کورونا کیسز کے حالیہ اضافے کے پیش نظر صوبے کے 80 فیصد شہریوں کی ویکسینیشن کو ہر صورت یقینی بنایا جائے، چیف سیکرٹری خیبر پختونخوا ڈاکٹر شہزاد بنگش

Posted on August 1, 2022August 1, 2022

کورونا کیسز کے حالیہ اضافے کے پیش نظر صوبے کے 80 فیصد شہریوں کی ویکسینیشن کو ہر صورت یقینی بنایا جائے، چیف سیکرٹری خیبر پختونخوا ڈاکٹر شہزاد بنگش

پشاور (چترال ٹائمز رپورٹ) چیف سیکرٹری خیبر پختونخوا ڈاکٹر شہزاد خان بنگش نے صوبے میں جاری خصوصی کورونا ویکسینیشن مہم کے اہداف میں سست روی پر ناراضگی کا اظہار کرتے ہوئے ہدایت کی ہے کہ کورونا کیسز کے حالیہ اضافے کے پیش نظر صوبے کے 80 فیصد شہریوں کی ویکسینیشن کو ہر صورت یقینی بنایا جائے۔ مہم کی موثر نگرانی اور اہداف کی حصولی کے لئے ہفتہ وار جائزہ اجلاس بلایا جائے گا۔ یہ ھدایات انہوں نے خصوصی کورونا ویکسینیشن مہم کے جائزہ اجلاس کی صدارت کرتے ہوئے دیں۔ اجلاس میں سیکرٹری صحت، ڈائریکٹر پی ایم آر یو، کوآرڈینیٹر ایمرجنسی آپریشن سنٹر اور ای پی آئی ڈائریکٹر شریک ہوئے جبکہ ڈویژنل کمشنرز، ڈپٹی کمشنرز اور ڈسٹرکٹ ہیلتھ آفیسرز ویڈیو لنک کے ذریعے اجلاس میں شامل ہوئے۔ ای او سی کوآرڈینیٹر نے اجلاس کو آگاہ کیا کہ صوبے میں ویکسین کا سٹاک موجود ہے اور ویکسین کی کوئی کمی نہیں ہے۔ انہوں نے بتایا کہ چارسدہ کے علاوہ کسی بھی ضلع نے ہفتہ وار اہداف میں 80 فیصد سے زائد ویکسینیشن نہیں کی۔ اسی طرح صرف چار اضلاع نے بوسٹر ڈوز کی 30 فیصد سے زیادہ ویکسینیشن کی ہے۔ چیف سیکرٹری نے کہا کہ صوبے میں موجودہ ویکسینیشن کی شرح تسلی بخش نہیں ہے جسے تسلی بخش سطح پر لانے کے لئے 80 فیصد شہریوں کی ویکسینیشن کو یقینی بنایا جائے۔ چیف سیکرٹری نے ویکسینیشن مہم میں اہداف کے حصول میں سست روی پر ناراضگی کا اظہار کیا اور ہدایت کی کہ میڈیکل ٹیچنگ انسٹیٹیوٹس اور ڈسٹرکٹ ھیڈکواٹر ہسپتالوں میں ویکسینیشن مہم میں تیزی لائی جائے۔چیف سیکرٹری نے تمام اضلاع کو پہلے سے کی گئی ویکسینیشن کے اندراج کے عمل کو جلد مکمل کرنے کی ہدایت بھی کی۔

معلومات کے آن لائن حصول سے درخواست گزاروں کی زندگی کو آسان بنا دیا ہے۔چیف انفارمیشن کمشنر مسز فرح حامد خان

پشاور (چترال ٹائمز رپورٹ) خیبرپختونخوا کے سرکاری اداروں میں عوامی شکایات کو بروقت حل کرنے کیلئے ٹھوس اقدامات کیے جائیں گے۔یہ بات خیبرپختونخوا انفارمیشن کمیشن کی چیف انفارمیشن کمشنر مسز فرح حامد خان نے ضلع پشاور کے پبلک انفارمیشن آفیسرز (پی آئی اوز)/ لائن ڈپارٹمنٹس کے سربراہان سے معلومات تک رسائی کے قانون 2013 کے حوالے سے منعقدہ ٹریننگ سے خطاب کرتے ہوئے کہی۔انھوں نے کہا کہ آر ٹی آئی قانون نے عوامی اہمیت کی معلومات تک رسائی کے عوام کے آئینی حق کے تحفظ میں مدد کی ہے۔ ایسا کرنے سے شفافیت اور احتساب کے حوالے سے صوبائی حکومت کے ایجنڈے کو عملی جامہ پہنایا جا سکتا ہے۔ اس مقصد کے لیے خیبرپختونخوا انفارمیشن کمیشن نے عوامی ریکارڈ کے انڈ یکیشن اور اس ایکٹ کے سیکشن 5 کے تحت عوامی اہمیت کی معلومات کو آن لائن مہیا کرنے پر توجہ مرکوز کی ہے تاکہ شہریوں کو ڈیٹا کی فراہمی میں آسانی ہو۔ اس سلسلے میں خیبر پختونخوا حکومت کے تمام انتظامی محکموں کو ایک ڈیمی آفیشل (DO) خط بہت جلد بھیجا جائے گا تاکہ وہ اپنی ویب سائٹس کو درست طریقے سے اپ ڈیٹ کریں تاکہ شہریوں کو عوامی مفاد کی معلومات تک رسائی حاصل ہو سکے۔ انہوں نے مزید کہا کہ پبلک انفارمیشن آفیسرز (PIOs) آر ٹی آئی قانون کے نفاذ میں اہم کردار ادا کر رہے ہیں، اس لیے PIOs کے لیے ضروری ہے کہ وہ معلومات کی درخواستوں کو بروقت نمٹانے کے طریقہ کار سے پوری طرح واقف ہوں جس سے صوبے میں شفافیت اور احتساب کا نظام اور بہتر ہوگا۔
œٹ ھیڈکواٹر ہسپتالوں میں ویکسینیشن مہم میں تیزی لائی جائے۔چیف سیکرٹری نے تمام اضلاع کو پہلے سے کی گئی ویکسینیشن کے اندراج کے عمل کو جلد مکمل کرنے کی ہدایت بھی کی۔

حکومت نے ملک بھرمیں کورونا کیسز میں مسلسل کمی کے باعث پابندیاں ختم کرنیکا اعلان کردیاہے،اسد عمر

Posted on March 16, 2022March 16, 2022

حکومت نے ملک بھرمیں کورونا کیسز میں مسلسل کمی کے باعث پابندیاں ختم کرنے کا اعلان کر دیاہے، اسد عمر

اسلام آباد(چترال ٹایمز رپورٹ )وفاقی وزیرمنصوبہ بندی، ترقی، اصلاحات وخصوصی اقدامات اور نیشنل کمانڈ اینڈ آپریشن سینٹر (این سی او سی) کے سربراہ اسد عمر نے کہا ہے کہ حکومت نے ملک بھرمیں کورونا کیسز میں مسلسل کمی کے باعث پابندیاں ختم کرنے کا اعلان کر دیاہے۔بدھ کو این سی او سی میں وزیراعظم کے معاون خصوصی برائے قومی صحت ڈاکٹر فیصل سلطان کے ہمراہ میڈیا بریفنگ کے دوران انہوں نے کہاکہ ملک بھر میں کوروناسے متعلق تمام پابندیاں ختم کردی گئی ہیں، تاہم ویکسین لگوانے سے متعلق پابندیاں برقرار رہیں گی۔انہوں نے کہاکہ کورونا کے مثبت کیسز کی شرح میں کمی نظرآرہی ہے، ہسپتال میں آنے والے مریضوں کی تعداد میں بھی کمی ہوگئی ہے۔انہوں نے کہا کہ پاکستان نے کورونا کو جیسے ہینڈل کیا اس کو پوری دنیا نے بھرپورانداز میں سراہا ہے۔ ملک میں 70فیصد افرادکی ویکسی نیشن مکمل ہوچکی ہے۔انہوں نے کہا کہ پاکستان میں کورونا وبا کا پھیلاؤ کم ہو رہا ہے۔ کورونا وبا سے نکل کر معمول کی زندگی کی طرف جا رہے ہیں۔انہوں نے کہاکہ کورونا وبا کے دوران جتنی پابندیاں لگائی تھیں وہ ختم کی جا رہی ہیں، شادی تقریبات، مارکیٹس پر لگی تمام پابندیاں ختم کر رہے ہیں۔انہوں نے عوام الناس کو خبر دار کیا کہ کورونا ابھی مکمل طور پر ختم نہیں ہوا، ویکسین لگوانے کی پابندی برقرار رہے گی۔ اسدعمر نے کہاکہ این سی او سی کی ہدایات پر بہت حد تک عمل کیا گیا، سوچ سمجھ کر معمول کی زندگی کی طرف جانے کا فیصلہ کیا ہے۔

کورونا وائرس کے پھیلاؤ میں کمی سے ملک کے ہیلتھ سسٹم پر دباؤ کم ہو ا ہے، وبا ؤکو مسلسل مانیٹر کرتے رہیں گے، ڈاکٹر فیصل سلطان

اسلام آباد(سی ایم لنکس) وزیراعظم کے معاون خصوصی برائے صحت ڈاکٹر فیصل سلطان نے کہا ہے کہ کورونا وائرس کی وبا کے پھیلاؤ میں کمی آ رہی ہے تاہم ابھی تک مکمل طور پر یہ وبا ختم نہیں ہوئی، اس لئے عوام احتیاطی تدابیر پر عملدرآمدجاری رکھیں اور ماسک کا استعمال کریں۔بدھ کو این سی او سی میں وفاقی وزیر منصوبہ بندی، ترقی و اصلاحات اسد عمر کے ساتھ مشترکہ پریس بریفنگ دیتے ہوئے انہوں نے کہا کہ کورونا وائرس کی وبا سے ملک کے ہیلتھ سسٹم پر جو دباؤ تھا اس میں کافی حد تک کمی آئی ہے اور انتہائی نگہداشت کے یونٹس میں بھی کووڈ۔19 کے مریضوں کی تعداد میں کمی آئی ہے تاہم پھر بھی اس وائرس کے پھیلاؤ کے حوالے سے مکمل مانیٹرنگ کرتے رہیں گے۔انہوں نے عوام سے کہا کہ وہ کورونا ویکسی نیشن کے عمل کو مکمل کریں اور اس وبا کے خلاف مروجہ احتیاطی تدابیر جن میں ماسک کا استعمال اور سماجی فاصلہ کو جاری رکھیں۔

گزشتہ 24 گھنٹوں کے دوران ملک بھر میں مزید 556 کورونا کیسز رپورٹ

Posted on January 1, 2022January 1, 2022

ا سلا م آ با د( چترال ٹائمز رپورٹ)کورونا وائرس سے مزید 6 افراد جان کی بازی ہار گئے جس کے بعد اموات کی مجموعی تعداد 28 ہزار 933 ہو گئی ہے۔این سی او سی کیمطابق گزشتہ 24 گھنٹوں کے دوران ملک بھر میں مزید 556 کورونا کیسز رپورٹ ہوئے۔ ملک میں کورونا کیسز کی مجموعی تعداد 12 لاکھ 95 ہزار 932 ہو گئی۔ این سی او سی کے مطابق گزشتہ چوبیس گھنٹوں میں ملک بھر میں 51 ہزار 141کورونا ٹیسٹ کیے گئے اور مثبت کیسز کی شرح 1.08 فیصد رہی۔

پنجاب میں ابتک 13 ہزار 70افراد جان کی بازی ہار چکے ہیں جبکہ سندھ میں 7 ہزار 670، خیبرپختونخوا 5 ہزار 930، اسلام آباد 967، گلگت بلتستان 186، بلوچستان میں 364 اور آزاد کشمیر میں 746 افراد جان کی بازی ہار چکے ہیں۔سندھ میں کورونا کے کیسز کی تعداد 4 لاکھ 82 ہزار 29، خیبر پختونخوا میں ایک لاکھ 81 ہزار 402، پنجاب میں 4 لاکھ 45 ہزار 107، اسلام آباد میں ایک لاکھ 8 ہزار 666، بلوچستان میں 33 ہزار 638، آزاد کشمیر میں 34 ہزار 662 اور گلگت بلتستان میں 10 ہزار 429 ہو گئی ہے۔

پاکستان اور بھارت کے درمیان قیدیوں کی فہرستوں کا تبادلہ

اسلام آباد(سی ایم لنکس)پاکستان اور بھارت کے درمیان قیدیوں کی فہرستوں کا تبادلہ،ترجمان دفتر خارجہ کے مطابق آج حکومت پاکستان نے بھارتی ہائی کمیشن کے ساتھ پاکستان میں چھ سو اٹھائیس بھارتی قیدیوں کی فہرست شیئر کی ہے، بھارت میں دو سو بیاسی پاکستانی شہری اور تہتر ماہی گیر قید میں ہیں۔ترجمان دفتر خارجہ کے مطابق حکومت پاکستان نے بھارتی ہائی کمیشن کے ساتھ پاکستان میں 628 ہندوستانی قیدیوں کی فہرست شیئر کی ہے، پاکستان میں بھارتی قیدیوں میں 51 شہری اور 577 ماہی گیر شامل ہیں۔ بھارتی حکومت نے بھی بھارت میں 355 پاکستانی قیدیوں کی فہرست پاکستانی ہائی کمیشن کے حوالے کی ہے، بھارت میں 282 پاکستانی شہری اور 73 ماہی گیر قید میں ہیں۔

ترجمان دفتر خارجہ کے مطابق 21 مئی 2008 کو پاکستان اور بھارت کے درمیان قونصلر رسائی کے معاہدے کے تحت قیدیوں کی تفصیلات کا تبادلہ کیا گیا۔ معاہدے کے تحت دونوں ممالک کو سال میں دو بارایک دوسرے کی تحویل میں قیدیوں کی فہرستوں کا تبادلہ کرنا ہوتا ہے۔ ترجمان دفتر خارجہ کے مطابق پاکستان اور بھارت کے درمیان جوہری تنصیبات اور سہولیات کی فہرست کا سالانہ تبادلہ بھی کیا گیا، پاکستان میں جوہری تنصیبات کی فہرست باضابطہ طور پر بھارتی ہائی کمیشن کے حوالے کر دی گئی ہے۔نئی دہلی میں ہندوستانی وزارت خارجہ نے ہندوستانی جوہری تنصیبات کی فہرست پاکستانی ہائی کمیشن کے نمائندے کے حوالے کی۔ دونوں ممالک ہر سال یکم جنوری کو معاہدے کے مطابق ایک دوسرے کو اپنی جوہری تنصیبات اور سہولیات سے آگاہ کرتے ہیں۔