نیٹکو بس سروس کو اپر چترال کے ہیڈ کوارٹر بونی تک توسیع دی جائے۔ سابق ناظم عبدالرحمن
نیٹکو بس سروس کو اپر چترال کے ہیڈ کوارٹر بونی تک توسیع دی جائے۔ سابق ناظم عبدالرحمن
مستوج (نمائندہ چترال ٹائمز) مستوج کی معروف سیاسی و سماجی شخصیت سابق نائب ناظم مستوج عبدالرحمن لال نے کہا ہے کہ نیٹکو بس سروس کو مستوج اور بونی تک توسیع دی جائے ، ایک اخباری بیان میں انھوں نے کہا کہ سڑک خراب اور بعض مقامات پر تنگ ہونے کی وجہ سے بس سروس فلحال لاسپور تک محدود کردی گئی ہے ، جس کی وجہ سے مستوج تک بھی بس سروس ابھی تک بحال نہیں ہوئی، جبکہ لاسپور کے عوام نے اپنی مدد آپ کے تحت بعض ایریا میں سڑک کی مرمت کی ، انھوں نے کہا کہ گشٹ سے مستوج تک بعض مقامات پر سڑک بہت تنگ اور دشوار گزار ہے،جہاں بلڈوزر کے بغیر کام کرنا ناممکن ہے ۔ انھوں نے اپر چترال انتظامیہ اور این ایچ اے حکام سے مطالبہ کیا کہ سڑک کو بس سروس کے لئے ہموار کیا جائے تاکہ عام مسافروں کے ساتھ سیاحوں کو بھی سہولت میسر ہو۔ انھوں نے نیٹکو بس سروس کو بونی تک توسیع دینےکا بھی مطالبہ کیا ہے ۔