قلم کتا ب کے ساتھ دیگر جملہ ہم نصابی سرگرمیوں میں حصہ لینا ہی جدید دور میں تعلیم کہلائے گی۔ڈائریکٹر کالجز گلگت بلتستان
قلم کتا ب کے ساتھ دیگر جملہ ہم نصابی سرگرمیوں میں حصہ لینا ہی جدید دور میں تعلیم کہلائے گی۔ ڈائریکٹر کالجز گلگت بلتستان
ضلع گلگت کے کھیلوں کے مقابلوں میں ڈگری کالج کے طلبہ حصہ لیں گے۔پرنسپل کالج
گلگت(نمائندہ چترال ٹائمز ) گو رنمنٹ پوسٹ گریجویٹ کالج مناور گلگت میں سپورٹ ویک کے اختتام تقریب تقسیم انعامات کے پروگرام سےخطاب کرتے ہوئے ڈائریکٹر کالجز پروفیسر جمعہ گل نے کہا طلبہ کی انٹرٹینمنٹ کے لئے بہترین پروگرامات کا انعقاد بہت زیادہ ضروری ہے۔ذہنی صحت کے ساتھ جسمانی صحت کی فٹنیس بھی کامیاب معاشروں کی علامت ہوتی ہے۔ہماری کوشش ہوگی کہ کتاب و قلم کے ساتھ دیگر تمام ہم نصابی سرگرمیوں کے انعقاد کے لئے سہولیات مہیا کریں ۔آج کی جدید دنیا میں صرف کلاس لینا اور قلم کتاب کو تھامے رکھنا تعلیم نہیں کہلائے گی بلکہ قلم کتا ب کے ساتھ دیگر جملہ ہم نصابی سرگرمیوں میں حصہ لینا ہی جدید دور میں تعلیم کہلائے گی۔ڈائریکٹر کالجز نے مزید کہا کہ ہر بچے کے اندر ایک خاص ٹیلنٹ ہوتاہے۔ ضرورت اس امر کی ہے کہ روبوٹک دور میں اپنی صلاحتیوں کو اسی انداز میں منظم کرنا ہے۔ جدید دنیا کی ضروریات کو مدنظر رکھتے ہوئے آگے بڑھنا ہے۔طلبہ کو چاہئے کہ اپنے اساتذہ، کالج اور والدین کی خواہشات اور امیدوں کو ملحوظ خاطر رکھ کر زیادہ سے زیادہ محنت کریں اور آگے بڑھیں۔ہم یہ مانتے ہیں کہ طلبہ کی تربیت میں سوسائٹی اور گھر کا کردار بہت اہم ہے تاہم سب سے بڑا کردار اساتذہ اور تعلیمی ادارے کا ہوتاہے۔ہم اساتذہ اور طلبہ کو اسی انداز میں آگے بڑھنا ہوگا۔
تقریب سے خطاب کرتے ہوئے کالج کے پرنسپل پروفیسر اسلم ندیم نے کہا ضلع گلگت کے کھیلوں کے مقابلوں میں ڈگری کالج کے طلبہ حصہ لیں گے ۔مناور کالج گلگت ریجن کے کالجز میں کوئز کمپیٹیشن کا انعقاد کرے گی جس میں تمام بوائز و گرلز کالجزکے طلبہ و طالبات ، میں مقابلہ ہوگا۔کالج انتظامیہ نے فیصلہ کیا ہے کہ جو طلبہ اے گریڈ اور اے پلس میں فرسٹ آئیر پاس کریں گے سیکنڈ ائیر میں ان کی داخلہ فیس معاف کی جائے گی۔ لہذا تمام طلبہ کوشش کریں کہ سب کی فیس معاف ہو۔پوسٹ گریجویٹ کالجز میں سپورٹ کمیٹی کے زیر انتظام فٹ بال، والی بال اور کرکٹ کا ٹورنامنٹ منعقد ہوا۔ ہفتہ کھیلوں میں تمام طلبہ نے حصہ لیا۔ ڈائریکٹر کالجز، پرنسپل ، وائس پرنسپل اور دیگر سینئر اساتذہ نے کھیلوں میں حصہ لینے والے طلبہ، اساتذہ کی معاونت کرنے والی طلبہ ٹیم کو کیش ایوارڈ اور دیگر انعامات سے نواز ا۔جیتنے والی تینوں ٹیموں کے علاوہ مین آف دہ میچ،مین آف دہ سیریز اور نگرانی پر معمور اساتذہ و طلبہ میں بھی انعامات، کیش ایوارڈ اور سرٹیفیکٹ تقسیم کیے گئے۔طالب علم الطاف حیدر نے بہترین سپورٹ ویک کے انعقاد پر ، سپورٹ کمیٹی، پرنسپل ، اساتذہ کرام ، کالج منیجمنٹ اسٹاف، اور معاون ساتھیوں کا شکریہ ادا کیا۔تقریب کے بعد ڈائریکٹر کالجز نے اسٹاف روم میں فیکلٹی ممبران کے ساتھ، کالج کے مسائل ، بی ایس اوراے ڈی اے پروگرام اور دیگر اہم ایشوز پر تفصیلی میٹنگ کی۔ پرنسپل کالج نے انہیں کالج کے مسائل پر بریفنگ دی.
