حالیہ بارشوں کے نتیجے میں بالایی چترال کی تیارفصلیں مکمل تباہ، آنے والی سردیوں میں انسانی اور مال مویشیوں کے خوراک کی شدید قلت کا اندیشہ
حالیہ بارشوں کے نتیجے میں بالایی چترال کی تیارفصلیں مکمل تباہ، آنے والی سردیوں میں انسانی اور مال مویشیوں کے خوراک کی شدید قلت کا اندیشہ
چترال ( نمایندہ چترال ٹایمز ) حالیہ بارشوں کے نتیجے میں جہاں سینکڑوں گھر، املاک اور انفراسٹرکچر سیلاب برد ہو گئے وہیں ہزاروں پھلدار و غیر پھلدار درخت ، سینکڑوں مال مویشی اور اپر چترال و لوئیر چترال کے بالائی علاقوں میں گندم کی تیار فصل مکمل طور پر تباہ ہوچکی ہے۔
یہاں یہ بات بھی قابل غور ہے کہ ان علاقوں میں سال میں صرف یہی ایک سنگل فصل ہوتی ہے جو کٹایی کے بعد تھریشنگ کے مراحل میں تھے کہ اچانک بارش میں مکمل طور پر تباہ ہوچکے ہیں ، جس کی وجہ سے انے والی سردیوں میں انسانی خوراک کے ساتھ مال مویشیوں کی چارہ کا بھی شدید قلت کا سامنا کرنا پڑیگا۔
اپر چترال کے مستوج سے لیکر لاسپور ویلی، یارخون ویلی ، تورکہوکھوت اور موڑکہو و لٹکوہ کے بالائی علاقے سو فیصد متاثر ہیں۔
علاقے کے عوام نے صوبائی حکومت اور ضلعی انتظامیہ سے پر زور مطالبہ کیا ہے کہ گندم، مکئی ، ویگر فصلوں کے ساتھ سیب، خوبانی ویگر پھلوں کے نقصانات کا معاوضہ دیاجائے تاکہ انے والی سردیوں میں علاقے کے کاشتکار اپنے اور مال مویشیوں کے لئے خوراک کا بندوبست کرسکیں۔ بصورت دیگر علاقے میں شدید قحط کااندیشہ ظاہرکیا جارہے ۔
