Chitral Times

Sep 26, 2022

ﺗﻔﺼﻴﻼﺕ

سب میرین کیبل سسٹم میں کیبل کٹنے کے باعث پورے ملک میں انٹرنیٹ سروسز متاثر

شیئر کریں:

اسلام آباد(چترال ٹایمز رپورٹ)پاکستان کے ساحل سے تقریباً 400 کلومیٹر دور سب میرین کیبل سسٹم میں کیبل کٹنے کے باعث پورے ملک میں انٹرنیٹ سروسز متاثر ہوگئی۔تفصیلات کے مطابق پاکستان ٹیلی کمیونیکیشن اتھارٹی کی جانب سے بیان میں کہا گیا ہے کہ ٹرانس ورلڈ سب میرین کیبل سسٹم میں ایک کیبل کٹ گئی، جس کے بعد انٹرنیٹ سروسز میں کمی ہوسکتی ہے۔

پی ٹی اے کا کہنا ہے کہ ٹرانس ورلڈ سب میرین کیبل سسٹم 1,300 کلومیٹر پر محیط ہے، جو پاکستان، متحدہ عرب امارات اور عمان کو ملاتا ہے۔پاکستان ٹیلی کمیونیکیشن اتھارٹی نے مزید بتایا کہ پاکستان کے ساحلوں سے تقریباً 400 کلومیٹر دورکیبل کٹی ہے، کنسورشیم انٹرنیٹ فراہمی کے لیے ایڈ ہاک بینڈوڈتھ کا بندوبست کیا جا رہا ہے۔پی ٹی اے کے مطابق خرابی کی جگہ اور انٹرنیٹ کی بحالی کے لیے کوششیں کی جارہی ہیں۔

یاد رہے گذشتہ سال دسمبر میں پاکستان سے افریقا جانے والی انٹرنیٹ سپلائی کیبل میں خرابی کے باعث ایک ٹیرا بائٹ سسٹم سے نکل گئی تھی، جس کے نتیجے میں پاکستان میں انٹرنیٹ سروس متاثر ہوئی تھی۔ترجمان پی ٹی سی ایل نے کہا تھا کہ انٹرنیٹ ٹریفک زیادہ ہونے پر صارفین کو کنیکٹیویٹی کے مزید مسائل کا سامنا کرنا پڑ سکتا ہے۔


شیئر کریں: