ایم این اے چترال غزالہ انجم کا اپرچترال کا دورہ ، بونی میں ورکرکنونشن سے خطاب، بونی شندور روڈ پر دریائے میں گرائے گئے ملبہ جلد ہٹانے کے لئے این ایچ اے حکام سے رابطہ، ملبہ ہٹانے کا کام شروع کردیا گیا
ایم این اے چترال غزالہ انجم کا اپرچترال کا دورہ ، بونی میں ورکرکنونشن سے خطاب، بونی شندور روڈ پر دریائے میں گرائے گئے ملبہ جلد ہٹانے کے لئے این ایچ اے حکام سے رابطہ، ملبہ ہٹانے کا کام شروع کردیا گیا
اپر چترال ( نمائندہ چترال ٹائمز ) پاکستان مسلم لیگ (ن) کے ایم۔این۔اے غزالہ انجم نے آج اپر چترال بونی کا پہلا باضابطہ دورہ کیا اور سینئر وائس پریزیڈنٹ پرویز لال ہاؤس میں بونی، تورکہو ، موڑکھو ، مستوج اور دیگر علاقوں سے آنے ہوئے پارٹی ورکروں سے ملاقات کی اور کنونشن سے خطاب کی۔ ایم۔این۔اے کو علاقے کو درپیش چیدہ چیدہ مسائل جن میں بجلی اور سڑکوں کی بحالی وغیرہ شامل ہیں کے بارے میں تفصیلی بریفنگ دی گئی جس پر ایم این اے نے جلد از جلد مسائل حل کرنے کی یقین دہانی کروائی ۔
بونی شندور روڈ پر بلاسٹنگ کی وجہ سے ملبہ دریا میں گر کر انتہائی خطرناک صورتحال اختیار کرگیا ہے۔ گرمیوں میں بونی کو دریائی کٹاؤ سے محفوظ کرنے کیلئے یہ ملبہ ہٹانا انتہائی ناگزیر تھا۔ مسلم لیگ (ن) اپر چترال کی قیادت کی خصوصی درخواست پر ایم۔این۔اے نے این۔ایچ۔اے حکام سے فوری طور پر رابطہ کرکے ملبہ ہٹانے کا کام فوری طور پر شروغ کروائی اور بعد ازاں مذکورہ سائٹ کا دورہ بھی کیا۔
اس کے علاوہ ایڈمنسٹریشن اپر چترال کا بھی دورہ کیا اور حالیہ بارش متاثرین کےلئے این ڈی ایم اے امدادی پیکج کی درخواستیں شفاف طریقے سے پراسس کرنے کی ہدایت کی اور مزید امدادی رقم کی فراہمی کی یقین دہانی کروائی ۔
