Chitral Times

Jun 12, 2024

ﺗﻔﺼﻴﻼﺕ

وزیر اعظم محمد شہباز شریف کی زیر صدارت وفاقی کابینہ کا اجلاس

شیئر کریں:

وزیر اعظم محمد شہباز شریف کی زیر صدارت وفاقی کابینہ کا اجلاس

اسلام آباد(چترال ٹایمزرپورٹ) وزیر اعظم محمد شہباز شریف نے کہا ہے کہ وفاقی وزیر مذہبی امور مفتی عبدالشکور ایک جید عالم، باعمل مسلمان اور صالح انسان تھے، ان کے انتقال سے نہ صرف ان کے خاندان بلکہ کابینہ، پارلیمان اور سیاست سب کیلئے ایک بڑا خلاء پیدا ہو گیا ہے۔ وفاقی کابینہ کا اجلاس وزیر اعظم محمد شہباز شریف کی زیر صدارت پیر کو یہاں منعقد ہوا۔ اجلاس میں وفاقی وزیر مذہبی امور مفتی عبدالشکور کی کار حادثے میں انتقال پر گہرے افسوس اور رنج اظہار کیا گیا اور ان کے لئے فاتحہ خوانی کی گئی۔اجلاس سے خطاب کرتے ہوئیوزیر اعظم نے کہا کہ مرحوم مفتی عبدا لشکور نے دینی اور سیاسی خدمات سر انجام دیں۔انہوں نے کہا کہ مفتی صاحب ایک جید عالم با عمل مسلمان اور بے پناہ علم رکھنے والی شخصیت تھے۔ انہوں نے کہا کہ کابینہ میں اپنے ایک سال کے مختصر عرصہ میں انہوں نے ہم سب پر گہرے نقوش چھوڑے ہیں۔ انہوں نے جس مستعدی، محنت، لگن اور تندہی کے ساتھ حج امور سر انجام دیئے وہ لائق تحسین ہے۔ وزیر اعظم نے کہا کہ سیاسی لحاظ سے وہ اپنی جماعت جے یو آئی (ف) کے ماتھے کا جھومر تھے۔انہوں نے مزید کہا کہ مرحوم مفتی صاحب کے رفقاء ان کی عاجزی اور نیک نیتی کی گواہی دے رہے ہیں،ان کے انتقال سے نہ صرف ان کے خاندان کے لئے بلکہ کابینہ، پارلیمان اور سیاست سب کے لئے ایک بڑا خلا پیدا ہو گیا ہے۔اجلاس میں ٹائمز میگزین کی جانب سے وفاقی وزیر شیری رحمان کو موسمیاتی تبدیلی کے حوالے سے پر اثر آواز اٹھانے پر دنیا کے سو با اثر لیڈران کی فہرست میں شامل کئے جانے پر انہیں مبارکباد اور خراج تحسین پیش کیا گیا۔وفاقی کابینہ نے وزارت خزانہ کی جانب سے بھیجی گئی سمری کو قومی اسمبلی کو بھجوا دیں جو قومی اسمبلی کی قائمہ کمیٹی براے خزانہ و محصولات کی الیکشن کمیشن کو پنجاب اور خیبر پختونخوا میں انتخابات کے حوالے سے رقم فراہم کرنے کی سفارشات کی روشنی میں تیار کی گئی ہے


شیئر کریں:
Posted in تازہ ترین, جنرل خبریںTagged
73640