ضلعی انتظامیہ کی طرف سے ایون کے آتشزدگی سے متاثرہ بھائیوںمیں امدادی سامان تقسیم
چترال (نمائندہ چترال ٹائمز) ایون کے مقام درخناندہ میں گذشتہ رات آگ لگنے سے دو بھائیوں کے گھرجل خاکسترہوگئے .اورلاکھوں کا نقصان ہوا تھا۔ ڈی سی چترال نوید احمد کی ہدایات پرضلعی انتظامیہ چترال کی طرف سے متاثرین میں ہفتہ کے روز اسسٹنٹ کمشنر چترال عبدالولی خان نے امدادی سامان تقسیم کیے۔
.
امدادی سامان میں ٹینٹ،سلینڈر،رضائیاں،چھٹائیاں،کولراور دیگر سامان شامل تھے۔اے سی چترال نے ضلع انتظامیہ کی طرف سے متاثرین کے ساتھ ہمدردی کا اظہار کرتے ہوئے واقعے پر انتہائی دکھ اور غم کا اظہار کیا۔اُنہوں نے اسطرح کے واقعات سے نمٹنے کے لئے ضلعی انتظامیہ کی طرف سے ایون میں فائر بریگیڈ کی فراہمی کے لئے اعلیٰ حکام کی نوٹس میں لانے کی بھی یقین دہانی کی۔
