چترال سے پوسٹنگ آؤٹ پر میری کیفیت اُس بیٹی جیسی ہے جو اپنی گھر سے رخصت ہوکر جارہی ہو . سونیہ شمروز خان

اپنے اعزاز میں منعقدہ الوداعی تقریب سے خطاب کرتے ہوئے کہا کہ  میری جزبات کا اظہار الفاظ میں بیان کرنا میرے لئے ممکن نہیں ہے البتہ اتنا کہہ سکتی ہوں کہ چترال  سے پوسٹنگ آوٹ پر میری کیفیت اُس بیٹی جیسی ہےجو اپنی گھر سے رخصت ہوکر جارہی ہو۔  میں اپنی تعیناتی کے دوران چترال کے عوام خصوصا چترال کے اپنی ماوں ،بہنوں اور بیٹیوں کے مسائل حل کرنے کی بھرپور کوشش کی اور لوئر چترال پولیس کے تشخص کو بہتر سے بہتر بنانے کے لئے کوشاں رہی۔ اس دوران نادانستہ طور پر میں نے کسی کا دل دھکایا ہوں تو میں چترال کی عوام ، محکمہ پولیس کے آفیسران و جواناں سے مغذرت خوا ہوں۔ چترال میرا دوسرا گھر ہے ۔ انشاء اللہ ائیندہ میرے دروازے ہمیشہ چترال کے عوام اور چترال پولیس کے لئے کھلے پائین گے۔ اللہ ہم سب کا حامی و ناصر ہو اور چترال کا امن اسی طرح برقرار رہیں۔ ڈی پی او نے چترال کے عوام سے اپیل کی کہ اپنی بچیوں کو معیاری تعلیم ضرور دیں۔اور انھیں مقابلے کے امتحانوں کیلیے تیارکریں تاکہ وہ معاشرے میں اپنے حصے کا کردار ادا کرسکیں۔

اس سے قبل کمانڈنٹ چترال سکاؤٹس کرنل سمیع نے خطاب کرتے ڈی پی او کی چترال میں تعیناتی کے دوران خدمات اور کاوشوں کو سراہا۔اور انھیں ایک فرض شناس افیسر قرار دیا۔ ایس پی انوسٹی گیشن محمد خالد نے خطاب کرتے ہویے چترال پولیس کی طرف سے ڈی پی او کا شکریہ ادا کیا کہ انھوں نے اپنی ٹینور کے دوران پولیس کے افسران اور جوانوں کے ساتھ انتہایی شفیق اور مہربان ماں اور بہن جیسی سلوک روا رکھا۔

یادرہے کہ ڈی پی او لوئر چترال سونیہ شمروز خان کی لوئر چترال سے ڈی پی او بٹگرام تعیناتی کے موقع پر ڈی پی او آفس لوئر چترال میں الوادعی پروگرام کا انعقاد کیا گیا۔ جس میں ضلع لوئر چترال کے تمام ہیڈ آف ڈیپارٹمنٹس، علمائے کرام، پریس کے نمائندے ، پولیس آفیسران اور جوانوں کی کثیر تعداد نے شرکت کی۔ ایس ایس پی انوسٹی گیشن محمد خالد خان نے لوئر چترال پولیس کی جانب سے ڈی پی او کو یادگاری شیلڈ پیش کی۔