ڈی پی او چترال نے کرونا وائرس سے بچاؤ کے بارے میں عوامی آگہی مہم تیز کردی

چترال ( نمائندہ چترال ٹائمز) ڈی پی او چترال وسیم ریاض خان نے ضلع لوئرچترال میں کرونا وائرس سے بچاؤ کے بارے میں عوامی آگہی مہم تیز کردی ہے جس میں مختلف پولیس اسٹیشنوں کے حدود میں میگافون کے ذریعے اور مقامی باشندوں سے ملاقات کرکے انہیں اس مہلک وائرس کے بارے مکمل تفصیلات سے آگاہ کردیا جارہا ہے۔ اس مہم کے دوران پولیس افسران نے دوردراز دیہات میں عوام کو بتایا کہ اس موذی مرض سے بچاؤ نہایت آسان ہے لیکِن علاج بہت زیادہ مشکل۔ انہوں نے بتایا کہ ہم اپنے گھروں کے اندر اپنے آپ کو محدود کرکے ہی اس جان لیوا وائرس کو شکست سے دو چار کر سکتے ہیں۔ دریں اثناء مقامی لوگوں نے چترال پولیس کی کارکردگی کو سراہتے ہوئے ان کے دئے ہوئے ہدایات پر عملدرآمد کی یقین دھانی کرائی۔