Chitral Times

May 19, 2024

ﺗﻔﺼﻴﻼﺕ

بجلی کا ملک گیر بریک ڈاؤن: شفٹ انچارج ذمہ دار قرار

Posted on
شیئر کریں:

 

بجلی کا ملک گیر بریک ڈاؤن : شفٹ انچارج ذمہ دار قرار

اسلام آباد(چترال ٹایمز رپورٹ ) ملک بھر میں 23 جنوری کے بجلی بریک ڈاؤن کی تحقیقاتی رپورٹ جاری کردی گئی، رپورٹ میں کہا گیا ہے کہ بروقت اقدامات سے بدترین بلیک آؤٹ سے بچا جاسکتا تھا۔تفصیلات کے مطابق وزیر مملکت برائے پیٹرولیم کی سربراہی کمیٹی نے ملک بھر میں 23 جنوری کے بدترین بریک ڈاؤن کی انکوائری رپورٹ تیار کرلی۔رپورٹ میں نیشنل ٹرانسمیشن اینڈ ڈسپیچ کمپنی (این ٹی ڈی سی) کے افسران، پاور کنٹرول مینجمنٹ اور شفٹ انچارج کو ذمہ دار قرار دیا گیا ہے۔انکوائری رپورٹ میں کہا گیا ہے کہ جنوب سے اضافی بجلی کی فراہمی کے باعث ملک میں بلیک آؤٹ ہوا، سسٹم میں توازن پیدا کرنے کے لیے غازی بروتھا پلانٹ سے بجلی کی پیداوار کم کی گئی۔رپورٹ کے مطابق اس اقدام سے صورتحال مزید بدترین ہوگئی، بروقت اقدامات سے بدترین بلیک آؤٹ سے بچا جاسکتا تھا۔رپورٹ میں کہا گیا کہ این ٹی ڈی سی کا سسٹم آپریٹر بلیک آؤٹ کا ذمہ دار ہے، پاور سیکٹر کے اداروں میں کوآرڈینیشن کا فقدان ہے، وفاقی حکومت کوآرڈینیشن بہتر کرنے کے لیے نیپرا کو احکامات جاری کرے۔بریک ڈاؤن کی 13 صفحات پرمشتمل انکوائری رپورٹ وفاقی کابینہ کوبھجوا دی گئی۔

 

پختونخواہ کی نگراں کابینہ میں مزید 4 مشیروں کا اضافہ

پشاور(چترال ٹایمز رپورٹ )صوبہ خیبر پختونخواہ کی نگراں کابینہ میں وزیر اعلیٰ کے لیے مزید 4 مشیروں کا تقرر کردیا گیا۔تفصیلات کے مطابق صوبہ خیبر پختونخواہ کی نگراں کابینہ میں وزیر اعلیٰ کے لیے 4 نئے مشیروں کے تقرر کا اعلامیہ جاری کردیا گیا۔اعلامیے کے مطابق سید جرار حسین بخاری کو مشیر برائے سماجی بہبود اور ظفر محمود کو مشیر برائے ثقافت و سیاحت اور ا?ثار قدیمہ کا مشیر مقرر کیا گیا ہے۔رحمت سلام خٹک ایلمنٹری اینڈ سیکنڈری تعلیم کے جبکہ ڈاکٹر عابد جمیل محکمہ صحت کے لیے وزیر اعلیٰ کے مشیر ہوں گے۔

 


شیئر کریں:
Posted in تازہ ترین, جنرل خبریںTagged
71640