حمیدہ ایجوکیشن اینڈ بورڈنگ اکیڈمی میں مستحق اور بیوہ خواتین میں رمضان پیکیج تقسیم
حمیدہ ایجوکیشن اینڈ بورڈنگ اکیڈمی میں مستحق اور بیوہ خواتین میں رمضان پیکیج تقسیم
چترال ( نمایندہ چترال ٹایمز ) حمیدہ ایجوکیشن اینڈ بورڈنگ اکیڈمی دنین چترال میں کرییٹیو ایپروچز فار ڈیولپمنٹ کے زیر اہتمام 170 مستحقین اور بیوہ خواتین میں رمضان پیکیج کی تقسیم کرنے کی ایک پروقار تقریب منعقد ہوئی۔ رمضان پیکیجز ہوپ فار پاکستان اور ٹیرز کے تعاون سے فراہم کیے گئے تھے ۔ تقریب کی صدارت شاہی مسجد چترال کے خطیب خلیق الزمان نے کی جبکہ تقریب کے مہمان خصوصی آغا خان رول سپورٹ پروگرام کے محترمہ شائستہ جبین منیجر سوشل سوسائٹی اور محترمہ اکری حسینہ منیجر گیٹ نے کی۔ مہمانان گرامی اور شرکاے مجلس نے CAD اور حمیدہ ایجوکیشن اینڈ بورڈنگ اکیڈمی کی کاوشوں کو سراہا۔