تریچ میر ٹریکنگ کا دوسرا مرحلہ کامیابی سے مکمل ، بیس ٹریکرز پر مشتمل ٹریکرز تریچ میر بیس کیمپ پر ٹریکنگ کرنے کے بعد چترال پہنچ گئے

Posted on July 28, 2025July 28, 2025

تریچ میر ٹریکنگ کا دوسرا مرحلہ کامیابی سے مکمل ، بیس ٹریکرز پر مشتمل ٹریکرز تریچ میر بیس کیمپ پر ٹریکنگ کرنے کے بعد چترال پہنچ گئے

چترال ( نمائندہ چترال ٹائمز ) وزیراعلی خیبرپختونخوا علی امین گنڈاپور کی ہدایات پر منعقدہ تریچ میر ٹریکنگ کا دوسرا مرحلہ کامیابی سے مکمل ہوگیا، بیس ٹریکرز پر مشتمل ٹریکرز تریچ میر بیس کیمپ پر ٹریکنگ کرنے کے بعد چترال پہنچ گئے۔مشیر سیاحت زاہد چن زیب کی ہدایات پر ٹورازم اتھارٹی کی جانب سے ٹریکرز کو مکمل سپورٹ فراہم کی جا رہی ہے۔

صوبائی حکومت کے تعاون اور خیبرپختونخوا کلچر اینڈ ٹورازم اتھارٹی کے زیر انتظام ٹریکرز 25 جولائی کو چترال سے روانہ ہوئے تھے۔
ٹریکرز چترال سے براستہ موروئی، کوغزی، ریشن اور گلغاری پختوری پہنچے جس کے بعد اوویر شبرونز سے ٹریکنگ کرتے ہوئے شوخورشال کیمپ میں قیام کیا۔

ٹریکرز کی آخری قیام گاہ تریچ میر بیس کیمپ تھی۔ تاریخ میں پہلی مرتبہ سرکاری سطح پر بلند ترین چوٹی تریچ میر سمٹ کا انعقاد کیا گیا ہے۔
ٹریکرز نے بیس کیمپ پہنچ کر قومی پرچم لہرایا۔ٹریکرز نے ا صوبائی حکومت کی جانب سے سپورٹ پر خراج تحسین کیا ہے، خیبرپختونخوا ٹورازم اتھارٹی کی جانب سے ٹریکرز کو قومی پرچم، ٹی شرٹس، کیپس اور پانی کی بوتلیں ودیگر سہولیات فراہم کی گئیں۔

،تریچ میر ٹریکنگ کے دوسرے مرحلے کاآغاز، ٹریکرزچترال سے براستہ  پختوری،اوویر شبرونز اور پھر شوخورشال کیمپ پرقیام کرنے کے بعدآخری روز تریچ میر بیس کیمپ پہنچیں گے 

Posted on July 25, 2025July 25, 2025

،تریچ میر ٹریکنگ کے دوسرے مرحلے کاآغاز، ٹریکرزچترال سے براستہ  پختوری،اوویر شبرونز اور پھر شوخورشال کیمپ پرقیام کرنے کے بعدآخری روز تریچ میر بیس کیمپ پہنچیں گے

چترال (نمائندہ چترال ٹائمز)وزیراعلیٰ خیبرپختونخواعلی امین گنڈاپور کی ہدایات اور صوبائی حکومت کے تعاون سے تریچ میر بیس کیمپ ٹریکنگ کا دوسرا گروپ چترال سے تریچ میر کیلئے روانہ ہوگیا۔ خیبرپختونخوا کلچراینڈٹورازم اتھارٹی اورتریچ میر بیک پیکرز کلب کے زیر انتظام ٹریکنگ کے دوسرے مرحلے میں 20 افراد پر مشتمل گروپ چترال سے براستہ موروئی، کوغزی، ریشن سے گلغاری پختوری پہنچے گے جہاں قیام کے بعد دوسرے روز اوویر شبرونز سے ٹریکنگ کا آغاز کرتے ہوئے شوخورشال کیمپ پر پڑاؤ ڈالے گے۔ ٹریکرز اگلے روز اوویر شبرونز سے شوخورشال کیمپ اور پھر تریچ میر بیس کیمپ تک جائینگے۔ڈپٹی کمشنر لوئر چترال راؤ ہاشم عظیم مہمان خصوصی تھے جنہوں نے تمام ٹریکرز کو خوش آمدید کہا اور نیک تمناؤں کیساتھ انہیں رخصت کیا۔

تقریب سے خطاب کرتے ہوئے ڈپٹی کمشنر لوئر چترال راؤ ہاشم عظیم کا کہنا تھا کہ ٹریکنگ سے نہ صرف مقامی معیشت مستحکم ہوگی بلکہ مقامی ہوٹلز اور پورٹرز کو بھی معاشی طور پر فائدہ ہوگا۔ انہوں نے کامیاب ایونٹ کے انعقاد پر خیبرپختونخوا کلچراینڈٹورازم اتھارٹی کو خراج تحسین پیش کرتے ہوئے کہاکہ اس ایونٹ کے مستقبل میں نتائج ملیں گے اور کثیر تعداد میں ملکی و غیر ملکی سیاح چترال اور تریچ میر چوٹی کا رخ کرینگے۔ خیبرپختونخوا کلچراینڈٹورازم اتھارٹی کی جانب سے ٹریکرز کو ٹی شرٹس، کیپ اور پانی کی بوتلیں فراہم کی گئیں۔ تریچ میر ٹریکرز پر مشتمل تیسرا گروپ اگست کے پہلے ہفتے میں بیس کیمپ کیلئے روانہ ہوگا جس میں ملک کے مختلف صوبوں سے خواتین ٹریکرز شامل ہونگیں۔