محکمہ موسمیات نے 15 سے 20 اپریل تک مختلف علاقوں میں بارش کی پیشگوئی کر دی

اسلام آباد(چترال ٹایمز رپورٹ)محکمہ موسمیات نے 15 سے 20 اپریل تک مختلف علاقوں میں بارش کی پیشگوئی کر دی ہے۔ہفتے کے آخر سے ملک کے بالائی،وسطی علاقوں میں گرج چمک کے ساتھ بارش کا امکان ظاہر کیا گیا ہے۔ملک کے بالائی علاقوں میں مغربی ہوائیں 15 اپریل کو داخل ہوں گی، 15 سے20 اپریل کو اسلام آباد،راولپنڈی سمیت پنجاب کے مختلف علاقوں میں بارش کا امکان ہے۔محکمہ موسمیات نے خیبرپختونخوا اورآزادکشمیر میں بھی بارش اور ڑالہ باری کا امکان ظاہر کیاہے۔17اور 18 اپریل کو خیبرپختونخوا اوربلوچستان میں گرج چمک کے ساتھ بارش کی پیش گوئی کی گئی ہے جبکہ ڈیرہ غازی خان، ملتان، بہاولپور، لاہور، فیصل آباد، جھنگ، سکھر، لاڑکانہ، جیکب آباد میں 17اور 18 اپریل کوبارش متوقع ہے۔

دریں اثنا پی ڈی ایم اے کی طرف سے بارشوں اور ژالہ باری کےپیش نظر ضلعی انتظامیہ اورمتعلقہ اداروں کو پیشگی اقدامات اٹھانے کی ہدایات کردی گیی ہے ، مراسلہ میں بارشوں کے باعث بالائی اضلاع میں لینڈ سلائیڈنگ کا خدشہ ظاہر کیا گی اہے، ضلعی انتظامیہ چھوٹی بھاری مشینری کی دستیابی یقینی بنائیں۔ مراسلہ میں صوبے کے بعض اضلاع،چترال، دیر، سوات، کوہستان، طورغر،مانسہرہ میں طغیانی کا خدشہ ظاہر کیا گیا ہے ۔ – بارشوں کا سلسلہ وقفے وقفے سے جمعرات کے روز تک جاری رہنے کا امکان ہے ۔ سیاح دوران سفر خصوصی احتیاطی تدابیر اختیار کریں۔

محکمہ موسمیات کی رمضان کے آغاز میں بارشوں کی پیشگوئی

لاہور (چترال ٹایمز رپورٹ)محکمہ موسمیات نے رمضان المبارک کے آغاز سے بارشیں شروع ہونے کی پیشگوئی کر دی ہے۔محکمہ موسمیات کا کہنا ہے کہ ملک بھر میں رواں ماہ کے آخری دنوں میں بارش ہونے کا امکان ہے۔جبکہ رمضان کا دوسرا اور تیسرا عشرہ نسبتاً گرم رہنے کی پیش گوئی کی گئی ہے۔محکمہ موسمیات کے مطابق اسلام آباد میں موسم خشک اوردن کے درجہ حرارت میں اضافے کا امکان ہیجبکہ بلوچستان کے بیشتر اضلاع میں بھی موسم خشک اور گرم رہنے کی پیشگوئی ہے۔مری، گلیات اور گردو نواح میں موسم خشک رہے گا، آزاد کشمیر اورگلگت بلتستان میں موسم خشک رہے گا۔سندھ کے بیشتر اضلاع میں موسم خشک اوردرجہ حرارت میں اضافے کاامکان ظاہر کیا گیا ہے۔

پنجاب میں انتخابات: الیکشن کمیشن نے ریٹرننگ افسروں کی تقرریاں کر دیں

اسلام آباد(سی ایم لنکس) الیکشن کمیشن نے پنجاب میں جنرل الیکشن کے لیے ڈسٹرکٹ ریٹرننگ، ریٹرننگ اور اسسٹنٹ ریٹرننگ افسروں کی تقرریاں کر دیں۔پنجاب کے 36 اضلاع میں ڈپٹی کمشنرز کو ڈسٹرکٹ ریٹرننگ افسران کی ذمہ داری سونپی گئی ہے، اس سلسلہ میں الیکشن کمیشن ا?ف پاکستان کی جانب سے نوٹیفکیشن بھی جاری کر دیا گیا ہے، صوبائی اسمبلی کی نشستوں پر پولنگ 30 اپریل کو ہوگی۔نوٹیفکیشن کے مطابق ڈپٹی سیکرٹری آبپاشی کیپٹن ریٹائرڈ وسیم ڈسٹرکٹ ریٹرننگ آفیسر لاہور تعینات ہو گئے، لاہور میں صوبائی اسمبلی کے 29 حلقوں میں ریٹرننگ آفیسر اور اسسٹنٹ ریٹرننگ آفیسرز کی تقرری کر دی گئی۔پی پی 144 سے لے کر پی پی 173 تک لاہور کے حلقوں میں الیکشن ہو گا، مجموعی طور پر پنجاب کے 297 حلقوں میں بیورو کریسی کو ریٹرننگ افسران تعینات کیا گیا ہے۔اقلیتوں اور خواتین کی مخصوص نشستوں کے چیف الیکشن کمشنر پنجاب ریٹرننگ افسر مقرر کیے گئے ہیں جس نوٹیفکیشن بھی جاری کر دیا گیا ہے۔

فروری سے ہی گرمی ہوجائے گی،اس سال درجہ حرارت 45 ڈگری سینٹی گریڈ تک جانے کا امکان۔ محکمہ موسمیات

اسلام آباد( چترال ٹایمز رپورٹ)محکمہ موسمیات نے رواں برس درجہ حرارت میں معمول سے زیادہ اضافے کا امکان ظاہر کردیا۔ڈائریکٹر محکمہ موسمیات شاہد عباس کے مطابق فروری کے وسط سے پنجاب سمیت لاہور میں گرمی کے اثرات رونما ہونا شروع ہو جائیں گے۔محکمہ موسمیات کے مطابق موسمیاتی تبدیلیوں کے پیش نظر رواں سال وقت سے پہلے موسم گرما کا آغاز ہوگا، موسمیاتی تبدیلیوں کے باعث رواں سال بارشوں میں بھی کمی کا امکان ہے۔محکمہ موسمیات کا کہنا ہے کہ بارشیں معمول سے کم ہونے پر درجہ حرارت 45 ڈگری سینٹی گریڈ تک جانے کا امکان ہے

پشاور پولیس لائنز نے مسجد میں دھماکے کے بعد ملبے سے مزید متاثرین کو نکال لیا، ڈی جی خیبر پختونخوا ایمرجنسی ریسکیو سروس

پشاور(سی ایم لنکس)ڈائریکٹر جنرل خیبر پختونخوا ایمرجنسی ریسکیو سروس(ریسکیو 1122) ڈاکٹر خطیر احمد نے کہا ہے پشاور پولیس لائنز نے مسجد میں دھماکے کے بعد ملبے سے مزید متاثرین کو نکال لیا گیاہے۔ انہوں نے کہا کہ ریسکیو 1122نے سائنسی بنیادوں پر سرچ اور ریسکیو آپریشن کرتے ہوئے ملبے سے مزید متاثرین کو نکال دیا ہے اور انہیں ابتدائی مدد فراہم کرکے لیڈی ریڈنگ ہسپتال منتقل کیا گیا ہے۔ریسکیو 1122پشاور کے مطابق گزشتہ رات سے جاری سرچ آپریشن کے دوران ریسکیو1122 نے ملبے تلے سے اب تک21 شہدا ء اور 1 زخمی کو نکالا ہے اور اب ریسکیو1122 کی جانب سے سرچ آپریشن آخری مراحل میں داخل ہے۔

محکمہ موسمیات نے سردیوں میں کم بارشوں کی پیش گوئی کردی

اسلام آباد( چترال ٹایمز رورٹ)موسم کا حال بتانے والوں نے سردیوں میں کم بارشوں کی پیش گوئی کردی۔ملک بھر میں سردی کا موسم آچکا ہے، تاہم عوام کو معمول کے مطابق دسمبر میں ہونے والی بارشوں کا انتظار ہی رہا، اور محکمہ موسمیات کے مطابق دسمبر میں ہونے والی بارشیں اب آئندہ ماہ ہوں گی۔محکمہ موسمیات نے جنوری میں بھی سردیوں میں کم بارشوں کی پیش گوئی کی ہے، اور بتایا ہے کہ دسمبر کے آخری ہفتے میں ہلکی بارش کا امکان ہے۔محکمہ موسمیات کے مطابق ملک بھر میں فی الحال بارشوں کا کوئی امکان نہیں ہے، اور دسمبر کی بارشیں اب جنوری میں ہوں گی، اور دسمبر کے آخری ہفتے میں ہلکی بارش کا امکان ہے۔محکمہ موسمیات کا کہنا ہے کہ آئندہ 24 گھنٹوں کے دوراں موسم سرد اور خشک رہے گا، جب کہ شمالی علاقوں اور شمالی بلوچستان میں شدید سردی رہے گی۔محکمہ موسمیات کے مطابق آئندہ 24 گھنٹوں میں پنجاب کے میدانی علاقوں، بالائی سندھ میں دھند پڑنے کی توقع ہے۔