چترال توشی شاشا کنزروینسی میں مارخور کی ٹرافی ہنٹنگ کیلئے 5,87,77,127روپے میں پرمٹ کی بولی لگائی گئی جو تاریخ کی سب سے بڑی بولی ہے، محکمہ وائلد لائف
چترال توشی شاشا کنزروینسی میں مارخور کی ٹرافی ہنٹنگ کیلئے 5,87,77,127روپے میں پرمٹ کی بولی لگائی گئی جو تاریخ کی سب سے بڑی بولی ہے، محکمہ وائلد لائف
پشاور ( چترال ٹائمزرپورٹ ) محکمہ وائلد لائف کے زیرانتظام خیبرپختونخوا میں مارخور ٹرافی ہنٹنگ کے لیے بولی لگائی گئی۔ وزارت موسمیاتی تبدیلی کے ساتھ رجسٹرڈ آؤٹ فٹرز نے بولی کے عمل میں حصہ لیا۔ کے پی وائلڈ لائف ڈیپارٹمنٹ کے ذرائع کے مطابق سب سے زیادہ بولی M/S مہران سفاری نے USD 212000 میں دی، جو کہ PKR -58777127 کے مساوی ہے جو چترال کے علاقے توشی I میں شکار کیے جانے والے سنگل مارخور کے لیے ہے۔ یہ مارخور ٹرافی ہنٹنگ کی تاریخ میں پیش کی جانے والی سب سے زیادہ شرح ہے ۔
دوسری سب سے زیادہ بولی M/S Zoon Safari کی طرف سے USD 185000 ڈالر دی گئی ، جو 51291361 روپے کے برابر ہے۔ جو توشی II، چترال میں شکار کے لیے سنگل مارخور کے لیے دیا گیا۔ مارخور ٹرافی ہنٹنگ کی تاریخ میں یہ دوسرا سب سے زیادہ ریٹ ہے۔
اسی طرح، تیسری سب سے زیادہ بولی M/S شکار سفاری نے USD 135900 ڈالر کے لیے پیش کی جو کہ 37678356 روپے کے برابر ہے۔جو کیگہ، کوہستان میں مارخور ٹرافی ہنٹنگ کے لیے لگائی گئی ۔ جبکہ چوتھی سب سے زیادہ بولی M/S ہنٹنگ سفاری نے USD 125000 میں پیش کی جو کہ 34656325 روپے کے برابر ہے۔ جو گہر یت، چترال لوئیر میں ایک مارخور کے ٹرافی شکار کے لیے لگائی گئی ۔
اس طرح کے ٹرافی ہنٹنگ پروگرام سے حاصل ہونے والی آمدنی کا اسی فیصد مقامی کمیونٹیز میں تقسیم کیا جاتا ہے اور متعلقہ گاؤں میں کمیونٹی ڈویلپمنٹ اور جنگلی حیات کے تحفظ کی سرگرمیوں کے لیے فنڈز ان کے بینک کھاتوں میں منتقل کیے جاتے ہیں۔