وزیراعلیِ خیبرپختونخوا علی امین گنڈاپور اور مشیر اطلاعات بیرسٹر سیف کا سینئر صحافی گل حماد فاروقی کی وفات پر اظہارتعزیت
وزیراعلیِ خیبرپختونخوا علی امین گنڈاپور اور مشیر اطلاعات بیرسٹر سیف کا سینئر صحافی گل حماد فاروقی کی وفات پر اظہارتعزیت
پشاور ( چترال ٹائمزرپورٹ ) وزیر اعلی خیبر پختونخوا سردار علی امین گنڈاپور نے سینئر صحافی گل حماد فاروقی کے انتقال پر اظہار افسوس کرتے ہوئے لواحقین سے تعزیت کی ہے۔ سوگوار خاندان کے نام یہاں سے جاری اپنے تعزیتی بیان میں وزیر اعلی نے مرحوم کے اہل خانہ سے دلی ہمدردی کا اظہار کرتے ہوئے مرحوم کی مغفرت اور پسماندگان کے لئے صبر جمیل کی دعا کی ہے اور کہا ہے کہ وہ اہل خانہ کے غم میں برابر کے شریک ہیں۔
دریں اثنا خیبر پختونخوا کے مشیر اطلاعات بیرسٹرڈاکٹر سیف نے صحافی گل حماد فاروقی کے انتقال پر اظہار افسوس کرتے ہوئے کہا ہے کہ گل حماد فاروقی ہمیشہ آزادی صحافت کے حامی رہے۔اپنے ایک تعزیتی بیان میں انہوں مرحوم کے درجات کی بلندی اور سوگوار خان کو یہ صدمہ صبر و استقامت سے برداشت کرنے کی دعا کی ہے۔ اپنے تعزیتی بیان میں مشیر اطلاعات بیرسٹرڈاکٹر سیف نے کہا کہ گل حماد فاروقی کی وفات علاقے اور شعبہ صحافت کیلئے ایک بڑا نقصان ہے،خیبرپختونخوا کی صحافت میں انکی خدمات کو ہمیشہ یاد رکھا جائیگا۔