منی بجٹ لانا پڑے گا، 170 ارب کے ٹیکس لگانے ہوں گے: وفاقی وزیرِ خزانہ اسحاق ڈار
منی بجٹ لانا پڑے گا، 170 ارب کے ٹیکس لگانے ہوں گے: وفاقی وزیرِ خزانہ اسحاق ڈار
اسلام آباد(چترال ٹایمز رپورٹ)وفاقی وزیرِ خزانہ اسحاق ڈار کا کہنا ہے کہ آئی ایم ایف کی بعض اصلاحات پاکستان کے حق میں ہیں، منی بجٹ لانا پڑے گا، 170 ارب کے ٹیکس لگانے ہوں گے، پاکستان کو آئی ایم ایف جائزے کے بعد 1.2 ارب ڈالرز ملنے کی توقع ہے۔وفاقی وزیرِ خزانہ اسحاق ڈار نے آئی ایم ایف مشن کے دورہء پاکستان کے حوالے سے پریس کانفرنس میں تفصیلات بتاتے ہوئے کہا کہ کل ائی ایم ایف سے مذاکرات کا اخری دور ہوا، پاکستان اور آئی ایم ایف نے کئی امور پر اتفاق کیا ہے۔ان کا کہنا ہے کہ موجودہ حکومت آئی ایم ایف سے کیے گئے پروگرام پر اگے بڑھے گی، ائی ایم ایف نے میمورنڈم آف اکنامک اینڈ فنانشل پالیسی فراہم کر دی ہے۔وزیرِ خزانہ اسحاق ڈار نے کہا کہ وزیرِ اعظم شہباز شریف نے بھی ائی ایم ایف کو عمل درامد کی یقین دہانی کرائی ہے، یہ اصلاحات پاکستان کی ضرورت ہیں۔انہوں نے کہا کہ بجلی اور گیس کے نقصانات کم کرنا ہماری ضرورت ہے، تمام متعلقہ اداروں اور وزارتوں نے مل کر کام کیا ہے، پاکستان ائی ایم ایف کا پروگرام مکمل کرے گا۔وفاقی وزیرِ خزانہ کا کہنا ہے کہ آئی ایم ایف سے 170 ارب روپے کے نئے ٹیکس لگانے اور توانائی کے شعبے میں گردشی قرض کو روکنے پر اتفاق ہوا ہے، گیس کے شعبے میں گردشی قرض میں مزید اضافہ روکنا ہے۔
ان کا کہنا ہے کہ عمران خان کے آئی ایم ایف سے کیے گئے معاہدے پر شہباز حکومت عمل درآمد کر رہی ہے، حکومت اور معاشی ٹیم معاہدے پر عمل کے لیے تگ و دو کر رہی ہے، ائی ایم ایف سے توانائی اور دیگر مالیاتی امور پر وسیع مذاکرات ہوئے۔اسحاق ڈار نے کہا کہ آئی ایم ایف سے مذاکرات میں پیٹرولیم، ایف بی آر، پاور سیکٹر نے اپنے روڈ میپ کا ذکر کیا، کل رات تک ہر چیز کو باہمی طور پر طے کر لیا گیا، بعد میں ضرورت کے مطابق وزیرِ اعظم شہباز شریف سے آئی ایم ایف کے مشن چیف، کنٹری نمائندے اور معاشی ٹیم نے زوم میٹنگ کی۔انہوں نے کہا کہ وزیرِ اعظم نے بھی کہا کہ آئی ایم ایف سے معاہدے پر عمل کریں گے، معاہدہ طے پانے کے بعد طریقہ کار کے مطابق ا?ئی ایم ایف کو تفصیلی دستاویز دینی ہوتی ہے،
آئی ایم ایف سے کہا کہ ایم ای ایف پی کی دستاویز ہمیں دے کر جائیں، ایم ای ایف پی کا ڈرافٹ آج صبح 9 بجے ہمیں مل گیا۔وزیرِ خزانہ کا کہنا ہے کہ کچھ ایسے سیکٹر ہیں جن میں اصلاحات کی ضرورت ہے، 5 سال کی معاشی تباہی اور خراب گورننس سے مشکلات پیدا ہوئیں، 10 دن کے ڈائیلاگ کے لیے ہم نے خود کو تیار کر رکھا تھا، ا?ئی ایم ایف کی ٹیم آج صبح واپس چلی گئی ہے، اب پیر کو ائی ایم ایف سے ورچوئل میٹنگ ہو گی۔انہوں نے کہا کہ ٹارگٹڈ سبسڈیز کو کم کیا جائے گا، گیس کے شعبے میں گردشی قرضے کو صفر کرنا ہے، توانائی کے شعبے میں اصلاحات طے کی جائیں گی۔اسحاق ڈار نے کہا کہ گزشتہ 5 سال میں 24 نمبر کی معیشت کو 47 نمبر پر لا کھڑا کیا گیا، بی آئی ایس پی کے تحت 40 ارب کا مزید ریلیف دیا جائے گا، منی بجٹ لانا پڑے گا، خواہ بل کی شکل ہو یا آرڈی ننس کی صورت میں۔ان کا مزید کہنا ہے کہ ہم نے پیٹرول پر سیلز ٹیکس نہیں مانا، انہوں نے یہ بات مان لی ہے، باہمی طور پر اتفاق کیا کہ پیٹرولیم مصنوعات پر سیلز ٹیکس نہیں لگے گا، پیٹرولیم مصنوعات کی قیمتوں میں لیوی کو 5، 5 روپے بڑھایا جائے گا۔وفاقی وزیرِ خزانہ اسحاق ڈار کا یہ بھی کہنا ہے کہ 170 ارب کے ٹیکسز میں جنرل سیلز ٹیکس شامل ہو گا، اس کی تفصیلات فنانس بل میں شیئر کی جائیں گے۔
مریم نواز نے کیپٹن (ر) صفدر کی سرزنش کردی
لاہور(سی ایم لنکس) پاکستان مسلم لیگ (ن) کی چیف آرگنائزر مریم نواز نے اپنے شوہر اور پارٹی رہنما کیپٹن (ر) صفدر کی سرزنش کردی۔ذرائع کے مطابق کیپٹن (ر) صفدر کے حالیہ انٹرویو کے معاملے پر پارٹی کی سینئر نائب صدر اور چیف آرگنائزر مریم نواز نے سرزنش کرتے ہوئے اْنہیں پارٹی پالیسی کے خلاف بیان بازی سے روک دیا۔مسلم لیگ ن کے ذرائع کے مطابق مریم نواز نے ہدایت کی کہ کیپٹن (ر) صفدر سمیت کوئی بھی رہنما آئندہ پارٹی پالیسی سے ہٹ کر بیان نہ دے۔ ہر پارٹی رہنما کوئی بھی بیان دیتے ہوئے پارٹی پالیسی کو لازمی مد نظر رکھے۔مریم نواز نے تنبیہ کرتے ہوئے کہا کہ جو بھی پارٹی پالیسی سے ہٹ کر چلے گا، اس کے خلاف سخت ایکشن لیا جائے گا۔ذرائع کے مطابق کپیٹن (ر) صفدر کو اس پہلے بھی پارٹی پالیسی سے ہٹ کر بیان دینے پر شوکاز نوٹس جاری ہو چکا ہے۔ذرائع کا کہنا ہے کہ مریم نواز بطور چیف آرگنائزز پارٹی پالیسی کا باقاعدہ ہدایت نامہ بھی جلد جاری کریں گی۔