بھارت کی موجودہ پریشانی کااہم سبب ہندوقوم پرست حکمران جماعت بھارتیہ جنتا پارٹی کی آئیڈیالوجی ہے، یہ افسوس کی بات ہے کہ بی جے پی افغانستان کی صورت حال کا اپنے سیاسی فائدے کے لیے استحصال کرنے سے بھی باز نہیں آئی۔

افغانستان میں سیاسی تبدیلی نے جہاں امریکہ اور اس کے نیٹو اتحادیوں کو اپنے زخم چاٹنے پر مجبور کردیا وہیں بھارت کو بھی منہ کی کھانی پڑی ہے۔ افغانستان کی تعمیر نو کے نام پر مودی حکومت نے کابل میں اربوں ڈالر کی سرمایہ کاری کی تھی۔ وہاں سڑکیں اور ڈیم بنوائے۔ افغانستان کے مختلف صوبوں میں اپنے قونصل خانے قائم کئے یہ قونصل خانے پاکستان کے دشمنوں کو تربیت، تخریبی مواد اور لاجسٹک سہولیات فراہم کرنے کے لئے قائم کئے گئے تھے۔ افغان فورسز کو تربیت بھی بھارتی فوج فراہم کرتی رہی۔جب اس تربیت کو عملی جامہ پہنانے کا وقت آیا تو افغان فورسزنے راہ فرار اختیار کرلی۔

جو مودی سرکار کی خارجہ پالیسیوں اور بھارتی خفیہ ایجنسی ”را“ کی تاریخی انٹیلی جنس ناکامی ہے۔ بھارتی قیادت نے کھسیانی بلی کھمبا نوچے کے مصداق طالبان پر نکتہ چینی شروع کردی ہے انہیں شدت پسند، بنیاد پرست اور دہشت گرد کے القابات سے نوازا جارہا ہے اور یہ پیش گوئیاں کی جارہی ہیں کہ حکومت چلانا مدارس کے نیم خواندہ طالبان کے بس کی بات نہیں، چند مہینوں کے اندر ان کے غبارے سے ہوا نکل جائے گی۔

طالبان نے بھی مودی حکومت کو ترکی بہ ترکی جواب دیتے ہوئے کہا ہے کہ بھارت کو اپنے کام سے کام رکھنا چاہئے طالبان اپنی اہلیت ثابت کریں گے۔بھارتی حکمرانوں کا مقبوضہ کشمیر، پاکستان، بنگلہ دیش، سری لنکا اور افغانستان کے ساتھ معاملات کو اپنے سیاسی مفادات کے لئے استعمال کرنا معمول رہا ہے۔ وہ پاکستان دشمنی کی بنیاد پر اپنے ملک میں انتخابی مہم چلاتے رہے ہیں۔

جنرل پناگ نے بھارتی حکمرانوں کا آئینہ دکھایا ہے یہ بات خوش آئند ہے کہ افغانستان میں شرمناک شکست کے بعد بھارتی عوام حقائق کا ادراک کرنے لگے ہیں اور انہوں نے اپنے پالیسی سازوں پر کھلے عام نکتہ چینی شروع کردی ہے۔ جو آگے چل کر بھارت کی داخلی اور خارجہ پالیسی میں غیر معمولی تبدیلی پر منتج ہوسکتی ہے۔

جب سے اسلام آباد میں عثمان مرزا نے جوان جوڑے پر بند کمرے میں کپڑے اتا ر کر ذلیل اور تشدد کیا ہے پھر اُس کے بعد خونی درندے ظاہر جعفر نے اپنی ہی دوست نور مقدم کو بلا کر بند کمرے میں اُس کے جسم سے چھیڑ چھاڑ کی پھر اُس کا سر تن سے جدا کر کے اُس کے سر سے فٹ بال کھیلا یہ مناظر دیکھ کر اہل وطن دم بخود ہیں کہ یہ جوان نسل کیا کر رہی ہے کس راستے پر چل پڑی ہے انسان کا اس قدر گھناؤ نا روپ پہلی بار نظرو ں کے سامنے سے گزرا۔

اِن دونوں واقعات نے مہذب معاشرے کے چہرے کو بری طرح بگاڑ کر رکھ دیا ہے کیا ہمارا معاشرہ اِس قدر خطرناک تعفن زدہ بانجھ اور بنجر بلکہ درندگی شدہ ہو چکا ہے جو اِن دونوں جوانوں نے صنف نازک کے ساتھ کیا اِن دونوں واقعات کا اگر تجربہ کریں تو حیران کن حقیقت یہ سامنے آتی ہے کہ دونوں واقعات میں ملزموں نے جو درندگی کی اُس پر وہ شرمندہ یا خوفزدہ نہیں بلکہ عثمان مرزا تو احساس تفاخر ہے اِس طرح ظلم کر رہا تھا جیسے وہ کسی کھیل کے میدان میں کامیابی سے کھیل رہا ہے یا پھر کسی فلم میں ولن کا رول ادا کر رہا ہے ظلم اور درندگی کرتے وقت اُس کے چہرے یا گفتگو حرکات سے بلکل بھی پتہ نہیں چلتا کہ وہ کوئی بہت غلیظ حرکت کر رہا ہے بلکہ وہ خوشی خوشی نارمل سی بات سمجھ رہا ہوتا ہے پھر بعد میں کپڑے اتار کر فلم بنا تا پھر جوڑے کو بلیک میل کر کے اُن سے لاکھوں روپے بٹور تا رہا۔

پتہ نہیں وہ اِس دھندے میں کب سے کتنے لوگوں کو ظلم کی چکی میں پیس چکا تھا اُس کے ساتھ کتنے لوگ تھے معاشرے کے کون سے بااثر لوگ اُس کی پشت پناہی کر رہے تھے اِن سوالوں کے جوابوں نے اہل علم و دانش کو چیر کر رکھ دیا ہے دوسرے واقعے میں ظاہر جعفر نے جس طرح جوان لڑکی کو بلا کر خنجر کے وار کر کے لہو لہان کیا پھر اُس کا سر کاٹ کر اُس سے فٹ بال کھیلا یہ کیا ہے ایسا منظر ایسا واقعہ کیوں اور کیسے ہو گیا حیران کن سچائی یہ سامنے آتی ہے کہ پہلے جب بھی ایسا کوئی واقعہ پیش آتا تو فورا مدرسوں پر اسلامی تنظیموں پر یا اسلام کی تعلیمات پر الزام لگا دیا جاتا ہے کہ مدرسوں میں اساتذہ جہالت سے لبریز ہو تے ہیں وہ مہذب معاشروں کی ضروریات اخلاقیات سے واقف نہیں اسلامی مدرسے ایسے جوانوں کی نرسری ہیں جہاں پر ایسے سفاک درندے پرورش پاتے ہیں یہی واقعہ اگر کسی مدرسے کے طالب علم سے ہو جاتا تو اب تک ہمارے ملک کی نام نہاد ترقی پسند تنظیموں نے بھونچال لے آنا تھا مغرب کی آزادی اور عورت مارچ کے حمایتیوں نے طوفان بر پا کر دینا تھا کہ مذہبی پابندیاں ہم برداشت نہیں کریں گے

ایسے جوان اِن مذہبی درس گاہوں میں ہی پرورش پاتے ہیں لیکن یہاں معاملہ الٹ نکلا کیونکہ عثمان مرزا اور ظاہر جعفر کسی مدرسے کے تعلیم یافتہ نہیں بلکہ ظاہر جعفر تو امریکی نیشنل اور امریکہ کی جدید تعلیمی درس گاہوں سے تعلیم یافتہ ہے اُس کے والدین مذہبی اقدار پر کا ر بند نہیں بلکہ ہمارے معاشرے کی ایلیٹ کلاس امیرزادوں میں شامل ہیں ظاہر جعفر امریکہ کے بعد برطانیہ میں بھی زندگی گزار چکا ہے۔ اور پھر حیران کن حقیقت یہ سامنے آتی ہے یہ خود ایک نفسیاتی معالج بن کر مختلف جگہوں پر ذہنی بیماریوں پر لیکچر بھی دیتا تھا یعنی یہ ہمارے ترقی یافتہ مہذب معاشرے کا ایک تعلیم یافتہ سمجھ دار جوان تھا جس کے والدین اعلی خاندانی روایات کے حامل تھے اپنے بیٹے کو امریکہ اور برطانیہ کے ترقی یافتہ مشہور اداروں سے تعلیم حاصل کرائی نور مقدم عورت مارچ کے حمایتی میں اگلے مورچے پر نظر آتی ہے عورت مارچ اور آزادی کے حمایتی اب خاموش کیوں ہیں اب وہ اِس مکروہ آزادی کے خلاف آواز کیوں نہیں اٹھاتے کہ یہاں تو کوئی اسلامی مدرسہ ملوث نہیں ہے نہ ہی یہ پاکستان کے جہالت کے ماحول میں پروان چڑھا ہے.

عثمان مرزا اور ظاہر جعفر کے دونوں واقعات مہذب نام نہاد ترقی یافتہ کلچر کے منہ پر زور دار طمانچہ ہیں جس کے گن گاتے اور جگالی کرتے ہمارے دانشور نظر آتے ہیں جن کو مغرب پرستی کا دورہ ہر وقت پڑا رہتا ہے جو مغرب کی تعریفوں پر دن رات اپنی انرجی ضائع کرتے نظر آتے ہیں اب ان مغرب زدہ دانشوروں کو سانپ سونگھ گیا ہے آزادی اور فحاشی کی دلدادہ عورتیں جو آزادی مارچ کے نعرے مارتی سڑکوں پر نکل آئی تھیں وہ بھی خاموشی کی چادر اوڑھے سو رہی ہیں دن رات اسلام اور اسلامی مدرسوں اسلامی تعلیم پر حقارت تنقید کی گولہ باری کی بجائے اگر ایسے جنسی جانور نما درندوں کا نفسیاتی تجزیہ کیا جائے تو ہم اپنے خاندانوں اور معاشرے کو اِن درندوں سے بچاسکتے ہیں مسئلہ یہ ہے کہ آزادی پسند امیر والدین نے مغرب کی تقلید میں اپنی اولاد کو بے لگام کھلا چھوڑ رکھا ہے ترقی یا فتہ مہذب اور ایلیٹ کلاس کے دعوے دار ایسے والدین دولت تعلقات کے زور پر اپنی اولاد کو مغرب کے ترقی یافتہ ممالک میں بھیج کر معاشرے میں اپنی ناک بلند کرتے ہیں کہ ہمارا سپوت فلاں ترقی یافتہ ملک کی فلاں یونیورسٹی میں پڑھ رہا ہے

پھر دولت کی بارش کر کے اُس کو جوانی کے گرم خون میں عیاشی آزادی کا پورا موقع فراہم کرتے ہیں مغرب کا معاشرہ جوصدیوں پہلے مذہب کی چادر اتار کر پھینک کر لادین گروپ میں شامل ہو چکا ہے وہ جوانوں کو آزاد جنسی جانور بنا دیتے ہیں دوسرا یور پ نے بلیو جنسی فلموں کی بھر مار کر کے جوانوں کو مذہب سے دور کر دیا ہے اوپر سے پھر کوئی روک ٹوک نہیں اسلام اور اسلامی حدود و قیود پابندیوں سے آزاد ہو کر یہ جوان نسل راتوں کو بلیو فلمیں دیکھتے ہیں جس میں رشتوں کو کھلے عام پامال کیا جاتا ہے وہاں پر ماں باپ بہن بھائی کسی رشتے کا خیال یا احترام نہیں ہے ان کو دیکھ کر مذہب سے دور جوان بھی رشتوں کے تقدس اور نزاکت سے آزاد ہو کر جنسی درندہ بن جاتا ہے پھر اسلام نے شدت سے نشہ آور اشیاء کو حرام قرار دیا ہے

مذہب سے دورجدت پسند کہلوانے کے شوق میں جدید آزاد طبقہ والدین اور جوان نسل کھلے عام پارٹیوں میں نشہ آور چیزوں کا بھرپور استعمال کر تے ہیں فحش جنسی فلموں اور نشے کی آغوش میں پل کر یہ نسل تیار ہوتی ہے نشہ اور فحاشی کی کوکھ سے جنم لینے والی یہ جوان نسل جنسی درندے کا روپ دھار لیتی ہے جو مقدس رشتوں کے تقدس سے عاری ہوتی ہے اور لذت کے لیے کچھ بھی کرنے کو تیار رہتی ہے جبکہ اسلام کی آغوش میں پروان چڑھتی نسل کو رشتوں کا تقدس اور بھرم اخوت بھائی چارے کا بخوبی احساس ہو تا ہے وہ کسی کے ایک خون کے قطرے کو انسانیت کا قتل قرار دیتا ہے ہر عورت کو ماں بہن بیٹی کا مقدس مقام دیتا ہے اگر ہم اپنے خاندانوں کو معاشرے کو اور ملک کو پر امن دیکھنا چاہتے ہیں تو مغرب کی آزادی فحاشی کو ترک کر کے اسلام کی مقدس آغوش میں آنا ہو گا صوفیا کرام کی اخوت بھائی چارے کی فضا کو قبول کر نا ہو گا جہاں پر دشمن کو بھی دودھ کا پیالہ پیش کیا جاتا ہے پوری انسانیت کی بقا اسلام اور صوفیا کرام کے امن کے پیغام میں ہے نہیں تو آزادی اور فحاشی کے اِس سیلاب سے اِسی طرح معاشرے تباہ برباد ہوتے رہیں گے فحاشی کی کوکھ سے عثمان مرزا اور ظاہر جعفر جیسے جنسی خونی درندے جنم لے کر خود کو والدین خاندان اور معاشرے کو برباد کر تے رہیں گے ہماری بقا صرف اور صرف اسلام اور صوفی ازم کے بھائی چارے اور اخوت میں ہے۔

دو دن قبل فیس بُک پر ایک تصویر نظر آئی. تصویر میں میں وزیر زادہ جماعتی رفقاء کے جلو میں سیاہ ارکاری کو سفید ارکاری کے ساتھ ملانے والے ایک پل کا افتتاح کر رہے ہیں۔ تصویر نے سرشاری کی لہر میرے تن بدن میں دوڑا دی۔ وجہ ِمسرت یہ نہیں تھی کہ پل کا افتتاح ہو رہا تھا وہ تو یہاں ہوتا رہتا ہے۔ یہاں خوشی کی وجہ “ارکاری” میں کسی پل کا واقعی افتتاح بھی تھا اور وزیر اعلیٰ کے مشیر کی ارکاری میں موجودگی بھی ۔ مطلب خوشی ارکاری جیسے پسماندہ علاقے میں کچھ ہونے کی تھی۔

ارکاری لوئر چترال کا انتہائی دور افتادہ اور پس ماندہ علاقہ ہے۔ چترال ٹاون سے پچاس پچپن کلومیٹر دور ارکاری دو ہزار اکیس میں بھی بعض ان سہولیات سے بھی محروم ہے جن سے بہت سارے علاقے سن دو ہزار ایک سے ہی پہلے مستفید ہوتے آ رہے ہیں۔ یہاں ترقیاتی کاموں کے ناپید ہونے کا کیا رونا، ترقیاتی کام تو خدا کے فضل سے اچھے خاصے علاقوں میں بھی نہیں ہو رہے لیکن تین چار ہزار نفوس پر مشتمل ارکاری میں وہ کام بھی نظر نہیں آ رہے جنہیں کسی بھی انسانی معاشرے کے لیے بنیادی اور ضروری گردانا جاتا ہے۔
خدا جانے یہاں کی آبادی کا معاشی انحصار کس پر ہے۔ زراعت پر اس لیے نہیں ہو سکتا کہ آگست کے دوسرے عشرے میں بھی گندم کی کٹائی ارکاری کے بعض حصوں میں نہیں ہوئی ہے۔ ہم پانچ آگست تک یہاں تھے تب تک ارکاری کے زیادہ تر حصوں میں ابھی تھریشنگ کیا، کٹائی بھی نہیں ہوئی تھی۔ اسی طرح معاشی دارو مدار سرکاری ملازمت پر بھی ہونا اس لیے مشکل لگ رہا ہے کہ یہاں کے اکلوتے گورنمنٹ ہائی سکول میں مقامی سے زیادہ غیر مقامی اساتذہ تعینات ہیں۔ شاید آمدنی کا بڑا زریعہ وہ مزدور کار نوجوان ہیں جو یا تو کراچی، لاہور وغیرہ جا کر مزدوری کرتے ہیں یا پھر سعودیہ دبئی جا کر پاکستان کے ایک کونے میں موجود اپنے گھر کا چولہا جلاتے ہیں۔

بہرحال جو بھی ہے ارکاری میں بھی چترال کے دوسرے دیہات کی طرح زندگی جدوجہد سے بھرپور بھی ہے اور پُرمشقت بھی۔ پرانے دور و وضع کے بے ترتیب کچے مکانات دیکھ کر ایسا لگتا ہے کہ یا تو باشندگانِ ارکاری جدید تمدنی زندگی کے قائل نہیں یا پھر علاقے میں پھیلی غربت انہیں اپنے آباؤ اجداد کے نشانات کا حلیہ بدلنے سے باز رکھ رہی ہے۔ علاقے کی اندرونی گلیوں کو چھوڑئیے خود مرکزی سڑک کی ہیئت و حالت ایسی نہیں کہ اس پر سڑک کی تعریف منطبق کی جا سکے۔

میرے مشاہدے کے مطابق یہاں کل دو نفیس، عالیشان، دیدہ زیب اور معیاری عمارتیں ہیں۔ ایک سیاہ ارکاری کا جماعت خانہ ہے اور دوسری گولڈن جوبلی سکول اینڈ کالج۔ اس کے علاوہ دو قابلِ ذکر سرکاری عمارتیں بھی ہیں ایک گورنمنٹ ہائی سکول ارکاری اور دوسری حال ہی میں تعمیر ہونے والا گندم گودام۔ ماشاءاللہ چشم بد دور یہاں سرکار کئی سالوں سے ترقیاتی کاموں کے حوالے سے “کفایت شعاری” اور “پیسے بچاؤ پالیسی” پر مضبوطی سے عمل پیرا ہے۔ البتہ اپنی مدد آپ کے تحت اور “ادارے” (یہاں کے لوگ ادارہ بولیں تو اس سے اے کے ڈی این کا کوئی ذیلی ادارہ مراد ہوتا ہے) کی طرف سے بہت سارے ایسے کام ہوئے جنہیں سرکار کو کرنا چاہیے تھا۔ مثلاً پانی نہایت ہی بنیادی ضرورت ہے۔ سیاہ ارکاری سے تعلق رکھنے والے نوجوان نثار کے مطابق ان کے گھروں میں استعمال ہونے والا پانی “ادارے” کا تحفہ ہے۔ مثلاً سیاہ ارکاری کے بالمقابل سفید ارکاری کی طرف ایک خاصا کشادہ کھیل گاہ موجود ہے۔ عصر کے وقت یہاں کرکٹ دیکھتے ہوئے جب میں نے نثار کے سامنے کھیل گاہ کی تعریف کی تو فٹ سے بول پڑے۔ ‘یہ ہم لوگوں نے اپنی مدد آپ کے تحت “ادارے” کے تعاون سے بنایا ہے۔ دراصل پچھلی دفعہ امام کی تشریف آوری یہاں ہونی تھی۔ اور اسی میدان میں جلوہ افروز ہو کر انہوں نے دیدار کروانا تھا سو لوگوں نے اپنی زمینیں دل بخوشی رضاکارانہ طور پر دے دیں۔ پھر امام کی تشریف آوری ہوئی اور نہ ہی لوگوں نے اپنی زمینیں واپس لیں۔ یوں کھیلنے کے لیے ایک کھیل گاہ معرضِ وجود میں آ گیا۔’

لیکن مسئلہ یہ ہے ایک تو اس میں جابجا پتھرپیوست ہیں دوسرا یہ کہ نہ صرف اس کے نیچے پانی کی وافر مقدار ہے بلکہ وہ پھوٹ کر باہر ابل بھی رہا ہے اور چھوٹی ندی کی شکل میں بڑی ڈی کے اندر سے چکر لگاتا ہوا گول کے پاس سے ہوتا ہوا گراؤنڈ سے باہر جا رہا ہے۔
متعدد کمروں پر مشتمل گولڈن جوبلی سکول اینڈ کالج ڈاکٹر میر افضل تاجک کا اہل ارکاری کو ایسا تحفہ ہے کہ اس پر ارکاری والے ڈاکٹر تاجک کا جتنا شکر ادا کریں، کم ہے۔ کالج کا اندرونی نظام، درسگاہیں، لائبریری، دفتر، کچن اور کمپیوٹر روم دیکھ کر کہیں سے بھی نہیں لگتا کہ یہ ارکاری میں واقع ہے۔ کالج معیاری طرزِ تعمیر کا نمونہ بھی ہے اور نہایت جازب نظر بھی۔ ماشاءاللہ کالج کا ماحول تعلیم و تعلّم کے لیے ساز گار ہے۔ مشفق اور باصلاحیت اساتذہ کی بڑی تعداد سکول و کالج سے منسلک ہے۔ اگر کسی چیز کی کمی ہے وہ طلبا کی ہے بس۔ بالخصوص سکول پورشن میں طلبا کی تعداد آٹے میں نمک کے برابر ہے۔

کالج کے موجودہ پرنسپل کا نام عبد الکریم ہے۔ عمر میں جوان، مزاجاً کم گو عبد الکریم وفاقی اردو یونیورسٹی کراچی سے فارغ التحصیل ہیں۔ سکول کے علاوہ مقامی کونسل کے پلیٹ فارم سے سماجی کاموں میں بھی بڑھ چڑھ کر حصہ لیتے ہیں۔ نمل یونیورسٹی کا فاضل افتاب اور حال ہی میں ڈگری کالج چترال سے بی ایس کی تکمیل کرنے والے شفیع بھی یہاں ٹیچر ہیں۔ کراچی یونیورسٹی سے علم حاصل کرنے والے سر مقصود کے کیا کہنے جو ٹیچر کم، خادم ذیادہ دکھائی دیتے ہیں۔ اسی طرح میموں کی بڑی تعداد روز یہاں پڑھانے اور بچوں بچیوں کا مستقبل سنوارنے آتی ہے۔ ہمارے نوجوانوں کے اس بات سے سبق لینے کی ضرورت ہے کہ پہلے تاجک صاحب نے محنت سے خود پڑھا۔ ارکاری کا دور افتادہ یا پسماندہ ہونا ان کی تعلیم کے لیے رکاوٹ نہیں بن پایا۔ انہوں نے اپنے جذبے اور محنت کو اعلیٰ تعلیم کے لئے وسیلہ بنایا۔ رسمی تعلیم کی تکمیل کے بعد اسکالر شپ میں پہلے آغا خان یونیورسٹی سے ایم ایڈ کیا پھر باہر سے پی ایچ ڈی مکمل کرنے کے ڈاکٹریٹ کی ڈگری حاصل کی۔ اب بیرون ملک ہی کسی یونیورسٹی میں بطورِ پروفیسر اپنی خدمات سرانجام دے رہے ہیں۔

مزید دل چسپ بات یہ ہے کہ ڈاکٹر تاجک نے اسکالر شپ ارینج کرنے والوں کا احسان بھولا نہیں، ان کا احسان اس طرح چکایا کہ ایک ایسے علاقے میں عالیشان تعلیم گاہ بنا دی جس کے باسیوں کے لیے میٹرک کے بعد تعلیم جاری رکھنا بہت مشکل ہوتا تھا جس طرح سر سید احمد خان دوستوں سے چندہ کر کر کے قوم کے بچوں کے لیے سکول و کالج بنایا تھا اسی طرح ڈاکٹر تاجک نے بھی اپنے مخیّر واقف کاروں کو مائل و قائل کر کے ارکاری میں مثالی کالج قائم کیا۔ سر سید احمد نے بھی تعلیم کے زریعے برصغیر کے مسلم معاشرے کو اٹھانے کی کوشش کی تھی ڈاکٹر تاجک بھی اپنی کمیونٹی کو تعلیم کے زریعے مستقبل سے نبردآزما ہونا سکھا رہے ہیں۔ پاکستان اور صوبہ خیبر کا نہ سہی، ڈاکٹر تاجک اپنے علاقے ارکاری کا سر سید احمد خان تو ہے ناں۔ قوم کو ایسے ہی سر سید احمد خانوں کی ضرورت ہے۔

افغانوں کی ہجرت کا کیا جواز ہے؟۔ محمد شریف شکیب

اقوام متحدہ نے افغانستان کی صورت حال کو انتہائی غیرمستحکم قرار دیتے ہوئے اقوام عالم سے انسانی ہمدردی کی بنیاد پر مدد کی اپیل کی ہے۔ پناہ گزینوں سے متعلق اقوام متحدہ کے ادارے یو این ایچ سی آرکا کہنا ہے کہ کابل پر طالبان کے قبضے کے بعد سے پرتشدد واقعات میں خاطر خواہ کمی آئی ہے تاہم صورت حال کا مکمل نقشہ ابھی واضح نہیں ہے۔ لاکھوں افغان شہری خوف و ہراس میں مبتلا ہیں اور وہ اپنا ملک چھوڑنا چاہتے ہیں اس سال خانہ جنگی کی وجہ سے افغانستان میں 5لاکھ 50ہزارافراد بے گھرہوچکے ہیں۔ پہلے سے 29 لاکھ افراد ملک کے اندربے گھر ہیں اورگزشتہ چالیس سالوں سے26لاکھ افغان باشندے ملک سے فرار ہوکر دنیا کے مختلف ممالک میں مقیم ہیں۔

اقوام متحدہ نے افغانستان کےa پڑوسی ملکوں پاکستان، ایران اور تاجکستان سے مہاجرین کے لئے اپنی سرحدیں کھولنے کی اپیل کی ہے۔ سوال یہ پیدا ہوتا ہے کہ افغان شہری اپنا ملک کیوں چھوڑنا چاہتے ہیں طالبان نے دارالحکومت پر قبضے کے بعد اپنے مخالفین کے لئے عام معافی کا اعلان کردیا ہے۔ اور واضح کیا ہے کہ اشرف غنی حکومت کے لئے کام کرنے والوں کے خلاف بھی کوئی انتقامی کاروائی نہیں کی جائے گی۔ طالبان ملک میں وسیع البنیاد حکومت کے قیام پر بھی راضی ہیں۔ انہوں نے عالمی برادری سے بھی افغانستان کی تعمیر نو کے لئے تعاون کی اپیل کی ہے۔ افغانوں کو اپنے ملک میں رہتے ہوئے قومی تعمیر نو میں اپنے حصے کا کردار ادا کرنا چاہئے۔سابق صدر اشرف غنی کے ملک سے فرار اور طالبان کے اعلان فتح کو ایک ہفتے سے زائد عرصہ گذر گیا۔

اب بھی کابل کے ہوائی اڈے پر دس ہزار سے زائد افراد بیرون ملک جانے کے انتظار میں بیٹھے ہیں کچھ لوگوں نے رن وے سے ٹیک آف کرنے والے جہاز پر چڑھنے کی کوشش کی۔جہاز جب فضاؤں میں اڑان بھرنے لگا تو جہاز کے پہیوں سے لٹکے دو افراد گر کر ہلاک ہوگئے شناخت کے بعد پتہ چلا کہ ان میں سے ایک افغان یوتھ فٹ بال ٹیم کا کھلاڑی اور دوسرا ڈاکٹر تھا جو طالبان کے خوف سے نہیں بلکہ خوشگوار مستقبل کے خواب آنکھوں میں سجائے امریکہ اور یورپ جانا چاہتے تھے۔ امریکہ، برطانیہ، متحدہ عرب امارات سمیت بعض ملکوں نے افغانستان چھوڑنے والوں کو عارضی بنیادوں پر پناہ دینے کی پیش کش کی ہے۔ اقوام متحدہ اور عالمی برادری کو پناہ گزینوں کی حوصلہ افزائی کے بجائے افغانستان میں ان کی بحالی اور آباد کاری کا کوئی جامع منصوبہ تیار کرنا چاہئے اورپہلے سے پڑوسی ملکوں پاکستان اور ایران میں مقیم افغان مہاجرین کی وطن واپسی کا کوئی لائحہ عمل مرتب کرناچاہئے۔

اگر افغان شہری خود اپنے ملک کی تعمیر و ترقی میں حصہ نہیں لیں گے تویہ ملک کیسے ترقی کرے گا۔ جرمنی سمیت بعض ممالک نے نہ صرف مزید افغان مہاجرین کو قبول کرنے سے انکار کیا ہے بلکہ پہلے سے رہائش پذیر مہاجرین کو بھی ان کے ملک واپس بھیجنے کا عندیہ دیا ہے۔ پاکستان نے سب سے پہلے اعلان کیا تھا کہ وہ گذشتہ چالیس بیالیس سالوں سے 35لاکھ رجسٹرڈ اور نان رجسٹرڈ افغان مہاجرین کی میزبانی کر رہا ہے مزید مہاجرین کا بوجھ نہیں اٹھاسکتا۔ان مہاجرین کی وجہ سے نہ صرف ہماری معیشت پر اضافی بوجھ پڑا ہے بلکہ یہاں امن و امان کا مسئلہ بھی پیدا ہوا ہے۔ ڈکیتی، رہزنی، چوری،اغوا برائے تاوان، قتل اوربم دھماکوں سمیت دیگر سنگین جرائم میں 80فیصد افغان مہاجرین ملوث پائے گئے ہیں۔

ان لوگوں نے جعل سازی کے ذریعے پاکستانی شناختی کارڈ اور پاسپورٹ بھی بنوارکھے ہیں جائیدادیں خریدی ہیں اور بڑے پیمانے پر کاروبار کر رہے ہیں۔جبکہ عالمی برادری کی طرف سے مہاجرین کے لئے ملنے والی امداد بھی بند ہوچکی ہے۔ گذشتہ روز حیات آباد میں سینکڑوں کی تعداد میں افغان مہاجرین نے طالبان کی طرف سے قومی پرچم کی جگہ امارات اسلامی کا پرچم لہرانے کے خلاف احتجاجی مظاہرہ کیا۔پولیس پر پتھراؤ کیا اور پاکستان کے خلاف نعرے بازی کرتے رہے۔ جس کے ردعمل میں ہزاروں مقامی باشندے مساجد میں اعلانات کرکے سڑکوں پر نکل آئے اس مرحلے پر خونریز تصادم کا خطرہ تھا تاہم قانون نافذ کرنے والے اداروں نے فوری مداخلت کرکے صورتحال پر قابو پالیا۔امریکہ اور اس کے نیٹو اتحادیوں کو افغانستان میں اپنا گند صاف کرنے اور خانہ جنگی سے تباہ حال ملک کی تعمیر نو کے لئے جامع پروگرام کا اعلان کرنا چاہئے۔چند ہزار پناہ گزینوں کو عارضی پناہ دینا افغانستان کے بحران کا حل نہیں۔

داد بیداد ۔ دو سیا حتی مقا ما ت ۔ڈاکٹر عنا یت اللہ فیضی

گر میوں کے 6مہینے پہا ڑی علا قوں کی سیا حت کے مہینے ہوتے ہیں اس دوران سیاح شہروں کی مصروف زند گی سے کچھ وقت نکا ل کر پہاڑی وا دیوں کا رخ کر تے ہیں اس ہفتے کے دوران دو سیا حتی مقا مات پر جا نے والے سیا حوں نے اپنے تجربات اور مشا ہدات میڈیا پر لے آئے کا لم نگار جا وید چوہدری نے 35سیا حوں کے گروپ کے ساتھ خیبر پختونخوا کے ضلع لوئیر چترال میں وادی کا لا ش کا دورہ کر کے اپنے مشا ہدات بیان کئے محمد فاروق اور فرخ مسعود نے اپنے با ل بچوں کے ہمراہ سو ئٹزر لینڈ کے سیا حتی مقام اینگل بر گ (Engelberg) کا دورہ کر کے اپنے مشا ہدات کو میڈیا کی نذر کیا دونوں سیا حتی مقا ما ت میں ہزاروں کلو میٹر کی دوری ہے ایک ایشیا میں ہے دوسرا یو رپ میں ہے دونوں میں اگر مشترک اقدار ڈھو نڈنے کا کا م کیا جا ئے تو پہا ڑ کے سوا کچھ بھی مشترک نہیں دلچسپ با ت یہ ہے کہ اینگل برگ میں ٹٹلیس (Titlis) پہاڑ کی چوٹی 10620فٹ ہے چترال لوئیر میں لوا ری درے کی بلندی 10500فٹ ہے یعنی دونوں برابر کی بلندی پر واقع ہیں.

اگست کے مہینے میں لواری کا درہ برف سے خا لی ہو چکا ہے جبکہ ٹٹلیس کی چو ٹی پر گلیشر بھی ہے برف بھی ہے اسلا م اباد سے وا دی کا لاش جا نے والے سیا حوں نے پہلے جہا ز کا ٹکٹ لیاجہا ز کی اُس روز والی پرواز مو سم کی خرا بی کی وجہ سے منسوخ ہو نے پر سیا حوں نے اپنے سفر کو دوحصوں میں تقسیم کیا اسلا م اباد سے براستہ چکدرہ دیر تک کو سٹروں میں سفر کیا دیر سے کا لا ش ویلی تک جیبوں میں سفر کیا اسلا م اباد سے دیر تک 340کلو میٹر کا سفر زیا دہ تھکا دینے والا نہیں تھا سیا حوں نے محسوس کیا کہ راستے میں بزر گوں، بچوں اور خوا تین کے لئے واش روم کی ایک بھی سہو لت نہیں کسی ہو ٹل کا دروازہ کھٹکھٹا نا اور اگر وقت رات کا ہو تو کسی اونگھتے ہوئے سیکیورٹی گارڈ کو جگا نا پڑتا ہے جگا نے کے بعد اس کو یہ بھی بتا نا پڑ تا ہے کہ کمرہ یا کھا نا نہیں چا ہئیے صرف واش روم کا سوال ہے.

دیر سے چترال تک 100کلو میٹر کے راستے میں سیا حوں کو وقت کے ضیاع کے ساتھ تھکا وٹ کا بھی گہرا احساس ہو تا ہے چترال سے کا لا ش وادی 27کلو میٹر کا راستہ ہے مگر اس راستے کا خوف اور دہشت سیا ح کو اتنا تھکا دیتا ہے کہ 340کلو میٹر کا سفر اس کے مقا بلے میں کچھ بھی نہیں.

کا لا ش وادی دنیا کے 10خوب صورت ترین سیا حتی مقا مات میں شا مل ہے اس کی منفرد ثقا فت دنیا میں پہلے نمبر پر ہے مگر وہاں جا نے والے سیاح دونوں کا نوں کو ہاتھ لگا کر تو بہ کر تے ہیں اور حکومت کو مشورہ دیتے ہیں کہ سیا حتی مقا مات کی تشہیر سے پہلے سٹرک بنا ؤ، ہو ٹل بنا ؤ، ریسٹو رنٹ بناؤ، واش روم بناؤ جب سہو لیات پوری ہو ں تو اشتہار دیدو کہ سیا حتی مقا م آپ کا منتظر ہے.

سو ئٹزر لینڈ کے دونوں سیاح پا کستا نی ہیں فرخ مسعود کا تعلق کو ہاٹ سے ہے محمد فاروق چترال کے با سی ہیں دونوں کا پختونخوا سے تعلق ہے اینگل برگ (Engelberg)سے دونوں بال بچوں کے ہمراہ ریل میں بیٹھے 3300فٹ کی بلندی پر ریل سے اتر کر کیبل کار کے ذریعے 10620فٹ کی بلندی تک خو ش گوار سفر کیا جب ٹٹلیس کی چو ٹی پر اتر گئے تو ایک نیا جہاں ان کے سامنے تھا گلیشر کو چیرتے ہوئے سرنگوں میں روشن راستے اور برف سے ڈھکے ہوئے پہاڑ جہاں جرمن، فرنچ اور انگریزی کے علا وہ کسی زبان کا چلن نہیں ان لو گوں نے ٹٹلیس کی چو ٹی پر شاہ رخ خا ن کی تصویر کے ساتھ ان کی فلم کا دیو قامت اشتہار لگا یا ہوا ہے فلم کا نام ہے ”دل والے دلہنیا لے جا ئینگے“ یہاں کے ریستو رانوں میں شاہ رخ خان کے ملک کا پکوان بھی ملتا ہے تا ہم کمبل میں لپٹی ہوئی جو بڑھیا یہاں اپنے پوتے پو تیوں کا انتظار کر رہی تھی اس کے پا س تھر مو س میں اپنی ہندوستا نی چا ئے تھی اور صاف ستھری اردو بول رہی تھی .

سوئس حکومت نے اس سیا حتی مقا م پر فلم کا اشتہار لگا کر ایک ارب سے زیا دہ کی آبادی والے ملک کو سیا حت کی دعوت دینے کا انو کھا انتظا م کیا ہے پا کستانی سیا حوں نے زیو رخ (Zurich) کے چڑیا گھر میں ایسے جا نور دیکھے جن کے نا م لکشمی، دیوی، چکوری وغیرہ تھے پو چھنے پر معلوم ہوا کہ یہ جا نور شارخ خا ن کے ملک نے تحفے میں دیئے تھے یہاں منگو لیا کے خو ش گاؤ (یا ک) چترالی سیا حوں کے لئے خصو صی طور پر باعث مسرت تھے۔دونوں سیا حتی مقا مات کا موازنہ کر نے کے بعد اس پر مزید تبصرے کی ضرورت نہیں رہتی۔

بسم اللہ الرحمن الرحیم

سید قطب شہید رحمۃ اللہ علیہ – (29اگست یوم شہادت پرخصوصی تحریر) – ڈاکٹر ساجد خاکوانی

                دور غلامی کے بدترین اثرات میں سے ایک یہ بھی ہے کہ قوموں کو ماضی کے صفحات میں دفن کر کے تو اس دنیاسے ان کا وجود نابود کر دیتاہے۔لیکن امت مسلمہ تاریخ انسانی وہ محترم و متبرک گروہ ہے جس کی کوکھ دور غلامی میں بھی علمیت و قیادت کے بارآورثمرات سے سرسبزو شاداب رہی ہے۔سیدقطب شہیداس امت وسط کے وہ مایہ ناز سپوت ہیں جنہوں نے دورغلامی کے پروردہ استعمار کے سامنے سپرڈالنے کی نسبت شہادت کے اعلی ترین منصب کو پسند کیااور پھانسی کے پھندے پر جھول کرابدی حیات جاوداں کے راستے پر ہمیشہ کے لیے کامیاب و کامران ہو گئے۔سیدقطب شہید،مصر کے ایک نامور ماہر تعلیم،مسلمان دانشوراورعربی کے معروف شاعر تھے۔”اخوان الملمون“سے وابستگی ان کے لیے جہاں باشعورمسلمان حلقوں میں تعارف کا باعث بنی وہاں امت مسلمہ کو ذہنی طور پردورغلامی سے نکالنے کے لیے انہوں نے قلم کے ہتھیارکو بھی استعمال کرنا شروع کر دیا۔مصر کے غلامی زدہ سامراج کوسیدقطب کی قلمی کاوشوں کے نتیجے میں مسلمانوں کاباشعورہونا پسند نہ آیااوروقت کے طاغوت نے اس بطل حریت کو راہی ملک عدم کردیا۔

                ”سید قطب“9اکتوبر1906ء کو مصرکے ”موشا“نامی گاؤں میں پیداہوئے،یہ جگہ بالائی مصر کے ”اسیوط“نامی صوبے کاایک نواحی مقام ہے۔یہ ایک زمیندار گھرانہ تھااورآپ کے والد محترم کاشماراپنے خاندان اورعلاقے کے بڑے  بزرگوں میں ہوتاتھا۔علاقے کے جملہ سیاسی وسماجی و انتظامی مسائل میں آپ کے والدبزرگوار کی رائے کوایک طرح سے فیصلہ کن مقام حاصل تھا۔گویاقیادت کی صلاحیت سیدقطب کوخاندانی وراثت سے ہی ملی تھی۔آپ کے والد محترم کی ایک خاص بات ہفتہ وار مجالس ہیں جن میں اس وقت کے سیاسی وقومی معاملات کوقرآن کی روشنی میں سمجھاجاتاتھا۔اس طرح گویاقرآن فہمی بھی آپ کو اپنے باباجان کی طرف سے علمی وراثت میں ملی۔شاید اسی کے باعث لڑکپن سے ہی روایتی ملائیت کے خلاف ان کے اندر شدید نفرت کی آگ بھڑک اٹھی تھی،کیونکہ روایتی مذہبی تعلیم کے مدارس قرآن مجید کی انقلابی تعبیر سے بہت بعیدہوتے ہیں الا ماشاء اللہ۔وہ بچپن سے ہی کتب کے بہت شوقین تھے،اپنی جیب خرچ سے پیسے بچاتے ہوئے اپنے ہی گاؤں کے کتب فروش ”امصالح“سے کتابیں خرید لیتے تھے اور بعض اوقات شوق مطالعہ انہیں ادھار پر بھی مجبور کر دیتاتھا۔بارہ سال کی عمرمیں ان کے پاس پچیس کتابوں کی لائبریری مرتب ہو چکی تھی،گویا امت مسلمہ کا یہ یکے از مشاہیر اپنی جسمانی عمر سے دوہری نوعیت کی ذہنی و فکری عمرکا حامل تھا۔اس چھوٹی عمر میں بھی لوگ ان سے اپنے سوالات کیاکرتے تھے اور بعض اوقات بڑی عمرکے لوگوں کی ایک مناسب تعدادان سے اجتماعی طورپرکسب فیض بھی کرتی تھی تاہم خواتین کوان کے اسکول کی چھٹی کا انتظارکرناپڑتاتھااور خواتین سے خطاب کے دوران ان پر شرم غالب رہتی تھی۔

                ابتدائے شباب میں وہ قاہرہ سدھارگئے اور 1929سے1933کے دوران برطانوی تعلیمی اداروں سے عصری تعلیم حاصل کی۔اپنی عملی زندگی کا آغاز ایک معلم کی حیثیت سے کیا،اور پیشہ ورانہ زندگی کی ابتدامیں ہی ادیب اور نقاد ہونا آپ کی پہچان بن گئی۔اگرچہ کچھ ناول بھی لکھے لیکن زیادہ تر ادیبوں،شاعروں اور عربی ناول نگاروں کی مددکرتے رہے۔علوم و معارف میں ترقی آپ کی پیشہ ورانہ ترقی کا باعث بھی بنی اور1939ء میں مصر کی وزارت تعلیم جس کا مقامی نام ”وزارت معارف“ہے،میں انتظامی عہدوں پر تعینات ہو کراعلی افسر بن گئے۔1948تا1950ء آپ نے امریکہ میں قیام کیاجس کا مقصد وہاں کے تعلیمی نظام سے آگاہی حاصل کرنا تھا۔سیدقطب شہیدکاکسی بھی مغربی ملک میں یہ پہلا دورہ تھا۔سیکولرمعاشرے کی قباحتیں آپ نے بہت گہرائی سے محسوس کیں اور خاص طورپر مغربی دنیاکا جوروشن چہرہ سارے عالم کے سامنے ہے اس کے اندرون میں چنگیزسے تاریک تر تاریکی آپ نے بنظر خود مشاہدہ کی۔دل میں موجود ایمان بھڑک اٹھااور اسی دورے کے دوران آپ کی پہلی  شہرہ آفاق تصنیف”العدل الاجتماعیہ فی الاسلام“1949میں شائع ہوگئی۔امریکہ میں دوسالہ قیام کے دوران کے تاثرات اور مشاہدات بھی”امریکہ،جو میں نے دیکھا“کے عنوان سے کتاب میں شائع ہوئے۔حضرت علامہ اقبال ؒکی طرح انتہائی دیانتداری سے سیدقطب شہیدؒ نے امریکی معاشرے کا تجزیہ پیش کیا،جہاں خامیوں اور کمزوریوں پر نقد کیاوہاں اس معاشرے کی خوبیوں کوبھی بیان کیا۔

                1950ء کے آغاز سے ہی اس ذہین انسان کو مذہب نے اپنی طرف کھینچ لیااورسید قطب شہیدؒنے ”اخوان المسلمین“میں شمولیت اختیارکرلی۔ابتداََآپ کی علمی  استعدادکے باعث  کے ”اخوان المسلمین“کے ہفتہ وار رسالے کامدیرمقررکیاگیا،بعد میں وہ ”اخوان المسلمین“کے مرکزی ذمہ دار برائے نشرواشاعت بنادیے گئے اورپھرا ن کاخلوص اور تقویت ایمان انہیں ”اخوان المسلمین“کے اعلی ترین مشاورتی ادارے کی رکنیت تک لے آئے۔ان دنوں جمال عبدالناصرنے حکومت کے خلاف تحریک چلارکھی تھی ابتداََ”اخوان المسلمین“اور جمال عبدالناصر کے تعلقات بہت اچھے رہے تھے اور ایک بار تو جمال عبدالناصرخود چل کرسیدقطب شہید کے گھربھی گئے تاکہ انقلاب کی کامیابی کے لیے تفصیلی منصوبہ تیارکیاجائے،بعد میں بارہ بارہ گھنٹے طویل نشستوں میں جزیات پر بھی بحث کی جاتی رہی اوراس دوران سیدقطب شہیدکو آنے والی حکومت میں وزارتوں کی پیشکش بھی کی جاتی تھی۔

جمال عبدالناصرکے ان اقدامات کے باعث ”اخوان المسلمین“کی اکثریت بہت خوش ہو گئی کہ شاید اب نفاذاسلام کی راہ ہموار ہو رہی ہے۔1952ء میں جمال عبدالناصرنے ایک بغاوت کے ذریعے مصری حکومت کو چلتاکردیااورخود اقتدارکے ایوانوں پرقابض ہوگئے اورنفاذ شریعت کے کئے گئے تمام وعدوں سے منحرف بھی ہو گئے۔ پس بہت جلد جمال عبدالناصر کو سیکولرازم کی روایتی بدعہدی نے ”اخوان المسلمین“سے بہت دور کردیاکہ مسلمانوں کو پہلے دن سے ہی ”لکم دینکم ولی دین“کا سبق پڑھادیاگیاتھااور اسلام اورسیکولرازم اکٹھے نہ چل سکے۔اس کے باوجود بھی ”اخوان المسلمین“عوام کے اندر نظریاتی اور خدمت خلق کاکام کرتی رہی اور عوام الناس میں مقبول تر ہوتی رہی۔بہت جلدمصر کے سیکولرحکمرانوں کے لیے ”اخوان المسلمین“کاوجودہی ناقابل برداشت ہوگیاااور1954ء میں بغاوت کے جھوٹے الزامات کے تحت سیدقطب شہید سمیت ”اخوان المسلمین“کے ہزارہاکارکنوں اور مقتدرراہنماؤں کو قیدوبندمیں ڈال دیاگیااور انہیں بدترین تشدداور انتہائی غیراخلاقی اور غیرانسانی بہیمانہ مارپیٹ کانشانہ بنایا گیاکہ سیکولرازم کویہی رویہ ہی زیب دیتاتھا۔

                تین سالوں کی طویل مدت تک جب طاغوت اپنی پوری کوشش کے باوجود ”اخوان المسلمین“کے پائے استقامت میں لغزش پیدانہ کرسکاتو استعمار کی رگیں ڈھیلی پڑ گئیں اور سیدقطب شہیدؒکومحدود نقل و حرکت اور لکھنے کی اجازت مل گئی۔جس طرح پاکستان میں ”تفہیم القرآن“کا بیشتر حصہ دارورسن میں ضبط تحریرمیں آیااسی طرح مصر میں ”فی ظلال القرآن“بھی پس دیوار زنداں سے منظر عام پر آئی۔آہنی سلاخون کا دوسراعرق ”معالم الطریق“کے عنوان سے امت کو میسرآیا۔اب تک ان کتب کے بے شمار طباعتیں اور کتنی ہی زبانوں میں ترجمے ہو چکے ہیں۔1964ء میں انہیں عراق کے صدرعبدالسلام عارف کی سفارش پر رہاکردیاگیا۔یہ ایک اورامر تعجب ہے کہ پاکستان اور مصر کے مشاہیرکو عالمی حمایت تو حاصل ہوتی ہے لیکن اپنے ہی وطن کے حکمران ان کی نہایت بے قدری پر ہی کمربستہ رہتے ہیں۔

محض آٹھ ماہ کی مختصرمدت کے بعد ہی انہیں ”معالم الطریق“جیسی کتاب لکھنے کے جرم میں دھر لیاگیا۔آفرین ہے اس مرد مجاہد پرجس نے موت کی آنکھوں میں آنکھیں ڈال کرعدالت میں اپنی تحریرکردہ کتاب پرکسی طرح کامعذرت خواہانہ رویہ اختیارکرنے کی بجائے ڈنکے کی چوٹ پراپنے موقف کے حق میں پرزوردلائل دیے۔انسانی تاریخ میں انبیاء علیھم السلام کے بعد یہ آسمان شاید پہلی مرتبہ دیکھ رہاتھا کہ ملزم کس شان سے نہ صرف اعتراف جرم کررہاہے بلکہ اپنے جرم کے حق میں مضبوط ترین دلائل بھی بیان کررہا ہے۔”معالم الطریق“بارہ ابواب پر مشتمل ایک سوساٹھ صفحات کی مختصرسی کتاب ہے،لیکن محققین کے مطابق گزشتہ صدی میں عربی زبان میں اس سے عمدہ کتاب شاید نہیں لکھی گئی۔اس کتاب میں امت کو جھنجوڑاگیاہے کہ قرآن مجیدکی فراہم کردہ بنیادوں پرایک نئی فکراور نئے معاشرے کاقیام عمل میں لایا جائے۔

اس کتاب کے مضامین کافی حد تک علامہ محمداقبال کے خطبات ”فکراسلامی کی تجدیدنو“سے ملتے جلتے ہیں۔سیدقطب شہید کی بنیادی اٹھان توادیب اور شاعرکی حیثیت سے ہی تھی اور قرآن مجیدجیسی الہامی کتاب میں بھی صرف ایک چیلنج ہے اور ادیبوں اور شاعروں کوہے کہ اس جیسی کوئی کتاب یاسورۃ یاآیت ہی بناکردکھاؤ،پس جب ادب و نقد اورقرآن مجیدیک جا ہوگئے تو مصر کی تاریخ گواہ ہے کہ”معالم الطریق“جیسی مختصر کتاب سے ہی باطل شکست کھاگیا۔سیکولرازم جیسے انسان دشمن نظریے کی عدالتوں سے انصاف کی توقع رکھناگویااپنے آپ کو دھوکہ دینے کے مترادف ہے،چنانچہ پہلے سے طے شدہ منصوبہ کے مطابق سیدقطب شہیدؒسمیت چھ اور اسلامیان مصرکو سزائے موت سنا دی گئی۔پاکستان میں یہی کھیل مولانا مودودی کے خلاف ”ختم نبوت“جیسی کتاب لکھنے کے ”جرم“ میں کھیلا گیا۔29اگست1964ء کوسیدقطب شہیدکوابدی حیات جوداں میں پہنچادیاگیا۔

[email protected]

بسم اللہ الرحمن الرحیم

مہمان نوازی – (فہم حدیث نبوی ﷺ کے حوالے سے) – ڈاکٹر ساجد خاکوانی

                حضرت ابو شریح قاضی سے روایت ہے کہ آپ ﷺ نے فرمایا کہ جو شخص اللہ تعالی اور آخرت کے دن پر ایمان رکھتاہے اسے چاہیے کہ مہمان کا اکرام کرے اور ایک دن اور ایک رات تک اسے پر تکلف کھانا کھلائے،اور تین دنوں تک اس کی مہمان نوازی کرے اس کے بعد صدقہ ہے پھر آپ ﷺ نے ارشاد فرمایا کہ مہمان کے لیے بھی جائز نہیں کہ میزبان کے ہاں اتنا عرصہ قیام کرے کہ اسے مشقت میں ڈال دے۔

                بظاہر دیکھنے سے اس حدیث میں تین امورکا ذکر ملتا ہے،پہلا امر یہ ہے کہ اللہ کے رسول ﷺ نے مسلمانوں کو انکے نام سے نہیں پکارا بلکہ فرمایا ”جو شخص اللہ تعالی اور یوم آخرت پر ایمان رکھتاہے“،یعنی اسم ذات کی کی بجائے اسم صفت سے یا د کیااور مسلمانوں کو بتایا ان کی اصل پہچان یہ ہے کہ وہ توحید کے ماننے والے ہیں اور ایک دن مرنے کے بعد جی اٹھنے پر یقین رکھتے ہیں۔ایمانیات کے ان دو اجزا کا حدیث کے نفس مضمون سے بہت گہرا تعلق ہے،جو شخص اللہ تعالی پر ایمان رکھے گا وہ اپنے دل کی گہرائیوں سے اس بات کا ایقان رکھے گا کہ کل کائنات اور اسکے خزانے اللہ تعالی کی ملکیت ہیں اور وہ تن تنہا ان سب کا مالک ہے۔وہ مسلمان جو اللہ تعالی پر یقین رکھتا ہے وہ اس بات پر بھی یقین رکھتا ہے کہ بحیثیت خلیفہ اس کے پاس جو کچھ بھی وہ سب اللہ تعالی کی دی ہوئی امانت ہے اور اللہ تعالی نے اسے اس لیے دیا ہے کہ وہ اس سب مال کو اللہ تعالی کے راستے میں اس کی مخلوق پر خرچ کرے اور اللہ تعالی کو مال جمع کرنا اور اسے سینت سینت کر رکھنا سخت ناپسند ہے،دوزخ میں سانپ اور بچھو دوزخی کی طرف لپکیں گے اور وہ دوزخی ان سے دور بھاگے گا تب وہ زہریلے جانور کہیں گے کہ اب ہم سے دور کیوں بھاگتاہے ہم وہی سوناچاندی ہیں جو تو دنیا میں سنبھال سنبھال کر رکھتاتھا۔پس جو شخص بھی اللہ تعالی پر ایمان کا دعوی کرتا ہے وہ مال کی محبت سے بے گانہ ہوگا اور مال کو سنت نبوی ﷺ کے طریقے کے مطابق اللہ تعالی کی مخلوق پر خرچ کرے گا۔

                ایمانیات کا دوسرا جزو جو اس حدیث میں ذکر کیاگیاہے وہ ایمان بالآخرت ہے جس کا لب لباب یہ ہے کہ نیکی کا بدلہ اور برائی کا بدلہ بھی اللہ تعالی نے ہی دینا ہے۔جو شخص کسی سے برائی کر کے یہ توقع رکھے کہ اسے کوئی نہیں دیکھ رہااور کسی نے اس سے اس برائی کی بابت استفسارنہیں کرنااور کوئی مجھے پوچھنے والا نہیں ہے اور کوئی مجھے اس برائی کا بدلہ نہیں دے سکتا اس کا گویا آخرت کے دن پر ایمان نہیں ہے اور جو شخص کسی سے نیکی کر کے اسی سے یہ توقع رکھے کہ وہ اسے اس نیکی کا اجر دے گایا اس فرد کی بجائے اسکے والدین سے یہ توقع رکھے کہ وہ اسے اپنے بچے کے ساتھ بھلا کرنے کا بدلہ دیں گے یا پھر کسی گروہ کے ایک فردکے ساتھ بھلا کرکے کل گروہ سے اسکے اچھے بدلے کی توقع کرے تو اس کا بھی گویاآخرت کے دن پر ایمان نہ ہوا۔یہ ایک حقیقت ہے کہ قیامت کے دن صرف اسی نیکی کا بدلہ ملے گا جو محض اللہ تعالی کی خاطر ہی کی گئی ہو گی اورجس نیک عمل میں تھوڑا سا بھی شرک شامل ہو گا اس کے اجر کے لیے حکم ہوگا کہ اسی سے اجر مانگو جس کے لیے یہ کام کیا تھا۔

                حدیث کے اندر دوسرا مضمون جس کی خاطر آنحضرت ﷺ نے ایمانیات کی تمہید باندھی وہ مہمان نوازی کی ترغیب ہے۔مہمان نوازی حقوق العباد میں سے ہے اورجو اللہ تعالی پر ایمان رکھتاہے وہ مہمان پر خرچ کرے کیونکہ اس کے پاس موجود مال اللہ تعالی کا ہی دیا ہوا ہے اور اسی کے نبیﷺ یہ حکم دے رہے ہیں کہ مہمان پر اپنے مال میں سے خرچ کرو اورجو آخرت کے دن پر ایمان رکھتا ہے وہ مہمان پر اس لیے خرچ کرے کہ اسے اللہ تعالی سے اس کا اجر لینا پے اور کسی نے اس نیت سے مہمان پر خرچ کیا کہ کل کو میں جب اس کا مہمان بنوں گا تو یہ بھی میری خدمت کرے گا یا اس سے میرا فلاں کام پڑنے والا ہے اور اس مہمان نوازی کے عوض میرا مسئلہ حل ہو جائے گایا اس لیے مہمان نوازی کی کہ یہ ہماری خاندانی روایات ہیں جس کے عوض ہمیں نیک نامی میسر آتی ہے تو اس نے گویا آخرت کے دن کواس طرح نہیں مانا جس طرح اللہ اور اسکے رسول ﷺ نے اس کا حکم دیاتھا۔

                ایک بار خدمت اقدس ﷺ میں ایک مسافرحاضر ہوا،رات ہوجانے پر محسن انسانیت ﷺنے بلند آواز سے پوچھا کون اس مسافر کو مہمان بناکر اپنے گھر لے جائے گا؟؟غربت کازمانہ تھاجس کے باعث سب خاموش رہے تاہم تھوڑی دیر کی خاموشی کے بعد ایک مسلمان نے حامی بھر لی اور اس مسافرکو مہمان بناکر گھر لے گیا۔گھرآنے پر بیوی نے بتایا کہ کھانا تو صرف ایک ہی آدمی کا ہے،اس مسلمان نے کہاکہ جب مہمان کھاناشروع کرے تو تیل ختم ہونے کے بہانے چراغ گل کردینایوں میں بس منہ چلاتارہوں گااورمہمان سیرہوکرکھاناکھالے گا۔ سارا کھانا مہمان کو کھلا دیااورمیزبان اور اسکی بیوی بچے بھوکے سو گئے،اللہ تعالی کو یہ عمل اس قدر پسند آیا کہ اس مسلمان کی تعریف وتوصیف میں حضرت جبریل علیہ السلام اگلے دن قرآن مجید کی یہ آیت لے کر حاضر ہوئے کہ ”اور اپنی ذات پر دوسروں کو ترجیح دیتے ہیں خواہ اپنی جگہ خود محتاج ہوں،حقیقت یہ ہے کہ جو لوگ اپنے دل کی تنگی سے بچا لیے گئے وہی فلاح پانے والے ہیں“(سورۃ حشر آیت9)۔اس مسلمان کی شان میں نازل ہونے والی یہ آیت قیامت تک تلاوت ہوتی رہے گی کیونکہ اس نے مہمان نوازی میں اپنے گھرکاساراکھانا پیش کر دیا تھا۔

                اس دنیا میں مسلمانوں کے ایک ہزارسالہ دوراقتدار میں بڑے بڑے شہروں کے اندر بھی کسی ہوٹل اور ریسٹورینٹ کا سراغ نہیں ملتا کیونکہ مہمان نوازی ایک قومی و ملی شعار کی صورت میں معاشرے کے اندر موجود رہی۔فجر کی نماز اور عشاء کی نماز میں مقامی لوگ مسجدوں کے اندر باقائدہ آواز لگایا کرتے تھے کہ کوئی مسافر ہے تو ہمارے گھر چلے،نوابین نے اپنی اپنی جاگیروں میں سرراہ مسافر خانے بنواتے تھے جس میں قیام کرنے والوں سے یہ نہیں پوچھا جاتا تھا کہ وہ کب روانہ ہوں گے؟ اور اعلی درجے کا کھانا پورے مہمان نوازی کے آداب کے ساتھ پیش کیاجاتاتھااور نوابین اور سرداران قوم جب باہم ملتے تو مہمانوں کی کثرت پر فخر کرتے تھے۔مدارس کے طلبہ مستقل طور پر مقامی افراد کے مہمان سمجھے جاتے تھے اور مقامی افراد کے ہاں سے قسم قسم کے پکوان ان کے طعام کے طور پر مدارس کے دسترخوانوں پر بھیجے جاتے۔اس طرح معاشرے کے افراد کے درمیان پیارومحبت کا جذبہ پروان چڑھتا،امیروغریب کے درمیان فاصلے سمٹ جاتے اور منعم اورگداباہم دو مضبوط اینٹوں کی مانندناقابل تسخیرمعاشرے کی بنیاد رکھتے۔

                مغربی سیکولرتہذیب نے جہاں انسانیت کے متعدد شعائر پر اپنا تیشہ چلایا ہے وہاں مہمان نوازی پر بھی کمرشل ازم کا نشترگارگر ثابت ہواہے جس کے نتیجے میں گھروں کے دستر خوان سکڑ گئے ہیں اور ہوٹلوں اور ریستورانوں کی لمبی لمبی قطاریں بازاروں کی زینت بن گئی ہیں۔گھروں میں مہمان داری سے پیارومحبت پروان چڑھتاہے جبکہ ہوٹلوں میں منافع خوری کا رجحان گرم رہتاہے،گھریلوکھانا صحت بخش ہوتا ہے جبکہ بازاری کھانے میں وہ احتیاط ممکن نہیں ہوتی جو گھر میں کی جاتی ہے،گھریلودسترخوان پر کھانا کھانے سے احسان مندی کاعنصر پھلتاپھولتاہے جس کے باعث لوگ جس کے دسترخوان پر کھاناکھاتے ہیں پھر اس سے حیاکرتے ہیں اور اس سے عزت و احترام سے پیش آتے ہیں جبکہ بازاری ہوٹلوں میں گاہکی بڑھتی ہے اور مغربی سیکولر تہذیب کے معاشی جاگیردارانہ نظام کے ”مقابلے کے رجحان“میں اضافہ ہوتاہے اور گھریلو دسترخوان پر مہمان فطرتاََکم کھانا کھاتا ہے جس سے صحت برقرار رہتی ہے جبکہ ہوٹل اور ریسوران میں رقم پوری کرنے کی خاطر بسیاخوری کی جاتی ہے جو صحت کی تباہی کا باعث بنتی ہے۔

                مہمان نوازی سے اللہ تعالی کی رحمتیں نازل ہوتی ہیں،آنے والے سے پہلے اسکا رزق میزبان کے دسترخوان پر اترآتاہے،خاندانوں کے درمیان تعلقات مضبوط ہوتے ہیں،دسترخوان وسیع ہوتے ہیں،ظرف بڑھتے ہیں،وسعت نظر پیدا ہوتی ہے،بہت سارے لوگوں کے درمیان بیٹھ کر انسان کی سوچ اور فکر میں گہرائی پیدا ہوتی ہے،ملنے جلنے سے ذہنی دباؤختم ہوتاہے،باہم مشورے کرنے سے مسائل کے نئے نئے حل نکلتے ہیں جبکہ مہمان نوازی ختم ہو جانے سے انسان آہستہ آہستہ تنہائی کا شکار ہوکر ذہنی دباؤ میں الجھ جاجاتاہے اور چھوٹی چھوٹی پریشانیاں اسے اس طرح گھیر لیتی ہیں کہ وہ ان کوبہت بڑی مصیبت سمجھ بیٹھتاہے اوریہ سب اس بات کا نتیجہ ہوتا ہے کہ مہمان نوازی سے دستکش ہو کر اللہ تعالی کی رحمتوں سے دور ہٹ جاتاہے۔

                اللہ تعالی کے رسول ﷺ نے حکم دیا ہے کہ ایک دن تک مہمان کو پر تکلف کھانا کھلایا جائے ظاہر ہے یہ کھانا اپنی حیثیت کے مطابق ہی ہونا چاہیے،پھر تین دن تک میزبان اپنے گھر میں جو بھی تیار کرے اسے مہمان کے سامنے لاکر پیش کردے اور بہت اچھی روایت ہے کہ مہمان کے ساتھ ہی مل کر کھانا کھائے۔اس کے بعد بھی اگر مہمان قیام پزیر رہتاہے تو پھر اسکو جو کھانا پیش کیاجائے گا وہ مہمان نوازی کی بجائے صدقہ کے زمرے میں لکھاجائے گا۔مہمان اپنی مجبوری کے تحت کتنا قیام کرتا ہے؟؟یہ تو اس کام کی نوعیت پر منحصرہے جس کی خاطر وہ اپنا وطن چھوڑ کر دوسرے شہر میں داخل ہوا ہے لیکن آپ ﷺ نے فرمایا کہ مہمان کو بھی اتنا عرصہ قیام کرنا چاہیے کہ میزبان اسے بوجھ نہ سمجھنے لگے۔اگر میزبان صاحب استطاعت ہے تو مہمان کو پریشان ہونے کی ضرورت نہیں لیکن اگر میزبان سفیدپوش ہے اوراسکے دسترخوان کے ساتھ ساتھ گھر کے ایک حصے پر بھی مہمان عرصے سے جما بیٹھاہے تو ایسے میں مہمان کوچاہیے کہ وہ میزبان کی پریشانی کا مناسب مداواکرے۔

[email protected]

بی بی فوزیہ تیرا شکریہ – تحریر : محکم الدین ایونی

گذشتہ دنوں چترال کے خوبصورت سیاحتی علاقہ ایون کیلئے نو تعمیر شدہ آر سی سی پل کا افتتاح کردیا گیا ۔ دس کروڑ کی لاگت سے پانچ سالوں کی مدت میں تعمیر ہونے والا یہ پاکستان تحریک انصاف کا بڑا پراجیکٹ ہے ۔ یہ پل گو کہ ایون کو مین شاہراہ سے ملانے والا منصوبہ تھا ۔ لیکن اپنی افادیت کے لحاظ سے یہ بین الاقوامی پل کی حیثیت رکھتا ہے ۔ کیونکہ اس پل پر سے دنیا بھر سے آنے والے وہ تمام سیاح گزریں گے ۔ جو قدیم کالاش تہذیب و ثقافت دیکھنے کیلئے کالاش وادیوں میں جانا چاہتے ہیں ۔ اس پل کی افتتاحی تقریب میں معاون خصوصی وزیر اعلی برائے اقلیتی امور وزیرزادہ کے علاوہ بڑی تعداد میں صوبائی وزرا ایم این اے اور ایم پی ایز نے شرکت کی ۔ لیکن جو کمی محسوس کی گئی ۔ وہ پل کی تعمیر کیلئے انتھک کوشش کرنے والی اور اپنے ہاتھوں سے پل کی تعمیری کام کا افتتاح کرنے والی سابق خاتون ایم پی اے بی بی فوزیہ کی عدم موجودگی تھی ۔

ایون آر سی سی پل کی تعمیر بی بی فوزیہ کی محبت اور ان کی مرہون منت ہے ۔ وہ اس کیلئے قدم نہ اٹھاتی ،صوبائی حکومت میں اس پراجیکٹ کیلئے تگ ودو نہ کرتی ۔ تو شاید ہم اب بھی لکڑی کے معلق پل کے ہچکولوں اور ابھرتے کیلوں کے اوپر سے گذرنے پر مجبور رہتے ۔یہ منصوبہ بلا شبہ بی بی فوزیہ کی اپنے ننھیال سے دلی وابستگی کا واضح ثبوت ہے ۔

بہت سے لوگ ایون آرسی سی پل کی تعمیر کی کریڈٹ لینے کی کوشش کرتے ہیں ۔ جبکہ حقیقت حال یہ ہے ۔ کہ اس پل کی تعمیر کیلئے ایون کے کسی سیاسی لیڈر نے آواز اٹھائی اور نہ کسی ادارے کے آفیسر کا اس پراجیکٹ کی تعمیر میں کوئی ہاتھ ہے ۔ 2014کی بات ہے ۔ ایون چتر معلق پل کی حالت بہت خراب تھی ۔ تختے اکھڑے ہوئے تھے ۔ اور پل پر لگی کیلیں ہاتھی دانت کی طر ح باہر نکلے ہوئے تھے ۔ پل پر گزرنے والی گاڑیوں میں سے کوئی خوش قسمت ہی بغیر پنکچر ہوئے گزرتا تھا ۔ کسی کو سمجھائی نہیں دیتا تھا ۔ کہ کیا کیا جائے ۔

راقم نے اس خستہ حال پل کی تصویر کھینچی ۔ تصویر کے ساتھ پل کی شکستہ حالی اور مسافروں کو درپیش مشکلات سے متعلق خبر لگائی ۔ اور اگلے روز اے وی ڈی پی آفس میں اس حوالے سے ایک میٹنگ منعقدکی ۔ کہ اس حوالے سے کیا کیا جائے ۔ اس میٹنگ میں یہ فیصلہ ہوا ۔ کہ بی بی فوزیہ ایم پی اے سے اس سلسلے میں ملا جائے ۔ کہ یہ پل انتہائی خستہ و شکستہ ہو چکا ہے ۔ کسی بھی وقت کوئی بڑا حادثہ رونما ہو سکتا ہے ۔ لہذا اس کے متبادل آر سی سی پل تعمیر کرکے موجودہ پل سے لوگوں کو نجات دلانے کی کوشش کی جائے۔ ماہ صیام کے دن تھے ۔ ایم پی اے بی بی فوزیہ اپنے گھر مغلاندہ آئی ہوئی تھی ۔ راقم کے پاس اس وقت اے وی ڈی پی چیرمین کی ذمہ داری تھی ۔

رحمت الہی بورڈ آف ڈائریکٹرز کے ممبرتھے موجودہ معاون خصوصی وزیر اعلی وزیر زادہ اے وی ڈی پی کے منیجر ، جاوید احمد سوشل آرگنائزر اور آمین اکاونٹنٹ تھے ۔ ہماری پوری کابینہ اگلے دن وقت ضائع کئے بغیر آر سی سی پل کیلئے درخواست اور لکڑی کےمعلق پل کے تصویری اخباری تراشوں کے ساتھ اس کی خدمت میں حاضر ہوئے ۔ اور اپنا مدعا بیان کرتے ہوئے عرض کیا ۔ کہ چونکہ ایون آپ کا ننھیال ہے ۔ اس لئے اس رشتے کی بنیاد پر ایون والے آپ سے بہت زیادہ توقعات رکھتے ہیں ۔ لیکن فی الحال ایون کا بہت بڑا مسئلہ چیتر ایون کے مقام پر ایک آر سی سی پل کی تعمیر ہے ۔ چاہے جو کچھ بھی ہو ۔ یہ پل ہر صورت میں تعمیر ہونا چاہئیے ۔

محترمہ بی بی فوزیہ نے اس وقت کہا ۔ کہ میں وعدہ نہیں کرسکتی ۔ لیکن میں آپ کو یقین دلاتی ہوں ۔ کہ چترال کیلئے اگر ایک بھی آر سی سی پل کا پراجیکٹ مجھے دیاگیا ۔ تو اہمیت کی بنیاد پر ترجیحی طور پر اس کی تعمیر ایون میں ہی کی جائے گی ۔ اس کے بعدوہ سابق وزیر اعلی پرویز خٹک سے ہر ملاقات میں اس پل کے مطالبے کو سر فہرست رکھا ۔ بالاخر انہوں نے ایون پل کی منظوری کی خوشخبری سنادی ۔ اور باقاعدہ طور پر بعد آزان اس نے خود اس کا افتتاح کیا ۔

یہ پل بی بی فوزیہ اور پاکستان تحریک انصاف کی طرف سے ایک بڑے تحفے کی صورت میں مکمل ہونے کے بعد عوام کی آمدورفت کیلئے کھل اب گیا ہے ۔ لیکن افسوس اس بات کا ہے ۔ کہ پراجیکٹ کو منظور کروانے والی چترال کی بیٹی بی بی فوزیہ اس افتتاحی تقریب میں شامل نہ ہو سکی ۔ مگر ان کی اپنے ننھیال والوں کیلئےیہ عظیم تحفہ ہمیشہ ان کی یاد دلاتا رہے گا ۔ یہی نہیں ، بی بی فوزیہ کی طرف سے لڑکیوں کیلئے گورنمنٹ ڈگری گرلز کالج کا قیام بھی ایک نہایت اہم منصوبہ ہے ۔ جس پر اگرچہ فوزیہ بی بی کی حکومت سے علیحدگی کے بعد کام سست روی کا شکار ہے ۔تاہم یہ منصوبہ بھی چند سالوں کے اندر مکمل ہو کے رہےگا ۔ ایون کیلئے ان دو پراجیکٹس کی تعمیر پر ہم سابق ایم پی اے بی بی فوزیہ اور پاکستان تحریک انصاف کی حکومت کا دل کی گہرائیوں سے شکریہ ادا کرتے ہیں ۔

دھڑکنوں کی زبان – ”مان کا مسئلہ ہے ” – محمد جاوید حیات

ٹی وی مذاکرے کے میزبان (نئی اردو میں ٹاک شو کے اینکر) سے کوئی کہدے کہ یہ پاکستان ہمارا ہے اور تبصرہ کرنے والے سے بھی خواہ اس کا تعلق جس پارٹی سے بھی ہو کہدے کہ جی پاکستان ہمارا ہے۔آپ کا مان آپ کا گھمنڈ،آپ کا غرور آپ کی پارٹی ہو آپ کی ادھوری سیاست ہو آپ کی خدمت سے عاری سیاست ہو جو بھی ہو لیکن ہمارا مان ہمارا ملک ہے جو اس کی درست نہج پہ خدمت کرے گا وہ ہمارا مان ہے ہمارا غرور ہے ہمیں اس پہ فخر ہے مگر ہمارا قومی المیہ یہ ہے کہ ہم اپنی کوتاہی اپنی کمزوری اپنی غلط پالیسی ماننے کو تیار نہیں اگر مانیں تو یہ ہمارے مان کا مسئلہ ہے۔

میرے ایک دیہاتی سیدھا سادا بابا بیٹھ کے ٹی وی دیکھ رہا تھا۔ ٹی وی پہ مذاکرہ ہو رہا تھا میزبان مہنگائی کا کہہ رہا تھا اور ریٹ دے رہا تھا کہہ رہا تھا قیمتیں اتنی بڑھی ہیں۔نمائیندہ اِدھر اُدھر کی باتیں کر رہا تھا کوئی معقول جواب نہیں دے پا رہا تھا درمیان میں ایک جملہ بولا جس پر دیہاتی چونک پڑا۔جملہ یوں تھا کہ ملک قرضوں پر چل رہا تھا ہم ملک کو اور قوم کو قرضوں سے نجات دلانا چاہتے ہیں۔۔دیہاتی نے چیخ کر مجھ سے کہا بیٹا اگر یہ لوگ ملک کے قرضے چکا رہے ہیں تو ہمیں مہنگائی کی پرواہ نہیں ہم پانچ سو روپے میں ایک کلو گھی خریدنگے بغیر گھی کے کھانا کھائینگے لیکن قرضوں پر زندگی نہیں گزار سکتے۔قرض لینا بے غیرتی بھی ہے بے عزتی بھی ہے۔اس سمے مجھے مرد قلندر کا شعر یاد آیا

مانگنے والا گدا ہے صدقہ مانگے یا خراج
کوئی مانے یا نہ مانے میر و سلطان سب گدا

پھر حکمرانوں کے کچھ نعرے اور دعوے یاد آئے۔۔ہم گھاس کھائینگے لیکن اٹم بم بناینگے۔۔ہم دامن نہیں پھیلاینگے۔۔قرض اُتارو ملک سنوارو۔۔ہم کشکول گدائی توڑینگے۔۔بابا میرے جواب کا انتظار کر رہا تھا۔۔یہ ساری باتیں بابا کے سمجھنے کی نہیں تھیں۔میں نے کہا بابا اس کے لیے بڑی قربانی چاہیے۔۔جاپان پر اٹم بم گرایا گیا۔۔قوم نے عہد کیا کہ دن میں ایک بار کھانا کھائینگے۔بیس سال تک سب نے اس پر عمل کیا حکمران سے لے کر رعایا تک۔۔انقلاب چین کے بعد موزوتنگ ظالم جو ایک معروف شاعر بھی تھا کہا میرے قوم کے لوگو! زندہ رہنے کے لیے کھانا کھاؤ کھانے کے لیے زندہ نہ رہو۔چرچل نے کہا۔۔ہوٹلوں میں پیٹ کاٹنے کے لیے جاؤ پیٹ بھرنے کے لیے نہیں۔یہودیوں نے یہ سبق مسلمانوں سے پڑھا کہ۔۔قوت لا یموت۔۔اتنا کھاؤ کہ مر نہ جاؤ۔۔مگر ہتھیار خریدو دن کے مقابلے میں اپنے آپ کو مضبوط کرو۔۔بابا مسلمانوں نے دنیا کو سسٹم دیے وہ مسلمانوں سے چرایا گیا۔صلیبی جنگوں کا یورپ کو یہ فائدہ ہوا کہ وہاں نشاط ثانیہ آگیا اُنہوں نے سائنس اور ٹیکنالوجی مسلمانوں سے چرا کر لے گئے یہاں پر اُمت سوگئی وہاں پر مغرب جاگ گیا۔۔بابا ہم قرض لیتے رہینگے اور قرض پر پلتے رہینگے اس لیے کہ ہمارا مان اُلٹا ہے ان کا مان ان کو قرض لینے نہیں دیگا .

ہمارا مان ہمیں اپنی غلطیاں قبول کرنے نہیں دیگا۔ہم اگر قرض نہیں لینگے تو ہمارے بڑے عیاشی کیسے کریں گے۔کسی وزیر خزانے کو ایک غریب کے باورچی خانے میں لاؤ اور اس سے ناشتہ کراؤ۔ایک جاگیردار کی بچی کو عید کے دن ایک مزدور کے گھر لاؤ اور اس کی بچی کے ساتھ عید منانے کا کہو۔ایک کارخانہ دار کو کسی پگڈنڈی پر ایک گھنٹہ پیدل چلنے کا کہو اس کے ہاتھ میں کچھ سامان بھی دے دیدو۔ایک جج کی بیٹی سے کہو کہ وہ بغیر جہیز کے شادی کرے۔۔۔بابا یہ ناممکنات ہیں۔ یہ لوگ ایسا نہیں کر سکتے نہ یہ قربانی دے سکتے ہیں۔ یہ سب اس قرض کے شاخسانے ہیں اگر قرض نہ ہوگا تو ان کا بھرم کھل جائیگا بابا ان کا مان ٹوٹ جائے گا۔

کرپٹ اپنی کرپشن چھپایے گا اقرار نہیں کرے گا کام چور اپنی کام چوری چھپائیگا اقرار نہیں کرے گا کیونکہ مان کا مسئلہ ہے بابا۔۔اگر پوری قوم قربانی دینے پہ تیار ہوجائے تو پہلی قربانی بڑوں کو دینی ہوگی۔۔ان کو اپنی رنگینیوں اور عیاشیوں سے کنارا کرنا ہوگا۔۔مگر ایسا نہیں ہوسکتا بابا ان کا مان ٹوٹ جائے گا۔ اگر یہ سوال ٹی وی کا میزبان مہمان سے پوچھے کہ صاحب یہ ٹیکس کے پیسے یہ ریوینو ملکی پیداوار یہ کارخانے یہ دریا سمندر یہ بندرگاہیں یہ دوسرے ملکوں میں بڑے فائدہ مند ہوا کرتے ہیں ہمارے ہاں کیوں نہیں۔۔مان کا مسئلہ ہے کوئی معقول جواب نہیں آئے گا۔۔۔۔۔بابا سب مان کا مسئلہ ہے تماشا دیکھو۔۔۔ایک کلو گھی کی قیمت کہاں تک جاتی ہے۔۔ملک کے پیسے باہر لیجانے والوں کے پاس اس کا کیا جواب ہو سکتا ہے۔۔آئیں بائیں شایں ہی ہوگا۔۔۔بابا مان کا مسئلہ ہے

افغانستان میں پرائیوٹ کنٹریکٹر ز کا مستقبل؟ ۔ قادر خان یوسف زئی کے قلم سے

 افغانستان میں ہزاروں افغانی پرائیوٹ کنٹریکٹر زکے ساتھ آگے کیا ہوگا،انہوں نے تو اپنا مستقبل یورپ، برطانیہ اور امریکہ کے کہنے پر داؤ میں لگا دیا تھا کہ شائد یہ ممالک ہمیشہ کے لئے افغانستان پر قابض رہیں گے یا پھر ان کے شہروں کو نیویارک، لندن، پیرس اور برلن بنا دیں گے لیکن مسئلہ پیدا ہوگیا کہ سب  کو امریکہ میں نہیں رکھا جاسکتا اور دنیا کے دوسرے ممالک بھی محتاط ہیں لیکن پاکستان سمیت وسط ایشائی ممالک پر دباؤ بڑھا یا جارہا ہے کہ مہاجرین کے علاوہ ان کے لئے کام کرنے والے،(جاسوسوں) کو بھی مکمل سیکورٹی کے ساتھ پناہ دی جائے۔ یورپ اور امریکہ کا یہ مطالبہ دراصل زمینی حقائق کے برخلاف، مزاج اور سوچیں حتیٰ کہ افغانستان میں طبقاتی تفریق کا سبب بنتا جارہا ہے کیونکہ 31 اگست تک ممکن نہیں کہ کابل میں موجود تمام پرائیوٹ کنٹریکٹرز کا انخلا کردیا جائے، بلکہ اطلاعات ہیں پاکستان سمیت افغانستان کے دوسرے حصوں سے بھی بڑی تعداد نے کابل ائیر پورٹ کا رخ کیاہے،چونکہ افغان طالبان کا رویہ(تاحال) مثبت ہے اس لئے انہیں ایک علاقے سے دوسرے علاقے میں جانے کے لئے مشکلات کا سامنا نہیں کرنا پڑا۔ اقوام متحدہ کا یہ کہنا اس حد تک درست ہے کہ افغانستان میں ایک انسانی المیہ جنم لے رہا ہے، تو اس کا ذمے دار صرف امریکہ ہی نہیں بلکہ یورپ، برطانیہ سمیت وہ عالمی قوتیں ہیں جو سلامتی کونسل میں بیٹھ کر کسی بھی ملک پر الزام لگانے کے بعد اس کی اینٹ سے اینٹ بجا دیتے ہیں اور مقصد پورا ہونے کے بعد خراماں خراماں چل دیتے ہیں۔

 پرائیوٹ کنٹریکٹرز کو ٹرانسفر کرانے کے لئے 31 اگست کی ڈیڈ لائن ناکافی تصور کی جا رہی ہے، اس کی واحد وجہ یہی ہے کہ انہوں نے اپنے سفارت خانے بند اور عملہ واپس بلا کر کمرشل فلائٹس پر بھی پابندی عائد کردی  اور جوکنٹریکٹرز ڈیلی ویجز یا مخبری کی مد میں انعام کی لالچ  کے لئے کام کرتے تھے، انہیں حالات کے رحم و کرم پر چھوڑ دینے کا حتمی فیصلہ بھی کرلیا۔ کابل ائیر پورٹ کے مناظر باعث عبرت اُن لوگوں کے لئے ہیں، جنہوں نے استعماری قوتوں کے لئے خودکو استعمال کرایا  اور اب انہیں بیکار ٹشو پیپر کی طرح پھینک دیا گیا، سابق کابل انتظامیہ کی ایک بڑی تعداد کابل کے مکمل ٹیک اوور سے پہلے ہی کمرشل فلائٹس سے بیرون ملک نکلنے میں کامیاب ہوچکی تھی اور ہوش آنے تک پرائیوٹ کنٹریکٹر یہی سمجھتے رہے کہ ان کے ساتھ کئے گئے امریکی وعدے ایفا ہوں گے۔ درحقیقت امریکہ چاہے تو چند دنوں میں ہی کمرشل پروازوں سے پرائیوٹ کنٹریکٹرز کو باہر نکال سکتا ہے، ٹرانزٹ کے لئے پاکستان سمیت عرب ممالک، امریکہ کے ساتھ مکمل تعاون کرنے کے لئے تیار ہیں، لیکن امریکہ کو خود ا ن پرائیوٹ کنٹریکٹرز پر اعتبار نہیں، کیونکہ جو ڈالروں کی لالچ میں مادر وطن اور ضمیر کا سودا کرسکتا ہے تو وہ اُن کے خلاف بھی بھاری رشوت کے عوض، کسی کے لئے بھی استعمال ہوسکتا ہے۔(کابل دھماکے بھی اس کی ایک مثال سمجھی جاسکتی ہے)۔

پرائیوٹ کنٹریکڑز نے افغان طالبان کی سرگرمیوں پر مخبریاں کیں، درست یا غلط معلومات دیں، جن کی اطلاع پر فضائی حملے اور آپریشن کئے گئے اور بے گناہ نہتے عام افغانی بھی جاں بحق ہوئے۔لواحقین جانتے ہیں کہ ان کے بچوں کا قاتل کون اور سہولت کاری کس نے کی، لہذا پرائیوٹ کنٹریکٹرز اس امر سے بھی شدید خوف زدہ ہیں کہ افغان طالبان کی عام معافی کے اعلان کے باوجود لواحقین، روایات کے مطابق ان سے بدلہ ضرور لیں گے، یہ افغانستان سمیت دنیا کے کسی بھی کونے میں چلیں جائیں لیکن ان کا ضمیر، انہیں ہراساں کرتا رہے گا کہ ڈالروں کی لالچ میں انہوں نے امریکہ اور اتحادیوں کو غلط معلومات بھی دیں، جس کے باعث ان گنت افغانی زیر حراست رہے اور سیکڑوں جانوں کا نقصان بھی ہوا۔ یہ ایک بہت بڑا امتحان بن سکتا ہے کہ افغان طالبان کی موجودگی میں ایسے لواحقین انصاف کے لئے، پرائیوٹ کنٹریکٹرز کے خلاف مقدمات دائر کرسکتے ہیں اور ظاہر ہے کہ افغان طالبان جب فیصلہ کریں گے تو اس پر مغرب اور امریکہ نے تو شور مچانا ہے کہ انسانی حقوق کی خلاف ورزیاں ہو رہی ہیں۔ افغان طالبان کا عام معافی کا اعلان اپنے خلاف کئے گئے حملوں تک محدود رہے گا لیکن جب مدعی سامنے آکر اپنا ذاتی مقدمہ رکھے گا تو افغان طالبان بھی کچھ نہیں کرسکتے، کیونکہ انہوں نے وہی فیصلہ کرنا ہوگا جو اسلامی قانون کا حکم ہے۔

خارج از امکان نہیں افغان طالبان، امریکہ کو لاسٹ ڈیڈ لائن دینے کے باوجود دنیا میں مثبت تاثر قائم کرنے کے لئے مزید مہلت بھی دے دیں، کیونکہ کابل میں چھ ہزار امریکی اور  600 برطانوی فوج پر  حملہ  کرکے نئی جنگ کی بنیاد رکھنا نہیں چاہیں گے، اس لئے انسانی ہمدردی کی بنیادوں پر پرائیوٹ کنٹریکٹرز کو جانے کی اجازت کے لئے مہلت ملنے کا امکان موجود ہے، اس کے علاوہ بھی یہ ہزاروں کا جمع غفیر کہاں جائے گا، کیا یہ واپس اپنے گھروں میں جاسکتے ہیں، شائد یہ فیصلہ کرنا ان کے لئے مشکل ہوگا کیونکہ ان کی مخفی پہچان اب منکشف ہوچکی، اس لئے ان پر سماجی دباؤ بڑھے گا۔ وسط ایشیائی ممالک انہیں قبول کرنے کے لئے بالکل تیار نہیں، ایران نے پہلے ہی اتنی سخت پابندیاں افغان مہاجرین پر عائد کی ہوئی ہیں، جس کے بعد وہاں امریکی پرائیوٹ کنٹریکٹرز کا رہنا مشکل ہے، ان کے لئے آئیڈیل ملک پاکستان بچ جاتا ہے، جہاں وہ مہاجرین کے ریلے کی صورت میں یا سفارت خانے میں قانونی دستاویزات کی آڑ لے کر آسکتے ہیں۔جہاں پہلے ہی 30 لاکھ سے زائد افغانی ایک عام پاکستانی شہری کے طرح نقل و حرکت کرتے ہیں، لہذا ن کا پاکستان کے کسی بھی علاقے میں چھپ جانا اور نئی شناخت کے ساتھ ایک بار پھر امریکہ اور مغربی ممالک کے لئے سہولت کار بننا خارج از امکان نہیں۔
خیال رہے کہ ان پرائیوٹ کنٹریکٹرز میں بڑی تعداد ایسی بھی موجود ہے جو این ڈی ایس اور را کی فنڈنگ پر پاکستان مخالف منفی پراپیگنڈوں و سرگرمیوں میں متحرک رہے اور افغانستان سے نکلنے کے بعد بھی یہی کام کریں گے، انہیں اس امر کا ڈر تو ہوگا کہ انہیں شناخت نہ کرلیا جائے، لہذا یہ کہنا کہ کابل ائیر پورٹ پر معاشی بدحالی اور افغان طالبان کے خوف سے  انخلا کیا جارہا ہے، تو اس کا اطلاق پورے افغانستان پر ہوگا۔ عالمی اداروں کو 20برس کی جنگ کے خاتمے کے بعد تعمیر نو کے لئے امداد دینی چاہیے تھی لیکن الٹا اربوں ڈالرز منجمد کردایئے۔ عالمی برداری کو سوچنا ہوگا کہ کیا یہ عمل افغانستا ن کے حق میں بہتر ہے؟۔

داد بیداد ۔ آبادی اور ڈاکٹر ۔ تحریر: ڈاکٹر عنا یت اللہ فیضی

اقوام متحدہ کی تازہ ترین رپورٹ میں ممبر اقوام کے اندر آبا دی اور ڈاکٹروں کا تنا سب دکھا یا گیا ہے ترقی یا فتہ اقوام اور ترقی سے محروم اقوام کا فرق نما یا ں کیا گیا ہے رپورٹ میں یہ انکشا ف کیا گیا ہے کہ پائیدار ترقی کے اہداف (SDGs) کے مطا بق ہزار نفوس کی آبا دی کے لئے سر کاری ہسپتال کا ایک ڈاکٹر ہو نا چا ہئیے پا کستان میں 2300کی آبا دی کے لئے ہسپتال کے ایک ڈاکٹر کی گنجا ئش رکھی گئی ہے مگر 70فیصد ہسپتا لوں میں ڈاکٹر دستیاب نہیں رپورٹ کی جو موٹی مو ٹی باتیں اردو میں تر جمہ ہو کر اخبا رات کی زینت بن چکی ہیں۔

ان میں یہ بات بھی آئی ہے کہ اصول کے مطا بق ایک ہزار کی آبا دی کے لئے ایک ڈاکٹر کے ساتھ 4نرس ہو نے چا ہئیں لیکن پا کستان میں 1500کی آبا دی کے لئے ایک نرس ہے وہ بھی اُس آبا دی میں واقع ہسپتال میں نہیں بلکہ قواعد وضوابط کے کا غذات میں ہے رپورٹ میں یہ بھی لکھا گیا ہے کہ پا کستان میں 110میڈیکل کا لج ہیں ان میں سے صرف 10کا لجوں میں معیاری تعلیم کا انتظام ہے ان میں سے 8سر کاری شعبے میں اور دو نجی شعبے میں ہیں رپورٹ کا یہ حصہ خا صا تشویشنا ک ہے یعنی نجی کا لجوں سے پچا س کروڑ روپے کے عوض ڈگر ی لیکر آنے والا ڈاکٹر دیہا تی علا قے میں غریب اور نا دار بیمار کا علا ج کیوں اور کسطرح کرے گا۔

فیمیل میڈیکل افیسروں کے بارے میں رپورٹ کے اندر ایک اور تشویشنا ک با ت لکھی گئی ہے بات یہ ہے کہ وہ شادی ہوتے ہی اپنے پیشے کو چھوڑ دیتی ہیں ایک اور انکشاف یہ بھی کیا گیا ہے کہ پاکستا نی ڈاکٹر وں میں ملک چھوڑ نے کا رجحا ن دیگر پیشوں کی نسبت زیا دہ ہے ہر تیسرا ڈاکٹر ملک چھوڑ کر با ہر جا نا چا ہتا ہے اگر پوری رپورٹ کا اردو تر جمہ کیا گیا تو اور بھی کئی ایسے حقا ئق سامنے آئینگے جن کو ہم جا نتے ہیں مگر بتا نہیں سکتے مثلا ً یہ کہ 70فیصد یو نین کونسلوں میں 15000کی آبا دی کے لئے ایک بھی ڈاکٹر یا نرس نہیں 80فیصد تحصیل اور ڈسٹرکٹ ہیڈ کوار ٹر ہسپتا لوں میں علا ج کی بنیا دی ضروریا ت دستیاب نہیں۔

سی ٹی سکین، ایم آر آئی، کلچر وغیرہ کے لئے ایمر جنسی مریضوں کو 300کلو میٹر دور بھیجا جا تا ہے اگر چہ اقوام متحدہ کی رپورٹ نے ہمارے نظام صحت کا بھا نڈا پھوڑ کے رکھ دیا ہے مگرا س رپورٹ کی روشنی میں اصلا ح احوال کی کوئی امید نہیں وجہ یہ ہے کہ 1980کے عشرے میں منصو بہ بندی اور ترقی کا کام پیشہ ور ما ہرین اور سر کاری افیسروں سے لیکر سیا ستدا نوں کو سونپ دیا گیا ہے سیا ست دا نوں کے ہاں فائل پڑھنے، مشاورت کرنے اور بنیا دی مسا ئل سے آگا ہی حا صل کر نے کا کلچر نہیں ہے اس لئے زندگی کے ہر شعبے میں بنیا دی مسا ئل پر تو جہ دینے کا رواج اور دستور نہیں رہا ۔

محکمہ صحت کو سما جی شعبے کا اہم محکمہ قرار دیا جا تا ہے سما جی شعبے کے کا م کا بڑا حصہ اس شعبے میں انجام پا تا ہے ایک سرکاری ہسپتا ل آر ایچ سی مستوج کو جا پا ن کی حکومت نے ایکسیرے پلا نٹ کا عطیہ دیا یہ پلانٹ 22سال استعمال کے بغیر پڑا رہا 22سال بعد ایک غیر سر کاری تنظیم نے اس پلا نٹ سے کا م لیا ڈسٹرکٹ ہیڈ کوار ٹر ہسپتال چترال کو 2011ء میں ایک غیر سر کاری تنظیم نے کچرا جلا نے کا پلا نٹ انسی نیر یٹر (Incinerator)عطیہ دیا گذشتہ 10سالوں سے استعمال کے بغیر پڑا ہے اس کی تکنیک سے واقفیت رکھنے والے ما ہرین کہتے ہیں کہ ایک سال بعد یہ پلا نٹ قابل استعمال نہیں رہے گا۔

اقوام متحدہ کی سروے ٹیم کو اگر ڈسٹرکٹ ہیڈ کوار ٹر ہسپتالوں کا دورہ کرا یا جا تا تو معلوم ہو تا کہ ان میں سے 50فیصد ہسپتا لوں میں گندے پا نی کے نکا سی کا بندوبست نہیں مریضوں کے وارڈ سے ملحق کوئی واش روم قا بل استعمال نہیں یہ بنیا دی ضروریات ہیں ان پر کوئی تو جہ نہیں دیتا بڑی خرابی یہ ہے کہ اختیار ات فیلڈ افیسروں سے لیکر ڈویژنل ہیڈ کوار ٹر اور صو با ئی ہیڈ کوار ٹر کو دے دیے گئے ہیں فیلڈ افیسر نہ معا ئینہ کر سکتے ہیں نہ رپورٹ لکھ سکتے ہیں نہ بنیا دی ضروریات اور سہو لیات کا مطا لبہ کر سکتے ہیں پورا سسٹم ہوا میں معلق ہے۔

شکر ہے اقوام متحدہ کی سروے ٹیم نے یو نین کو نسل، تحصیل اور ضلع کی سطح پر جا کر اعداد شمار جمع نہیں کئیے ورنہ ہماری حکومت کے لئے مزید بد نا می کا با عث بنتی۔

خیبرپختونخوا کلچر اینڈ ٹورازم اتھارٹی نے صوبے میں سیاحوں کی بڑھتی ہوئی تعداد کے پیش نظر نئے سیاحتی مقامات کی آباد کاری اور کیمپنگ پاڈز کے پراجیکٹ کو مزید بڑھانے کا فیصلہ کیا ہے موجودہ سیاحتی مقامات پر مقامی افراد کو روزگار کے مواقع کی فراہمی اور سیاحوں کوگھر جیسا ماحول فراہم کرنے کیلئے ہوم سٹے پراجیکٹ کیلئے قرضہ دینے کا بھی فیصلہ کیا ہے۔ڈائریکٹر جنرل کلچر اینڈ ٹورازم اتھارٹی کا کہنا ہے کہ محکمہ سیاحت کے زیر اہتمام صوبے میں پانچ مقامات پر کیمپنگ پاڈز کا پراجیکٹ توقع سے زیادہ کامیاب رہا ہے۔سیاحوں کا رش بڑھنے کی وجہ سے پانچ نئے سیاحتی مقامات پر کیمپنگ پاڈز نصب کئے گئے ہیں جن میں بمبوریت وادی کالاش چترال، الائی بٹگرام، مہابن اور مالکہ بونیراور شہید سر شامل ہیں.

صوبے میں دس نئے سیاحتی مقامات کا بھی تعین کیا گیا ہے جہاں پر جلد کیمپنگ پاڈز نصب کئے جائینگے جن میں جاروگو واٹر فال اور صولاتنڑ سوات، لشکرگاز بروغل چترال، سورلاسپور چترال، کمراٹ دیر اپر، کالام سوات، الپوری شانگلہ، ثما نا ٹاپ ہنگو، لڑم ٹاپ دیرلوئراور بن شاہی دیر لوئر شامل ہیں۔سیاحت کو فروغ دینے کے لئے ہوم سٹے پراجیکٹ ایک منفرد اور اچھوتا آئیڈیا ہے۔ جس کے تحت خیبر بینک کے تعاون سے سیاحتی مقامات کے لوگوں کو قرضہ فراہم کیا جائے گا۔مقامی لوگ اس قرضے سے اپنے گھروں میں ایک کمرہ حکومتی ڈیزائن کے مطابق تعمیر کریں گے اس کمرے میں سیاحوں کو تمام بنیادی سہولیات کے ساتھ رہائش فراہم کی جائے گی۔

گھر میں رہائش پذیر سیاحوں کو روایتی اور ان کی پسند کے کھانے فراہم کئے جائیں گے جن کے لئے وہ ادائیگی کریں گے۔ اپنے گھر کا ایک کمرہ سیاحوں کو کرائے پر دینے اور انہیں قیام کے ساتھ طعام کی سہولت دینے سے جہاں مقامی لوگوں کے لئے آمدن کے ذرائع پیدا ہوں گے اور ان کا معیار زندگی بہتر ہوگا وہیں ملکی اور غیر ملکی سیاحوں خصوصاً فیملی کے ساتھ سیاحت کے لئے آنے والوں کو رہائش کی معیاری سہولیات میسر آئیں گی جس سے سیاحت میں کئی گنا اضافہ ہوسکتا ہے۔

قدرت نے اس صوبے کو حسن فطرت سے مالامال کیا ہے۔ یہاں درجنوں نہیں بلکہ سینکڑوں ایسے سیاحتی مقامات ہیں جن کے بارے میں صرف مقامی لوگ جانتے ہیں ان پوشیدہ سیاحتی مقامات کی تعداد سینکڑوں میں ہے۔جہاں قدرتی ماحول کا نظارہ کرنے والوں کی دلچسپی کا ہر سامان موجود ہے۔ یہاں گلیشئیر بھی ہیں ٹھنڈے میٹھے پانی کے چشمے بھی ہیں۔ بہت سے پہاڑی مقامات پر گرم پانی کے چشمے بھی بہتے ہیں۔ گھنے جنگلات اور انواع و اقسام کی نایاب جنگلی حیات بھی یہاں پائی جاتی ہے۔ یہاں بلند و بالا آبشار، گنگناتی ندیاں اور سرسبز لہلہاتے کھیت کھلیان بھی ہیں۔ نئے سیاحتی مقامات کا کھوج لگانے کے ساتھ صوبائی حکومت اگر مقامی تہواروں کو سپانسر کرے تو ہزاروں سیاحوں کو ان تہواروں میں شرکت پر مائل کیا جاسکتا ہے۔ بہت سے مقامی تہوار متروک بھی ہوچکے ہیں محکمہ سیاحت ان کی بحالی پراگر توجہ مرکوز کرے تو اس خطے کی ثقافت کی احیاء کے ساتھ سیاحوں کو ان منفرد تقریبات میں شرکت پر راغب کیا جاسکتا ہے۔

محکمہ سیاحت نے عالمی بینک کے تعاون سے کائیٹ پراجیکٹ کے تحت چترال،ایبٹ آباد،مانسہرہ اور دیر اپر میں کنٹینر بیس سہولت سنٹربھی تعمیر کرر ہا ہے جہاں سیاحوں کوہنگامی امداد کی سہولیات میسر ہونگی۔عید الاضحی کے دوران لاکھوں افراد نے ملک کے مختلف علاقوں سے خیبر پختونخوا کے سیاحتی مقامات کی سیرکی۔ ان سیاحوں نے ٹرانسپورٹ، رہائش اور قیام و طعام کے علاوہ مقامی مصنوعات کی خریداری پر چار دنوں میں 66ارب روپے خرچ کئے جن سے صوبائی حکومت کو 26ارب روپے کی آمدنی ہوئی۔ مزید سیاحتی مقامات کھولنے اور وہاں سیاحوں کو بنیادی سہولیات اور سیکورٹی فراہم کرنے سے صوبے کو اربوں کی آمدنی ہو سکتی ہے۔

یہ بات طے ہے کہ صوبائی حکومت سیاحت پر جتنی بھی سرمایہ کاری کرے گی۔ وہ رقم ایک سال کے اندرریکور ہوسکتی ہے۔ اس سے بہتر سرمایہ کاری کا تصور بھی نہیں کیا جاسکتا۔یہ حقیقت ہے کہ خیبر پختونخوا کا خوشحال مستقبل سیاحت سے وابستہ ہے۔ جس کا ادراک موجودہ صوبائی حکومت کو بھی ہے۔ حکومت نے سیاحتی مقامات تک سڑکوں کی تعمیر، چیئرلفٹس کی تنصیب اور کیمپنگ پاڈز لگانے کے جو اعلانات کئے ہیں ان پر فوری عمل درآمدضروری ہے تاکہ حکومت جو فصل بو رہی ہے اس کے ثمرات بھی موجودہ حکومت کے دور میں ہی عوام تک پہنچ سکیں۔

ایک چراغ اور بجھا اور بڑھی تاریکی – تلخ و شیریں، نثار احمد

جب بھی علمی حوالے سے ملک گیر یا عالم گیر شہرت یافتہ عالم دین کی دنیا سے رخصتی کی جان گسل خبر پھیل جاتی ہے تو علمی حلقوں اور اصحابِ علم میں “موت العالِم موت العالم” ، “ناقابلِ تلافی نقصان” اور “خلا تادیر پُر نہیں ہو گا” جیسے جملوں کا تذکرہ و تبادلہ رسما ً ہوتا ہے لیکن بعض علمی ہستیاں فی الواقع ایسی ہوتی ہیں جن کے بچھڑنے پر مذکورہ جملے انتہائی گہرے معانی و مفاہیم کے ساتھ دماغ کی اسکرین پر قیامت ڈھاتے ہیں۔

کل علی الصبح عزیز و اقارب کو الوادع کہہ کر سفر آخرت پر روانہ ہونے والے مفتی فیض الرحمن عثمانی بھی انہی جلیل القدر علماء کرام میں سے تھے جن کی وفات سے پیدا ہونے والا علمی خلا تادیر پر نہیں ہو سکے گا۔ کل جیسے ہی مولانا صاحب کے وفات کی خبر موبائل پر سنی بخدا دل و دماغ کو سخت قسم کی یاسیت نے جکڑ لیا۔ ایسا لگا کہ کاش مولانا صاحب کو چند سال اور ملتے تو مولانا صاحب اپنے مزید منصوبوں کی تکمیل کرتے۔ بہرحال تقدیر کے آگے پہلے کس کی چلی ہے؟ جو اب چلتی۔

ا گرچہ مفتی فیض الرحمن عثمانی رحمہ اللّٰہ مذہبیات پر دقیق نظر رکھنے والے ایک مایا ناز عالم دین تھے اور ان گنت کمالات سے متصف ایک عظیم انسان بھی۔ لیکن ان کی اصل وجہ ِ شہرت ان کا قائم کردہ مدرسہ “ادارہ علوم اسلامی” بنا۔ اس مدرسے کو باقی روایتی دینی مدارس سے الگ تعارف و شناخت اور منفرد اہمیت اس لیے حاصل رہی کہ اس میں ایک ہی چھت تلے مکمل درس نظامی بھی پڑھایا جاتا ہے اور بی اے تک باقاعدہ طریقے سے سکول و کالج کی تعلیم بھی دی جاتی ہے۔ یوں یہ عدیم النظیر علمی ادارہ گزشتہ دو ڈھائی عشروں سے معاشرے کی ضرورت کے مطابق افراد سازی کے عالی مشن پر عمل پیرا ہے۔

یہ مولانا فیض عثمانی رح کا حددرجہ اخلاص اور اپنے مشن کے ساتھ کمال کی وابستگی تھی کہ آپ دینی و عصری علوم کے حسین امتزاج کے ساتھ اس وقت میدانِ عمل میں اترے جب ہمارے روایتی مدارس میں عصری علوم کا نام لینا بھی گناہ سمجھا جاتا تھا۔ یہ ان دنوں کی بات ہے جب درس نظامی کے ساتھ ضمناً عصری علوم پڑھانے کی خواہش کو “مرعوبیت” ، “سازش” اور گمراہی جیسے الفاظ کے طعنے سننے اور سہنے کو ملتے تھے۔ باقی مدارس کو چھوڑیے، کافی جدید اور وسیع الفکر سمجھے جانے والے دارالعلوم کراچی کورنگی جیسے عظیم ادارے میں بھی ہم ظہر کے وقت پرچے کا گتا سفید رومال میں لپیٹے چھپکے سے کھسک جاتے تھے انٹر کے پیپرز میں شریک ہونے کے لیے۔ کہ مبادا کس کو پتہ چلے اور ہماری سرزنش ہو۔ بعد ازاں انہی دنوں دارالعلوم کراچی میں اس مسئلے کا حل یہ نکالا گیا جو طالب علم گزشتہ درجے میں ستر فی صد نمبروں کے ساتھ کامیاب ہوا ہو گا اسے امتحان دینے کی اجازت بھی ملے گی اور پرچوں کے لیے چھٹی بھی۔ یوں دارلعلوم میں امتحان دینے کے لیے اجازت ملنے کا محمود سلسلہ شروع ہوا۔باقی مدارس میں تب صورت حال انتہائی پتلی تھی اب اللہ جانے۔

یہ مولانا رح کا پہاڑ جیسا عزم اور چٹان جیسا ارادہ ہی تھا کہ اپنے خوابوں کی تعبیر کے لیے آپ نے اسلام آباد میں ایسے ادارے کی داغ بیل ڈالی جس میں قدیم و جدید علوم کو کسی نہ کسی حد تک یکجا کرنے کی کوشش کی۔ اس نئی سمت میں علمی سفر کا آغاز کرنے کے بعد آپ کے قائم کردہ ادارے نے پے در پے علمی فتوحات کے ایسے جھنڈے گاڑے کہ مخالفت کرنے والے بھی ان کی کامیابیوں پر رشک کرنے لگے۔ ورنہ ناقدین کی طرف سے عام طور پر ایسی صورت حال میں ایک رٹی رٹائی جملے کی جگالی ہوتی تھی کہ دو کشتیوں پر پاؤں رکھنے والا ادھر کا رہتا ہے نہ ادھر کا۔

ادارہ علومِ اسلامی میں جہاں ایک طرف پورا درس نظامی پڑھایا جاتا ہے وہاں دوسری طرف بی اے تک کی عصری تعلیم بھی باقاعدہ دی جاتی ہے درس نظامی کے امتحانات وفاق المدارس العربیہ، جبکہ میٹرک اور ایف اے کے امتحانات فیڈرل بورڈ لیتا ہے۔ بی اے کے لیے ادارے کا انسلاک پنجاب یونیورسٹی سے ہے۔

بورڈ میں پیپر دینے والے یہ طلبا دوسرے سکول و کالج والوں سے ہر گز پیچھے نہیں ہیں۔ بلکہ فیڈرل بورڈ کے میٹرک اور انٹرمیڈیٹ کے امتحانات میں زیادہ تر پوزیشنز ادارہ علومِ اسلامی کے طلبا کی آتی ہیں۔ ایک دفعہ ایسا بھی ہوا کہ شروع کی پندرہ پوزیشن اسی ادارے کے طلبا کے حصے میں آئیں۔ یقیناً یہ ناقابلِ فراموش ریکارڈ اور قابلِ ستائش کارنامہ ہے۔ اسی طرح علمی رسوخ اور تعلیمی قابلیت میں بھی ادارہ علومِ اسلامی کے طالب علم دیگر روایتی مدارس کے طالب علموں سے اگر اگے نہیں ہیں، تو پیچھے بھی نہیں ہیں۔
مجھے مولانا رح سے عقیدت کی حد محبت تھی یہ محبت اس لیے بھی تھی مولانا ایک زمانہ ساز انسان تھے۔

آپ پہلے سے تراشیدہ لکیروں پر چلنے کی بجائے خود سے لکیریں تراشنے پر یقین رکھتے تھے۔ ایسے زمانہ ساز شخصیات کے ساتھ سب سے بڑا ظلم یہ ہوتا ہے کہ خود زمانہ ان کی قدر نہیں کرتا۔ ایسے نابغوں کو روایتی علمی حلقوں میں وہ مقام نہیں دیا جاتا جس کے یہ مستحق ہوتے ہیں ان کے کاموں کی حوصلہ افزائی کی بجائے حوصلہ شکنی کی جاتی ہے۔ ان کے ویژن کا تمسخر کیا جاتا ہے اگر چہ بعد ازاں پلوں کے نیچے سے بہت سارا پانی بہنے کے بعد لوگوں کو بہت کچھ سمجھ بھی آتا ہے۔ ان سے عقیدت کی ایک وجہ یہ بھی تھی کہ یہ ان مہتممن میں سے تھے جو اپنی جیب سے مدرسے میں لگاتے ہیں۔ اللہ تعالیٰ ان کے درجات بلند فرمائے۔

کیا ہی اچھا ہوتا جب کوئی سال ڈیڑھ سال پہلے مولانا رح اپنے سمدھی مولانا خلیق الزمان صاحب کے ہاں تشریف لائے تھے تو ان سے تفصیلی ملاقات ہو جاتی۔ ہماری حرمان نصیبی ہی سمجھئے کہ حاضر ِ خدمت نہیں ہو سکے۔
ہزاروں خواہشیں ایسی کہ ہر خواہش پہ دم نکلے۔

نت نئی تبدیلیوں کے تجارب – قادر خان یوسف زئی

پاکستان تحریک انصاف کی حکومت کے تین برس مکمل ہونے پر ایک بار پھر بڑی شدومد کے ساتھ سوال  اٹھائے جانے لگے ہیں کہ کیا عمران خان اپنے وعدوں پر عمل درآمد کرچکے یا پیش رفت جاری ہے۔ حکومتی معاشی اعداد و شمار گواہی دے رہے ہیں کہ عوام کو بدترین مہنگائی اور غیر یقینی صورت حال نے جکڑ رکھا ہے، اس کی کئی وجوہ ہوسکتی ہیں جن میں حزب اختلاف کی جماعتوں کے احتساب پر مکمل توجہ مرکوز رکھنا اور قرضے واپس کرنے کے لئے مزید قرض لینا، خاص طور پرآئی ایم ایف کی کڑی شرائظ نے عوام کے کس بل نکال دیئے ہیں، سرکاری ملازمین کے علاوہ نجی شعبے سے تعلق رکھنے والوں کی ذرائع آمدنی منجمد ہے، مہنگائی کے مقابلے میں کوئی اضافی امداد نہ  ملنے کے سبب سفید پوش طبقے کو بدترین مشکلات کا سامنا ہے۔ پی ٹی آئی بادی ئ النظر عوام سے کئے جانے والے وعدے پورے کرنے کی”کوشش“ کررہی ہے اور اس کی وجہ وہ حزب اختلاف کی اُن جماعتوں کو قرار دیتے ہیں جن کی مبینہ کرپشن یا غلط معاشی حکمت عملی نے انہیں مشکلات اور مملکت کو دیوالیہ ہونے کی دہلیز تک پہنچایا۔

درحقیقت عوام کو اس امر سے کبھی سروکار نہیں رہا کہ ان کی معاشی بدحالی اور مسلسل بڑھتی مہنگائی کا اصل ذمے دار کون ہے، یہ ایک ایسے سیاسی بلوغت کی کمی کی جانب اشارہ ہے، جسے سمجھنے کے لئے کسی گنجلگ حساب کتاب کی ضرورت نہیں، کوئی  دورائے  نہیں کہ ہر نئی حکومت میں عوام کو پچھلی حکومت کے مقابلے میں مہنگائی اور کم آمدنی ورثے میں ملی، بعض سیاسی پنڈتوں کا ماننا ہے کہ عمران خان اس وقت سیاسی خاندانوں میں واحد  مقبول سیاسی شخصیت ہیں، جنہیں کک بیک، اور سیاسی خاندانی جانشین کی ضرورت نہیں، یہ بھی کہا جاتا ہے کہ انہیں ایسے مشیر بھی میسر نہیں آئے جو تخلیقی صلاحیتوں کی مالک ہوتے، گھوم پھیر کر اُن کے قرب و جوار میں انہی سیاسی جماعتوں کے الیکٹیبلز ہیں جو اقتدار میں آنے والی ہر سیاسی جماعت میں شامل ہوجاتے ہیں، اس لئے ان کی سوچ کا محور محدوداور کارکردگی فطری طور پر مورثیہے۔ اس حوالے سے وزیراعظم کا یہ کہنا بھی صائب نظر آنے لگاہے کہ فرشتے کہاں سے لاؤں، اگر کہا جائے توان تین برسوں میں زیادہ وقت انہیں اندرون خانہ ایسے مسائل کا سامنا  رہا جو حز ب اختلاف سے زیادہ پریشان کن ہیں۔

کئی معاملات اور اہم امور پر پی ٹی آئی کو اپنے بنیادی نظریئے سے پیچھے ہٹنا پڑا، اسے ہم زرداری کی اصطلاح میں مفاہمت کی سیاست بھی کہہ سکتے ہیں، عمران خان نے تین برسوں میں اپنے اتحادیوں کو راضی کرنے کے لئے مفاہمت کی سیاست کی اور ماضی کی ان روایات کو توڑنے میں ناکام نظر آئے کہ انہیں کسی کنگ میکر کے بغیر قانون سازی کا موقع ملے،  اس وقت لکیر پیٹنے کا کوئی فائدہ نہیں کیونکہ خطے میں تیزی سے ہونے والی تبدیلیوں نے ناگزیر کردیا ہے کہ مملکت میں عدم سیاسی استحکام نہ ہو، حزب اختلاف اپنے جلسے جلوس اور احتجاجی مظاہروں کی جو بھی منصوبہ بندی کررہی ہو لیکن ایک ایسے وقت میں کہ پڑوس میں آگ لگی ہو اور اُس سے اپنے گھر کے چولہے جلانے کی کوشش کی جائے تو یہ شائد ایسے اچھے لفظوں میں تاریخ میں جگہ نہ ملے۔عمران خان کے دور حکومت کے تین برس ان کے لئے کبھی آسان ثابت قرار نہیں دیے جاسکتے، ’غیبی امداد‘ نے ان کی بُر ے وقتوں میں بھرپور ساتھ دیا اور ناممکن کو ممکن بنایا ، اس لئے انہیں غیبی امداد پر شکر بجا لانا چاہیے اور خاطر جمع رکھیں کہ وہ اپنے اقتدار کی مدت(شائد) پوری کرلیں گے۔

کہنے والے تو یہ بھی کہہ رہے ہیں کہ عمران خان کو بطور وزیراعظم بنانے کا تجربہ کامیاب نہیں رہا اور متبادل کے طور پر تین ایسی شخصیات ہیں جن پر غور کیا جارہا ہے کہ مستقبل میں مملکت کی بھاگ دوڑ ان میں سے کسی ایک شخصیت کے حوالے کی جاسکتی ہے۔ اس وقت مقتدور حلقوں میں چہ مگوئیاں ہیں کہ عمران خان کی خواہشات و مراعات محدود ہیں انہیں دولت کے انبار لگانے کا خبط نہیں ور یہی وہ واحد نکتہ ہے جس کی وجہ سے ان کی کرسی کو بار بار بچایا جاتا ہے، جب کہ ان کے مقابلے میں سیاسی خاندانوں کے پُرتعیش معمولات زندگی اور سیاسی جوڑ توڑ میں فروعی مفادات کی وجہ سے کوئی بھی قابل قبول  نہیں۔ اگر دیکھا جائے تو تمام تر تحفظات کے باوجود وزیراعظم نے ماضی کے حکمرانوں کے مقابلے میں غیبی امداد زیادہ حاصل کیں، لیکن بدقسمتی سے بیشتر نا اہل نادان دوستوں کی وجہ سے ان کے تین برس عوام کے لئے آئیڈیل نہیں بن سکے، انہیں مثالی قرار نہیں دیا جاسکتا کیونکہ جو بھی اقدامات کئے گئے اس سے مرض بڑھتا رہا اور دوا نے کوئی کام نہیں کیا۔

موجودہ حکومت کے دورِ اقتدار سے عوام مطمئن نہیں، اگر حزب اختلاف کے قائدین کے خلاف کرپشن کے مقدمات بھی ثابت ہوجاتے تو کم ازکم اطمینان ضرور ہوتا کہ چلو، قوم کو مبینہ کرپٹ حکمرانوں سے نجات ملی، لیکن احتسابی اداروں کی جانب سے تین برس بعد کسی بھی سیاسی جماعت کے قائد کے خلاف کرپشن، منی لانڈرنگ ثابت نہ ہونا اور انصاف کا عمل سست روئی سے جاری ہے، اپوزیشن جماعتوں کے کئی رہنما کڑے احتسابی عمل سے گزرے اور بعض اب بھی  پابند سلال ہیں، زیادہ تر ضمانتیں حاصل کرچکے ، شنید ہے کہ نئے ریفرنس بھی دائر ہونے والے ہیں، لیکن اس کے وہ نتائج سامنے کیوں نہیں آرہے جس کا اعلان وزیراعظم بار بار اپنے جلسے جلوس، ملکی و غیر ملکی ذرائع ابلاغ کو دیئے گئے انٹرویو میں کرتے رہے۔ یقیناََ کچھ تو ایسا ہے جس کی پردہ داری ہو رہی ہے لیکن اس عمل میں کس کا دخل زیادہ ہے، اس پر کوئی رائے دینا بھوسے کو شعلہ دکھانے کے مترداف ہوگا۔ پی ٹی آئی اگلے دو برس روایتی طور پر الیکشن کی تیاریوں کے لئے قومی وسائل کو استعمال کرے گی،  یہ حیران کن نہیں کیونکہ ہر  دوسیاسی جماعت اپنے دور حکومت میں ایسا ہی کرتی رہی ہے، یہ بھی کوئی نئی بات نہیں ہوگی لیکن نیا آخر ہے کیا، اس پر عوام کو خودسوچنا ہوگا کہ وہ کب تک نت نئی تبدیلیوں کے تجارب کا حصہ بنتے رہیں گے۔ کسی بھی سیاسی جماعت کے اقتدار کی مدت کو لے کر جائزہ لینا آسان ہے، تعریف اور تنقید بھی مشکل نہیں، لیکن حقیقی تبدیلی وہی ہوگی جو عوام کو نظر آئے گی، تین سال ہوں یا تیس برس، دیکھتے رہے ہیں کہ کبھی عوام کے حق میں بہتر نہیں ہوا اور دیکھتے ہیں کب سب ٹھیک ہوگا۔ 

داد بیداد ۔ افغا نستان کا اونٹ ۔ ڈاکٹر عنا یت اللہ فیضی

پوری دنیا کے ہزاروں ریڈیو اور ٹیلی وژن چینل، لا کھوں اخبارات اور کروڑوں سو شل میڈیا اکا ونٹس پر یہ سوال زیر گر دش ہے کہ افغا نستا ن کا اونٹ اب کس کروٹ بیٹھے گا؟ 15اگست سے اب تک صورت حا ل غیر یقینی اور غیر واضح ہے اما رت اسلا می افغا نستا ن کے پر چم پورے ملک پر چھا یے ہوئے ہیں اما رت اسلا می کے رہبروں نے قصر صدارت کا کنٹرول سنبھا ل لیا ہے تا ہم یہ بات اب تک افوا ہوں کی زد میں ہے کہ مستقبل کا افغا نستا ن کیسا ہو گا؟ اور حکمران کو ن ہو گا؟ اس ابہام کی دو بڑی و جو ہا ت ہیں پہلی وجہ یہ ہے کہ افغا نستا ن کے پا س سمندر نہیں بند رگا ہ نہیں اس کی آمدن کا مستقل ذریعہ نہیں اپنے محل وقوع کی وجہ سے بیرونی دنیا پر انحصار کر تا آیا ہے اور اور بیرو نی دنیا اس کی محتا جی کا نا جا ئز فائدہ اُٹھا تی آئی ہے.

اس وجہ سے بیرو نی دنیا افغا نستا ن میں افغا نوں کی مر ضی سے زیا دہ اپنی مر ضی اور خو اہش کی حکومت دیکھنا چا ہتی ہے دوسری وجہ یہ ہے کہ افغا نستا ن کے اندر قبیلوں، قو موں کی تقسیم ان کے اتفاق اور اتحا دکی راہ میں رکا وٹ ہے یہاں سو ئٹزر لینڈ والا ما حول گذشتہ ڈھا ئی سو سا لوں کی تاریخ میں پیدا نہیں ہوا جہاں مختلف نسلوں، مختلف قوموں اور قبیلوں کے لو گ ایک دوسرے کو برداشت کر کے مل جل کر زندگی گذار نے کا طریقہ اپنا ئیں تین زبا نوں کو قومی زبان بنائیں جر من اور سو ئس مل کر ایک قوم ہو نے کا تا ثر دے سکیں.

افغا نستا ن میں تا جک اور افغا ن کبھی ایک نہیں ہو ئے ازبک اور افغا ن کبھی یکجا نہیں ہوئے ان میں کینہ، بعض، عداوت اور دشمنی جس طرح 1757ء میں گہری تھی 2021میں بھی اُسی طرح گہری ہے 1978ء کے انقلا ب ثور کے بعد قومی وحدت کی راہ میں ترقی پسند اور قدامت پسند کی نئی دیوار بھی حا ئل ہو گئی ہے چنا نچہ ایک اور خلیج آکر بیچ میں حا ئل ہو ئی اس خلیج کو پا ٹنے کی کوئی صورت نظر نہیں آتی اس پس منظر میں مو جو دہ صورت حال کو دیکھیں تو ایسا نظر آتا ہے کہ مسئلے کی کنجی اگر کسی فریق کے پاس ہے تو وہ امارت اسلا می کی قیا دت ہے کسی اور کے پا س مسئلے کی کنجی نہیں اورنہ یہ کنجی کسی اور کے ہاتھ آسکتی ہے.

15اگست کو یہ بات عجیب لگتی تھی کہ بیرونی مما لک سے اما رت اسلا می کی قیا دت کو مشورے کیوں دیئے جا رہے ہیں؟ امریکہ، بر طا نیہ اور جر منی کی طرف سے کیوں کہا جا رہا ہے کہ ہزارہ، تا جک، ازبک اور ترقی پسند گروپوں کو ساتھ ملا کر قو می اتفاق رائے سے مشتر کہ حکومت بنا ؤ، مخلوط کا بینہ بنا ؤ ہفتہ، عشرہ گذر نے کے بعد عا لمی خبروں کے ساتھ دلچسپی رکھنے والے سب لو گ اس بات کے قائل ہو گئے ہیں کہ امارت اسلا می کو حکومت چلا نے کے لئے بیرونی امداد کی ضرورت ہے اور بیرونی امداد حا صل کر نے کے لئے سب کو ساتھ لیکر چلنے کی ضرورت سے انکا ر ممکن نہیں.

بظاہر کہا جا رہا ہے کہ انسا نی حقوق کی ضما نت دی جا ئے عورتوں کو کام پر جا نے کی اجا زت ہو نی چا ہئیے لڑ کیوں کو سکولوں، کا لجوں اور یو نیور سٹیوں میں جا نے کی اجا زت ہو نی چا ہئیے لیکن ہا تھی کے دانت کھا نے کے اور دکھا نے کے اور ہو تے ہیں مغر بی طا قتوں کو اصل خطرہ یہ ہے کہ 1996کی طرح پوست کی کا شت پر پا بند ی نہ لگے، مو ل جیسی مغر بی کمپنیوں کے کاروبار کو محدود نہ کیا جا ئے، ہیرو ئین کی پیداوار اور اس کی تجا رت پر پا بندی نہ لگا ئی جا ئے.

پرو پیگینڈ ے کے ذریعے باور کرا یا جا رہا ہے کہ مغربی مما لک پوست کی فصل اور ہیرو ئین کی تجا رت کے خلا ف صف اراء ہیں حقیقت اس کے بر عکس ہے 2001ء میں ورلڈ ٹریڈ سینٹر کا بہا نہ تراشا گیا دراصل پوست کی فصل اور ہیرو ئین کی تجا رت کے ساتھ مول جیسی کمپنیوں کو افغا نستا ن کی چرا ہ گاہ میں کھلا چھوڑ کر دولت بٹور نا مقصد تھا 20سالوں میں اگر مغربی مما لک نے افغا نستا ن میں ایک ٹریلین ڈالر خر چ کیا تو اس کے بد لے میں 3ٹریلین ڈالر کما کر لے گئے مگر یہ بات کوئی نہیں کرے گا ”قلم درکف دشمن است“یہی وجہ سے کہ افغا ن سے ان کا اونٹ کسی کروٹ نہیں بیٹھتا

ملکی ترقی میں زرعی معیشت کا کردار – پروفیسرعبدالشکورشاہ

زراعت فصلیں اگانے اور غلہ بانی کو ترقی دینے کا فن ہے۔ ترقی یافتہ اور رترقی پذیر دونوں ممالک کے لیے زراعت کی اہمیت بہت اہم ہے۔پاکستان جیسے ترقی پذیر ملک میں ترقی کے لیے زراعت کو ریڑھ کی ہڈی کی حیثیت حاصل ہے۔ 40کی دہائی میں زراعت ملک کی جی ڈی پی کا 53% تھی جبکہ 65%سے زیادہ مزدور زراعت کے شعبہ سے وابستہ تھے۔ گزشتہ 7عشروں کی سیاسی، سماجی، موسمیاتی اور ماحولیاتی تبدیلیوں نے ان اعداد و شمار کو یکسر بدل کر رکھ دیا ہے۔ زراعت ترقی کے بجائے تنزلی کی راہ پر گامزن ہے۔ موجودہ دور میں ملکی جی ڈی پی میں زراعت کا حصہ محض22.4%ہے جبکہ زراعت سے وابستہ بر سر روزگار افراد کی تعداد 65%سے کم ہو کر صرف 35.9%رہ گئی ہے۔

ملک کی تقریبا63.09%آبادی دیہاتوں میں مقیم ہے۔ 60%سے زیادہ آبادی بالواسطہ یا بلاواسطہ طور پر زراعت کے شعبے سے منسلک ہے۔ زراعت متعلقہ شعبہ کی صنعتوں کے لیے مختلف اشیاء کی ترسیل اور خرید و فروخت کو کا زریعہ بھی ہے۔ یہ بات انتہائی قابل افسوس ہے کہ ہم 796,09کلومیٹر رقبے میں سے زراعت کے لیے محض21.1ملین علاقہ ہی زیر استعمال لانے میں کامیاب ہوئے ہیں۔ یہی وجہ ہے تقریبا ملک کی ایک تہائی آبادی غربت کی لکیر سے نیچے زندگی گزارنے پر مجبور ہے۔ ہماری 49%آبادی کو خوراک کی قلت کا سامنا ہے یا وہ غیر معیاری خوراک استعمال کر تے ہیں۔

ایک تخمینے کے مطابق 2050تک پاکستان میں گندم کی پیداوار میں 50%کمی واقع ہونے کا خدشہ ہے۔ موسمیاتی تبدیلیوں کی وجہ سے ہماری آم کی پیداوار پہلے ہی سے شدید متاثر ہو چکی ہے۔ ان تمام پریشانیوں اور خطرات کے باوجود، ہم دنیا میں سب سے زیادہ بڑی فصلیں کاشت کرنے والے ممالک کی فہرست میں شامل ہیں۔ملکی زراعت میں 35%، لائیو سٹاک، 61%،ماہی گیری،2.06%اور جنگلات کا2.13% حصہ زراعت میں شامل ہے۔سال 2015-16-19کے دوران زراعت کا شعبہ پیداواری لحاظ سے زوال کا شکار رہا۔ جنگلات سے آمدن میں سال 2015کے دوران بہت کمی ہوئی 2017میں یہ کمی2.33%تک پہنچ گئی۔ گندم دنیا بھر میں سب سے زیادہ استعمال ہونے والی فصل ہے۔ سال 2020 میں گندم کے زریعے زراعت میں 8.7%جبکہ قومی جی ڈی پی میں اس کا تناسب1.7%رہا۔

سال 2019-20میں کرونا کے باوجود پاکستان نے24.9ملین ٹن گندم پیدا کی اور گندم کے پیداواری علاقے میں 1.7%اضافہ ہوا۔ گندم کے بعد چاول کھانے، بیرون ممالک بھیجنے اور نقد فروخت کے لحاظ سے دوسری اہم فصل ہے۔ چاول کے زریعے زراعت میں 3.1%جبکہ قومی جی ڈی پی میں اس کے حصے کا تناسب0.6%رہا۔ سال 2020میں پاکستان نے 7.4ملین ٹن چاول کاشت کیے اور اس کے پیداواری کاشت کے علاقے میں 8%کا اضافہ ہوا۔ کپاس کو ملکی معیشت میں ریڑھ کی ہڈی سمجھا جاتا ہے۔زراعت میں اس کا حصہ4.1% جبکہ قومی جی ڈی پی میں اس کا تناسب0.8%رہا۔ سال 2019-20میں پاکستا ن نے 2018-19کے مقابلے میں 9.1ملین کاٹن کی گانٹھیں فروخت کی جبکہ کپاس کی 7پیداوار میں تقریبا7%کی کمی واقع ہوئی۔

کپاس کے پیداواری علاقے میں 6.5%اضافہ ہوا جبکہ 2019-20میں مجموعی طور پر کپاس کی فصل زوال کا شکار رہی۔گنا بھی گنے سے متعلقہ صنعتوں میں انتہائی اہمیت کا حامل ہے۔ چند ماہ قبل شوگر مافیاکا پورے ملک میں راج تھا اور گنے کی پیداوار اور دیگر لاز می عوامل پر عدم توجہ کی وجہ سے اس بحرانی اور ہیجانی کیفیت نے جنم لیا۔زراعت میں گنے کی پیداوار کا حصہ2.9%ہے جبکہ ملکی جی ڈی پی میں اس کے حصے کا تناسب0.06%ہے۔سال 2019-20کے دوران گنے کی کاشت اور پیداوار زوال کا شکار رہی اور اور اس کے پیداواری علاقے میں اضافے کے بجائے5.6%کمی واقع ہوئی۔ بدانتظامی اور ناقص حکومتی پالیسیوں کی وجہ سے چینی کے بحران نے جنم لیا۔ مکئی بھی بہت اہم فصل ہے۔ زراعت میں اس کا حصہ2.9%جبکہ قومی جی ڈی پی میں اس کے حصے کا تناسب0.06%ہے۔ سال 2019-20میں اس کے پیداواری علاقے میں 2.9%اضافہ ہوا اور اس کی پیداوار میں بھی 7%اضافہ دیکھنے کو ملا۔ مکئی کی پیداوار میں اضافے کا سببب پیداواری علاقے میں اضافہ اور بہتر بیجوں کا استعمال ہے۔

چنے، باجرہ اور تمباکو کی پیداوار میں سال 2019-20کے دوران بلترتیب21.9%,9.7%اور 5.8%اضافہ ہوا جبکہ جوار کی پیداوار میں 19.5%کمی واقع ہوئی۔ دالوں کی کاشت اور پیداوار میں 12.6%اضافہ دیکھنے کو ملا دال ماش کی پیداور میں 5.8%کمی ہوئی جبکہ مسور کی دال کی پیداوار مستحکم رہی۔ بہتر موسم کی وجہ سے مرچ کی پیداوار میں 34.6%اضافہ ہو اجبکہ آلو اور ٹماٹر کی پیداوار میں سال 2019-20کے دوران1% اور 5.3%کمی واقع ہوئی جس کے سبب عوام کو ٹماٹر بحران کا سامنا کرنا پڑا۔ بیجوں سے نکالے جانے والے تیل کی پیداوار صرف 0.5ملین ٹن رہی۔ 8ملین سے زیادہ خاندان لائیو سٹاک کے شعبے سے بلواسطہ یا بلا واسطہ طور پرمنسلک ہیں اور یہ ان کی35-40%تک آمدن کا زریعہ بھی ہے۔ملکی درآمدات میں لائیو سٹاک کو حصہ3.1%ہے۔زراعت کا 960.6%حصہ لائیوسٹاک پر انحصار کر تا ہے اور ملکی جی ڈی پی میں اس کا تناسب11.7%ہے۔

عالمی سطح پرپاکستان دودھ پیدا کر نے والا چوتھا بڑا ملک ہے۔ سال 2019-20کے دوران ہم نے61.6ملین ٹن دودھ اور4.7ملین ٹن گوشت پیدا کیا۔ پولٹری بھی لائیوسٹاک کا ایک ذیلی شعبہ ہے حال ہی میں اس میں سرمایہ کاری میں خاطر خواہ اضافہ دیکھنے کو ملا ہے اور اس شعبہ میں سرمایہ کاری کا حجم700ملین روپے تک پہنچ چکا ہے جبکہ دوسری جانب یہ شعبہ1.5%ملین لوگوں کے لیے روزگار کا زریعہ بھی ہے۔ یہ شعبہ ملک میں گوشت کی مانگ کے توازن کو برقرار رکھنے میں بہت اہم ہے کیونکہ گوشت کی ملکی مانگ کا35%حصہ پولڑی کا شعبہ پورا کر تا ہے۔ سال 2019-20کے دوران اس شعبے میں 9.1%اضافہ ہوا۔ ماہی گیری بھی ساحلی علاقوں میں رہنے والوں کے لیے روزگار کا زریعہ ہے۔ ملکی جی ڈی پی میں اس کاتناسب 0.4%ہے۔ سال 20019-20میں پاکستان نے تقریبا کل 701762میڑک ٹن مچھلی درآمد کی اس کے علاوہ ہم نے49528ملین روپے کی مچھلی اور مچھلی سے متعلق دیگر پیداوار فروخت کیں۔

مجموعی طور پر اس شعبے میں اضافہ دیکھنے کو ملا۔ مچھلی کی مجموعی برآمدات کا حجم 2.7%رہا۔ جنگلات کا زراعت میں کلیدی کردارہے مگر بدقسمتی سے ہمارے ملک میں کل رقبے کاصرف5.01%جنگلات پر مشتمل ہے۔ ملک میں کل 4.51ملین ہیکڑ جنگلات ہیں جن میں سے 3.44ملین جنگلات سرکاری اراضی پر جبکہ باقی پرائیویٹ اراضی پر مشتمل ہیں۔ یوں جنگلا ت کا حصہ محض2.1%ہے جسکی وجہ سے ملکی زراعت پر شدید منفی اثرات مرتب ہو رہے ہیں۔ ہمیں اپنے عدسے زرعی معیشت کی طرف موڑنے کی اشد ضرورت ہے بلخصوص آزادکشمیر اور گلگت بلتستان میں اس شعبے میں روشن مستقبل کے وسیع ترین مواقع موجود ہیں۔ ان علاقوں پر توجہ دینے سے نہ صرف ملکی معیشت میں اضافہ ہو گا بلکہ ان علاقوں کی پس ماندہ عوام بھی تیزی سے ترقی کر ے گی۔مزید سستی اور عدم توجہی کی وجہ سے صورتحال مزید گھمبیر ہو جائے گی۔

پس وپیش – یہ ہوتا رہا تو تھوڑی اور چلے گی – اے۔ایم۔خان

سوشل میڈیا نے ہمیں ڈیجیٹل دُنیا میں لے آئی۔ اب چترال میں چند الفاظ یا مرکب  جو برائے نام اعزاز و القاب کی صورت میں دئیےاور لئے جاتے ہیں اُودھم مچا دی ہیں ۔ چترال میں ایک دوسرے کو،  خود کو ، اپنے خاندان کے کسی فرد کو  ایک ٹائٹل کا حقدار بنا نا یہ ایک میڈیا گیم بن چُکی ہے ۔ جب  ایک صفحے میں یہ پوسٹ ہوگئی تو  اسے زیادہ سے زیادہ پسند کی جائے، شئیر اور اکنالج بھی کی جائے۔ اس عمل میں سوشل میڈیا میں لوگوں کے گروپس بھی بنے ہیں اور وہ ایک دوسرے کیلئے یہ کام کرتے ہیں۔[گوکہ شیئرنگ میں مارکیٹنگ کی چیز اور ایک کاز کو آگے لے جانے میں بھی فرق ہے]

 درحقیقت  یہ ایک احساس [[… ہے  اور مصنوعی بناوٹ کی ایک بڑھتی معاشرتی رجحان ہے جو سوشل امیج سے ڈیجیٹل امیج میں ٹرانزشن کی وجہ سے سیلف  پروفائلنگ اور مارکیٹنگ کو دیکھ کر ہور ہی ہے۔ ہمارے ہاں اسکی نوعیت سماجی ہے اور دوسرے لوگوں کیلئے یہ ایک پیشہ ورانہ کام ہے ۔ ترقی یافتہ ممالک میں ڈیجیٹل امیج کو دیکھ کر اور اس بناء پر کمپنیز ملازم ہائر کرتے ہیں۔

گزشہ دو سال سے سوشل میڈیا میں ایک ٹر ینڈ شروع ہوئی جسمیں لوگ فیسبک پروفائل فوٹو اپڈ یٹ کرنا شروع کئے جو نہایت  نمایان ہوتے تھے۔ ایک صارف ،سجاد حسین،  نے سوشل میڈیا میں اس تناظر میں  ایک پوسٹ میں  لکھا ، چلو اب ہم اوریجنل فوٹو لگانے کا چیلنج شروع کر دیتے ہیں۔ اسکا مطلب یہ تھا کہ ہمارا اصل فوٹو کسطرح ہے اُس سےجسے ہم فیسبک میں لگاتے ہیں۔ دوسرے تناظر میں اسے دیکھا جائے تو چترال سے  سوشل میڈیا صارفین کا یہ میڈیا پروفائلنگ کی روایت چلنے کی علامت تھی اور اُس کی نوعیت سماجی پروفائلنگ تھی اور اب بھی وہی ہے۔  

 ایک زمانے میں اعزازو القاب اور نام ریاست کی طرف سے دی جاتی تھیں۔  ہندوستان میں لوگوں کو ٹائٹل دئیے جاتے تھے ، پھر فرنگی راج کے دوران رائے بہادر کی لقب ، سر کے علاوہ اور  دوسرے اعزاز دئیے جانے لگے۔  اور آزادی کے بعد  پاکستان میں مختلف مواقع پر لوگوں کو ایوارڈز سے نوازا جاتا ہے ۔ اب یہ ایوارڈز کام اور  کارکردگی کے علاوہ سیاسی  بھی ہوتے ہیں  یہاں زیر بحث نہیں ۔

اب چترال میں چند الفاظ ایسے ہیں جو بہت زیادہ استعمال ہوتے ہیں اور وہ کیوں ہوتے ہیں یہ ایک الگ سوال ہے  اور یہ کسطرح ہوتے آرہےہیں ایک تاریخی بحث ہے جو کافی گہری ہے جس پر تاریخی اور تنقیدی بحث کی ضرورت اب محسوس ہور ہی ہے۔  

ہمارے یہاں اب موضوع بحث وہ فریم ورک ہونی چاہیے جو اس کالم کا وجہ تسمیہ ہے  جسے بنیاد بناکر لوگوں کو  خطاب یا نام دیا جائے جو اخبار کے رپورٹس اور کالم کے سرخی بن جاتے ہیں۔ سوشل میڈیا میں اس پروجیکٹ کو آگے لے جانے کیلئے جو کام ہوا اور ہو رہا ہے وہ قابل غور بات اسلئیے ہے  کہ فلان کو کس نے یہ اختیار دی ہے کہ وہ زید اور بکر کو  ایسے القابات سے نوازے ۔ اور سب سے پہلے وہ فریم ورک جسے بنیاد بناکر ایک ٹائٹل دی جائے اسے واضح کیا جائے تاکہ اسکی ایک ٹھوس بنیاد سمجھ میں آجائے۔میرے خیال میں لوگوں کے کام ، کارکردگی اور کنٹربیوشن کو اکنالج کرنا ضروری ہے  جو وہ معاشرےمیں اور کیلئے کرتے آرہے ہیں لیکن وہ اگر پیشہ ورانہ طریقے اور ایک فریم ورک میں ہو تو اس کی اہمیت بھی  ہوجائے گی۔ یہ درست ہے کہ کسی کام، کارکردگی اور کنٹربیوشن کو ماپنا بھی ایک پیچیدہ اور سائنسی عمل ہے۔ جو لوگ اس پروجیکٹ میں کام کر رہے تھے انہیں اس پر غور کرنا ہوگا گوکہ اب اُن کیلئے کنٹنٹ کی شدید قلت ہورہی ہے۔

چند ہفتے پہلے فیس بک میں ایک صفحےپر  جو ممتاز لوگوں کا بایوگرافی جاری کرتی ہے اُس میں ایک ویڈیو اپلوڈ ہوئی جسمیں دماغی لحاظ سے غیر معمولی حالت میں ایک شخص فائر کرکے ایک شخص کو مار دیتا ہے اور پولیس اہلکار اُس کے ساتھ گتھم گتھا ہو رہے ہیں ۔ گویا اُس پیج میں آنے کا مطلب وہ بھی اُن لوگوں میں شامل ہے جس کے نام کے ساتھ ایک سابقہ لگا دیا جاتا ہے یعنی  وہ بھی ایک امتیازی حیثیت حاصل کرلی جو  ایک بے قصور کو مارنے کے بعد؟  

 سوشل میڈیا نے  ایک کام  کہ ممتاز لوگوں کو عام کر دی۔  جسکا ایک فائدہ یہ ہوا کہ چترال میں ایک بڑی آبادی غیر معمولی کام اور امتیازی کارکردگی کی وجہ سے ممتاز حیثیت کا حامل بن گئے ہیں۔  ہر کوئی اگر نہیں تو ایک سے دوسرے گھر میں  ہوسکتا ہے وہ شخصیت ہے۔  

چترال میں لوگوں کو اغزازی ٹائٹل دینے کا کام انگریزی صفحے سے شروع ہوئی ، اس کی مقبولیت کے بعد اُردو میں بھی یہ کاوش شروع ہوئی اور یہ سفر جاری   ہے اور اب لوگ فیچرڈ رپورٹ پبلش کر رہے ہیں انلائن کیبلز پر۔ لوگوں میں وہ تجسس ، کہ ممتاز بن جائیں کہ اُن کے نام سے پہلے  فخر ، پہلی شخص، بانی، ممتاز اور واحد شخصیت [فرد یا شخص کی قید سے آزاد ہو ] ہیں اُس نے یہ کردی اور وہ ہوگئِ ، یعنی اس ٹائٹل کا حقدار ہے ۔اُس نے یہ کی تھی یا کیا  ہے،  اوراس کام اور کارکردگی کی بنیاد پر اُسے یہ ٹائٹل دینا اسکا حق بنتا ہے ۔یہ عمل سوشل میڈیا کے ایک صفحے کے علاوہ رسمی پروگرامز میں مدعو لوگ بھی کرتے ہیں۔ سوشل میڈیا کے زیر اثر  اب یہ مزید زیادہ ہورہی ہے۔ مثال کے طور پر  رپورٹ لکھنے والا  اُسے ‘بابائے’ کا خطاب لکھ دے تو اپنے لئے ‘ممتاز’  کا ملقب لگا دے تو وزن اور بحر دونوں براب ہوجاتے ہیں۔

یہ بھی ایک بڑی پروجیکٹ ہے جو جاری ہے  کہ اپنی خاندان کی  درخت اس طرح تیار کرلی جائے جسکی بیچ کہان کی ہے،  کتنی نایاب ہے ، کس مبارک زمیں سے ہوکر ایک تناور درخت بنی،  جس کے اتنی شاخیں ہیں اور وہ ایک علاقے سے دوسرے علاقے اور ملک میں پھیلےہوئے ہیں تاکہ لوگوں کو لگے کہ واقعی انسان کا بچہ [آدم زادہ]ہے۔ اور یہ ایک الگ بحث ہے کہ یہ اصطلاح کتنی  انکلوزیو ہے اور کس طرح ایکسکلوزیو  ہوجاتی ہے۔  

چترال سے ایک خاتون،  جو جاپان سے گزشتہ سال یا اس سے پہلے اپنی ڈاکٹریکٹ کی ڈگری مکمل کرکے آئی تھی، ممتاز لوگوں کیلئے مختص فیسبک صفحے پر ایک دفعہ کمنٹ میں لکھ دی ‘کہ یہ لوگوں کو اپنے مرضی سے ٹائٹل دینا کہ اس نے یہ امتیازی کام کرنے پر اس ٹائٹل کا حقدار ہے، یہ ایک غیر سنجیدہ اور نازک کام ہے’ تو یہ ایک ایسی ردعمل تھی جوکہ قابل غور بات تھی۔

چترال ایک چھوٹی بستی ہے جسمیں لوگ سب ایک دوسرے کو جانتے ہیں اور پہچانتے ہیں۔ سوشل میڈیا پروفائلنگ، مارکیٹنگ ، بناوٹ، سجاوٹ  اور شہرت اپنی جگہ لیکن وہ ٹرینڈ جس سے ایک احساس[کمتری اور برتری]، غیر سنجیدگی اور نازک مسائل جنم لیں اور سماجی اور نفسیاتی فاصلے پیدا ہونے کے رجحانات بن جائیں تو معاشرے میں  اُس کی تاثیر غیر صحت مند ہے۔ اور اگر یہ ہوتا بھی رہا تھوڑی اور چلے گی اور آخر میں سوشل حقائق اور ڈیجیٹل پروفائل آپس میں کمپلائنٹ نہ ہوں تو سسٹم کے فنکشن میں فرق آجائے گی تو پھر سسٹم کو دوبارہ سوفٹ وئیر کرنا پڑے گا جس سے ڈیٹا لاز ہونے کا خطرہ بھی ہوسکتا ہے۔   —

میری ڈائری کے اوراق سے – ایک دو جملے میتارباک کی 19 ویں برسی پر – تحریر شمس الحق قمر

بونی کی مشہور شخصیت میتار باک یا آدم زادہ کا اصل نام بلبل تاج تھا(1912 تا 22 اگست 2002) ۔  دادا جی  کی پیدائش کا سال 1912 قیاس کیا جاتا ہے کیوں کہ دادا جی خود فرماتے تھے کہ 1918 میں ہسپانیہ سے پھیلنے والی متعدی وباء 1919 میں جب جنوبی چترال پہنچی تو یہ جملہ زبان زدِ خاص و عام ہوا  ” بریک سنگورا ہائے”  ۔ دادا بتاتے تھے کہ گاؤں میں مرنے کی شرح اتنی بڑھی  کہ تجہیزو تکفین کے لئے انسانوں کا قحط  سا پڑگیا تھا۔  اُدھر گاؤں، محلّہ سب سنسان ہے، ایک  ہو کاسا عالم ہے ،بیماری کے خوف سے سہمے ہوئے لوگ ااپنی باری کے انتظار میں  اپنے اوسان خطاء کئے بیٹھے ہیں اور اِدھر ہٹا کھٹا اور زندگی کے غموں سےیکسر آزاد بچہ ( بعد کا  آدم زادہ اور میتار باک)  بستر مرگ پر زندگی اور موت کی کشمکش میں  پڑے ماں باپ کےلئے پھوشپاک ٹِکی بنارہا ہے (ہنگامی طورپر خوراک کی ضرورت کو پوری کرنے کےلیے گوندھے ہوئے آٹے کی خمیر کو تازہ تازہ اٹھاکر گرما گرم راکھ  کے نیچے رکھ کر اوپر چنگاریاں رکھی جاتی ہیں جسے کھانے سے خوراک کی فوری ضرورت پوری ہو جاتی ہے جسے کھوار میں  “پھوشپاک”  کہتے ہیں )  ۔اپنی عمر کے بارے میں  آپ فرماتے  تھے کہ وباء کے دنوں آپ یہی کوئی سات سال کی عمر  کا نونہال تھے ۔

            داد جی میتار باک کے نام سے مشہور کیوں ہوئے ؟  اس نام  کی وجہ تسمیہ کے بابت گاؤں کے مُعمّرلوگ کہتے ہیں کہ دراصل اُن کے والد زرعالم تاج (مرحوم )کو گاؤں کے باسیوں نے اس نام سے ملقب کیا تھا ۔ میں نے  خود دادا  جی سے سنا تھا کہ  اُن کے والد زرعالم تاج معاشی طور پر متمّون اگر چہ نہیں تھے تاہم اپنے آپ کو مہتر چترال کا مد مقابل سمجھتے ہوئے ریاست کے اندر ایک چھوٹی سی ریاست بنائی ہوئی تھی جس میں اُس نے گاؤں کے چیدہ چیدہ لوگوں کا ایک مجلس شوریٰ بنایا ہوا تھا اور خود ، خود ساختہ،  حکمران بن کر علامتی طور پر مہتر چترال کو یہ پیغام دینا چاہتے تھے کہ ہم اگرچاہیں تو اپنے لیے الگ ریاست بھی بنا سکتے ہیں ۔  دربار سجتا ، عوام آتے اور لوگوں کے مسائل مقامی طور پر سنے جاتے ۔ ایک باغی سا آدمی تھے ۔ یہی وجہ تھی کہ گاؤں کے لوگوں نے میتارباک کا لقب دیا جو کہ منتقل ہوکر میرے دادا اور دادا کے بھائیوں تک پہنچا ۔ اسی نسبت سے آجکل ہمارے محلے کوبھی ” میتارباکان دور” کہتے ہیں ۔

            دادا جی کو گاؤں اورگاؤں سے باہر کے لوگ “آدم زادہ ” کے نام سے جانتے تھے ۔  لفظ “آدم زادہ ” کھوار زبان میں اُن لوگوں کےلیے مخصوص ہے جنہوں نے عزت دیکر عزت کمانے کے فلسفے کو سمجھا اور عزت کمائی   ۔  یہ یقیناً بہت بڑا اور اعزازی لقب تھا جوگاؤں کے لوگوں نے آپ کے مثالی کردار اور خدمات کے عوض آپ کو دیا تھا یہ لقب اُنہی کے ساتھ منسوب رہا ۔ سوال یہ ہے کہ یہ لقب کیوں کر ایک ٹھیٹھ اَن پڑھ آدمی کو  دیا گیا تھا  ؟ گاؤں کے  معتبر اورمُعّمر لوگ کہتے ہیں کہ 1900ء کے اوائل میں علاقے میں غربت اتنی تھی کہ انسان امراض سے زیادہ افلاس اور غربت و تنگدستی کے ہاتھوں مر جاتا تھا ۔ صاحب و محتاج و غنی سب ایک تھے ۔ غربت کی حد یہ تھی کسی کے گھر میں کھانے کےلیے کچھ ہوتا  تو اُسے  پکاتے وقت اپنے گھروں کے دروازوں کو باہر سے مقفل رکھتے ٓ ۔  ایسے میں ایک آدمی کےلیے کتنا مشکل فیصلہ ہوگا کہ وہ اپنے بچوں کو بھوکا سُلا کے دوسرے بھوکوں کی خبر گیری کرے ۔ دوپہر کا وقت تھا داداجی نے کسی راہگیر کو یہ کہتے سنا کہ ” کہاں جائیں کون اللہ کا بندہ ہوگا کہ ایک نوالہ کھلائے اور ہماری جان بچائے ”  دادا جی نے راہگیروں کو روک لیا اور بولے ” آو میرے ساتھ میں ہوں آپ کو کھانہ کھلانے والا ” ۔ یہ مسافر بڑے شش و پنج کے عالم میں ان کے ساتھ اُن کے گھر روانہ ہوئے ۔ گھر میں کھانے کو کچھ بھی نہ تھا لیکن اُس نے ایک تدبیردل میں  سوجھی ہوئی تھی، اُنہیں معلوم تھا کہ گھر میں کاشت کرنے کےلئے کوئی ادھا کلو چاول بھگونے کےلیے تیار پڑا ہے ۔ اگرپہلے  بھگویا گیا ہے تو اُسے پانی سے نکال کر اُس کے گیلے چھلکے اتار کر اُبالا جا سکتا ہے اگر ابھی تک نہیں بھگویا گیا ہے تو اپنی بیوی سے کُٹوا کے پکوائے گا تاکہ انسانوں کی جانیں بچ جائیں( یاد رہے کہ چاول کو کاشت کرنے سے پہلے اُسے چند دنوں کےلئے پانی میں بھگویا جاتا ہے تاکہ اُس کی چڑیں نکل آئیں اور بوائی کےلئے تیار ہو) ۔گھر پہنچ کر اپنی بیوی یعنی میری نیک دل دادی( مرحومہ) کو راہگیروں کا مسئلہ بتایا اور یوں چاول ابھی تک نہیں بھگویا گیا تھا ۔ تازہ چاول کو خود کوٹ کر چھلکے اُتارے  ، مرغی کو ذبح کیا اور ادھے گھنٹے میں ایک شاہی طعام تیار تھا ۔ مسافروں نے کھایا ، خوب دعائیں  دیں اور چلتے بنے ۔ ادھر مہمانوں کے جانے کے بعد دادی امّاں نے دادا سے استفسار کیا کہ اپ کہاں سے چاول لا کر کاشت کرو گے تو دادا نے کہا ” ہمارا خالق چاول سے بہت بڑا ہے, پیدا کیا ہے تو روزی بھی دے گا جیسے ان بھوک سے نڈھال راہگیروں کےلیے مجھے اور آپ کو سبب بنایا “

            مضبوط قویٰ کا آدمی تھے ۔ بلا کے خوش خوراک ، جسمانی ورزش کے دلدادہ ۔ تیراکی کا مشہور استاد جوکہ بونی کے سامنے دریائے چترال کے بھنوروں سے کھیلتا ہوا جنالکوچ جنالکوچ تک جاتے  ۔ زندگی بھر کھانے کی کسی چیز سے پرہیز نہیں کیا ۔ ناشتے میں اکثر شکایت کرتے اور کہتے کہ ہم اپنے زمانے میں 6 سے 10 انڈے ایک وقت میں کھایا کرتے ۔ ڈراور خوف نام  کی کوئی لفظ اُس کی لغت میں نہیں تھا   گھر میں بیٹھے اگر زور دار بھونچال آجائے تو بھی ہمیں گھر سے باہر نکلنے نہیں  دیتے  اور کہتے  ” کہاں بھاگے جا رہے ہو میں جو یہاں بیٹھا ہوں ”  یہ عظیم شخص آج کے دن  بعمل 11   اپنی جان ، جان آفرین کی سپرد  کی اور ہمیں ہمیشہ کی داغ مفارقت دی ۔حق معفرت کرے عجب آزاد مرد تھا

زندگی کی بنیادی سہولیات سے محروم پرکوسپ غورو

پرکوسپ چھوٹے دیہات پر مشتمل مستوج سے جڑا ہوا گاؤں ہے۔گشتہ کئی سالوں سے اس گاؤں کے سوتیلی ماں کا سلوک کیا جا رہا ہے۔

۔چار ہزار نفوس پر مشتمل پرکوسپ۔غورو پایئن غورو بالا موژدہ گل بیار۔غورو لشٹ اب بھی اس ترقی یافتہ دور میں زندگی کے بنیادی سہولیات سے محروم ہیں۔اس علاقے کا لیٹرسی ریٹ 90% ہے۔

کسی بھی علاقے کے چند سہولیات ایسے ہیں جو اس علاقے کا بنیادی حق تصور ہوتے ہیں۔اور یہ کام ریاست اور عوام کے منتخب نمایندوں پر عائد ہوتی ہے کہ اپنے آولین ترجیح میں ان ترقیاتی اور بنیادی کاموں کو اہمیت دیں۔اور لوگوں کی معیار زندگی کو بہتر بنایئن۔

صاف پینے کا پانی
ہسپتال
بجلی کا نظام
تعلیم
سڑکین اور پل

گزشتہ کئی سالوں سے اپنے جائز حق کے واسطے اس علاقے کے باسی ہر سیاسی نمایندے اور براۓ نام انصاف کے دعوے داروں کو منت کرتے پھیر رہے ہیں۔لیکن بدقسمتی کہیں یا بے ہسی پنجرے میں بند طوطی کی طرح ان کی آواز کوئی نہیں سنتا۔اور نہ سنے کو تیار ہیں۔

اس علاقے کے باسی اور یہاں کے معصوم بچے اور بچیاں 18 کلو میٹر کا فاصلہ طے کے مستوج میں جا کر پڑھتے ہیں۔اس علاقے میں اب تک سرکار نے ایک ڈسپنسری تک بنایا ہے۔علاقے کے لوگ بیماروں کو کاندوں پر اٹھا کر مستوج ہسپتال یا آغا خان بیسک ہیلتھ سنٹر چوینچ لے جاتے ہیں۔

گزشت سال سیلاب کی وجہ سے مستوج چینار اور پرکوسب غورو کو ملانے والا واحد پیدل چلنے والا پل سیلاب کے نظر ہوا علاقے کے عوام نہ جانے کوئی ایسا سرکاری دفتر نہیں چھوڑا جس کے دروازہے پر دستک نہ دی ہو۔

مستوج قساڈو پل سے لے کر غورو تک تک سڑک کھنڈارات کا منظر پیش کر رہا ہے۔کسی بھی وقت بڑے سانحے کا سبب بن سکتا ہے۔اور یہ کھنڈارات نما سڑک ہمارے نمایندون کی بے ہسی اور لاپرواہی کا رونا رو رہے ہیں۔اس روڈ کی مرمت اور توسع وقت کی اہم ضرورت ہیں۔

اس علاقے میں اب تک بجلی کا نظام بھی درست نہیں ہے۔کئی سالوں سے بجلی کے کھمبے اکھڑے ہوۓ ہیں۔غورو سے لے کر غورو لشٹ تک ریشن بجلی گھر اب تک مہیا نہیں کیا گیا ہے اور ساتھ گرے ہوۓ کھمبے اب تک وہ اسی حالت میں پڑے ہیں جبکہ ادارہ ہذا خوب خرگوش سو رہا ہے۔

انصاف کے سرکار سے اور ضلعی انتظامیہ سے سوال ہے۔

سنیڑ فلک ناز صاحبہ
ایم این اے مولانا عبداکبر چترالی صاحب
ایم پی اے مولانا ہدایت الرحمن صاحب
معاون خصوصی براۓ وزیراعلیٰ ؤزیرذادہ صاحب
ڈپٹی کمشنر اپر چترال

کیا یہ بنیادی سہولیات اس علاقے کا جائیز حق نہیں ہیں۔کیا یہ آپ کے فرایض منصبی میں شامل نہیں ہیں۔
کیا حقوق اس علاقے کو ملنا نہیں چاہیے۔

اگر یہ سارے مسائل کسی منتخب نمایندے کے علاقے کو پیش آئیں تو شاید وہ سرکار کو ہلا کے رکھ دینگے۔ ہزار افسوس کہ بے سہاورں کا کوئی نمایندہ نہیں ہے۔

معزرت کیساتھ

حسین علی شاہ

افغان مستقبل پربے معنی بحث کا خاتمہ بھی ناگزیر !- قادر خان یوسف زئی

افغانستان میں دو دہائیوں یا چار عشروں سے جاری جنگ ختم ہوچکی، اس کا اعلان، فاتح کابل کے بعد کردیا گیا، لیکن سوشل میڈیا اور ٹاک شوزمیں ایک نئی جنگ کا آغاز شروع ہوچکا کہ آیا، خواتین کے حقوق پورے کئے جائیں گے یا نہیں، بچیوں کی تعلیم کا مستقبل، انسانی حقوق، عوام میں خوف و ہراس، قومی حکومت قائم ہوگی یا اسلامی ، غرض یہ ہے کہ جتنے منہ اتنی باتیں۔امارات اسلامی کے ترجمان نے اپنی پریس کانفرنس میں اپنی تمام ترجیحات و گائیڈ لائن کو وضاحت سے بیان کردیا، ان کے رہنما نے اپنے شدید مخالف نیوز چینل میں خاتون اینکر کے ہمراہ لائیو شو بھی کردیا،

افغان نیوز چینل کی خاتو ن رپورٹرز کو مرکزی شاہراؤں پر رپورٹنگ کرتے دیکھا گیا، عالمی میڈیا کی خواتین بھی کوریج کرتی نظر آئیں، شائد عالمی ادارے دیکھنا چاہتے تھے کہ اب افغان طالبان آئیں گے اور ان پر کوڑے برسانا شروع کردیں گے، مخالفین کے سر کاٹ کر چوراہوں پر لٹکا دیئے جائیں گے، مجالس جلوس روک دیئے جائیں گے وغیرہ وغیرہ۔۔ تحفظات و خدشات اپنی جگہ ہیں، لیکن کوئی اس امر کو تسلیم بھی تو کرے کہ افغانستان غیر ملکیوں کی جارحیت و قبضے سے آزاد ہوا، امریکی صدر کے اعتراف پر غور کیا جائے کہ وہ افغان قوم کی تعمیر کرنے نہیں آئے تھے، تو اسامہ بن لادن کو گرفتار کرنے کے بعد ان کا ایجنڈا تو پورا ہوچکا تھا، 02مئی2011 کے بعد بھی افغانستان میں رہنے کا جواز کیا تھا، افغان فوجیوں پر اربوں ڈالر خرچ کیوں کئے جا رہے تھے، امریکہ بتائے کہ اس نے جب 20برس میں افغان عوام کے لئے مفاد عامہ کا کوئی منصوبہ نہیں بنایا تو دو ٹریلین ڈالر، کابل انتظامیہ کو رشوت کے طور پر کیوں دیتے رہے، القاعدہ کے نام پر اگست 2011 اور جون 2012 میں شیخ عطیہ اللبی،شیخ ابو یحیی اللبی،ایمن الظواہری کے بعد سب سے سینئر رہنما شیخ ابو الخلیل المدنی ،، یمن میں القاعدہ کے سربراہ ناصر الوحیشی کوامریکی ڈرون حملوں میں مارا گیا۔ الوحیشی نائن الیون سے قبل اسامہ بن لادن کے سیکرٹری بھی رہے تھے۔

‘القاعدہ کے جن تین سرکردہ رہنماؤں کو ایران نے 2015 میں آزاد کیا ان میں ابوالخیر المصری اور الظواہری کا متوقع جانشین سمجھے والے ابومحمد المصری بھی مارے جا چکے ہیں۔”القاعدہ کے رہنماؤں کی ہلاکتوں میں اسامہ بن لادن کے بیٹے حمزہ بن لادن بھی مارے گئے۔اسامہ بن لادن کے علاوہ قریباََ القاعدہ کے مرکزی رہنماؤں کو امریکی ڈرون حملوں میں ہلاک کیا گیا، القاعدہ عملی طور پر ختم ہوگئی، تو زمینی جنگ افغانستان میں کیوں لڑتے رہے، بہیمانہ فضائی حملوں کا کیا جواز تھا، اپنی مرضی کا نظام نافذ کیا گیا، کبھی حامد کرزئی کو لائے تو کبھی عبداللہ عبداللہ کی جیت کو تبدیل کرکے دوہری حکومت بنوائی کہ نصف عرصہ ڈاکٹر عبداللہ عبداللہ ٰ(چیف ایگزیکٹو) اور نصف اشرف غنی(صدر) پورا کریں گے۔، لیکن جب اشرف غنی کی مدت صدارت ختم ہوئی تو ڈاکٹر عبداللہ عبداللہ کو اقتدار حوالے نہیں کیا گیا ،

افغان انتخابات میں تاریخ کے کم ترین ٹرن آؤٹ کے باوجود، دھاندلی کے بدترین الزامات کے باوجود ایک مرتبہ پھراشرف غنی کو صدر تسلیم کروادیا، ڈاکٹر عبداللہ عبداللہ کو امن کونسل کا سربراہ بنادیا یہ سب افغانستان میں داخلی معاملات میں مداخلت نہ تھی تو اور کیا تھا۔ امارات اسلامی اور افغان عوام اس امر کی منتظر ہیں کہ امریکہ و غیر ملکی افواج اپنے عسکری مشن ختم کریں، وہ اپنا گھر کا مسئلہ اپنی روایات و اقدار کے مطابق بیٹھ کر حل کرلیں گے۔ انہیں کسی اتحادی کی ضرورت نہیں، جو انہوں نے کرنا ہے انہیں وہ کرنے کی آزادی تو دی جائے، عالمی برداری ان پر دباؤکیوں ڈال رہی ہے کہ یہ کرو، وہ کرو، فلاں نظام قائم کرو، حقوق انسانی کی پامالی نہ ہو، تو معذرت کے ساتھ وہ بیس برسوں میں جھک مار رہے تھے، انہوں نے کون سے انسانی حقوق کا خیال رکھا، نہتے عوام پر بمباریاں، مساجد مدارس، شادی کی تقاریب، جنازوں پر حملے اورقتل عام، خواتین کی عصمت دری، سمیت جنگی جرائم کو یونامہ کی رپورٹ منکشف کرتی رہی ہے۔،

اگرعالمی عدالت میں مقدمہ چلایا جائے تو امریکہ، برطانیہ سمیت نیٹو کے تمام ممالک قصور وارقرار پائیں گے۔ امارات اسلامی کی حکومت کو بے شک ابھی قبول نہ کریں لیکن افغانستان میں جنگ کے خاتمے کے بعد سوشل میڈیا کے دانشور اپنی حدود میں رہیں تو بہتر ہیں، پاکستان کے ساتھ افغان طالبان کے تعلقات خراب کرنے کی کوششوں پر ٹھنڈا پانی ڈالیں، اس سے نقصان صرف ہمیں ہی ہوگا، بعض وزرا ء کی جانب سے بلاوجہ کا کریڈٹ لینے اور امریکہ کو طعنے بازی کرنے کی روش کو اب ختم کریں، سفارتی تعلقات میں بہتری کے لئے اپنے مثبت بیانیہ میں تبدیلی نہ لائیں، اور سب سے بڑھ کر تیل دیکھیں اور تیل کی دھار، پہلے ہیپوری دنیا ہاتھ دھو کر افغان طالبان کے پیچھے پڑی ہوئی ہے جیسے افغانستان انہوں نے امارات اسلامی کے حوالے کیا ہو، اس سے تنگ آمد بجنگ آمد والی صورت حال پیدا ہوسکتی ہے۔

اس امر پر شکر ادا کرنا چاہیے کہ پاکستان کو کسی بھی جانب سے مورد الزام نہیں ٹھہرایا گیا، ورنہ موجودہ حکومت کو سنبھالنا مشکل ہوجاتا، امریکہ نے اپنی ناکامی کا ملبہ افغان صدر اور فوج کے سر پر ڈال دیا اور اتحادیوں نے امریکی صدر جو بائیڈن کو تمام صورت حال کا ذمے دار قرار دے دیا۔ یہ پاکستان کے لئے ایک مثبت خبر ہے، حکومت کو افغانستان میں عوام کی اکثریت یا سیاسی و مذہبی سٹیک ہولڈر کی متفقہ حکومت قائم ہونے کے بعد افغانستا ن کی باقاعدہ قانونی حکومت کو فوراََ تسلیم کرلینا چاہیے، اور پاکستان میں موجود تمام افغان مہاجرین کو واپس اپنے وطن جانے کا آخری ڈیڈ لائن دے دینا چاہیے تاکہ افغانستان کے داخلی معاملات میں کسی بھی امن دشمن ملک کی جانب سے ناخوشگوار واقعہ ہونے کی ذمہ داری پاکستان پر عائد نہ کیا جاسکے،

افغان طالبان کے رہنماؤں کے رشتے داروں کو بھی عزت کے ساتھ رخصت کرنا چاہے تاکہ پشاور یا کوئٹہ شوری کا ملبہ پاکستان پر نہ گرایا جا سکے، یہ تو طے ہے کہ امریکہ، پاکستان پر برہم ہے لیکن ابھی اس کا کھل کا اظہار نہیں کررہا، لیکن انکل ٹام و سام ضرور اپنی ہزیمیت کا بدلہ پاکستان سے لینے کی کوشش کریں گے، لہذا بہتر یہی ہے کہ مستقبل کی قبل از وقت تیاری کرلی جائے کیونکہ یہی ملک و قوم کے حق میں بہتر ہے۔

مختصر سی جھلک – تعلیم سے ہوچکی ہے تربیت جدا – فریدہ سلطانہ فّریّ

انسانی معاشرے کی بقا کا درومدار اس معاشرےکےاصول قواعد وضوابط  اوران پرعمل درامد پرہے اگرہم غورو فکرکریں تونظآم قدرت کی ہرشے  ازل سے اب تک اپنے مقررہ وقت کےحساب سے قدرت کی فرمنبرداری میں کوشاں ہے اوراگردیکھآ جائےتورب کاِینات کے سارے ہی نظآرے انسان کے لیے اشارے اورعبرت کا منظر پیش کرتے ہیں مگرصرف سوچنے اورغورو فکر کرنے والوں کے لیے۔۔۔۔۔۔۔۔۔

جب بات سوچ سمجھ اور غوروفکر کی کرتے ہیں توفورا ہی یہ بات زہن میں اتی ہے کہ اللہ پاک نے تمام مخلوقات میں انسانوں کو اسی لیے ہی تو افضل رکھآ ہے کہ اسے اللہ پاک نے سوچنے سمجھنے کی صلاحیت اورعقل و شعور سے نوازا ہے۔ اور اس کے ساتھ ساتھ دنیا میں انسان کے لیے ہزاروں وسیلے بھی پیدا کیے ہیں کہ ان وسیلوں کو استعمال کرتے ہوئے انسان اپنےعقل و شعورکومزید قوت بخشے اور اپنے ساتھ ساتھ اپنے گردوپیش میں رہنے والوں کے لیے بھی زندگی کو سہل بنائے ۔۔۔۔۔۔

ان بہت سارے وسیلوں میں سے ایک بہت ہی اہم اورمستحکم وسیلہ جو انسانی عقل و شعورکو مظبوط و مستحکم کرنے کے لئے ریڑھ کے ہڈی کی حیثیت رکھتا ہےوہ تعلیم یا علم ہے جو انسان کومعتبر کرکےاسمان کی بلندیوں تک پہنچادیتا ہے۔۔۔۔۔۔

مگر اہم بات یہ ہے کہ تعلیم یا علم اس وقت سود مند ہوگی اورعقل وشعورکو قوت بخشنے کے قابل ہوگی۔ جب تعلیم کے ساتھ تربیت اورعلم کے ساتھ عمل پر بھی زور دیا جاَئے ورنہ تعلیم سے تربیت اورعلم سے عمل کو نکال کر زندگی بغیراصول و قاعدوں کے گزاری جائے تو یہی حالات پیدا ہوں گیں جو اج کل ہمارے معاشرے میں ہو رہَی ہیں اور ایسے معاشرے میں بیٹے بیٹیاں کیا جانور بھی محفوظ نہیں رہ سکتے اورایسے ماحول میں انسان خود سے بھی محفوظ نہیں رہ سکتا ۔۔۔۔

یہ خود کشیوں کے واقعات،یہ بچے اور بچیوں کے ساتھ جنسی، تشدد یہ لوٹ مار، والدین کے ساتھ بدسلوگی ،رشتوں کا تقدس پامال ہونا ۔۔۔۔۔۔

یہی تو جنم لیں گیں ایسے معاشرے میں جہا٘ ٘ن کے لوگوں میں عقل وشعور کی کمی ہوں جہاں تعلیم سے تربیت اورعلم  سےعمل  کو نکال کر زندگی گزاری جاَئے پھر ۔۔۔۔

مینارپاکستان کا پارک کیا ایسے صورت حال میں کوئی گھرکی چاردیواری میں بھی محفوظ نہیں رہ سکتا۔۔۔۔ کیونکہ حیوانوں کو کھلے میدان میں چھوڑ دو۔۔۔۔۔۔۔۔۔

یا گھروں کےانگن میں ان سے کہی بھی کچھ بھی توقع کی جاسکتی ہے ۔۔۔۔   

میری ڈائری کے اوراق سے ۔ (شہنشاہِ شہنائی اور چترالی راگوں کا معروف استاد اجدبر خان) ۔ شمس الحق قمرؔ چترال

یہ 14 اگست 1984 کی بات ہے جب صبح 6 بجے بونی دول دینیان ٹیک سے کانوں میں رس کھولتی غلوارکی دھن سے پورا گاؤں گونج اُٹھا تھا ۔ اُس زمانے میں میری عمر یہی کوئی 16 سال تھی ( یاد رہے کہ ریاستی دور میں اسی ٹیلے کے اوپر صبح پو پھٹتے ہی شہنائیاں بجا کر سہ پہر کوکھیلے جانے والے پولو کا اعلان کیا جاتا تھا۔  یوں چوگان بازی کے تمام رسیا پولو شروع ہونے تک گھر ہستی کی تمام سرگرمیاں سمیٹ کر پولو دیکھنے کی تیاریاں مکمل کر چکے ہوتے تھے  )- آج  صبح کے  سرنائے کی آواز میں  بلا  کی شیرینی تھی۔ راگی نے اپنا راگ کب کا ختم کیا ہوا تھا لیکن میرے کانوں میں اب بھی سرنائے کی روح پرورمگر دھیمی آواز دیر تک محسوس ہوتی رہی ۔ میں نہیں جانتا کہ کیا یہی کیفیت دوسروں پر بھی طاری ہوئی تھی یا نہیں، مجھ پر اُس کا اثر اتنا دیر پا رہا  ہے کہ اب بھی اُس  لے کی مدہم لہریں دل  کے پردوں سے منعکس ہوتی محوس ہوتی ہیں ۔

 دنیائے موسیقی میں یہ میرا پہلا انوکھا  تجربہ تھا کہ میں ایک غیر مرئی کیفیت سے گزر رہا تھا جس کی تشریح  مجھ سےتا حال  ممکن نہیں رہی ۔ البتہ  میں اتنا ضرورسوچ سکتا تھا کہ سُرنائے پر غلوار کی دھن الاپنے والا اپنے منصب میں  واحد و یکتا ضرور  تھے۔ ایسی ہی ایک کہانی جب میں نے دنیائے موسیقی کی تاریخ میں تان سین کی پڑھی تو معلوم ہوا کہ اجدبرخان کتنے بڑے راگی تھےکہ جن کے  بجا ئے ہوئے ساز تمام موسیقی پرور لوگوں کے دلوں میں نقش ہیں ۔ تاریخ میں اسی طرز کا ایک اورشخص 1500 عیسوی میں گزرے ہیں  جن کے سازوں، گانوں اور راگوں  میں سوز کی شدت اتنی شدید تھی کہ جب دیپک راگ آلاپتے تو خاموش دیئے جلنے لگتے اور میگھ راگ بجاکر  یا  پھرگا کر بادلوں کی آنکھوں کو  پُر نم کیاکرتے۔ یہ ہے موسیقی کا کمال کہ جس کے سوز سے آگ کے دل میں آگ لگتی ہے اور جس کے ساز سے بے لگام بادل مُسخّر ہوجاتے ہیں ۔  اس سچائی تک پہنچنے کےلیے آج کی سائنس نے تجربات سے ثابت کیا ہے کہ موسیقی، راگ، دھن اور سازوں سے انسان کو اس حد تک محو کیا جا سکتا ہے کہ اُس کے جسم کو چیر پھاڑ کرجراحی کرنے سے بھی دُھنوں میں مست مریض کی آنکھوں سے  خمار نہیں اترتا ۔  

            یہی تان سین والا جادواجد برخان( 1918 تا 2003) کےسرنائے کی لَے میں تھا۔ میرے دوست شمس الدین کی تحقیق کے مطابق آپ کے آباؤ ادجداد دیر سے ہجرت کر کے چترال  آئے تھے ۔ ریاستی دور میں چترال فورٹ میں اپنے فن موسیقی سے پورے دربار کو محظوظ کئے رکھا ۔ آ پ  کی بجائی ہوئی دھنیں آج بھی پرستاروں کے ذہنوں میں تازہ ہیں اور رہیں گی۔ اُنہیں موسیقی کی سات بنیادی سُروں( سا، رے ، گا ، ما ، پا ، دھا، نی )کو دو پر تقسیم کر کے کھوار دُھنوں کےمخصوص اُتارچھڑہاؤ کےعین مطابق بنانےکا فن خوب آتا تھا۔

کھوارموسیقی کی بعض دُھنیں سات سے زیادہ سروں کی ترتیب سے بنتی ہیں جیسے اگر ہم سونوغروملنگ کا کلام   

؎

گمبوریان ایتودیتی شا شوترینین بند کورونیان اوا عشقو قلمدار روے مہ ساری شانگ کورونیان- یا یارخون و حاکم کی دھنی 

؎

مشکی نو لیم کھول وطانہ ای یاری جانی اوا سمر قندہ بندی تان دوستو گانی، کی دُھن سنتے ہیں تو سرنائے ، ستار ، بانسری وغیرہ میں ایک اور سُر کی طلب کا احساس ہوتا ہےکیوں کہ موسیقی کے آلات سات سروں کے نقشے پر بنائےہوئے ہوتے ہیں جہاں آٹھواں سُر ممکن نہیں ہوتا۔

لیکن کھوار موسیقی کا دائرہ کا سار سروں سے زیادہ ہے  یہ دئرہ  اُس وقت مکمل ہوتا ہے جب گانے یا   بجانے والا آٹھواں سر سے گزرے۔  یہ کمالِ فن صرف اجدبر خان کو حاصل ہے کہ  سُروں کی انوکھی تقسیم سےآٹھواں کھرج تخلیق کرتے ہیں۔ سُروں کی اس تخلیق کےلیےکسی شہنائی نواز کو اپنی سانسوں پر کنٹرول اور انگلیوں کی پوروں کے استعمال  پر خوب دست رس حاصل ہونا چاہئے۔ کھوار موسیقی میں ایک سُر سے ایک اور سُر تخلیق  کرنے کا ملکہ چترال کے شہنائی نوازوں میں صرف اور صرف اجدبر خان کو حاصل ہے ۔ سرنائے کے تمام  سوراخوں پر انگلیاں رکھ کے ہوا پھونکنے سے جو کھرج پیدا ہوگا وہ موٹا ہوگا( یاد رہے کہ ستار بجاتے ہوئے اوپر کے پردوں میں آواز موٹی اور نشیب میں پتلی ہو جاتی ہے )  جیسے جیسے آپ نیچے سے انگلیوں کی پوریں اٹھا کر اُوپر کی طرف جاتے ہیں تو آواز باریک اور پتلی ہوتی جاتی ہےیوں  سرنائے یا بانسری کے اوپر کے  آخری خانے سے جب آخری اُنگلی اُٹھ جاتی ہے تو سُروں کا اختتام ہوجاتا ہے۔ ہمارے شہنائی نواز ان ہی سات سُروں  پر لے پورا کرتے ہیں مگر گانے کا  دائرہ مکمل نہیں ہوتا یوں موسیقی  تو جنم لیتی ہے جبکہ دُھن میں تشنگی باقی رہتی ہے  لیکن اجدبرخان اپنی سانسوں کی قیامت خیز تغیرو تبدل اور اُنگلیوں کی پوروں کی فنکارانہ جنبش سے سرنائے کی آخری خانے کو دو میں تقسیم کرکے سُرکا وہ جادو جگاتے ہیں جوکہ آج تک اجدبر خان کے علاوہ  کسی اور شہنائی  نوازکے نصیب میں نہیں آیا ۔

اجدبرخان کی بجائی ہوئی دُھنوں کی کیسٹیں اگر توجہ سے سنیں گے تواُن میں  آپ کو کسی دُھن کے صَوتی دائرے کو پورا کرتے کرتے مزید کھرج کے لئے راستہ معاً  بند ہوجانے کی صورت میں  موصوف کے سرنائے سے ایک پتلا سرُ نکلتا محسوس ہوگا جوکہ اُس  دھن کے فطری دائرے کواپنے منطقی نتیجے تک پہنچا ئے گا ۔ اس سحر انگیزی  میں موصوف ایک مشکل اور نئے تجربے سے گزر کر ہی  یہ سب کچھ ممکن بنا لیتے ہیں  ۔ آج کھوار موسیقی میں  سُرنائے بجانے والے راگی کئی ایک ہیں لیکن اجدبر خان کی طرز پر بجانے والے شہنائی نواز صدیوں میں بھی شاید پیدا نہیں ہوں گے۔  اللہ مرحوم کو   جنت فردو س میں اپنے مقرّبین کی صف میں جگہ عطا فرمائے ۔

(رپورٹ: مبشر علی مبشر)

ماحولیات پر کام کرنے والی تنظیم چپس نے عشورہ کے دن قاقلشٹ آکر پودوں کی آبیاری کی اور اس بات کا اظہار کیا کہ اس دنیا کو رہنے کے قابل بنانا بھی ایک طرح حضرت امام حسینؑ سے عقیدت کا اظہار ہے۔

جمعرات کے روز چیئر مین چپس رحمت علی جعفر دوست کی قیادت میں چپس کے کارکن فی کس اپنے ساتھ پانی سے بھرے گلین اور بوتل لے کر قاقلشٹ گئے اور حکومت کی طرف لگائے گئے پودوں کی آبیاری کی۔

پودوں کی صحیح دیکھ بھال پر زور دیتے ہوئے رحمت علی جعفر دوست نے کہا کہ جب تک عوام موسمیاتی خطروں کے معاملے میں حکومت کے شانہ بشانہ کھڑی نہیں ہوتی تب تک نئے پودوں کو ایک گھنے درخت میں تبدیل دیکھنا ایک بے حقیقت خواب ہے۔

ساتھ ہی جعفر دوست نے اس بات پر روشنی ڈالی کہ اس دنیا کو جینے کے لئے سازگار بنانا بھی ہماری سماجی اور مذہبی فرض ہے۔ لہذا ہر انسان کی کوشش ہونی چاہئے کہ وہ اپنی مذہبی یا ذاتی مواقعوں پر جیسے سالگرہ ہوگئی‘ کوئی ایک پودہ لگائے یا کم ازکم پودوں کو پانی ڈالے۔

”یوم عشورہ اپنی نیک صفات کو کسی بھی حالات میں ترک نہ کرنے کا ہمیں درس دیتا ہے“

چودہ اگست‘ یوم آزادی کے موقع پر بھی جعفردوست نے مختلف جگہوں سے آئے ہوئے بائیک سواروں کے ہمراہ قاقلشٹ آکر پودوں کی آبیاری کی تھی۔ اور اس بات کا عندیہ دیا تھا کہ وہ اپنے والنٹئرز کے ساتھ مہینے میں کم از کم تین بار قاقلشٹ آکر پودوں کو پانی ڈالیں گے۔

ؔ حکومت ’کلین اینڈ گرین پاکستان‘ کے موٹو سے ہر سال ملک کے مختلف علاقوں میں پودے لگا رہی ہے‘لیکن پودوں کی صحیح دیکھ بال میں اب بھی فقدان ہے۔ اپر چترال میں بھی حکومت کی جانب سے پودے لگا ئے گئے مگر حکومت اور سول سوسائٹی دونوں کی عدم تعاون کی وجہ سے بیشتر پروجیکٹ ناکام ہوچکے ہیں‘ حال ہی میں ہی پرواک لشٹ میں بہت سے پودے پانی نہ ملنے کی وجہ سے سوکھ گئے۔