مادری زبانوں کے عالمی دن کے موقع پرچترال میں تقریب اور اگہی واک
مادری زبانوں کے عالمی دن کے موقع پرچترال میں تقریب اور اگہی واک
چترال ( نمائندہ چترال ٹائمز ) مادری زبانوں کے عالمی دن کے موقع پر ضلعی انتظامیہ چترال اور یوتھ آفس کے اشتراک سے ایک تقریب ضلع کونسل ہال چترال میں منعقد ہوا۔ جس میں ڈپٹی کمشنر لوئر چترال محمد عمران خان مہمان خصوصی تھے۔ جبکہ صدر محفل کے فرائض ممتاز غزل گو شاعر و ادیب ذاکر محمد زخمی تھے۔ مہمانان اعزاز میں معروف مزاحیہ شاعر و صداکار اقبال الدین سحر،شہزادہ فہام عزیز اور یوتھ آفیسر سردار علی وزیر شامل تھے۔فدا محمد نے بطور آرگنائزر خدمات انجام دیں۔ تقریب میں بڑی تعداد میں زبانوں سے تعلق رکھنیوالیدانشور، محققین،ادباء اور کالج و یونیورسٹیوں کے طلباء و طالبات نے شرکت کی۔ پروگرام کی نظامت ماہرتعلیم عالمگیر بخاری نیکی۔ اس موقع پر مہمان خصوصی ڈپٹی کمشنر چترا ل محمد عمران خان نے زبانوں کے عالمی دن کے حوالے سے خطاب کرتے ہوئے کہا۔ کہ زبان کسی بھی برادری اور قوم کی شناخت ہوتی ہے۔جس کی حفاظت اپنی شناخت کو زندہ رکھنے کے مترادف ہے۔ چترال میں کھوار زبان و ادب اور سپورٹس کی ترقی کیلئے میری خدمات کی جہاں بھی ضرورت پڑے۔ مجھے اپنے ساتھ پائیں گے۔ تقریب میں پروفیسر ظہورالحق دانش نے “مادری زبانوں کی اہمیت” فرید احمد رضا نے ” کثیر اللسانی تعلیم بین النسلی تربیت کا ایک قومی ستون ” شیر عظیم مڈگلشٹی نے “مڈگلشٹی زبان” نابیگ ایڈوکیٹ نے “کالاشہ زبان کی تاریخی اہمیت اور چترال پر کالاشہ قوم کی حکومت اور موجودہ وقت میں کالاشہ زبان کے تحفظ میں چترال کے لوگوں کے مثبت کردار کے حوالے سے جبکہ عبدالوکیل سوز ویزیٹنگ لیکچرر اُردو، جامعہ چترال نے چترال میں گجری قبیلہ اور گجری زبان کے حوالے سے اپنے مقالات و خیالات پیش کئے۔ ممتاز شاعر و صداکار اقبال الدین سحر نے اپنی زبان کے تحفظ اور فروغ کو ہر ایک کیلئے ضروری قرار دیا۔ تقریب کے آ خر میں ایک آگہی واک کیا گیا۔ جو ضلع کونسل اور سیکرٹریٹ روڈ سے ہوتا ہوا پریس کلب چترال پہنچ کر اختتام پذیر ہوا۔
