ٹیچرز ایسوسی ایشن گلگت کی محکمہ تعلیمات میںDDES کے پوسٹوں پر جونئیرآفیسران کی پروموشن پر اظہار تشویش
گلگت (چترال ٹائمز رپورٹ)گلگت اور دیامیر کے اساتذہ کی ایک اہم اجلاس ٹیچرز ایسوسی ایشن کے دفتر میں حاجی شاہد حسین صدر ٹیچرزایسوسی ایشن گلگت بلتستان کے زیر صدارت منعقد ہوا۔ اجلاس میں گلگت اور دیامر ڈویژن کے ضلعی صدور اور سنئیر اساتذہ نے شرکت کی اور اساتذہ کے مسائل پر تفصیلی گفت و شنید کی۔ اس میٹنگ میں محکمہ تعلیمات میںDDES کے پوسٹوں پر جونئیرآفیسران کی پروموشن پر تشویش کا اظہار کرتے ہوئے اس پروموشن کی مذمت کی گئی اور چیف سیکرٹری و سیکرٹری ایجوکیشن سے فی الفور ایکشن لینے کا مطالبہ کیا۔ اس کے علاوہ 2002 کے بعد new create ہونے والے پوسٹوں پر فور ٹائر کا اطلاق کر کے پوسٹوں کو اپ گریڈ کیا جائے۔اس اجلاس میں یہ بھی مطالبہ کیا گیا کہ آئندہ کسی بھی سنئیر پوسٹ پر سنئیر آفیسران کی تقرری عمل میں لایا جائے۔حکومت گلگت بلتستان کے weather policy کو احسن اقدام قرار دیتے ہوئے اس پر فوری عمل درآمد کو یقینی بنانے کی مطالبہ کیا گیا۔ اس اجلاس میں گلگت بلتستان ٹیچرز ایسوسی ایشن کے ضلعی صدور کے علاوہ تمام اضلاع سے سنئیر اساتذہ، غلام مرتضیٰ، غلام اصغر،محمد علی جناح، محمد جعفر اور دیگر اساتذہ نے شرکت کی اور اس اجلاس میں تمام شرکاء نے ایسوسی ایشن کی کارکردگی پر اطمینان کا اظہار کرتے ہوئے ایسوسی ایشن کی کارکردگی کو سراہا اور ان پر اعتماد اور مکمل تعاون کی یقین دہانی کرائی۔