وفاقی کابینہ کا اجلاس؛ وزیر اعظم کی ”مجوزہ توانائی بچت پلان“ کا نفاذ یقینی بنانے، الیکٹرک بائیکس بارے پلان ای سی سی میں پیش کرنے کی ہدایت
وفاقی کابینہ کا اجلاس؛ وزیر اعظم کی ”مجوزہ توانائی بچت پلان“ کا نفاذ یقینی بنانے، الیکٹرک بائیکس بارے پلان ای سی سی میں پیش کرنے کی ہدایت
عوام کو توانائی کے معاملے پر اپنا رویہ اور عادت فی الفور بدلنا ہوگی۔ وزیراعظم، وفاقی کابینہ کے اجلاس میں وزارت صنعت و پیداوار کی جانب سے الیکٹرک بائیکس کے استعمال کو ملک بھر میں عام کرنے کے حوالے سے تفصیلی بریفنگ دی گئی
اسلام آباد ( چترال ٹایمز رپورٹ )وزیراعظم شہباز شریف نے کہا ہے کہ عوام کو توانائی کے معاملے پر اپنا رویہ اور عادت فوری بدلنا ہوگی۔وفاقی کابینہ کا اجلاس وزیراعظم کی زیر صدارت ہوا، جس میں پاور ڈویڑن کی جانب سے پیش کیے گئے مجوزہ توانائی بچت پلان پر بحث کی گئی۔ اجلاس میں توانائی بچت پلان کے حوالے سے اسٹیک ہولڈرز کے ساتھ ہونے والی مشاورت پر بریفنگ دی گئی۔وزیراعظم نے کہا کہ ہمیں بہ حیثیت قوم توانائی کے حوالے سے کفایت شعاری اپنانے کی اشد ضرورت ہے۔ اس سلسلے میں ہمیں اپنے رویے اور اطوار بدلنے کی فوری ضرورت ہے۔انہوں نے ہدایت کی کہ صوبائی حکومتوں، آزاد جموں و کشمیر اور گلگت بلتستان کی حکومتوں سمیت تمام اسٹیک ہولڈرز کے ساتھ مشاورت کا عمل جلد مکمل کرکے مجوزہ توانائی بچت پلان کا نفاذ یقینی بنایا جائے۔وفاقی کابینہ کے اجلاس میں وزیراعظم کا کہنا تھا کہ ایندھن کی مد میں امپورٹ بل میں کمی کے لیے توانائی بچت پلان پر عمل اور متبادل توانائی کا استعمال ناگزیر ہے۔انہوں نے وزیر توانائی کو پاکستان میں ونڈ پاورکی استعداد سے حوالے سے تفصیلی رپورٹ کابینہ میں پیش کرنے کی بھی ہدایت کی۔سرکاری دفاتر میں بجلی کی کھپت 30 فی صد تک کم کرنے کے لیے وزیراعظم نے کمیٹی بنانے کی ہدایت کی، جس میں وفاقی وزیر توانائی،وفاقی وزیر برائے منصوبہ بندی، وزیر مملکت برائے پیٹرولیم و قدرتی وسائل اور متعلقہ سیکرٹریز شامل ہوں گے۔ اجلاس کو بتایا گیا کہ وزارتِ اطلاعات اور نیشنل انرجی ایفیشنسی اینڈ کنورزیشن اتھارٹی نے اس سلسلے میں آگاہی کے لیے ایک مہم بھی تیار کرلی ہے۔
وفاقی کابینہ کے اجلاس میں وزارت صنعت و پیداوار کی جانب سے الیکٹرک بائیکس کے استعمال کو ملک بھر میں عام کرنے کے حوالے سے تفصیلی بریفنگ دی گئی اور بتایا گیا کہ ملک میں پیٹرول سے چلنے والی موٹر سائیکلوں کو مرحلہ وار الیکٹرک بائیکس سے تبدیل کیا جائے گا۔ اس وقت ملک میں 90 کمپنیاں موٹر سائیکلز اور آٹو رکشے بنا رہی ہیں۔ ملک میں سالانہ 60 لاکھ موٹر سائیکلیں بنانے کی سہولت موجود ہے۔اجلاس میں مزید بتایا گیا کہ پاکستان میں 22 کمپنیوں کو الیکٹرک بائیکس بنانے کے لائسنس جاری کیے جاچکے ہیں۔ پاکستان میں الیکٹرک بائیکس کے فروغ سے ایندھن کی مد میں خاطرخواہ بچت ہوگی بلکہ یہ ماحول دوست الیکٹرک بائیکس کاربن کے اخراج میں کمی کا باعث بھی بنیں گی۔ وزیراعظم نے اس سلسلے میں تفصیلی پلان اقتصادی رابطہ کمیٹی میں پیش کرنے کی بھی ہدایت کی۔اجلاس میں وفاقی کابینہ نے کمیٹی برائے سویابین کی رپورٹ کی حتمی منظوری دی۔
علاوہ ازیں گورنمنٹ ٹو گورنمنٹ کمرشل ٹرانزیکشن ایکٹ 2022، سرمایہ کاری بورڈ کی سفارش پر ملک بھر میں قائم اسپیشل اکنامک زونز میں سرمایہ کاروں کو ون ونڈو آپریشنز کے حوالے سے سہولیات فراہم کرنے کے لیے ون اسٹاپ سروس ایکٹ کی بھی اصولی منظوری دی گئی۔وفاقی کابینہ نے پیٹرولیم ڈویڑن کی سفارش پر تاج فیلڈ (میر پور خاص) کو تجارتی حیثیت کے لیے 14.11 اسکوئر کلومیٹر پر محیط ایریا کوکمرشل بنیادوں پر ڈیکلیئرکرنے اور اس بلاک کی یونائیٹڈ انرجی پاکستان لمیٹڈ کو 5سال کے لیے ترقیاتی اور پیداواری لیز دینے کی بھی منظوری دی۔اجلاس میں اقتصادی رابطہ کمیٹی کے 21 دسمبر اور 15 نومبر کو منعقد ہونے والے اجلاسوں میں لیے گئے فیصلوں کی توثیق کردی گئی۔ علاوہ ازیں وفاقی کابینہ نے کمیٹی برائے نجکاری کے 26 دسمبر کو منعقد ہونے والے اجلاس میں لیے گئے فیصلوں کی بھی توثیق کی گئی۔قبل ازیں وفاقی کابینہ نے حکومت پنجاب کی جانب سے سینئر پارلیمنٹیرین چودھری اشرف کو 53 سالہ پرانے کیس میں گرفتا ر کرنے پر افسوس کا اظہار کرتے ہوئے واقعے کی شدید مذمت کی۔کابینہ نے ملک کے مختلف علاقوں میں ہونے والے دہشت گردی کے واقعات کے نتیجے میں شہید افراد کے لیے فاتحہ خوانی کی اور ان واقعات کی شدید مذمت کرتے ہوئے عزم کا اظہار کیا کہ ملک میں امن و امان کی صورتحال پر کسی قسم کا سمجھوتا نہیں کیا جائے گا اور دہشت گردی کے عفریت کو جڑ سے ختم کیا جائے گا۔ وفاقی کابینہ نے دہشت گردی کے خلاف مسلسل جدوجہد پر سیکورٹی فورسز کو خراج تحسین پیش کیا۔
وفاقی کابینہ کے اجلاس میں دہشت گردی کے واقعات کی مذمت، وزیر اعظم کی ”مجوزہ توانائی بچت پلان“ کا نفاذ یقینی بنانے، الیکٹرک بائیکس بارے پلان ای سی سی میں پیش کرنے کی ہدایت
اسلام آباد(سی ایم لنکس) وفاقی کابینہ نے مختلف علاقوں میں دہشت گردی کے واقعات کی مذمت کرتے ہوئے اس عزم کا اظہار کیا ہے کہ ملک میں امن و امان کی صورتحال پر کوئی سمجھوتہ نہیں کیا جائے گا اور دہشت گردی جو جڑ سے ختم کر دیا جائے گا جبکہ وزیراعظم محمد شہباز شریف نے ایندھن کے درآمدی بل میں کمی کیلئے توانائی بچت پلان پر عملدرآمد اور متبادل توانائی کا استعمال ناگزیر قرار دیتے ہوئے سرکاری دفاتر میں بجلی کی کھپت 30 فیصد کم کرنے کیلئے کمیٹی قائم کر دی ہے۔وفاقی کابینہ کا اجلاس وزیراعظم محمد شہباز شریف کی زیرِ صدارت بدھ کو یہاں وزیراعظم ہاؤس میں منعقد ہوا۔ وفاقی کابینہ نے حکومت پنجاب کی جانب سے سینئر پارلیمنٹیرین چوہدری اشرف کو 53 سالہ پرانے کیس میں گرفتار کرنے پر افسوس کا اظہار کرتے ہوئے اس واقعہ کی شدید الفاظ میں مذمت کی۔ وفاقی کابینہ نے ملک کے مختلف علاقوں میں ہونے والے دہشت گردی کے واقعات کے نتیجہ میں شہید ہونے والے افراد کے لئے فاتحہ خوانی کی اور ان واقعات کی شدید مذمت کرتے ہوئے اس عزم کا اظہار کیا کہ ملک میں امن و امان کی صورتحال پر کسی قسم کا سمجھوتہ نہیں کیا جائے گا اور دہشت گردی کے عفریت کو جڑ سے ختم کر دیا جائے گا۔
وفاقی کابینہ نے دہشت گردی کے خلاف مسلسل جدوجہد پرسکیورٹی فورسز کو خراجِ تحسین پیش کیا۔وفاقی کابینہ نے پاور ڈویڑن کی جانب سے پیش کئے گئے ”مجوزہ توانائی بچت پلان“ پر بحث کی۔ اجلاس کو مذکورہ توانائی بچت پلان کے حوالے سے سٹیک ہولڈرز کے ساتھ ہوئی اب تک کی کی گئی مشاورت پر بریفنگ دی گئی۔ وزیراعظم نے کہا کہ صو بائی حکومتوں، آزاد جموں و کشمیر اور گلگت بلتستان کی حکومتوں سمیت تمام اسٹیک ہولڈرز کے ساتھ مشاورت کے عمل کو جلد از جلد مکمل کیا جائے تاکہ ”مجوزہ توانائی بچت پلان“ کے نفاذ کو یقینی بنایا جائے۔وزیراعظم نے کہا کہ ہمیں بحیثیت قوم توانائی کے حوالے سے کفایت شعاری اپنانے کی اشد ضرورت ہے اور اس سلسلے میں ہمیں اپنے رویے اور اطوار بدلنے کی فوری ضرورت ہے۔ وزیراعظم نے کہا کہ ایندھن کی مد میں درا?مدی بل میں کمی کے لئے توانائی بچت پلان پر عملدرآمد اور متبادل توانائی کا استعمال ناگزیر ہے۔وزیراعظم نے وفاقی وزیر توانائی کو پاکستان میں ونڈ پاور کی استعداد کے حوالے سے ایک تفصیلی رپورٹ کابینہ اجلاس میں پیش کرنے کی بھی ہدایت کی۔
وزیراعظم نے سرکاری دفاتر میں بجلی کی کھپت کو 30 فیصد کم کرنے کے حوالے سے ایک کمیٹی بنانے کی بھی ہدایت کردی جس میں وفاقی وزیر توانائی،وفاقی وزیر برائے منصوبہ بندی، وزیر مملکت برائے پٹرولیم اور قدرتی وسائل اور متعلقہ سیکرٹریز شامل ہوں گے۔ اجلاس کو بتایا گیا کہ وزارتِ اطلاعات ونشریات اور نیشنل انرجی ایفیشنسی اینڈ کنزرویشن اتھارٹی نیتوانائی بچت اور کفایت شعاری کے بارے میں ایک آگہی مہم بھی تیار کرلی گئی ہے۔وفاقی کابینہ کو وزارت صنعت و پیداوار کی جانب سے الیکٹرک بائیکس کے استعمال کو ملک بھر میں عام کرنے کے حوالے سے ایک تفصیلی بریفنگ دی گئی۔کابینہ کو بتایا گیا کہ ملک میں پٹرول سے چلنے والی موٹر سائیکلوں کو مرحلہ وار الیکٹرک بائیکس سے تبدیل کیا جائے گا۔اس وقت پاکستان میں 90 کمپنیاں موٹر سائیکلز اور آٹو رکشاز بنا رہی ہیں اور ملک میں سالانہ 6 ملین موٹر سائیکلز بنانے کی صلاحیت موجود ہے۔ اجلاس میں بتایا گیا کہ پاکستان میں 22 کمپنیوں کو الیکٹرک بائیکس بنانے کے لائسنس جاری کئے جاچکے ہیں۔اجلاس کو بتایا گیا کہ پاکستان میں الیکٹرک بائیکس کے فروغ سے ایندھن کی مد میں خاطرخواہ بچت ہوگی۔
اجلاس کو بتایا گیا کہ الیکٹرک بائیکس کے استعمال سے نہ صرف ایندھن کی بچت ہوگی بلکہ یہ ماحول دوست الیکٹرک بائیکس کاربن کے اخراج میں کمی کا باعث بھی بنیں گی۔ وزیراعظم نے الیکٹرک بائیکس کے حوالے سے ایک تفصیلی پلان اقتصادی رابطہ کمیٹی میں پیش کرنے کی ہدایت جاری کی۔وفاقی کابینہ نے کابینہ کمیٹی برائے سویابین کی رپورٹ کی حتمی منظوری دے دی۔ وفاقی کابینہ نے گورنمنٹ ٹو گورنمنٹ کمرشل ٹرانزیکشن ایکٹ 2022 کی منظوری دے دی۔ وفاقی کابینہ نے سرمایہ کاری بورڈ کی سفارش پر ملک بھر میں قائم سپیشل اکنامک زونز میں سرمایہ کاروں کو ون ونڈو آپریشنز کے حوالے سے سہولیات فراہم کرنے کے لئے وَن سٹاپ سروس ایکٹ کی اصولی منظوری دے دی۔وفاقی کابینہ نے پٹرولیم ڈویڑن کی سفارش پر تاج فیلڈ (میر پور خاص بلاک) کو تجارتی حیثیت کے لئے 14.11 سکوئر کلومیٹر پر محیط ایریا کوکمرشل بنیادوں پر ڈیکلئیرکرنے اور اس بلاک کی یونائیٹڈ انرجی پاکستان لمیٹڈ (یو ای پی ایل) کو 5 سال کے لئے ترقیاتی اور پیداواری لیز کی منظوری دے دی۔وفاقی کابینہ نے اقتصادی رابطہ کمیٹی کے 21 دسمبر 2022 اور 15 نومبر 2022 کو منعقد ہونے والے اجلاسوں میں لئے گئے فیصلوں کی توثیق کردی۔وفاقی کابینہ نے کابینہ کمیٹی برائے نجکاری کے 26 دسمبر 2022 کو منعقد ہونے والے اجلاس میں لئے گئے فیصلوں کی بھی توثیق کردی۔