اپر چترال ( نمائندہ چترال ٹائمز ) ڈپٹی کمشنر اپر چترال محمد علی اور ایم پی اے چترال مولانا ہدایت الرحمن نے تورکہو کا دورہ کیا اور تورکہو روڈ سمیت استارو پل پر کام کی سست روی پر برہمی کا اظہارکیا گیا ۔عوامی شکایات پر گزشتہ دن ڈپٹی کمشنر اورایم پی اے نے کام کا جائز ہ لیا ۔ اس موقع پر تورکھو روڈ ایکشن کمیٹی کے اراکین عبدالقیوم بیگ، سفیر اللہ، صوبیدار جلال الدین اور تحریکِ انصاف کے راہنما چہار شنبہ خان و دیگر عمائدین کے علاوہ ایس ڈی او سی اینڈ ڈبلیو عدنان،پروجیکٹ منیجر اور پُل کے ٹھیکدار بھی موقع پر موجود تھے۔

ڈپٹی کمشنر نے ایکشن کمیٹی کے ممبران، ایس ڈی او سی اینڈ ڈبلیو،پراجیکٹ منیجر اور پُل کے ٹھیکدار کی موقف سننے کے بعد شدید برہمی کا اظہار کیا ۔انہوں نے کہا کہ حالات کا جائزہ لینے کے بعد مجھے احساس ہوا کہ علاقے کے لوگ کتنے مشکلات سے دوچار ہیں۔ اس میں انہیں نہ صرف امد و رفت کا مسلہ درپیش ہے بلکہ ہسپتال تک رسائی، سکول تک بچوں کا پہنچنا کتنی مشکل ہوگئی ہے۔ عوام کواس طرح تکالیف سے گزارنا ان کے لیے نا قابلِ برداشت ہے۔

انہوں نے موقع پر سی ایند ڈبلیو اور ٹھیکدار کو سختی سے ہدایت دی کہ وہ ہر حال12 دنوں کے اندر پل لانچینگ کے کام کو عملی طور پر شروع کریں بصورتِ دیگر ان کے خلاف سخت کاروائی عمل میں لائی جائیگی۔ ایس ڈی او سی اینڈ ڈبلیو اور پراجیکٹ منیجر نے اس موقع پرڈپٹی کمشنر اپر چترال کے حکم کو ہر حال میں تعمیل کرنے کا وعدہ کیا اور بارہ دنوں کے اندر ضروری ساماں پہنچاکر کام شروع کرنے کی یقین دہانی کی۔

یاد رہے کہ استارو کے مقام پر تین یوسیز کو چترال کے دوسرے علاقوں سے ملانے والی واحد رابطہ پُل گزشتہ سال اپریل2020کو بوجھ برداشت نہ کرتے ہوئے ٹوٹ کرڈمپر سمیت سینکڑوں فٹ کھائی میں جا گری اور ایک قیمتی جان کا بھی نقصان ہوا۔ متبادل کے طور پر ریا ستی روڈ کو امد و رفت کے لیے کھول دیا گیا جو ہر وقت خطرے کی علامت کے طور پر موجود ہے۔منٹوں کا سفر گھنٹوں میں طے کیے جاتے ہیں عوام تورکھو اور تریچ کے عوام مجبور ہوکر گزشتہ دسمبر2020؁ کو شدید سردی اور برف باری کے باوجود اٹھارہ دن دھرنے دئیے۔ انجامِ کار استارو کے مقام پرکمانڈنٹ چترال سکاوٹ،ایڈیشنل ڈپٹی کمشنر اپر چترال، اسسٹنٹ کمشنر مستوج، معاونِ خصوصی وزیر اعلیٰ وزیر زادہ،ایم۔پی۔اے مولانا ہدایت الرحمن، ڈی۔پی۔او اپر چترال، ایکسین محکمہ تعمیرات اپر چترال کی موجودگی میں عوام سے اس وعدے کے ساتھ دھرنے کو ختم کرایا گیا تھا کہ جون 2021؁ تک استارو پُل مکمل کرکے ہر حال میں ٹریفیک کے لیے کھول دیا جائیگا۔لیکن تاحال پل پر کام تعطل کا شکار ہے۔جس پر علاقے کے عوام ایک بار پھر احتجاجی تحریک چلانے کا فیصلہ کر لیا اور

15 اگست کو ورکپ کے مقام پر احتجاجی جلسہ کرنے اور تسلسل کے ساتھ تحریک چلانے کا اعلان کیا ہے۔

شاگرام ( چترال ٹائمزرپورٹ ) استارو پل میں کام کی رفتار میں سست روی دیکھ کر عوام ایک بار پھر مجبور ہوکر احتجاجی دھرنے کی تیاری شروع کر رکھی ہے۔ اس سلسلے میں حالیہ دو کار نر میٹنگز 5 اگست کورائین اور10 اگست کو ریچ میں منعقد ہوئیں جن میں متفقہ قرارداد کے ذریعے یہ فیصلہ ہوا کہ تورکہو روڈ جس میں 17 سال کا عرصہ گزر جانے کے بعد بھی 50فیصد کام بھی مکمل نہیں ہوا اور استارو پل جوکہ ڈیڑھ سال سے نامکمل ہے ان دونو منصوبوں کو جلد از جلد معیار اور مقدار کے مطابق مکمل کیے جائیں۔ اور اس سلسلے میں 15 اگست سے ایک منظم جلسے اور احتجاجی دھرنے کا عندیہ دیا گیا ہے۔

یادرہے کہ تورکہو روڈ ایک نامکمل منصوبہ ہے جس پر کام کا آعاز متحدہ مجلس عمل کے دور حکومت میں شروع ہوا۔ یہ روڈ اپن ناگفتہ بہ حالت کی وجہ سے آج تک کئی قیمتی جانوں کی ضیاع کا باعث بنا آرہا ہے۔ عوام کی سفری مشکلات میں اس وقت مزید اضافہ ہوا جب مارچ 2020 میں استارو پل ایک کنٹریکٹر کی ڈمپر گاڑی گزرنے کی وجہ سے مکمل طور پر گر گیا اور ڈیڑھ مہینے تک عوام اس وادی میں محصور ہوکر رہ گئی۔ اس حادثے میں ایک قیمتی جان کا بھی ضیاع ہوا۔

عوام کی مسلسل کوششوں سے ایک متبادل پر خطر راستہ بنا یا گیا۔ سفری مشکلات اور صعوبتوں سے تنگ آکر دسمبر 2020 کو عوام تورکھو اور تریچ یوسی نے شاگرام کے مقام پر احتجاجی دھرنا دیا۔ اسی دوران متعلقہ محکمے کے آفیسر ، وزیراعلی کے معاون خصوصی وزیرزادہ ، ایم پی اے ہدایت الرحمن اس وقت کے ڈی سی او، ڈی پی او نے علاقے کا دورہ کیا استارو پل کے مقام پر عمائدین سے ملاقات کی اور محکمہ سی این ڈبلیو کے ایکسین نے بریفنگ دیتے ہوئے کہا کہ آرسی سی سی پل کی تعمیر جون 2021 تک مکمل کیا جائے گا۔مگرتاحال پل کی تعمیر مکمل نہیں ہوئی۔