چترال شہر کے نواحی علاقہ لینک دنین کے مقام پر جنگل میں لگی آگ پر قابوپالیا گیا ۔۔ ریسکیو1122
چترال ( نمائندہ چترال ٹائمز ) چترال شہر کے نواحی علاقہ لینک سنگور پل کے قریبی جنگل میں بدھ کی شام اچانک آگ بھڑک اٹھی- خبر كى اطلاع ملتے ہی ریسکیو ۱۱۲۲ ، ٹی ایم او فائر بریگیڈ، لیویز ، پولیس اور وائلڈ لائف کے اہلکار فوراً موقع پر پہنچے۔حسن عابد، ڈپٹی کمشنر، کی ہدایات پر ثقلین سلیم، اسسٹنٹ کمشنر بھی خود موقع پر موجود رہے اور آگ بجھانے کے عمل کی نگرانی کی۔
ریسکیو1122 کی طرف سے جاری ایک پریس ریلیز کے مطابق ریسکیو1122 کو اطلاع ملنے پر ریسکیو کی فائر فائٹرز ٹیم فائر وہیکلز کے ساتھ 7 منٹ کے اندر رسپانس دیتے ہوئے موقعے پر پہنچی اور ڈیڑھ گھنٹہ فائر فائٹگ کے بعد آگ پر مکمل قابو پالیا،
فائر فائٹگ میں ریسکیو 1122 کے 6 فائر فائٹرز اور دو فائر وہیکلز نے حصہ لیا، فائر فائٹگ کے دوران 10 ہزار لیٹر پانی استعمال ہوا. آگ لگنے کی وجہ سے فلحال معلوم نہ ہوسکی ہے ۔عینی شاہدین کےمطابق تین نوجوان اس مقام پر بیٹھے تھے جہاں آگ لگی، مقامی پولیس انکوائری کررہی ہے ۔
