ٹورزم پولیس کو خیبر پختوخوا پولیس کے برابر مراعات دیے جائیں، بڑھتی ہوئی مہنگائی میں فکس تنخوا پر گزارہ کرنا انتہائی مشکل ہو گیا ہے۔ ٹورزم پولیس 

ٹورزم پولیس کو خیبر پختوخوا پولیس کے برابر مراعات دیے جائیں، بڑھتی ہوئی مہنگائی میں فکس تنخوا پر گزارہ کرنا انتہائی مشکل ہو گیا ہے۔ ٹورزم پولیس

چترال ( نمائندہ چترال ٹائمز ) خیبر پختونخوا کلچر اینڈ ٹورزم اتھارٹی کے زیر انتظام کنٹریکٹ بنیاد پر بھرتی کئے جانے والے ٹورزم پولیس نے اتھارٹی اور صوبائی حکومت سے پر زورمطالبہ کیا ہے ۔ کہ بڑھتی ہوئی مہنگائی میں فکس تنخوا پر گزارہ کرنا انتہائی مشکل ہو گیا ہے ۔ اور گھرکے اخراجات کیلئے مسلسل قرضے چڑھ رہے ہیں ۔ جن کی آدائیگی کی کوئی صورت نظر نہیں آرہی ۔ انہوں نےکہا ہے۔ کہ ٹورزم پولیس سیاحوں کی رہنمائی ، فسلیٹیشن ، ہوٹل چیکنگ ، ایمرجنسی مدد اور فرسٹ ایڈ کی سہولیات مہیا کر رہی ہے ۔ جس کی وجہ سے چترال میں سردیوں میں بھی سیاحت کو فروغ مل چکا ہے۔ اور بڑی تعداد میں ملکی و غیر ملکی سیاح سردیوں میں بھی چترال آنے لگے ہیں ۔ لیکن خدمات فراہم کرنے والی ٹورزم پولیس حکومتی مراعات سے یکسر محروم ہے ۔ اور2022 کے فکس تنخواہ پر گزارہ کرنے پر مجبور ہے ۔ انہوں نے نومنتخب وزیر اعلی خیبر پختونخوا علی امین خان گنڈاپور ، خیبر پختونخوا کلچر اینڈ ٹورزم اتھارٹی سے پر زور مطالبہ کیا ۔ کہ انہیں خیبر پختوخوا پولیس کے مراعات دیے جائیں یا کے پی سی ٹی اے انہیں پراجیکٹ ملازمین کے برابر مراعات دے کر ان کو مایوسی و محرومیوں سے نکالنے کیلئے اقدامات کرے ۔