آغا خان ہیلتھ سروس کے زیر اہتمام چترال کے دورآفتادہ علاقوں میں ڈینٹل میڈیکل کیمپس کا انعقاد

Posted on October 16, 2021October 16, 2021

چترال (نمائندہ چترال ٹائمز) آغا خان ہیلتھ سروس پاکستان چترال کی زیر نگرانی نور ڈینٹل کلینک کے تحت اپر اور لوئر چترال میں ڈینٹل کیمپ کا انعقاد کیا جارہا ہے اس کیمپ کا مقصد علاقے میں دانتوں کے عام طور پر پائے جانے والے امراض کو بروقت معلوم کرنا اور علاج کرنا ہے اس کیمپ کی نگرانی آغا خان ہیلتھ سروس پاکستان کے کنسلٹنٹ ڈینٹل سرجن ڈاکٹر علی حسین خان کر رہے ہیں جس میں پورٹیل ایکسرے،پورٹیک ڈینٹل چیئر پورٹیک آٹو کلیو مشیں (بی کلاس آٹو کلیو) شامل ہیں ان کے علاوہ دانتوں کی صفائی،دانتوں کی بھرائی،دانت نکلوان،فاصلے والی دانتوں کا خوبصورت علاج،ٹوٹے ہوئے دانتوں کا علاج،خراب دانتوں کی رگین کاٹ کر دانتوں کا بہتریں علاج جو کہ دانت نکالنے کے بجائے دانتوں کا بہتریں علاج ہے کی سہولت میسر ہوگی۔
یہ کلینکس 16اکتوبر سے 25اکتوبر تک جاری رہیں گے۔ ان میں آغا خان میڈیکل سنٹر بونی کے علاوہ آغا خان ہیلتھ سنٹر بریپ، بانگ، چوئنچ، ہرچین، آرایچ سی مستوج اور بی ایچ سی شغور شامل ہیں

آغا خان ہائر سیکنڈی سکول کوراغ کا اعزاز، انٹرنیشنل مقابلے میں گولڈ مڈل حاصل کیا

Posted on September 10, 2021September 13, 2021

کوراغ ( چترال ٹائمز رپورٹ ) دنیا بھر کے سکولوں میں ریاضی ، لسانیات، سائنس اور کمپیوٹرکے مقابلے ایک تنظیم ( KSF-PAK)کے زیراہتمام ہوتا ہے۔ اس میں گریڈ 8 سے گریڈ 12 تک کے طلباء و طالبات حصہ لیتے ہیں اور اس مقابلے میں دنیا بھر سے 36 ممالک سے زائد سکولو ں کے طلباء و طالبات حصہ لیتے ہیں۔

اس سال مقابلہ ریاضی ( international Kangaroo Mathematics Contest ) مقابلے میں آغاخان ہائر سیکنڈری سکول کوراغ کی79 طالبات نے حصہ لیتے ہوئے شاندار کارگردگی کا مظاہرہ کیا جن میں سے جماعت دہم کی طالبہ اشفین گل دختر گل سفید ساکن چنار مستوج نے طلائی طمعے کے ساتھ ایک یو ایس بھی حاصل کرلیا۔ اس کے ساتھ باقی طالبات کو اعزازی سرٹفیکیٹ اور انفرادی تجزیاتی رپورٹ سے بھی نوازا گیا۔

اس کے علاوہ بہترین کارکردگی کی بنیاد پر پرنسپل سلطانہ برہان الدین کو گولڈ میڈل جبکہ بہترین فسلٹیشن کی بنیاد پر سٹوڈنٹ کا ؤنسلر ثمینہ محمود کو سلور میڈل سے نوازا گیا ۔ مسلسل کارگردگی کی بنیاد پر سکول ہذا کو آئیندہ ٹسٹ سنٹر کے طور پر بھی منظور کرلیا گیا جو سکول ہذا کی طالبات کے لئے ایک خوش آئند بات ہے۔ گزشتہ دن کامیاب ہونے والی طالبات میں انعامات تقسیم کیا گیا اور پرنسپل کی طرف سے خصوصی شاباشی دی گئی۔

آغا خان ہائر سیکنڈری سکول کوراغ میں یوم دفاع کی منفرد تقریب

Posted on September 7, 2021September 7, 2021

کوراغ ( چترال ٹقائمز رپورٹ ) آغا خان ہائر سیکنڈری سکول کوراغ میں اس سال یوم دفاع منفرد انداز میں منایا گیا۔ ہم نصابی سرگرمی کے مختلف کلبز نے اپنی طرف سے ایک الگ انداز اپنائے۔  ارنمنٹیشن کلب کی طرف سے سکول کو مختلف ماڈل سے سجایا گیا تھا جس میں طالبات کے بنائے ہوئے مختلف جنگی سامان،ھتیار، شہداء کی تصویریں اور میدان جنگ کا ماڈل شامل تھا۔  کمپئرنگ بارھویں جماعت کی طالبات ہما میر اور البینہ ہاشمی نے انجام دی۔ نعت جماعت دہم کی نورالایمان نے پیش کی۔

گیارھویں جماعت کی سبینہ اکبر نے چترالی شہداء کے لواحقین  میں سےچھے کے خاندانوں سے انٹرویوز ویڈیو کی صورت میں پیش کیا۔ ان  مختلف لوگوں کے تاثرات پیش کئے جو یا  1965 کی جنگ میں شامل تھے یا اس وقت فوج میں تھے۔جماعت دہم کی طالبات کی طرف سے یوم دفاع کے حوالے سے ڈرامہ جب کہ جماعت ہشتم کی طالبات نے ٹیبلو پیش کیے۔ سکول کے ایک کونے میں چترالی شہداء کو خراج تحسین پیش کرنے غرض سے ان کی تصاویر کے ساتھ موم بتیاں جلائی گئیں ۔

تقریب سے پرنسپل  سلطانہ برہان الدین نے خطاب کرتے ہوئے سب سے پہلے ہم نصابی سرگرمی  کی طالبات کمیٹی کو شاباشی دی اور چترالی شہداء کے ساتھ ملک بھر کے غازیوں اور شہداء کو بہت عقیدت کے ساتھ خراج تحسین پیش کیا اپنے خطاب میں کہا کہ ”  ہمیں لگتا ہے ملک کا دفاع صرف  فوج ہی کرسکتی ہے لیکن دیکھا جائے تو ہر فرد اپنی ذات میں ملک کا دفاع کرسکتا ہے ہم اگر بندوق لے کر سرحدوں پر کھڑے نہیں ہوسکتے تو اور کئی طریقوں سے ملک کی حفاظت کرسکتے ہیں بشرطیکہ  ہم میں اخلاص ہو، محبت ہو، عہد وفا ہو۔ ان سب کے لیے اخلاص کا ہونا بہت ضروری ہے” یوں  یہ منفرد تقریب اختتام پذیر ہوئی۔