پشاور میںمبینہ قتل ہونیوالے محراب نبی کے قاتلوںکو گرفتارکرکے کیفرکردارتک پہنچایا جائے. حاجی ظفر
دوبئی (چترال ٹائمز رپورٹ ) اورسیز چترال ویلفر ایسو سی ایشن دبئی کے صدر معروف سماجی کارکن حاجی محمد ظفر نے حکومت خیبر پختونخوا اورخصوصی طور پر وزیر اعلی محمود خان سے مطالبہ کیا ہے کہ حال ہی میں پشاور میں چترال سے تعلق رکھنے والے ٹیچر محراب نبی کے قاتلوں کو جلد از جلد گرفتار کیا جائے اور مقتول کے ورثا کو انصاف فراہم کیا جائے انہوں نے مزید کہا کہ ہم چترالی پر امن لوگ ہیں لیکن ہماری امن پسندی کو ہماری کمزوری نہ سمجھا جائے انہوں نے چترال سے تعلق رکھنے والے قومی نمایندوں سے بھی اس سلسلے میں اپنا بھر پور کردار ادا کرنے کا مطالبہ کیا ہے اس کے علاوہ نظارو لی شاہ ، حاجی ظفر الدین ، شا ہ علی ، فتاح، اور محمد صابر نے بھی غمزدہ خاندان سے ہمدردی اور تغزیت کا اظہار کیا ہے۔