آغا خان ہائر سیکنڈری سکول کوراغ میں خواتین کے عالمی دن کی مناسبت سے تقریب

Posted on March 8, 2023March 9, 2023

آغا خان ہائر سیکنڈری سکول کوراغ میں خواتین کے عالمی دن کی مناسبت سے تقریب

کوراغ ( چترال ٹایمز رپورٹ ) ہر سال 8 مارچ کو دنیا بھر میں خواتین کے عالمی دن مختلف تھیم کے ساتھ منایا جاتا ہے جس کا مقصدخواتین کے حقوق کا اجاگر کرنے کے ساتھ ساتھ معاشرے میں برابر کا مقام دینے کے بارے میں آگاہی ہے۔ اس سلسلے میں دنیا بھر میں پروگرامات،تقاریب اور آگاہی واک کا اہتمام کیا جاتا ہے۔ اسی تسلسل میں ایک پروگرام آغاخان ہائرسیکنڈری سکول کوراغ میں منعقد کیاگیا۔

پروگرام کا آغاز تلاوت کلام پاک سے کیا گیا۔سکول میں جا بجا خواتین کے حوالے سے مختلف پیغامات پر مشتمل چارٹ آویزاں کئے گئے تھے۔پروگرام کی نظامت گیارھویں جماعت کی طالبات فہمیکہ علی اور آمنہ کریم کر رہی تھی۔ فہمیکہ علی نے خواتین مارچ کا تاریخی پس منظر بیان کیا۔اور اس سال کا تھیم DigitALL: Innovation and technology for gender equality, کا پس منظر بتایا۔ جس کا مقصد صنفی مساوات کے لئے جدت اور ٹیکنالوجی کی ضروریات کو فروغ دینے اور اہمیت کو اجاگر کرانا ہے۔ پروگرام میں جماعت ہشتم کی طالبہ دعا نظارنے نعت پیش کیا۔ گیارھویں جماعت کی طالبہ مہوش نے خواتین کے عالمی دن کی مناسبت سے پریزینٹیشن دی جس میں معاشرے بچے بچیوں کی برابری اور خود اعتمادی کے حوالے سے تھی۔ گیارھویں جماعت کی ثانیہ سید نے خواتین کے موضوع پر اپنی انگریزی نظم پیش کی۔

 

اس کے علاوہ مختلف طالبات نے سفر،قیام اور گھریلو زندگی پر مبنی تجربات، تحفظات،اقدامات اور تجاویز پیش کیں جو پد سری معاشرے میں خواتین کو درپیش مسائل کے متعلق تھیں۔ آخر میں سکول کے پرنسپل سلطانہ برہان الدین نے خواتین کیعالمی دن کے پس منظر کو جدید دنیا اور جدید پس منظر کے مطابق پیش کیا انہوں نے اپنی تقریر میں “جینڈر اور جنس” کے درمیان فرق سے متعلق سیرحاصل گفتگو کی۔ اس کے علاوہ طالبات سے مخاطب ہوتے ہوئے کہا کہ بحیثت عورت ہمیں کسی مہم کا حصہ بننے سے زیادہ مسائل کا حل تلاش کرنے اور ہمیں تربیت میں تبدیلی لانے کی ضرورت ہے کیوں کہ جس پدرسری نظام پر ہمیں اعتراض ہے وہ بھی ہماری تربیت کا نتیجہ ہے لہذا بطور ماں،بہن،بیوی اور بیٹی کے ہم اپنا کردار مثبت طریقے سے ادا کریں گے تو آنے والی نسلوں کو اس نظام سے کوئی شکایت نہیں ہوگی۔ اسی عہد کے ساتھ یہ پروگرام اختتام پزیر ہوا۔

آغا خان ہائر سیکنڈری سکول کوراغ کا ایک اور کا میا بیوں سے بھرا سال – تحریر: عبداللہ خان

Posted on February 12, 2022February 12, 2022

آغا خان ہائر سیکنڈری سکول کوراغ کا ایک اور کامیابیوں سے بھرا سال – تحریر: عبداللہ خان

کسی بھی تعلیمی ادارے کے لیے اس سے بڑھ کر کوئی اعزاز نہیں کہ اس ادارے میں پڑھنے والے کامیابی کی سڑھیاں چڑھیں۔
کچھ ایسا آغا خان ہائر سیکنڈری سکول کے اس سال میں ہوا کہ ایک سال میں ادارہ ہذا سے 12 طالبات میڈیکل سیٹ میں،8 طالبات BSCN کے ٹسٹ میں ،2 طالبات بیرونی ہونیورسٹیز کی سیٹ میں جبکہ 1 طالبہ LUMS میں داخلہ لینے میں کامیاب ہوئی ہے۔

یہ ایک صوبائی ریکارڈ بن گیا ہے کہ ایک کلینڈر سال میں میڈیکل سیٹ میں ایک اردے سے 12 طالبات کامیاب ہوئی ہیں۔ تفصیلات کے مطابق سال 2021 کے بیچ میں 8 طالبات صوبائی میڈیکل سیٹ کے اوپن میرٹ میں کامیاب ہوئی ہیں/جبکہ 4 طالبات ملک کی سب سے بڑی یونیورسٹی آغا خان میڈیکل یونیورسٹی میں ایم ایم سیٹ سنھبالی ہیں اسی طرح MDCAT کے ٹسٹ میں کامیاب ہونے والوں میں کوغذی سےلائیبہ نور، انارہ تانیہ حسین پرکوسپ، عالیہ فرح غفارآوی، کائنات قبادمستوج، رخسار عامر چرون، مرورید افسرکوراغ، رخسانہ تسنیم لاسپوراور ثوبانہ رحمان ریشن شامل ہیں ۔ اس طرح اے کے یو میں الوینہ محمد خان بونی ، نازیہ مہوش بریپ، افسانہ پری لٹکوہ اور شازیہ ولی لاسپورشامل ہیں۔UCA کے ٹسٹ میں ماہین علی میر بونی اور سدرہ عالم کامیاب ہوئی ہیں۔ پاکستان کی سب بڑی یونیورسٹی LUMS میں سو فیصد سکالرشپ پر بھی ایک طالبہ مہک عالم بونی داخلہ لینے میں کامیاب ہوئی ہے۔ اس طرح اسی سال کے ہی 8 طالبات اے کے یو میں BSCN پروگرام میں داخلہ لینے میں کامیاب ہوئی ہیں۔ اور یاد رہے MDCAT کے ریزو سیٹ کے رزلٹ کا آنا باقی ہے جس میں 4 اور طالبات ویٹنگ لسٹ میں موجود ہیں۔ صوبہ خیبر پوختونخواہ کے اندر پہلی بار ایسا ہوا ہے کہ ایک سال میں ایک ادارہ اتنی کامیابیاں سمیٹی ہو۔

ان سب کی کامیابی پر آغا خان ہائرسیکنڈری سکول کوراغ کی پرنسپل سلطانہ برہان الدین نے اپنے ایک پیغام میں اس کامیابی کو طالبات اور اساتذہ کی محنت اور ٹیم ورک کا نتیجہ قرار دیا ہے اور شاباشی دیتے ہوئے کہا کہ آئندہ بھی اس طرح کی کامیابی کے لیے پُرامید ہیں۔اس سلسلے میں سکول ہذا کو چترال کے ہر مکتبہ فکر سے تعلق رکھنے افراد کے تحسینی پیغامات موصول ہورہے ہیں جس کے لیے ہم شکرگزار ہیں۔ الغرض یہ سال بہت سے چلینجز کے باوجود سکول کے لیے ایک کامیاب سال رہا ہے۔