پشاور انسٹیٹیوٹ آف کارڈیالوجی کا تیسری بار آئی ایس او سڑٹیفیکیٹ حاصل کرنے کا اعزاز

Posted on January 31, 2024

پشاور انسٹیٹیوٹ آف کارڈیالوجی کا تیسری بار آئی ایس او سڑٹیفیکیٹ حاصل کرنے کا اعزاز،پی آئی سی نے2024 کے لیے بھی آئی ایس او سرٹیفیکیٹ کا اپنا اعزاز برقرا ر رکھا۔

ایک چھت تلے انٹرنیشنل معیار کے مطابق علاج معالجہ فراہم کرنا ہمارا مشن ہے۔

پشاور (چترال ٹائمزرپورٹ) پشاور انسٹیٹیوٹ آف کارڈیالوجی کی ترجمان رفعت انجم کے مطابق بین الاقوامی ادارے نے سالانہ آڈٹ کے بعد پی آئی سی کی بہترین کارکردگی کے پیش نظر سرٹیفیکیٹ کو تیسری بار بھی برقرار رکھا گیا۔یورپین فرم کی جانب سے آڈٹ کے دوران ہسپتال کے کوالٹی مینجمنٹ سسٹم اور تمام دستاویزات کو مکمل پایا گیا جبکہ آڈٹ کے دوران علاج معالجے کی بروقت اور معیاری فراہمی اور ہسپتال کی مینجمنٹ، مریضوں کی دیکھ بھال،طبی آلات، ملازمین کے حقوق کا بھی جائزہ لیا گیا جو اپنے معیار پر برقرار پائے گئے۔ترجمان کے مطابق پی آئی سی نے بہترین خدمات اور بین الاقوامی معیار علاج پر سال 2022 میں پہلا آئی ایس او سرٹیفیکیٹ حاصل کر کے پاکستان کے پہلے آئی ایس او سرٹیفائیڈ سرکاری ہسپتال کا اعزاز حاصل کیا تھا۔اس موقع پر پی آئی سی کے چیف ایگزیکٹیو اور میڈیکل ڈائریکٹر پروفسیر ڈاکٹر شاہکار احمد شاہ اور ہسپتال ڈائریکٹر ڈاکٹر نعمت شاہ نے آئی ایس او سرٹیفیکیٹ برقرار رکھنے پر تمام عملے کو خراج تحسین پیش کیا ان کا کہنا تھا کہ ہسپتال کا آئی ایس او سٹینڈڑد کو قائم رکھنے میں تمام عملے کی دن رات کی انتھک محنت ہے پی آئی سی سے نہ صرف صوبے بلکہ پورے پاکستان کے امراض قلب کے مریض مستفید ہو رہے ہیں جن کو

 

ٹرانسپیرنسی انٹرنیشنل کے کرپشن پرسیپشن انڈیکس میں پاکستان کی واضح بہتری

اسلام آباد(سی ایم لنکس)ٹرانسپیرنسی انٹرنیشنل کے کرپشن پرسیپشن انڈیکس میں پاکستان کی درجہ بندی میں کئی سال بعد واضح بہتری آئی ہے۔ٹرانسپیرنسی انٹرنیشنل نے کرپشن پرسیپشن انڈیکس 2023ء کی رپورٹ جاری کر دی۔ٹرانسپیرنسی انٹرنیشنل کے کرپشن پرسیپشن انڈیکس میں پاکستان 140 سے 133 پر آگیا ہے۔کرپشن میں کمی کا اسکو ر بھی 2 پوائنٹ بڑھ کر 27 سے 29 ہو گیا۔رپورٹ میں پی ڈی ایم دورِ حکومت کا احاطہ کیا گیا ہے۔ٹرانسپیرنسی انٹرنیشنل نے کرپشن میں کمی کے لیے کی گئی پاکستان کی کوششوں کی تعریف کرتے ہوئے کہا ہے کہ 2023ء میں کرپشن پرسیپشن انڈیکس میں بہتری آئی ہے جو ریاست کے مختلف ستونوں کی بدعنوانی کے خلاف کی جانے والی کوششوں کی عکاسی ہے۔

 

 

پشاور انسٹیٹیوٹ آف کارڈیالوجی میں جدید اسٹیٹ آف دی آرٹ کارڈیک ایم آر آئی مشین نصب کر دی گئی

Posted on November 17, 2022

پشاور انسٹیٹیوٹ آف کارڈیالوجی میں جدید اسٹیٹ آف دی آرٹ کارڈیک ایم آر آئی مشین نصب کر دی گئی
مریضوں کو ہر قسم اور خصوصا کارڈیک ایم آر آئی کی سہولیات ہسپتال میں میسر ہوں گی

پشاور(چترال ٹائمزرپورٹ) خیبر پختونخوا کے امراض قلب کے واحد ہسپتال کو مزید جدید مشینری سے لیس کر دیا گیا ہے۔ پشاور انسٹیٹیوٹ آف کارڈیالوجی میں عوام کی سہولت کے لیے جدید ایم آر آئی مشین نصب کر دی گئی ہے۔صوبائی وزیر صحت و خزانہ تیمور سلیم جھگڑا نے جدید ایم آر آئی مشین کا افتتاح کیا۔اس موقع پر خطاب کرتے ہوئے صوبائی وزیر تیمور سلیم جھگڑا کا کہنا تھا کہ یہ مشین ابتک پاکستان میں نصب ہونے والی جدید ماڈلز میں سے ایک ہے۔پی آئی سی امراض قلب کے مریضوں کے لیے اسٹیٹ آف دی آرٹ ہسپتال ہے جہاں بہترین ڈاکٹرز اور عملہ تن دہی سے خدمات سرانجام دے رہا ہے۔ وزیر صحت کا کہنا تھا کہ ایم آر آئی مشین کی تنصیب سے مریضوں کو علاج معالجے کے کیلئے بہترین سہولیات ملیں گی۔ ان کا مزید کہنا تھا کہ پشاور انسٹیٹیوٹ آف کارڈیالوجی پاکستان کے 10 بہترین ہسپتالوں میں اب شمار ہوتاہے جس کے بننے کے بعد دو سال کے دوران ایک لاکھ کے قریب امراض قلب میں مبتلا مریضوں کو علاج فراہم کیا۔

 

پشاور انسٹیٹیوٹ آف کارڈیالوجی ایک بین الاقوامی معیار کا ہسپتال بن چکا ہے جس پر ہمیں فخر اور خوشی ہے۔تقریب کے موقع پر پی آئی ریڈیالوجی ڈیپارٹمنٹ کی سربراہ ڈاکٹر نادیہ خٹک کا کہنا تھا کہ اب امراض قلب میں مبتلا مریضوں کے لیے علاج معالجے کی سہولیات میں مزید آسانیاں پیدا ہو سکیں گی اور امراض قلب سے جڑی بیماریوں اور اس کی تشخیص جدید اور ایڈوانس طریقے سے ہو سکے گی۔ہسپتال انتظامیہ کے مطابق ایم آر آئی کی سہولیات نہ صرف ہسپتال میں مریضوں بلکہ صوبے کے تمام اور ہر قسم کے مریضوں کے لیے ہر وقت دستیاب ہوں گی۔پشاور انسٹیٹیوٹ آف کارڈیالوجی بین الاقوامی معیار کا ادارہ بن چکا ہے اور صوبے کے عوام کے اعتماد سے یہ ادارہ ملک کے بہترین ہسپتالوں کی فہرست میں بھی شامل ہو چکا ہے۔