پاکستان پیپلز پارٹی شائستگی جمہوری اور تعمیری سوچ پے یقین رکھتی ہے۔انجنئیر فضل ربی جان
چترال ( چترال ٹائمز رپورٹ ) پاکستان پیپلز پارٹی لویر چترال کے صدر انجنیئر فضل ربی جان نے پاکستان پیپلز پارٹی کے تمام کارکنوں پی ایس ایف۔۔پی وائی او کے علاوہ پارٹی کے تمام وینگز کو یہ ہدایت جاری کی ہے کہ چکدرہ میں صوبائی صدر نجم الدین خان کی زیر صدارت ہونے والی میٹنگ اور اس کے نتیجے میں ہونے والی مثبت پیش رفت کے بعد میڈیا اور سوشل میڈیا میں اس سلسلے میں مزید بیان بازی سے گریز کریں کیونکہ بلدیاتی الیکشن کے لئے پارٹی ٹکٹ ورکروں سے مشاورت کے بعد اہل امیدواروں کو ہی دیا جائے گا۔ایک پریس ریلیز میں انہوں نے کارکنوں کو تاکید کی ہے کہ سوشل میڈیا میں کسی سیاسی شخصیت یا کسی بھی پارٹی کے قائد کے خلاف کوئی غیر شائستہ الفاظ استعمال ہر گز نہ کریں۔ پاکستان پیپلز پارٹی شائستگی اور تعمیری سیاست پر یقین رکھتی ہے۔
پاکستان پیپلز پارٹی تحصیل دروش کے نومنتخب صدر غازی خان وردک کا چترال پہنچنے پر پرتباک استقبال
چترال ( چترال ٹائمز رپورٹ)پاکستان پیپلزپارٹی تحصیل دروش کے نومنتخب صدرحاجی غازی خان وردک کی چترال آمدپرلواری ٹنل سے دروش تک انتہائی شانداراستقبال کر کے درجنوں گاڑیوں میں پارٹی جیالوں نے انھیں دروش پہنچایا۔ لواری ٹنل میں سینکڑوں پارٹی ورکرز ایک لمبی قطارمیں کھڑے ہوکر نومنتخب صدرکو ہارپہنایا، مٹھائیاں بانٹنے اور پھولوں کی پتیاں نچھاور کرنے کا سلسلہ راستے میں دروش پہنچنے تک مختلف مقامات پرجاری رہا۔
دروش چوک میں پارٹی ورکروں سے خطاب کرتے ہوئے نومنتخب صدرحاجی غازی خان وردک،پی پی پی علماء ونگ کے ضلعی صدرقاری نظام الدین، پی پی پی صوبائی کونسل کے ممبرسرفرازشاہ،سابق یوسی ناظم حیدرعباس،سینئررہنماجاویداختر،ظاہرخان، قاضی محمدحسین،فہیم اللہ و دیگرنے کہاکہ ہم پاکستان پیپلزپارٹی کے مرکزی قیادت اورصوبائی صدرنجم الدین خان کے مشکورہیں کہ انہوں نے یوسی ارندواورعشریت کی پسماندگی کومددنظررکھتے ہوئے تحصیل صدارت کے لئے ارندوسے تعلق رکھنے والے پی پی پی کے سینئررہنماحاجی غازی خان کومنتخب کیا۔
انہوں نے کہاکہ پی پی پی ہمیشہ غریبوں کی آواز بن کر اس قوم اورملک کی خدمت کی ہے۔انہوں نے کہاکہ موجودہ حکومت غریبوں کاجیناحرام کردیا ہے اس غریب دشمن مہنگائی نے عوام کی کمرتوڑدی ہے۔ بلاول بھٹو میدان میں آ چکے ہیں فتح عوام کی ہوگی۔ پیپلز پارٹی مہنگائی ختم کرکے ملک میں خوشحالی لائے گی۔ ملک میں تیزی سے بڑھتی ہوئی مہنگائی نے عوام کا جینا محال کر دیا ہے۔اشیائے خوردونوش عوام کی پہنچ سے دور ہوچکی ہیں مسلسل بڑھتی ہوئی مہنگائی نے لوگوں کو ذہنی کوفت میں مبتلا کر دیا۔
نومنتخب صدرحاجی غازی خان وردک نے کہاکہ پی پی چترال میں بسنے والے پختون قوم کی حوصلہ افزائی کرکے تحصیل صدرات کاعہدہ ہمیں سونپ دیا ہے اس کابدلہ آنے والے بلدیاتی اورعام انتخابات میں بھاری اکثریت سے تیرکوکامیاب کرکے اداکریں گے اورہمیشہ پارٹی کے روشن مستقبل اورآگے لے جانے کی ہرممکن کوشش کریں گے۔انہوں نے تاریخی اور پرتپاک استقبال پرتجاربرادری دورش،پارٹی عہدہداروں،ورکروں،یوسی عشریت او ارندوکے عوام کاتہہ دل سے شکریہ اداکیا۔
یادرہے کہ پی پی پی تحصیل دروش نومنتخب صدرکے ساتھ جنرل سیکرٹری سکندرحیات اورانفارمیشن سیکرٹری عمران حسین کابھی نوٹفیکیشن کیاگیاہے
گرم چشمہ(نمائندہ چترال ٹائمز) گرم چشمہ روڈ کی تعمیر میں غیر معمولی تاخیر اور ہوش ربا مہنگائی کے خلاف پاکستان پیپلزپارٹی نے پیر کے دن گرم چشمہ پولوگراونڈ میں ایک احتجاجی جلسہ منعقد کیا اور مظاہرہ کرتے ہوئے پی ٹی آئی حکومت کے خلاف سخت نعرہ بازی ہوئی جس میں پارٹی جیالوں کی بڑی تعداد نے شرکت کی ۔
جلسے سے صوبائی ڈپٹی انفارمیشن سیکرٹری وسابق صوبائی وزیرسلیم خان،ضلعی صدر پی پی پی لوئرچترال انجینئرفضل ربی جان ،سینئرنائب صدرشریف حسین،نائب صدرمحمدمظفر،جنرل سیکرٹری قاضی محمدفیصل ،صدرتحصیل چترال عالمزیب ایڈوکیٹ،شیرین خان ایڈوکیٹ، انفارمیشن سیکرٹری نظارولی شاہ ،سابق ممبرتحصیل کونسل خوش محمد،نادرشاہ اوردوسروں نے خطاب کرتے ہوئے کہاکہ پی ٹی آئی حکومت نے لوٹ کوہ کے عوام کو بدترین دھوکہ دیا اور روڈ کے منصوبے کو پش پشت ڈا ل دیا ہے۔ انہوں نے کہا کہ پچھلے سال گرم چشمہ روڈ کواے ڈی پی سے نکال کرفنڈسوات منتقل کیاگیااوراس سال کی اے ڈی پی میں صرف ڈھائی کروڑ روپے رکھاگیاہے جبکہ سوات میں ایسے منصوبوں کے لئے سوفیصد ریلیز بھی ہوگئے ہیں۔ جویہاں کے عوام کے ساتھ انتہائی ناانصافی ہے جوکسی صورت برداشت نہیں کی جائے گی۔
کمر توڑ مہنگائی کے بارے میں پی پی پی کے رہنماوں نے حکومت کو شدید تنقید کا نشانہ بناتے ہوئےکہاکہ مہنگائی اس خطرناک حد تک پہنچ چکی ہے کہ غربت سے تنگ لوگ اور متوسط طبقہ خودکشی کرنے پر مجبور ہو گیا ہے کیونکہ ان کے لیے اپنے خاندانوں کی ضروریات پوری کرنا مشکل ہو گیا ہے۔نا اہل حکومت کی ناکام پالیسیوں کی وجہ سے عوام پریشان ہیں۔ انہوں نے کہاکہ پی پی پی اس وقت حقیقی اپوزیشن کا کردار ادا کر رہی ہےاور اسمبلی کے اندر اور باہر حکومت کی پالیسیوں پر تنقید اور عوام کو آگاہ کرنے کیلئے اپنا کردار ادا کرتی ہے۔ انہوں نے کہا کہ نیازی کی حکومت نے قلیل وقت میں ریکارڈ قرضے لئے ہیں، کمر توڑ مہنگائی نے متوسط طبقہ کی زندگی اجیرن کر رکھی ہے۔مختلف سرکاری محکموں میں 16ہزارسے زائدلوگوں کونوکریوں سے برطرف کرکے ہزاروں خاندانوں کے لاکھوں افراد فاقہ کشی پر مجبور کیاہے ۔
انہوں نے اپنے ترقیاتی فنڈز میں گرم چشمہ کی 80ہزار آبادی کو نظر انداز کر نے پر ایم این اے کی مذمت کی اور کہاکہ انہوں نے انتہائی تعصب سے کام لےکر یہاں کے مکینوں کومایوس کردیاہے ۔ انہوں نے کہاکہ کالاش کمیونٹی سے تعلق رکھنے والے اقلیتی ایم پی اے نے تو جھوٹ اور دھوکہ کی حد کردی اور ضلع کے دوردراز علاقوں میں جھوٹے ترقیاتی منصوبوں کا اعلان کرتےہوئے پھر رہے ہیں ۔
نومنتخب عہداروں نے کہاکہ صوبائی صدرنجم الدین خان اورجنرل سیکرٹری محمدشجاع خان کی ہدایت پرگھرگھرجاکرپی پی پی کے ناراض کارکنوں کومنانے اورپارٹی کومنظم بنانے کی کوشش جاری ہے ۔ اس موقع پر مختلف پارٹیوں سے تعلق رکھنے والے متعدد افراد نے پاکستان پیپلزپارٹی میں شمولیت اختیارکی۔
