صوبائی کابینہ نے چترال یونیورسٹی کیلئے200ملین روپے گرانٹ ان ایڈ، ارزان آٹا اور 675 کنٹریکٹ ڈاکٹروں کی مستقلی کی منظوری دیدی

Posted on June 2, 2022June 2, 2022

صوبائی کابینہ نے چترال یونیورسٹی کیلئے200ملین روپے گرانٹ ان ایڈ، ارزان آٹا، ،675 کنٹریکٹ ڈاکٹروں کی مستقلی اور  کی منظوری دیدی

صوبائی کابینہ نے عوام کو ارزاں نرخوں پر آٹے کی فراہمی کی منظوری دیدی ہے جس پر تقریبا 30بلین روپے سے زائد لاگت آئے گی
صوبائی کابینہ نے محکمہ صحت میں 675 کنٹریکٹ ڈاکٹروں کی مستقلی کے بل کی منظوری دی
کابینہ نے یونیورسٹی آف چترال کیلئے200ملین روپے گرانٹ ان ایڈ کی منظوری دیدی

پشاور (چترال ٹائمز رپورٹ) خیبر پختونخوا کی صوبائی کابینہ نے عوام کو ارزاں نرخوں پر آٹے کی فراہمی کی منظوری دیدی ہے جس پر تقریبا 30بلین روپے سے زائد لاگت آئے گی۔اس منصوبے کے تحت عوام کو 20کلو آٹے کاتھیلا980روپے جبکہ 10کلو آٹے کا تھیلا 490روپے میں فراہم کیا جائے گا۔عوام کو سبسیڈائزڈ آٹے کی فراہمی کا اجراء رواں مہینے سے کیا جائے گاجبکہ صوبہ بھر میں ارزاں نرخوں پر آٹے کی فراہمی کیلئے سیل پوائنٹس /دکانیں مختص کی جائیں گے اور فلور ملز کو گند م کی فراہمی اسی مہینے سے کی جائے گی۔صوبائی کابینہ کا 72واں اجلاس وزیراعلیٰ خیبر پختونخوا محمود خان کی زیر صدارت جمعرات کے روزسول سیکرٹریٹ پشاور میں منعقد ہواجس میں متعددفیصلے کئے گئے۔اجلاس میں صوبائی کابینہ کے اراکین،چیف سیکرٹری، سینئر ممبر بورڈ آف ریونیو، ایڈیشنل چیف سیکرٹری اور انتظامی سیکرٹریزنے شرکت کی۔اجلاس کے بعد صوبائی وزیر برائے اعلیٰ تعلیم کامران خان بنگش نے میڈیا کو بریفنگ دیتے ہوئے کابینہ کے فیصلوں سے آگاہ کیا۔انہوں نے کہا کہ صوبائی کابینہ نے محکمہ صحت میں 675 کنٹریکٹ ڈاکٹروں کی مستقلی کے بل کی منظوری دی۔

یہ ڈاکٹرز عرصہ دراز سے صوبے کے مختلف علاقوں میں بطور میڈیکل آفیسرز کو کورونا کے دوران خدمات انجام دے رہے تھے۔صوبائی کابینہ نے محکمہ لائیوسٹاک میں سابقہ فاٹا کے باقی ماندہ 4پراجیکٹس کے 210ملازمین کو مستقل کرنے کی بھی منظوری دی۔ کابینہ نے محکمہ ایکسائز اینڈ ٹیکسیشن میں آئی ٹی کیڈر کیلئے 34آسامیاں تخلیق کرنے جن میں ڈائریکٹر، ڈپٹی ڈائریکٹر اور اسسٹنٹ ڈائریکٹربھی شامل ہیں، کی منظوری دیدی۔صوبائی کابینہ نے ملاکنڈ میں کمیونٹی کے اشتراک سے کام کرنے والے CDLD پراجیکٹ کے 296ملازمین جن میں انجینئرز، سب انجینئرز اور دیگر عملہ شامل ہیں، کو محکمہ بلدیات میں خالی آسامیوں پر مستقل /ایڈجسٹ کرنے کی بھی منظوری دیدی۔کابینہ نے ضلع جنوبی وزیرستان کے 33خاصہ داروں اور ضلع لکی مروت کے77لیویز اہلکاروں کو پولیس فورس میں باقاعدہ طور پر ضم کرنے کی منظوری دیدی ہے۔کابینہ نے خیبر پختونخوا سیٹیز ایمپرومنٹ پراجیکٹ (Cities Improvement Projedct)کے تحت جاری منصوبوں گریٹر واٹر سپلائی سکیمز مینگورہ اور کوہاٹ کیلئے265 ملین روپے کے ایڈیشنل فنڈ کی منظوری دیدی۔کابینہ نے سال2022-23 کیلئے وائلڈ لائف اور نیشنل پارکس کی ترقی، عوام کی شعور و آگہی، وائلڈ لائف کے شعبے میں ریسرچ وغیرہ کیلئے فنڈ کے قیام کیلئے200ملین بطور سیڈ رقم فراہم کرنے کی منظوری دیدی ہے۔ کابینہ نے یونیورسٹی آف چترال کیلئے200ملین روپے گرانٹ ان ایڈ کی منظوری دیدی ہے۔

کابینہ نے خیبر پختونخوا میں قومی اسمبلی کی نشستیں کم کرنے پر سخت تشویش کا اظہار کیا۔وزیراعلیٰ خیبر پختونخوا نے کہا کہ آبادی کے تناسب سے نشستیں کم کرنے کی بجائے زیادہ کرنی چاہئے تھیں۔کابینہ نے ووٹرز لسٹوں میں مبینہ طور پرگڑ بڑ اور ہیرا پھیری کی عوامی شکایات پر بھی گہری تشویش کا اظہار کیا اور فیصلہ کیا کہ صوبائی حکومت یہ معاملہ الیکشن کمیشن کے ساتھ اٹھائے گی اور اگر اس کا تدارک نہ ہوا تو عدالت سے بھی رجوع کیا جائے گا۔کابینہ نے اس خدشے کا اظہار کیا کہ وفاقی حکومت نے ابھی سے دھاندلی کیلئے راستے ڈھونڈنا شروع کر دئیے ہیں۔اگر ہماری پارٹی کی وفاقی حکومت کی طرف سے کی گئی قانون سازی کو ختم نہ کیا جاتاتو ملک میں شفاف انتخابات کی راہ ہموار ہو سکتی تھی۔ کابینہ نے ڈسٹرکٹ اینڈ سیشن جج اسد علی کو جج اینٹی ٹیرارزم کورٹ سوات تعینات کرنے کی منظوری دیدی ہے۔ کابینہ نے پاکستان ہنٹنگ اینڈ سپورٹنگ ڈویلپمنٹ کمپنی کو صوبے کے حوالے کرنے اور سمیڈا میں ضم کرنے کیلئے معاملہ وفاقی حکومت کے متعلقہ ڈویژن کے ساتھ اٹھانے کی بھی منظوری دیدی۔ واضح رہے کہ خیبر پختونخوا میں چھوٹے اسلحے کے کاروبار کی 150سالہ پرانی تاریخ ہے اور پشاور اور درہ آدم خیل میں 300سے زائد مینو فیکچرنگ یونٹس قائم ہیں اور ہزاروں افراد اس کاروبار سے وابستہ ہیں۔ اس کمپنی کی خیبر پختونخوا منتقلی سے ہزاروں افراد مستفید ہوں گے اور یہ صنعت مزید ترقی کرے گی۔مذکورہ منصوبے سے 7بلین روپے سرمایہ کاری بھی متوقع ہے۔

کابینہ نے خیبر پختونخوا وائلڈ لائف بورڈ کے 7غیر سرکاری ممبران کی منظوری دیدی ہے جن سول ڈویژنز کو نمائندگی دی گئی ہے ان میں پشاور، مردان، ہزارہ، کوہاٹ، ڈی آئی خان، بنوں اور مالاکنڈ سول ڈویژنز شامل ہیں۔ کابینہ نے دِگر راج درگئی ملاکنڈ، چمبہ گل ضلع ہنگو اور قیمت منجی لکی مروت کے علاقوں کو کمیونٹی گیم ریزرو علاقے قرار دینے کی منظوری دیدی ہے۔کابینہ نے شکردرہ ضلع کوہاٹ میں عوام کو پینے کی صاف پانی کی فراہمی کیلئے محکمہ جنگلات کی اراضی استعمال کرنے کی اجازت دیدی۔کابینہ نے کالام میں جنگلات کے تحفظ و ترقی کیلئے آپریشن اور سائنسی بنیادوں پر جنگلات کے انتظام و انصرام کیلئے محکمہ جنگلات کو ضروری اقدامات کرنے کی منظوری دیدی ہے۔کابینہ نے پشاور میں بڑھتی ہوئی آلودگی کو کنٹرول کرنے کیلئے کابینہ کی ایک اوورسائٹ(oversight) اور ایک عمل درآمدی کمیٹی تشکیل دینے کی منظوری بھی دیدی ہے جس میں پشاور سے تین وزراء،تین ایم پی ایز،متعلقہ محکموں کے سیکرٹریز اور انوائرمنٹل اتھارٹی شامل ہوں گے۔ علاوہ ازیں محکمہ صنعت انڈسٹریل اسٹیٹ حیات آباد اور شاہ کس ضلع خیبرسمیت مختلف مقامات کے دورے کرے گی اورفضائی آلودگی کے بارے میں تجرباتی بنیادوں پرڈیٹا اکٹھا کریں گے جس سے کوالٹی اسٹینڈرڈز یقینی بنائے جا سکیں۔ محکمہ ٹرانسپورٹ گاڑیوں کی چیکنگ کریں گی۔ ساتھ ہی ساتھ عوامی آگہی کیلئے میڈیا میں تشہیر ی مہم چلائی جائے گی تاکہ پشاور کے باسیوں کو صاف ستھرا اور آلودگی سے پاک ماحول فراہم کیا جا سکے۔

کمیٹی میں صوبائی وزیر خزانہ تیمور سلیم جھگڑا،وزیر برائے اعلیٰ تعلیم کامران بنگش اور وزیر جنگلات اشتیاق ارمڑ شامل ہوں گے۔لوکل گورنمنٹ کے الیکشن کے انعقاد کے بعد پیدا ہونے والے تنازعات کو حل کرنے میں الیکشن کمیشن کے کردار/ ذمہ داریوں کو سہل بنانے کیلئے لوکل کونسل(Conduct of Elections) رولز2021میں ترمیم کی منظوری دی گئی۔کابینہ نے ضلع بٹگرام میں 4نئے فیلڈ قانون گو سرکلزکے قیام کی منظوری دی۔کابینہ نے ضلع شانگلہ کے سب تحصیل کانہ کو مستقل تحصیل کا درجہ دینے کی منظوری بھی دی اور ضم شدہ ضلع کرم میں نئی تحصیل صدہ کے قیام کی منظوری دی۔کابینہ نے مردان میں سائنس میوزیم کے قیام کیلئے زمین لیز پر حاصل کرنے اور یونیورسٹی آف شانگلہ کو باقاعدہ شیڈول یونیورسٹی کا درجہ دینے کی بھی منظوری دی ہے۔

صوبے کے سیاحتی مقامات کیلئے ٹورازم پولیس لانچ کردی گئی

Posted on June 2, 2022

صوبے کے سیاحتی مقامات کیلئے ٹورازم پولیس لانچ کردی گئی

وزیراعلیٰ محمود خان کی ہدایات پر ٹورازم پولیس کا باقاعدہ افتتاح کردیا، ٹورازم پولیس صوبے اور محکمہ سیاحت کا مثبت چہرہ ہوگی جو سیاحوں کیلئے مددگارفوس ہوگی، ڈی جی ٹورازم محمد عابد خان
پہلے مرحلے میں ٹورازم پولیس سوات، چترال، ایبٹ آباد اور مانسہرہ میں خدمات سرانجام دیگی، پشاور میں دوروزہ ٹریننگ کے بعداسے متعلقہ اضلاع بھجوایا جائے گا، کمانڈنٹ گل سید آفریدی

پشاور (چترال ٹایمز رپورٹ) وزیراعلیٰ خیبرپختونخوا محمود خان کی ہدایت اور سیکرٹری محکمہ سیاحت و ثقافت خیبرپختونخوا محمد طاہر خان اورکزئی کی کاوشوں پر صوبہ کے سیاحتی مقامات پر سیاحوں کو سہولیات اور انہیں بہترین خدمات کی فراہمی کیلئے بنائی جانے والی ٹورازم پولیس کا باقاعدہ افتتاح کردیا گیا۔ اس سلسلے میں گزشتہ روز قیوم سپورٹس کمپلیکس پشاور کے آرینا ہال میں افتتاحی تقریب منعقد ہوئی جس میں ڈائریکٹر جنرل خیبرپختونخوا کلچراینڈٹورازم اتھارٹی محمد عابد خان وزیراورکمانڈنٹ ٹورازم پولیس گل سید آفریدی مہمانان خصوصی تھے۔ ان کے ہمراہ ڈائریکٹر خیبرپختونخوا کلچراینڈٹورازم اتھارٹی یوسف علی، جنرل منیجر پلائننگ اینڈ مارکیٹنگ حیات علی شاہ، ڈپٹی کمانڈنٹ ٹورازم پولیس شوکت علی،ڈائریکٹر ایڈمن اینڈ ایچ آر امجد خان، ڈپٹی ڈائریکٹر ویجیلنس قیصر خٹک، ڈی ایس پی امتیاز خان اور دیگر اہم شخصیات موجود تھیں۔ محکمہ سیاحت، ثقافت، کھیل، آثارقدیمہ، میوزیم و امورنوجوانان کے زیرانتظام خیبرپختونخوا کلچراینڈٹورازم اتھارٹی نے صوبے میں سیاحوں کی سہولیات کیلئے ٹورازم پولیس لانچ کردی۔ ٹورازم پولیس کے پہلے مرحلے میں 200 نوجوانوں میں سے 182 نوجوانوں نے مختلف ڈسٹرکٹ سے اپنی حاضری یقینی بنائی جن کوٹورازم پولیس ٹریک سوٹ اور شوز مہیا کئے گئے۔

افتتاحی تقریب کے موقع پر پشاور میں دوروزہ ٹریننگ سیشن کا انعقاد کیا گیا۔ جس کی افتتاحی تقریب سے خطاب کرتے ہوئے ڈائریکٹر جنرل خیبرپختونخوا کلچراینڈٹورازم اتھارٹی محمد عابد خان وزیر نے کہاکہ ٹورازم پولیس میں بھرتی ہونے والے نوجوان صوبے کا مثبت چہرہ ہونگے جو یہاں آنے والے سیاحوں کیلئے مددگار ہونگے۔ ٹورازم پولیس عام نوکری نہیں بلکہ آپ نوجوانوں نے اپنے کام سے اپنے آپ کو منوانا ہے جیساکہ ریسکیو 1122 اور دیگر اداروں کے نوجوانوں نے اپنی خدمات کے ذریعے خود کو صوبے میں منوایا ہے۔ کمانڈنٹ ٹورازم پولیس گل سید آفریدی کا کہنا تھاکہ آپ لوگ اپنی محنت اور لگن سے اس مقام تک پہنچے ہیں۔پہلے مرحلے میں ان کی ٹریننگ کی جائے گی جس کے بعد یہ نوجوان صوبے کی چار ڈسٹرکٹ چترال، سوات، ایبٹ آباد اور مانسہرہ میں رپورٹ کرینگے۔ سیاحتی سیزن اور کم وقت کی وجہ سے ان نوجوانوں کی بنیادی ٹریننگ کے فوراً بعد انہیں سیاحتی مقامات پر سیاحتی کی خدمات کیلئے ڈیوٹی تفویض کی جائے گی جبکہ سیزن کے بعد ان کی دوسرے مرحلے میں صلاحیت کی تعمیر کیلئے ٹریننگ ہوگی۔ کمانڈنٹ ٹورازم پولیس گل سید آفریدی کا کہنا تھا کہ ان نوجوانوں کو 150ccموٹرسائیکل اور پیک اپ گاڑیاں فراہم کرنے کیساتھ ساتھ کمیونیکیشن سسٹم فعال کیا جائے گا جبکہ ساتھ ہی ان کیلئے B69mm پستول بھی جلد فراہم کردیا جائے گا۔ ٹورازم پولیس کو سیاحتی مقامات کی جانب تعینات کیا جائے گا جہاں یہ سیاحوں کی مددگار فورس کے طور پر خدمات سرانجام دے گی۔

اسلام آباد پولیس اور ایف۔سی کی تنخواہوں اور شہداء پیکیج کو پنجاب اورخیبر پختونخوا کے مساوی کرنے کا فیصلہ

Posted on June 2, 2022June 2, 2022

اسلام آباد پولیس اور فرنٹیئر کانسٹیبلری کی تنخواہوں، الاؤنسز اور شہداء پیکیج کو پنجاب اور خیبر پختونخوا کے مساوی کرنے کا فیصلہ

اسلام آباد(چترال ٹایمز رپورٹ )وزارت داخلہ نے اسلام آباد پولیس اور فرنٹیئر کانسٹیبلری کی تنخواہوں، الاؤنسز اور شہداء پیکیج کو پنجاب اور خیبر پختونخوا کے مساوی کرنے اور اسلام آباد میں جرائم کی روک تھام کیلئے کیمروں کی کوریج 100 فیصد کرنے کا فیصلہ کیا ہے جبکہ وزیر داخلہ رانا ثناء اللہ نے کہا ہے کہ فسادی مارچ کو کسی بھی صورت اسلام آباد میں داخل نہیں ہونے دیا جائے گا اور شرپسند عناصر اور قانون ہاتھ میں لینے والوں سے سختی سے نمٹا جائے گا۔وزارت داخلہ کی طرف سے بدھ کو جاری بیان کے مطابق وزیر داخلہ رانا ثناء اللہ کی زیرصدارت اسلام آباد پولیس اور فرنٹیئر کانسٹیبلری کی آپریشنل استعداد کار بڑھانے کے حوالے سے اجلاس منعقد ہوا جس میں وفاقی سیکرٹری داخلہ یوسف نسیم کھوکھر کے علاوہ کمانڈنٹ فرنٹیئر کانسٹیبلری صلاح الدین محسود، آئی جی پولیس اسلام آباد ڈاکٹر اکبر ناصر، چیف کمشنر اسلام آباد عامر احمد علی اور دیگراعلیٰ حکام نے شرکت کی۔

اجلاس میں امن و امان کیلئے اسلام آباد پولیس اور فرنٹیئر کانسٹیبلری کو مزید مالی، تکنیکی وسائل اور لیگل سپورٹ فراہم کرنے کا فیصلہ کیا گیا۔اجلاس میں اسلام آباد پولیس کی تنخواہیں اور الاؤنسز کو پنجاب پولیس کے مساوی کرنے کا بھی فیصلہ کیا گیا۔ اس کے علاوہ اسلام آباد پولیس کے شہداء پیکیج کے ایک ارب کے بقایاجات فی الفور ادا کرنے، فرنٹیئر کانسٹیبلری کی تنخواہیں، الاؤنسز اور شہداء پیکیج کو خیبر پختونخوا پولیس کے مساوی کرنے اور فرنٹیئر کانسٹیبلری کو پولیس کی معاونت کیلئے بطور اینٹی ریاٹ فورس استعمال کرنے اور اس سلسلے میں فرنٹیئر کانسٹیبلری کو ضروری تربیت دینے کا بھی فیصلہ کیا گیا۔اجلاس میں یہ فیصلہ بھی کیا گیا کہ وفاقی دارالحکومت کی فول پروف سکیورٹی کیلئے لاہور کی طرز پر اسلام آباد سیف سٹی کو جدید ترین بنایا جائے گا اور امن و امان کو یقینی بنانے اور سٹریٹ کرائم کے خاتمے کیلئے کیمروں کی کوریج کو سو فیصد کیا جائے گا۔ اجلاس میں راولپنڈی اسلام آباد کی پولیس اور انتظامیہ کے درمیان کوآرڈینیشن میکینزم قائم کرنے کا بھی فیصلہ کیا گیا۔ وزیر داخلہ رانا ثناء اللہ نے اجلاس سے خطاب کرتے ہوئے کہا کہ ملک کو فسادی جتھوں اور شرپسند عناصر کے رحم و کرم پر نہیں چھوڑا جا سکتا۔انہوں نے کہا کہ وفاقی دارالحکومت اسلام آباد میں فسادی مارچ کو کسی بھی صورت داخل نہیں ہونے دیا جائے گا، فسادی مارچ اور شر پسند عناصر کو سختی سے کچلا جائے گا اور قانون ہاتھ میں لینے والوں کے ساتھ سختی سے نمٹا جائے گا۔ انہوں نے کہا کہ گزشتہ روز وفاقی کابینہ نے فسادی مارچ کے شرپسندوں کے پولیس، رینجرز اور ایف سی اہلکاورں پر تشدد اور حملوں کی شدید الفاظ میں مذمت کی اور فسادی مارچ سے بہترین پیشہ وارانہ انداز میں نمٹنے اور امن و امان کو یقینی بنانے کیلئے پولیس، رینجرز اور ایف سی کو زبردست خراج تحسین پیش کیا۔ انہوں نے کہا کہ اسلام آباد پولیس اور ایف سی کی تنخواہیں، الاؤنسز اور شہداء پیکیج کو آئندہ مالی سال سے پنجاب اور کے پی کے کے مساوی کر دیا جائے گا۔

پی آئی ایکی پہلی حج پرواز 6 جون کو 329 مسافروں کو لے کر مدینہ منورہ روانہ ہو گی

اسلام آباد(سی ایم لنکس)پاکستان انٹرنیشنل ایئر لائن (پی آئی اے)کی حجاز مقدس کے لئے پہلی پرواز 6 جون کو 329 مسافروں کو لے کر مدینہ منورہ روانہ ہو گی۔پی آئی اے کے ترجمان عبداللہ خان کی طرف سے جاری بیان کے مطابق پی آئی اے اپنا حج آپریشن 6 جون سے شروع کرے گا جس کے تحت پہلی حج پرواز 329 عازمین کو لے کر اسلام آباد سے صبح 4 بجے مدینہ منورہ روانہ ہوگی۔پی آئی اے سرکاری حج سکیم کے تحت 15 ہزار عازمین حج کو لے کر جائے گی جبکہ پرائیوٹ آپریٹرز کے تحت 18 ہزار حجاج کرام پی آئی اے کا انتخاب کریں گے۔قبل از حج کی پروازیں 6 جون سے 3 جولائی تک آپریٹ ہوں گی جبکہ بعد از حج پروازیں 14 جولائی سے شروع ہوں گی یہ آپریشن 13 اگست تک جاری رہے گا۔ پی آئی اے کا کل حج آپریشن 331 پروازوں پر مشتمل ہوگا تمام پروازیں 5بڑے شہروں اسلام آباد، کراچی، لاہور، ملتان اور کوئٹہ سے عازمین کو حجاز مقدس پہنچائے گی۔وفاقی وزیر ہوابازی خواجہ سعد رفیق کی خصوصی ہدایات پر سی ای او پی آئی اے آپریشن کی خود نگرانی کریں گے۔ وزیر ہوابازی نے آپریشن کو حجاج کرام کی سہولت کو مدنظر رکھتے ہوئے ترتیب دینے کی ہدایات جاری کی ہیں – پی ائی اے کا عملہ مستعد رہے اور حجاج کرام کی خدمت قومی اور مذہبی فریضہ سمجھ کر سر انجام دینے کی بھی ہدایت کی گئی ہے۔

سپریم کورٹ کے فیصلے کے بعد مارچ کا اعلان کریں گے، عمران خان

پشاور(چترال ٹایمز رپورٹ )چیئرمین تحریک انصاف عمران خان کا کہنا ہے کہ سپریم کورٹ کے فیصلے کے بعد مارچ کا اعلان کریں گے، پہلے ہماری تیاری نہیں تھی اب پوری تیاری کیساتھ نکلیں گے۔تفصیلات کے مطابق چیئرمین پی ٹی آئی عمران خان نے سوشل میڈیا کانفرنس سے خطاب کرتے ہوئے کہا کہ میں آپ سے ملاقات اور بات کرنا چاہتا تھا، اندازہ ہیکہ کن مشکل کنڈیشنز میں 25 مئی کی کوریج کی، میں کئی چیزیں دیکھ رہاتھا جو کنٹینرز سے کوئی نہیں دیکھ رہا تھا، ا?پ نیجذبیاور دلیری سیکوریج کی، میں ا?پ سب کوخراج تحسین پیش کرتاہوں۔عمران خان کا کہنا تھا کہ 30سال سے جرم کرنیوالے آج اوپر آکر بیٹھ گئے ہیں، پاکستان جس دورسیگزررہاہیبہت کم ایساوقت ا?تاہے، یہ ملک کے لئے فیصلہ کن وقت ہے، جب نماز پڑھتے ہیں تو اللہ سے ایک ہی چیز مانگتے ہیں، اللہ سے دعا مانگتے ہیں کہ ہمیں عظمت کے راستے پر لگا۔پی ٹی آئی چیئرمین نے کہا کہ اللہ کسی کواجازت نہیں دیتاکہ وہ کہیمیں نیوٹرل ہوں، حق کے راستے پر چلتے ہیں تو بات ذات سے آگے نکل جاتی ہے، اس جدوجہ کوسیاست نہیں بلکہ جہاد سمجھیں، جب آپ راہ حق پر چلتے ہیں تووہ جہاد ہے۔ان کا کہنا تھا کہ ہمارے معاشریمیں شہادت کاسب سیبڑامقام ہے، جس طرح ظلم کرکیلوگوں پرشیلنگ کی گئی یہ جنرل ڈائر کر سکتا تھا شہبازشریف اور راناثنااللہ نے ماڈل ٹاؤن میں 14لوگوں کو قتل کرایا، ماڈل ٹاؤن میں جب 14قتل ہوئے ان کو اس وقت جیلوں میں ڈالنا چاہیے تھا۔

لانگ مارچ کے دوران تشدد کے حوالے سے عمران خان نے کہا کہ لااینڈفورسمنٹ ایجنسی اپنے لوگوں پر ایساظلم نہیں کرتی، یہ سب ایسے لوگ ہیں جنہیں بہت پہلیجیلوں میں جاناچاہئیتھا، انصاف کی ضرورت تو کمزور کو ہے، طاقتور تو خود کو قانون سے بالاتر سمجھتا ہے۔سابق وزیر اعظم کا کہنا تھا کہ امریکاانٹرنیشنل کریمنل کورٹ کینیچیخودکونہیں لاناچاہتا، عدالتیں کمزورکوتحفظ دینے کیلئیبنتی ہیں، ہم ان لوگوں کو شکست دیں گے تو پاکستان اوپر چلا جائے گا، اگر ہم کامیاب نہ ہوئے تو آپ کے بچوں کو یہ جنگ لڑنا پڑیگی، چوروں کے خلاف یہ جنگ کبھی نہ کبھی تو لڑنی پڑے گی۔رانا ثنا اللہ کی دھمکیوں سے متعلق چیئرمین پی ٹی آئی نے کہا کہ راناثنااللہ کی پھر اسٹیٹمنٹ آئی ہے کہ میں یہ کردوں گا وہ کردوں گا، یہ لوگوں کو پھر سے ڈرانے کی کوشش کررہیہیں، سب سے بزدل انسان ہی ظالم ہوتاہے، راناثنااللہ پر تو ان کی اپنی جماعت کا منسٹر کہتا تھا اس نے 22قتل کئے۔ان کا مزید کہنا تھا کہ اللہ فرماتاہیتم سیپہلیقومیں تباہ ہوئیں جوطاقتورکوقانون کینیچینہیں لاسکیں، شہبازشریف نے98،97میں سب سے زیادہ لوگ پولیس مقابلیمیں مرائے۔آزادی مارچ کے حوالے سے عمران خان نے کہا کہ آزادی مارچ میں فیملیز،عورتوں اور بچوں پرانہوں نیشیلنگ کی، وہ شیل صرف دہشت گردوں پراستعمال ہوتیہیں وہ ان لوگوں پر کیے گئے، ان کی کوشش ہیکہ عوام ڈرکرسہم کربیٹھ جائے، 62سال میں 30سال فوج تو 30سال ان 2 خاندانوں نے حکومت کی۔ان کا مزید کہنا تھا کہ کسی نے دنیامیں بڑاکام نہیں کیا جس نیخوف پر قابو نہیں پایا، 4 ہزار لوگوں نے 40 کروڑ ہندوستانیوں پر حکومت کی ہے، جنرل ڈائر نے جلیاں والاباغ میں لوگوں کو گولیاں ماری تھیں۔سابق وزیر اعظم نے کہا کہ میں اس کوجہادسمجھ کرلڑتاہوں مجھیکسی چیزکاخوف نہیں،یہ ہم آنیوالی نسلوں کیلئیجنگ لڑرہیہیں، یاد رکھیں ان سیبزدل لوگ کوئی نہیں ہیں۔انھوں نے بتایا کہ سپریم کورٹ میں ہماراکیس لگاہواہے، ہم سپریم کورٹ سیپروٹیکشن چاہ رہیہیں، سپریم کورٹ سیسوال ہے ایسے مجرموں کو شیلنگ کی اجازت دے سکتے ہیں، پنجاب میں چادرچاردیواری کوپامال کیاگیا۔عمران خان نے کہا کہ سپریم کورٹ کیفیصلیکیبعدہم نکلیں گے، پہلیہماری تیاری نہیں تھی،اب پوری تیاری کیساتھ جائیں گے، جو غلطیاں پہلیہوئیں اب وہ نہیں ہوں گی، آ پ لوگوں کوچوٹیں بھی لگیں زخمی بھی ہوئے، جس پر میں آپ سب کوخراج تحسین پیش کرتاہوں۔

دنیا کی بلندترین پولو گراونڈ میں “شندور فیسٹول” کے انعقاد کے سلسلے میں چترال اور جی بی انتظامیہ کی میٹنگ

Posted on June 1, 2022

دنیا کی بلندترین پولو گراونڈ شندور میں شندور فیسٹول کے انعقاد کے سلسلے میں چترال اور جی بی انتظامیہ کی میٹنگ

اپر چترال ( نمایندہ چترال ٹایمز ) اپر چترال میں دنیا کی بلند ترین پولوگراونڈ شندور میں ” شندور میلے” کو بہترین طریقے سے منعقد کرنے کے سلسلے میں شندور پولو گراؤنڈ میں میٹنگ کا انعقاد کیا گیا، میٹنگ میں دونوں اضلاع یعنی اپر اور لوئر چترال کے ڈپٹی کمشنرز، کمانڈنٹ چترال ٹاسک فورس، ڈسٹرکٹ پولیس آفیسر اپر چترال، لائن ڈیپارٹمنٹس کے سربراہان، صدر پولو ایسوسی ایشن، عمایدین علاقہ اور گلگت بلتستان سے آئے ہوئے انتظامیہ کے آفیسران نے شرکت کی۔

میٹنگ انتہائی خوشگوار ماحول میں منعقد ہوئی۔ میٹنگ میں تمام سٹیک ہولڈرز نے اس بات کا اعادہ کئے کہ پولو جیسے شاندار بین الاقوامی میلے کو شاندار طور پر منانے کی بھر پور کوشش کی جائے گی تاکہ پوری دنیا چترال کا سافٹ امیج دیکھے اور چترال میں سیاحت اور پولو جیسے عظیم کھیل کو فروغ ملے۔

شندور فیسٹول امسال عید کی چھٹیوں کی وجہ سے یکم جولایی سے 3جولائی 2022کے درمیان منانے کا فیصلہ کیا گیا ، جبکہ سالانہ کلینڈر ایونٹ کے طور پر ۷ جولایی سے ۹ جولایی کے درمیان منا یا جاتا تھا۔ مگر گزشتہ دو سالوں میں کرونا وبا کی وجہ سے مذکورہ فیسٹول منعقد نہیں ہویے۔

وزیرزادہ کی کوششوں سے جامعہ چترال کیلے بیس کروڑ روپے گرانٹ ان ایڈ صوبایی کیبٹ میں بحث کیلے منظور

Posted on June 1, 2022

وزیرزادہ کی کوششوں سے جامعہ چترال کیلے بیس کروڑ روپے گرانٹ ان ایڈ صوبایی کیبٹ میں بحث کیلے منظور

پشاور ( نمایندہ چترال ٹایمز ) وزیراعلیِ کے معاون خصوصی وزیرزادہ نے چترال یونیورسٹی کیلے بیس کروڑ روپے گرانٹ ان ایڈ صوبایی کیبٹ میں بحث کیلے منظور کرالیا ہے جوکل کے کیبنٹ اجلاس کے ایجنڈے میں شامل کیا گیا۔ یادرہے کہ جامعہ چترال کے نان ڈویلپمنٹ بجٹ ختم ہونے کی بنا پر یونیورسٹی انتہایی مالی مشکلات کا شکار ہے اور گزشتہ ماہ کی تنخواہیں دینے سے بھی قاصر رہی ہے ۔
دریں اثنا یونیورسٹی کے سابق رجسٹرار حسن نے وزیرزادہ کا یونیورسٹی انتظامیہ اور عوام چترال کی طرف سے شکریہ ادا کیا ہے اور اس امید کا اظہار کیا ہے کہ معاون خصوصی صوبایی کیبٹ اجلاس میں گرانٹ ان ایڈ کی منظوری دلواکر یونیورسٹی ملازمین کی مشکلات کا ازالہ کریں گے۔

سوات؛ ہم گزشتہ مارچ کے دوران بھی پر امن رہے اگلی دفعہ بھی پر امن رہیں گے۔وزیراعلی،۔ وکلا تنظیموں میں گرانٹ ان ایڈ کے چیکس تقسیم

Posted on June 1, 2022

سوات؛ ہم گزشتہ مارچ کے دوران بھی پر امن رہے اگلی دفعہ بھی پر امن رہیں گے۔وزیراعلی،۔ وکلا تنظیموں میں گرانٹ ان ایڈ کے چیکس تقسیم

سوات ( چترال ٹایمز رپورٹ ) وزیر اعلیٰ خیبر پختونخوا محمود خان نے کہاہے کہ بیرونی سازش کے تحت قائم کی گئی سلیکٹڈ حکومت ان کے خلاف جتنی کمیٹیاں بنانا چاہتی ہے بنالے اور جتنی مرضی مقدمے درج کرا لے ہم اپنے جمہوری حق سے پیچھے نہیں ہٹیں گے،صوبے کا منتخب وزیر اعلی ہوں ،اپنے لوگوں کا تحفظ میری ذمہ داری ہے،ہم پر امن اور جمہوری لوگ ہیں آئین کی مکمل پاسداری کریں گے، ہم گزشتہ مارچ کے دوران بھی پر امن رہے اگلی دفعہ بھی پر امن رہیں گے، پی ٹی آئی ورکرز ہماری فورس ہیں، اگلے مارچ میں بھی ورکرز بھر پور انداز میں شرکت کریں گے، امپورٹڈ حکومت نے ہمارے پر امن مارچ کے شرکاءپر بدترین تشدد کیا، ملک میں آزادانہ نقل و حرکت ہر شہری کا آئینی حق ہے، اس سلسلے میں کل کابینہ اجلاس میں امپورٹڈ حکومت کے خلاف سپریم کورٹ جانے کا فیصلہ کیا جائے گا۔ان خیالات کا اظہار انہوں نے بدھ کے روز ضلع سوات کے مختصر دورہ کے دوران میڈیا سے گفتگو کرتے ہوئے کیا۔ رکن صوبائی اسمبلی فضل حکیم بھی وزیر اعلی کے ہمراہ تھے۔

 

وزیر اعلیٰ نے دورہ کے دوران کمشنر ملاکنڈ کے دفتر میں وکلاءسے ملاقات کی اور وکلاءتنظیموں میں گرانٹ ان ایڈ کے چیکس بھی تقسیم کیے۔وزیراعلیٰ نے سوات کی چار تحصیل بار ایسوسی ایشنز میں 50، 50 لاکھ روپے کے چیکس تقسیم کئے جن میں تحصیل بار ایسوسی ایشن بحرین، تحصیل بار ایسوسی ایشن خوازہ خیلہ، تحصیل بار ایسوسی ایشن مٹہ اور تحصیل بار ایسوسی ایشن کبل شامل ہیں۔ انہوں نے ڈسٹرکٹ بار ایسوسی کے لئے ایک کروڑ جبکہ ہائی کورٹ بار ایسوسی ایشن کے لئے دو کروڑ روپے کے چیکس حوالے کیے۔ پشاور ہایی کورٹ دارلقضا  منگورہ  بار کے صدر مجاہد فاروق اور جنرل سیکریٹری رحیم اللہ چترالی نے چیک وصول کیا۔ اس سے قبل دونوں وکلا رہنماوں نے وزیر اعلیِ کا استقبال کیا۔

وزیراعلی نے اس موقع پرڈی پی او آفس کا بھی دورہ کیا اور نو قائم شدہ پولیس کمانڈ اینڈ کنٹرول سنٹر کا باضابطہ افتتاح کیا۔پولیس کے اعلی حکام کی طرف سے وزیراعلی کو کمانڈ اینڈ کنٹرول سنٹر کے مختلف پہلووں پر بریفنگ بھی دی گئی اور بتایا گیا کہ سوات میں تمام تھانوں کے جملہ امور کو ڈیجیٹائز کیا جا رہا ہے۔

کمانڈ اینڈ کنٹرول سنٹر میں پولیس ایکسس سروس، ٹوکن آٹومیشن سسٹم، پولیس اسٹیشن ریکارڈ مینجمنٹ سسٹم، میڈیا مانیٹرنگ سسٹم، ریسکیو 15 سسٹم، ہوٹل واچ، ای ٹکٹنگ ، ای گیجٹ، ای ٹوکن، این سی پی، ویمن سیفٹی ایپ اور سی ڈی آر سسٹم قائم کئے گئے ہیں۔بعد ازاں میڈیا سے گفتگو کرتے ہوئے محمود خان نے کہا کہ اگر ملک کو بچانا ہے تو امپورٹڈ حکومت کو جلدی ہٹانا ہے، یہ انٹرنیشنل سلیکٹڈ حکومت ہے جو بیرونی سازش کے تحت قائم ہوئی ہے۔ محمود خان نے ایک سوال کا جواب دیتے ہوئے کہا کہ ان کے خلاف بننے والی کمیٹی کا سربراہ ایک مجرم اور قاتل ہے، امپورٹڈ وزیر داخلہ سانحہ ماڈل ٹاون کا مرکزی کردار ہے، اس کے علاوہ منشیات کے کیس میں وزیر داخلہ کے خلاف فرد جرم عائد ہونے جارہا ہے، وزیر اعلیٰ نے کہا کہ اٹک پنجاب کا حصہ ہے اور انہیں پنجاب میں داخلے سے روک دیا گیا، محمود خان نے ایک اور سوال کا جواب دیتے ہوئے کہا کہ امپورٹڈ حکومت نے ان کے خلاف تین مقدمات درج کرائے، انہوں نے واضح کیا کہ وہ عمران خان کے سپاہی ہیں، مقدمات سے نہیں ڈرتے۔اگر عمران خان خیبر پختونخوا میں ہیں تو یہاں پر اس کی حکومت ہے، محمود خان نے ایک اور سوال کے جواب میں کہا کہ صوبے میں ہماری دو تہائی اکثریت ہے کوئی گورنر راج نہیں لگا سکتا، وزیر اعلیٰ نے موجودہ معاشی صورتحال سے متعلق ایک سوال کے جواب میں کہا کہ ملکی معیشت ڈوب رہی ہے، نااہل حکمرانوں کے پاس کوئی پالیسی نہیں، امیر مقام کے حوالے سے سوال کا جواب دیتے ہوئے کہا کہ امیر مقام اتنا بڑا لیڈر نہیں کہ میں ان کی باتوں کا جواب دوں، امیر مقام کی باتوں کا جواب میرے ایم پی ایز دیں گے، امیر مقام سیاستدان نہیں ٹھیکہ دار ہے جو ہر وقت پیسے بنانے کے چکر میں ہوتا ہے، امیر مقام جماعت اسلامی سے نکل کر مشرف کا بھائی بن گیا، جب مشرف چلا گیا تو یہ ان چوروں کے ساتھ بیٹھ گیا،یہ اقتدار کے پیچھے بھاگنے والے لوگ ہیں۔

محمود خان نے کہا کہ سوات کے مختلف علاقوں کو گیس سپلائی کے لئے صوبائی حکومت نے 64 کروڑ روپے کے فنڈز فراہم کئے تھے، جب ان چوروں کی حکومت ختم ہوگی تو وہ فنڈز خرچ کئے جائیں گے، میں اپنے لوگوں سے کبھی جھوٹ نہیں بولوں گا ، میرا تعلق اسی مٹی سے ہے،جب حکومت ختم ہوگی تو واپس سوات آکر اپنے لوگوں میں بیٹھوں گا۔میں نے ان لوگوں کی طرح باہر کوئی جائیدادیں نہیں بنائی ہیں، وزیر اعلی نے واضح کیا کہ امیر مقام پی ٹی ائی میں شامل ہونے کی کوشش کررہا تھا لیکن پارٹی کے لوگ اس کو تسلیم کرنے کے لئے تیار نہیں تھے کیونکہ پی ٹی آئی میں امیر مقام جیسے لوگوں کی کوئی جگہ نہیں۔ وزیر اعلی نے کہاکہ سوات پر صرف سوات کے لوگ حکمرانی کریں گے، باہر کا کوئی شخص سوات پر حکمرانی نہیں کر سکتا۔ایک سوال کا جواب دیتے ہوئے وزیراعلیٰ نے کہاکہ ہم سیاسی لوگ ہیں بات چیت پر یقین رکھتے ہیں، حالات جنگ میں بات چیت کے راستے بند نہیں ہوتے تاہم وزیراعلیٰ نے کہا کہ اگر عمران خان دوبارہ مارچ کی کال دیں گے تو اس دفعہ بھی سوات کے لوگ سب سے زیادہ تعداد میں شریک ہوں گے۔ ا±نہوںنے مینگورہ سٹی میں پانی کے مسئلے کے حوالے سے بات کرتے ہوئے کہاکہ پانی کی قلت کا مسئلہ حل کرنے کے لئے میگا منصوبہ شروع کیا جا رہا ہے،منصوبے کا ٹینڈر ہوگیا ہے جون کے آخر تک عملی کام کا آغاز کیا جائے گا۔

وزیراعلی خیبر پختونخوا محمود خان  سیدو شریف سوات میں واقع والی سوات کے گھر گئے  اور سابق ممبر قومی اسمبلی شہزادہ میاں گل عدنان اورنگزیب کے انتقال پر سوگوار خاندان سے تعزیت کی

سوات ( چترال ٹایمز رپورٹ ) وزیراعلی خیبر پختونخوا محمود خان بدھ کے روز سیدو شریف سوات میں واقع والی سوات کے گھر گئے جہاں انہوں نے والی سوات کے پوتے اور سابق ممبر قومی اسمبلی شہزادہ میاں گل عدنان اورنگزیب کے انتقال پر سوگوار خاندان سے تعزیت کی۔ وہ کچھ دیر سوگوار خاندان کے ساتھ رہے اور مرحوم کی روح کے ایصال ثواب کے لئے فاتحہ خوانی کی۔ جسٹس حسن اورنگزیب، ڈاکٹر محمود اورنگزیب اور عمر ایوب کے علاوہ سوگوار خاندان کے دیگر افراد بھی اس موقع پر موجود تھے۔ سوات سے ممبر صوبائی اسمبلی فضل حکیم بھی وزیر اعلیٰ کے ہمراہ تھے۔

حج پالیسی کااعلان، قربانی کے بیغیرحج پیکیج 6 لاکھ 64 ہزار 807 اور بمع قربانی 7 لاکھ 10 ہزار 178 روپے کا ہوگا۔وفاقی وزیر مذہبی امور

Posted on May 31, 2022May 31, 2022

حج پالیسی کااعلان، وفاقی کابینہ نے حج 2022 کی پالیسی کی منظوری دے دی، قربانی کے بیغیر حج پیکیج 6 لاکھ 64 ہزار 807 اور بمع قربانی 7 لاکھ 10 ہزار 178 روپے کا ہوگا۔وفاقی وزیر مذہبی امور مفتی عبدالشکور کا پریس کانفرنس سے خطاب

اسلام آباد(چترال ٹایمز رپورٹ)وفاقی وزیر مذہبی امور مفتی عبدالشکور نے کہا ہے کہ وفاقی کابینہ نے حج 2022 کی پالیسی کی منظوری دے دی ہے جس کے مطابق ہر حاجی کیلئے وزیراعظم اور کابینہ نے ایک لاکھ 50 ہزار کی سپورٹ پرائس کا اعلان کیا ہے جس کی وجہ سے بغیر قربانی کے حج پیکیج 6 لاکھ 64 ہزار 807 اور بمع قربانی 7 لاکھ 10 ہزار 178 روپے کا ہوگا، پہلی حج پرواز روڈ ٹو مکہ پراجیکٹ کے تحت 6 جون کو حجاز مقدس روانہ ہوگی۔منگل کو ان خیالات کا اظہار انھوں نے وزارت مذہبی امور میں پریس کانفرنس سے خطاب کرتے ہوئے کیا۔ انہوں نے کہا کہ حج ایک اہم دینی اور مذہبی فریضہ ہے، دو سال کے وقفہ کے بعد سعودی حکام نے محدود حج کوٹہ کے ساتھ انٹرنیشنل حج کی اجازت دی جس کیلئے ہم سعودی حکومت اور خادم الحرمین الشریفین کے شکر گزار ہیں۔انہوں نے کہا کہ دو سال کے وقفہ کے بعد پاکستان کا حج کوٹہ 81210 ہے، یہ حج غیرمعمولی حالات میں انعقاد پذیر ہے،

سعودی حکومت کی جانب سے لازمی حج اخراجات تاخیر سے موصول ہونے کے بعد وزارت مذہبی امور نے وقت کی بچت کی جس کے لئے سارا عملہ خراج تحسین کا حقدار ہے، عیدالفطر سے قبل 50 ہزار ٹوکن کے ساتھ حج درخواستیں وصول کرنا شروع کیں۔انہوں نے کہا کہ ڈالر کے مقابلہ میں روپے کی قدر میں کمی اور معاشی صورتحال کی وجہ سے سابق حکومت نے حج بہت مہنگا کر دیا تھا، اگر ہم کوشش نہ کرتے تو حج 11 لاکھ روپے تک پہنچ جاتا، ہم نے شمالی ریجن کیلئے 800387 اور جنوبی ریجن کیلئے 791337 کا اعلان کیا تھا، اس میں قربانی شامل ہے، حج پیکیج میں سعودی لازمی حج اخراجات کی شرح 51 فیصد ہے، میں نے حج اخراجات میں کمی کیلئے کوششیں کیں، انہی کوششوں کے نتیجے میں وفاقی کابینہ خاص طور پر وزیراعظم شہباز شریف کا شکرگزار ہوں جنہوں نے فیاضانہ انداز میں ایک لاکھ 50 ہزار روپے کے سپورٹ رقم کی منظوری دی ہے۔انہوں نے کہا کہ ہم نے مکہ اور مدینہ میں سستی عمارات حاصل کیں، خوراک کی مد میں بچت کیلے اقدامات اٹھائے، حاجیوں کیلئے تین وقت کا کھانا 27 ریال میں معاہدہ کیا، حرم کے قریب ترین رہائشی عمارتیں حاصل کی ہیں۔

انہوں نے کہا کہ ہم نے 6 ماہ کا کام ایک ماہ میں کیا ہے، عازمین حج مطمئن رہیں، وزارت کا عملہ، بینک اور ایئرلائنیں کام خوش اسلوبی سے کر رہے ہیں، روڈ ٹو مکہ پراجیکٹ کے تحت سعودی حکومت کی ہدایت کے مطابق پہلی حج پرواز 6 جون کو روانہ ہوگی، پرواز کی اطلاع عازمین حج کو بذریعہ ایس ایم ایس اور یب سائٹ کر دی جائے گی۔انہوں نے کہا کہ 810 کل معاونین حج جا رہے ہیں، ان کے ویزے سعودی حکام کی جانب سے فراہم کئے جاتے ہیں، ان میں سیزنل سٹاف، خدام الحجاج اور دیگر معاونین شامل ہیں۔ ایک سوال کے جواب میں انہوں نے کہا کہ گزشتہ دو سالوں تک قرعہ اندازی میں ناکام ہونے والوں کی تعداد رواں سال سرکاری سکیم کے کوٹہ سے تجاوز کر گئی تھی۔

ایک اور سوال کے جواب میں انہوں نے کہا کہ مزید کوٹہ کے حوالے سے ہم پریشان ہیں، اس سلسلے میں ہم سعودی حکومت سے رابطہ میں ہیں۔ایک اور سوال کے جواب میں انہوں نے کہا کہ سعودی عرب نے مشکل حالات میں حج شروع کیا ہے جس کیلئے ہم ان کے شکر گزار ہیں، سعودی سفارتخانہ نے یقین دلایا ہے کہ حج ویزے بروقت جاری ہوں گے۔ ایک اور سوال کے جواب میں انہوں نے کہا کہ حج سبسڈی شرعاً جائز ہے، دارالعلوم دیوبند نے بھارتی حج آپریشن کیلئے فتویٰ دیا ہے کہ حاجیوں کو سہولت فراہم کی جا سکتی ہے، اس کے علاوہ رسول اللہ ﷺنے 700 افراد کیلئے قربانی کی، وفاقی کابینہ کی طرف سے سپورٹ پرائس کی منظوری کے بعد قربانی کے بغیر ساڑھے 6 اور 7 لاکھ کے درمیان حج پیکیج ہو گا، قربانی کے ساتھ حج پیکیج 7 لاکھ 10 ہزار کا بنے گا۔ایک اور سوال کے جواب میں انہوں نے کہا کہ حج کا دورانیہ کم کیا جا سکتا تھا مگر بعض حاجی اس پر ناراض ہوتے ہیں، زیادہ سے زیادہ مسلمان اللہ اور رسول اللہ ﷺکے در پر وقت گزارنا چاہتے ہیں۔ انہوں نے واضح کیا کہ میں اپنے خاندان والوں کو اگر حج پر لے کر گیا تو اپنے اخراج خود کروں گا۔

 

 

پی آئی اے عمل حجاج کرام کی خدمت قومی و مذہبی فریضہ سمجھ کر سر انجام دے، خواجہ سعد رفیق

اسلام آباد(سی ایم لنکس)وفاقی وزیر برائے ہوا بازی خواجہ سعد رفیق نے پی آئی اے حکام کو حج آپریشن کو حجاج کرام کی سہولت کو مدنظر رکھتے ہوئے ترتیب دینے کی ہدایات جاری کی ہیں۔پی ائی اے کے ترجمان عبداللہ خان کی طرف سے منگل کو جاری اعلامیہ کے مطابق وزارت مذہبی امور کے اعلان کے ساتھ ہی پی آئی اے نے وفاقی وزیر کی ہدایت پر حج آپریشن کا شیڈول جاری کردیا ہے جس کے تحت پی آئی اے اپنا حج آپریشن 6 جون سے شروع کرے گا۔ترجمان نے کہا کہ پی آئی اے کی پہلی حج پرواز 329 عازمین کو لے کر اسلام آباد سے صبح 4 بجے مدینہ منورہ روانہ ہوگی۔ پی آئی اے سرکاری سکیم کے تحت استفادہ کرنے والے 15 ہزار عازمین حج کو لے کر جائے گی جبکہ پرائیوٹ آپریٹرز کے 18 ہزار حجاج کرام بھی پی آئی اے کا انتخاب کریں گے۔ ترجمان نے کہا کہ قبل از حج کی پروازیں 6 جون سے 3 جولائی تک آپریٹ ہوں گی۔بعد از حج کی پروازیں 14 جولائی سے شروع ہوں گی اور 13 اگست تک جاری رہیں گی۔پی آئی اے کا کل حج آپریشن 331 پروازوں پر مشتمل ہوگا۔پی آئی اے 5 بڑے شہروں اسلام آباد، کراچی، لاہور،ملتان اور کوئٹہ سے عازمین کو حجاز مقدس پہنچائے گی۔وفاقی وزیر ہوابازی خواجہ سعد رفیق کی خصوصی ہدایات پر سی ای او پی آئی اے آپریشن کی خود نگرانی کریں گے۔ وزیر ہوابازی نے آپریشن کو حجاج کرام کی سہولت کو مدنظر رکھتے ہوئے ترتیب دینے کی ہدایات جاری کی ہیں۔ وفاقی وزیر نے کہا کہ پی ائی اے عملہ مستعد رہے اور حجاج کرام کی خدمت قومی اور مذہبی فریضہ سمجھ کر سر انجام دے۔

 

نیپرا نے بجلی کی قیمت میں اضافے کی منظوری دے دی

اسلام آباد( چترال ٹایمز رپورٹ)عوام کو بجلی کا زور دار جھٹکا مل گیا، نیپرا نے اپریل کے لیے فیول ایڈجسٹمنٹ کی مد میں بجلی کی قیمت میں 3 روپے 99 پیسے فی یونٹ اضافے کی منظوری دے دی۔سینٹرل پاور پرچیزنگ ایجنسی کی فی یونٹ 4 روپے5 پیسے بجلی مہنگی کرنے کی درخواست پر چیئرمین نیپرا توصیف ایچ فاروقی کی زیر صدارت سماعت ہوئی۔وائس چیئرمین نیپرا نے کہا ہے کہ سستے پاور پلانٹ فیول نہ ملنے کے باعث بند پڑے ہیں، بریفنگ میں بتایا گیا کہ مہنگی بجلی کی وجہ مہنگا فیول ہے، اپریل کی فیول پرائس ایڈجسٹمنٹ کیلیے جمع درخواست کا اطلاق کے الیکٹرک پر نہیں ہوگا۔نیپرا کو بریفنگ میں بتایا گیا کہ کوئلہ اور فرنس آئل بہت مہنگے ہیں،وائس چیئرمین نیپرا نے سوال کیا کہ کیا آپ کے پاور پلانٹس کو گیس ملتی ہے؟ نمائندہ سی پی پی اے نے جواب دیا کہ ہمارے پاور پلانٹس کو گیس نہیں ملتی، وائس چیئرمین نے اس پر کہا کہ جن پلانٹس کوگیس نہیں ملتی انہیں اکنامک میرٹ آرڈرمیں ٹاپ پر نہ رکھیں۔نیپرا حکام نے کہاکہ ہمارے لییصارف اہم ہے جو مہنگے فیول کا شکار ہورہا ہے،چیئرمین نیپرا نے سماعت کے دوران کہا کہ اندازوں پر کام نہ کریں، پاورسسٹم کے مسائل کا حل تلاش کیا جائے،اٹھارہ اٹھارہ گھنٹے تک لوڈشیڈنگ ہورہی ہے۔نیپرا حکام نے بتایا کہ اپریل کی فیول پرائس ایڈجسٹمنٹ کا اضافہ3 روپے99 پیسے فی یونٹ بنے گا۔سماعت مکمل ہوجانے کے بعد نیپرا نے جاری اعلامیہ میں کہا کہ ڈیٹا کی ابتدائی جانچ پڑتال کے مطابق اضافہ 3 روپے 99 پیسے بنتا ہے، اس سے قبل مارچ کا ایف سی اے صارفین سے2 روپے86 پیسے فی یونٹ چارج کیا گیا تھا۔نیپرا نے کہا کہ اپریل کا ایف سی اے مارچ کی نسبت 1 روپے 13 پیسے جون میں زیادہ چارج کیا جائے گا، اس اضافے کا اطلاق صرف ایک ماہ کے لیے ہوگا، اس کا اطلاق ڈسکوزکے تمام صارفین ماسوائے لائف لائن صارفین پر ہوگا جبکہ کے الیکٹرک صارفین پر اطلاق نہیں ہوگا۔

خیبرپختونخوا حکومت کے میگا ہاوسنگ منصوبے “نیو پشاور ویلی” کے حتمی ماسٹر پلان کی باضابطہ منظوری دیدی گئی

Posted on May 31, 2022May 31, 2022

خیبرپختونخوا حکومت کے میگا ہاوسنگ منصوبے “نیو پشاور ویلی” کے حتمی ماسٹر پلان کی باضابطہ منظوری دے دی گئی

پشاور ( چترال ٹایمز رپورٹ ) وزیراعلی خیبرپختونخوا محمود خان کی زیر صدارت پشاور ڈویلپمنٹ اتھارٹی کے بورڈ کے اجلاس میں خیبرپختونخوا حکومت کے میگا ہاوسنگ منصوبے “نیو پشاور ویلی” کے حتمی ماسٹر پلان کی باضابطہ منظوری دے دی گئی۔ پشاور ڈویلپمنٹ اتھارٹی کے بورڈ کا آٹھواں اجلاس منگل کے روز وزیراعلی سیکرٹریٹ پشاور میں منعقد ہوا۔ صوبائی وزیر تیمور سلیم جھگڑا،رکن صوبائی اسمبلی پیر فدا اوروزیراعلیٰ کے پرنسپل سیکرٹری امجد علی خان کے علاوہ دیگر بورڈ اراکین نے اجلاس میں شرکت کی۔ اجلاس کو نیو پشاور ویلی منصوبے کے حتمی ماسٹر پلان پر تفصیلی بریفنگ دی گئی اور بتایا گیا کہ یہ ہاﺅسنگ اسکیم ایک لاکھ چھ ہزار چار سو کنال وسیع اراضی پر قائم کی جائے گی جس میں سے 41 فیصد رقبہ یعنی ساڑھے 43 ہزار کنال رہائشی پلاٹس اور اپارٹمنٹس پر مشتمل ہو گا جبکہ کل رقبے کا 28 فیصد سڑکوں کی تعمیر،16 فیصد رقبے پر پارکس اور اوپن سپیسز،7 فیصد رقبے پر سرکاری عمارات جبکہ 5 فیصد رقبہ کمرشل مقاصد کے لیے استعمال کرنے کی منصوبہ بندی کی گئی ہے۔اس کے علاوہ دو فیصد رقبہ قبرستان کیلئے مختص ہو گا۔

ماسٹر پلان میںوہ تمام سہولیات رکھی گئی ہیں جو کسی بھی جدید ہاوسنگ سوسائٹی کے لیے ناگزیر ہیں۔تفصیلی ماسٹر پلان میں منصوبے کے تحت ابتدائی طور پرمختلف کیٹیگریز کے 62056 رہائشی پلاٹس تجویز کیے گئے ہیں جن میں تین مرلے کے 16312 پلاٹس، پانچ مرلے کے 17201 پلاٹس، سات مرلے کے 3402 ، دس مرلے کے 9526 ، ایک کنال کے 13415 ، دوکنال کے 1494 اور چار کنال کے 706 پلاٹس شامل ہیں ۔8 ہزار کنال رقبہ ریزرو رکھا گیا ہے جو ضرورت کے مطابق رہائشی پلاٹس کی فراہمی کے لیے استعمال میں لایا جائے گا۔ منصوبے کے دیگر اہم فیچرز میں سول سیکرٹریٹ، میڈیا انکلیو، سپورٹس سٹی اور ایجوکیشن اینڈ ہیلتھ سٹی بھی شامل ہیں جو بین الاقوامی معیار کی جدید ترین سہولیات پر مشتمل ہوں گی۔اس کے علاوہ خیبر پارک کے نام سے ایک میگا پارک بھی قائم کیا جائے گا جو گالف کورسز،جھیل،کلچرل ویلیج،گندھارا میوزم، تھیم پارک، فاریسٹ،ایڈونچر ایریا اور دیگر سٹیٹ آف دی آرٹ تفریحی سہولیات پر مشتمل ہو گا۔ سائیٹ تک رسائی کے لیے مین ایکسپریس وے کی تعمیر کے علاوہ مختلف اطراف میں پہلے سے موجود پانچ رسائی سڑکوں کو بھی بہتر بنایا جائے گا۔ وزیراعلی نے صوبائی دارلحکومت پشاور میں بڑھتی ہوئی آبادی کے دباﺅ کو کنٹرول کرنے کیلئے نیو پشاور ویلی منصوبے کو ناگزیر قرار دیتے ہوئے متعلقہ حکام کو ہدایت کی کہ منصوبے پر عمل درآمد کے تمام مراحل کی مقررہ ٹائم لائنز کے مطابق تکمیل یقینی بنائی جائے ۔

اُنہوں نے اب تک تصدیق شدہ زمین کے مالکان کو ایک ہفتہ کے اندر طے شدہ فارمولہ کے مطابق پلاٹس کے انٹیمیشن لیٹرز جاری کرنے کی ہدایت کی اور واضح کیا کہ اس سلسلے میں کسی قسم کی تاخیر برداشت نہیں کی جائے گی۔انہوں نے لینڈ شیئرنگ فارمولے کے تحت درکار باقی ماندہ اراضی کے حصول اور تصدیق کا عمل تیز کرنے کی بھی ہدایت کی اور کہا کہ حیات آباد کے بعد یہ ایک میگا اور سب سے اہم ہاو¿سنگ منصوبہ ہے جس کی تیز رفتار تکمیل صوبائی حکومت کی اہم ترجیحات میں شامل ہے۔

خیبرپختونخوا حکومت کے فلیگ شپ  منصوبے ” انصاف فوڈ کارڈ” کے تحت مستحق خاندانوں کو کارڈزکے اجراءکیلئے تیاریوں اور انتظامات کو حتمی شکل دی گئی

Posted on May 31, 2022May 31, 2022

خیبرپختونخوا حکومت کے فلیگ شپ  منصوبے ” انصاف فوڈ کارڈ” کے تحت مستحق خاندانوں کو کارڈزکے اجراءکیلئے تیاریوں اور انتظامات کو حتمی شکل دی گئی

پشاور( چترال ٹایمز رپورٹ)خیبرپختونخوا حکومت کے ایک اور فلیگ شپ اور غریب پرور منصوبے ” انصاف فوڈ کارڈ” کے تحت مستحق خاندانوں کو کارڈزکے اجراءکیلئے تیاریوں اور انتظامات کو حتمی شکل دی گئی ہے اور کارڈز کی تقسیم کا عمل رواں سال جون کے پہلے ہفتے میں مکمل کرلیا جائے گا جبکہ جولائی سے مستحق خاندانوں کو راشن کیلئے نقد ادائیگیوں کا سلسلہ شروع کیا جائے گا ۔ یہ بات گزشتہ روز وزیراعلیٰ خیبر پختونخوا محمود خان کی زیرصدارت انصاف فوڈ کارڈسے متعلق منعقدہ ایک اجلاس میں بتائی گئی ۔وزیراعلیٰ کے معاون خصوصی برائے اطلاعات بیرسٹر محمد علی سیف ، چیف سیکرٹری ڈاکٹر شہزاد بنگش ،وزیراعلیٰ کے پرنسپل سیکرٹری امجد علی خانمتعلقہ محکموں کے انتظامی سیکرٹریز ، کمشنر پشاور اور دیگر متعلقہ حکام نے اجلاس میں شرکت کی ۔اجلاس میں مستحق خاندانوں کو انصاف فوڈ کارڈ اسکیم کے اجراءکیلئے تیاریوں اور انتظامات کا تفصیلی جائزہ لیا گیا ۔

اجلاس کے شرکاءکو بریفینگ دیتے ہوئے بتایا گیا کہ مستحق خاندانوں کو انصاف فوڈ کارڈ کی تقسیم کا عمل جون کے پہلے ہفتے میں مکمل کیا جائے گا جبکہ اس مقصد کیلئے صوبے کے 10 لاکھ مستحق خاندانوں کا ڈیٹا اکھٹا کر لیا گیا ہے ۔ مزید بتایا گیا کہ فوڈ کارڈ سکیم پر عمل درآمد کیلئے محکمہ خوراک اور بینک آف خیبر کے درمیان مفاہمت کی یاداشت پر دستخط کئے جاچکے ہیں۔ سکیم پر سالانہ ساڑھے پچیس ارب روپے لاگت آئے گی جبکہ صوبائی کابینہ نے اس مقصد کیلئے فنڈز کی منظوری بھی دے دی ہے ۔ فوڈ کارڈ سکیم کے تحت کم آمدنی والے گھرانوں کو راشن کی خریداری کیلئے ماہانہ 2100 روپے دیئے جائیں گے جبکہ اس منصوبے سے صوبے کے 50 لاکھ افراد یعنی 12 فیصد آبادی مستفید ہو گی ۔اجلاس میں رعایتی نر خ پر صوبے کے عوام کو آٹے کی فراہمی جاری رکھنے کا فیصلہ کیا گیا اور وزیراعلیٰ نے 20 کلوآٹے کا تھیلا980 روپے پر فراہم کرنے کی تجویز سے اُصولی اتفاق کیا ۔

اجلاس میں اگلے مالی سال کیلئے گندم کی خریداری کیلئے پلان کی بھی منظوری دی گئی ہے ۔اس کے علاوہ اجلاس میں صوبہ بھر میں اشیائے خوردو نوش کی قیمتوں کا بھی جائزہ لیا گیا۔شرکاءکو بتایا گیا کہ گزشتہ ایک ماہ کے دوران صوبہ بھر میں 62ہزار سے زائد دکانوں کا معائنہ کیا گیا جن میں سے 927 دُکانداروں کے خلاف مقدمے درج کرائے گئے ، 87 افراد کو جیل منتقل کیا گیا ،دو ہزار سے زائد دکانوں کو سیل کیا گیاجبکہ 10ہزار سے زائد دکانداروں کو وارننگز جاری کی گئیں۔ مزید بتایا گیا کہ متعلقہ قوانین کی خلاف ورزی پر دُکانداروں پرایک کروڑ روپے سے زائد کے جرمانے بھی عائد کئے گئے ہیں ۔وزیراعلیٰ نے اس موقع پر گفتگو کرتے ہوئے کہاکہ صحت کارڈ اسکیم کے بعد انصاف فوڈ کارڈ پاکستان تحریک انصاف کی حکومت کا ایک فلیگ شپ اور غریب پرور منصوبہ اورعمران خان کے اسلامی فلاحی ریاست کے وژن کی جانب ایک اہم قدم ہے ۔ اُنہوںنے کہاکہ پی ٹی آئی حکومت صوبے کے عوام کو ہر ممکن ریلیف کی فراہمی کیلئے پر عزم ہے اور اس مقصد کیلئے تمام تر دستیاب وسائل کو بروئے کار لایا جائے گا۔ وزیراعلیٰ کا کہنا تھا کہ صوبائی حکومت ایک اور اہم سکیم ایجوکیشن کارڈ پر بھی کام کر رہی ہے اور عنقریب ایجوکیشن کارڈ کا بھی اجراءکیا جائے گا۔

سپریم کورٹ نے دوبارہ مارچ کیلئے تحفظ نہ دیا تو اس بار پوری تیاری سے اسلام آباد آئینگے، عمران خان

Posted on May 30, 2022

سپریم کورٹ نے دوبارہ مارچ کیلئے تحفظ نہ دیا تو اس بار پوری تیاری سے اسلام آباد آئینگے، عمران خان

پشاور(سی ایم لنکس) چیئرمین پی ٹی آئی عمران خان نے کہا ہے کہ سپریم کورٹ نے دوبارہ مارچ کیلئے تحفظ نہ دیا تو اس بار پوری تیاری سے اسلام آباد آئینگے۔پشاور میں وکلا کنونشن سے خطاب کرتے ہوئے عمران خان نے کہا کہ پاکستان میں سب حکومتیں کرپشن کے الزامات کے تحت گئیں، ہماری پہلی حکومت ہے جس پر کرپشن کا کوئی الزام نہیں، جو مراسلہ امریکا سے آیا اس میں واضح طور پر دھمکی دی گئی ہے۔عمران خان نے کہا کہ ایک سازش کے تحت پی ٹی آئی کی حکومت گرائی گئی، ملک میں پہلی بار ہوا کہ کوئی حکومت گرائی گئی اور لوگ سڑکوں پر نکلے۔چیئرمین پی ٹی آئی کا کہنا تھا کہ میں کسی سے کوئی جنگ نہیں چاہتا، ہم کسی کے ساتھ برے تعلقات نہیں چاہتے، لیکن کسی کی غلامی نہیں چاہتے، میں نے امریکا کو کہا تھا کہ دوستی سب سے کریں گے، امن میں ساتھ ہوں گے لیکن جنگ میں ساتھ نہیں ہوں گے،عمران خان نے کہا کہ میرا دور حکومت صرف ساڑھے3سال چلا ہے، 62 سال پاکستان فوجی آمروں اور2 خاندانوں کے ہاتھوں میں چلا ہے، شہباز شریف کو دوبارہ حکومت میں غلامی کے لیے لایا گیا ہے، یہ عوام کیلئے نہیں کسی اور کو خوش کرنے کیلئے فیصلے کرتے ہیں،مرغی کی قیمتیں دگنی ہوگئی ہے جب سے حمزہ شہبازوزیراعلیٰ بنا ہے۔عمران خان کا کہنا تھا کہ الیکشن کرانے سے آپ ڈرتے ہیں،عوام میں آپ نہیں جا سکتے کیونکہ چور اور غدار کے نعرے لگتے ہیں،

مدینہ میں چور چور کے نعرے لگائے اس میں ہمارا کیا قصور تھا، اس سے بھی زیادہ اللہ کی کیا لعنت ہوگی کہ مدینہ میں چور چور کے نعرے لگے، ان کا سپریم کورٹ نے سیسیلین مافیا کا نام ٹھیک رکھا ہے، یہ یا تو لوگوں کو خریدلیتا ہے یا مروادیتا ہے، بینظیر کی انہوں نے تصویریں پھینکی تھیں، ان سے زیادہ غلیظ اور گھٹیا خاندان نہیں ہے۔چیئرمین پی ٹی آئی نے کہا کہ سپریم کورٹ اور وکلا کو تاریخ معاف نہیں کرے کیونکہ آپ نے قانون کی بالادستی کو قائم کرنا ہے، آپ نے آج اسٹینڈ نہ لیا تو آپ کے بچے آپ معاف نہیں کریں گے، سپریم کورٹ شریف خاندان کے کیسز کی خود نگرانی کرے، مانیٹرنگ جج بنائے، اگر یہ نہیں کرنا بڑے مگرمچھوں اور چوروں ڈاکوؤں کو نہیں پکڑنا تو پھر جیلوں کے دروازے کھول دیں، ظلم نہ کریں غریب چوروں کو بھی رہا کردیں۔عمران خان نے کہا کہ کل کیس کی سماعت ہے، سپریم کورٹ سے فیصلہ لیں گے کہ پرامن احتجاج کا جمہوری حق ہے یا نہیں، سپریم کورٹ رولنگ دے کہ کس بنیاد پر اور کس قانون کے تحت ہمیں مارچ سے روکا گیا، عدالت یہ بھی بتائے کہ آئندہ جب ہم آئیں گے تو سپریم کورٹ اس طرح کی آمرانہ اور غیر جمہوری اقدام کی اجازت دے گی، میں نے صرف اس لیے دھرنا نہیں دیا کہ ملک میں تباہی مچے گی، انتشار پھیلے گا، پنجاب پولیس اور فوج کے خلاف نفرت پھیلے گی۔عمران خان نے مزید کہا کہ اگر سپریم کورٹ سے ہمیں تحفظ ملا تو ہماری ایک حکمت عملی ہوگی اور اگر تحفظ نہ ملا تو پھر دوسری حکمت عملی ہوگی، ہم رکاوٹیں ہٹانے کی تیاری کرکے جائیں گے، اس بار تو ہم بغیر تیاری گئے تھے کیونکہ سپریم کورٹ کا فیصلہ آیا تھا کہ رستے کھل گئے ہیں، جس کی وجہ سے ہم بغیر تیاری کے پھنس گئے تھے۔انہوں نے مزید کہا کہ اس وقت لاہور ہائیکورٹ میں جورہا ہے وہ غیر آئینی ہے، حمزہ شہباز کی حکومت کو بچانے کی کوشش کی جارہی ہے، جو اکثریت کھو بیٹھا ہے، لوگ الیکشن کمیشن کو دیکھ رہے ہیں، حمزہ شہباز کو ہٹایا جائے، نااہل کیا جائے، شفاف انتخابات کرائے جائیں۔

 

صدر مملکت ڈاکٹر عارف علوی نے پنجاب اور خیبر پختونخوا سے الیکشن کمیشن کے ممبران کی تعیناتی کردی

اسلام آباد(چترال ٹایمز رپورٹ )صدر مملکت ڈاکٹر عارف علوی نے پنجاب اور خیبر پختونخوا سے الیکشن کمیشن کے ممبران کی تعیناتی کردی ہے۔پیر کو ایوان صدر کے پریس ونگ سے جاری بیان کے مطابق صدر مملکت نے پنجاب سے بابر حسن بھروانہ جبکہ خیبر پختونخوا سے جسٹس (ر) اکرام اللہ خان کو بطور ممبر الیکشن کمیشن تعینات کردیا ہے۔یہ تعیناتیاں آئین کے آرٹیکل 218 (2) بی کے تحت وزیر اعظم کی ایڈوائس پر کی گئی ہی۔ دونوں آسامیاں سابقہ ممبران کی ریٹائرمنٹ کے بعد خالی ہوئی تھیں۔

صدر مملکت نے بلیغ الرحمٰن کی بطور گورنر پنجاب تعیناتی کی منظوری دے دی

اسلام آباد(چترال ٹایمز رپورٹ)صدر مملکت ڈاکٹر عارف علوی نے محمد بلیغ الرحمٰن کی بطور گورنر پنجاب تعیناتی کی منظوری دے دی۔صدر عارف علوی کی جانب سے منظوری وزیر اعظم کی ایڈوائس پر آئین کے آرٹیکل 101 (1) کے تحت دی گئی، وزیر اعظم شہباز شریف نے بلیغ الرحمان کو گورنر پنجاب بنانے کی دوسری سمری ایک ہفتہ قبل صدر مملکت ڈاکٹر عارف علوی کو ارسال کی تھی۔اس سے قبل، رواں ماہ 7 مئی کو وزیراعظم شہباز شریف کی ایڈوائس پر پاکستان مسلم لیگ (ن) سے تعلق رکھنے والے بلیغ الرحمن کا نام گورنر پنجاب کے لیے صدر مملکت کو ارسال کیا گیا تھا، تاہم صدر مملکت نے وزیراعظم کی ارسال کی گئی سمری کو مسترد کر دیا تھا۔صدر مملکت نے جواب دیا تھا کہ عمر سرفراز چیمہ اب بھی گورنر پنجاب کے عہدے پر فائز ہیں، نئی تقرری کا کوئی جواز نہیں، آئین کے آرٹیکل 101 (2) کے تحت“گورنر صدر کی خوشنودی تک عہدے پر فائز رہے گا، موجودہ ملکی حالات کا تقاضا ہے کہ موجودہ گورنر اپنے عہدے پر برقرار رہیں، وزیراعظم شہباز شریف آئین کے آرٹیکل 48 (1) کے مطابق گورنر پنجاب کی تقرری کے حوالے سے اپنی ایڈوائس پر نظرثانی کریں۔واضح رہے کہ گزشتہ ماہ پچھلی حکومت نے گورنر پنجاب چوہدری محمد سرور کو عہدے سے برطرف کرکے عمر سرفراز چیمہ کو گورنر بنایا تھا۔ عمر چیمہ نے ن لیگ کی نئی حکومت کے لیے کئی مشکلات کھڑی کیں اور وزیراعلیٰ پنجاب حمزہ شہباز سے حلف لینے سے انکار کر دیا تھا۔

اسرائیل کا دورہ کرنے والے پی ٹی وی اینکر کو برطرف کر دیا، مریم اورنگزیب

Posted on May 30, 2022

اسرائیل کا دورہ کرنے والے پی ٹی وی اینکر کو برطرف کر دیا، مریم اورنگزیب

اسلام آباد( چترال ٹایمز رپورٹ )وزیر اطلاعات مریم اورنگزیب نے بتایا ہے کہ اسرائیل کا دورہ کرنے والے پی ٹی وی اینکر کو برطرف کر دیا گیا ہے۔پالیسی بیان دیتے ہوئے وزیراطلاعات مریم اورنگزیب نے کہا کہ فلسطین کی حمایت میں پاکستانی پالیسی میں کوئی تبدیلی آئی ہے اور نہ آئے گی، فلسطین پر پاکستان کی ریاستی پالیسی واضح اور بابائے قوم قائداعظم کے فرامین پر مبنی ہے۔انہوں نے کہا کہ پاکستان کے عوام کی خواہشات اور امنگوں کے منافی کوئی پالیسی یا اقدام نہیں ہوسکتا، پاکستان مسئلہ فلسطین اور اسرائیل سے متعلق اپنے روایتی اور اصولی موقف پر سختی سے کاربند ہے جبکہ وزارت خارجہ واضح کرچکی ہے کہ پاکستان سے کوئی وفد اسرائیل نہیں گیا۔مریم اورنگزیب نے کہا کہ اقوام متحدہ کی سلامتی کونسل کی قراردادوں کے مطابق فلسطینیوں کے استصواب رائے کے حق کی مکمل حمایت کرتے ہیں اور دنیا دو ریاستی حل کو خطے میں پائیدار امن کا ضامن تصور کرتی ہے، 1967 سے پہلے کی سرحدوں، بیت المقدس دارالحکومت اور جغرافیائی وحدت کی حامل فلسطینی ریاست کا وعدہ پورا کیا جائے۔انہوں نے کہا کہ مقبوضہ فلسطین اور جموں وکشمیر اقوام متحدہ کی سلامتی کونسل کے ایجنڈے پر دیرینہ ترین امور ہیں جن کا حل عالمی برادری کی ذمہ داری ہے، ان دونوں مسائل کے منصفانہ حل تک دنیا میں پائیدار امن ایک خواب ہی رہے گا، مقبوضہ فلسطین اور غیرقانونی طور پر بھارت کے زیرقبضہ جموں وکشمیر کے عوام کی منصفانہ جدوجہد کی ہرممکن حمایت جاری رکھیں گے۔ سستی سیاسی شہرت کے لیے ہر منفی اقدام کرنے والے کسی قومی مفاد کا تو خیال کریں۔وزیر اطلاعات نے بتایا کہ دورے میں شامل پی ٹی وی کے اینکر کو ٹرمینیٹ اور آف ائیر کر دیا گیا ہے، مذکورہ اینکر اپنی ذاتی حیثیت میں دورے پر گیا تھا۔

وزیراعظم شہبازشریف کا ملک میں آٹے کی قیمتوں میں اضافے کا سخت نوٹس

اسلام آباد(سی ایم لنکس) وزیراعظم شہبازشریف نے آٹے کی قیمتوں میں اضافے کا نوٹس لیتے ہوئے متعلقہ وزیروں اور وزارتوں سے رپورٹ طلب کرلی ہے۔ وزیراعظم شہبازشریف نے ملک بھر میں آٹے کے ارزاں نرخوں پر سخت نوٹس لیتے ہوئے متعلقہ وزارتوں اور وزرا سے رپورٹ طلب کرلی ہے، جب کہ وزیراعظم نے ملک بھر میں آٹے کی قیمت حکومتی اعلان کے مطابق بنانے کے لئے سخت اقدامات کی بھی ہدایت کی ہے۔وزیراعظم نے ہدایت دیتے ہوئے کہا ہے کہ عوام کو حکومتی نرخوں پر آٹے کی فراہمی یقینی بنائی جائے، عوام کو لوٹنے کی اجازت نہیں دیں گے۔ وزیراعظم نے فوڈ سیکیورٹی، صنعت کی وزارتیں اور متعلقہ محکمے احکامات پر عمل درآمد کی رپورٹ آج ہی پیش کرنے کی ہدایت بھی کی ہے۔دوسری جانب وزیر اعظم سستا آٹا اسکیم میں گندم چوری میں ملوث فلور ملز کے خلاف پنجاب بھر میں کریک ڈاون شروع کردیا گیا ہے، صوبائی محکمہ خوراک نے سرپرائز چیکنگ، سرکاری گندم میں خوردبرد اور کم آٹا فراہمی میں ملوث 80 سے زائد فلور ملز کے خلاف کارروائی کرکے بے ضابطگیوں اور کرپشن میں ملوث فلورملز کو شوکاز نوٹس جاری کئے جب کہ متعدد فلور ملز کا کوٹہ معطل کرکے ان کے خلاف ایف آئی آر درج کرلی گئی ہے۔ جن شہروں میں کارروائی کی گئی ان میں بہاولپور ڈویڑن میں 28،لاہور میں 6،راولپنڈی میں 17،گوجرانوالہ میں 7 جبکہ رحیم یار خان میں 8 فلورملز شامل ہیں۔

 

وزیراعظم شہباز شریف 31 مئی تا 2 جون ترکی کا دورہ کریں گے، وفاقی وزیر اطلاعات مریم اورنگزیب

اسلام آباد(سی ایم لنکس)وفاقی وزیر اطلاعات و نشریات مریم اورنگزیب نے کہا ہے کہ وزیراعظم شہباز شریف 31 مئی سے 2 جون تک برادر ملک ترکی کا دورہ کریں گے۔یہ دورہ پاکستان کے روایتی بااعتماد دوستوں اور برادر ممالک سے دوطرفہ تعلقات کی تجدید کے سلسلے کی کڑی ہے۔ پیر کو اپنے ٹویٹ میں انہوں نے کہا کہ یہ دورہ دونوں ممالک کے درمیان تعلقات کے فروغ کے علاوہ سرمایہ کاری، تجارت، صحت، تعلیم، ثقافت اور باہمی مفاد کے دیگر شعبہ جات میں تعاون کے حوالے سے بھی نہایت اہم ہے۔انہوں نے کہا کہ پاک ترکی بزنس کونسل کا اجلاس، ترک سرمایہ کاروں اور تاجروں سے ملاقاتیں بھی ہوں گی۔ وفاقی وزیر اطلاعات نے کہا کہ وزیراعظم دورے کے دوران مصطفیٰ کمال اتاترک کے مزار پر حاضری دیں گے۔ترک صدر رجب طیب اردوان کے ہمراہ وزیراعظم ترکی اور پاکستان کے سفارتی تعلقات کے قیام کے 75 سال مکمل ہونے کے موقع پر یادگاری نشان جاری کریں گے۔ صدر اردوان وزیراعظم کے اعزاز میں عشائیہ بھی دیں گے۔

 

وزیراعلیِ محمود خان کا وفاقی حکومت کے خلاف  سپریم کورٹ جانے کا اعلان

Posted on May 30, 2022

وزیراعلیِ محمود خان کا وفاقی حکومت کے خلاف  سپریم کورٹ جانے کا اعلان

پشاور ( چترال ٹایمز رپورٹ ) وزیر اعلیٰ خیبر پختونخوا محمود خان نے وفاقی حکومت کے خلاف سپریم کورٹ جانے کا اعلان کرتے ہوئے کہا ہے کہ امپورٹڈ حکومت نے خیبر پختونخوا کے عوام اور حکومت کے ساتھ جو زیادتیاں کی ہیں اس پر ہم خاموش نہیں بیٹھیں گے اور عدالت عظمیٰ کا دروازہ کھٹکھٹائیں گے جس کےلئے صوبائی حکومت نے اپنی لیگل ٹیم سے مشاورت مکمل کر لی ہے۔ انہوں نے کہا ہے کہ پی ٹی آئی کے پر امن آزادی مارچ کے دوران امپورٹڈ حکومت نے خیبر پختونخوا کے کارکنوں اور عوام پر جو تشدد کیا ہے وہ کسی صورت معاف نہیں کیا جائے گا ۔ مارچ کے دوران تشدد سے پی ٹی آئی کے کارکنان شہید اور زخمی ہوئے ہیں جس پر امپورٹڈ وزیر داخلہ کے خلاف مقدمات درج کروائے جائیں گے اور ان مقدمات کو لڑنے کےلئے وکلاءبرادری اپنا بھرپورکردار ادا کرے۔ وہ پیر کے روز نشترہال پشاور میں انصاف لائیرز فورم کے زیر اہتمام وکلاءکنونشن سے خطاب کر رہے تھے۔ انہوں نے کہا کہ مانسہرہ جلسے میں امپورٹڈ وزیر اعظم کی خیبرپختونخوا کے عوام کو سستے آٹے کی فراہمی کے لئے اپنے کپڑے بیچنے کی بات مضحکہ خیز ہے، انہیں معلوم ہونا چاہیے کہ ان کے کپڑے بھی چوری کے ہیں اور چوری کے کپڑے کوئی بھی نہیں خریدتا۔ محمود خان کا کہنا تھا کہ گزشتہ روز مانسہرہ جلسے میں امپورٹڈ وزیر اعظم نے انہیں آٹے کی قیمت کم کرنے کےلئے 24 گھنٹے کا الٹیمیٹم دیا ہے، میں امپورٹڈ وزیر اعظم کو الٹیمیٹم دیتا ہوں کہ صوبے کے حقوق فوری دے ورنہ ہم اپنے حقوق چھین کر لیں گے اور اپنے تمام حقوق کے حصول تک چین سے نہیں بیٹھیں گے۔

 

 

وزیر اعلیِ کا والی سوات  میاں گل عبدالحق جہانزیب کے پوتے شہزادہ میاں گل عدنان اورنگزیب کے انتقال پر گہرے رنج و غم کا اظہار

پشاور ( چترال ٹایمز رپورٹ ) وزیراعلی خیبر پختونخوا محمود خان نے ٹریفک حادثے میں والی سوات میاں گل عبدالحق جہانزیب کے پوتے، فیلڈ مارشل ایوب خان کے نواسے، سابق گورنر بلوچستان اور خیبر پختونخوا میاں گل اورنگزیب کے بیٹے، جسٹس حسن اورنگزیب اورڈاکٹر محمود اورنگزیب کے بھائی جبکہ سابق وفاقی وزیر عمر ایوب، سابق صوبائی وزیر اکبر ایوب اور صوبائی وزیر ارشد ایوب کے پھوپھی زاد بھائی شہزادہ میاں گل عدنان اورنگزیب کے انتقال پر گہرے رنج و غم کا اظہار کرتے ہوئے لواحقین سے تعزیت کی ہے۔ سوگوار خاندان کے نام یہاں سے جاری اپنے تعزیتی بیان میں وزیر اعلی نے اہل خانہ کے ساتھ دلی ہمدردی کا اظہار کرتے ہوئے مرحوم کی معفرت اور پسماندگان کے لئے صبر جمیل کی دعا کی ہے اور کہا کہ میاں گل عدنان اورنگزیب کے اچانک انتقال کا سن کر دلی افسوس ہوا، وہ اہل خانہ کے غم میں برابر کے شریک ہیں اور دعاگو ہیں کہ اللہ تعالٰی اہل خانہ کو یہ صدمہ برداشت کرنے کا حوصلہ عطا فرمائے۔

وزیر اعلیٰ محمود خان نے غوچھار کوہ ایریگیشن چینل کےلئے 20کروڑ روپے کی خطیر فنڈ کی منظوری دیدی۔ وزیرزادہ

Posted on May 30, 2022

وزیر اعلیٰ محمود خان نے غوچھار کوہ ایریگیشن چینل کےلئے 20کروڑ روپے کی خطیر فنڈ کی منظوری دے دی۔وزیرزادہ

چترال (نمائندہ چترال ٹایمز ) وزیر اعلیٰ کے معاون خصوصی وزیر زادہ نے اہالیان ایون کو خوشخبری سناتے ہوئے کہا ہے کہ وزیر اعلیٰ محمود خان نے غوچھار کوہ ایریگیشن چینل کےلئے 20کروڑ روپے کی خطیر فنڈ کی منظوری دے دی جو کہ گزشتہ کئی دہائیوں سے فنڈز کی عدم فراہمی کی وجہ زیر تکمیل تھا اور اس منصوبہ کی تکمیل سے ہزاروں ایکڑ زمین زیر کاشت آئے گی۔ مقامی میڈیا سے گفتگو کرتے ہوئے انہوں نے چیف منسٹر کا شکریہ ادا کرتے ہوئے کہا کہ اس ایریگیشن اسکیم کی تکمیل عوام کا دیرینہ مطالبہ اور عوامی مسلہ تھا۔ انہوں نے کہا کہ ایون یونین کونسل کی تاریخ میں ریکارڈ مالیت کے ترقیاتی کام تمام ترقیاتی سیکٹروں میں جاری کئے جاچکے ہیں جن میں کالاش ویلیز روڈ کےعلاوہ قبرستان کے لئے زمیں خریداری کے لئے 30 کروڑ روپے کی فراہمی، متعدد ایریگیشن چینلز اور سیلاب سے بچاو کے لئے حفاظتی پشتے کی تعمیر اور کئ سکولوں سمیت دوسرے ڈیویلپمنٹ پراجیکٹ شامل ہیں۔ معاون خصوصی وزیر زادہ نے کہا کہ وزیر اعلیٰ محمود خان چترال کی ترقی میں خصوصی دلچسپی لے رہے ہیں اور آنے والی بجٹ میں بھی ہم بھاری مالیت کے ایسے منصوبے شامل کریں گے جو کہ یقیناً چترال کے عوام کےلئے سرپرائز ہوگی۔ انہوں نے اس امید کا اظہار کیا کہ حکومت کے بقیہ مدت کے دوران چترال کے مسائل زیادہ سے زیادہ حل ہوں گے۔

امن و امان کی تازہ صورتحال کا جائزہ لینے کیلئے وزیراعلیِ کے زیرصدارت اعلیٰ سطح  اجلاس

Posted on May 30, 2022

امن و امان کی تازہ صورتحال کا جائزہ لینے کیلئے وزیراعلیِ کے زیرصدارت اعلیٰ سطح  اجلاس

پشاور ( چترال ٹایمز رپورٹ ) وزیراعلیٰ خیبر پختونخوا محمود خان کی زیر صدارت پیر کے روز صوبے میں امن و امان کی تازہ صورتحال کا جائزہ لینے کیلئے اعلیٰ سطح کا ایک اجلاس منعقد ہو اجس میں حالیہ دنوں میں رونما ہونے والے بد امنی کے چند واقعات کے خصوصی تناظر میں امن و امان کی صورتحال کا تفصیلی جائزہ لیا گیااور بد امنی کے واقعات کی موثر روک تھام کیلئے آئندہ کے لائحہ عمل پر تبادلہ خیال اور متعدد اہم فیصلے کئے گئے۔ وزیراعلیٰ کے معاون خصوصی برائے اطلاعات بیرسٹر محمد علی سیف ، چیف سیکرٹری ڈاکٹر شہزاد بنگش، انسپکٹر جنرل آف پولیس معظم جاہ انصاری، وزیراعلیٰ کے پرنسپل سیکرٹری امجد علی خان، سیکرٹری داخلہ خوشحال خان، کمشنر پشاور ڈویژن ریاض خان محسود، سی سی پی او پشاور اعجاز خان اور دیگر اعلیٰ سول و عسکری حکام نے اجلاس میں شرکت کی ۔ اجلاس کے شرکاءکو بدامنی کے واقعات کے اصل محرکات اور ان کی روک تھام کیلئے قانون نافذ کرنے والے اداروں کی کوششوں اور کامیابیوں کے بارے میں بریفینگ دی گئی اور صوبہ بھر میں امن و امان کی صورتحال کو مزید بہتر بنانے سے متعلق معاملات پر تفصیلی گفتگو کی گئی ۔ اجلاس کو بریفنگ دیتے ہوئے بتایا گیا کہ گزشتہ دو ہفتوں کے دوران قانون نافذ کرنے والے اداروںنے شرپسنداور جرائم پیشہ عناصر کے خلاف بڑی کامیابیاں حاصل کی ہیں۔

اجلاس کے شرکاءکو آگاہ کیا گیا کہ ابابیل فورس کے قیام سے صوبائی دارلحکومت پشاور میں سٹریٹ کرائمز کی شرح میں نمایاں کمی آئی ہے ۔ اجلاس میں حال ہی میں قائم کی گئی ابابیل فورس کیلئے مزید بھرتیاں کرنے اور صوبے کے بعض حصوں میں منشیات کی کاشت کے تدار ک کیلئے لائحہ عمل تیار کرنے کا بھی فیصلہ کیا گیا ہے۔ وزیراعلیٰ نے متعلقہ حکام کوہدایت کی ہے کہ منشیات کاشت کرنے والے افراد کو متبادل روزگار دینے کیلئے جامع پلان تیار کیا جائے ۔ اُنہوںنے مزید ہدایت کی کہ امن و امان کے حوالے سے ضلع خیبر ، شمالی وزیرستان اور باجوڑ پر خصوصی توجہ دی جائے اور قانون نافذ کرنے والے اداروں کے اہلکاروں کی ٹارگٹ کلنگ اور سکیورٹی فورسز پر حملوں کے واقعات کی روک تھام کیلئے بھی ٹھوس اقدامات اُٹھائے جائیں۔ اُنہوںنے ہدایت کی کہ شرپسند عناصر کے خلاف انٹیلی جنس معلومات کی بنیاد پر کاروائیاں تیز کی جائیں اور بھتہ خوروں اور ڈرگ مافیا کے خلاف کاروائیوں پر خصوصی توجہ دی جائے ۔ وزیراعلیٰ نے کہاکہ صوبائی حکومت قانون نافذ کرنے والے اداروں کے ساتھ ہے اور ان کی تمام ضروریات کو ترجیحی بنیادوں پر پورا کیا جائے گا۔انہوںنے مزید کہاکہ صوبائی حکومت اس مقصد کیلئے تمام درکار وسائل فراہم کرے گی ۔ وزیراعلیٰ کا کہنا تھاکہ شرپسند اور جرائم پیشہ عناصر کے خلاف پولیس اور دیگر قانون نافذ کرنے والے اداروں کی کاروائیاں قابل تعریف ہیں تاہم ایک مربوط حکمت عملی کے تحت مزید موثر کاروائیوں کی بھی ضرورت ہے ۔ وزیراعلیٰ نے واضح کیا کہ صوبے میں امن و امان کی صورتحال پر کوئی سمجھوتہ نہیں کیا جائے گااور امن و امان کو ہر صورت برقرار رکھاجائے گا۔

گیارہ جماعتوں نے سیاسی بدروحوں کے علاج کی ڈیوٹی مجھ خاکسار کو دی ہے،وزیر داخلہ

Posted on May 29, 2022

 

گیارہ جماعتوں نے سیاسی بدروحوں کے علاج کی ڈیوٹی مجھ خاکسار کو دی ہے،وزیر داخلہ کا شیخ رشید کے بیان پر ردعمل

اسلام آباد(سی ایم لنکس) وفاقی وزیر داخلہ رانا ثناء اللہ خان نے شیخ رشید کے بیان پر رد عمل میں کہا ہے کہ 11 جماعتوں نے سیاسی بدروحوں کے علاج کی ڈیوٹی مجھ خاکسار کو دی ہے، آپ آئیں تو سہی۔اتوار کو وزارت داخلہ کی جانب سے جاری بیان کے مطابق وفاقی وزیر داخلہ نے کہا کہ آئندہ ماہ آئیں گے تو کسی کے کہنے پر گھر نہیں جائیں گے کا بیان دینے والا خونی فساد میں دم دبا کر بھاگ گیا۔ انہوں نے کہا کہ مہنگائی کا طوفان لانے والے اب اس پر سیاست کر کے عوام کے غضب سے بچنا چاہتے ہیں۔رانا ثناء اللہ نے کہا کہ دھمکیاں دینے والے اب منتیں، ترلے اور واسطے دے رہے ہیں، دوسروں کے بچوں کو سڑک پر بے آسرا چھوڑ کر باس اور چپڑاسی دونوں میدان سے بھاگ گئے۔ انہوں نے کہا کہ خونی مارچ“بادی”میں تبدیل ہو چکا ہے، باس زرداری صاحب کی منت ترلے کرتا ہے تو چپڑاسی دھمکیاں دیتا ہے۔ وزیر داخلہ نے کہا کہ باس اور چپڑاسی دونوں بنارسی ٹھگ اور سیاست کے رنگ باز ہیں۔

 

کیا بیساکھیوں کے سہارے یا آئی ایم ایف کی خیرات سے حکومت چلائی جائے گی، شیخ رشید

راولپنڈی(چترال ٹایمز رپورٹ)سابق وفاقی وزیر داخلہ شیخ رشید احمد نے شہباز حکومت پر تنقید کرتے ہوئے کہا کہ کیا ایک ووٹ کی اکثریت، بیساکھیوں کے سہارے اور آئی ایم ایف کی خیرات سے حکومت چلائی جائے گی۔سابق وزیر داخلہ نے سماجی رابطے کی سائٹ ٹوئٹر پر ٹوئٹ کرتے ہوئے لکھا کہ گیارہ اتحادی جماعتوں پر مشتمل حکومت جتنا بھی زور لگا لے دنیا کی کوئی طاقت ان کو گھر جانے سے نہیں روک سکتی، اگلے مہینے جب لوگ نکلیں گے تو وہ کسی کے کہنے پر بھی واپس نہیں جائیں گے۔انہوں نے کہا کہ موجودہ حکومت کے کرپٹ لوگ نیب، اے این ایف اور ایف آئی اے میں اپنے افسر لگا کر کیس ختم کروائیں گے اور گھر چلے جائیں گے، ان میں ملک کی تباہ حال معیشت کو بچانے کی کوئی صلاحیت نہیں ہے۔شیخ رشید نے کہا کہ ملک وہاں پہنچ گیا ہے جہاں سے چلانا سیاسی پارٹیوں کے بس میں نہیں، عوام پر مہنگائی کا جو طوفان آنے والا ہے اس سے یہ حکومت عوام کے غیظ و غضب سے نہیں بچ سکتی۔سابق وفاقی وزیر نے سوال اٹھایا کہ ایک ووٹ کی اکثریت، بیساکھیوں کا سہارا اور آئی ایم ایف کی خیرات، کیسے چلے گی یہ حکومت؟، اگر عمران خان گھر میں بھی بیٹھ جائے تو یہ گیارہ اتحادی پارٹیاں ایک مہینہ بھی اکٹھی نہیں چل سکتیں۔

ملک میں بجلی کا شارٹ فال 5 ہزار 538 میگاواٹ سے تجاوز کرگیا

Posted on May 29, 2022May 29, 2022

ملک میں بجلی کا شارٹ فال 5 ہزار 538 میگاواٹ سے تجاوز کرگیا

اسلام آباد(چترال ٹایمز رپورٹ)ملک میں بجلی کا شارٹ فال 5 ہزار 538 میگاواٹ سے زائد ہوگیا، شہروں اور دیہات میں گھنٹوں بجلی بند ہونے سے لوگوں کو مشکلات کا سامنا ہے۔ذرائع پاور ڈویڑن کے مطابق ملک میں بجلی کی مجموعی پیداوار 19 ہزار465 میگاواٹ ہے جبکہ مجموعی طلب 25 ہزار 997 میگاواٹ سے تجاوز کرچکی ہے۔ذرائع کا کہنا ہے کہ پن بجلی سے 4 ہزار 662 میگاواٹ بجلی پیدا ہو رہی ہے جبکہ سرکاری تھرمل پاور پلانٹس 1 ہزار 60 میگاواٹ بجلی بنا رہے ہیں۔ملک کے مختلف علاقوں میں 8 گھنٹوں کی غیر اعلانیہ لوڈشیڈنگ کی جا رہی ہے تاہم زیادہ لائن لاسز والے علاقوں میں بجلی لوڈشیڈنگ کا دورانیہ 12 گھنٹوں تک پہنچ گیا ہے۔

 

عمران نے خود کو اور اپنی حکومت کو بچانے کے لیے این آر او مانگا، وزیراعظم

اسلام آباد(سی ایم لنکس)وزیراعظم شہبازشریف کا کہنا ہے کہ عمران نے خود کو اور اپنی حکومت کو بچانے کے لیے این آر او مانگا، حال ہی میں منظر عام پر آنے والی آڈیو ٹیپ ان کی منافقت اور دوہرے معیار کو بے نقاب کرتی ہے۔ سماجی رابطے کی ویب سائٹ ٹویٹر پر اپنی ٹویٹ میں وزیراعظم شہبازشریف کا کہنا تھا کہ حال ہی میں منظر عام پر آنے والی آڈیو ٹیپ عمران خان کی منافقت اور دوہرے معیار کو بے نقاب کرتی ہے، اپنے دعوؤں کے برعکس عمران نے خود کو اور اپنی حکومت کو بچانے کے لیے این آر او مانگا۔شہبازشریف کا ہکنا تھا کہ عمران خان نے تمام کوششیں ناکام ہونے کے بعد غیر ملکی سازش کی جعلی کہانی تیار کی، لیکن اب عمران خان کا جھوٹ بے نقاب ہو گیا۔

 

شہبازشریف، حمزہ شہباز اوررانا ثنا اللہ کو کٹہرے میں کھڑا کرکے جیلوں میں ڈالیں گے، عمران خان

چارسدہ(چترال ٹایمز رپورٹ)پاکستان تحریک انصاف (پی ٹی آئی) کے چیئر مین عمران خان نے وزیر اعظم شہباز شریف، پنجاب کے وزیر اعلیٰ حمزہ شہباز اور وزیر داخلہ رانا ثنا اللہ کو مخاطب کرکے کہا ہے کہ ان تینوں کو کٹہرے میں کھڑا کرکے جیلوں میں ڈالیں گے اور ہمیں ہمارا حق نہیں دیا گیا تو چھین لیں گے۔چارسدہ میں ورکرز کنویشن سے خطاب کے دوران انہوں نے کہا کہ ایک تصویر آئی ہے جس میں ایک پاکستانی وفد اسرائیل گیا اور وفد میں ایک پاکستان ٹیلی ویڑن کا تنخواہ دار بھی شامل تھا، جب امریکا کے غلام حکومت کریں گے تو ہر وہ کام کریں گے جو واشنگٹن کہے گا۔چیئرمین پی ٹی آئی نے کہا کہ حکومت روس سے سستا تیل نہیں خریدے گی اور بھارت سے مقبوضہ کشمیر کے لوگوں کے خون کا سودا کرے گی، آئی ایم ایف سے حکم ملا توحکومت نے پٹرول کی قیمتوں کو بڑھایا۔عمران خان نے کہا کہ حقیقی آزادی کی جدوجہد کو جہاد سمجھتے ہیں، قوم کرپٹ لوگ اور امپورٹڈ حکومت کے خلاف باہر نکلے گی، حکومت نے پی ٹی آئی مظاہرین پر 35 ہزار آنسو گیس کے شیلز استعمال کیے اس کے باوجود لوگ گھروں سے نکلے، یہ وہ قوم ہے جس نے خوف کی زنجیریں توڑ دی ہیں۔انہوں نے کہا کہ ہم سپریم کورٹ جائیں گے اور احتجاج کرنے کا اپنا حق مانگیں گے، جو اب ہم نکلیں گے کوئی اس کے سامنے کھڑا نہیں ہو گا کیونکہ کسی صورت ان امریکی غلاموں اور چوروں کو قبول نہیں کریں گے۔چیئرمین پی ٹی آئی نے کہا کہ اب میں تیاری کرکے کال دوں گا، کارکنوں پر جو ظلم کیا ہے قوم ان کو معاف نہیں کرے گی، جب تک زندہ ہوں اپنی جدوجہد اور جہاد ان چوروں کے خلاف ختم نہیں کروں گا، اب ہم ایک ایک چیز کی تیاری کریں گے۔

 

اقلیتی برادری سے تعلق رکھنے والے 273 مستحق افراد کو ایک کروڑ روپے کی مالی امداد کے چیک دئیے گے ۔وزیرزادہ

Posted on May 28, 2022May 29, 2022

  اقلیتی برادری سے تعلق رکھنے والے 273 مستحق افراد کو ایک کروڑ روپے کی مالی امداد کے چیک دئیے۔وزیرزادہ

پشاور (نمائندہ چترال ٹائمز) وزیر اعلیٰ خیبر پختونخوا کے معاون خصوصی برائے اقلیتی امور وزیر زادہ نے کہا ہے کہ حکومت اقلیتی برادری کو درپیش مسائل سے بخوبی اگاہ ہے اور اسی سلسلے میں حکومت نے اقلیتی برادری سے تعلق رکھنے والے 273 مستحق افراد کو ایک کروڑ روپے کی مالی امداد کے چیک دئیے جبکہ مزید بھی ایک کروڑ روپے کی مالی امداد کی جائے گی۔انہوں نے واضح کیا کہ موجودہ حکومت نے اقلیتی برادری کے تمام نوجوانوں کو تعلیم کے زیور سے آراستہ کرنے کیلئے عملی اقدامات اٹھائے ہیں۔ان خیالات کا اظہار انہوں نے ہفتہ کے روز پشاور میں اقلیتی برادری کے غریب اور نادار افرادکو مالی امداد دینے کے موقع پر منعقدہ تقریب سے خطاب کرتے ہوئے کیا۔اس موقع پر ایڈمنسٹریٹر اوقاف حامد گیانی، اسسٹنٹ ایڈمنسٹریٹر ظفر خان، سیکشن آفیسر جہانزیب خان سمیت متعلقہ حکام بھی موجود تھے۔تقریب سے خطاب کرتے ہوئے معاون خصوصی وزیر زادہ نے کہا کہ پاکستان تحریک انصاف کی حکومت نے اپنے چار سالہ دور حکومت میں وزراء اور عوام میں رابطوں کو نہ صرف آسان بنایا ہے بلکہ اقلیتی برادری کے عوام کو جو صلہ اور انہیں اپنے حقوق کے سلسلے میں شعور دیا ہے وہ اپنی مثال آپ ہے۔انہوں نے کہا کہ اقلیتی برادری کے بچوں کو تعلیم کے زیور سے آراستہ کرنا ان کی اولین ترجیح ہے اور وہ اس ضمن میں اقلیتی برادری کے نوجوانوں کی تعلیم کے حصول کیلئے تمام تر اقدامات اٹھائیں گے۔

انہوں نے کہا کہ موجودہ حکومت نے اقلیتی برادری کی ترقی کا جو سفر شروع کیا ہے اس کی ماضی میں مثال نہیں ملتی کیونکہ پاکستان تحریک انصاف کی حکومت اور وزیر اعلیٰ خیبر پختونخوا محمود خان نے اقلیتوں کیلئے ایک ارب پنتالیس کروڑ روپے کا خطیر رقم بجٹ میں مختص کیا ہے جو کہ ایک ریکارڈ ہے اس کے علاوہ اقلیتی طلباء کو پی ایم ڈی کیلئے دس لاکھ روپے، ایم فل کیلئے دو لاکھ روپے، ایم اے، ایم ایس سی کیلئے ایک لاکھ روپے، بی اے، بی ایس سی کیلئے 70000روپے اور ایف اے، ایف ایس سی کیلئے 50000روپے سکالر شپس کی مد میں دئیے جا رہے ہیں اور یہ سکالر شپس صرف 45فیصد نمبرز پر دئیے جا رہے ہیں۔انہوں نے کہا کہ ہماری خواہش ہے کہ اقلیت کے نوجوانوں کو اعلیٰ سرکاری ملازمتیں ملیں۔انہوں نے کہا کہ صوبے کے 1500غریب بچوں کی سکول فیس حکومت دے رہی ہے اسی طرح مشنری اساتذہ کیلئے سالانہ کی بنیاد پر 35000روپے جبکہ میرج گرانٹ تقریباً 400لوگوں کو 80000روپے اور 1200بیواؤں کیلئے فنڈز دئیے جا رہے ہیں انہوں نے کہا کہ حکومت کی جانب سے اقلیتی برادری کے نوجوانوں کو کاروبار کیلئے گرانٹ دی جائے گی تاکہ وہ اپنی مرضی کا کاروبار کر سکیں۔انہوں نے کہا کہ موجودہ حکومت نے ملازمتوں میں اقلیتوں کیلئے پانچ فیصد کوٹہ مقرر کیا اور نہ صرف اس پر مکمل درآمد کیا جا رہا ہے بلکہ ملازمتوں میں اقلیتوں کیلئے ٹیسٹوں اور انٹرویوز میں بھی رعایت دی جا رہی ہے۔

آزادی مارچ کے دوران شہید ہونے والے کارکنوں کے قتل کی ایف آئی آر امپورٹڈ وزیراعظم اور وزیر داخلہ کے خلاف درج کرائی جائے گی۔ وزیراعلیِ 

Posted on May 28, 2022May 28, 2022

آزادی مارچ  کے دوران شہید ہونے والے کارکنوں کے قتل کی ایف آئی آر امپورٹڈ وزیراعظم اور وزیر داخلہ کے خلاف درج کرائی جائے گی۔ وزیراعلیِ

پشاور ( چترال ٹایمز رپورٹ ) وزیراعلیٰ خیبرپختونخوا محمود خان نے کہا ہے کہ آزادی مارچ کے دوران شہید ہونے والے کارکنوں کے قتل کی ایف آئی آر امپورٹڈ وزیراعظم اور وزیر داخلہ کے خلاف درج کرائی جائے گی ،مارچ کے دوران پاکستان تحریک انصاف کے کارکنوں پر بدترین تشدد کیا گیا اور ہم اس تشدد کو کسی صورت معاف نہیں کریں گے ۔ وزیر داخلہ رانا ثناءاﷲ نے میرے خلاف ایف آئی آر درج کروائی ہے ،ان کے قلم میں جتنا زور ہے میرے خلاف استعمال کرے ،ہم حقیقی آزادی کی جنگ سے کسی صورت پیچھے ہٹنے والے نہیں۔ ہمارے لیڈر عمران خان دوبارہ جب کال دیں گے تو اس سے زیادہ تعدادمیں عوام نکلیں گے اور ہم انشاءاﷲ ملک کی حقیقی آزادی کی جنگ جیت کر رہیں گے ۔

ان خیالات کا اظہار اُنہوں نے ہفتہ کے روز ضلع سوات کے علاقے کالام میں عوامی اجتماع سے خطاب کرتے ہوئے کیا۔ وزیراعلیٰ نے کہاکہ وہ امپورٹڈ حکومت کی طرف سے بہیمانہ تشدد اور رکاوٹوں کے باوجود بڑی تعداد میں اسلام آباد پہنچنے پر ملک بھر کے عوام کے مشکور ہیں کہ اُنہوںنے عمران خان کی کال پر اسلام آباد کا رُخ کیا اور حقیقی آزادی کی جنگ میں اپنا کردار ادا کیا ۔ اُنہوںنے کہاکہ ہمارے پرامن کارکنوں پر جو تشدد ہوا اس کی ملکی تاریخ میں مثال نہیں ملتی ۔ وزیراعلیٰ نے کہاکہ امپورٹڈ حکومت نے پٹرو ل اور آٹے کی قیمتیں بڑھا کر عوام کی مشکلات میں مزیداضافہ کر دیا ۔ ان کے پاس نہ تو کوئی ایجنڈا ہے اور نہ ہی کوئی منصوبہ ۔ یہ اقتدار میں صرف اپنے کیسز ختم کروانے کیلئے آئے ہیں ۔ امپورٹڈ حکومت نے نیب کے قوانین میں ترامیم کیں تاکہ کوئی ان کی چوری نہ پکڑ سکے اور وہ ملک کو لوٹتے رہیں۔ محمود خان کا کہناتھا کہ عمران خان نے سمندر پار پاکستانیوں کو ووٹ دینے کا جو حق دیا تھا وہ اس امپورٹڈ حکومت نے اُن سے چھین لیا ہے۔یہ ملک کو تاریکی کی طرف دھکیلنے آئے ہیں اور ان کی موجودہ کابینہ میں 60 فیصد لوگ ضمانت پر ہیں اور بہت جلد اقتدار سے ان کا صفایہ ہو گا۔ وزیراعلیٰ نے کہاکہ پختون قوم کبھی کسی کی غلامی قبول نہیں کرتی اور ہم اس ملک کو امریکہ کی غلامی سے نجات دلا کر رہیں گے ۔

وزیراعلیٰ نے اپنے خطاب میں کہاکہ کالام میں مختلف شعبوںمیں اربوں روپے مالیت کے متعدد ترقیاتی منصوبوں پر کام جاری ہے اور کالام گبرال ہائیڈرو پاور پراجیکٹ علاقے کی ترقی و خوشحالی میں ایک سنگ میل ثابت ہو گا۔ اُنہوںنے کہاکہ پہلے مرحلے میں تقریباً4 ارب روپے کی لاگت سے سٹاف کالونی کے منصوبے کا سنگ بنیاد رکھ دیا ہے اور بہت جلد دوسرے مرحلے میں پاور سٹیشن کا بھی سنگ بنیاد رکھا جائے گاجو 36 ارب روپے کی لاگت سے مکمل کیا جائے گا۔ وزیراعلیٰ نے کہاکہ منصوبے کے تحت علاقے کی ضروریات کو پورا کرنے کیلئے ایک ارب روپے خرچ کئے جائیں گے ۔ محمود خان نے کہاکہ بین الاقوامی معیار کا کالام کرکٹ اسٹیڈیم کا منصوبہ علاقے کی ترقی کیلئے ایک اور اہم منصوبہ ہے ۔ اُنہوںنے کہاکہ کالام سیاحت کے فروغ کیلئے ایک بہترین جگہ ہے اور صوبائی حکومت کالام میںسیاحت کو فروغ دینے کیلئے عملی اقدامات اُٹھارہی ہے ۔

اُنہوں نے کہاکہ مہو ڈنڈ روڈ کا ٹینڈر ہو چکا ہے اور بہت جلد منصوبے پر عملی کام کا آغاز کیا جائے گا۔ وزیراعلیٰ نے کہاکہ کالام کے قدرتی حسن کو برقرار رکھنے میں مقامی لوگ اپنا کردار ادا کریں اور کالام میں جو بھی ترقیاتی کام ہوں گے وہ مقامی لوگوں کی مشاورت سے ہوں گے ۔ اُنہوںنے واضح کیا کہ کالام میں پہاڑوں اوردرختوں کی غیرقانونی کٹائی کی کسی صورت اجازت نہیں دی جائے گی ۔ قبل ازیں وزیراعلیٰ نے کالام میںمتعدد ترقیاتی منصوبوں کا سنگ بنیاد رکھا جن میں 88 میگاواٹ کالام گبرال ہائیڈرو پاور پراجیکٹ کی رہائشی کالونی اور شاہی کرکٹ ا سٹیڈیم کالام شامل ہیں۔ یہ منصوبے بالترتیب تقریباً چار ارب روپے اور2.8 ارب روپے کی تخمینہ لاگت سے مکمل کئے جائیں گے۔وزیراعلیٰ نے سکولوں کو شمسی توانائی کی فراہمی کے منصوبے کا بھی افتتاح کیا ۔

منصوبے کے تحت صوبہ بھر میں آٹھ ہزار سکولوں کو شمسی توانائی فراہم کی گئی ہے اور یہ منصوبہ ساڑھے چار ارب روپے کی لاگت سے مکمل کیا گیا ہے ۔ وزیراعلیٰ نے مساجد کو شمسی توانائی فراہم کرنے کا بھی افتتاح کیا ۔ منصوبے کے تحت صوبے میں چار ہزار مساجد کو شمسی توانائی پر منتقل کیا گیا ہے ۔ وزیراعلیٰ نے کالام میں انجینئرنگ یونیورسٹی کیمپس اورسڑکوں او رپلوں کی تعمیر کے متعدد منصوبوں کا بھی افتتاح کیا۔ بعدازاں وزیراعلیٰ نے بحرین کا بھی دورہ کیا جہاں اُنہوںنے متعدد ترقیاتی منصوبوں کا افتتاح کیا ۔ ان منصوبوں میں تیرات ماڈل سکول ، گورنمنٹ ہائی سکول قندیل ، گورنمنٹ ہائی سکول گور نئی شامل ہیں۔ وزیراعلیٰ نے بحرین میں سات آر سی سی پلوں کا افتتاح کیا جن میں آئین پل ، دارولئی پل اور دیگر شامل ہیں۔

جنگلی حیات کی افزائش نسل سے منسلک افراد اور اداروں کیلئے بریڈنگ فیسلٹی رولز کا اجراء

Posted on May 28, 2022May 27, 2022

جنگلی حیات کی افزائش نسل سے منسلک افراد اور اداروں کیلئے بریڈنگ فیسلٹی رولز کا اجراء
جنگلی حیات کے افزائش نسل سے منسلک ادارے اور افراد فوری طور ان رولز کے تحت رجسٹریشن کروا لیں
صوبہ بھر میں غیررجسٹرڈ جنگلی حیات کی بریڈنگ فیسیلٹز کوغیر قانونی تصور کرکے اُنکے خلاف قانونی کاروائی کی جائیگی

 

پشاور(چترال ٹایمز رپورٹ)حکومت خیبر پختونخوا نے وائلڈ لائف ایکٹ 2015 کے تحت جنگلی حیات کا افزائش نسل کرنے کیلئے بریڈنگ فیسلٹی رولز کا اجراء کردیا ۔ ان رولز کے تحت کوئی بھی شخص یا ادارہ کسی بھی جنگلی حیات کے جانور یا پرندوں کیلئے بریڈنگ فیسلٹی تعمیر کر سکتا ہے۔اس حوالے سے گزشتہ روز محکمہ جنگلی حیات نے عوام الناس کیلئے پریس ریلز جاری کردیا۔ جاری کردہ اعلامیے کے مطابق خیبر پختونخوا میں اگر کوئی بھی جنگلی حیات کی بریڈنگ فیسلٹی موجود ہے تو اس کے مالکان اپنے کاروبار کوفوری طور پر ان رولز کے تحت صوبہ بھر میں محکمہ جنگلی حیات کے دفاتر میں رجسٹرڈ کروالیں بصورت دیگر اُن کے کاروبار کو غیر قانونی تصور کیا جائیگا اور محکمہ جنگلی حیات اُنکے خلاف قانونی چارہ جوئی کریگا۔ غیرقانونی بریڈنگ فیسلٹیزکا کاروبارکرنے والے مالکان یا اداروں کو فوری طور پر بندش، بھاری جرمانوںاور قید وبند کی سزا کا سامنا بھی کرنا پڑ سکتا ہے۔

نیب اور الیکشن ایکٹ ترمیمی بل سینیٹ سے منظور

Posted on May 27, 2022

نیب اور الیکشن ایکٹ ترمیمی بل سینیٹ سے منظور

اسلام آباد(چترال ٹاءمز رپورٹ)سینیٹ نے نیب اور الیکشن ایکٹ ترمیمی بل اتفاق رائے سے منظور کرلیا۔چیئرمین سینیٹ صادق سنجرانی کی سربراہی میں سینیٹ کا اجلاس ہوا جس میں وفاقی وزیر قانون اعظم نذیر تارڑ نے نیب اور الیکشن ایکٹ ترمیمی بل پیش کیا جسے سینیٹ نے اتفاق رائے سے منظور کرلیا۔بل منظور ہونے پر اپوزیشن نے سخت مخالفت کرتے ہوئے شور شرابا کیا اور ایجنڈے کی کاپی پھاڑ دی، اپویشن ارکان چیئرمین سینیٹ کی نشست کے سامنے پہنچ گئے۔چیئرمین سینیٹ نے کہا کہ انتخابات ترمیمی بل کو کمیٹی کے سپرد کروں یا ابھی پاس کرانا ہے؟اعظم نذیر تارڑ نے کہا کہ یہ وہ بل ہے جسے سینیٹ کمیٹی نے منظورکیا تھا، سمندر پار پاکستانیوں کے ووٹ کا حق واپس نہیں لیا گیا، الیکشن کمیشن کوکہا ہے کہ سیکریسی کو مدنظر رکھ کر ووٹ کا حق ڈالنا یقینی بنائیں۔وزیر قانون نے کہا دونوں ترامیم سینیٹ کی قائمہ کمیٹی نے منظورکی تھیں،

الیکشن کمیشن نے کہا کہ الیکشن نہیں کرا پائیں گے، الیکشن کمیشن یقینی بنائے کہ سمندرپارپاکستانیوں کا ووٹ پڑے۔پی ٹی آئی سینیٹر شہزاد وسیم نے مخالفت کرتے ہوئے کہا کہ ہم کسی کو سمندر پار پاکستانیوں کے ووٹ کے حق پر ڈاکہ ڈالنے نہیں دیں گے، ہم ای وی ایم پرسمجھوتا نہیں کریں گے۔واضح رہے کہ گزشتہ روز قومی اسمبلی نے نیب قوانین میں ترامیم اور الیکشن ترمیمی بل 2022 منظور کر لیا ہے، الیکشن ترمیمی کے تحت الیکٹرانک ووٹنگ مشین (ای وی ایم) اور اوورسیز ووٹنگ سے متعلق گزشتہ حکومت کی ترامیم ختم کردی گئی ہیں۔نیب ترمیمی بل کے تحت چیئرمین نیب کی 3 سالہ مدت کے بعد اسی شخص کو دوبارہ چیئرمین نیب نہیں لگایا جائے گا، ریمانڈ کی مدت کو 90 دن سے کم کرکے 14دن کر دیا گیا ہے، ٹیکس معاملات، وفاقی وصوبائی کابینہ کے فیصلے اور ترقیاتی منصوبے نیب کے دائرہ اختیار میں نہیں ہوں گے۔

 

جمعرات کو پارلیمانی امور کے وزیر مرتضیٰ جاوید عباسی نے الیکشن ترمیمی بل اسمبلی میں پیش کیا، انتخابات ایکٹ 2017 کے سیکشن 94 اور سیکشن 103 میں ترامیم کی گئی ہیں۔بل پیش کرنے سے قبل مرتضیٰ جاوید عباسی نے متعلقہ قائمہ کمیٹی کو نظرانداز کرتے ہوئے بل کو براہ راست سینیٹ میں منظوری کے لیے بھیجنے کی اجازت دینے کی تحریک پیش کی، قومی اسمبلی میں بھی قرارداد کثرت رائے سے منظور کر لی گئی۔اس موقع پر وزیر قانون سینیٹر اعظم نذیر تارڑ کا ایوان میں اظہار خیال کرتے ہوئے کہنا تھا کہ پیش کیا گیا بل الیکشنز ایکٹ 2017 کو اِن ترامیم سے پہلے کی شکل میں بحال کرنے کی کوشش ہے جس سے آزادانہ، منصفانہ اور شفاف انتخابات یقینی بنائے جا سکیں گے۔ای وی ایم مشین پر الیکشن کمیشن میں بہت سے اعتراضات اٹھائے گئے‘پورے ملک میں ایک ہی وقت میں الیکٹرانک ووٹنگ مشینوں کے ذریعے انتخابات کا انعقاد ممکن نہیں۔ حکومت ٹیکنالوجی کے استعمال کے خلاف نہیں ہے‘ ہمیں صرف ٹیکنالوجی کے غلط استعمال پرخدشات ہیں‘.انہوں نے کہا کہ سمندر پار پاکستانی ملک کا قیمتی اثاثہ ہیں اور حکومت ان سے ووٹ کا حق چھیننے پر یقین نہیں رکھتی‘انتخابی اصلاحات کے لیے پارلیمانی کمیٹی تشکیل دے دی ہے،

کمیٹی میں تمام سیاسی جماعتوں کی نمائندگی ہے، کمیٹی میں صرف وہ شامل نہیں جو باہر درختوں اور املاک کو آگ لگا رہے ہیں۔قومی اسمبلی اجلاس میں الیکشن ایکٹ 2017 میں ترمیم کے بل کی شق وار منظوری لی گئی اور بل کی منظوری کے بعد الیکٹرانک ووٹنگ مشین اور اوورسیز پاکستانیوں کی ووٹنگ سے متعلق سابق حکومت کی ترامیم ختم ہو گئیں۔دریں اثناء قومی اسمبلی میں قومی احتساب بیورو (نیب) آرڈیننس1999ء میں ترمیم کا بل کثرت رائیسے منظور کرلیا گیا۔بل کے مطابق نئے چیئرمین کی تقرری کیلئے مشاورت چیئرمین کی مدت ختم ہونے سے 2 ماہ پہلے شروع کی جائے گی اور یہ عمل 40 روز میں مکمل کرنا ہوگا۔بل کے مطابق وزیراعظم اور اپوزیشن لیڈر میں اتفاق رائے نہ ہونے پر تقرر کا معاملہ پارلیمانی کمیٹی کو جائیگا۔ پارلیمانی کمیٹی چیئرمین نیب کا نام 30 روز میں فائنل کرے گی۔

 

وفاقی حکومت نے کھاد کی قیمتیں کم کر دیں

اسلام آباد(سی ایم لنکس)حکومت نے ملک بھر میں کھاد کی قیمتوں میں کمی کرتے ہوئے یوریا کھاد کی سرکاری سطح پر قیمت مقرر کردی ہے۔وزرات صعنت و پیدوار نے یوریا کھاد کی قیمتوں میں کمی کا نوٹیفکیشن جاری کیا۔نوٹیفکیشن کے مطابق 50 کلو یوریا کھاد کی بوری کی قیمت میں 389 روپے تک کمی کی گئی ہے جس کے بعد اس کی نئی ریٹیل قیمت 1768 روپے ہوگئی ہے۔نوٹیفکیشن میں کہا گیا ہے کہ قیمت کا اطلاق فوری ہوگا، 7 جولائی 2022 تک یہ قیمت نافذ العمل رہے گی۔نوٹیفکیشن میں واضح کیا گیا ہے کہ حکومت فرٹیلائزر سیکٹر کو گیس پر سبسڈی فراہم کر رہی ہے، سبسڈی والی گیس پر کھاد کی قیمت میں اضافہ بلاجواز ہے۔نوٹیفکیشن میں کہا گیا ہے کہ سبسڈی کا ریلیف کسانوں کو منتقل ہونا چاہیے، منافع خوری روکنے کے لیے قیمت مقرر کرنا ضروری ہوگیا تھا۔وزرات صعنت و پیدوار کے نوٹیفکیشن میں بتایا گیا ہے کہ فیصلے پر عملدر آمد نہ ہونے پر کارروائی کی جائے گی، فیصلے کے تحت یوریا کی مناسب قیمت پر دستیابی کو یقینی بنایا جائے گا۔نوٹیفکیشن میں مزید کہا گیا کہ کھاد کی قیمتوں میں اضافے سے نیشنل ایمرجنسی کی صورتحال نے جنم لیا۔صوبائی حکومتوں اور اسلام آباد انتظامیہ کو عملدرآمد کے لیے نوٹیفکیشن بھجوا دیا گیا ہے۔

امپورٹڈ حکومت نے اوورسیز پاکستانیوں کے ووٹ کا حق چھین لیا ۔صوبائی وزیرتیمور سلیم جھگڑا

Posted on May 27, 2022May 27, 2022

امپورٹڈ حکومت نے اوورسیز پاکستانیوں کے ووٹ کا حق چھین لیا جو ووٹ کے لیے ملک نہیں آ سکتے۔صوبائی وزیرتیمور سلیم جھگڑا
امپورٹڈ حکومت نے ہائیر ایجوکیشن کے بجٹ پر کٹ لگا دیا ہے تحریک انصاف حکومت میں اعلیٰ تعلیم کے شعبہ کو ترجیح دی۔صوبائی وزیر کامران خان بنگش
آئین کے آرٹیکل 25 کے تحت بیرون ملک پاکستانیوں کو سیاسی عمل میں حصہ لینے سے نہیں روکا جا سکتا سپریم کورٹ اس بڑی آئینی خلاف ورزی کا نوٹس لے، بیرسٹر محمد علی سیف

پشاور (چترال ٹایمز رپورٹ) خیبرپختونخوا کے وزراء تیمور سلیم جھگڑا، کامران خان بنگش اور وزیر اعلیٰ خیبر پختونخوا کے معاون خصوصی برائے اطلاعات و تعلقات عامہ بیرسٹر محمد علی سیف نے جمعہ کے روز ایک مشترکہ پریس کانفرنس سے خطاب کیا۔ پریس کانفرنس سے خطاب کرتے ہوئے خیبر پختونخوا کے وزیر برائے اعلی تعلیم کامران خان بنگش نے کہا ہے کہ امپورٹڈ حکومت نے ہائیر ایجوکیشن کے بجٹ پر کٹ لگا دیا ہے تحریک انصاف حکومت میں اعلیٰ تعلیم کے شعبہ کو ترجیح دی گئی۔ ان کا کہنا تھا کہ امپورٹڈ حکومت نے ہائیر ایجوکیشن بجٹ میں 50 فیصد کمی کر دی گزشتہ سال 66 ارب روپے ریلیز ہوئے، جبکہ امپورٹڈ حکومت نے صرف 30 ارب ریلیز کیے۔ اس رقم سے یونیورسٹیوں کے اساتذہ اور ملازمین کی تنخواہیں تک پوری نہیں ہو سکتیں۔

انھوں نے کہا کہ تمام یونیورسٹیوں کے وائس چانسلرز کی جانب سے اس اقدام کی سخت مذمت کرتا ہوں اس سے نوجوانوں اور ملک کا مستقبل وابستہ ہے امپورٹڈ حکومت کے اس اقدام کے خلاف آئینی اور قانونی راستہ اختیار کریں گے۔ ان کا کہنا تھا کہ تحریک انصاف دور میں 2 روپے اضافے پر واویلا کرنے والوں نے پیٹرول و ڈیزل کی قیمت میں یکمشت 30 روپے اضافہ کیا۔ ان کا کہنا تھا کہ ای وی ایم کی حیثیت ختم کرکے دھاندلی کا راستہ ہموار کیا گیا، کوئی ڈیل یا ڈھیل نہیں ہوئی نہ ہوگی۔ کامران بنگش نے وفاقی حکومت سے مطالبہ کرتے ہوئے کہا کہ وہ فوری طور پر جامعات کا پورا بجٹ ریلیز کرے۔اس موقع پر میڈیا سے گفتگو کرتے ہوئے صوبائی وزیر صحت و خزانہ تیمور خان جھگڑا کا کہنا تھا کہ تحریک انصاف کے دور میں عالمی سطح پر مہنگائی ہوئی تھی یہ نہیں مانتے تھے اب انھیں پتہ چل گیا،

مفتاح اسماعیل کا آئی ایم ایف مذاکرات کے بعد سوفٹ ویئر اپڈیٹ ہوا ہے امپورٹڈ حکومت نے اوورسیز پاکستانیوں کے ووٹ کا حق چھین لیا جو ووٹ کے لیے ملک نہیں آ سکتے۔ تیمور سلیم جھگڑا کا کہنا تھا کہ اے این پی، جے یو آئی، پی پی پی اس پر اپنی پوزیشن واضح کریں۔ میڈیا سے گفتگو کرتے ہوئے معاون خصوصی برائے اطلاعات بیرسٹر محمد علی سیف کا کہنا تھا کہ امپورٹڈ وزیراعظم کا وفاق پر حملے کا بیان احمقانہ اور مضحکہ خیز ہے آئین کے آرٹیکل 15 کے تحت یہ ہر شہری کا بنیادی حق ہے کہ وہ ملک میں کہیں بھی جائے۔ امپورٹڈ وزیراعظم نے اس بنیادی حق کے استعمال کو حملہ قرار دیا۔ ان کا کہنا تھا کہ عمر ایوب، حماد اظہر، یاسمین راشد سمیت کارکنوں پر بہیمانہ تشدد کیا گیا حقیقی آزادی مارچ میں 5 کارکن شہید ہوئے۔

بیرسٹر محمد علی سیف کا کہنا تھا کہ یہ سب جعلی وزیراعلیٰ پنجاب اور کریمنل وزیر داخلہ کے حکم پر کیا گیا۔ تحریک انصاف نے رانا ثناء اللہ کے خلاف مقدمات پراسیکیوٹ کیے ہیں جن پر فیصلے آنا باقی ہے رانا ثناء اللہ کا وزیراعلیٰ خیبرپختونخوا سے متعلق بیان مضحکہ خیز ہے۔ ان کا کہنا تھا کہ محمود خان آئینی اور قانونی وزیراعلیٰ ہیں۔ پولیس اہلکار اپنے فرائض سر انجام دے رہے تھے۔ ان کا کہنا تھا کہ امپورٹڈ حکومت خیبرپختونخوا میں گورنر راج کے بہانے ڈھونڈ رہی ہے لیکن وہ کسی صورت کامیاب نہیں ہوگی۔امپورٹڈ حکومت کے کریمنل وزیر داخلہ بھونڈی حرکتیں چھوڑ دیں۔ آئین کے آرٹیکل 25 کے تحت بیرون ملک پاکستانیوں کو سیاسی عمل میں حصہ لینے سے نہیں روکا جا سکتا سپریم کورٹ اس بڑی آئینی خلاف ورزی کا نوٹس لے۔ان کا کہنا تھا کہ جعلی مینڈیٹ کے بل بوتے پر قانون سازی کی گئی۔امپورٹڈ حکومت کی کسی گیڈر بھبکی سے نہیں ڈریں گے۔ ان کا کہنا تھا کہ یاسین ملک کے ساتھ جو بھارت نے کیا وہ عالمی قوانین کی خلاف ورزی ہے۔ دریں اثناء انہوں نے کہا ہے کہ ایبٹ آباد میں سکول وین حادثے پر افسوس ہے معصوم جانوں ضیاع پر دلی دکھ ہوا۔ سوگوار والدین کے غم میں برابر کے شریک اور زخمی بچوں کی جلد صحت یابی کیلئے دعا گو ہیں۔

چترال یونیورسٹی منصوبے پر پیشرفت کو یقینی بنایاجائے۔کمشنر ملاکنڈ

Posted on May 27, 2022

چترال یونیورسٹی منصوبے پر پیشرفت کو یقینی بنایاجائے۔کمشنر ملاکنڈ

یونیورسٹیوں کی تعمیر میں معیار پر خصوصی توجہ دی جائے، کمشنر ملاکنڈ ڈویژن شوکت علی یوسفزئی

سوات (نمائندہ چترال ٹائمز) کمشنر ملاکنڈ ڈویژن شوکت علی یوسفزئی کی زیرِ صدارت کمشنر آفس سیدو شریف میں ایک اجلاس منعقد ہوا۔ اجلاس میں ملاکنڈ ڈویژن کے مختلف یونیورسٹیوں میں جاری ترقیاتی کاموں پر پیشرفت کا جائزہ لیا گیا۔ اجلاس میں سوات، چترال، بونیر، شانگلہ، ملاکنڈ، دیر اپر اور دیر لوئر میں قائم یونیورسٹیوں کے وائس چانسلرز اور زیر تعمیر یونیورسٹیوں کے پروجیکٹ ڈائریکٹرز و دیگر حکام نے شرکت کی۔ متعلقہ حکام نے کمشنر ملاکنڈ ڈویژن شوکت علی یوسفزئی کو یونیورسٹیوں سے متعلق مالی اور ترقیاتی امور پر تفصیلی بریفنگ دی۔ اجلاس میں یونیورسٹیوں کو درپیش مسائل پر بھی تفصیلی گفتگو کی گئی۔ اجلاس کی صدارت کرتے ہوئے کمشنر ملاکنڈ ڈویژن شوکت علی یوسفزئی نے ترقیاتی کاموں میں بروقت پیشرفت یقینی بنانے کی ہدایت کی اور کہاکہ تعمیراتی کام کے معیار پر کوئی سمجھوتہ نہیں کیا جائے گا کمشنر ملاکنڈ ڈویژن شوکت علی یوسفزئی نے متعلقہ ڈپٹی کمشنرز کو بھی ہدایات جاری کرتے ہوئے کہا کہ متعلقہ ضلعی انتظامیہ اراضی کے حصول میں یونیورسٹیوں کو معاونت فراہم کرے تاکہ ترقیاتی کام تاخیر کا شکار نہ ہوں۔ کمشنر ملاکنڈ ڈویژن نے اس عزم کا اظہار کیا کہ یونیورسٹیوں کو درپیش مشکلات کا ہر صورت حل نکالا جائے گا اور متعلقہ حکام سے بات کی جائے گی۔ کمشنر ملاکنڈ ڈویژن نے چترال یونیورسٹی انتظامیہ کو خصوصی ہدایت کی کہ یونیورسٹی منصوبے پر پیشرفت یقینی بناتے ہوئے پرو جیکٹ کو بروقت مکمل کیا جائے۔ ان کا کہنا تھا کہ چترال ضلع کو خصوصی توجہ کی ضرورت ہے۔

آئندہ انتخابات کیلئے 47 ارب 41 کروڑ روپے کے اخراجات آئیں گے،الیکشن کمیشن

Posted on May 26, 2022

آئندہ انتخابات کیلئے 47 ارب 41 کروڑ روپے کے اخراجات آئیں گے،الیکشن کمیشن

ا سلا م آ با د(چترال ٹایمز رپورٹ)الیکشن کمیشن نے سال 2023 کے الیکشن کے اخراجات کی تفصیلات جاری کردیں۔قومی اسمبلی کے اجلاس میں آئندہ الیکشن کیلئے اخراجات کی تفصیلات جاری کی گئیں۔الیکشن کمیشن نے آئندہ انتخابات کیلئے 47 ارب 41 کروڑ روپے کا تخمینہ لگایا۔تفصیلات کے مطابق انتخابات میں آرمی سمیت سیکیورٹی کیلئے 15 ارب روپے کا تخمینہ لگایا گیا۔الیکٹرانک ووٹنگ کرانے کیلئے 5 ارب 60کروڑ روپے کے اخراجات آئیں گے۔دستاویز کے مطابق بیلٹ پیپرز کی اشاعت کیلئے 4 ارب 83 کروڑ روپے خرچ ہوں گے۔انتخابی عملے کی تربیت کیلئے ایک ارب 79 کروڑ روپے کے اخراجات آئیں گیپنجاب میں انتخابات کیلئے 9 ارب 65 کروڑ روپے کے اخراجات کا تخمینہ لگایا گیا ہے۔سندھ میں انتخابات کیلئے 3 ارب 65 کروڑ روپے کے اخراجات کا تخمینہ لگایا گیا۔خیبر پختونخوا میں انتخابات کیلئے 3 ارب 95 کروڑ روپے کے اخراجات آئیں گے۔بلوچستان میں انتخابات کیلئے ایک ارب 11 کروڑ روپے کی ضرورت ہو گی۔

شہباز حکومت نے اوورسیز پاکستانیوں کو ووٹ کے حق سے محروم کردیا

اسلام آباد(سی ایم لنکس) شہباز حکومت نیاوور سیز پاکستانیوں کو ووٹ کے حق سے محروم کردیا، قومی اسمبلی نے اوورسیز پاکستانیوں کوووٹ کے حق سے محروم کر نے کی منظوری دی۔تفصیلات کے مطابق قومی اسمبلی نیاوورسیز پاکستانیوں کوووٹ کیحق سیمحروم کر نیکی منظوری دے دی، جس کے بعد اوور سیز پاکستانی بیرون ملک سے ووٹ کا حق استعمال نہیں کر سکیں گے۔اوور سیز پاکستانیوں کے لئے الگ نشستیں مختص کرنے کی تجویز دی گئی ہے، نشستوں کے تعین کا معاملہ پارلیمانی کمیٹی طے کرے گی تاہم پاکستان میں موجود اوور سیز پاکستانی ووٹ کاحق استعمال کر سکیں گے۔یاد رہے 10 مئی کو قومی اسمبلی میں اوورسیز پاکستانیوں کو ووٹ کے حق سے محروم رکھنے کا بل اسمبلی میں پیش کیا گیا تھا، قومی اسمبلی میں یہ بل پی ٹی آئی کے منحرف رکن نورعالم خان کے ذریعے پیش کرایا گیا، جس کی وفاقی وزیر قانون اور ن لیگی رہنما اعظم نذیر تارڑ نے مخالفت نہیں کی تھی۔

قومی اسمبلی نے قومی احتساب (دوسری ترمیم) بل 2021ء کی منظوری دے دی

Posted on May 26, 2022

قومی اسمبلی نے قومی احتساب (دوسری ترمیم) بل 2021ء کی منظوری دے دی

اسلام آباد(چترال ٹایمز رپورٹ)قومی اسمبلی نے قومی احتساب (دوسری ترمیم) بل 2021ء کی منظوری دے دی ہے’وزیر قانون سینیٹر اعظم نذیر تارڑ کا کہنا ہے کہ نیب کے نئے قانون میں ترامیم آئین’انسانی حقوق اور انصاف کے تقاضوں کو مدنظر رکھتے ہوئے کی گئی ہیں،نئے قانون کے تحت ہائی کورٹ کا حاضر سروس جج نیب کے چیئرمین کے طور پر لگایا جائیگا اگر کسی مقدمے میں عدالت نے یہ ریمارکس دیئے کہ مقدمہ بدنیتی پر مبنی ہے تو مقدمہ بنانے والے کے خلاف بھی کارروائی کی جاسکے گی’واضح ثبوت اور مقدمے کے بغیر کسی کا میڈیا ٹرائل نہیں کیا جاسکے گا’ہر قسم کے مقدمات میں عدالت کو ضمانت کا اختیار حاصل ہوگا’ریمانڈ کی مدت 90 دن سے کم کرکے 14 دن کی گئی ہے’پہلے اپیل ہائی کورٹ میں 10 دن بعد داخل کرنا ہوتی تھی اب اسے 30 دن کردیا گیا ہے۔جمعرات کو قومی اسمبلی میں قومی احتساب (دوسری ترمیم) بل 2021ء کے اغراض و مقاصد بیان کرتے ہوئے وفاقی وزیر قانون سینیٹر اعظم نذیر تارڑ نے کہا کہ ملک کی حالیہ یا ماضی قریب کی تاریخ ہے جس میں ایک قانون ایسا ہے جس کو برے طریقے سے استعمال کیا گیا ہے۔

اس پر سب سے زیادہ اعلیٰ عدلیہ کے فیصلے آئے’اس کو سیاسی انتقام کے لئے استعمال کیا گیا۔ عدلیہ نے اس کو پارلیمان کی طرف بھجوایا تاکہ بنیادی انسانی حقوق کی شقیں مناسب ترامیم کے لئے شامل کی جائیں۔ پی ٹی آئی کے دور حکومت میں سابق وزیراعظم نے بہت سی ترامیم ایوان کے ذریعے کرنے کی بجائے آرڈیننسوں کے ذریعے کیں۔چیئرمین نیب کی مدت ملازمت کو آرڈیننس کے ذریعے توسیع کی ترمیم کی گئی۔ سرونٹس کا بارہا یہ مطالبہ آیا کہ ان کے ساتھ بہت زیادتیاں ہوئی ہیں ’انہیں بغیر ثبوت کے جیل میں ڈالا گیا۔ سیاست دانوں کی افکار’نظریات اور آواز کو دبانے کے لئے نیب کا قانون استعمال کیا گیا۔ سپریم کورٹ کے فل کورٹ ریفرنس میں اس وقت کے چیف جسٹس نے کہا کہ نیب کا قانون سیاسی مخالفین کو دبانے کے لئے استعمال ہوا ہے۔ اس بل میں مختلف اراکین اسمبلی نے محنت کرکے ترامیم ڈالی ہیں۔ پہلے نیب کے قانون میں سرکاری ملازم کو بغیر ثبوت کے گرفتار کیا جاسکتا تھا۔ اب ہم نے ترمیم کی ہے کہ جب تک اختیارات کا غلط استعمال یا بدعنوانی ثابت نہ ہو جائے تو انہیں گرفتار نہیں کیا جاسکے گا۔اس قانون میں ترمیم لائی جارہی ہے کہ میڈیا ٹرائل بھی نہیں ہوگا۔

اگر دہشتگردی‘ قتل اور زنا بالجبر کے قانون میں ضمانت ہے تو نیب کے قانون میں بھی ضمانت ہونی چاہیے۔ نیب کے قانون کے تحت ارکان پارلیمنٹ اور پارلیمنٹ سے باہر سیاسی زعما کے خلاف کارروائی کی گئی۔ انہوں نے کہا کہ اثاثہ جات کے حوالے سے بھی مفصل ترامیم کی گئی ہیں تاکہ کسی بے گناہ کو اپنی انا کی تسکین یا مخالفین کو سبق سکھانے کے لئے اس قانون کو استعمال کیا جائے۔ ہم نے حلف لیا ہے کہ پاکستان کے آئین کے تابع قانون سازی کریں گے۔انہوں نے کہا کہ ہم تو یہ قانون بھگت چکے ہیں ’اب آئندہ جنہوں نے مختلف منصوبوں میں پھل کھائے ہیں انہیں بھی اس نئے قانون کا فائدہ ہوگا۔ تاجر بینکار’سیاسی ورکر اور عام آدمی کے حقوق کا خیال رکھا گیا ہے۔ ہم نے پہلے استادوں کو ہتھ کڑیاں لگتے ہوئے دیکھا۔ لوگوں کو خودکشیاں کرتے ہوئے دیکھا۔ جن جن پارلیمنٹرینز نے عرق ریزی کی ہے اور ترامیم لے کر آتے ہیں وہ بھی لاحق تحسین ہیں۔ وزیر قانون اعظم نذیر تارڑ نے تحریک پیش کی کہ قومی احتساب (دوسری ترمیم) 2021ء قائمہ کمیٹی کی رپورٹ کردہ صورت میں فی الفور زیر غور لایا جائے۔

احتساب بل میں دوسری ترمیم پر بات کرتے ہوئے مولانا عبدالاکبر چترالی نے کہا کہ چور جوبھی ہو اس کا احتساب ہونا چاہیے۔غوث بخش مہر نے کہا کہ اگر سزائیں قانون کے مطابق ملیں گی تو حکومت کی نیک نامی ہوگی’سزائیں شریعت کے مطابق رکھی جائیں۔ قادر خان مندوخیل نے کہا کہ اس کالے قانون کی وجہ سے کرپشن ختم ہونے کی بجائے بڑھی ہے۔ وزیر قانون اعظم نذیر تارڑ نے کہا کہ 8 نومبر 2021ء کو بل ایوان میں پیش کیا گیا جو کمیٹی کو بھجوا دیا گیا تھا’کمیٹی کی رپورٹ کو مدنظر رکھ کر ترامیم لائی گئی ہیں۔ ہائی کورٹ کے چیف جسٹس کی طرف سے حاضر سروس جج صاحبان کو لگایا جائے گا۔ اسلامی قوانین کے منافی ہم کوئی قانون نہیں بنا سکتے۔ نیب صاف ہو تو منزل آسان ہو جاتی ہے۔ ایوان سے تحریک کی منظوری کے بعد سپیکر نے بل کی شق وار منظوری کا عمل شروع کیا۔بل میں محسن شاہ نواز رانجھا نے‘ سید جاوید حسنین’شزہ فاطمہ خواجہ’شاہدہ اختر علی’سید حسین طارق’آغا سید رفیع اللہ اور دیگر کی طرف سے بھی ترامیم پیش کی گئیں ’وزیر قانون اعظم نذیر تارڑ نے ان ترامیم کی مخالفت نہیں کی اس بنا پر انہیں بل کا حصہ بنا دیا گیا۔

شاہدہ اختر علی نے کہا کہ نیب کے قانون کا بہت غلط استعمال کیا گیا’یہ قانون ہم ختم کرنے کے حق میں ہیں مگر سیاسی جماعتوں نے ترامیم کرنے پر اکتفا کیا ہے۔ تحریک انصاف نے شخصی بنیاد پر اس قانون کا غلط استعمال کیا۔اعظم نذیر تارڑ نے کہا کہ بڑی محنت سے یہ ترامیم کی گئی ہیں۔ ریمانڈ کی مدت 90 دن سے کم کرکے 14 دن کی گئی ہے۔ یہ بھی نہیں ہوگا کہ ادھر کیس ہوا ادھر گرفتاری کر لی جائے۔ اسلم بھوتانی کی طرف سے اٹھائے گئے نکتہ اور بل میں پیش کردہ مختلف ترامیم کا جواب دیتے ہوئے وزیر قانون اعظم نذیر تارڑ نے کہا کہ آئین سے انحراف کرکے کوئی ترمیم نہیں لائی گئی۔ مناسب جواز کا مطلب ہے کہ کسی بھی الزام یا گرفتاری سے قبل نوٹسز سمیت تمام قانونی تقاضے پورے کئے جائیں۔پلی بارگین اور رضاکارانہ رقوم کی واپسی کے حوالے سے بھی قانون کو بہتر بنایا گیا ہے۔ انہوں نے کہا کہ پہلے اپیل ہائی کورٹ میں دس دن بعد داخل کرنا ہوتی تھی اب اسے 30 دن کردیا گیا ہے۔ ضمانت کا ہائی کورٹ کو اختیار دیا گیا ہے’اگر ہائی کورٹ ضروری سمجھے تو سزا معطل بھی کر سکتی ہے۔ باقی مقدمات میں بھی ایسا ہی ہوتا ہے۔ آئین کا آرٹیکل 25 کہتا ہے کہ تمام شہریوں کو یکساں حقوق حاصل ہونے چاہئیں۔ انہوں نے کہا کہ اگر کسی کسی پر عدالت کہے کہ یہ مقدمہ بدنیتی پر بنایا گیا ہے تو نئے قانون کے تحت بدنیتی پر مقدمہ بنانے والوں پر بھی نظر رکھی جاسکے گی۔ وزیر قانون سینیٹر اعظم نذیر تارڑ نے تحریک پیش کی کہ قومی احتساب (دوسری ترمیم) بل 2021ء منظور کیا جائے۔ قومی اسمبلی نے بل کی منظوری دے دی۔

 

قومی اسمبلی نے انتخابات (ترمیمی) بل 2022ء کی منظوری دے دی

Posted on May 26, 2022May 26, 2022

قومی اسمبلی نے انتخابات (ترمیمی) بل 2022ء کی منظوری دے دی

اسلام آباد(سی ایم لنکس)قومی اسمبلی نے انتخابات (ترمیمی) بل 2022ء کی منظوری دے دی ہے۔جمعرات کو قومی اسمبلی میں وزیر مملکت برائے پارلیمانی امور مرتضیٰ جاوید عباسی نے انتخابات (ترمیمی) بل 2022ء پیش کیا۔ سپیکر نے کہا کہ یہ اہم قانون سازی ہے۔ سپیکر کے کہنے پر وزیر قانون اعظم نذیر تارڑ نے بل کے اغراض و مقاصد بیان کرتے ہوئے کہا کہ واقعی یہ بل بہت اہم ہے۔الیکشن ایکٹ وہ قانون ہے جس کے ذریعے پارلیمنٹ وجود میں آتی ہے اور لوگ اپنا حق رائے دہی استعمال کرکے ملک کو پارلیمانی جمہوری نظام دیتے ہیں۔ 2013ء سے 2018ء والی اسمبلی نے ایک دیرینہ مطالبہ پورا کرتے ہوئے 1970ء کے الیکشن ایکٹ میں اتفاق رائے سے ترمیم کی۔ انتخابی اصلاحات کمیٹی نے درجنوں اجلاس منعقد کرکے 2017ء میں ترامیم کیں۔ انہوں نے کہا کہ اس کے بعد پاکستان تحریک انصاف کی حکومت نے ذاتی مقاصد کے لئے بعض متنازعہ ترامیم کرلیں۔الیکشن ترامیم کی آڑ میں فریقین کی رائے کو اہمیت نہیں دی اور الیکٹرانک ووٹنگ مشین کے حوالے سے قانون سازی کی گئی حالانکہ اس پر الیکشن کمیشن نے بھی متعدد تحفظات کا اظہار کیا۔ انہوں نے کہا کہ یہ بل پی ٹی آئی نے قومی اسمبلی میں بلڈوز کیا اور سینیٹ کو بھجوایا گیا۔

سینیٹ نے اس بل کو کمیٹی کے سپرد کردیا،سینیٹ کمیٹی میں قانون سازی کو سمجھنے والے ماہرین موجود تھے۔ ہم نے بلڈیٹ کے نمائندوں کو سنا، سپریم کورٹ کے حکم پر 2018ء میں مقرر کی جانے والی سپینش فرم کے نمائندوں کی رائے بھی لی گئی۔سب نے کہا کہ ای وی ایم کے ذریعے الیکشن مکمل طور پر کرانے کی بجائے پہلے مرحلے میں اس کو پائلٹ پراجیکٹ کے طور پر لیا جائے اور اس کو قانون کا حصہ بنانے کی فی الوقت ضرورت نہیں ہے۔ انہوں نے کہا کہ سینیٹ کی قائمہ کمیٹی نے سب کو سننے کے بعد کثرت رائے سے ای وی ایم مشین کے ذریعے الیکشن کرانے کی تجویز مسترد کردی۔ 90 دن گزارنے کے لئے حکومت کی طرف سے خاموشی اختیار کی گئی اور یہ بل انتہائی جلدی اور قواعد کو بلڈوز کرتے ہوئے پارلیمنٹ کے مشترکہ اجلاس سے منظور کرایا گیا۔سپریم کورٹ نے بھی اس بات کا جائزہ لیا کہ آیا انتخابات کرائے جاسکتے ہیں۔ سپریم کورٹ نے چیف الیکشن کمیشن کو بلا کر پوچھا تو انہوں نے کہا کہ سات ماہ میں تو اس کے ذریعے الیکشن نہیں کرائے جاسکتے۔ انہوں نے کہا کہ سمندر پار پاکستانی بہنیں اور بھائی ہمارا اثاثہ ہیں اور ہمیشہ ہمارا اثاثہ رہیں گے۔

سمندر پار پاکستانیوں کے ووٹ کا حق نہ چھینا گیا ہے نہ چھینا جائے گا۔ ہم چاہتے ہیں کہ الیکشن خریدا نہ جاسکے، الیکشن چرایا نہ جاسکے اور ان کے بقول الیکشن میں پنکچر نہ لگ سکے۔ ہم ٹیکنالوجی کے خلاف نہیں ہیں ہم چاہتے ہیں ٹیکنالوجی آئے۔انہوں نے کہا کہ جب آر ٹی ایس بیٹھ سکتا ہے اور ٹی وی سکرین کچھ دیر کے لئے بلینک ہو جاتی ہیں اور کچھ دیر بعد پتہ چلتا ہے کہ فلاں پارٹی جیت گئی ہے۔ انہوں نے کہا کہ وفاقی کابینہ نے اتفاق رائے سے فیصلہ کیا ہے کہ الیکشن کے حوالے سے پی ٹی آئی دور میں ہونے والی قانون سازی کو 2017ء والی پوزیشن پر واپس لایا جائے۔ حلقہ بندیوں اور پولنگ کے نظام کے حوالے سے مزید قانون سازی بھی انتخابی اصلاحات کمیٹی کے ذریعے لائی جائے گی۔وزیر پارلیمانی امور مرتضیٰ جاوید عباسی نے تحریک پیش کی کہ انتخابات (ترمیمی) بل 2022ء قومی اسمبلی میں پیش کردہ صورت میں فی الفور زیر غور لایا جائے۔ غوث بخش مہر نے کہا کہ اگر مکمل الیکشن ای وی ایم کے ذریعے نہ ہو سکے تو کم از کم اس کا کسی شہر میں ٹرائل ضرور ہونا چاہیے۔ مولانا عبدالاکبر چترالی نے کہا کہ الیکشن ایکٹ میں ترامیم سے قبل تمام سیاسی جماعتوں سے رائے لی جائے،انہوں نے مطالبہ کیا کہ اس بل کو دوبارہ کمیٹی کے سپرد کیا جائے اور بل کو اتفاق رائے سے دیا جائے تو یہ قانون سازی سب کے لئے سودمند ہوگی اوراس بل میں مزید نکھار پیدا کیا جائے۔

ڈاکٹر محمد افضل ڈھانڈلہ نے کہا کہ الیکشن کمیشن کی رپورٹ آنے تک تمام فریقین کی رائے لے کر متفقہ قانون سازی کی جائے۔ اپوزیشن لیڈر راجہ ریاض احمد نے کہا کہ ملک کے بہت سے علاقے ایسے ہیں جہاں انٹرنیٹ نہیں ہے۔ ملک اور قوم کے مفاد میں الیکشن ایکٹ میں ترامیم ہونی چاہئیں۔ الیکشن کمیشن کو مضبوط ہونا چاہیے۔ پچھلی حکومت نے درست قانون سازی کی ہے۔ لوگوں کو ووٹ ڈالنے میں سہولت دی جائے اور دھاندلی کا راستہ روکا جانا چاہیے۔ انجینئر صابر قائمخانی نے کہا کہ مضبوط الیکشن کمیشن اور منصفانہ الیکشن ایکٹ کی ضرورت ہے۔ ایم کیو ایم بھی متاثرہ جماعت رہی ہے۔وفاقی وزیر شازیہ مری نے کہا کہ ہم الیکشن لڑ کے اپنے ووٹروں کو متحرک کرکے جس طرح یہاں آئے ہیں اس کے پیچھے ایک کہانی ہے۔ ملک کے بعض پہاڑی اور ریگستانی علاقے ایسے ہیں جہاں سہولیات کا فقدان ہوتا ہے۔ ہمیں زمینی حقائق مدنظر رکھ کر بات کرنی چاہیے۔ الیکشن کمیشن کے تحفظات کے بارے میں ان کے ساتھ جو بات ہوئی ہے وہ بھی بتائی جائے۔ سمندر پار پاکستانیوں کا جو ہماری حقیقت میں کردار اس کو مدنظر رکھنا ضروری ہے۔ ان کا ووٹ کا حق نہیں لیا جارہا۔انہوں نے کہا کہ ہم احتساب سے بھاگنے والے نہیں ہیں۔ ہم صرف یہ چاہتے ہیں کہ احتساب کے نام پر سیاسی انتقام نہیں ہونا چاہیے۔ ان قوانین میں ترامیم لانا وقت کا اہم تقاضا ہے۔ اس سے معیشت مضبوط ہوگی۔ محسن شاہنواز رانجھا کی تمام ترامیم بل میں شامل کرلی گئیں۔ وزیر پارلیمانی امور مرتضیٰ جاوید عباسی نے تحریک پیش کی کہ انتخابات (ترمیمی) بل 2022ء منظور کیا جائے۔ قومی اسمبلی نے بل کی منظوری دے دی۔

 

الیکشن کمیشن نے پنجاب کی 20 خالی نشستوں پر الیکشن شیڈول کا اعلان کر دیا

Posted on May 25, 2022

الیکشن کمیشن نے پنجاب کی 20 خالی نشستوں پر الیکشن شیڈول کا اعلان کر دیا

اسلام آباد(چترال ٹایمز رپورٹ) الیکشن کمیشن نے پنجاب کی 20 خالی نشستوں پر الیکشن شیڈول کا اعلان کر دیا۔تحریک انصاف کے منحرف اراکین کے ڈی سیٹ کے فیصلے کے بعد خالی ہونے والی نشستوں پر الیکشن شیڈول کا اعلان کیا گیا۔الیکشن کمیشن کے مطابق 17 جولائی کو پنجاب کی 20 صوبائی نشستوں پر انتخاب ہو گا۔واضح رہے کہ 20 مئی کو پی ٹی آئی کے منحرف اراکین سے متلق الیکشن کمیشن نے فیصلہ سنایا تھا۔ الیکشن کمیشن نے 17 مئی کو پنجاب اسمبلی کے 25 منحرف ارکان کی نااہلی سے متعلق محفوظ کردہ فیصلہ 20 مئی کو سنایا۔فیصلے میں پنجاب اسمبلی میں پی ٹی آئی کے منحرف اراکین اسمبلی کو نااہل قرار دے دیا تھا۔

سپریم کورٹ کا چیف کمشنر اسلام آباد کو پی ٹی آئی لانگ مارچ کیلئے مناسب جگہ فراہم کرنے کا حکم

Posted on May 25, 2022

سپریم کورٹ کا چیف کمشنر اسلام آباد کو پی ٹی آئی لانگ مارچ کیلئے مناسب جگہ فراہم کرنے کا حکم

اسلام آباد(سی ایم لنکس)سپریم کورٹ نے چیف کمشنر اسلام آباد کو پی ٹی آئی لانگ مارچ کے لئے مناسب جگہ فراہم کرنے کا حکم دے دیا۔سپریم کورٹ نے لانگ مارچ روکنے کے خلاف پی ٹی آئی کے سیکرٹری جنرل اسد عمر کی درخواست کی سماعت کی۔جسٹس اعجاز الاحسن نے ریمارکس دیے کہ تمام اسپتالوں میں ایمرجنسی نافذ ہے، اسکولز اور ٹرانسپورٹ بند ہے، تمام امتحانات ملتوی، سڑکیں اور کاروبار بند کر دیے گئے ہیں، معاشی لحاظ سے ملک نازک دوراہے پر ہے اور دیوالیہ ہونے کے در پر ہے، کیا ہر احتجاج پر پورا ملک بند کر دیا جائے گا؟، بنیادی طور پر حکومت کاروبار زندگی ہی بند کرنا چاہ رہی ہے۔اٹارنی جنرل نے کہا کہ معیشت کے حوالے سے عدالت کو ایسی بات نہیں کرنی چاہیے، میڈیا کو ریمارکس چلانے سے روکا جائے۔ جسٹس اعجاز الاحسن نے کہا کہ ملک کی معاشی صورتحال تو ہر انسان کو معلوم ہے۔اٹارنی جنرل نے استدعا کی کہ مجھے تفصیلات کا علم نہیں، معلومات لینے کا وقت دیں۔

جسٹس مظاہر نقوی نے کہا کہ اٹارنی جنرل صاحب کیا آپکو ملکی حالات کا علم نہیں؟ سپریم کورٹ کا آدھا عملہ راستے بند ہونے کی وجہ سے پہنچ نہیں سکا۔اٹارنی جنرل نے کہا کہ خونی مارچ کی دھمکی دی گئی ہے، میں بنیادی طور پر راستوں کی بندش کے خلاف ہوں، لیکن عوام کی جان و مال کے تحفظ کیلئے اقدامات ناگزیر ہوتے ہیں، راستوں کی بندش کو سیاق و سباق کے مطابق دیکھا جائے، مسلح افراد کو احتجاج کی اجازت کیسے دی جا سکتی ہے؟۔درخواست گزار نے موقف اختیار کیا کہ خیبرپختون خوا کے سوا سارے ملک کی شاہراہوں کو بند کردیا گیا ہے، لوگوں کو ہراساں کیا جا رہا ہے، گھروں میں گھسا جا رہا ہے، حکومتی اقدامات غیر آئینی ہیں۔جسٹس اعجاز الاحسن نے کہا کہ ماضی میں بھی احتجاج کیلئے جگہ مختص کی گئی تھی، میڈیا کے مطابق تحریک انصاف نے احتجاج کی اجازت کیلئے درخواست دی تھی، اس پر کیا فیصلہ ہوا۔صدر اسلام آباد ہائیکورٹ بار شعیب شاہین نے کہا کہ پولیس وکلاء کو بھی گھروں میں گھس کر گرفتار کر رہی ہے،  سابق جج ناصرہ جاوید کے گھر بھی رات گئے چھاپہ مارا گیا۔

جسٹس اعجاز الاحسن نے کہا کہ قانون ہاتھ میں لینے کا اختیار کسی کو نہیں۔شعیب شاہین نے کہا کہ مولانا فضل الرحمان دو مرتبہ سرینگر ہائی وے پر دھرنا دے چکے ہیں، بلاول بھٹو بھی اسلام آباد میں لانگ مارچ کر چکے ہیں، اب بھی مظاہرین کیلئے جگہ مختص کی جا سکتی ہے۔سپریم کورٹ نے چیف کمشنر اسلام آباد،ڈی سی اسلام آباد، آئی جی سیکریٹری داخلہ اور ایڈووکیٹ جنرلز کو طلب کرتے ہوئے تمام افسران سے صوتحال پر تفصیلی رپورٹ جمع کرانے کا حکم دیا۔ عدالت نے اسلام آباد ہائیکورٹ میں زیر التواء کیس میں جاری احکامات بھی طلب کرلئے۔سپریم کورٹ نے پی ٹی آئی کو لانگ مارچ کے لئے متبادل جگہ دینے کے لیے چیف کمشنر اسلام آباد کو انتظامات کرنے کی ہدایت کردی۔جسٹس اعجاز الاحسن نے چیف کمشنر اسلام آباد کو حکم دیا کہ لانگ مارچ کے لئے مناسب جگہ فراہم کی جائے، لانگ مارچ کی جگہ تک رسائی کے لیے ٹریفک پلان ترتیب دیا جائے، پی ٹی آئی والے اپنا احتجاج کریں اور گھروں کو جائیں، حکومت سے توقع رکھتے ہیں راستوں کی بندش ختم کرے گی، پی ٹی آئی سے یقین دہانی بھی لیں گے۔

عدالت نے پی ٹی آئی کے وکیل فیصل چوہدری کو قیادت سے ہدایت لینے کے لیے اڑھائی بجے تک کا وقت دیدیا۔ سپریم کورٹ نے تحریک انصاف اور ضلعی انتظامیہ کو متبادل جگہ کے تعین کی ہدایت کرتے ہوئے متبادل جگہ کا انتظام کرکے آگاہ کیا جائے، اڑھائی بجے تک متبادل جگہ کا تعین کرکے آگاہ کیا جائے، پی ٹی آئی قیادت کو مذاکرات کیلئے مکمل تحفظ فراہم کیا جائے گا۔عدالت نے آئی جی اسلام آباد اور سیکرٹری داخلہ کی سرزنش بھی کی۔ جسٹس مظاہر نقوی نے کہا کہ آئی جی صاحب پولیس کے کارناموں کا وزن بہت زیادہ ہے، کیا آپ کو معلوم ہے آپ پہلے ہی کتنا وزن اٹھائے ہوئے ہیں، کنٹرول میں رہتے ہوئے اپنے اختیارات کو استعمال کریں۔عدالت نے سیکرٹری داخلہ اور پولیس کو فوری طور پر پالیسی پر نظرثانی کی ہدایت بھی کی۔جسٹس اعجاز الاحسن نے کہا کہ ا?ئی جی اسلام آباد ریاست کے ملازم ہیں، عوام اور وکلا کو حراساں نہ کیا جائے، احتجاج کرنے والے بھی آپ کے اپنے لوگ ہیں، کچھ ہوا تو ذمہ داری ائی جی اسلام آباد پر ہوگی۔جسٹس اعجاز الاحسن نے ریمارکس دیے کہ احتجاج پر امن ہوگا، املاک کو نقصان نہ پہنچے، نہ تشدد نہ ٹریفک بلاک ہو، سیکرٹری داخلہ، چیف کمشنر، ڈپٹی کمشنر،آئی جی اور اٹارنی جنرل معاملئے کا حل نکالیں،

پی ٹی آئی کے وکیل ہدایات لیکر انتظامیہ کے ساتھ مذاکرات کی ٹیبل پر بیٹھیں، سب بہاریں پاکستان کے ساتھ ہیں، اگر پی ٹی آئی کو گرفتاری کا خدشہ ہے تو لسٹ دے دیں، جنھیں گرفتاریوں کا خدشہ ہے انھیں تحفظ دینگے، سیاسی جماعتوں کے مفاد ہیں لیکن عوام اور ملک کے سامنے سیاسی مفادات کی کوئی حیثیت نہیں، آپس کی لڑائیوں میں ملک کی بہاروں کو خزاں میں تبدیل نہ کریں، سیاست میں آج ایک اور کل دوسرا ہوگا، انتظامیہ مکمل پلان پیش کرے کہ احتجاج بھی ہو اور راستے بھی بند نہ ہوں۔اٹارنی جنرل نے کہا کہ عمران خان کی زندگی کو خطرہ ہے، حساس اداروں کی رپورٹ کے مطابق عمران خان پر خودکش حملے کا خطرہ ہے۔جسٹس اعجاز الاحسن نے ان سے کہا کہ آپ اصل ایشو سے دور جا رہے ہیں، کیا پولیس چھاپے مار کر لیڈرز اور کارکنوں کو حفاظتی تحویل میں لے رہی ہے؟ راتوں کو گھروں میں چھاپے مارنے کا کیا مقصد ہے، حکومت کو سرینگر ہائی وے کا مسئلہ ہے تو لاہور سرگودھا اور باقی ملک کیوں بند ہے؟۔جسٹس مظاہر علی اکبر نے ہدایت کی کہ وزارت داخلہ اپنی پالیسی پر نظر ثانی کرے۔ سپریم کورٹ میں کیس کی مزید سماعت سہہ پہر تک ملتوی کردی گئی۔

 

اگلے  اے۔ ڈی ۔پی میں صوبے میں جاری ترقیاتی منصوبوں کی تکمیل کواولین ترجیح دی جائے گی – وزیراعلیِ 

Posted on May 25, 2022

اگلے  اے۔ ڈی ۔پی میں صوبے میں جاری ترقیاتی منصوبوں کی تکمیل کواولین ترجیح دی جائے گی – وزیراعلیِ

پشاور (چترال ٹایمز رپورٹ) سالانہ ترقیاتی پروگرام برائے مالی سال 2022-23 کو حتمی شکل دینے کےلئے ایک اہم اجلاس گزشتہ روز وزیراعلیٰ خیبرپختونخوا محمود خان کی زیرصدارت منعقد ہوا جس میں مختلف محکموں کے تحت جاری منصوبوں کی بروقت تکمیل اور اگلے سالانہ ترقیاتی پروگرام میں شامل کرنے کےلئے مجوزہ ترقیاتی منصوبوں سے متعلق ترجیحات کا تعین کرنے کے سلسلے میں اہم فیصلے کئے گئے ۔ اجلاس میں فیصلہ کیا گیا کہ اگلے سالانہ ترقیاتی پروگرام کے تحت صوبے میں جاری ترقیاتی منصوبوں خصوصاً صوبائی حکومت کے ترجیحی منصوبوں کی تکمیل کو پہلی ترجیح دی جائے گی اور اس مقصد کیلئے مجموعی سالانہ ترقیاتی پروگرام کا 90 فیصد حصہ مختص کیا جائے گا۔

وزیراعلیٰ نے آئندہ مالی سال کے دوران تمام شعبوں میں ترجیحی منصوبوں خصوصاً تکمیل کے قریب سکیموں کو ترجیحی بنیادو ں پر مکمل کرنے کی ہدایت کرتے ہوئے واضح کیا ہے کہ اس سلسلے میں صوبے کے تمام اضلاع کو یکساں اہمیت دی جائے اور اگلے مالی سال کے دوران ان منصوبوں کی تکمیل پر خصوصی توجہ دی جائے جن سے زیادہ سے زیادہ عوام مستفید ہوں۔ اُنہوںنے مزید ہدایت کی کہ تعلیم، صحت، توانائی، سیاحت ، سوشل ویلفیئر اور آبنوشی سمیت تمام اہم شعبوں میں جدید رجحانات کو فروغ دے کر خدمات کی فراہمی کے عمل کو مزید بہتر بنانے کیلئے خصوصی اقدامات اُٹھائے جائیں ۔ وزیراعلیٰ نے کہاکہ صوبائی حکومت صوبے کی تاریخ کا سب سے بڑا ترقیاتی بجٹ پیش کرنے جارہی ہے جس کا حتمی مقصد صوبے کو دیر پا بنیادوں پر ترقی دینا اور سروسز ڈیلیوری کے نظام کو جدید تقاضوں سے ہم آہنگ کرکے عوام کو زیادہ سے زیادہ سہولیات فراہم کرنا ہے جس کیلئے تمام محکموں کو جامع اور ٹھوس حکمت عملی کے تحت کام کرنے کی ضرورت ہے ۔

چیف سیکرٹری ڈاکٹر شہزاد بنگش اور ایڈیشنل چیف سیکرٹری شہاب علی شاہ کے علاوہ صوبائی محکموں کے انتظامی سیکرٹریز اور دیگر متعلقہ حکام نے شرکت کی۔ اجلاس میں اگلے مالی سال کے سالانہ ترقیاتی پروگرام خصوصاً نئی ترقیاتی اسکیموں پر تفصیلی غور و خوص کیا گیا اور پروگرام کو حتمی شکل دی گئی۔ اجلا س کو آگاہ کیا گیا کہ نئے سالانہ ترقیاتی پروگرام کے تحت مختلف شعبوں میں اعلیٰ ترجیحی منصوبوں اور روبہ تکمیل اسکیموں کو ترجیحی بنیادوں پر مکمل کیا جائےگا۔ وزیراعلیٰ نے شعبہ تعلیم میں مختلف اضلاع میں تعلیمی اداروں کی ضرورت کو پورا کرنے کے لئے شارٹ ٹرم ، مڈ ٹرم اور لانگ ٹرم حکمت عملی کے تحت اقدامات اٹھانے کی ہدایت کی۔ شارٹ ٹرم اقدام کے تحت ضرورت کی بنیادپر پرائمری اسکولوں میں سیکنڈ شفٹ میں مڈل کلاسز کا اجراءکرنے ، مڈ ٹرم اقدام کے تحت منتخب پرائمری اسکولوں کو مڈل تک اپگریڈ کرنے جبکہ لانگ ٹرم اقدام کے تحت ضرورت کی بنیاد پر نئے اسکولوں کا قیام شامل ہے۔

انہوں نے نئے تخلیق کئے گئے فارسٹ اینڈ وائلڈ لائف دویژنز کی ترقی اور تحفظ پر بھی خصوصی توجہ مرکوز کرنے کی ہدایت کی۔ وزیراعلیٰ نے شعبہ ایریگیشن میں پرانے اسٹرکچر کی بحالی کے لئے ایک جامع اسکیم تیار کرنے کی بھی ہدایت کی ہے۔ وزیراعلیٰ نے سیاحتی استعدا د کے حامل اضلاع میں ماحول دوست ٹرانسپورٹ کو فروغ دینے کے لئے بھی شارٹ ٹرم اور لانگ ٹرم منصوبہ بندی کے تحت اقدامات اٹھانے کی ہدایت کی ہے ۔واضح رہے کہ اس مقصد کے لئے اگلے مالی سال کے ترقیاتی پروگرام میں ایک منصوبہ تجویز کیا گیا ہے جس کے تحت پہلے مرحلے میں ایبٹ آباد اور مینگورہ میں پائلٹ پراجیکٹ کے طور پر ماحول دوست ٹرانسپورٹ کی فراہمی شامل ہے۔ محمود خان نے اس موقع پر سرکاری اثاثہ جات کی موثر منیجمنٹ کی ضرورت پر بھی زور دیا اور ہدایت کی کہ مختلف محکموں اور شعبوں میں غیر مستعمل سرکاری عمارتوں کو عوامی مفاد میں استعمال میں لانے کیلئے اقدامات اٹھائے جائیں۔

پبلک سروس کمیشن نے مختلف آسامیوں کیلئے اعلان کردہ ایبلٹی ٹیسٹ شیڈول ملتوی کردیا

Posted on May 25, 2022

پبلک سروس کمیشن نے مختلف آسامیوں کیلئے اعلان کردہ ایبلٹی ٹیسٹ شیڈول ملتوی کردیا

پشاور (چترال ٹایمز رپورٹ) خیبرپختونخوا پبلک سروس کمیشن نے مختلف آسامیوں پر بھرتیوں کے لئے 26مئی تا 31مئی 2022 تک شیڈول کردہ ابیلیٹی ٹیسٹ، ٹرانسپورٹ کی عدم دستیابی کی وجہ سے امیدواروں کی مشکلات کو مد نظر رکھتے ہوئے ملتوی کر دیا ہے۔ مذکورہ ٹیسٹ کے انعقاد کے حوالے سے فیصلے کے بعد امیدواروں کو مطلع کر دیاجائے گا اس امر کا اعلان خیبر پختونخوا پبلک سروس کمیشن کی جانب سے کیا گیا۔

الیکشن کا اعلان ہونے، حکومت جانے تک تحریک جاری رہے گی، عمران خان

Posted on May 24, 2022

الیکشن کا اعلان ہونے، حکومت جانے تک تحریک جاری رہے گی، عمران خان

پشاور(چترال ٹایمز رپورٹ)چیئرمین پاکستان تحریک انصاف (پی ٹی آئی) اور سابق وزیراعظم عمران خان نے کہا ہے کہ یہ جو تحریک شروع ہو رہی ہے یہ انتخابات کا اعلان ہونے اور موجودہ حکومت کے جانے تک جاری رہے گی۔پشاور میں یوتھ ونگ سے خطاب کرتے ہوئے عمران خان کا کہنا تھا کہ امید ہے ہمارے یوتھ کو اپنی ذمے داری کا احساس ہے۔انہوں نے کہا کہ کل ہماری اٹیک فورس کی ذمہ داری راستے کی رکاوٹیں ہٹانے کی ہیں۔سابق وزیراعظم کا کہنا تھا کہ 26 سال میں جتنے بھی احتجاج کیے آئین اور قانون کے اندر کیے، کبھی پولیس اور اپنی عوام کو کسی قسم کا نقصان نہیں پہنچایا۔عمران خان نے کہا کہ کل رات سے پنجاب اور سندھ میں کریک ڈاؤن کیا جارہا ہے۔انہوں نے اپنی حکومت میں احتجاج سے متعلق کہا کہ ساڑھے 3 سال میں فضل الرحمان، بلاول بھٹو زرداری اور مریم نواز نے ہمارے خلاف احتجاج کیے، ہم نے کبھی کسی کو نہیں پکڑا۔چیئرمین پی ٹی آئی کا کہنا تھا کہ پْرامن احتجاج کر رہے ہیں، اس کے خلاف کریک ڈاؤن کیا گیا۔انہوں نے یہ بھی کہا کہ عدلیہ، پولیس اور نیوٹرل سب کا امتحان ہے۔ساتھ میں سابق وزیراعظم کا کہنا تھا کہ کل میں لانگ مارچ کی قیادت کروں گا۔چیئرمین پی ٹی آئی نے اپنے کارکنان کو ہدایت کی کہ انہوں نے ہر چیز کی تیاری رکھنی ہے۔

حکومت کا پی ٹی آئی کو لانگ مارچ کی اجازت نہ دینے کا فیصلہ

اسلام آباد(سی ایم لنکس)حکومت نے پی ٹی آئی کے لانگ مارچ کو خونی مارچ قرار دیتے ہوئے اس کی اجازت نہ دینے کا فیصلہ کیا، وزیر داخلہ رانا ثنا اللہ نے کہا ہے کہ یہ لوگ پشاور سے لوگ لے کر وفاق پر حملہ کرنا چاہتے ہیں جس کی ہرگز اجازت نہیں دیں گے۔لاہور میں پریس کانفرنس کرتے ہوئے رانا ثنا اللہ نے کہا کہ لانگ مارچ کے نام پر فتنہ و فساد قوم کو تقسیم کرنے کی سازش ہے، یہ لوگ گالیوں سے گولیوں پر آگئے، لاہور میں پولیس اہلکار شہید ہوا، ویسے تو پی ٹی آئی قیادت بہت بہادر بنتی ہے اور اب ساری گھروں سے غائب ہوکر پشاور میں جابیٹھی ہے، یہ لوگ وہاں سے صوبائی فورسز لے کر بڑے جتھے کی صورت میں وفاق پر حملہ آور ہونا چاہتے ہیں جس کی کوئی قانونی حیثیت نہ ہو۔انہوں ں ے کہا کہ ایسا جتھہ جو وفاق پر حملہ اور ہونے والا ہو اس کی کوئی قانونی حیثیت نہیں، وفاقی کابینہ نے فیصلہ کیا ہے کہ فتنہ و فساد پھیلانے کی اجازت نہیں دی جائے گی، اس لیے حکومت نے انہیں لانگ مارچ کی اجازت نہ دینے کا فیصلہ کیا ہے، نالائق ٹولہ خونی مارچ کے بیانات دیتا رہا جو کہ ریکارڈ پر ہیں، یہ لوگ جس آزادی مارچ کی بات کررہے ہیں وہ خونی مارچ ہے اس لیے انہیں لانگ مارچ سے روکا جائے گا۔انہوں نے کہا کہ شہریوں کی حفاظت ہماری ذمہ داری ہے اگر یہ لوگ اسے خونی مارچ کا نام نہ دیتے تو ہم انہیں مارچ کرنے سے نہیں روکتے، یہ لوگ پرامن مارچ کے لیے نہیں آرہے بلکہ فتنہ و فساد پھیلانے آرہے ہیں، اب وفاقی کابینہ نے فیصلہ کیا ہے کہ ان کا لانگ مارچ روکا جائے۔

قبل ازیں اپنے بیان میں رانا ثنا اللہ نے کہا کہ اسلام آباد کی طرف خونی مارچ کا اعلان کرنے والوں کا حساب لیں گے۔رانا ثناء اللہ کا کہنا تھا کہ ماڈل ٹاؤن میں فائرنگ کے باعث قتل ہونے والے پولیس اہلکار کے خون کے ذمہ دار عمران خان اور شیخ رشید ہیں۔وفاقی وزیر نے کہا کہ پولیس پر فائرنگ سے یہ بات ثابت ہوگئی ہے کہ یہ سیاسی سرگرمی نہیں، عمران خان اور انکے حواری پرامن مارچ نہیں چاہتے۔ گالیاں برسانے والوں نے اب گولیاں برسانا شروع کردی ہیں، قانون کو ہاتھ میں لیا گیا ہے جس کا جواب دینا ہوگا۔رانا ثناء اللہ نے کہا کہ بے گناہ پولیس اہلکار کمال احمد کے سینے میں لگی گولی ثبوت ہے کہ عمران خان دہشت گرد ہے، وہ مارچ کی آڑ میں ملک میں خانہ جنگی کی سازش کررہے ہیں۔وفاقی وزیر داخلہ رانا ثناء اللہ کا کہنا ہے کہ پولیس اہلکار کمال احمد کے قاتلوں کو قانون کے کٹہرے میں کھڑا کریں گے، ملک میں خانہ جنگی، افراتفری، فساد اور انتشار کو قانون کے راستہ روکنے کی کوشش کریں گے۔انہوں نے کہا کہ شہید اہلکار کے اہلخانہ کی کفالت اور بچوں کی تعلیم کی ذمہ داری حکومت لے گی، شہید کے اہل خانہ سے دلی تعزیت اور ہمدردی کا اظہار کرتے ہیں جبکہ عوام کے جان ومال کی حفاظت کا فرض پورا کریں گے۔یاد رہے کہ ماڈل ٹاؤن میں پاکستان تحریک انصاف کیخلاف پولیس کے کریک ڈاؤن کے دوران فائرنگ سے پولیس اہلکار شہید ہوگیا تھا، کانسٹیبل کمال احمد کو سینے پر گولی لگی جنہیں طبی امداد کے لیے لاہور جنرل اسپتال منتقل کیا گیا جہاں وہ دوران علاج دم توڑ گیا۔

 

اسلام آباد ہائیکورٹ نے پی ٹی آئی کارکنان کو غیر ضروری ہراساں کرنے سے روک دیا

ا سلا م آ با د(چترال ٹایمز رپورٹ)اسلام آباد ہائیکورٹ نے پی ٹی آئی کارکنان کو غیر ضروری ہراساں کرنے سے روک دیا۔اسلام آباد ہائی کورٹ کے چیف جسٹس اطہر من اللہ نے تحریک انصاف کی کارکنوں کی گرفتاریوں اور راستوں کی بندش کے خلاف درخواست پر سماعت کی۔ وکیل نے کہا کہ پرامن احتجاج آئینی حق ہے لیکن کل رات سے ملک بھر میں کریک ڈاؤن جاری ہے۔چیف جسٹس نے ریمارکس دیے کہ سپریم کورٹ کا دھرنا کیس کا فیصلہ ہے ہم اسی کے مطابق ہدایات دے دیتے ہیں، 2014 میں حکومت سے اجازت لیکر دھرنا ہوا تھا تب کورٹ نے آرڈر کیا تھا، اس وقت عدالت کے سامنے پٹیشن آئی تھی کہ گرفتاریاں کی جا رہی ہیں اس لیے آرڈر کیا تھا، کچھ عرصہ قبل پارلیمنٹ لاجز میں بھی ممبران قومی اسمبلیز کو ہراساں کیا گیا تھا، یہ تو حکومت کو دیکھنا چاہیے جو آئینی حق ہے پرامن طریقے سے کرنے دینا چاہیے، پرامن احتجاج آپ کا حق ہے۔چیف جسٹس اطہر من اللہ نے کہا کہ 2014 کے آرڈر کے بعد پارلیمنٹ اور پی ٹی وی پر حملہ ہوا، ایک سینیر پولیس آفسیر کو زخمی کیا گیا تھا، اس وقت ریاست کی رٹ کو چیلنج کیا گیا تھا، کیا 2014 کے دھرنے کے بعد جو ہوا اس کی ذمہ داری عدالت لے سکتی تھی؟ جس نے بھی کیا تھا اس کو آج تک کسی نے پکڑا نہیں ہے، اس لیے عدالت کو محتاط ہونا پڑتا ہے۔چیف جسٹس نے وکیل سے استفسار کیا کہ کیا آپ نے ریلی کی درخواست دے دی ہے؟۔ وکیل نے اثبات میں جواب دیا۔عدالت نے پی ٹی آئی وکیل سے استفسار کیا کہ کیا آپ بیان حلفی دے سکتے ہیں کہ کوئی واقعہ نہیں ہوگا اور اگر ہوا تو آپ ذمہ دار ہونگے؟ آپ بیان حلفی نہیں دے سکتے تو پھر عدالت کیسے عمومی آرڈر جاری کردے۔اسلام آباد ہائی کورٹ نے پی ٹی آئی کارکنان کو غیر ضروری ہراساں کرنے سے روکتے ہوئے آئی جی اسلام آباد اور چیف کمشنر اسلام آباد کو نوٹس جاری کردیا۔ عدالت نے ہدایت کی کہ ڈپٹی کمشنر اور آئی جی اسلام کسی پی ٹی آئی کارکن کو غیر ضروری ہراساں نا کریں۔

 

جسٹس (ر) ناصرہ جاوید کے گھر پر چھاپہ، خواجہ ا?صف نے معافی مانگ لی

اسلام آباد(سی ایم لنکس)وزیر دفاع خواجہ محمد آصف نے جسٹس (ر) ناصرہ جاوید کے گھر پر چھاپے پر قومی اسمبلی میں معافی مانگ لی۔قومی اسمبلی میں اظہار خیال کے دوران خواجہ محمد آصف نے کہا کہ مذمت سلیکٹڈ نہیں ہونی چاہیے، پوچھتا ہوں نور عالم کے گھر پر چھاپے کی کس نے مذمت کی؟انہوں نے کہا کہ میں جسٹس (ر) ناصرہ جاوید جو علامہ محمد اقبال کی بہو اور ہمارے معزز پارلیمنٹرین ولید اقبال کی والدہ ہیں، سے گھر پر چھاپہ مارے جانے پر معافی مانگتا ہوں۔وزیر دفاع نے مزید کہا کہ جب سیاسی ورکر دہشت گرد کی زبان بولتا ہے تو وہ اپنی سیاسی شناخت کی نفی کرتا ہے۔

 

چترال میں گیس پلانٹس کو ختم کرنے کے حکومتی کوشیشوں کو پشاور ھائی کورٹ میں چلنج،  عدالت نے وفاق سے جواب طلب کرلیا

Posted on May 24, 2022May 24, 2022

 

چترال میں گیس پلانٹس کو ختم کرنے کے حکومتی کوشیشوں کو پشاور ھائی کورٹ میں چلنج،  عدالت نے وفاق سے جواب طلب کرلیا

 

پشاور ( نمائندہ چترال ٹایمز ) معروف سماجی شخصیت رضیت باللہ نے بزریعہ شیر حیدر خان ایڈوکیٹ چترال میں گیس پلانٹس کو ختم کرنے کے حکومتی کوشیشوں کو پشاور ھائ کورٹ میں چلنج کر دیا۔۔۔

سابقہ حکومت میں ضلع چترال کے لۓ منظور شدہ گیس پلانٹس کو منسوخ کرنے کیلے حکومتی کوشیشوں کو پشاور ھائی کورٹ میں چلنج کردیاگیاہے۔۔۔

پیر کے دن معروف سماجی شخصیت رضیت باللہ نے بزریعہ شیر حیدر ایڈوکیٹ پشاور ھائی کورٹ میں ایک کیس دائر کرتے ھوۓ موقف اپنایا ھے کہ سابق حکومت میں جنگلات کی بے دریغ کٹائی’ جنگلی حیات کے تحفظ اور پسماندہ علاقے کے لوگوں کو بہم سہولیات پہنچانے کیلۓ گیس پالانٹس کے لیے بھاری رقم سے منظور کرکے کام کا اغاز کر دیا گیا تھا۔۔۔

جس سے 203 ملین کے رقم سے دروش ۔ آیون بروز اور چترال ٹاؤن میں زمین بھی خریدی گئی جبکہ 300 ملین کے خطیر رقم سے بیرون ملک سے مشینری بھی درامد کرکے پاکستان کے شہر رحیم یار خان میں پہنچایا گیا ھے۔۔۔

جبکہ باقی مراحل میں ان پلانٹس کی تنصیب کا کام رھتا تھا مگر بد قسمتی سے موجودہ حکومت نے پلانٹس کو تنصیب کرنے کے بجاۓ ایک مراسلہ بتاریخ 12 جنوری 2021 سوئ ناردن گیس پائپ لائن کے منصوبے کو ختم کرنے کا کہا ہے۔۔۔

معزز عدالت چیف جسٹس قیصر رشید خان اور جسٹس شکیل احمد پر مشتمل بنچ نے دلائل سننے کے بعد وفاق سے جواب طلب کی اور اگلی تاریخ 21/06/2022 کے لیے مقرر کر دی ۔۔۔۔

تاکہ جنگلات ۔ جنگلی حیات کے تحفظ کو یقینی بنانے کے ساتھ ساتھ عوام کو بھی سہولت پہنچ سکیں۔۔۔

 

تربیلا ڈیم میں پانی کا ذخیرہ ختم، منگلا ڈیم میں صرف دو دن کا پانی رہ گیا

Posted on May 23, 2022

تربیلا ڈیم میں پانی کا ذخیرہ ختم، منگلا ڈیم میں صرف دو دن کا پانی رہ گیا

راولپنڈی(چترال ٹایمز رپورٹ)تربیلا ڈیم میں پانی کا ذخیرہ ختم جب کہ منگلا ڈیم میں پانی کا ذخیرہ صرف دو دن کا ہے۔ شدید گرمی اور لوڈشیڈنگ کے بعد کاشتکاروں اور دیہی علاقوں میں رہنے والے عوام کے لئے ایک اور بری خبر یہ ہے کہ تربیلا ڈیم ڈیڈ لیول پر پہنچ چکا ہے اور دریاؤں میں پانی کا بہاؤ کم ہو گیا۔ رواں سال 5 ماہ میں تربیلا ڈیم دوسری مرتبہ ڈیڈ لیول پر پہنچا ہے۔ذرائع کا کہنا ہے کہ شمالی علاقہ جات میں درجہ حرارت گر گیا ہے اور برف پگھلنے کا عمل سست ہے، جس کے بعد تربیلا ڈیم میں پانی کا ذخیرہ ختم ہوچکا ہے جب کہ منگلا ڈیم بھی ڈیڈ لیول کے قریب ہے، منگلا ڈیم میں پانی کا ذخیرہ صرف ایک لاکھ ایکڑ فٹ رہ گیا، جس کا مطلب ڈیم میں پانی کا ذخیرہ صرف دو دن کا ہے۔ذرائع نے بتایا کہ دریائے سندھ میں تربیلا کے مقام پر پانی کی آمد 68 ہزار کیوسک اور اخراج 78 ہزار کیوسک ہے، دریائے جہلم میں منگلا کے مقام پر پانی کی آمد 32 ہزار کیوسک، اخراج 34 ہزار کیوسک ہے، اور آئندہ 48 گھنٹوں میں پانی کا بحران مذید سنگین ہونے کا خدشہ ہے۔

 

25 منحرف PTI ایم این ایز کو ڈی سیٹ کرنے کا نوٹیفکیشن جاری

اسلام آباد(سی ایم لنکس)الیکشن کمیشن نے پی ٹی آئی کے 25 منحرف ارکان کو ڈی سیٹ کرنے کا نوٹیفکیشن جاری کردیا۔چیف الیکشن کمشنر سکندر سلطان راجہ نے 20 مئی کو پاکستان تحریک انصاف کے 25 منحرف ارکان پنجاب اسمبلی کے خلاف محفوظ کیا گیا فیصلہ سناتے ہوئے انہیں ڈی سیٹ کیا تھا۔چیف الیکشن کمشنر نے فیصلے میں کہا تھا کہ منحرف ارکان پنجاب اسمبلی سے متعلق فیصلہ اتفاق رائے سے کیا گیا ہے۔ ڈی سیٹ ہونے والے منحرف اراکین پنجاب اسمبلی میں راجہ صغیر احمد، ملک غلام رسول سنگا، سعید اکبر خان، محمد اجمل، علیم خان، نذیر چوہان، محمد امین ذوالقرنین، ملک نعمان لنگڑیال، محمد سلمان، زوار وڑائچ، نزید احمد خان، فدا حسین، زہرہ بتول، محمد طاہر، عائشہ نواز، ساجدہ یوسف، ہارون عمران گل، عظمی کاردار، ملک اسد، اعجاز مسیح، سبتین رضا، محسن عطا خان کھوسہ، میاں خالد محمود، مہر محمد اسلم اور فیصل حیات شامل ہیں۔ڈی سیٹ ہونیوالوں میں 5 ارکان کا تعلق علیم خان گروپ سے ہے، 4 ارکان کا تعلق اسد کھوکھر گروپ، جبکہ 16 ارکان کا تعلق ترین خان گروپ سے ہے۔اس کے علاوہ ڈی سیٹ ہوئے راجہ صغیر پی پی 7 راولپنڈی سے، ملک غلام رسول سانگھا پی پی 83 خوشاب سے، سعید اکبر نوانی پی پی 90 بھکر سے منتخب ہوئے تھے۔محمد اجمل چیمہ پی پی 97 فیصل آباد، عبد العلیم خان پی پی 158 لاہور،نذیر چوہان پی پی 167 لاہور، امین ذوالقرنین پی پی 170 لاہور، ملک نعمان لنگڑیال پی پی 202 ساہیوال، سلمان نعیم پی پی 217 ملتان سے منتخب ہوئے تھے۔زوار حسین وڑائچ پی پی 224 لودھراں، نذیر احمد خان پی پی 228 لودھراں، فدا حسین پی پی 237 بہاولنگر، زہرہ بتول پی پی 272 مظفر گڑھ، لالہ طاہر پی پی 282 لیہ، اسد کھوکھر پی پی 168 لاہور سے منتخب ہوئے تھے۔محمد سبطین رضا پی پی 273 مظفر گڑھ، محسن عطا خان کھوسہ پی پی 288 ڈی جی خان، میاں خالد محمود پی پی 140 شیخوپورہ، مہر محمد اسلم پی پی 127 جھنگ، فیصل حیات جبوانہ پی پی 125 جھنگ سے کامیاب قرار پائے تھے۔عائشہ نواز ڈبلیو 322 مخصوص نشست، ساجدہ یوسف ڈبلیو 327 مخصوص نشست، عظمیٰ کاردار ڈبلیو 311 مخصوص نشست، ہارون عمران گل این ایم 364 اقلیتی نشست، اعجاز مسیح این ایم 365 اقلیتی نشست پر رکن پنجاب اسمبلی منتخب ہوئے تھے۔

 

وزیر اعلیٰ کا انتخاب کالعدم قرار دینے کی ایک اور درخواست سماعت کیلئے منظور

لاہور(چترال ٹایمز رپورٹ)لاہور ہائیکورٹ نے وزیر اعلیٰ پنجاب کا انتخاب کالعدم قرار دینے کی ایک اور درخواست سماعت کیلئے منظور کرتے ہوئے فریقین سے جواب مانگ لیا، عدالت نے درخواست اسی نوعیت کی دیگر درخواستوں کیساتھ 25 مئی کو پیش کرنے کی ہدایت کر دی۔چیف جسٹس لاہور ہائیکورٹ جسٹس امیر بھٹی نے مقامی شہری کی درخواست پر سماعت کی۔عدالت نے درخواست گزار کے وکیل کو باور کرایا کہ اسی نوعیت کی درخواستیں متاثرہ فریقین دائر کر چکے ہیں، درخواست گزار کے وکیل نے بتایا کہ یہ درخواست دیگر درخواستوں سے مختلف ہے۔چیف جسٹس نے ریمارکس دیئے کہ اس طرح پنجاب کے تمام افراد کو درخواستیں دائر کرنے کی اجازت دینا مناسب نہیں۔درخواست گزار کے وکیل نے نکتہ اٹھایا کہ وزیر اعلیٰ کابینہ کے بغیر ہی تمام تبادلے کر رہے ہیں۔عدالت نے ریمارکس دیئے کہ جو آتا ہے کیا وہ اپنی مرضی کے تقرر و تبادلے نہیں کرتا، وکیل نے کہا حکومت مکمل ہو تو تقرر و تبادلے ہو سکتے ہیں۔

 

وزیرخزانہ کا پٹرول کی قیمت میں اضافہ نہ کرنے کا اعلان

کراچی(سی ایم لنکس) وزیرخزانہ مفتاح اسماعیل کا کہنا ہے کہ وزیراعظم کی ہدایت پرپٹرول کی قیمت میں اضافہ نہیں کیا جارہا۔وفاقی وزیرخزانہ مفتاح اسماعیل نے میڈیا سے گفتگومیں کہا کہ وزیراعظم شہبازشریف نے عوام پربوجھ نہ ڈالنے کی ہدایت کی ہے اس لئے پٹرول کی قیمت میں اضافہ نہیں کیا جائے گا۔ سابق وزیرخزانہ شوکت ترین نے آئی ایم ایف سے جومعاہدے کئے اس کے تحت پٹرول کی قیمت میں ڈیڑھ سو روپے بڑھانے پڑیں گے۔شوکت ترین بتائیں پیسے کہاں چھوڑ کرگئے ہیں۔انہوں نے کہا کہ عمران خان اورشوکت ترین کے معاہدوں کا نتیجہ ہم بھگت رہے ہیں۔ یہ جھوٹ بولتے ہیں اور کوئی پیسہ چھوڑ کرنہیں گئے۔ ہرجگہ بارودی سرنگیں بچھا کرگئے ہیں۔مفتاح اسماعیل کا مزید کہنا تھا کہ عمران خان کے 21 ارب ڈالراگلے سال واپس کرنا ہیں۔ عمران خان ہردورمیں ملکی ترقی میں رکاوٹ ڈالتے رہے۔ سیمنٹ کے 16 لائسنس بیچے گئے۔ شہبازشریف نے 10 سال میں ایک بھی سیمنٹ کا لائسنس نہیں دیا۔لائسنس ان کو دیا گیا جن کا اس سے کوئی تعلق نہیں تھا۔

 

پی ٹی آئی لانگ مارچ: اسلام آباد کے ریڈ زون کو کنٹینر لگا کر سیل کرنے کا فیصلہ

اسلام آباد(چترال ٹایمز رپورٹ)اسلام آباد کے ریڈ زون کو کنٹینر لگا کر سیل کرنے کا فیصلہ کر لیا گیا ہے، ڈی چوک کو پہلے ہی کنٹینر رکھ کر سیل کیا جاچکا ہے۔ذرائع کا کہنا ہے کہ ریڈ زون جانے والے دیگر تمام راستوں کو بھی آج رات سیل کردیا جائے گا۔ریڈزون جانے کے لیے صرف مارگلہ روڈ کو کھلا چھوڑا جائے گا۔دوسری جانب پی ٹی آئی نے 25 مئی کو اسلام آباد کی جانب لانگ مارچ کی اجازت کے لیے درخواست تیار کرلی۔پی ٹی آئی کی درخواست میں کہا گیا ہے کہ سری نگرہائی وے پر جلسے، دھرنے کے لیے ایچ نائن اور جی نائن کے درمیان جگہ دی جائے۔ذرائع ڈی سی آفس کے مطابق ابھی تک پی ٹی آئی کی جلسے یا دھرنے کی درخواست موصول نہیں ہوئی ہے۔ڈی سی آفس ذرائع کا کہنا ہے کہ درخواست موصول ہونے کے بعد اجازت دینے اور جگہ کا تعین کیا جائے گا۔واضح رہے کہ گزشتہ روز چیئرمین تحریک انصاف اور سابق وزیر اعظم عمران خان نے بدھ 25 مئی کو اسلام آباد کی طرف لانگ مارچ کا اعلان کرتے ہوئے کہا ہے کہ اسمبلیاں توڑ کر نئے انتخابات کرائے جائیں،انہوں نے کہا کہ تیسری کوئی بات ہمیں قبول نہیں پھر اگر قوم ان چوروں کو لانا چاہتی ہے تو بے شک لے آئے مگر کوئی بیرونی ملک ان کو ہم پر مسلط نہ کرے۔بدھ سے لانگ مارچ کا اعلان، عمران کا بیوروکریسی و پولیس کو رکاوٹ نہ ڈالنے کا انتباہ، فوج سے نیوٹرل رہنے کا مطالبہ چیئرمین پی ٹی آئی کا کہنا تھا کہ لوگ بار بار کہتے ہیں کہ جان کو خطرہ ہے، کوئی جان کو خطرہ نہیں ہے، یہ سیاست نہیں جہاد ہے، یہ اللّٰہ کا کام ہے، یہ اس کا حکم ہے، پاکستان کی حقیقی آزادی کی جنگ ہے، اس کے لیے آخری حد تک جانے کو تیار ہوں۔انہوں نے مزید کہا کہ جتنی دیر بھی اسلام آباد میں رہنا پڑا رہیں گے، جان کی قربانی دینے کے لیے بھی تیار ہیں، فوج کو بھی کہتا ہوں کہ آپ نے کہا ہے نیوٹرل ہیں تو نیوٹرل رہیں۔

خیبر پختونخوا پبلک سروس کمیشن نے قابلیتی ٹیسٹ کے شیڈو ل کا اعلان کردیا

Posted on May 23, 2022

خیبر پختونخوا پبلک سروس کمیشن نے قابلیتی ٹیسٹ کے شیڈو ل کا اعلان کردیا

پشاور (چترال ٹایمز رپورٹ) خیبر پختونخوا پبلک سروس کمیشن نے صوبے کے مختلف محکمو ں میں ڈیٹا بیس منیجر/ ایڈمنسٹریٹر، نیٹ ورک منیجر/ ایڈمنسٹریٹر، پل اینڈ پیپر آفیسرز، اسسٹنٹ اکنامک بوٹانسٹ، اسسٹنٹ سلوی کلچر، اسسٹنٹ پروفیسر،پولیٹیکل سائنس /پشتو/ ہیلتھ اینڈ فزیکل ایجوکیشن/ اردو، مرد و خواتین لیکچرزر/ سبجیکٹ سپیشلسٹ، انوائرمنٹل سائنسز، سٹیٹسٹکس، پشتو، اردو، اسسٹنٹ انجینئرز/ ایس ڈی اوز کی آسامیوں کے لئے قابلیتی ٹیسٹ کے شیڈول کا اعلان کر دیا ہے۔ جو کہ 25 مئی تا 09 جون 2022 تک منعقد کیا جائیگا۔ امتحانی مراکز اور رولنمبرز کی تفصیلات خیبر پختونخوا پبلک سروس کمیشن کی ویب سائٹ www.kppsc.gov.pk سے ڈاؤن لوڈ کئے جا سکتے ہیں۔ کسی امید وار کو انفرادی طور پر رول نمبر سلپ علیحدہ جاری نہیں کیا جائیگا، اگر کوئی امید وار ایس ایم ایس یا ای میل کے ذریعے اپنے ٹیسٹ کے حوالے سے معلومات حاصل نہ کر سکیں تو وہ امتحان کے انعقاد سے پہلے ٹیلیفون نمبرز 091-9214131, 9212897, 9213750, 9213563 ایکسٹینشن نمبر (102/203/105) پر دفتری اوقات کار کے دوران رابطہ کر سکتے ہیں۔

پاک آرمی کے شہیدحوالدار رفیق احمد کوابائی گاوں اجنو میں فوجی اعزاز کے ساتھ سپردِ خاک کیا گیا

Posted on May 23, 2022May 23, 2022

پاک آرمی کے شہیدحوالدار رفیق احمد کوابائی گاون اجنو میں فوجی اعزاز کے ساتھ سپردِ خاک کیا گیا

اپر چترال (نمایندہ چترال ٹایمز ) حوالدار رفیق احمد ان خوش نصیبوں میں سے ایک ہیں جوکئی سال تک پاک دھرتی کی حفاظت پر مامور رہنے کے بعد گزشتہ روز وزیرستان انگورہ اڈہ میں مختصر علالت کے بعد وانا ہسپتال میں شہادت کی منصب پر فائز ہوئے۔شہید کی جسد خاکی کو چترال کے دورافتادہ( شہید کی آبائی گاون اجنو )پہنچا کر مکمل فوجی اعزاز کے ساتھ سپردِ خاک کیا۔اس موقع شہید کو 141 ونگ چترال سکاوٹس کے چاق و چوبند دستے نے سلامی پیش کی۔
ونگ کمانڈر 141 ونگ کرنل ندیم شہزاد نےشہید کے اہل خانہ سے تعزیت کی اور پاک فوج کی طرف سے شہید کی قبر پر پھول چڑھایے۔ شہید کی ورثاء میں بوڑھے مان باپ ،بیواہ،تین بیٹے اوردو بیٹیاں شامل ہیں علاقے کے لوگ پاک فوج کو خراج تحسین پیش کی کہ شہید کی جسد خاکی کو عزت و احترام کے ساتھ ورثا تک پہنچائی اور اعزاز کے ساتھ سپردِ خاک کیا ۔ شہید کے میت کے ساتھ وزیرستان سے 30 رجمنٹ کے صوبیدار اشرف اور رجمنٹ کے جوان بھی ائیے تھے شہید کے ورثاء اور علاقے لوگ کے ان سب کا شکریہ ادا کیا۔

اساتذہ کی بھرتی کا عمل جلد از جلد مکمل کیا جائے تاکہ مزید 23 ہزار اساتذہ سسٹم میں شامل ہو جائیں-وزیر صحت

Posted on May 23, 2022

اساتذہ کی بھرتی کا عمل جلد از جلد مکمل کیا جائے تاکہ مزید 23 ہزار اساتذہ سسٹم میں شامل ہو جائیں-وزیر صحت

صوبائی وزیر تعلیم شہرام خان ترکئی کی زیر صدارت محکمہ تعلیم کے جاری ترجیحی منصوبوں بارے جائزہ اجلاس

پشاور (چترال ٹائمز رپورٹ) خیبر پختونخوا کے وزیر تعلیم شہرام خان ترکئی نے محکمہ تعلیم کے حکام کو ہدایت کی ہے کہ اساتذہ کی بھرتی کا عمل جلد از جلد مکمل کیا جائے تاکہ مزید 23 ہزار اساتذہ سسٹم میں شامل ہو جائیں اور باقی ماندہ ریجنز میں ٹیسٹ کے انعقاد کے لیے متعلقہ ڈپٹی کمشنرز اور ضلعی ایجوکیشن آفیسرز سخت سے سخت نگرانی کریں۔ انہوں نے کہا کہ ہمارا ویژن ہے کہ ہر کلاس میں طلباء و طالبات کے لیے استاد موجود ہو انہوں نے یہ بھی ہدایت کی کہ بندوبستی اضلاع کے لئے مشتہر گریڈ 16 کے (2500) سکول لیڈرز کے ٹیسٹس ہر صورت جون کے مہینے میں مکمل کئے جائیں۔ جبکہ گریڈ 17 کے190 سکول لیڈرز کو بذریعہ ٹیسٹنگ ایجنسی جلد از جلد تعیناتی کے لئے خیبر پختونخوا پبلک سروس کمیشن سے (NOC) لی جائے اور گریڈ 18 کے باقی 28 ڈپٹی ڈسٹرکٹ ایجوکیشن آفیسرز کوالٹی کی تعیناتی ترجیحی بنیادوں پر کرنے کے لیے پبلک سروس کمیشن کے ساتھ رابطہ کیا جائے۔

 

یہ ہدایات انہوں نے محکمہ تعلیم کے جاری ترجیحی منصوبوں بارے منعقدہ اجلاس کی صدارت کرتے ہوئے جاری کیں۔ اجلاس میں سپیشل سیکرٹری ایجوکیشن خالد خان ایڈیشنل سیکرٹری ریفارمز اشفاق خان ڈائریکٹر آئی ٹی سردار خان اور محکمہ تعلیم کے دیگر حکام نے شرکت کی۔شہرام خان ترکئی کو بریفنگ دیتے ہوئے بتایا گیا کہ حالیہ اساتذہ بھرتی کے عمل میں زیادہ تر کام مکمل ہوچکا ہے گریڈ 16 کی ایس ایس ٹی آسامیوں کے لئے مختلف اضلاع کی ڈیپارٹمنٹل سلیکشن کمیٹی کے اجلاس بھی شروع ہو چکے ہیں۔بریفنگ دیتے ہوئے صوبائی وزیر تعلیم کو یہ بھی بتایا گیا کہ نئے ضم شدہ اضلاع میں پیرنٹس ٹیچرز کونسل کے ذریعے اساتذہ کی عارضی بھرتی کا عمل مکمل ہوچکا ہے۔ شہرام خان ترکئی نے متعلقہ حکام کو ٹیبلٹ ان اے سکول پروگرام کے لیے جلد از جلد ٹیبلٹ کی خریداری کے لئے دوبارہ اشتہار شائع کرنے کی ہدایت کی۔ جسمیں پری کوالیفائیڈ کمپنیوں سے ریٹس لئے جائیں گے۔ وزیر تعلیم نے کہا کہ آئی ٹی دور جدید کی ضرورت ہے اور اس پروگرام کے ذریعے صوبے کے تمام سکولوں کی مانیٹرنگ کی جائے گی۔

 

چترال میں ناروالوڈ شیڈنگ؛ جماعت اسلامی کے پارلیمانی لیڈرعنایت اللہ نے توجہ دلاو نوٹس اسمبلی سکریٹریٹ جمع کرادیا

Posted on May 23, 2022May 23, 2022

چترال میں 12گھنٹے ناروالوڈ شیڈنگ سے عوام کو درپیش مشکلات کامعاملہ صوباٸی اسمبلی سیکرٹریٹ پہنچ گیا۔

جماعت اسلامی کے پارلیمانی لیڈر عنایت اللہ خان اور سراج الدین خان نے توجہ دلاونوٹس اسمبلی سیکرٹریٹ میں جمع کرادیا۔

پشاور ( چترال ٹایمز رپورٹ ) پیر کےروز خیبر پختونخوا اسمبلی سیکرٹریٹ میں جمع کراٸے گٸے توجہ دلاونوٹس میں جماعت اسلامی کے اراکین صوباٸی اسمبلی عنایت اللہ خان اور حاجی سراج الدین خان نے موقف اپنایا کہ اپر اور لوئر چترال رقبے کے لحاظ سے صوبہ خیبر پختونخوا کے سب سے بڑے اضلاع ہیں۔جہاں پر حکومتی انفراسٹرکچر اور سہولیات انتہائی ناکافی ہیں۔اس وقت چترال کے دونوں اضلاع کے عوام حکومتی اداروں پیسکو اور پیڈو کی آپس کے چپقلش کے ہاتھوں شدید گرمی کے اس موسم میں 12سے 16گھنٹے کی طویل لوڈ شیڈنگ سے دوچار ہیں۔توجہ دلاونوثس کے متن میں کہا گیا ھے کہ چترال میں بجلی پیدا کرنے کا بڑا منصوبہ گولن گول 2018 ء میں مکمل ہونے کے بعد عوام کے شدید احتجاج پر حکومت نے اپر چترال کو بجلی کی سپلائی توکردی لیکن چونکہ چترال میں پیڈو کے زریعے بجلی فراہم کی جاتی ہے جو کہ صوبائی حکومت کا ادارہ ہے اور پیسکو کا پیڈو کے ذمہ بقایاجات بڑھ کر 11کروڑ یونٹ تک پہنچ گئے ہیں چونکہ پیڈو کا فی یونٹ سستا اور پیسکو کا یونٹ مہنگا ہے اس لئے مذکورہ دونوں اداروں کے مابین جاری چپقلش میں چترال کے عوام پس رہے ہیں کیونکہ پیسکو نے اس وقت چترال میں لائن لاسز کی آڑ میں 12سے 16گھنٹے کی طویل لوڈ شیڈنگ کے زریعے عوام کا جینا دوبھر کردیا ہے۔
یہ ایک انتہائی اہم اورعوامی نوعیت کا معاملہ ہے لہذا حکومت اس انتہائی اہم مسلے کا فوری نوٹس لیں اور ضلع چترال میں 12سے 16گھنٹے ناروالوڈ شیڈنگ سے چترال کے دونوں اضلاع کے عوام کو درپیش شدید مشکلات اور تکالیف کا فوری ازالہ کریں۔

کیڈٹ کالج چکوال میں چترالی مصنف کی کتاب کی تقریب رونمائی

Posted on May 22, 2022May 22, 2022

کیڈٹ کالج چکوال میں چترالی مصنف کی کتاب کی تقریب رونمائی

 

سرگودھا(چترال ٹایمز رپورٹ ) کیڈٹ ہمارے دفاع کے ضامن ہیں۔ زیرِ تربیت کیڈٹس سے توقع ہے کہ وہ پاکستان کے استحکام میں بھرپور کردار اد اکریں گے۔ پروفیسر عزیز الرحمن ایک رول ماڈل استاد ہیں جو بچوں کے اذہان تسخیر کرتے ہیں۔ اُن کا افسانوی مجموعہ” برف کے گالے“ اُن کی تخلیقی صلاحیتوں کا مظہر ہے ۔ اُنھوںنے پاکستانی معاشرے میں ہونے والے تغیر و تبدل کو بڑی خوش اسلوبی سے پیش کیا ہے ۔ اِن خیالات کا اظہار کیڈٹ کالج چوا سیدن شاہ کے یوم تاسیس کے موقع پرپروفیسر عزیز الرحمن کے افسانوی مجموعہ ”برف کے گالے “ کی تقریب رونمائی سے ڈاکٹر ہارون الرشید تبسم نے اپنے صدارتی خطبہ میں کیا۔

علاوہ ازیں رئیس ادارہ پروفیسر مہر محمد اعجاز ،صدر قلم کارواں ملک اشرف ذکی اعوان،مدیر اسالیب ذوالفقار احسن ،پروفیسر عزیز الرحمن، پروفیسر رضوان علی رضا، ہاشم صبور اور سعد بیگ نے بھی اظہارخیال کیا۔ ڈاکٹر ہارون الرشید تبسم نے مزید کہا کہ عزیز الرحمن تخلیقی صلاحیتوں سے مالا مال ذہن کے مالک ہیں۔ لفظ اُن کے سامنے قلم کی وساطت سے سائنسی تجربات کرتے ہوئے حسنِ معانی کا دلکش محلول بنا لیتے ہیں۔ افسانے کا جسم اُس کی روح سے پہچانا جاتا ہے ۔ کہانی افسانے کی کنجی کہلاتی ہے ۔ یہ کہانیاں معاشرے کے مشاہدات اور تجربات سے جنم لیتی ہیں۔

عزیز الرحمن عزیز نے قدرتِ بیان ، علامتی تجربہ اور فنی تصورات سے اپنے افسانوں کو اُردو ادب میں ایک نیا پن دیا ہے ۔ ذوالفقار احسن نے اپنے مقالہ میں کہاعزیز کے افسانوں میں چترال کے دیہی علاقوں کی عکاسی اور وہاں کے کرداروں کو نہایت عمدگی سے افسانے میں لے آئے ہیں چوں کہ افسانہ زندگی کے زیادہ قریب ہوتا ہے اس لیے زندگی کی بہترین عکاسی افسانے میں ہی ممکن ہے۔ عزیز الرحمن کے افسانوں میں ماحول کی عکاسی بدرجہ اتم موجود ہے ۔ عزیز الرحمن عزیز کے ہاں منظر نگاری و جزئیات نگاری اپنے عروج پر دکھائی دیتی ہے ۔ ملک اشرف ذکی اعوان نے کہا کہ عزیز الرحمن عزیز کے افسانے زندگی کی حرارت سے مزین ہیں اُنھوں نے بحیثیت استاد اپنے شاگردوں اور عام قارئین کے لیے سوچ کی راہ ہموار کی ہے ۔ اُن کا ادبی مستقبل درخشاں ہے ۔ پروفیسر رضوان علی رضا نے اُردو افسانے کے نمایاں خد و خال پیش کرتے ہوئے برف کے گالے کتاب کا تعارف کروایا۔ نظامت کے فرائض انجام دیتے ہوئے اُنھوں نے کتاب اور اُس کے مصنف کو ہدیہ تحسین پیش کیا۔

پرنسپل کیڈٹ کالج چواں سیداں شاہ پروفیسر مہر محمد اعجاز نے کہا کہ عزیز الرحمن عزیز کے افسانوں میں احمد ندیم قاسمی کا رنگ نمایاں ہے۔ اُنھوں نے قاسمی اور عزیز کے کئی افسانوں کا تذکرہ بھی کیا۔ اُن کا کہنا تھا کہ بات جو دل سے نکلتی ہے اثر رکھتی ہے ، کے مصداق عزیز الرحمن عزیز نے افسانوں کو اَدب برائے زندگی کے طور پر پیش کیا ہے ۔ اُنھوںنے کیڈٹس پر زور دیا کہ پاکستان کی ترقی کا راز اتحاد ،ا یمان ، یقین میں مضمر ہے ۔ ادارے کا یومِ تاسیس اس کی کامیابی و کامرانی کی کہانی ہے ۔ کیڈٹس ہماری پیشانی کا جھومرہیں۔ انھیں اپنے روشن مستقبل کے لیے کام کرتے رہنا چاہیے۔ یوم تاسیس کے حوالے سے کیڈٹس نے مختلف پروگرام پیش کیے۔ یہ لمحے ہمیشہ زندہ رہیں گے۔ کیڈٹس اور اساتذہ کی کثیر تعداد نے تقریب کو رونق بخشی۔ قومی ترانے اور پاکستان زندہ باد کے فلک شگاف نعروں سے تقریب کا اختتام ہوا۔

یادرہے کہ عزیز الرحمن کا تعلق واشچ تورکہو سے وہ معروف استاد عبد العزیز بیگ کے فرزند ارجمند ہیں۔اور کیڈٹ کالج چوا سیداں شاہ چکوال میں بحیثیت لیکچرر زوالوجی خدمات انجام دے رہے ہیں۔