Chitral Times

Dec 1, 2022

ﺗﻔﺼﻴﻼﺕ

چترال توشی شاشا کنزروینسی میں ایک غیر مقامی سیاح کی فائرنگ سے کشمیر مارخور شدید زخمی، ملزم فرار

شیئر کریں:

چترال (نمائندہ چترال ٹائمز ) چترال ٹاون کے نواحی علاقہ توشی کنزروینسی میں نامعلوم سیاح کی فائرنگ سے کشمیر مارخور شدید زخمی ہوگئی ہے ، سیاح فائرنگ کے بعد فرار ہونے میں کامیاب ۔ ملزم کے خلاف تھانہ چترال میں درخواست جمع کرادی گئی

تفصیلات کے مطابق ہفتے کے روز چترال گرم چشمہ روڈ پر واقع توشی شاشا کنزروینسی میں ایک غیر مقامی سیاح نے فائرنگ کرکے چھ سالہ مادہ مارخور کو شدید زخمی کردیا ہے اور موقع سے فرار ہونے میں کامیاب ہوگیا ہے ۔عینی شاہدین کے مطابق غیر مقامی سیاح ایک کرولا گاڑی میں گرم چشمہ سے چترال کی طرف آرہے تھے ۔ جو روڈ سائیڈ پردریا کے کنارے پانی کیلئے آئے ہوئے مارخور پر فائر کھول دیا ہے ۔ جس سے مارخور زخمی ہوکر دریا چترال میں جاگری ہے ۔
اطلاع ملنے پر محکمہ وائلڈ لائف کے اہلکاروں نے موقع پر پہنچ کر زخمی مارخور کو دریا سے نکال کرویٹرنری ہسپتال داخل کردیاہے۔ جہاں انکا علاج جاری ہے۔ ہسپتال زرائع کے مطابق مارخور مادہ ہے جو اس موسم میں بچے جنتے ہیں جبکہ اس زخمی مارخور کے بھی دو بچے بے اسرا ہوگئے ہیں۔
ڈی ایف او وائلڈ لائف نے نامعلوم ملزم کے خلاف تھانہ چترال میں ایف آئی آر کیلئے درخواست دائر کردی ہے ۔جہاں ملزم کی تلاش جاری ہے ۔ یادرہے کہ مذکورہ کنزروینسی میں ایک مارخور کی ٹرافی ہانٹنگ کیلئے تقریبا پندرہ ملین روپے کا پرمٹ لیا جاتا ہے جبکہ زخمی مارخور کی مرنے کی صورت میں کمیونٹی اور محکمہ کو ڈیڈکروڑ روپے کا نقصان کے ساتھ ان کے نوزائدہ بچے بھی مرجائیں گے ۔علاقے کے عوام نے انتظامیہ سے اس کا فوری نوٹس لینے اور ملزم کے خلاف سخت کاروائی کا مطالبہ کیاہے ۔

chitraltimes kashmir markhor conservancy wounded11
chitraltimes kashmir markhor conservancy wounded1
chitraltimes kashmir markhor conservancy wounded

شیئر کریں: