سیاسی جماعتوں کی کارکردگی) ہندوکُش کے دامن سے چرواہے کی صدا)

2008 کے انتخابات میں اے این پی و دیگر جماعتوں کی خیبر پختونخوا میں مخلوط حکومت قائم ہوگئی اور رامیر حیدر خان ہوتی پختونخوا کے وزیر اعلیٰ منتخب ہوئے۔ اپر چترال سے غلام محمد صوبائی اسمبلی کی سیٹ جیت گئے۔ اس کا سیاسی تعلق پرویز مشرف کی پارٹی (ق) لیگ سے تھا۔ 2008 کے انتخابات میں اے این پی کا کوئی امیدوار چترال سے کامیاب نہیں ہوا تھا۔ اس کے باوجود اے این پی چترالی عوام کے لیے رحمت ثابت ہوئی۔ چترال کی ترقی کے لیے بڑے بڑے منصوبے شروع کیے گئے۔ ان بڑے منصوبوں میں چند یہ ہیں: بائی پاس روڈ چترال، یونیورسٹی کیمپس چترال، آبنوشی کا بڑا منصوبہ جس میں گولین گول سے لیکر چمرکھن تک پائپ لائن بچھائے گئے، ڑاوی بجلی گھر کا سنگ بنیاد رکھا گیا۔

بائی پاس روڈ چترال کی تعمیر کے لیے سابق وزیر اعلیٰ شیر پاؤ نے افتتاحی بورڈ لگایا تھا لیکن فنڈ نہ ہونے کی وجہ سے ناکام ہوئے۔ اس کے بعد ایم ایم اے کے دور اقتدار میں اکرم خان دورانی نے بھی اس سڑک کے لیے افتتاحی بورڈ لگائے لیکن ترقیاتی فنڈ نہ ہونے کی وجہ سے بائی پاس روڈ تعمیر نہیں کر سکے تھے۔ اے این پی کے دور حکومت میں چترال کی ترقی کے لیے بھر پور کوشش کی گئی۔ ان کی حکومت میں اپر چترال میں کئی پن بجلی گھروں کے سروے مکمل کیے گئے۔ ان میں سے دو بجلی گھروں کی فزیبیلٹی بھی تیار کی گئی۔

اے این پی کی چترال سے اپنے دونوں سیٹ ہارنے کے باوجوداپر چترال میں ریکارڈ ترقیاتی کام کیے۔ خاص کر موڑکھو میں ان کا ووٹ بینک برائے نام ہونے کے باوجود موڑکھو کی ترقی کے لیے قابل قدر کام کیے۔ موڑکھو میں کیے گئے ان کے بڑے منصوبوں میں زنانہ ہائی سکول وریجون کو ہائرسیکنڈری کا درجہ دینا، مردانہ ہائی سکول وریجون میں امتحانی ہال کی تعمیر، سہت میں زنانہ مڈل سکول کا قیام، ایک کلومیٹر بلیک ٹاپ روڈشامل ہیں۔ علاوہ ازیں آر ایچ سی ہسپتال موڑکھو کا افتتاح بھی حاجی غلام محمد صاحب نے کیا۔ ان کے علاوہ بھی کئی عوامی مسائل حل کیے گئے۔ موجودہ ایم پی اے کا تعلق موڑکھو سے ہے اور اپر چترال میں اکثریتی ووٹ بھی موڑکھو سے ہی ان کو ملے ہیں۔ ان سب کے باوجود وہ اپنے حلقے کے مسائل ان تین سالوں میں حل کرنے میں ابھی تک ناکام رہے ہیں۔ ان مسائل میں سرفہرست ٹی ایچ کیو ہسپتال بونی کو ڈی ایچ کیو کا درجہ دینا، مردانہ ہائی سکول وریجون کو ہائرسیکنڈری کا درجہ دینا اور موڑکھو کے آر ایچ سی ہسپتال کو ٹی ایچ کیو کا درجہ دینا شامل ہیں۔

وریجون ہیڈکوارٹر تک دو کلومیٹر بلیک ٹاپ روڈ تاحال تعمیر نہ ہوسکا۔ابھی تک ان عوامی مسائل کو حل کرنے کے لیے ایم پی اے نے کوئی ٹھوس اقدام نہیں کیے ہیں۔ موجودہ قومی اسمبلی کا ممبر جناب عبدالاکبر صاحب نے اپنے پچھلے دورِ حکومت میں اپر چترال کے عوام کو محض وعدوں اور نغروں سے بہلاتا رہا۔ اس وقت بھی ایم این اے صاحب کے فنڈ سے اپر چترال میں کوئی ترقیاتی کام نہیں ہورہے ہیں۔2018 کے انتخابات میں موڑکھو سے مولانا عبدالاکبر صاحب کو سب سے زیادہ ووٹ ملے تھے لیکن جب وہ انتخابات میں کامیاب ہوئے تو موڑکھو کے عوام کو جلد نظر انداز اور فراموش کردیا۔ ایم این اے صاحب گزشتہ انتخابی مہم کے دوران موڑکھو کے عوام کے ساتھ نہر اتہک کے مسئلے کو جلد حل کرنے کا وعدہ کیا تھا جو ابھی تک پورا نہیں ہوا اور آئندہ بھی ہونے کا کوئی امکان نہیں ہے۔ اپر چترال میں خاندان کے مقام پر سابق ایم این اے افتخار الدین صاحب کی کوششوں کے نتیجے میں گرڈ سٹیشن کی منظوری ہو چکی تھی جوکہ موجودہ ایم این اے کی عدم توجہ کے باعث ابھی تک گرڈ سٹیشن کا قیام عمل میں نہیں آیا۔ گرڈ سٹیشن کے قیام میں تاخیر کی وجہ سے اپر چترال کے عوام کو مشکلات کا سامنا کرنا پڑرہا ہے۔

ایم این اے کی ناقص کارکردگی کی وجہ سے اپر چترال کے عوام مایوس ہوچکے ہیں۔ اب ان کی پارٹی کے لوگ بھی ان سے ناخوش اور ناراض دکھائی دے رہے ہیں جوکہ آنے والے وقتوں میں مولانا صاحب کی سیاسی مستقبل کے لیے اچھی شگون نہیں ہے۔ ان کی مایوس کن کارکردگی پارٹی کو بھی لے ڈوبے گی۔ اس وقت خیبر پختونخوا میں پی ٹی آئی کی حکومت کو آٹھ سال پورے ہوچکے ہیں۔ گزشتہ آٹھ سالوں سے پی ٹی آئی کی صوبائی قیادت چترالی عوام کے ساتھ سوتیلی ماں کا سلوک کررہی ہے اور اپنی پارٹی کا امیدوار منتخب نہ ہونے پر چترالی عوام سے سیاسی انتقام لیا جارہا ہے۔موجودہ صوبائی حکومت چترال لوئر اور اپر میں کوئی بڑے ترقیاتی منصوبے تعمیر نہیں کر سکے۔ خاص کر اپر چترال کو مسلسل نظر انداز کیا جارہا ہے۔ اس کا واضح ثبوت وزیر اعلیٰ کے دورے کا شیڈول طے ہونے کے باوجود اپر چترال کا دورہ منسوخ کرنا ہے۔

بار بار اپر چترال کو نظر انداز کرنے پر پی ٹی آئی کے عہدیداراں اور کارکنوں میں بھی مایوسی اور بددلی پھیلی ہوئی ہے۔ موجودہ صوبائی حکومت اپر چترال کو الگ ضلع کا درجہ دینے کے بعد اس نئے اور پسماندہ ضلعے کی تعمیر و ترقی کے لیے کوئی خصوصی فنڈ فراہم نہیں کی۔ ترقیاتی فنڈ مہیا نہ ہونے کی وجہ سے کاغذی ضلع بنا ہوا ہے۔ پی ٹی آئی کی ضلعی قیادت کو اپر چترال کی ترقی اور عوامی مسائل کو حل کرنے کی طرف بھر پور توجہ دینی چاہیے۔ اگر حالات جوں کے توں رہے تو آنے والے انتخابات میں پی ٹی آئی کے امیدوار کے لیے عوام کا سامنا کرنا مشکل ہوگا۔ اپر چترال میں ترقیاتی کام نہ ہونے کی وجہ سے بے روزگاری میں اضافہ ہورہا ہے۔ دوسری طرف مہنگائی میں بے تحاشہ اضافہ ہونے کی وجہ سے موجودہ حکومت کے خلاف عوام میں غم وغصہ بڑھ رہا ہے۔

پی ٹی آئی کی ضلعی قیادت کو اپر چترال کی تعمیر و ترقی اور عوامی مسائل کے حل کی طرف صوبائی حکومت کی توجہ مبذول کراکے اپنے علاقے کے مسائل حل کرنے کی کوشش کرنی چاہیے۔

چند ماہ قبل ایک ڈرائیور کے ساتھ سفر کرنے کا اتفاق ہوا۔ موصوف نے اپنی گاڑی کے میڑپر اپنے بچوں کی تصاویر چسپاں کر رکھی تھیں۔ ڈرائیور کی اپنے خاندان سے والہانہ محبت میرے لیے قدرے تعجب کا باعث بنی اور اوراس انوکھے انداز محبت کی وجہ پوچھے بنا نہ رہ سکا۔ موصوف مسکرائے اور بولے میں جیسے جیسے رفتار بڑھاتا ہوں تو مجھے میڑ پر گردش کرتی سوئی اپنے خاندان کی یاد دلاتی ہے اورمیں تیز رفتاری سے رک جاتا ہوں۔جلدروانگی اور متوسط رفتار محفوظ زندگی کی ضامن ہے۔ تیز رفتاری خدانخواستہ آپ کی آخری روانگی ثابت ہو سکتی ہے۔ ٹریفک حادثات کا شکار افراد کا عالمی دن منانے کا آغاز1993میں ہوااور2005سے اقوام متحدہ نے اسے باضابطہ طور پر منانے کا آغاز کیا۔یہ دن سالانہ نومبر کے تیسرے ہفتے میں دن دنیا کے بیشتر ممالک، مختلف تنظیموں اور طبقات کی جانب سے منایا جا تا ہے۔دنیا بھر میں سالانہ تقریبا1.3ملین افراد روڈ حادثات کے باعث زندگی کی بازی ہار جاتے ہیں۔عالمی ادارہ صحت کے مطابق دنیا بھر میں تقریبا ہر 24سیکنڈز میں دنیا کے کسی نہ کسی خطے میں ایک فرد روڈ حادثات کی وجہ سے لقہ اجل بن جاتا ہے۔ تناسب کے حساب سے روزانہ تقریبا3,700افراد روڈ حادثات میں ابدی سفر پر روانہ ہو جاتے ہیں جبکہ لگ بھگ20-50ملین جان لیوا زخموں کا شکار ہو تے ہیں جو اکثر اوقات عمر بھر کی معذوری کا سبب بن جاتے ہیں۔ ٹریفک حادثات کے سبب اخراجات کا حجم اکثر ممالک کی جی ڈی پی کا3%بنتا ہے جبکہ ٹریفک حادثات میں زخمی ہونے والے93%افراد کا تعلق غریب اور متوسط ممالک سے ہے جبکہ ان ممالک میں دنیا بھر کی کل ٹریفک کا حصص60%ہے۔

ٹریفک حادثات5سے29کی عمر کے افراد میں اموات کی ایک بڑی وجہ ہے جبکہ15سے44سال کی عمر کے افراد دنیا بھر میں ہونے والے50% ٹریفک حادثات کا موجب گردانے جاتے ہیں۔ دیگر ممالک میں سفر کے دوران صحت مند امریکی افرادکی موت کی ایک بڑی وجہ ٹریفک حادثات ہیں۔ عالمی بینک کی رپورٹ کے مطابق بھارت ٹریفک حادثات کی وجہ سے اموات میں پہلے نمبر پر ہے جبکہ بھارت میں دنیا بھر کے مقابلے میں صرف 1%گاڑیاں پائی جاتی ہیں اس کے برعکس عالمی سطح پر ٹریفک حادثات کے سبب وقوع پذیر ہونے والی اموات کا11%حصص بھارت کے حصے میں آتا ہے۔ بھارت میں سالانہ تقریبا450,000حادثات رونما ہو تے ہیں جن میں 150,000افراد لقہ اجل بن جاتے ہیں۔ ہر گھنٹے میں اوسطا53ٹریفک حادثات جبکہ ہر 4منٹ میں ایک موت واقع ہوتی ہے۔ ٹریفک حادثات کے سبب سب سے زیادہ شرح اموات افریقی ممالک میں پائی جاتی ہے۔ کم آمدن اور متوسط طبقے سے تعلق رکھنے والے افراد امیر افراد کی نسبت زیادہ حادثات کا شکار ہو تے ہیں۔

نوجوان عورتوں کی نسبت نوجوان مردوں میں ٹریفک حادثات کی شرح کافی زیادہ ہے۔73%ٹریفک حادثات 25سال سے کم عمر نوجوان مردوں کی وجہ سے رونما ہو تے ہیں اور ان حادثات میں ان کی شرح اموات خواتین کے مقابلے میں 3%زیادہ ہے۔ ٹریفک حادثات کے سبب اموات کی بہتات کو صرف انسانی غلطی سے پاک ٹریفک کا نظام کے زریعے کم کیا جا سکتاہے۔ اگر ہم انتہائی خطرناک، جان لیوا اور مہلک زخموں کا سبب بننے والے حادثات کی روک تھام کو یقینی بنائیں تو موجودہ صورتحال کو کافی حد تک کم کیا جاسکتا ہے۔ اوسط حد رفتار میں 1% اضافے کی صورت میں حادثہ کا امکان 4%بڑھ جا تا ہے جبکہ یہی اضافہ اگر 3%تک ہو جائے تو انتہائی خطرناک حادثہ درپیش آسکتا ہے۔ 50سے60کلو میٹر فی گھنٹہ کی رفتار سے گاڑی چلانے پر پیدل چلنے والے افراد میں 4.5%بڑھ جاتا ہے جبکہ اسی رفتارپر گاڑی کی آگے والی نشستوں پر براجمان افراد میں یہ شرح 85%تک بڑھ جاتی ہے۔

نشے کی حالت یا نفسیاتی دباؤمیں گاڑی چلانے کی صورت میں شرح اموات اور مہلک زخموں کا امکان کئی گنابڑھ جا تا ہے۔ درست طریقے سے ہیلمٹ پہننے سے شدید جان لیوا زخموں میں 42% جبکہ شرح اموات میں 69%کمی لائی جا سکتی ہے۔ سیٹ بیلٹ باندھنے شرح اموات 45سے50%تک کم ہو جاتی ہے اور گاڑی کی پچھلی نشستوں پر بیٹھنے والوں میں شدید زخموں کا امکان25%تک گر جاتا ہے۔ کم عمر ڈرائیوروں پر پابندی پرعمل درآمد کی صورت میں حادثات کو 60%تک کم کیا جا سکتا ہے۔گاڑی چلاتے ہوئے موبائل کے استعمال سے حادثات کا امکان 4گنا بڑھ جا تا ہے۔ ہمیں اپنی سڑکوں کو اس انداز سے بنانا ہے تاکہ یہ ہر طرح کے استعمال کندگان کے لیے محفوظ ہوں۔ ہم اقوام متحدہ کے وضع کر دہ ٹریفک قوانین اور اصول و ضوابط پر سختی سے عمل کر کے قیمتی جانوں کا ضیائع روک سکتے ہیں۔ حادثے کے بعد بروقت ابتدائی طبعی امداد کسی مسیحا سے کم ہر گز نہیں ہے۔ ہمیں کوشش کر کے اس کی جلد اور بروقت فراہمی کو تیز تر کرنے کا تہیہ کر نا ہوگا۔ متذکرہ بالا عوامل کے مکمل خاتمے کے لیے دنیا بھر کے ممالک کو یکجا ہو کر ٹھوس اقدامات اٹھانے ہوں گے۔

اس سلسلے میں ترقی یافتہ ممالک ترقی پزیر اور غریب ممالک کی تکنیکی اور مالی مدد کے لیے آگے بڑھیں تا کہ انسانی جان کو محفوظ تر بنانے میں اہم کردار ادا کیا جاسکے۔ اقوام متحدہ کے2010کے عشرہ برائے عمل میں تقریبا110ممالک شامل ہیں جنہوں نے دنیا بھر میں لاکھوں افراد کو ٹریفک حادثات کے باعث لقمہ اجل بننے سے روکنے کا عہد کیا ہے تاہم مطلوبہ اہداف حاصل کرنے میں کامیابی نہیں ہوئی۔ ورلڈہیلٹھ آرگنائیزیشن کی 2018کی رپورٹ کے مطابق عالمی سطح پر ٹریفک حادثات سے بچاو کے لیے ممالک کی تعداد 175ہو چکی ہے۔2021-2030کے لائحہ عمل میں بھی ماضی کے لائحہ عمل والے اہداف ہی دہرائے گئے ہیں۔ اگر ہم اس لائحہ عمل میں تیزرفتاری کو کم کرنے کے اقدامات کو عملی جامہ پہنانے میں کامیاب ہو گئے توعالمی سطح پر حادثات میں 50%کمی واقع ہو جائے گی۔

یہ بات حیران کن ہے کے غریب ممالک میں دنیا بھر کی محض 1%ٹریفک موجود ہے جبکہ ٹریفک حادثات کے سبب شرح اموات 13%ہے۔اس کے برعکس ترقی یافتہ ممالک میں دنیابھر کی40%ٹریفک موجود ہے اور حادثات کی شرح 7%ہے۔ ریسکیو1122کے مطابق 1.6منٹ میں ایک حادثہ رونما ہوتا ہے اور ریسکیو1122پنجاب میں روزانہ تقریبا1000ٹریفک حادثات  سے نبرد آزما ہوتی ہے۔ سال 2004میں لگ بھگ 3ملین ٹریفک حادثات رونما ہوئے جن میں سے اکثریت موٹرسائیکل سواروں کی تھی۔اوسطا1000خاندان نفسیاتی پیچیدگیوں کا شکار ہوئے کیونکہ ان کے خاندان کا واحد کفیل یا تو جان کی بازی ہار گیا یا عمر بھر کے لیے معذور ہوگیا۔ دنیا بھر میں مہذب اقوام منظم ٹریفک سے پہچانی جاتی ہیں۔ سڑک پر حفاظت ایک کلچر ہے جسے ٹھوس اقدامات کے زریعے مضبوط بنایا جا سکتا ہے۔ ہمیں نہ صرف ڈرائیوئنگ لائنسس کے اجراء کے معیار کو بہتر بنانا ہے بلکہ ٹریفک حادثات سے متعلق عوامی آگاہی کے ساتھ ساتھ اسے اپنے نصاب کا حصہ بنانا ہے۔ جب تک ہم ٹریفک قوانین پر عمل درآمد کو یقینی نہیں بنائیں گے تب تک ٹریفک حادثات کے سبب قیمتی جانوں کے ضیائع کو روکا نہیں جا سکتا ہے۔

الیکشن ریفارم اور سمندر پار پاکستانیوں کو ووٹ کا حق دینا خان صاحب کا ایک عظیم کارنامہ ہے۔جو لوگ 1970 کے الیکشن کے علاوہ تمام الیکشنز کو دھندلی زدہ قرار دینا اور ہر ایلکشنز کے بعد ایک دوسرے کو مختلف القابات سے نوازنا ایک معمول بنا چکے ہیں۔اس سے جمہوری روایات اور ادارے کمزور ہو جاتے ہیں۔جو بھی ہار تا ہے اسکو پتہ ہونے کے باوجود الیکشن کو دھندلی زدہ کہہ کر دوبارہ امیدیں باندھتا ہے۔ان روایات کو ختم ہونا چاہیے۔دور جدیدمیں ٹیکنالوجی سے کوئی انکار نہیں کر سکتا ہے۔ہمارے جیب میں موبائل سے لیکر کھانے پینے،سفر کرنے اور پہنے کے اشیاء ٹیکنالوجی کی مرہون منٹ ہے۔جس طرح ٹیکنالوجی نے زندگی کے ہر شعبے میں انقلاب برپا کر رکھی ہے۔

اگر ایک دن میں پورے پاکستان میں الیکٹرانک مشین کے ذریعے الیکشن منعقد کرنے کا سوال ہو۔ اس بات سے انکار نہیں کیا جاسکتا ہے۔کہ یہ ایک مشکل کام ہوگا، کہ ایک ہی دن پورے پاکستان میں الیکشن منعقد ہوسکے ۔لیکن اگر مرحلہ وار بھی ہوجائے تو اس میں کوئی قباحت نہیں ۔رہی بات اپوزیشن کی تو اپوزیشن کا کام ہی گورنمنٹ کو ٹف ٹائم دینا ہوتا ہے،بہت کم ایسے کام ہوتے ہیں کہ دونوں متفق ہوں۔اس میں کچھ سیاستدان ڈرے ہوئے ہیں،کہیں الیکٹرانک ووٹنگ مشین ان کا کام ہی تمام نہ کردے۔اندرونی سندھ سے لے کر جنوبی پنجاب سے ہوتے ہوئے بلوچستان اور کے پی کے کچھ علاقوں میں ووٹنگ شفاف ہوتے ہیں یہ صرف بات کی حد تک درست ہے۔یہ واقع میں ان لوگوں کیلئے ہضم کرنا مشکل ہوگا۔باقی کچھ ہمارے دوستوں نے رٹ لگا رکھی ہے۔کہ اسکو ہیگ کیا جاسکتا ہے۔جب تک کوئی چیز انٹرنیٹ سے ربط میں نہ ہو تو اسکو ہیک کرنا کوئی آسان کام نہیں۔یہ پاکستانی آئی ٹی سپیشلسٹ کا اپنا بنایا ہوا مشین ہے۔جسکا انٹرنیٹ سے کوئی کام ہی نہیں ہے۔اور ساتھ ساتھ تھرڈ پارٹی ویریفائڈ مشین ہے

دنیا کے جن ممالک میں ووٹنگ کیلئے ٹیکنالوجی استعمال ہوتی ہے۔ان میں اسٹونیا 2005 سے،نمیبیا میں 2014سے، انڈیا میں 1998 سے، فلپائن میں 2010سے، برازیل میں 2000 سے، منگولیا 2010 سے، امریکا 1960 سے، کرغزستان میں ،عراق 2018 سے باقاعدگی سے الیکشن میں استعمال ہوتے ہیں۔جن ممالک میں جزوی طور پر استعمال ہوتے ہیں ،ان میں کینیڈا، بیلجیئم، فرانس، روس ،ایران اور ارجنٹینا شامل ہیں ۔اب جن ممالک میں ازمائش میں ہیں ان میں انڈونیشیا، بنگلہ دیش، بلغاریہ اور ناروے شامل ہیں ۔اب جن ممالک میں ان مشین کو استعمال کرنا چھوڑ دیا ہیں ان میں ائیر لینڈ ،پیراگوئے، نیدرلینڈز، جرمنی شامل ہیں۔جن ممالک نے استعمال کرنا چھوڑ دیا ہیں ان میں کہیں بھی دھندلی یا ہیک کا کی ڈر سے ختم کئے، کہیں بھی ثابت نہیں ہوئے۔جرمنی میں کورٹ نے اس سسٹم کو معطل کئے رکھا ہے۔باقی اگر دیکھے جائے تو دنیا کے ترقی پذیر ممالک الیکٹرانک ووٹنگ کی طرف آرہے ہیں ۔آخرکار یہ ایک حقیقت ہے کہ ہم ٹیکنالوجی سے انکار نہیں کرسکتے ہیں۔اس میں خامیاں ہوسکتے ہیں۔لیکن وہ آپس میں مل کر ہی دور کیا جاسکتا ہے۔ارتقا کے عمل سے ہی ہر چیز میں پختگی ممکن ہے۔

اس کے ساتھ ساتھ خان صاحب نے سمندر پار پاکستانیوں کو ووٹ کا حق دے کر ان سے کیا ہوا وعدہ پورا کیا۔جوکہ ایک نیک شگون کام ہے۔اس چیز سے کوئی انکار نہیں کرسکتا ہے ،کہ سمندر پار پاکستانیوں کا اس ملک کی ترقی اور خوشحالی میں خاطرخواہ حصہ شامل ہیں۔سمندر پار پاکستانی دن رات محنت کرکے خاطیر رقم ڈالر کی صورت میں بھیجتے ہیں۔جو ملک کی اکانومی کو بحال رکھنے میں اہم کردار ادا رہے ہیں۔پچھلے مالی سال میں سمندر پار پاکستانیوں نے خاطیر 2۔24 بلیں ڈالر بھیجے جو ملک کی بیلنس آف پیمنٹ برقرار رکھنے میں اہم کردار ادا کر رہے ہیں۔پاکستان جیسے ملک جسکی ایکسپورٹ مشکل سے 4۔28 بلیں ڈالرز ہوں،اور امپورٹ 50 بلین ڈالرز ہوں،تو خدانخواستہ اگر ہمارے سمندر پاکستانی یہ خاطیر رقم نہ بھیجتے ۔تو آپ خود اندازہ لگالیں ہمارے اکانومی کا کیا حال ہونا تھا۔بتانے کا مطلب خان صاحب نے سمندر پار پاکستانیوں کو ووٹ کا حق دے کر کوئی احسان نہیں کیا بلکہ ان کا ہمارے اوپر احسان کا بوجھ تھوڑا ہلکا ہوگا۔
تیسری بات گلبھوش کا معاملہ ہے۔جو کہ اس وقت انڈیا کی طرف سے انٹر نیشنل کورٹ آف جسٹس میں لے جایاگیا تھا۔ انٹرنیشنل کورٹ آف جسٹس نے دونوں فریقین انڈیا اور پاکستانی وکلاء کے پینل کو سننے کے بعد ریمارکس میں پاکستان کے موقف کو تسلیم کیا تھا اور ساتھ ساتھ پاکستان کوکچھ ریکامینڈیشن دئے تھے کہ وہ گلبھوشن کو سفارتی رسائی دے دیں۔انٹرنیشنل کورٹ آف جسٹس اقوام متحدہ کا ایک ذیلی ادارہ ہے۔ایک ذمہ دار ممبر کی ممبر کی حیثیت سے ہم ان کے ریکامینڈیشن ماننے کے پابند ہیں۔ورنہ انڈیا ہمارے خلاف اسکو ایک آلہ کے طور پر استعمال کر سکتی ہے۔سفارتی رسائی کا مطلب کھبی بھی یہ نہیں کہ انکو رہا کیا جائگا۔سفارتی رسائی کا مطلب ان کے ملک کے سفارت کا ان سے ملاقات کر سکیں گے۔باقی وہ ایک سزا یافتہ ملزم ہے۔

عجلت ہی صحیح ملک میں ریفارم کی طرف پہلا قدم اٹھایاگیا ہے۔ مستقل قریب میں مختلف ڈیپارٹمنٹس میں ریفارمز سے فائدہ صرف عوام کو ہی ہوگا۔جس طرح الیکشن کے مشکل ترین مراحل کو ایک آنگوٹھے کی کلیک کے ذرائع آسان بنایا گیا ہے۔اسی طرح مستقبل میں عدالتی نظام ،صحت کے نظام ،تعلیم کے نظام،پولیس کے نظام اور دوسرے اداروں میں جدید دنیا کے ضروریات کے مطابق ریفارمز کے ذریعے عوام کے لئے مزید آسانیاں پیدا ہونگے۔

استاد کی عمر 76بر س ہے شاگرد 32بر س کا ہے استاد نے کار ل مارکس کو 1968ء میں پڑھا تھا شاگرد نے 2010میں کار ل مارکس کو پڑھا، چی گویرا کو اپنا آئیڈیل بنا یا پھر لینن اور ما زو ے تنگ سے لیکر فیدل کا سترو تک ہر سامراج دشمن کو اپنا آئیڈیل قرار دیا ایک بڑے ادارے میں اہم عہدے پر فائز ہے استاد کے ساتھ اکثر بحث و تکر ار کی نوبت آتی ہے جب پا کستا نی سو سائٹی، ملکی سیا ست اور معیشت کا ذکر آتا ہے تو شاگرد کا پارہ چڑھ جا تا ہے استاد کہتا ہے زندگی اعتدال کا نا م ہے، اعتدال سے جو ہٹ گیا زندگی کی لذت سے محروم ہوا، شاگرد کہتا ہے یہ بھی کوئی زندگی ہے ایک شخص کار خا نے کا ما لک ہے.

دوسرا شخص اسی کار خا نے میں مزدوری کر تا ہے مہینے کے آخر میں ما لک 2ارب روپے کما تا ہے مزدور کو 20ہزار روپے ملتے ہیں یہ بھی کوئی زندگی ہے ایک شخص افسر ہے اُس کو گاڑی ملی ہے ڈرائیور ملا ہے، سجا سجا یا گھر ملا ہے دوسرا شخص دربان ہے وہ سائیکل پر دفتر آتا ہے یہ بھلا کونسی زندیگ ہے؟ استاد کہتا ہے کتا بی دنیا سے با ہر آجا وگے تو تمہا را واسطہ عملی دنیا سے پڑے گا عملی دنیا میں سر ما یہ دار اور افیسر کی بھی ضرورت ہے، جج اور جرنیل کی بھی ضرورت ہے، مزدور، ڈرائیور اور در بان کی بھی ضرورت ہے سب کو مزدور بنا و گے تو انتظام اور اہتما م کون کرے گا؟ سب کو سر ما یہ دار بنا و گے تو راج، مزدوراور مستری کہاں سے لاؤ گے؟ شاگرد نہیں مانتا وہ کہتا ہے شہر کی بڑی عما رتیں چند لو گوں کی ملکیت کیوں ہیں؟ ملک کی زمینوں پر چند خا ندانوں کا قبضہ کیوں ہے؟

استاد کہتا ہے یہ فطرت کا اصول ہے لینن اور سٹا لن نے اس اصول کی نفی کی تو لوگ قحط سے دوچار ہوئے گور با چوف کو 70سال بعد فطرت کے اصولوں کی طرف رجوع کر کے ملک کو بچا نا پڑا ماؤ اور فید ل کا سترو نے فطرت کے اصو لوں سے انحراف نہیں کیا ان کا نظام بدلتے حا لات کے ساتھ خود بخود بدلتا رہا یہ فطرت کا اصول ہے کہ اعتدال دیر پا ہو تا ہے افراط و تفریط کی عمر مختصر ہو تی ہے شاگرد نے عالمی ادب کا مطا لعہ ایک مخصوص عینک کے ساتھ کیا ہے اس لئے وہ ”ففتھ جنریشن وار“ جیسے جدید نظریات کا قائل نہیں وہ اس بات کا بھی قائل نہیں کہ دشمن نے ملک کو نقصان پہنچا نے اور قومی وحدت کو کمزور کرنے کے لئے مختلف گروہوں کے در میان نفرت کی دیوار یں حا ئل کر رکھی ہے شاگر د کی نظر میں آدھا گلا سی خا لی ہی ہو تا ہے.

وہ نہیں ما نتا کہ دشمن نے نفرت کی دیوار حا ئل کر کے کا لج اور یو نیور سٹی والوں کو مسجد اور مدرسہ والوں سے دور کر دیا، قانون دانوں اور ججوں میں نفرت کی دیوار حا ئل کر دی، سیا ست دانوں کو صحا فیوں سے بد ظن کر دیا مفتی والوں کو خا کی والوں سے دور کر دیا کوچہ وبازار میں ڈاکٹر وں، انجینروں، اعلیٰ انتظا می افیسروں، سرما یہ داروں اور جا گیر داروں کے خلا نفرت آمیز گفتگو کی داغ بیل ڈال دی ”مسٹر“ کو مو لا نا کے مقا بلے پر کمر بستہ کیا اور مولانا کو ”مسٹر“ کے خلاف صف اراء کر دیا استاد کو پس منظر کی یہ کاروائیاں نظر آتی ہیں مگر شاگرد کو نظر نہیں آتیں وہ آئیڈیل کی تلا ش میں سب کچھ داؤ پر لگانے کو تیا ر ہے کیونکہ اُس نے انقلا بی لٹریچر پڑھا ہے مذاق تھوڑی ہے استاد اور شاگرد کے درمیاں خیالات کی یہ کشمکش آج کل گھر گھر کی کہا نی ہے لیڈروں کے بیا نات اور سیا سی افراتفری سے اس کشمکش میں روز بروز اضا فہ ہو رہا ہے اس کشمکش کا بنیا دی مسئلہ آدھا گلا س ہے آدھا گلا س خا لی کی جگہ پر نظر آئے تو کشمکش ختم ہو گی۔

آج سے سات سال پہلے ریشن میں واقع بجلی گھر سیلاب میں بہہ جانے سے اپر چترال تین سالوں تک مکمل طور پر تاریکی میں ڈوبا رہا۔ اخر کار 2017 کو گولین گول بجلی گھر سے بجلی کی ترسیل شروع ہوئی تو یہاں کے عوام نے سکھ کا سانس لیا اور اللہ کا شکر ادا کیا کہ اب ہمارے علاقے میں بجلی کی قلت ہمیشہ کے لئے ختم ہوجائے گی مگر ان کی امیدوں پر اسوقت پانی پھیر گیا جب اسی سال ہی سردیوں میں بدترین لوڈ شیڈنگ کا سلسلہ پھر سے شروع کیا گیا۔ تحریک حقوق عوام نے کئی احتجاجی مظاہرے کئے تو واپڈا حکام نے موقف اپنایا کہ سردیوں میں بجلی کی پیداوار 108 میگاواٹ سے کم ہوکر 8 میگاواٹ رہ جاتی ہے جو کہ چترال کی ضروریات سے کم ہے اسلئے لوڈشیڈنگ کرنی پڑتی ہے۔ اس پر تحریک حقوق عوام نے اربوں روپے کے پراجیکٹ کی ناقص ڈیزائننگ کرنے والے انجینئرز اور ذمہ داروں کے خلاف انکوائری کرکے انکو سخت سزائیں دینے کا بارہا مطالبہ کیا مگر تاحال ان جعلی انجینئرز کے خلاف کوئی انکوائری نہیں ہوئی۔ پچھلے سال سردیوں میں اپر چترال میں لوڈ شیڈنگ کا دورانیہ 20 گھنٹے تک بڑھائی گئی  

ریشن بجلی گھر کی دوبارہ مرمت کرکے پچھلے مہینے بجلی کی ترسیل شروع ہوگئی تھی۔ بتایا گیا کہ مذکورہ بجلی گھر کی پیدوار پوری اپر چترال کی ضروریات کو پورا کرنے کیلئے ناکافی ہے اسلئے بیار (ریشن سے کارگن تک علاقوں) کو ریشن بجلی گھر سے بجلی فراہم کی جائیگی۔ اس طرح بیار کی ٹرانسمشن لائن ریشن کے مقام پر علحیدہ کردی گئ اور ریشن سے کارگن تک علاقوں کو گولین گول بجلی گھر سے منقطع کرکے ریشن بجلی گھر پر منتقل کر دیا۔ اسی طرح تحصیل تورکہو اور مڑکہو کو گولین گول بجلی گھر سے ہی بجلی کی ترسیل جاری ہے۔۔                        

  ریشن بجلی گھر سے بجلی کی ترسیل ایک مہینے تک بلا تعطل کے جاری رہی مگر کچھ دنوں سے پچھلے سالوں کی طرح غیر اعلانیہ لوڈ شیڈنگ کا سلسلہ پھر سے شروع ہو چکا ہے۔ اج پاور ہاؤس حکام سے رابطہ کرنے پر معلوم ہوا کہ مذکورہ بجلی گھر کی پیدوار ریشن سے کارگن تک کے علاقوں کیلئے نا کافی ہے اور لوڈ شیڈنگ کرنا پڑ رہا ہے۔ ابھی تو نومبر کا مہینہ بھی ختم نہیں ہوا ہے دسمبر، جنوری اور فروری کے مہینے میں کتنی لوڈ شیڈنگ ہوگی یہ آپ سب جانتے ہیں۔بس اب بہت ہوگیا! ہمیں اس سے کوئی سروکار نہیں کہ فلاں بجلی گھر کی پیدوار زیادہ ہے اور فلاں کی کم

۔ ہمیں بجلی چائیے بلا تعطل کے۔ اب ہم مزید ظلم برداشت کرنے کیلئے بلکل تیار نہیں ہیں۔ میں پیڈوحکام، واپڈا حکام، حکومت اور انتظامیہ سے بھرپور مطالبہ کرتا ہوں کہ لوڈ شیڈنگ کو بند کرکے بجلی کی بلا تعطل  ترسیل کو یقینی بنائیں بصورت دیگر ہم عوام کو لیکر سڑکوں پر نکلنے کیلئے ہمہ وقت تیار ہیں۔ ہم اپنے جائز حقوق کی حصول کیلئے آخری حد تک جانے سے دریغ نہیں کریں گے۔                      

پرویز لال انفارمیشن سیکریٹری تحریک حقوق اپر چترال

ڈرگ ریگولیٹری اتھارٹی پاکستان نے فارماسیوٹیکل اور ہربل کمپنیوں اور ڈاکٹروں کے لئے اخلاق جاری کردیا ہے جس کے تحت دوا ساز کمپنیوں کو پابند بنایاگیا ہے کہ وہ مریضوں کے لئے ادویات تجویز کرنے کے بدلے ڈاکٹروں کو نقد رقوم،انعامات کی صورت میں گاڑی، بنگلے اور دیگر قیمتی تحائف نہیں دے سکتیں۔فارماسیوٹیکل کمپنیوں اور ڈاکٹروں کے رابطہ کار پر مبنی ضابطہ اخلاق وفاقی کابینہ کی منظوری سے جاری کیا گیا ہے۔دوا ساز ادارے ڈاکٹروں کے اہل خانہ اور دیگر افراد کے سفری اخراجات برداشت نہیں کریں گے۔ ڈاکٹروں کواپنے محکمے کی طرف سے این او سی لائے بغیر غیر ملکی سفر کے اخراجات نہیں دئیے جائیں گے۔تعلیمی اور سائنٹیفک کانفرنسوں کے لیے رقوم کی فراہمی بھی روک دی گئی۔ تمام طبی تعلیمی کانفرنسیں ملک کے اندر منعقد کی جائیں گی اور طبی کانفرنسوں کے دوران تفریحی پروگرام، مہنگے کھانے اور تحائف دینے پر بھی پابندی ہوگی۔

ضابطہ اخلاق کے تحت دوا ساز اداروں کو ڈاکٹروں کے ذاتی تفریحی اور سفری اخراجات اور ان کے خاندانوں کے لئے تفریحی سرگرمیوں کے انعقاد پر بھی پابندی عائد کی گئی ہے۔ڈرگ ریگولیٹری اتھارٹی کی جانب سے ضابطہ اخلاق پر عمل درآمد کی نگرانی کے لئے کمیٹی تشکیل دی گئی ہے۔بعد از خرابی بیسیار ہی سہی، ڈریپ کا نیا ضابطہ اخلاق عوام کی جان و مال کے تحفظ کے لئے ناگزیر تھا۔ پاکستان کے ہر شہر کی گلی کوچوں میں ادویات تیار کرنے والے ادارے قائم کئے گئے ہیں جو اپنی مصنوعات کی فروخت کے لئے ڈاکٹروں کو پرکشش مراعات دیتے ہیں۔یہ دوائیاں ڈاکٹروں کے کلینک سے متصل مخصوص میڈیکل سٹورز پر ہی دستیاب ہوتی ہیں۔

یہ ادارے نیشنل اور ملٹی نیشنل مشہور کمپنیوں کا لیبل لگاکر جعلی ادویات تیار کرتے ہیں اور انہیں اصلی ادویات کی قیمت پر مریضوں کو فراہم کیاجاتا ہے۔ غیر معیاری خام مال استعمال کرکے آٹھ دس روپے کی دوائی تیار کرکے چار پانچ سو روپے میں فروخت کی جاتی ہے۔ جس میں ڈاکٹر، میڈیکل سٹور کے مالک اور کمپنی کے نمائندوں کا حصہ ہوتا ہے۔ ڈاکٹر حضرات ہر مریض کو دس بارہ مختلف اقسام کی دوائی تجویز کرتے ہیں جان بچانے کے لئے غریب لوگ قرضہ لے کر بھی وہ دوائیاں خریدنے پر مجبور ہوتے ہیں ان غیر معیاری اور جعلی ادویات کے استعمال سے مرض ٹھیک ہونے کے بجائے مزید شدت اختیار کرتا ہے۔اور ڈاکٹروں کو جاں بہ لب مریض کا آپریشن کرکے مزید ہزاروں روپے کمانے کا موقع مل جاتا ہے۔

طبی کانفرنسوں میں شرکت کے لئے سالانہ سینکڑوں ڈاکٹر بیرون ملک سرکاری خرچے پر جاتے تھے۔ جن پر کروڑوں روپے خرچ ہوتے ہیں۔ اور فائدہ کچھ بھی نہیں ہوتا۔ ڈریپ کی طرف سے اندرون ملک طبی کانفرنسوں کے انعقاد کے احکامات سے جہاں میڈیکل کے شعبے میں تحقیق کو فروغ ملے گا وہیں میڈیکل کے طالب علموں کو بھی فائدہ ہوگا۔ڈریپ کو صرف ضابطہ اخلاق جاری کرنے پر ہی اکتفا نہیں کرنا چاہئے۔بلکہ اس پر سو فیصد عمل درآمد کو بھی یقینی بناناہوگا تاکہ اپنے ذاتی مالی مفادات کے لئے انسانی جانوں سے کھیلنے والوں کو قانون کے کٹہرے میں لایاجاسکے اور طب کے مقدس اور معتبر شعبے پر لوگوں کا اعتماد بحال ہوسکے۔

جان بچانے والی ادویات کی قیمتوں کو بھی عام آدمی کی قوت خرید تک لانے کے لئے ڈرگ ریگولیٹری اتھارٹی کو سنجیدگی سے غور کرنا چاہئے۔خود سرکار کے اعدادوشمار بتاتے ہیں کہ گذشتہ دو سالوں کے دوران 200اقسام کی ادویات کی قیمتوں میں 300فیصد تک اضافہ ہوا ہے۔ جن میں گلی کوچوں میں تیار ہونے والی ادویات بھی شامل ہیں۔ ادویات کی قیمتوں میں ہوشرباء اضافہ دکھی انسانیت کے زخموں پر نمک پاشی کے مترادف ہے۔ عوام کی جان و مال اور عزت و آبروکا تحفظ حکومت کی سب سے اولین ذمہ داری ہے اور دکھی انسانیت کے زخموں پر مرہم رکھنا بھی اس ذمہ داری میں شامل ہے۔

تقسیم ہند سے ایک طرف ہندوئوں کو آزادی ملی تو دوسری جانب مسلمانوں نے ایک قطعۂ ارض حاصل کرلیا، ہندوئوں کے نزدیک تصور آزادی محض یہ تھا کہ بدیشی راج باقی نہ رہے اور کاروبار حکومت دیسیوں، ملکیوں (ہندوئوں) کے ہاتھ آجائے، یہ اس کی منزل مقصود تھی، اب جب وہ یہاں تک پہنچ گئے تو وہ مطمئن ہیں کہ وہ آزادی حاصل کرنے میں کامیاب ہوگئے، لیکن مسلمانوں کی حالت مختلف تھی، یہ ایسی آزادی کو منزل نہیں متصور کرتے، ان کے نزدیک آزادی نشانِ منزل ہے، لیکن اب وہ کشمکش میں مبتلا ہیں کہ:ایماں مجھے روکے ہے جو کھینچے ہے مجھے کفرکعبہ مرے پیچھے ہے کلیسا مرے آگےآج ہماری یہی کیفیت ہے کہ ہم بادیٔ النظر سیاسی آزادی سے تو ہمکنار ہوچکے، لیکن فکر سے محروم اور تہی ہیں۔ آزادی، غیر کی غلامی (سیاسی استیلا) کی عدم موجودگی کی سلبی کیفیت کا نام نہیں، آزادی مثبت شے ہے،

یہ لاالٰہ کی وادی میں صرف حاصل نہیں ہوتی بلکہ گلستان الا اللہ کی دائمی بہار ہے، آزادی ظلمت نہیں کہ عدم نور کا نام ہو بلکہ یہ نور کی مثبت موجودگی ہے کہ جس سے زندگی کا ہر گوشہ صد خاو بداماں ہوجاتا ہے، یہی وجہ ہے کہ آزادی خارج سے مسلط نہیں کی جاسکتی لیکن اس کا فوارہ اعماق قلوب سے پھوٹتا ہے۔ یہ اُس وقت تک مثبت کیفیت نہیں بنتی جب تک ’’مابا تفہیم‘‘ کے تغیر و تبدل کی آئینہ دار نہ ہو۔ یہ حقیقت ہے کہ ہمارے آبا و اجداد نے جس خطۂ زمین کے لئے قربانیاں دیں اس کا ہم صرف اندازہ کرسکتے ہیں، محسوس نہیں کرسکتے، بہرحال دنیا نے ہر قوم کی عظمت کو آزادی کے پیمانوں سے ماپا اور اسی کے معیاروں سے جانچا ہے، سوال یہ پیدا ہوتا ہے کہ آزادی بالآخر کیا شے ہے، جو انسان کے لئے اس درجہ مرغوب و مقصود بن چکی کہ اگر آزادی وہی ہے جس کا غلغلہ ہم سات دہائیوں سے سن رہے ہیں تو ہمیں حیرت ہے کہ انسان کو کیا ہوگیا کہ اس نے اس کی خاطر زمین اور انسان کو ایک کر رکھا ہے۔ ہم دیکھتے ہیں کہ سوائے اس ظاہری شوروغوغا اور سطحی دھوم دھام کے ہماری حیاتِ اجتماعیہ میں کوئی تبدیلی پیدا نہیں ہوئی۔ ایسا محسوس ہونے لگا ہے کہ ہم وہیں ہیں، جہا ں تاریخ آزادی کے وقت تھے، بلکہ ایک لحاظ سے اس سے بھی کچھ پیچھے۔

ہم بظاہر آزاد ہیں، قانونی اور بادیٔ النظر آئینی معنوں میں پوری طرح آزاد، لیکن کیا واقعتاََ ہم جس آزادی کو آزادی سمجھتے ہیں اس کے نتائج سے ہم دوچار ہیں؟ کیا یہی وہ آزادی ہے جس کے نغمے فطرتِ انسانی کے ساز سے ہمیشہ ابھرتے، ابلتے رہتے ہیں؟ کیا ہم خود اس قسم کی آزادی کا مطالبے کیا کرتے تھے؟ اگر آزادی اسی کیفیت (بلکہ عدم کیفیت) کا نام ہے تو ہمیں اعتراف کرلینا چاہیے کہ تاریخ کی رصدگاہوں کے تمام نقوش باطل ہیں یا ہم نے کہیں’’دھوکا‘‘ کھایا ہے۔ کہنے کو ہم آزاد ہیں، ہر معنی میں آزاد، لیکن اب نہ جانے آزادی کا احساس کیوں نہیں ہوتا کہ آزادی کے جب بھی تجارب ہوئے تو ہم نے کون سی تبدیلی پیدا کی کہ جس کے باعث اس آزاد نما زندگی کو سابقہ غلامی کی زندگی پر ترجیح دیں، تو ظاہر ہوا کہ اس بظاہر آزادی میں کسی ایسی شے کی کمی ہے جس سے آزادی اور غلامی میں چنداں امتیاز نظر نہیں آتا۔ آئیے دیکھیں کہ ’’سب باقی ہیں تُو باقی نہیں ہے‘‘ کے مصداق کون ’’تُو‘‘ہم میں نہیں، آئیے دیکھیں کہ اس ہیلمٹ کی داستان میں وہ کون شہزادہ گم ہے، جس سے یہ داستان اس درجہ بے کیف ہوکر رہ گئی ہے۔

تاریخ کے ادوار میں آپ کو خدا کے منکرین مل جائیں گے، لیکن کسی دور میں ایسا کوئی گروہ نہیں ملے گا جس نے آزادی کی عظمت سے انکار کیا ہو، انسانی تاریخ کیا ہے؟ اپنی اپنی آزادی کے تحفظ کی جدوجہد کی مسلسل داستان، مختلف ادوار میں نمار ید و فراعنہ زماں اور اکاسر و قیاصر دہر، ہمیشہ اس کوشش میں رہے کہ کمزور انسانوں کے سینے سے آزادی کی تمنا کو مٹادیا جائے، لیکن کمزور و ناتواں انسانوں نے اپنا سب کچھ لٹنا اور مٹنا گوارا کرلیا مگر آزادی کی حسین آرزوؤں کو اپنے دل کے کاشانوں سے کبھی مٹنے نہیں دیا، اس نے قرباں گاہ پر اپنی عزیز ترین متاع حیات کی بھینٹ چڑھادی، لیکن اس کی آن پر کبھی حرف نہیں آنے دیا، تاریخ کے ریگ ِساحل پر ان گنت موجیں آئیں اور مختلف نقوش کو بہاکر ساتھ لے گئیں، لیکن کوئی نقش ایسا تھا جو اس کی مسلسل تگ و تاز کے باوجود کبھی مٹ نہ سکا، عوام کا تقاضا اور ان کی کیفیت جداگانہ رہی۔

عوام غیر مطمئن ہیں کیونکہ ان کی جس خلش کو برسوں ابھارا گیا، اب انہیں محسوس ہونے لگاہے کہ اس کے ثمرات سے وہ مستفید نہیں ہورہے بلکہ لگتا ہے کہ صرف وہی طبقات و افراد مطمئن ہیں جن کے قلب میں کوئی خلش نہیں، کیونکہ ان کے پیش نظر ذاتی مناصب و شخصی منافع تھے وہ ان کے حصول میں مصروف ہیں، جہاں تک اربابِ اختیار کا جو تصور سیاست ہے، موجودہ بے یقینی حالات بھی ان کے لئے اطمینان بخش ہیں، وہ تو خود تو مطمئن ہیں لیکن جو مطمئن نہیں انہیں وہ شبہ کی نگاہ سے دیکھتے ہیں اور یہ سمجھتے کہ شاید یہ دیوانے باغی اور مخالف ہیں، عوام کی تسکین کا اب بھی کوئی سامان نہیں، حتیٰ کہ روٹی کا مسئلہ جو غریب کے سامنے سب سے پہلے آتا ہے، اس کا بھی کوئی اطمینان بخش حل نہیں۔ جو اہل دانش اس ضمن جو حل پیش کرتے ہیں تو انہیں شک کی نگاہ سے دیکھا جاتا ہے۔

تھیوکریسی کا مقصد رجعت پسندانہ اور خود غرضانہ ہیں، ارباب ِاختیار کی روش منافقانہ ہے، عوام کے تحت الشعور کا کوئی علاج نہیں، وہ غیر مطمئن ہیں، جنوں زدہ طبقے میں بغاوت کے آثار ہویدا ہیں، ایسے میں کیا ہوگا؟، اس عدم اطمینان اور منافقت کی طبقاتی گرداب سے قوم بچ سکتی ہے تو کسی صاحبِ فکر اور قانون کے درست سمت اختیار کرنے کے صدقے سے۔ کیونکہ مستقبل اس کے ہاتھ میں ہوگا جس کا سینہ کشمکش کی آماج گاہ بھی بن سکے۔

بیدار ہوں دل جس کی فغانِ سَحری سے
اس قوم میں مُدّت سے وہ درویش ہے نایاب

ہندوکُش کے دامن سے چرواہے کی صدا – تماشائی اپوزیشن -عبدالباقی چترالی

کسی بھی جمہوری ملک میں حکمران اور اپوزیشن لازم و ملزوم ہوتے ہیں۔ دونوں کا مقصد ملک اور قوم کی خوشحالی اور بہبود ہوتا ہے۔ جب حکمران جماعت ملکر اور قوم کی ترقی کی خاطر پالیسی اور منصوبے بناتے ہیں تو اپوزیشن جماعتیں ان پالیسیوں اور منصوبوں پر نظر رکھتی ہیں۔ ان میں کوئی کمی خامی ہو تو وہ پارلیمنٹ کے اجلاس میں ان پر بحث کرکے ان کمیوں اور خامیوں کو دور کرنے کی کوشش کرتے ہیں اور اس کے متعلق متبادل رائے دیتے ہیں۔ حکمران پارٹی کوئی اہم قومی پالیسی یا بڑے منصوبے شروع کرتے وقت اپوزیشن جماعتوں کو اعتماد میں لیتی ہے اور ان سے صلاح مشورہ کرتا ہے۔ بدقسمتی سے موجودہ حکمران جماعت اپوزیشن جماعتوں سے مشورہ کرنا تو دُور کی بات ہے اپوزیشن لیڈر سے ہاتھ ملانا اور سلام دعا کرنا بھی اپنی توہین سمجھتی ہے۔وہ اپوزیشن جماعتوں کے نمائندوں کو چور، ڈاکواور لٹیرے جیسے القاب سے نوازتی ہے۔

قومی اسمبلی کا اجلاس شروع ہوتے ہی قانون سازی ہونے کی بجائے ہنگامے اور شور وغُل شروع ہوتی ہے۔ بدقسمتی سے حکمران اور اپوزیشن دونوں جماعتوں میں بعض ایسے ممبران موجود ہیں جو پارلیمنٹ کو مچھلی منڈی بنانے میں بنیادی کردار ادا کرتے ہیں۔ ملک کا پارلیمنٹ گالیوں کی ڈکشنری بن چکی ہے جہاں سے عوام کو وافر مقدار میں نئی نئی گالیاں سننے کو ملتی ہیں۔ ملک کا حکمران عوام کو مدینہ کا درس دیتے ہیں مگر اگلے ہی روز پارلیمنٹ کو گالیوں سے سجا دیتے ہیں۔ ملک کی بڑی سیاسی جماعتیں گزشتہ تین سالوں سے کرپشن کے کیسز بھگت رہے ہیں۔ اپوزیشن جماعتیں اپنا آئینی رول ادا کرنے کی بجائے وہ خود کو حکومت وقت کے انتقام سے بچانے اور اپنی ناجائز دولت اور پارٹیوں کو بچانے کی فکر میں لگے ہوئے ہیں۔ ان کو عوام کی مشکلات اور مسائل کا احساس ہی نہیں۔ موجودہ حکمرانوں کی نااہلی اور ناتجربہ کاری کی وجہ سے ملک میں مہنگائی کا طوفان آیا ہوا ہے۔ یہ ملکی تاریخ کی بدترین مہنگائی ہے اور یہ موجودہ حکمرانوں کی ناقص معاشی پالیسیوں کا منہ بولتا ثبوت ہے۔

مشکل کی اس گھڑی میں اپوزیشن جماعتیں عوام کا ساتھ دینے کی بجائے خاموش تماشائی بنے ہوئے ہیں۔ کبھی کھبار چھوٹے موٹے جلسے جلوس کرکے عوام کی ہمدردیاں حاصل کرنے کی ناکام کوشش کرتے نظر آتے ہیں۔ وہ اس بدتریں مہنگائی کے خلاف کوئی بڑی تحریک چلانے کے لیے آمادہ نظر نہیں آرہے۔ اپوزیشن جماعتوں کو عوام کی مشکلات اور ملک سے کوئی دلچسپی نہیں۔ ان کو اپنے سیاسی مفادات عزیز ہیں۔ اگر اپوزیشن جماعتیں حقیقت میں عوام کی نمائندگی کرتیں توموجودہ نااہل حکمرانوں کا تین سال تک اقتدار میں رہنا ناممکن تھا۔موجودہ حکومت اپوزیشن کی نااہلی کا فائدہ اٹھا کرغریب عوام پر مہنگائی کا بم برسا رہی ہے کیونکہ حکمرانوں کا راستہ روکنے والا کوئی نہیں ہے۔ مسلم لیگ (ن) کی قیادت لندن میں بیٹھ کر ملکی حالات کا تماشہ دیکھ رہی ہے اور ملک کے غریب عوام کی بے بسی پر خوش ہورہی ہے۔ وہ پاکستانی عوام سے اس لیے ناراض اور ناخوش دیکھائی دے رہا ہے کیونکہ جب ان کو اقتدار سے ہٹایا گیا تو ان کا خیال تھا کہ پاکستانی عوام بھی ایسے ہی ان کے لیے اپنی جانوں کا نذرانہ پیش کرے گی جس طرح چند سال قبل ترکی میں اردگان حکومت کو ختم کرنے کے لیے فوجی کاروائی کی گئی تو ترکی کے عوام نے اردگان کی حکومت کو بچانے کے لیے اپنی جانوں کا نذرانہ پیش کیا تھا۔

اردگان ترکی کے عوام کے لیے سایہ کی طرح ہیں اور انکے دکھ درد کا ساتھی ہیں۔ اس لیے ترک عوام نے حکومت بچانے کے لیے اپنی جانوں کی قربانی دی۔ ہمارے ملک کے سابق وزیر آعظم نواز شریف صاحب بھی پاکستانی عوام سے ایسی ہی قربانی چاہتے تھے کہ پاکستانی عوام بھی ترک عوام کی طرح ان کے اقتدار کو بچانے کے لیے اپنی جانوں کا نذرانہ پیش کریں۔ ہمارے سابق وزیر آعظم صاحب کو یہ بات سوچ لینی چاہیے تھی کہ تین بار ملک کا وزیر آعظم رہنے کے باوجود غریب عوام کی بہتری کے لیے کیا خدمات انجام دیا۔ نواز شریف صاحب کو پاکستانی عوام کا شکرگزار ہونا چاہیے کہ پاکستانی عوام نے تین بار آپ کو ملک کا سربراہ بنادیا۔

پیپلز پارٹی کی قیادت اپنے کرپشن اور لوٹی ہوئی ناجائز دولت کو بچانے کی خاطر کسی بھی در پہ ہمہ وقت سجدہ کرنے کو تیار رہتی ہے۔ ان کو نہ ملک سے کوئی دلچسپی ہے اور نہ ہی عوامی مسائل کا احساس ہے۔ ان کو اپنی مفادات کی فکر ہے۔ اگر وہ ملک اور قوم سے مخلص ہوتا تو پی ڈی ایم کے پلیٹ فارم سے تحریک چلا کر ملک اور قوم کو موجودہ نالائق حکمرانوں سے نجات دلاتا۔ ملک کے عوام حکمرانوں اور اپوزیشن جماعتوں کی کارکردگی جان چکے ہیں اور اپنے اوپر ہونے والے ظلم و زیادتی سے نجات حاصل کرنے کے لیے اس ملک کے غریب عوام کو خود ہی کوئی بڑا فیصلہ کرنا چاہیے۔ 73 سالوں سے ملک میں کبھی فوجی اور کبھی سول حکومتوں کے تحت چلتے ہوئے امیر امیرتر ہوگیا اور غریب غریب تر ہوگیا۔ اب حکومت بدلنے کی بجائے نظام کو بدلنے کا وقت آگیا ہے۔ حکومت بدلنے سے غریب عوام کی حالت نہیں بدلتی ہے۔ اس سے پہلے بھی کئی بار حکمومتیں تبدیل ہوچکی ہیں مگر عوام کی حالت بد سے بدتر ہوتی گئی۔ اس نظام کی تبدیلی کے بغیر ملک اور قوم کی حالت بہتر نہیں ہوسکتی۔ اس نظام کے تحت غریبوں کے لیے الگ قانوں ہے اور امیروں کے لیے الگ قانون موجود ہے۔ جس ملک کا قانون کمزوروں کو سزا دے اور طاقتور وں کو چھوڑدے وہ ملک اور قومیں تباہی و بربادی سے دوچار ہو جاتے ہیں اور ایسے قانون کو جنگل کا قانون کہا جاتا ہے۔

گزشتہ دو دن سے  فاطمہ اپنے ماں کو نہیں دیکھی ہے۔ اُس کو یہ نہیں معلوم کہ کیا ماجرا ہے۔ اور وہ یہ سمجھ بھی نہیں سکتی اگر اُس کو بتایا بھی جائے۔ اُس کو یہ معلوم تھی کہ گھر کے ایک کمرے میں اُس کی ماں ہے جہاں سے اُس کی درد بھری آواز  کبھی کبھار آجاتی ہے لیکن وہ اُسے دیکھ نہیں سکتی تھی۔

 فاطمہ کی یہ تیسری سال  چل رہی ہے اس لئے اب تک وہ اپنے ماں کے بہت قریب اور اُس کے ساتھ زندگی گزار چُکی ہے۔ یہ پہلا موقع تھی کہ وہ دو دن سے ماں سے دور تھی۔  

گھر میں سارے بچے حیران تھے کہ یہ پہلی دفعہ اُنہیں اُس چھوٹے کمرے میں جانے کی اجازت نہیں دی جارہی ، اور پوچھتے ہیں تو بھی اُن کو کہا جاتا ہے کہ فاطمہ کی ماں بیمار ہے۔

فاطمہ سے بڑے تین  اور بہن  ہیں ۔ گھر میں دوسرے بچوں کو بھی معلوم ہے کہ گھر میں بیماری ہے لیکن فاطمہ کی تین سالہ زندگی میں یہ پہلا واقعہ تھی کہ وہ دو دن سے اپنے ماں کو نہیں دیکھی تھی ۔ بس کبھی وہ زیادہ روتی تو اُسے باہر لے جایا جاتا تو ساتھ والے کمرے میں کبھی ماں کی درد بھری آواز آجاتی تھی  تو ایسا لگتا تھا کہ فاطمہ بھی پریشان ، خوف زدہ اور تجسس میں ہے کہ کچھ تو ہے  شاید اسی لئے  وہاں جانے کی ضد بھی نہیں کررہی تھی۔

دو دن سے فاطمہ اپنے باپ کے پاس ہے اور اُسے اپنی بات بتانے کی کوشش کرتی ہے کہ اُس کی ماں کو لایا جائے۔ ہر چند منٹ بعد  ماں کے پاس جانے کیلئے کہتی ہے۔ والد اُسے دلاسہ دے کر کہتا ہے کہ آپ کی ماں آجائے گی، اور کبھی کہتا ہے ٹھیک ہے میں آپ کو لے جاتا ہوں، اور اسے باہر لے کر ماں کے پاس لے جانے کے بغیر واپس گھر لے آتا ہے۔

یہاں نومبر کے مہینے میں اکثر برفباری ہوتی ہے۔گزشتہ رات  بارش ہوئی تھی لیکن برف نہ پڑی مگر ٹھند مزید زیادہ ہوچُکی ہے۔

 گزشتہ دو دن سے گھر میں کھانے کا بھی کوئی خاص بندوبست بھی نہیں۔  شام کے وقت چاول بنایا گیا تو بچے وہ کھائے جوکہ اُن کا پسندیدہ خوراک ہے ۔ رات دیر تک جب اُن کو بھوک لگی تو  اُنہیں خشک میوہ جات دیا گیا  تو اُنہیں کھاکر وہ سوگئے۔

 صبح سارے بچے سویرے اُٹھ گئے۔ شام کا چاول گرم کرکے اُس کے ساتھ چند انڈے تیل میں پکاکر اُن کو دیا گیا تو وہ  شوق سے کھاکر گھر ہی میں کھیل میں مشغول رہے۔  چند گھنٹے بعد پھر کھانے کی فرمائش آئی تو اُنہیں مکئ کے دانے پکا کرکے  الگ الگ برتن میں ڈال دئیے تو وہ خوشی سے کھائے  اور پھر کھیل رہے ہیں۔

فاطمہ کی پوری توجہ اگر چند منٹ کیلئے کہیں جاتی بھی ہے تو فوراً اُسے ماں کی یاد آجاتی ہے،  اور ماں کے پاس لے جانے کیلئے رونا شروع کر دیتی ہے۔

فاطمہ سے بڑے تین اور بچیاں ہیں، اور اس خاندان میں ابھی تک بیٹا نہیں ہوا ہے۔ اُن میں ایک بچی جس کی شادی ہوئی ہے، جب  اُس کی عمر  پندرہ سال تھی۔ گزشہ چند دن سے وہ بھی اپنے والد کے گھر میں ہیں لیکن گزشتہ دو دن سے یہ اپنے والدہ کے ساتھ اُس چھوٹے کمرے میں ہیں۔ دوپہر کا وقت ہوا تھا  کہ اتنے میں یہ بیٹی دوڑ  کر گھر کے دروازے پہ آکر  اپنے والد کی طرف متوجہ ہوکر  بولی۔۔ مبارک ہو ۔ والد خوشی سے امین کہہ دی ۔جیسے ہی والد نے امین کہنے کے بعد مزید پوچھنے والا تھا کہ بیٹا یا بیٹی ہوئی ہے اتنے میں وہ واپس چلی گئِ۔

فاطمہ والد کے چہرے میں خوشی کی عکس دیکھ لی اور جب دوسرے بچے بھی خوشی کا اظہار کئے تو اُس کو ایسا لگا کہ خوشی کا معاملہ ہے اور اُس کی ماں شاید اب آجائے گی۔  والد کو  اتنا معلوم ہوا تھا کہ  بچہ ہوا ہے لیکن یہ نہیں معلوم کہ  بیٹا ہوا ہے یا بیٹی۔  دل ہی دل میں یہ بات تھی کہ بیٹا ہوتا تو اچھا ہوتا۔

جب بیٹی واپس ماں کے پاس چلی گئی تو اُس نے مشکل سے پوچھی۔ اپنے والد کو بتا دی ۔  جواب  دیا ، ہاں بتائی۔ ماں نے سر ہلا دی۔ چند لمحے بعد اُس نے دوبارہ درد بھری آواز میں پوچھی ، آپ کا والد خوش ہوا؟  بیٹی نے جواب دی، ہاں، وہ خوش ہوگئی۔

گھر میں یہ بات عام تھی اور اُسے بھی احساس تھی کہ اُس کا شوہر بھی چاہتا ہے کہ بیٹا ہو ۔ اب تو گھر والے اور اُس کا شوہر سب خوش ہونگے ، یہ سوچ کر وہ سکھ کی سانس لی، اور آنکھیں بند کی تاکہ کچھ  آرام کرسکیں۔

گھر میں بچوں کا شور زیادہ ہونے لگا  اور  والد  تذبذب میں  تھا کیونکہ اُس کو یہ نہیں معلوم کہ اُس کا بیٹا ہوا ہے یا بیٹی۔ دس منٹ بعد بیٹی واپس گھر آئی تو والد نے پوچھا کہ آپ کے ماں کی طبیعت کیسی ہے ؟ بیٹی نے جواب دیا اب کچھ بہتر ہے۔ والد نے دوبارہ پوچھا ، وہ ٹھیک ہے؟ بیٹی نے جواب دی وہ کون؟ والد نے کہا  کہ آپ نے صرف مبارک باد دے کر چلا گئی، یہ نہیں بتایا کہ بیٹا ہوا ہے یا بیٹی۔

 بیٹی کو بھی اس بات کا احساس ہو چُکی تھی کہ اُس کا والد پہلے بیٹے کا نام لیتا ہے اور بیٹے کا کتنا آرزومند ہے۔ بیٹی نے مسکرا کر کہا ، والد جڑواں بچے ہیں۔ ایک بیٹا اور  ایک بیٹی،  اور دونوں صحت مند ہیں۔ جیسے ہی بیٹی نے یہ بات کہہ دی ، والد کے آنکھوں میں آنسو آگئے ۔ فاطمہ اُس کے گود میں تھی وہ پریشان ہوگئی تو اُس نے جلدی سے آنسو پوچھ کر فاطمہ کی طرف مخاطب ہوکر کہا کہ آپ کے بھائی اور بہن کی پیدائش ہوئی ہے۔

 خیر فاطمہ کو  یہ سمجھ نہیں آئی لیکن اُس کے لئے ایک خوشی اور تسلی کا اظہار تھی  کہ شاید اب اُس کی ماں آجائے گی۔

اسی اثنا میں والد نے بیٹی سے کہا کہ اگر آپ مصروف نہیں ہیں تو فاطمہ کو چند منٹ سنبھال لیں میں گاوں والوں کو خوشخبری دے کر آجاتا ہوں۔  بیٹی نے کہا کیسے وہ تو زیادہ وقت لگے گا ۔ والد نے کہا ، بس چند منٹ میں آجاتا ہوں۔  ٹھیک ہے جلدی آجائیں، بیٹی نے جواب دی۔

والد نے فاطمہ بڑے بیٹی کو تھما دی اور باہر ساتھ والے کمرے میں چلا گیا۔  صندوق کھولا اور وہاں سے صرف چار کرتوس تھے وہ  نکالے اور اُوپر لٹکے بندوق کو اُتار کر اپنے گھر کے چھت پر چلا گیا اور بے دھڑک یکے بعد دیگرے  چار دفعہ فائر کردی۔ پاس پڑا چھڑی اُٹھایا جس کے ایک سرے پر کپڑے کا ایک ٹکڑا ایک سوراخ سے لگی تھی اُس سے بندوق کے بیرل کے اندر سے وہ ضرور سے گزار کر نکال دی۔ اور بندوق دوبارہ سمیٹھ کر واپس گھر کی طرف آیا۔

فائر سے گاوں میں بھی یہ خبر پھیل گئی اور معلوم ہوا تھا  کہ اُس کا بیٹا ہوا ہے اور یہ فائر بیٹا  کا اعلان ہے۔

 جیسے ہی وہ واپس گھر میں داخل ہوئی تو اُس کی ایک بیٹی سکول سے واپس پہنچ چکُی تھی اور ساتھ والے کمرے میں اپنا بیگ رکھ کر جوتے آتا رہی تھی۔ جیسے ہی والد کے ہاتھ میں بندوق دیکھی تو وہ حیران اور پریشان  ہوگئی کیونکہ اُس کو معلوم تھی کہ اُس کی والدہ دو دن سے بیمار ہے۔ اُس نے فوراً  پریشانی میں اپنے والد سے پوچھا، کیا ہوا آپ بندوق لے کر آرہے ہیں۔ اُس نے مسکرا کر اپنے بیٹی کی طرف متوجہ ہوکر بولا، آپ کو نہیں معلوم ؟ بیٹی کو تسلی تو ہوگئی کہ معاملہ خوشی کا ہے ، اُس نے جواب دیا ، نہیں۔ آپ کو بھی مبارک ہو ، آپ کا ایک بھائی و بہن کی پیدائش ہوئی ہے۔ بیٹی خوشی سے پھولا نہیں سمائی، اور اپنے والد کے ساتھ لپٹ گئی۔ چند سیکنڈ بعد بیٹی نے کہا ، آپ کو بھی مبارک ہو۔ والد نے امین کہہ دی۔

پھر ، بیٹی نے والد سے پوچھا ،کیا آپ کو معلوم ہے  کہ آج کون سا دن ہے ؟ والد نے کہا آج تو میرے دو بچوں کی پیدائش کا دن ہے۔ بیٹی نے کہا اور کیا دن ہے؟ والد نے جواب دی سکول سے تو آپ آرہی ہیں  تعلیم یافتہ آپ ہیں مجھے بھی بتائیں آج اور کیا دن ہے، اس کی کیا تاریخی اہمیت ہے؟ بیٹی  گہری سانس لی اور جواب دی کہ آج بچوں کا عالمی دن ہے۔ والد نے بے ساختہ کہہ دی واہ ،واہ۔ بیٹی نے مزید بتا دی کے ہر سال 20 نومبر کو  دُنیا میں بچوں کا عالمی دن منایا جاتا ہے اور اس دفعہ ہمارے سکول میں بھی  یہ عالمی دن منائی گئی۔۔۔

اپنے والد کی طرف دیکھتے ہوئےبیٹی نے کہہ دی کہ آج آپ منع  نہیں کریں گے نا۔ والد نے جواب دی، بالکل نہیں  تو۔۔۔

آج ہم گھر میں بھی آج کی مناسبت سے بچوں کا عالمی دن مناتے ہیں،  والد نے کہا، ٹھیک ہے  ، اور یہ  آج آپ کی ذمہ داری ہے کہ آپ کسطرح آج کا دن مناتے ہیں  باقی انتظامات  جو آپ بتا دیتے ہیں وہ میں کر دیتا ہوں۔

 دوسری بیٹی وہاں پہنچ کر یہ بات سُن رہی تھی، اتنے میں اُس نے بھی بات بڑھا دی  اور کہا کہ آج آپ لوگوں کا یعنی بچوں کا  پسندیدہ کھانا شام کو میں پکاتا ہوں۔ ویسے تو گھر میں ہر دن بچوں کا ہوتا ہے آج کا دن ہم بچوں کے نام کر دیتے ہیں۔

بسم اللہ الرحمن الرحیم

بچے؛جنت کے پھول

(20نومبر،بچوں کے عالمی دن کے موقع پر خصوصی تحریر)

Universal Children’s Day

از:ڈاکٹر ساجد خاکوانی

                بچے جنت کا پھول ہوتے ہیں،انسانیت کا مستقبل بچوں سے وابسطہ ہے،انسانوں کاوہ طبقہ جو فطرت سے قریب تر ہے وہ بچے ہی ہیں اور بچے ہی ہیں جنہیں دیکھنا بڑوں کی آنکھوں کی ٹھنڈک کاباعث بنتاہے۔بچے،قبیلہ بنی نوع انسان کا وہ پہلو ہیں جو بہت نازک اور بہت کمزور ہونے کے ساتھ ساتھ بہت مضبوط اور بہت طاقتوربھی ہے۔بچے کی پیدائش کے ساتھ ہی گھرمیں خوشیوں کاایک سماں سا بندھ جاتاہے،جہاں پہلے کوئی بچہ نہ ہواس گھرمیں بچے کی آمد گویازندگی کی آمدکاپیش خیمہ ثابت ہوتی ہے اور جہاں پہلے بھی بچے موجود ہوں وہاں کے غنچہ بہارمیں ایک اورتروتازہ پھول کااضافہ ہوجاتاہے۔میاں اور بیوی جن کی زندگی جب ایک خاص مدت کے بعد یکسانیت کاشکارہونے لگتی ہے تو خالق کائنات اپنی بے پناہ محبت و بے کنار رحمت کے باعث ان کے درمیان ایک اور ذی روح کااضافہ کردیتاہے جو ان کی حیات نواور ان کی باہمی محبتوں اورچاہتوں کی تاسیس جدیدکاباعث بن جاتاہے۔کاروان حیات آگے بڑھتاہے توایک نسل کے بالیدگی کے بعدجب اس سے اگلی نسل کی آمد کاسلسلہ شروع ہوتاہے تو دادا دادی اور نانانانی اپنے ہی لگائے ہوئے پودوں میں پھل پھول لگتے دیکھ کر پھولے نہیں سماتے ہیں اور اب جب کہ عملی زندگی کی تندوتیزلہروں نے انہیں کنارے کی طرف دھکیلناشروع کردیاہے تو اس آنے والی نسل نوکی مرکزیت انہیں زندگی کاسہارااورنوبہاردلچسپیاں مستعاردینے لگتی ہے اور اوران کے پسماندہ و جہاں رسیدہ چہرے اپنی پوتوں اور نواسوں کو گودوں میں اٹھاکرچمکنے اور دمکنے لگتے ہیں اور انہیں عمررفتہ کی شادمانیاں ایک بار پھر یاددلانے لگتے ہیں۔

                بچے فطرت پر پیدا ہوتے ہیں اور فطرت انسانی کے بہترین امین ثابت ہوتے ہیں،اس لیے کہ محسن انسانیت ﷺ نے فرمایاکہ ہر بچہ دین فطرت پرپیداہوتاہے۔حق پیدائش،بچے کے حقوق میں سے سب سے اولین حق ہے۔خود اس دنیامیں وارد ہوجانا اور اپنے بعد آنے والی نسل کاراستہ روک لینا صریحاِِ خلاف انسانیت ہے اور ظلم ہے۔اس آسمان نے وہ نام نہاد ”مفکرین“بھی دیکھے جن کے فلسفوں نے بچے کو اس کے اس بنیادی،اولین اور فطری حق،حق پیدائش،تک سے بھی محروم کیا۔ہرذی روح کاحق ہے کہ اس کواس دنیامیں آنے کاپوراپوراموقع دیا جائے۔قرآن مجیدنے کیاخوب کہاکہ”وَ لَا تَقْتُلُوْ ٓا اَوْلَادَکُمْ خَشْیَۃَ اِمْلِاقٍ نَحْنُ نَرْزُقُہُمْ وَ اِیَّاکُمْ اِنَّ قَتْلَہُمْ کَانَ خِطْاً کَبِیْرًا(۷۱:۱۳)“ترجمہ:”اورمفلسی کے اندیشے سے اپنی اولادکوقتل نہ کرو،انہیں اورخودتمہیں بھی رزق ہم دیتے ہیں،انہیں قتل کرنابہت بڑاگناہ ہے۔اللہ تعالی کی شان ہے کہ بچے کے آنے پر اس کے لیے جملہ انتظامات پہلے سے موجود ہوتے ہیں،قدرت نے بچے کے لیے ہوا،دھوپ،اناج اور اس کے ماں باپ اور بہت سارے محبت کرنے والے رشتہ دار پہلے سے بنارکھے ہوتے ہیں۔اس دنیامیں آتے ہی بچے کوہاتھوں ہاتھ لینے والے اوراس سے محبت کرنے والے اسے سینے سے لگالیتے ہیں۔بچے کے ابتدائی ایام کے لیے قدرت نے اس کی ماں کے سینے میں دودھ کے چشمے رواں کر دیے ہیں،اس کے باپ کے رزق میں بچے کاحصہ بھی اترناشروع ہوجاتاہے اور گھر،خاندان،قبیلہ اور قوم میں اضافہ ایک نقد انعام ہے جو قدرت کاملہ کی طرف سے تحفہ کے طور پر بہم پہنچادیاجاتاہے۔ہرہربچے کی پیدائش سے آسمان کی طرف سے گویاعالم انسانیت کو یہ اعلان سننے کوملتاہے کہ ابھی قدرت انسانوں سے مایوس نہیں ہوئی۔پس ہر مولود قبیلہ بنی نوع انسان کے لیے سامان خوش بختی کی نویدہے۔اس دنیامیں جنم لینے والا کھانے کے لیے ایک منہ اور محنت کرنے کے لیے دوہاتھ لے کرآتاہے جب کہ اس کے ذہن میں موجود فکرانسانی کی صلاحیت اتناطاقتورعنصر ہے کہ اس کے اندر ہی خلافت الہیہ کاملکہ پایاجاتاہے۔اس ذہن کے باعث ایک انسان ہزاروں نہیں لاکھوں انسانوں کی کفالت کاباعث بن سکتاہے بلکہ بن جاتاہے۔تاریخی حقائق اس بات پر شاہد ہیں کہ جب اس کرہ ارض پر آبادی کم تھی تو وسائل رزق بھی کم تھے،فی ایکڑ پیداوار بہت کم ہوتی تھی اور زراعت کے نت نئے طریقے دریافت نہیں ہوئے تھے اور اب جب کہ قدرت کی طرف بچوں کی آمدکاسلسلہ شبانہ روز جاری و ساری ہے تو آسمان اور زمین سے بھی رزق کے وسیلے امڈتے چلے آرہے ہیں اور زیرزمین خزانوں کا تو کوئی حساب ہی نہیں ہے۔یہ برکتیں ہی برکتیں ہیں جو بچوں کی آمد سے اس زمین پر برستی چلی جارہی ہیں۔

                پیدائش کے بعد شریعت محمدیہ ﷺکے مطابق بچے کے دائیں کان میں آذان دی جاتی جاتی ہے اور بائیں کان میں اقامت کہی جاتی ہے۔یہ بچے کے اولین سماعتی اثرات ہیں، سائنس آج یہ بات ثابت کررہی ہے کہ نومولود کے کان میں پڑنے والی ابتدائی آوازیں اس کے تحت الشعور میں ہمیشہ کے لیے محفوظ ہوجاتی ہیں۔آذان اور اقامت سے بچے کے ذہن میں اس کے ایمان کااولین تعارف داخل ہوجاتاہے۔اس کے بعد بچے کو گھٹی دی جاتی ہے۔دورنبوت میں جو بچے پیدائش کے بعد آپﷺ کے پاس لائے جاتے تو محسن انسانیت ﷺاپنی مبارک انگشت شہادت سے بچے کے تالو میں شہد لگادیتے جسے بچہ چاٹتارہتاتھا۔خاندان کے بڑے نیک بزرگ مردیاعورت سے بچے کو گھٹی دلاناگویا نیک اور دین دار ہاتھوں سے بچے کاافتتاح کرانا ہے جو یقیناََ بچے کے لیے خوش بختی کاپیش خیمہ ثابت ہوگا۔ننھے منے معصوم بچے کاحق ہے کہ اس کا بہترین نام تجویزکیاجائے۔ماں باپ کی طرف سے حق وجود کے بعدبچے کے لیے سب سے پہلا تحفہ اس کاخوبصورت نام ہے۔حسن تسویم کا حسن شخصیت پر براہ راست اثر انداز ہوناامرواقع ہے اور نام ہی انسان کا سب سے پہلاتعارف ہے خواہ وہ انسان خود موجود ہو یانہ ہو۔نام کی حقیقت ”نسبت“سے وابسطہ ہے،پس بہترین نام وہی ہیں جن میں بہترین نسبت پائی جاتی ہو۔محسن انسانیت ﷺنے ”عبداللہ“نام کو پسند فرمایاہے کیونکہ اس میں سب سے اعلی نسبت پائی جاتی ہے کہ ”اللہ تعالی کابندہ“۔لا معنی اور بے مقصدنام رکھنے سے احترازکرنا چاہیے،اسی طرح ایسے نام جن سے بد شگونی پیداہوان سے بھی منع کیاگیاہے مثلاََ”ایمان“یا”حیا“یا”برہ(نیکی)“نام رکھنا صحیح نہیں کیونکہ اگران ناموں کے افراد گھر میں نہ ہوں تو جواب دیاجائے گا کہ ایمان نہیں ہے یا حیا نہیں ہے وغیرہ۔لڑکوں کے لیے بہترین نام انبیاء علیھم السلام کے نام ہیں،اس کے بعد صحابہ کرام کے اور پھر بعد میں آنے والے نیک بزرگوں کے نام۔لڑکیوں کے لیے بھی بہترین اسماء وہی ہیں جو انبیاء علیھم السلام کے اہل خانہ کے ہاں ملتے ہیں  امہات المومنین یاصحابیات اور بزرگ خواتین کے اسمائے مبارک۔

                اولاد ملنا بہت بڑی نعمت ہے۔اس نعمت کے شکرانے کے لیے عقیقہ کی سنت تازہ کی جاتی ہے۔بیٹے کی پیدائش پر دو بکریاں اور بیٹی کی پیدائش پر ایک بکری ذبح کی جاتی ہے۔اگر والدین کے لیے دوبکریاں ذبح کرنا مشکل ہو تو بیٹے کی پیدائش پر بھی ایک بکری کر دینا کافی ہے۔عقیقے کے لیے ذبیحہ کرنا ہی ضروری ہے،ذبیحے کی رقم کسی اور نیک کام میں خرچ کر دینے سے عقیقہ ساقط نہیں ہو گا۔ کیونکہ عبادت وہی ہے جو نبیﷺکے طریقے کے مطابق کی جائے۔نبی علیہ السلام کے طریقے سے ہٹ کر کسی طرح کابھلاکام نیکی کے زمرے میں نہیں آتا۔انسان کے کاندھے پر بیٹھے فرشتے کسی بھی اچھے کام کو اسی وقت نیکی میں شمار کرتے ہیں اور اس کااجر بھی تب ہی لکھتے ہیں جب وہ عین سنت رسول اللہ ﷺکے مطابق ہی کیاجائے۔عقیقے کاگوشت حسب قربانی تین حصوں میں تقسیم کیاجاتاہے،ایک حصہ اپنے لیے،ایک حصہ رشتہ داروں کے لیے اور ایک حصہ غریبوں کے لیے۔ایک ہفتے کی عمر ہوجانے پرنومولود کے سر کے بال مونڈھ لیے جاتے ہیں۔ سرکے بالوں کے برابروزن چاندی کا صدقہ کیاجانا بھی شریعۃ اسلامیہ کی شاندارروایات میں سے ایک ہے۔اور وسعت کے مطابق بہترین،نان نفقہ،کپڑالتہ،علاج معالجہ، طعام و قیام اور تعلیم و تربیت وسیروتفریح بچوں کے کچھ مزیدحقوق ہیں۔

                محسن انسانیت ﷺ بچوں سے بے حد پیارکرتے تھے،خاص طور پر یتیم بچے ان کی توجہ کا مرکزہواکرتے تھے۔حضرت زید،جوغلام بن کرآئے تھے آپ ﷺ نے انہیں اتنی محبت دی کہ انہوں نے اپنے سگے ماں باپ کے پاس جانے سے انکارکردیا۔آپ کے بڑے بیٹے کانام قاسم تھااسی نسبت سے آپ ﷺ کو ”ابوقاسم“کہاجاتاتھا۔جب حضرت قاسم فوت ہوئے توآپ ﷺ اشک بارہوگئے۔ایک بارآپ ﷺ بازارمیں سے گزررہے تھے توایک آدمی نے زورسے پکارا”یااباقاسم“،توآپﷺنے مڑ کردیکھاتواس آدمی نے کہاکہ نہیں میں اس کوبلارہاتھا،وہاں کسی اور کی کنیت بھی ابوقاسم تھی۔آپ ﷺ کو یہ بات ناگوارگزری اور آپﷺ نے فرمایا کہ میرے نام پر نام تورکھولیکن میری کنیت پر اپنی کنیت نہ رکھو۔چاروں بیٹیوں سے اورخاص طور پرخاتون جنت بی بی فاطمۃ الزہراسے آپ ﷺ کو از حد محبت تھی،ان کے دونوں فرزند حسنین کریمین شفیقین آپ ﷺ کے کندھوں پر سواری کیاکرتے تھے اور جب کبھی حالت سجدہ میں یہ نواسے آپ ﷺ کی کمر مبارک پر سوار ہوجاتے توآپﷺاس وقت سر اٹھاتے تھے جب کہ وہ دونوں خود اترتے۔قرآن مجید نے حکم دیاہے کہ”یٰٓاَیُّہَا الَّذِیْنَ اٰمَنُوْا قُوْٓا اَنْفُسَکُمْ وَ اَہْلِیْکُمْ نَارًا وَ قُوْدُہَا النَّاسُ وَ الْحِجَارَۃُ عَلَیْہَا مَلٰٓءِکَۃٌ غِلَاظٌ شِدَادٌ لَّا یَعْصُوْنَ اللّٰہَ مَآ اَمَرَہُمْ وَ یَفْعَلُوْنَ مَا یُؤْمَرُوْنَ(۶۶:۶)“ترجمہ: ”اے ایمان والو اپنے آپ کواوراپنے گھروالوں کو اس آگ سے بچاؤ جس کاایندھن آدمی اورپتھرہیں،اس پر تندخواورسخت گیرفرشتے مقررہیں،اللہ تعالی ان فرشتوں کوجوحکم دے وہ نافرمانی نہیں کرتے،اوروہی کچھ کرتے ہیں جوانہیں حکم دیاجاتاہے“۔چنانچہ بچوں کا یہ بھی حق ہے کہ دوزخ کی جس آگ سے ایک مومن خود بچنے کااہتمام کرتاہے وہاں اپنے بچوں کو بھی اس آگ سے دور رکھنے کابالالتزام انتظام کرے اور اپنے مرنے کے بعد بچوں کی فکر کے ساتھ ساتھ بچوں کے مرنے کے بعد ان کی فکر بھی دامن گیر رہنی چاہیے۔آپﷺجب فجرکی نمازکے لیے اپنے گھرسے باہر تشریف لاتے تو حضرت علی کے حجرے کادروازہ بجاکر انہیں فجرکی نمازکے لیے بیدارکرتے اورفرماتے اے اہل بیت نماز کے لیے چلو۔آپ ﷺ نے فرمایاکہ جب بچہ سات سال کاہوجائے تواسے نمازکے لیے کہواور جب دس برس کے ہوجائیں توان کے بسترالگ کردواورنماز کے لیے ان پر سختی کرو۔

            اپنے بچوں سے جانور بھی پیارکرتاہے،جنگلی درندہ بھی اپنی نسل کی بڑھوتری چاہتاہے اورعلوم معارف سے ناآشناانسانی آبادیوں سے دورزمین کی تہوں سے نیچے اور پانی کے اندھیروں میں چھپی ہوئی مخلوقات بھی اپنی نسلوں کے لیے کیسی کیسی قربانیاں دیتی ہے یہاں تک کہ بعض حشرات الارض تو ایک خول میں انڈے دے کر مرجاتے ہیں تب ان انڈوں سے نکلنے والے بچے اسی جسد مادرکوکھاکراپنے دورہ حیات کا آغاز کرتے ہیں۔لیکن حیرانی ہے اس سیکولر مغربی تہذیب پر جس نے اپنی نسل کے بچوں کو ہی اپنے اوپر بوجھ سمجھ لیا،اتنا ظالم اور اس قدر کرب ناک تجربہ تو اس سے پہلے بھی شاید کسی انسانی تہذیب نے نہیں کیاتھاکہ خود انسان پر اس کی اپنی نسل بوجھ بن کر رہ گئی ہو۔اس سیکولرمغربی تہذیب نے انسانیت کو اس درس معکوس سے آشناکیاکہ بچے انسانی وسائل پر بوجھ ہیں اور انہیں اس دنیامیں آنے سے روک دیاجائے۔ہوس نفس کی ماری اس سیکولرتہذیب نے اپنی ہی نسل کولذت نفسانی کی بھینٹ چڑھایا۔انقلاب فرانس سے شروع ہونے والا یہ اخلاقی تنزلی کاسفرآج تک جاری ہے اوراب تو یہ صورت حال ہے کہ یورپ کے بعض علاقے بچوں کے وجود سے بالکل خالی نظر آتے ہیں،اور ہردوچارسال یا پانچ سالوں کے بعد اکادکااسکول بند ہوجانے کی اطلاعات آتی ہیں کہ اتنے بچے ہی نہیں ہیں کہ سکول کوجاری رکھا جاسکے۔سیکنڈے نیویاکے بعض علاقوں میں بچوں کی پیدائش کی شرح اس قدر کم ترین ہے کہ کل آبادی میں چودہ فیصدسالانہ تک کی کمی دیکھنے میں آ رہی ہے اور شہر کے شہر خالی ہونے لگے ہیں جبکہ دوسری طرف اوسط عمر میں مسلسل اضافے کے باعث یہ غیرفطری طرزمعاشرت کے ثمرات بد ہیں کہ ایک طرف بچوں کی پیدائش کی شرح ہوشرباحد تک کم ہے تو دوسری طرف دن بدن سبکدوش ہونے والے افراد کی ایک لمبی قطاراور طویل فہرست ہے اور وہ ممالک مجبور ہیں کہ درمیان کے خلاکو پر کرنے کے لیے ایشیائی ممالک سے اپنی شہریت کے دروازے کھولیں۔ان یورپی ممالک سے جب کبھی کوئی سیاح ایشیائی ممالک کا سفر کرتے ہیں تو پھول جیسے بچوں سے بھری ہوئی گلدستے جیسی گلیوں کو دیکھ کر وہ پکاراٹھتے ہیں کہ یہ کتنی امیراقوام ہیں۔

             سیکولرمغربی تہذیب کی حامل اقوام کس منہ سے بچوں کاعالمی دن مناتی ہیں جب کہ بچوں کی سب سے بڑی استحصالی قوتیں وہ خود ہیں کہ انہوں نے اپنی گود میں لذت نفسانی سے سرشارسیکولرازم کی پرورش کرکے بچوں کو ان کی مامتاتک سے محروم کیاہے۔سیکولرمعاشروں میں بچوں کی ایک بہت بڑی تعدادنہ صرف یہ کہ باپ کی شفقت سے محروم ہوتی ہے بلکہ حقیقت میں تو اس تعدادکو اپنے باپ کا کوئی اتہ پتہ ہی معلوم نہیں ہوتاگویا ان معاشروں میں موجود بچوں میں حلالی اور غیرحلالی کافرق ہی نہ رہا۔بڑے تو پھر بھی اپنے حقوق کی خاطر مظاہرے کرتے ہیں لیکن مامتاسے محروم ڈے کئر سنٹرزمیں نرسوں کے ہاتھوں نیندکی دوائی ملادودھ پی کر ساراسارادن سوتے رہنے والے بچے تواس قابل نہیں ہوتے کہ وہ اپنی ماؤں کے حصول کے لیے سیکولرمغربی جمہوری حقوق کے تحت کوئی مظاہرہ کرسکیں۔اس سیکولرمغربی تہذیب نے بچوں کے ساتھ سب سے بڑی زیادتی اور ظلم یہ کیاہے کہ عورت کو بھی مزدوروں اورپیشہ وروں کی صف میں کھڑاکرکے خاندانی نظام کو اجاڑ پھینکاہے۔اس خاندانی نظام کی بقامیں ہی بچوں کاتحفظ پوشیدہ تھااور اب انسانیت کے دعوے داراور انسانی حقوق کے ٹھیکیداریورپ اور امریکہ کے کارپردازگان ایشیائی و اسلامی ممالک کے بچوں کو بھی اسی استحصال کا شکار کرنا چاہتے ہیں جس کی تفصیلات آئے دن اخبارات کی زینت ہیں۔اگروہ واقعی انسانیت کے خیرخواہ ہیں تو بچوں کے عالمی دن کا تقاضا ہے کہ اپنے ملکوں میں خاندانی نظام کو ازسرنو تازہ کریں جس کاواحد اور بالکل ایک ہی راستہ ہے کہ عورت کو اس کی فطری ذمہ داریاں سونپی جائیں کیونکہ نسوانیت اور مامتا لازم و ملزوم ہیں۔

            انسانی عقل کتنی ہی ترقی کرجائے وہ وحی کی تعلیمات سے آگے نہیں نکل سکتی،وحی کی تعلیمات میں ہی بچوں سمیت کل انسانیت کی فلاح پوشیدہ ہے۔نکاح وہ ادارہ ہے جس کے ثمرات صحیح النسب بچوں کی صورت میں انسانیت کو میسر آتے ہیں اور انسانی نسل آگے کو بڑھتی ہے۔ نکاح جیسے مقدس ادارے کاتحفظ خاندانی نظام سے ممکن ہے جبکہ بدکاری اور زناجیسے قبیح اعمال براہ راست نکاح جیسے محترم ادارے کو مجروح کرتے ہیں۔خاندانی نظام کی مضبوطی اور زناو بدکاری کی روک تھام کے لیے قرآن مجید نے جہاں بہت سے عائلی قوانین جاری کیے ہیں وہاں غص بصر،استیزان،حجاب اورعورت کو معاشی ذمہ داریوں سے مبراقراردے کردراصل انسان کی آنے والی نسل یعنی بچوں کے روشن مستقبل کی ضمانت دی ہے۔سال بھر میں ایک دفعہ بچوں کاعالمی دن منالینے سے بچوں کے حقوق ادانہیں ہو سکیں گے۔بچوں کے حقوق اداکرنے کے لیے ضروری ہے کہ فطرت نے ان حقوق کی ادائگی کوجس ماں کے فرائض میں شامل کیاہے اسے دنیاکی تمام ذمہ داریوں سے فراغت عطاکی جائے تاکہ وہ ”بچوں کے حقوق“کوبحسن وخوبی اداکرسکے۔جب ماں واقعی ماں تھی اور اسوۃ رسول ﷺ کی پیروکار تھی تو اس کی گود سے حسنین کریمین جیسے بچے عالم انسانیت کو میسر آئے،اللہ کرے کہ ہماری آنے والی نسلوں کوبھی ایسی مائیں مرحمت ہوں کہ وہ بچے اپنے حقوق کے لیے کسی عالمی دن کے محتاج نہ رہیں،آمین۔

[email protected]

بسم اللہ الرحمن الرحیم

عرب لیگ: تاریخ کے آئینے میں

(Arab league)

ڈاکٹر ساجد خاکوانی

                سرزمین عرب براعظم ایشیاکے جنوب میں ایک جزیرہ نما،یعنی جس کے تین اطراف میں سمندر اور ایک طرف خشکی ہے واقع ہے۔عرب کی آب و ہوا انتہائی خشک ہے،بارشیں بہت کم ہوتی ہیں اور وہ بھی صرف ساحلی علاقوں میں۔کوئی بڑا قابل ذکر دریانہیں ہے،اگر بارشیں ہوں تو کچھ ندی نالے بہہ نکلتے ہیں وگرنہ لق ودق صحراہی صحراہے۔اس علاقے کو سیاسی اصطلاح میں ”مشرق وسطی“بھی کہتے ہیں۔یہاں گرمیوں میں سخت گرم ہوا چلتی ہے جس کے باعث گرمی کی شدت دو چند ہوجاتی ہے۔سرزمین عرب کے مغرب میں بحیرہ قلزم،مشرق میں خلیج فارس اور بحیرہ عمان،جنوب میں بحیرہ ہند اور شمال میں ملک شام واقع ہیں۔یمن،حجاز،تہامہ،نجداور عروض عرب کے تاریخی پانچ حصے ہیں،ان میں یمن نسبتاََ سرسبزوشاداب ہے اور مکہ و مدینہ جیسے علاقے حجاز میں واقع ہیں۔اونٹ،گھوڑے،شہد،کھجوراور اورتلوارعرب کی روایتی پہچانیں ہیں اور مہمان نوازی یہاں کا قدیم دستور ہے۔لفظ”عرب“کا مطلب بولنے والا ہے،اس قوم کی وجہ تسمیہ یہ ہے کہ عربی زبان بہت وسیع اور بہت بڑی ہے،ایک چیز کے سو سو الفاظ ہیں مثلاََ اونٹ کے ہزار سے زیادہ نام ہیں،نر اونٹ کااورنام ہے،مادہ کا اور نام ہے،جنگ میں لڑنے والے اونٹ کا اور نام ہے،مال بردار اونٹ کا اور نام ہے،گابھن اونٹنی کا اور نام ہے،جس اونٹنی کے پوتے پیداہونے لگیں اس کا اور نام ہے اور جس کے نواسے پیدا ہونے لگیں اسکا اور نام ہے،جو اونٹ قربانی کے لیے ہو اسکا اور نام ہے  اور جو اونٹنی دس بچے پیدا کر چکی ہے اسکا اور نام ہے وغیرہ۔اسی طرح گھوڑوں کے سینکڑوں نام ہیں تلوروں کے بے شمار نام ہیں وغیرہ۔اس وسعت لسانی کی وجہ سے عرب اپنے آپ کو عرب کہتے تھے یعنی بولنے والے اور دنیا کی دیگر زبانوں میں چونکہ اتنے الفاظ نہیں ہوتے اور انکاحجم کم کم ہوتا ہے اس لیے عرب لوگ دوسری اقوام کو عجم کہتے ہیں جس مطلب ”گونگا“ ہے یعنی بولنے کی صلاحیت سے محروم۔

                سلطنت عثمانہ کے زمانے میں سب عرب اقوام اور عرب علاقے ایک ہی جھنڈے کے نیچے جمع تھے،سامراج نے سب کو تنہا تنہا کر دیااوردور غلامی کے بعد امت مسلمہ کے علاقوں کو چھوٹی چھوٹی اکائیوں میں بانٹ کر اتحادویگانگت سے محروم کردیا۔اس کے باوجود بھی کچھ درد دل رکھنے والوں نے عرب ممالک کو ایک جھنڈے کے نیچے جمع کرنے کی کوشش کی اور باہمی متفقہ مفادات کی خاطر سب ممالک کو ایک نام سے جمع کیااور عرب ممالک کی ایک تنظیم”عر ب لیگ“ کے نام سے بنائی۔ ”الجمعیۃ دولۃ العربیہ“یا”الجمعیہ العربیہ“  یہ مشرق وسطی کے عرب ممالک کی علاقائی تنظیم ہے۔اسے”لیگ آف عرب اسٹیٹس“ بھی کہتے ہیں (League of Arab Satates)22مارچ 1945میں مصر کے دارالحکومت قاہرہ کے اندر اس تنظیم کی تاسیس کی گئی۔عرب کے ابتدائی اراکین میں مصر،شام،لبنان،عراق،اردن،سعودی عرب اور یمن شامل تھے۔اس کے بعد 1953میں لیبیا،1956میں سوڈان،1958میں تیونس اور مراکش،1961میں کویت،1962میں الجیریا،1971میں بحرین،قطر،عمان اور متحدہ عرب امارات،1973میں موریطانیہ،1974میں صومالیہ،1976میں فلسطینی تنظیم آزادی اور ایک دو مزید چھوٹے چھوٹے عرب جزائر بھی اس تنظیم کے رکن بنے۔اس تنظیم کی فیصلہ سازی میں ہر ملک کاایک ووٹ ہے اور کسی بھی نتیجے تک پہنچنے کے لیے صرف رکن ممالک ہی کی رائے شامل کی جاتی ہے۔

                1945میں عرب لیگ کے قیام کامقصد رکن ممالک کے درمیان سیاسی،ثقافتی اور معاشی ہم آہنگی کافروغ تھا۔اس کے علاوہ مشترکہ معاشرتی اقدار کی ترویج اور باہمی علاقائی تنازعات کا حل یا رکن ممالک میں سے کسی کے غیررکن ممالک سے تنازعات کے حل بھی پیش نظر تھے۔لیکن بہت جلد13اپریل 1950کو ہی رکن ممالک باہمی دفاع پر بھی متفق ہو گئے اورطے پایا مضبوط معاشی ربط و تعلق اور دفاعی معاملات میں ایک دوسرے کے ساتھ بھرپور تعاون کیاجائے گا۔اس کے باوجودبھی ابتدا میں عرب لیگ بس معاشی و معاشرتی اور ثقافتی تعلقات پر ہی قانع رہی۔1959میں پہلی عرب پٹرولیم کانگریس منعقد ہوئی،1964میں عرب لیگ ایجوکیشنل،کلچرل اینڈ سائنٹفک آرگنائزیشن (ALECSO)کا وجود عمل میں لایا گیا۔1964میں اردن کے بے حد اسرار پر فلسطینی تنظیم آزادی کوفلسطینیوں کی نمائندہ تنظیم تسلیم کیاگیا۔1972سے1979کے دوران تیسرے سیکرٹری جنرل محمدریاض کے دور میں عرب لیگ کی سیاسی سرگرمیاں بہت زیادہ ہو گئیں اور ان سرگرمیوں کا زیادہ تر محور اسرائیل کو فلسطینیوں کے ساتھ ظلم و زیادتی سے روکناتھا۔26مارچ1979کو جب مصر نے اسرائیل کے ساتھ امن معاہدے پردستخط کیے تو عرب لیگ کے ممبران نے مصر کی رکنیت معطل کر دی اور ہیڈ کوارٹر مصر سے تیونس میں منتقل کردیاگیا۔1989میں مصر کی رکنیت دوبارہ بحال کی گئی اور1990میں عرب لیگ کا صدر دفتر دوبارہ قاہرہ میں منتقل کردیاگیا۔

                1990کے کی دہائی میں جب عراق نے کویت پر چڑھائی کر دی تو سعودی حکومت نے فوراََ ہی امریکی فوج کودفاع وطن کے لیے اپنی سرزمین پر بلالیا۔یہ مذہبی طور پر بھی ایک بہت بڑا گناہ تھا۔حجاز مقدس پوری امت کے لیے مقدس سرزمین ہے،اسی سرزمین پر حرمین شریفین جیسے مقامات ہیں جہاں کی زیارات کے لیے لاکھوں نہیں کروڑوں مسلمان ہر سال جاتے ہیں۔ نبی اکرم ﷺ نے اور انکے خلفائے راشدین نے اس سرزمین کویہودو نصاری سے پاک کیاتھااور انہیں یہاں سے بزور قوت نکال دیاتھا،کم و بیش ڈیڑھ ہزارسال کے دوران باوجود بھرپور کوشش کے یہودو نصاری یہاں داخل نہیں ہو سکے لیکن سعودی حکمرانوں نے تھالی میں رکھ کر یہ مقدس سرزمین ان غیرمسلم افواج کے سپرد کردی۔کتنی حیرانی کی بات ہے کہ قرآن مجید نے جنہیں ہمارا دشمن قرار دیا دیا ہے انہیں دشمنوں کو مسلمانوں کے حکمران اپنے دفاع کے لیے دعوت دیتے ہیں۔گویا یہ تاریخ کے عجوبے ہیں دوستوں سے بچنے کے لیے دشمنوں کی مدد لی جارہی ہے۔یہ ردعمل اگر چہ پوری امت کاتھا لیکن عرب لیگ کے اندر بھی سعودی عرب کو اپنے اس اقدام پربہت زیادہ دباؤ کا سامنا کرنا پڑااور بہت سے عرب ملکوں نے یہودونصاری کی افواج کو اس مقدس سرزمین پر داخل ہونے دینے پر شدیداحتجاج کیا۔

                1964میں عرب مشترکہ منڈی کی تجویز پیش ہونے کے بعد اس پر عملدرآمد کا فیصلہ کیاگیا اور مصرعراق،اردن،لیبیا،موریطانیہ،شام اور یمن نے اس منڈی میں اولین شمولیت کے ارادے ظاہر کیے۔1976میں ایک اور معاشی معاہدہ عرب مانیٹری فنڈ کے نام سے قائم ہوا جس کو جملہ تفصیلات کے بعد1977میں نافذ کر دیاگیا۔یہ ایک مالی نوعیت کے ادارے کا معاہدہ تھا جس کا صدر دفتر متحدہ عرب امارات کے شہر ابو ظہبی میں قائم کیاگیا۔اس ادارے کے ذمہ یہ کام تھا کہ وہ عرب ممالک کے درمیان کرنسیوں کے لین دین اور عرب ممالک کے دیگر دنیاؤں کے درمیان کرنسیوں،سٹاک مارکیٹ اور زرمبادلہ کے جملہ معاملات کو طے کرے گا اور عرب لیگ کے رکن ممالک کو ادائگیوں کاتوازن برقرار رکھنے کے لیے راہنمائی اور تکنیکی مشاورت فراہم کرے گا اور ضرورت پڑنے پر مختصر مدت کے قرضے بھی فراہم کرے گا۔نومبر1973میں عرب لیگ کی سربراہی کانفرنس میں عرب بنک کے قیام کافیصلہ کیاگیا،اس بنک کے قیام کا مقصد عرب لیگ کے تحت جملہ منصوبوں کے لیے رقومات فراہم کرنا تھا۔اسکا صدر دفتر سوڈان کے دارالحکومت خرطوم میں ہے اور اس بنک کی زیادہ تر توجہ ان افریقی ممالک پر ہے جو عرب لیگ کے رکن ہیں۔ان ممالک میں جاری منصوبوں پر یہ بنک اپنی رقومات فراہم کرتا ہے جو مدد کی صورت میں اور قرض کی صورت میں بھی بعض اوقات ہوتی ہیں۔اسی طرح ایک عرب لیگ فنڈ بھی قائم کیاگیا جس کا صدر دفتر کویت میں ہے اور اسکا مقصد بھی تعلیم اور ترقیات سمیت جملہ منصوبوں کے لیے رقم فراہم کرنا ہے تاہم اس فنڈ میں نجی ادارے بھی اپنا حصہ ڈالتے رہتے ہیں۔

                عرب لیگ نے عربوں کے کتنے مسائل حل کروائے؟؟اس سوال کاجواب کوئی ڈھکاچھپانہیں ہے،ہزاروں فلسطینی ہر سال اسرائیلی بموں کانشانہ بن جاتے ہیں،دنیاکی سب سے زیادہ دولت عرب علاقوں میں ہونے کے باوجود عرب اپنا دفاع کرنے کے قابل ہی نہیں اور یہودونصاری کی افواج امت مسلمہ کی مقدس سرزمین کو اپنے ناپاک جوتوں سے روند کر ان عربوں کی حفاظت کرتے ہیں،افریقی عرب علاقے بدترین غربت کاشکار ہیں اور کل عرب اقوام سائنس و ٹیکنالوجی سے حد درجہ محروم اور کل یورپی و امریکی درآمدی مصنوعات پر انحصار کرتی ہے،بے پناہ انسانی و مالی و قدرتی وسائل کے باوجود کارخانہ سازی نام کو نہیں ہے۔اپنی تہذیب و ثقافت پر نازاں وفخورعرب اقوام مغربی طرز تمدن کی بدترین غلامی کا نقشہ پیش کر رہے ہیں۔حقیقت یہ ہے کہ عربوں کو عرب اقوام اور عرب سرزمین کاامین نہیں ہونا چاہیے بلکہ آخری نبی ﷺ اور آخری کتاب کے تناظر میں عربوں کو کل امت کا خیرخواہ ہونا چاہیے اور جب تک امت کے درمیان سے عرب و عجم کا فرق ختم نہیں ہوجاتاعربوں سمیت امت کی ایک ایک اکائی کودشمن شکارکر کے کھاتا جائے گا۔آخری خطبے میں آپﷺ نے یہ بھی فرمایاتھاکہ کسی عربی کوعجمی پراورکسی عجمی کو کسی عربی پرکوئی فضیلت نہیں سوائے تقوی کے۔ہم امید کرتے ہیں کہ عرب اقوام اپنے ماضی کاکردار ایک بار پھر دہرائیں گی اور کل امت کی سرپرستی کرتے ہوئے افتراق و انتشارکی بجائے اتفاق و اتحادکے ساتھ خلافت علی منہاج نبوت کی طرف اپنی قیادت و سیادت میں ایک نئے سفر کا آغاز کریں گے۔

[email protected]

جب کوئی شخص جذبات سے مغلوب ہوجائے تو وہ کوئی معقول بات سننے کے لئے تیار نہیں ہوتا کہ پیش آمدہ مسئلے پر عقل و بصیرت کی رُو سے غور کرے اور دلائل و براہین کے مطابق کسی فیصلے پر پہنچے، جو حالت افراد کی ہوتی ہے وہی عوام کی بھی ہوتی ہے، جب اقوام بھی جذبات کے سیلاب میں بہہ جائیں تو وہ عقل و دانش اور فہم و تدبر کی رو سے معاملات کے فیصلے نہیں کرتیں۔ قیام پاکستان کی مخالفت میں اظہار رائے کرتے ہوئے انتہاپسند ہندو خصوصاً جلدبازی اور نافہمی کا ارتکاب کرتے ہیں، انہیں وطن عزیز سے عناد اس وجہ سے ہے کہ یہ ’’مردِ مومن‘‘ کی فکر کا نتیجہ ہے، چنانچہ وہ پاکستان کے قیام کے اغراض و مقاصد پر غور وفکر کیے بغیر محض قومی تعصب اور سیاسی تنگ نظری کی بنا پر مخالفت کرتے ہیں۔ تاریخ گواہ ہے کہ قیامِ پاکستان کی مخالفت میں بعض ایسے مسلمانوں کے گروہ بھی شامل تھے، جن میں اکثریت متحدہ قومیت پر جان دینے والے نام نہاد لیڈروں کی تھی۔

پاکستان کا تصور ان کے لئے خطرناک اور دل آزار تصور تھا اور اس بات سے خائف رہتے کہ ان کے غیر مسلم پیشوا برہم ہوکر ان کی سرپرستی سے دست کش نہ ہوجائیں، یہ امر محتاج بیان نہیں کہ انتہاپسند ہندو ہر اس چیز سے بے زار اور سوگوار ہوگا، جس میں پاکستان کی سلامتی ہو۔ خواہ اُسے مسلمانوں سے پاکستان یا بھارت میں کوئی نقصان نہ پہنچے، مگر وہ حسد سے اس قدر مجبور ہے کہ جب تک وہ مسلمان کو برباد اور رسوا نہ دیکھ لے، اس کی فطرت کو تسکین نہیں ہوتی۔ یہ طرز عمل انتہاپسند ہندوئوں بالخصوص آر ایس ایس میں بہ درجہ اتم پایا جاتا ہے، چنانچہ پاکستان کے نام پر جب مقبوضہ کشمیر میں بھی آواز اٹھتی ہے تو بقول سابق وزیراعلیٰ محبوبہ مفتی کہ ’’جموں کشمیر کو فوجی چھاؤنی میں تبدیل کرنے کے بعد بھی اضافی دستے کشمیر لائے جارہے ہیں،

اب کشمیریوں کے پاس سانس لینے کی جو تھوڑی سی جگہ باقی بچی ہے، اسے بھی سکیورٹی کے بہانے ختم کیا جارہا ہے۔‘‘ مودی سرکار کے حواریوں کے لئے نماز کے اجتماعات سوہان روح بنے ہوئے ہیں، جہاں نماز جمعہ کے اجتماعات ہوتے ہیں، انہیں روکنے کے لئے ’گوبر‘ ڈال دیا جاتا ہے، مساجد کو شہید اور اذان دینے پر پابندی لگائی جاتی ہے تو دوسری جانب نعوذ باللہ قرآن کریم سے آیات حذف کرنے کی ناپاک کوشش بھی کی گئی۔ مودی سرکار اور انتہا پسند تنظیم آر ایس ایس کے نزدیک پاکستان کا ذکر دراصل ’’پیغام جنگ‘‘ ہے، جن کا یہ تصور ہے وہ غلطی میں مبتلا ہیں، انتہاپسند ہندوئوں کے نزدیک تو ہمارا ہر قول و فعل ’پیغام جنگ‘ لگتا ہے، وہ اُس وقت تک میٹھی نیند نہیں سوسکتا جب تک ہم بالکل نیست و نابود نہ ہوجائیں،

مگر ہمارے عزائم ہرگز غاصبانہ نہیں، ہمیں عام ہندوئوں یا بھارت میں رہنے والے مسلمانوں سے کبھی بھی تعرض نہیں کہ وہ بھارت میں کیا کرتے ہیں، لیکن بحیثیت مسلم جب دنیا کے کسی بھی گوشے میں مسلمانوں کو وجۂ نفرت بناکر جبر اور ظلم کیا جائے گا تو پاکستانی ہی نہیں بلکہ مسلم اکثریتی ممالک کا ایک عام مسلمان بھی درد سے تلملا اٹھے گا۔ پاکستان دنیا کی ہر ریاست کا احترام اور اس کے مینڈیٹ کو تسلیم کرتا ہے، خطے میں قیام امن کے لئے مثبت کوشش کسی بھی ملک سے جڑی ہو، اس کی اخلاقی حمایت کرتے ہیں، قیام پاکستان کی بنیاد دو قومی نظریے سے تعبیر ہے، مقبوضہ کشمیر پر جبراً بزور طاقت قبضہ قابلِ قبول نہیں، بھارت میں رہنے والے مسلمانوں کے مذہبی شعائر کے خلاف ہتک و نفرت انگیز کارروائیاں انسانی و مذہبی حقوق کی کھلی خلاف ورزیاں ہیں۔ پاکستان ایک آزاد مملکت کی حیثیت سے برابری کی سطح اور خودمختاری کی پری سے ہمکنار ہونا چاہتا ہے تو مودی سرکار سمیت کسی بھی ملک کو چیں بہ جبیں نہ ہونا چاہیے، بلکہ ہم مشربی کے تقاضے سے ہمارے ارادوں کو مرحبا کہتے ہوئے کامیابی کا ’آشیرواد‘ دینی چاہیے۔ پاکستان بن چکا،

اب یہ حقیقت ہے اس کو بدلا نہیں جاسکتا، مملکت کی جداگانہ ہستی پر کسی کو بھی اب ملال نہیں ہونا چاہیے، تاریخ ثابت کرچکی کہ پاکستان کا قیام ناگزیر ہوچکا تھا، انتہا پسند ہندوؤں نے مسلمانانِ ہند پر روزِ روشن کی طرح ثابت کردیا تھا کہ وہ ناصرف غاصب اور خائن بلکہ بدترین قسم کے دشمن اور ستم گر بھی ہیں، مودی سرکار کے حواری کس منہ سے توقع رکھتے ہیں کہ ہم بے زبان جانور کی طرح جورو تعدّی سہتے رہیں اور اپنی زیست و حیات کا سرمایہ بی جے پی، آر ایس ایس کے ہاتھوں میں دے کر اس کے رحم و کرم کی راہ گداگروں کی طرح تکتے پھریں، یہ اَمر طبیعت پر اور بھی ناگوار گزرتا ہے، جب یہ خیال آتا ہے کہ یہ رویہ ان لوگوں نے اختیار کیا جو ہزارہا سال سے غلامی کی روزی کھاکھا کر عالی حوصلگی، بلند ہمتی، رواداری، بردباری، سیرچشمی اور جہان بانی کے محاسن سے قطعاً عاری اور مفلس ہوچکے تھے اور ہیں،

ایسے انتہاپسند ہندوئوں اور غاصب مودی سرکار سے کسی دلداری کی توقع رکھنا احمقوں کی جنت میں رہنے کے مترادف ہے۔ برصغیر ہند میں ہمارے بزرگوں نے قریباً ایک ہزار سال اسلام کا جھنڈا لہرایا اور وہ ہندوئوں کی کثرت اور برافروختگی سے مبہوت نہیں ہوئے تھے، تو آج ہم کس طرح اپنی زیست و حیات کی بقا اور مذہب و ملت کے احیا کے لئے انتہاپسند ہندوئوں کی خوشنودی اور منظوری حاصل کرنے کی خاطر مقبوضہ کشمیر کے حق خودارادیت سے دست بردار ہوجائیں، ہمارے نزدیک جموں و کشمیر کے حق خودارادیت کو ناممکن العمل کہنا عزم و ہمت کی کوتاہی کی دلیل ہے، جو قوم زندہ دل رکھتی ہے وہ موت سے کھیلنا اپنی آبرو کا نشان سمجھتی ہے اور اس کے لئے کسی چیز کے حصول کا خیال بفضل ایزدی ’ناممکن‘ نہیں۔ مقبوضہ کشمیر، بھارت سے کلیتاً ہر لحاظ اور ہر اعتبار سے علیحدگی کا مدعی ہے اور کشمیری ’’بھارتی قومیت‘‘ کا عنصر بننے سے صریحاً انکار کرتے ہیں۔ تاریخی، جغرافیائی، نسل اور ثقافتی لحاظ سے کشمیر بھارت کا حصہ کبھی قرار نہیں دیا جاسکتا، تو کیا وجہ ہے اُسے حق زیست سے محروم کیا جائے اور خوامخواہ اسے غلام آباد بھارت کی قسمت سے وابستہ کیا جائے۔ سرفروشی کی تمنا اب ہمارے دل میں ہے دیکھنا ہے زور کتنا بازوئے قاتل میں ہے

موت کا ایک دن معین ہے ، وقت مقررہ پر ہر ذی روح کو یہ پیالہ چکھنا ہی ہے۔ اسے انکار اور فرار کی کوئی گنجائش نہیں ہے۔ گزشتہ چند برسوں میں امراض قلب اور امراض معدہ میں خطرناک حد تک اضافہ ہوا ہے۔ ملک بھر میں یہ مسئلہ زور پکڑ رہا ہے ۔ گلگت بلتستان کی اگر بات کی جائے تو ضلع دیامیر زیادہ متاثر دکھائی دیتا ہے۔ یہ بیماری کئی افراد کو آناًفاناً نگل چکی ہے۔ جس تیزی سے بیماری نمو پا رہی ہے اس نے لوگوں کو تشویش میں مبتلا کر دیا ہے۔ وجوہات کا کھوج لگانا اور سدباب کے طریقے ڈھونڈ نکالنا حکومت کی ذمہ داری بنتی ہے۔ وہ کون سے عوامل ، کون سی وجوہات ہیں جو اس مہلک مرض کا سبب بن رہی ہیں؟ اس سلسلے میں سر جوڑ کر بیٹھنے اور بیٹھ کر سوچنے کی اشد ضرورت ہے۔ جو کام عوام کی دسترس میں ہے وہ عوام سرانجام دے اور جو حکومتی اختیار میں ہے وہ حکومت سرانجام دے۔

جہاں تک میں سمجھ پایا ہوں  ناقص اشیاء خورد نوش بنیادی سبب ہے۔ امراض قلب سے متعلق عام طور پر مشہور ہے کہ فقدان کسرت اور تن آسانی اس کی بنیادی وجہ ہے ، ہو سکتا ہے یہ بات اپنی جگہ درست ہو مگر جب اپنے علاقے میں لوگوں کو اس مرض کا شکار ہو کر راہی ملک عدم ہوتے دیکھتا ہوں تو مجھے اس کی وجہ کوئی اور لگتی ہے۔ ان علاقوں میں لوگ جفاکش اور محنت کش ہیں۔ کسرت ان کی زندگی کا اٹوٹ انگ ہے ، تن آسانی سے اکثر لوگ انجان ہیں۔ کھیتی باڑی ، محنت مزدوری اکثر لوگوں کا ذریعہ معاش ہے یا کم از کم روزانہ چہل قدمی کا پابند تو ہر شخص ہے ہی ۔ چست ، پھرتیلے اور کسرتی بدن والے لوگوں کا یوں اس بیماری میں مبتلا ہو کر زندگی کی بازی ہار دینا لمحہ فکریہ ہے۔ 

بوڑھی بوسیدہ مرغیاں ، سن رسیدہ بھینسیں ،ناقص بناسپتی گھی ، ناقص مکھن ، دو نمبر مشروبات ، ناقص مصالحہ جات ، ناقص چائے کی پتی، گلی سڑی سبزیاں اور پھل ، غیر معیاری پاپڑ اور بسکٹ وغیرہ اس بیماری کے ذمہ دار ہیں۔ جب تک ان بیکار اور ناقص اشیاء کا وجود نہ تھا اور لوگ ان سے انجان تھے ، زندگی سکون سے کٹ رہی تھی۔ جب دیسی مرغی کی جگہ مشینی مرغی نے ، پالتو جانوروں کی جگہ پنجاب کی سن رسیدہ بھینسوں نے ، دیسی گھی کی جگہ بناسپتی گھی نے ، اصلی کی جگہ نقلی مصالحہ جات نے ، دیسی سبزیوں کی جگہ بازار کی سڑی سبزیوں نے اور دیسی لسی کی جگہ دو نمبر مشروبات نے لے لی تب انسانی زندگیوں میں طرح طرح کی بیماریاں در آئیں۔ معدہ ، ہیضہ اور دل کی بیماریاں عام ہو گئیں ۔لوگ دھڑا دھڑ ان بیماریوں میں مبتلا ہونے لگے۔ مجھے یاد ہے جب تک ان چیزوں کا رواج عام نہیں ہوا تھا لوگوں کی صحت قابل رشک تھی۔ یہ نت نئی اور بھانت بھانت کی بیماریاں تب نہ تھیں۔ لوگوں کا زیادہ تر انحصار دیسی کھانوں پر تھا۔ خود اگاتے تھے،  خود ہی کھاتے تھے۔ ہر شے میں سادگی تھی۔ “چھنی شاہ” (ساگ) سادہ پانی میں پکاتے، دیسی گھی ڈالتے،  مکئی کی روٹی کے ساتھ کھا لیتے تھے۔ اوپر سے دیسی لسی لطف دوبالا کردیتی۔ رفتہ رفتہ بناسپتی گھی آیا،  مصالحے آئے اور پھر بیماریوں کے در کھلتے گئے۔ مشروبات نامی زہر تو درکنار ، لوگ چائے سے نابلد تھے۔ دودھ اور لسی مرغوب مشروبات میں شمار ہوتے تھے۔

غور فرمائیے، ایک بچہ صبح تا شام کیسی کیسی مضر صحت اشیاء اپنے ننھے منے اور نوزائیدہ معدے میں اُتارتا ہے؟  ہر گلی کوچے میں کھوکھا کھول کر لوگ بچوں کا شکار کرنے بیٹھے ہوئے ہیں۔ یہ ایسی بوسیدہ اور ناقص چیزیں بیچتے ہیں کہ الحفیظ ۔ بچے تو بچے خود بڑوں کے معدے میں آگ لگا دیں۔ خدا جانے یہ چیزیں کس کس مرحلے سے گزر کر،  کس کس ناقص مواد سے وجود پاتی ہیں؟ کاروباری حضرات کو اپنے کاروبار سے مطلب ہے،  کسی کی صحت سے کیا لینا دینا؟  صحت جائے بھاڑ میں،  بس ان کے کاروبار کا پہیہ متواتر حرکت میں رہے۔ یہ ذمہ داری والدین،  باشعور افراد اور سرکار پر عائد ہوتی ہے کہ ناقص اشیاء سے معصوم بچوں اور عوام کو چھٹکارا دلائیں ۔ 

ایک ہی حل ہے کہ ہم ان چیزوں سے قطع تعلق کرلیں ، ان ناقص اور مضر صحت اشیاء کو اپنے گلی محلوں میں گھسنے نہ دیں ، خالص غذاؤں کا چلن عام کریں ، دو نمبری مشروبات کو ٹھوکر ماریں اور لسی کو فروغ دیں۔ وادی تھور کے ایک دورافتادہ گرمائی چراگاہ میں ہمارے میزبان نے دوران لنچ جب بوتل پیش کی تو یقین کیجیے مجھے شدید حیرت ہوئی اور میں سوچتا رہ گیا کہ کیسے یہ زہریلا مشروب یہاں تک پہنچ گیا؟ میں نے لسی کی مانگ کی تو میزبان نے ٹال مٹول سے کام لیا ، اس کی طبیعت  نے گوارا نہ کیا کہ مہمانوں کی تواضع لسی سے کی جائے ۔ لسی تو ثانوی شے ہے یہ مہمانوں کو کیونکر پیش کی جا سکتی ہے؟ یعنی شان میزبانی کے خلاف سمجھا۔ حالانکہ ان مقامات پر بکریوں کے دودھ سے جو خالص لسی نکالی جاتی ہے اس کا ایک گلاس دنیا کی تمام مشروبات کی ماں ہے۔ کہنے کا مقصد یہ ہے کہ لاشعوری طور پر ہم روزانہ چپکے چپکے بوتل نامی زہر اپنے معدے میں اتار رہے ہیں۔ ہمیں لوگوں میں آگاہی مہم چلانے کی ضرورت ہے۔

حکام بالا سے  پرزور مطالبہ ہے کہ دکاندارروں ، مرغی فروشوں اور قصابوں کو سختی سے ہدایت کرے اور پابند بنائے تاکہ وہ عوام کو معیاری اور خالص اشیاء خورد و نوش مہیا کریں۔ ہر چیز کا نعم البدل موجود ہے۔ جب نعم البدل موجود ہے پھر چند پیسوں کی خاطر لوگوں میں موت بانٹنے کا سودا کیوں کرتے ہیں یہ لوگ؟ بدقسمتی سے ہمارے یہاں انتظامیہ کو دکانوں میں چند پاپڑ نظر  آتے ہیں جب جب برق گرتی ہے تو پاپڑوں پر۔ باقی کون بوسیدہ مرغی بیچ رہا ہے؟ کون غیرمعیاری مصالحوں سے لوگوں کے معدے بگاڑ رہا ہے اور کون دو نمبر مشروبات پلا پلا کر لوگوں کے معدوں میں زہر انڈیل رہا ہے؟ پرواہ ہی نہیں ۔ پڑھا لکھا طبقہ اور سوشل تنظیموں سے درخواست ہے کہ وہ زبردست قسم کی شعوری مہم چلائیں ، مصنوعی چیزوں کی حوصلہ شکنی اور خالص دیسی اشیاء کی حوصلہ افزائی کریں۔ یہ آپ لوگوں کا فرض ہے ، آپ کی ذمہ داری ہے۔ اللہﷻ نے آپ کو شعور دیا ہے اس کا بہتر استعمال کریں اور لوگوں کو تباہی کے دہانے سے نکال باہر کریں۔ اللہﷻ ہم سب کا حامی و ناصر ہو۔

  پاکستان کی فضا میں آئے دن نت نئے سیاسی نعرے اور صدائیں گونجتی رہتی ہیں، مختلف سیاسی و مذہبی پلیٹ فارموں سے نئے نئے مطالبات منظرعام پر آتے رہتے ہیں، یہ سب نعرے عوام کی نمائندگی کے دعوے کے ساتھ سامنے لائے جاتے ہیں، لیکن اس کا غیر جانبدارانہ تجزیہ کرتے ہوئے، ان کے پسِ منظر پر نگاہ ڈالیں تو ان میں سے اکثر و بیشتر صداؤں کا اصل مقصد سیاسی مفاد پرستیوں اور حصول اقتدار کی کشمکش سے زیادہ نہیں ہوتا، کہیں سیاسی مستقبل کے تحفظ کے نام پر، کہیں جداگانہ قومی تشخص کے نقاب میں، کہیں نام نہاد نسلی حق خودارادیت کی خاطر، آپ دیکھیں گے کہ جس سیاسی طالع آزما کو اپنی ہوس اقتدار کے لئے کوئی نعرہ زیادہ کارآمد اور سازگار نظر آتا ہے، وہ اُسے لے کر میدان میں رنگ برنگ جھنڈے لہراتا دکھائی دیتا ہے، اسے اس کا قطعاً احساس نہیں ہوتا کہ منفی طرزِ عمل سے ملک کے مستقبل پر کیا اثر ہوگا، اس سے قوم کی وحدت و اتحاد کے تقاضے کس طرح زیر و زبر ہو کر رہ جائیں گے، اس سے حیاتِ ملّی میں کس قدر انتشار رونما ہوگا، کوئی قطعاً نہیں سوچتا کہ یہ مفروعی مفاد کے لئے نعرے بازی اور ہنگامہ آرائیاں اس مملکت کو (خدا نہ کرے) کس انجام سے دوچار کریں گی، جس کے حصول و قیام کے لئے اس قدر عظیم جنگ لڑی گئی، دفاع و تحفظ کے لئے سیکڑوں ماؤں کے نور نظر قربان ہوئے اور ہزاروں انسانوں کو بیش بہا قربانیاں دینی پڑیں

پاکستان جس صورت حال کا سامنا کررہا ہے، ان حالات کا کامیابی سے مقابلہ کرنے کے لئے ہماری قومی صفوں میں جس قدر وحدت و اتحاد کی ضرورت ہے، اسی کی روشنی میں اندازہ لگالیجیے کہ فروعی مفادات کا رجحان ہمیں کس تباہی سے دوچار کرسکتا ہے اور یہ ذہنیت قومی منافرت کے کس جہنم کو دعوت دے رہی ہے، سیاسی عدم بصیرت کا رجحان اس سے قبل بھی قومی زندگی میں فتنہ و شر کی چنگاریاں بکھیرتا رہا، مشرقی پاکستان (بنگلادیش) میں صوبائیت اور اختیارات کے نام پر چلائی جانے والی تحریک نے ایسی نازک صورت اختیار کرلی کہ اور تو اور خود ہمیں بھی مجبوراً یہ کہنا پڑا کہ ملک کی سالمیت کے نام پر وہ کچھ ہوگیا جس کا تصور بھی نہیں کیا گیا تھا، آج تک سقوط ڈھاکا کے محرکات کے پس پردہ حقائق کماحقہ (بظاہر) سامنے نہیں آسکے، قوم کے اذہان منتشر رہے کہ ملکی نظام و انصرام کو مضبوط رکھنے کے لئے کیسا طرز حکومت اختیار کیا جائے اور ذہنی تربیت کی ایسی کیا موثر صورت پیدا کی جائے کہ قیامِ پاکستان کے لئے دیکھا جانے والا خواب مزید نہ بکھر سکے

عصبیت، لسانیت، نسل پرستی، فرقہ واریت، مسلکی منافرت کی دبی ہوئی چنگاریوں کو کسی نہ کسی عنصر کی جانب سے وقتاً فوقتاً بھڑکانے کے مواقع، کسی نہ کسی طالع آزما کو مل جاتے ہیں، یعنی جب جی چاہے اس خاکستر کو ہوا دے اور چنگاریوں کو بھڑکا کر ملک کی سالمیت کو خطرے میں ڈال دے۔ پارلیمان کا کردار بادیئ النظر ثانوی سا ہوگیا ہے، اُدھر سیاسی پنڈت کچھ کہنے لگے ہیں کہ تبدیلی کے سفر کے تمام موڑ ختم ہونے والے ہیں اور گھبراہٹ سے بچنے کے لئے سامنے صرف دو راستے ہی بچیں گے، جس میں ایک راستہ ملک کو مزید تباہی کی طرف لے جاسکتا تو دوسرا راستہ سلامتی کا ہے، لیکن اس کے لئے اتحاد و اتفاق کی اُس ملّی وحدت کی ضرورت ہوگی جو قوم کی تقدیر کا فیصلہ کرسکے، لیکن موجودہ حالات میں سمجھا جاسکتا ہے کہ تمام صورت حال کا سیاسی اور ہنگامی حل موجود ہے، لیکن مستقل اور قطعی حل نہیں۔ اس کا مستقل حل وحدتِ مقصد کے ذریعے پیدا ہوسکتا ہے اور ذاتی طور پر میں بھی سیاسی پنڈتوں سے اتفاق کرتا ہوں کہ جو بار بار سیاسی طوفان اٹھتے رہے اور مفاد پرستیوں نے ہنگاموں کو قدم قدم پر جنم دیا، اس نے قوم کی وحدتِ مقصد کی نعمت بے نصیب ہونے میں کلیدی کردار ادا کیا ہے۔

قیام پاکستان کے لئے منظم اور طاقت ور دشمن کے مقابل حقِ خود ارادیت کے حصول کی جو جنگ قائداعظمؒ کی سالاری میں لڑی گئی، اس معرکہ آرائی کے فاتحانہ انجام کا باعث وحدتِ مقصد کے سوا کچھ نہ تھا، رنگون سے لے کر پشاور تک ہماری ملّت کے کروڑوں افراد کے سامنے ایک مقصد اور ایک منزل تھی، اس جنگ میں کوئی بھی بنگالی، پنجابی، سندھی، بلوچ اور پختون کی حیثیت سے شریک نہیں تھا، سب ملّت واحدہ کے افراد کی حیثیت سے ایک بنیان مرصوص کی سی وحدت میں ڈھل گئے تھے، انہوں نے یہ ملک ایک قوم کی حیثیت سے اور ایک قوم کے نام پر حاصل کیا اور اُس وقت یہ کسی تصور میں نہیں آسکتا تھا کہ اس مملکت میں لسانی اکائیوں کے نام پر کوئی بھی عصبیت کو قومی تشخص کی حیثیت سے ابھارے گا۔

آج بھی مملکت ِ پاکستان کی سالمیت اور بقا و استحکام کا جذبہ محرکہ وحدتِ مقصد کے سوا اور کوئی نہیں بن سکتا، جب ہم نے اپنی جداگانہ مملکت کے قیام کی وجہِ جواز کے طور پر خود کو ایک قوم کی حیثیت سے دنیا کے سامنے پیش کیا تھا تو اس ایک قوم کے دعوے کی بنائے اشتراک وطن، صوبے، رنگ یا نسل کا کوئی تصور نہیں تھا بلکہ یہ بنائے اشتراک اسلام اور صرف اسلام تھا، یہ دعویٰ تھا کہ چونکہ ہم سب مسلمان ہیں، اس لیے ہم ایک قوم ہیں۔ بدقسمتی سے وحدتِ مقصد سے محرومی اور بے نصیبی کا نتیجہ ہے کہ آج اس مملکت کے بے حس گروہ کا کوئی فرد نہ ملک کے مفاد کو اپنا مفاد سمجھتا ہے اور نہ اس کے نقصان کو اپنا نقصان، جب یہ سوال پیدا ہوکہ فلاں اقدام سے ملک کو نقصان پہنچے گا تو بے شعور و بے حس گروہ اس کا کوئی گہرا اثر قبول کرنے کے لئے تیار نہیں ہوتے، جب ایک مملکت میں صورت یہ پیدا ہوچکی ہو کہ چند خاندانوں کو معاشی اجارہ داری ہو اور باقی کروڑوں ان کی جلبِ زر کے ہاتھوں ضروریات زندگی تک سے محروم ہوتے جارہے ہوں تو وہ کیونکر ایک قوم کے نجات دہندہ قرار پاسکتے ہیں۔ جب تک افرادِ ملّت میں سچی وحدت اور اتحاد قائم نہیں ہوگا، اُس وقت تک چند بااثر خاندانوں کے فتنہ شر کو ختم کرنا ممکن نہیں ہوگا۔

ہیں آج کیوں ذلیل کہ کل تک نہ تھی پسند
گستاخی فرشتہ ہماری جناب میں

نادرا آفس اپر چترال میں عوام کی بے بسی ۔ ذاکر زخمی بونی اپر چترال

اپر چترال ضلع کم و بیش اٹھ ہزار مربع کلو مٹر پر پھیلا ہوا علاقہ ہے جو کھونگیر دیرو بوہت سے بروغل،ریچ تورکھو،شاگروم تریچ اور شاڈوک لوٹ اویر تک احاطہ کرتی ہے ڈھائی لاکھ سے زیادہ آبادی پر محیط ہے۔اس وسیع اور دور افتادہ علاقے میں جہاں بہت سارے مسائل ہیں لیکن ایک مسلہ جو سالوں سے عوام کو درپیش ہے اور حل ہونے کا نام نہیں لیتا وہ نادرا میں کارڈ بنوانے یا رجسٹریشن کرانے کا ہے۔عوام نادرا اپر چترال کے باہر روڈ پر جس طرح ذلیل وخوار ہوتے ہیں وہ اللہ بہتر جانتا ہے۔لگتا یوں ہے کہ اس مسلہ کا حل پاکستان میں کسی کے پاس نہیں اور یوں ذلیل و خوار ہونا عوام کامقدر ہے۔

پورے اپر چترال میں یہ واحد نادرا آفس ہیڈ کوارٹر بونی میں واقع ہے۔اس کے علاوہ تورکھو،موڑکھو مستوج یا یارخون میں اس کا کوئی شاخ نہیں۔حکومتِ وقت بضد ہے کہ لوگ اسی طرح خوار ہوتے رہے اور مہنگائی کے اس بدترین دور میں مزید بدحالی سے دوچار ہو۔سکون کا کوئی لمحہ ان کو میسر نہ ہو۔ اور ہمیں بدعائیں ملتے رہے۔اس واحد نادرا آفس میں نمازِ فجر کے بعد قطار لگنے شروع ہو جاتے ہیں اور جب دفتر کھلتی ہے تو پہلے ائیے پہلے پائیے کے بنیاد پر لوگ سینکڑوں سے تجاوز کرتے ہیں۔قریب گاوں والے تو نمبر لینے میں کامیاب ہوتے ہیں باقی دور کے مسافر بروغل،یارخون،ریچ،تریچ یا لوٹ اویر والوں کی شامت اس وقت اتی ہے جب وہ گاڑی دو طرفہ بک کرکے جان کے مارے دفتر پہنچتے ہیں تو ایک جلوس کا سامنا کرنا پڑتا ہے۔اب سرِ راہ رسوائی ان کا مقدر بنتا ہے۔

تنگ ترین روڈ کے دونوں اطراف جلسہ گاہ کا منظر پیش کرتا ہو ا دیکھائی دیتا ہے۔اگر اس وقت بلدیاتی الیکشن کا اعلان ہوتا ہے تو امیدواروں کو دوسرے جگہوں پر جانے کی بھی ضرورت نہیں پڑتے اور باری باری وہاں خطاب کرکے اپنے منشور ان تک پہنچاکر اپنا وقت اور پیسہ بچاتے لیکن شومئی قسمت امیدواروں کی کہ الیکشن ملتوی ہوا۔دفتر کے اندر محدود عملہ صبح سے شام تک اپنی فرائضِ منصبی نبھانے میں مصروف رہتے ہیں اس میں شاید چائے اور نماز کا وقفہ بھی ان کو میسر نہیں۔ساتھ مفت میں لعن طعن سن کر ذہنی اذیت میں جب شام کو گھر لوٹتے ہیں تو رات نہ ڈھلنے کی دعا کرتے ہیں مگر رات کو ہر صورت دن میں بدلنا ہے اور صبح دوبارہ دفتر کا رخ کرنا ہے۔اسٹاف کے ساتھ بھی کوئی جادوئی عمل نہیں کہ لمحوں میں سب کو فارع کرکے سکون کی لمحات پا سکے۔

اسٹاف کے حتہ المقدور کوششوں کے باوجود روزانہ اسی80 سے100سو بندے اگلے صبح کے انتظار میں ناکام و نامراد کسی رشتہ دار کے ہاں ٹھیرتے یا ہوٹل کا رخ کرتے ہیں۔گاڑی والوں کو دو طرفہ کرایہ ادا کرنے کے باوجود واپس گھر پہنچ کر ارام کرنا ان کو نصیب نہیں ہوتا۔ اس طرح مہنگائی کے اس عظیم دور میں دو طرفہ کرایہ اور ہوٹل کا کرایہ ساتھ پیٹ کی آگ کو بھجانے میں کتنا خرچہ اتا ہے اس کا اندازہ سب کو ہے۔

اس میں عجیب صورت اس طرح بھی ہے کہ جب کوئی رجسٹریشن کے لیے دفتر اتاہے تو کہا جاتا ہے کہ سربراہ کو لیکر حاضری دے۔ توجب پچاس یاساٹھ سال کا عمررسیدہ سربراہ سپورٹنگ اسٹیک لیے دفتر میں داخل ہوتا ہے تو اسے کہا جاتا ہے کہ زبان کی خانے میں اپ کا مادری زبان کھوار یا چترالی کے بجائے بلتی یا کچھ اور لکھا گیا ہے لہذا اسے درست کرنے لیے آپ کو سو روپے ادا کرنے پڑینگے اور اس کے بعد اپ کے بچوں کی رجسٹریشن ہوگی۔پہلے یہ پچاس،ساٹھ سال میں بندہ تین بار یا زیادہ شناختی کارڈ بنایا ہوتا ہے اس میں مادری زبان کے خانہ میں وہ ضرور کھوار یا چترالی لکھا ہوگا استفسار پر بتایا جاتا ہے مینول سے کمپیوٹیرائز ہوتے وقت غلطی ہوئی۔اب اس غلطی کا زمہ دار کون ہے کونسی نادیدہ قوت پُشت در پُشت کے اس چترالی باشیندے کو چترال سے نکال کر بلتیستان میں پھینک دیا ہے۔کسی کو کچھ معلوم نہیں لیکن جو سزا چترال کے غریب عوام بھگت رہی ہے اس ناکردہ غلطی پر اس کا اندازہ خود کریں جو اوپر بیاں ہو چکے ہیں اپنے بچوں کو پاکستانی ثابت کرنے کے لیے کیا کیا پاپیڑ بیلنا پڑتا ہے۔اس کے لیے گرمی،سردی،گردو غباراور طویل انتظار کی مصیبتیں سب کچھ برداشت کرنے کے بعد تب جاکے پاکستانی بننے کا مقام پایا جاتا ہے۔

ان تمام کے باوجود جو صبح سے شام تک روڈ پہ اس انتظار میں رہتا ہے کہ اِدھر اُدھر ہوجاوں تو باری کوئی اور لے سکتا ہے تو پھیر سے اکے آخری نمبر پہ جگہ پانا ہے تو اپنے جگہے سے ہل بھی نہیں سکتا ہے۔تو اندازہ لگانا آسان ہے کہ وہ کتنی صعوبتیں برداشت کر رہے ہوتے ہیں۔ وہ انسان ہے خاص کر خواتین بچے،بیمار اور ضعیف العمر لوگ وہ کیسے برداشت کر سکتے ہیں۔ ان کے بھی مجبوریات ہوتے ہیں انہیں بھی واش روم جانے کی ضرورت پڑتی ہے۔لیکن خدا کے کسی بندے نے آج تک احساس تک نہ کی ان کی ان مجبوریوں کو ایم این اے کے علم میں بھی ہے،ایم پی اے بھی خوب جانتا ہے۔ ڈی سی کے ہر کھلی کچہری میں یہ دہریا جاتا ہے کہیں پریس فورم ہو وہاں آواز بلند کی جاتی ہے۔ایجنسی والے روز روز یہ تما شا دیکھتے ہیں۔ پر اس مسلے پر کسی نہ یا تو توجہ نہ دی یا اسے مسلہ ہی نہیں سمجھا۔

حلانکہ روزانہ کی بنیاد پر لوگوں کی وقت پیسے ضائع ہو جاتے ہیں ذہنی کوفت ان کے علاوہ ہے۔ڈی سی اپر چترال نادرہ آفس دورہ کرکے مسلہ حل کرانے کی یقین دہانی کرچکے ہیں لیکن مسلہ اتنا آسانی سے حل ہونا دیکھائی نہیں دیتا۔ اس لیے چیرمین نادرا سے عاجزانہ درخواست ہے اس مسلے کو سنجیدہ لیا جاکر حکومتِ وقت کی اس دعوے کو سچ ثابت کریں کہ،،انصاف کی حصول دہلیز پر،،اس کے لیے موڑکھو،تورکھو اور مستوج میں دفترات قائم کی جائے تب تک ان علاقوں میں موبائل ٹیم کے ذریعے سہولیات پہنچانے کا فوری انتظام ہو۔تاکہ عوام سکون کا سانس لے سکھیں۔اس وقت موسم بھی برف باری کا شروع ہو چکا ہے مزید اپر چترال کے غریب عوام کو مصیبت میں نہ ڈالا جائے۔

نادرا

ملک کے نا مور اور مشہور تعلیمی اداروں میں مبا حثے اور تقریری مقا بلے کے لئے طلبااور طا لبات کو پر وگرام سے5منٹ پہلے مو ضوع دیا جا تا ہے 5منٹ کے اندر اپنا ذہن بنا کر نا م لکھوا نا پڑ تا ہے پھر روسٹرم سے نا م پکا ر نے پر ہر ایک کو فی البد یہہ اظہار خیال کر نا پڑتا ہے اس میں طا لب علم اور طا لبہ کی ذہنی استعداد، قابلیت اور بولنے کی صلا حیت سامنے آتی ہے لا ہور، مری، اسلا م اباد اور نو شہر ہ کے معیا ری پرائیویٹ سکولوں میں اس پر عمل ہوتا ہے اور یہ سب کے علم میں ہے لیکن سر کاری سکولوں اور کا لجوں میں اس پر عمل نہیں ہوتا سر کاری سکولوں اور کا لجوں میں مبا حثہ یا تقریر ی مقا بلہ ہو تو اساتذہ کی لکھی ہوئی تقریریں طلبہ کو رٹہ کے ذریعے یا د کروائی جا تی ہیں.

اصل مقا بلہ طلبہ کے درمیان نہیں ہو تا بلکہ اساتذہ کے درمیان ہو تا ہے بارہ ربیع الاول کو ایک بڑے نشر یاتی ادارے میں تقریری مقا بلہ کے منصف حضرات پر اُس وقت کڑی ازما ئش آئی جب ایک سکول سے ساتویں جما عت کی طا لبہ روسٹرم پر آئی اس کو جو تقریر لکھ کر دی گئی تھی وہ شستہ ادبی زبان میں تھی مگر مسئلہ یہ تھا کہ اس میں محفل میلا د کے ساتھ ساتھ 12ربیع الاول کی اہمیت کو بھی چیلنج کیا گیا تھا لکھنے والے نے تاریخ طبری، تاریخ مسعودی، تفسیر ابن کثیر اور صحیح بخا ری کے حوالے جا بجا لکھے ہوئے تھے یہ تقریر کسی بھی طرح ساتویں جما عت کے طا لبہ کی تقریر نہیں لگتی تھی تا ہم طا لبہ نے اس کو خوب یا د کیا تھا آ نکھوں اور ہاتھوں کے اشاروں سے بھی خوب کام لیتی تھی سامعین اور حا ضرین سے باربار داد وصول کر تی تھی.

کسی بھی منصف یا جج کے لئے اس کو نظر انداز کرنا مشکل تھا مو ضوع سے ہٹ کر بولنے پر اس کو نظر انداز کرنا پڑا ساتھ نوٹ بھی لکھنا پڑا کہ لکھنے والے نے مو ضوع کو نظر انداز کیا ا س لئے طا لبہ کے نمبر کم آئے ہمارے دوست پرو فیسر شمس النظر فاطمی نے ایک بار ارباب بست و کشاد کی مو جود گی میں تجویز دی کہ سر کاری سکولوں میں تقریری مقا بلے لا ہور اور مری کے تعلیمی اداروں کی طرح فی البدیہہ کر ائے جائیں اگر یہ ممکن نہ ہو تو اسا تذہ کی لکھی ہوئی تقریروں کا مقا بلہ بند کیا جائے اس کا کوئی فائدہ نہیں.

ایک بڑے پر و گرام کے مو قع پر ان کو بحیثیت منصف یا جج اظہار خیا ل کی دعوت دی گئی تو انہوں نے لگی لپٹی رکھے بغیر کہا کہ اس مقا بلے کی 8تقریروں میں سے 4میر ی لکھی ہوئی تھیں اور 4عبید الرحمن کے قلم کے شہکار تھیں 3ججوں میں سے دو جج وہ لو گ تھے جن کی لکھی ہوئی تقریر وں کا مقا بلہ تھا حا ضرین سے داد سمیٹتے ہوئے انہوں نے کہا میں نے دو تقریر یں مو ضوع کے حق میں اور دو تقریریں ایوان کی رائے کے خلا ف لکھ کر دیئے تھے میرے دوست عبید الرحمن کا طریقہ واردات بھی اس سے مختلف نہ تھا اگر صو بائی اور ضلعی سطح کے حکام کسی جگہ مل بیٹھیں مشا ورت اور میٹنگ کریں پھر فیصلہ کریں کہ لا ہور اور مری کے مشہور تعلیمی اداروں کی طرح سرکاری سکولوں میں بھی تقریری مقا بلہ یا مبا حثہ کے لئے مو ضوع پرو گر ام سے 5منٹ پہلے دیا جا ئے گا طلبا اور طا لبات فی البدیہہ تقریروں کے ذریعے فن کا مظا ہر ہ کرینگی تو اس فیصلہ سے تعلیمی نظام میں ہم نصا بی سر گر میوں کو نئی زند گی اور نئی جہت ملے گی طلباء اور طا لبات کی صلا حیتیوں کو جا نچنے کا مو قع ملے گا تقریری مقا بلہ صحیح معنوں میں تقریری مقا بلہ ہو گا اس پر جھوٹ اور فریب کا ملمع نہیں ہو گا۔

ہمارا مقصدکم از کم اسی حالت میں سیارہ ارتقا ء کو آنے والی نسلوں تک منتقل کرنا ہے جیسا کہ ہمیں ملا ہے۔ اگر ہم نے بر وقت موسمی تبدیلیوں پر کان نہ دھرے تو ہمارا شماراچھی کتابوں میں شامل نہیں ہوں گا۔ماحولیاتی آلودگی کے بیانک اثرات سے آب و ہوا میں ہونے والی تبدیلیوں سے پوری دنیا بدلے گی، خاص طور پر دنیا کے 2.6 ارب غریب لوگوں کے ساتھ یہ دیگر جانداروں کو بھی ختم کردے گی۔ پچھلے 40 سالوں کے دوران، جانوروں اور پودوں میں 50 فیصد کمی واقع ہوئی ہے۔ آئی سی یو سی این کی رپورٹ کے مطابق، 20 سے 30 فیصد پودوں اور جانوروں کو خطرہ ہے اور موسمیاتی تبدیلیوں کی وجہ سے جلد ناپید ہوجانے کا امکان ہے۔سمندر جوگرمی کو جذب کرنے کا بہترین ذریعہ ہیں، وہ بھی شدیدموسمی تبدیلیوں کا شکار ہو چکے ہیں۔ 1969 کے بعد سے، اوسط درجہ حرارت 0.4 ° ڈگری سے 700 میٹر سمندروں میں گرم تر ہوتا جارہا ہے۔

ناسا کے اعدادوشمار بتاتے ہیں کہ 1993 سے 2016 تک برف کی اوسط پگھلنے کی شرح 280 بلین ٹن سالانہ ریکارڈ کی گئی ہے، جبکہ اسی عرصے کے دوران انٹارکٹیکا میں 127 ارب ٹن سالانہ برف پگھلنا ریکارڈ کی گئی ہے۔پچھلی دہائی کے دوران انٹارکٹیکا میں برف پگھلنے کا تناسب 3 فیصد ریکارڈ کیا گیا ہے۔ پگھلتے گلیشیرز، ابلتے سمندر، سمندری زندگی، جنگلی حیات کی معدومیت، بڑھتی گرمی اور موسمیاتی تبدیلیوں کا نقارہ بجا رہے ہیں۔ اپنے سیارے کو اس حال میں پہنچانے کے ذمہ دار ہم ہی ہیں۔ گرین ہاؤس گیسوں کی وجہ سے درجہ حرارت میں مسلسل اضافہ ہوتا جارہا ہے۔ جولیٹ جارجیا، ریاست ہائے متحدہ امریکہ کے پاس کوئلے کا سب سے بڑا پلانٹ ہے جو روزانہ 34000 کنڈلی کھاتا ہے اور سالانہ 25 ملین ٹن CO2کا اضافہ کر رہا ہے۔ زرعی اراضی کے حصول کے لئے ایمیزون کے جنگلات میں جنگلات کی کٹائی شروع کردی گئی ہے۔

سائنس دان 1824 ء اور بعد میں 1895 ء میں موسمی تبدیلیوں سے ہونے والی تباہی کے بارے میں انتباہ کر رہے ہیں۔ گرین ہاؤس گیسوں کے اتار چڑھا وکی تاریخ اب مسلسل بڑھتی جارہی ہے۔ عالمی درجہ حرارت میں پچھلے 150 سالوں میں تشویشناک حدتک اضافہ ہوتا جارہا ہے۔ آتش فشاں پھٹنا، شمسی ہواؤں اور دیگر عوامل جن کی وجہ سے آب و ہوا میں ردوبدل انسانی حصص سے کم حصہ ڈال رہے ہیں۔ آتش فشاں پھٹنے سے ماحولیاتی تبدیلیوں پر صرف دو فیصد اثر پڑتا ہے۔ صنعتی انقلاب کے بعد CO2 میں تین فیصد اضافہ ہوا ہے۔ وہ تبدیلیاں جو صدیوں بعد رونما ہوتی تھیں اب دہائیوں میں رونما ہو رہی ہیں۔ کرہ ارض کا اوسط درجہ حرارت برف کے دور سے 9 ° سے بھی زیادہ بڑھ چکاہے۔ تیزی سے پگھلتی برف کی وجہ سے سمندروں میں 1 سے 2.3 فٹ کا تخمینہ اضافہ ہوگا اور 4 فیصد اضافے سے سونامی کا سبب بن سکتا ہے۔

شدید موسمی حالات مزید تباہ کن سیلاب، خشک سالی، زمین کا بنجر ہوجانے اور بہت سی بیماریاں پیدا کرنے کاموجب بن رہے ہیں۔ زرعی پیداواری صلاحیت میں کمی اور پانی کی قلت کے خطرات ایک گدھ کی طرح ہمارے سروں پر منڈلا رہے ہیں۔ماحول میں CO2میں اضافے کے سلسلے میں سال 2020 انسانی تاریخ کا بدترین سال رہا۔ ناسا کے اعدادوشمار کے مطابق، 2019 میں دنیا کا درجہ حرارت 1.8 ° تھا جو 2020 کے دوران توقع سے زیادہ بڑھ گیا ہے۔ 1880 سے 2019 تک کی انسانی تاریخ کے پانچ گرم ترین سال 2015 سے 2020 تک ہیں۔”اگر ہم اس سنگین مسئلے کو نظر انداز کرنے کی کوشش کرتے ہیں تو، ہم مستقبل قریب میں زراعت میں کمی اور آبادی میں اضافے کے ساتھ ساتھ پانی کی قلت، معاشی انحطاط، دفاعی اور صحت کے مسائل کا بھی سامنا کریں گے۔ ہمارے پاس ٹروجن ہارس کو اپنے قلعے میں لے جانے سے پہلے غور کرنے کا وقت ہے۔ ہمیں آب و ہوا کی تبدیلی کے خلاف جنگ جیتنے کے لئے ایکیلیس کی ایڑی پر ضرب لگانا ہو گی۔”موسمیاتی تبدیلیوں میں گرین ہاوس گیسوں میں 

11 فیصد اضافہ کرکے دیگر ذمہ داران عوامل کے ذریعہ شامل کُل 6 فیصد کے مقابلے میں انسان انتہائی ذمہ دار ہیں۔ یہ بھی ستم ظریفی ہے کہ موسمیاتی تبدیلیوں کو کنٹرول کرنے کے لئے مختص فنڈز میں سے صرف 3% قدرتی حل پر استعمال ہوتے ہیں۔ عفریت سے چھٹکارا حاصل کرنے کے لیے ہمیں قدرتی حل میں زیادہ سے زیادہ سرمایہ کاری کرنا ہوگی۔ ہمیں پودے لگانا اور دوبارہ لگانا ہوں گے۔ شجرکاری کے ذریعہ ہم نہ صرف آب و ہوا کی عفریت کو اپنی ماند میں دھکیل سکتے ہیں بلکہ ہم تیل اور گیس کی صنعت سے زیادہ ملازمتیں بھی پیدا کرسکتے ہیں۔ اگر درجہ حرارت اپنے موجودہ تناسب کے ساتھ بڑھتا رہا تو، 2030 سے?2052میں درجہ حرارت میں 1.5 فیصد اضافے کا خدشہ ہے۔ پچھلی صدی کے دوران، آٹھ جزیروں کو سمندروں نے نگل لیا تھا۔

لندن کی زوالوجی سوسائٹی کے مطابق، جنگلی حیات میں گذشتہ 40 سالوں کے دوران 40 فیصد کمی واقع ہوئی ہے اور 1970 سے 2014 تک مچھلی، پرندوں، رینگنے والے جانوروں اور کچھ دوسری نسلوں میں 60 فیصد کمی واقع ہوئی ہے۔ اس سلسلے میں CO2سب سے بڑا خطرہ ہے، CO2 کی مقدار جس کا اندازہ لگایا جاتا ہے کہ وہ 1750 کے بعد سے موجود ہے، پچھلے 40 سالوں کے دوران ہوا میں شامل کیا گیا ہے۔ہم ان کی پیداوار سے زیادہ قدرتی وسائل بھی استعمال کر رہے ہیں۔ انسانی تاریخ کی سب سے مہلک اور خطرناک موسمی صورتحال گذشتہ دو دہائیوں میں تین فیصد زیادہ واقع ہوئی ہے۔

موسلا دھار بارش نے چار فیصد، ہیٹ اسٹروک میں 43 فیصد، قحط سالی 17، سیلاب میں 16 فیصد تک اضافہ ہوا ہے۔ 2018 میں، 120000 مربع کلومیٹر اشنکٹبندیی جنگلات کاٹ دیئے گئے جس کے نتیجے میں دنیا کی آب و ہوا میں 11 فیصد زیادہ CO2پیدا ہوا۔ ہم آنے والے 20 سالوں میں 1 عرب ٹن پلاسٹک شامل کرنے جا رہے ہیں جو صورتحال کو مزید گھمبیربنا دے گا۔ برطانیہ نے موسمیاتی تبدیلیوں سے بچنے کے لیے 2050 تک موٹر کاروں کو بجلی بنانے کا ہدف بنایا ہے۔آب و ہوا کی تبدیلی کے بارے میں ہماری مشکوک پالیسی ہے جیسا کہ مسئلہ کشمیر پر ہمارے پاس ہے۔ موسمیاتی تبدیلی کی تلوار ہمارے سروں پر لٹک رہی ہے اور ہم ابھی تک تسلی بخش سطح پر نہیں پہنچ سکے ہیں۔ ہمیں اپنی آب و ہوا کی پالیسی کا جائزہ لینا ہوگا اور اسے موجودہ حالات کے مطابق ڈھالنا ہوگا۔

ہم بدی کے خاتمے کے لئے اقدامات کرنے کے پابند ہیں۔ ہمیں شعور بیدار اور پیدا کرنے کی ضرورت ہے۔ ہمیں اس کے بارے میں اپنے قومی نصاب میں ابواب تحریر شامل کرنا ہوں گے۔ ہم پودے لگانے کی مہمات کے ساتھ ساتھ قدرتی وسائل کی حفاظت کرکے بھی اسے سنبھال سکتے ہیں۔ شدید بارشیں  موسمی تبدیلیوں کی طرفایک اشارہ ہے۔ ہمیں فورا اس مسئلے پر کان دھرنے کی ضرورت ہے۔ ہندوکش، قراقرم اور ہمالیہ پہاڑوں پر برف پگھلنے سے شدید سیلاب آسکتا ہے جس سے ہماری زراعت متاثر ہوگی۔ اس سے آبادی میں مزید ردوبدل ہوسکتا ہے۔ اگرچہ پلاننگ کمیشن نے آب و ہوا کی تبدیلی سے نمٹنے کے لئے قیمتی تجاویز دی ہیں، لیکن پھر بھی ہمیں ان فائل کی تجاویز کو عملی شکل میں لانے کی ضرورت ہے۔ اگر ہم اس سنگین مسئلے کو نظر انداز کرنے کی کوشش کرتے ہیں تو، ہم مستقبل قریب میں زراعت میں کمی اور آبادی میں اضافے کے ساتھ ساتھ پانی کی قلت، معاشی انحطاط، دفاعی اور صحت کے مسائل کا بھی سامنا کریں گے۔ ہمارے پاس ٹروجن ہارس کو اپنے قلعے میں لے جانے سے پہلے غور کرنے کا وقت ہے۔ ہمیں آب و ہوا کی تبدیلی کے خلاف جنگ جیتنے کے لئے اکیلیز کی ایڑی پر ضرب لگانا ہو گی۔ چاہئے۔

شاہ عالم علیمی یہ میں اور چچا خدا بخش اتفاق سے ایک ساتھ مقامی یوٹیلٹی اسٹور میں داخل ہورہے ہیں۔ چچا خدا بخش میرے ہمسائے ہیں اور اسلام آباد کے نواحی علاقے میں یہ یوٹیلٹی اسٹور اگرچہ ہمارے گھر سے کافی دور ہے لیکن بیس روپے بچانے کے چکر میں، میں اور چچا خدا بخش اور بیسیوں دوسرے لوگ اس سرکاری اسٹور سے ہی سودا سلف لیتے رہے ہیں۔ دو سال پہلے تک ہمارے گھر کے ساتھ بھی ایسا ہی ایک اسٹور ہوا کرتا تھا لیکن پھر تبدیلی ائی اور وہ اسٹور ختم کردیا گیا۔ صرف وہ نہیں بلکہ ملک بھر میں سینکڑوں ایسے ہی یوٹیلیٹی اسٹورز ختم کردیے گئے۔

یہ اسٹور سابق امر جنرل پرویز مشرف کے برامد شدہ وزیراعظم شوکت عزیز کے دماغی اختراع تھے اور ان چند اچھے کاموں میں سے تھے جو امروں اور ان کے ٹکنوکریٹ مددگاروں نے کیا۔ خیر دیکھیئے اج یہ اسٹور بھی خالی خالی نظر ارہا ہے۔ دو مہینے پہلے تک اس اسٹور میں چیزیں دستیاب ہوتی تھیں اج الماریاں خالی پڑی ہیں۔ چچا خدا بخش کو ایک تھیلا اٹا ایک کلو گھی ایک دو کلو چاول چاہیے۔ تینوں اشیا غائب ہیں۔ مجھے جو چار پانچ چیزیں چاہیے ان میں سے صرف ایک دستیاب ہے۔ چچا بخش کے چہرے پر پریشانی تو دروازے سے داخل ہوتے ہوئے ہی میں نے محسوس کیا تھا جب انھوں نے فکرمند انکھیں اٹھائے میرے سلام کا جواب دیتے ہوئے ‘کی حال اے پتر تاڑا’ کہا تھا اور پھر میرے پوچھنے پر ‘شکر، شکر’ کا تکرار کرکے خاموش ہوئے تھے۔

مقامی محاورے میں شکر عام مستعمل ہے جس کا مطلب ضروری نہیں کہ بندہ بالکل خوش باش اور خوشحال ہے بس کسی بھی حال میں شکر کرتے رہنا چاہیے۔ یہی صابرین کا طرز کلام ہوتا ہے۔ مگر چچا خدابخش کو شکر یعنی چینی بھی چاہیے جس کے بیغیر چچا صبح ناشتے میں ایک ادھ پراٹھہ کے ساتھ چائے نہیں پی سکتا مگر چینی دستیاب نہیں ہے۔”ابھی ابھی ختم ہوگئی جناب”۔ یہ اسٹور کے سنئیر مینجر مجھے بتارہا ہے۔ چچا خدا بخش پریشانی کی وجہ سے خاموش ہے۔ کیونکہ صبح صبح میں نے خود اپنے ہمسائے شہزاد صاب کی دوکان سے چینی خریدی تھی ایک کلو 160 روپے تھا۔ شہزاد صاب نے کہا، شاہ صاب 170 کی ہوگئی ہے آپ کو 160 کا دے رہا ہوں۔ میں نے کوئی بات نہیں کی۔ کیونکہ اج کل ہر صبح اٹھتے ہی اپ کسی اور چیز کی توقع کریں یا نہ کریں لیکن تبدیلی کی توقع ضرور رکھ سکتے ہیں۔ یعنی تبدیلی ہر صبح شام دوپہر ہر وقت اتی رہتی ہے،  اس دن رات کو پٹرول پر اٹھ روپے فی لیٹر کے ساتھ ائی تھی۔ 
بہرحال یوٹیلٹی اسٹور کے سنئیر منیجر سے میں پوچھ رہا ہوں،  “لیکن جناب گھی چاول دالیں اٹا کچھ بھی نہیں ہے اپ کے پاس”؟      “اٹا تو دو مہینے سے نہیں ارہا میں تو مسلسل ریکوسٹ request  بھیج رہا ہوں لیکن نہیں ارہا ہے”۔ یہ صاحب مسکراتے ہوئے مجھے بتارہا ہے۔ ماحول مایوس کن ہے اور اس میں چچا خدا بخش کے فکرمند چہرے نے مزید اضافہ کیا ہوا ہے۔ مجھے اپنی فکر نہیں ہے کیونکہ میں ایک اکیلے ویلے ادمی ہوں۔ چچا خدا بخش کی تین بیٹیاں اور دو بیٹے ہیں ایک عدد بیگم بھی ہے۔ دو بچے بالترتیب ساڑھے سات اور نو سال کے ہیں اور بچیاں بھی کچھ بڑی نہیں دس گیارہ بارہ سال کی ہوں گی۔

چچا ابھی ساٹھ سال کی عمر میں داخل ہوچکے ہیں۔ چند سال پہلے تک ایک پرائیوٹ کمپنی میں کام کرتے تھے پھر ‘ضعیف العمری’ کی وجہ سے کمزور پڑ گئے اور کمپنی نے کام سے نکال دیا اور اب چچا ایک ریڑھی پر کچھ پھل فروٹ بیج کر گزارا کررہے ہیں۔ اسٹور سے میں نے ایک دو چیزیں خرید کر کاونٹر پر بل دینے ایا تو رسید میں ایک فقرے کا اضافہ تھا یعنی “سبسڈی-29 روہے”۔ مجھے انتیس روپے کی سبسڈی ملی ہے۔ مگر غور کرنے سے مضحکہ خیز معاملہ، معاف کیجئے گا، تبدیلی نظر اتی ہے۔ یعنی جس چیز کی قیمت ایک سو ستر روپے تھی اس کی قیمت پہلے دو سو اسی روپے کردی گئی ہے۔ اور پھر اس دو سو اسی روپے میں سے مجھے  سبسڈی ملی ہے۔ دس روپے بقایا نقدی کے بجائے ٹافیاں پکڑائی جا رہی ہے۔

دل کرتا ہے ناناپٹیکر کی طرح پوچھوں’ کیا ہے یہ!  لیکن خیر یہ ہم خودی کو بلند کرکے  اس اسٹور سے نکل ائے۔ اسٹور کے منیجر نے مزید بتایا تھا کہ اٹا آ بھی جائے تو ہمارا کوٹہ ایک سو چالیس تھیلا ہے اور وہ اس پورے شہر کے لئے ناکافی ہے۔ فقط ایک سو چالیس تھیلا!  مجھے معلوم ہے چند مہینے پہلے رمضان کے مہینے سبسڈائیزڈ subsidized  چینی اٹا لینے کے لئے خواتین و حضرات یہاں ہی باہر ایک ادھ کلو میٹر لمبی لائن لگاکر کھڑے رہتے تھے۔ میں نے ان کی ایک عدد تصویر کھینچی تھی اور دل ہی دل میں کہا تھا اس قوم کی قسمت میں زلت و رسوائی ہی کیوں لکھی ہے؟  خیر اج کل ایک طرف مہنگائی اور بےروزگاری کی چیخ و پکار ہے تو دوسری طرف بتایا جارہا ہے کہ دنیا میں جو مہنگائی ہے اس کے مقابلے میں پاکستان میں تو ہے ہی نہیں۔

بہرحال ان کی بات بھی صیح ہوسکتی ہے اور ان کی بھی۔ کیونکہ اج تک اس ملک میں کوئی ایسا پیدا ہی نہیں ہوا جس کی بات غلط ہوئی ہو۔ دوسری طرف زمانہ ایسا ہے کہ یہاں سارے دلیل بیکار اور ساری منطق فضول ہے۔ آپ کہہ دیں کہ امریکہ میں مہنگائی ہے تو روزگار بھی تو ہے۔ برطانیہ میں مہنگائی ہے تو سہولیات بھی تو ہے سعودیہ میں مہنگائی ہے تو لوگوں کو ریاست مدد بھی فراہم کررہی ہے۔ ایران میں مہنگائی ہے تو سوشیل سکیورٹی بھی تو ہے۔ بنگلادیش میں مہنگائی ہے تو کم از کم امدنی بھی تو ہے۔۔۔۔

سب بیکار ہے سب فضول ہے۔ یہ کہنا بھی فضول ہے کہ چینی Chinese مزدور کے پانچ دن کی تنخواہ اور پاکستانی مزدور کے مہینے یا ایک سوئزرلینڈ کے ایک شہری کے ایک گھنٹہ کی تنخواہ اور پاکستانی مزدور کے ایک مہینہ کی تنخواہ برابر ہے۔ یہ سب بھی دیوانے کی بھڑ ہے یا طوطی کی اواز نقار خانے میں۔ بھلا شاہ جہاں یا جلال الدین اکبر اور ان کے چیلوں کا عوام الناس کے مسائل سے کیا دلچسپی؟  زیادہ سے زیادہ ہمدردی ہو تو حاکم وقت مہنگائی کو ٹالنے کے لئے صدقہ خیرات دے سکتا ہے بس!  دیکھ لیں ڈالر 178 پر ہے مہنگائی بے روزگاری اور غربت ہمالیہ کی چوٹی سے اوپر گئی لیکن دوسری طرف فارما کمپنیوں شوگر مافیا اور ایگریکلچر مافیا اور رئیل اسٹیٹ کے ٹائیکونز اور دوسرے مافیاز کے وارے نیارے ہورہے ہیں۔ اور سب پر مستزاد حاکم وقت کی بے حسی (بے بسی؟) معنی خیز ہے!  

آپ آج کے پاکستان کے حالات پر غور کیجئے اور دیکھئے، کیا ہمارے معاشرے میں بعض عناصر ایسی روش پر تو گامزن نہیں جہاں نام نہاد طبقہ ئ اعلیٰ کی سیرتوں میں ایلیٹ کا رنگ رنگا ہوا ہو، اوپر کے طبقے کی اس روش زندگی کا نتیجہ کیا ہوتا ہے، اس کا فیصلہ اپنے دل سے کیجئے اور ضمیر کی عدالت لگا کر اسباب کو سامنے لائیں کہ کیا عوام کے دلوں میں ان کا احترام باقی ہے کہ بالکل اٹھ گیا ہے۔دنیا میں کوئی ایسی قوم زندہ نہیں رہ سکتی جس کے دلوں میں خواص کی تعظیم باقی نہ رہ جائے، آپ قانون کے ظواہر سے، قوت کے زور پر منوا سکتے ہیں لیکن وہ شے جو قوم کو جان تک دینے کو آمادہ کرتی ہے،صرف احترام اور عقیدت ہوتی ہے۔ آج  اکثریت کے دلوں سے نام نہاد لیڈروں کا احترام کس حد تک اٹھ چکا ؟  اس کا اندازہ ہر وہ شخص کرسکتا ہے جسے نیچے سے عوام میں گھل مل کر رہنے کا اتفاق ہو، عوام سے مراد صرف قوم کا سب سے نچلا طبقہ ہی نہیں بلکہ وہ متوسط طبقہ بھی جو قوم کا دست و بازو کہلاتا ہے، اس طبقے میں نہ صرف یہ کہ نام نہاد ’لیڈروں‘ کا احترام ہی باقی نہیں رہا بلکہ ان کی تمسخر انگیز منافقانہ روشِ زندگی کی وجہ سے ان کے خلاف نفرت کے جذبات بھی پیدا ہو رہے ہیں  اور خود ان کے الفاظ کو ہی وہ مضحکہ خیز تصور کرنے لگ گئے ہیں، نتیجہ اس کا یہ ہے کہ بعض نامی ’لیڈروں ُ کی وجہ سے قوم کی نگاہوں میں قول وفعل کی قیمتی اقدار بھی قابل ِ نفرت تصورات قرار پاچکی ہیں۔

 جو کچھ اوپر لکھا  یہ ہمارے موجودہ حالات کا صحیح آئینہ ہے جس کا جی چاہے اس میں اپنی صورت دیکھ لے۔ ہم جانتے بھی ہیں کہ جو کچھ وطن ِ عزیز میں غلط ہورہا ہے اس کا نتیجہ تباہی کے سوا کچھ نہیں ہوا کرتا، اس لئے ہم اس کا احساس کرنے کے باوجود کہ حبشی آئینے میں اپنی کریہہ صورت دیکھ کر آئینے کو پتھر دے مارا کرتے ہیں، نہایت ضروری ہے کہ اس آئینے کو قوم کے سامنے رکھ دیا جائے،  بدقسمتی سے ہماری قوم کی زندگی کے تمام نمایاں گوشوں پر آج نام نہاد انقلابیوں کی پوری طرح سے منافقت مسلط ہوچکی ہے۔ نام نہاد لیڈروں کے ساتھ ساتھ ان کے حواریوں کی اخلاقی قوت بھی بالکل بگڑتی جارہی ہے، اگر اسے بروقت سنبھالا نہ گیا تو پھر اس کے سنبھلنے کی کوئی صورت نہیں رہے گی، اس میں کوئی کلام نہیں کہ اس زمانے میں ملک کے دفاع پر جس قدر روپیہ خرچ کیا جائے، کم ہے لیکن یہ حقیقت ہے جس پر تاریخ اور خود ہمارا زمانہ شاہد ہے کہ جس قوم کا مورال قائم نہ رہے، اس میں دفاع کے اسباب و ذرائع کبھی کامیاب نہیں ہوا کرتے۔اس صورت حال کے باوجود سب کچھ مایوس کن نہیں،  یہ اندازہ ہی نہیں بلکہ یقین ہے کہ قوم میں ایسے مخلص افراد کی کمی نہیں جو اس صور ت حالات کو اسی طرح سے محسوس کررہے ہیں جس طرح لکھا گیا۔

قوم میں مخلص و باشعور افراد نہایت خلوص اور دیانت سے مضطرب اور بے قرار بھی ہیں، وہ دل سے چاہتے ہیں کہ اس روش میں کسی طرح اصلاح ہوجائے، اس لئے کہ پاکستان نہ صرف ان کی جان، مال، عصمت آبرو کی حفاظت گاہ ہے بلکہ ان کے زدیک یہ ان کی حسین آرزوؤں کی تعبیر اور ان تصورات کی تجربہ گاہ بننے کا امکان اپنے اندررکھتاہے جو ان کی زندگی کا آسرا ہیں، اس لئے وہ اس کے تحفظ اور بقا کے لئے ہم سے بھی زیادہ بے تاب اور بے قرار ہیں لیکن ان کی یہ بے تابیاں اِس وقت تک نتیجہ خیز نہیں ہورہیں، اس کی ایک وجہ تو یہ ہے کہ ہمارے ہاں لوٹ مار کی وجہ سے عزت اور گراں قدری کے معیار بدل گئے ہیں، اس وقت اثر اور عزت کا معیار صرف اضافی نسبتیں رہ گئی ہیں اور چونکہ یہ اضافی نسبتیں لوگوں کو بہت سستے داموں ملی ہیں، اس لئے جن کی طرف یہ نسبتیں منسوب ہیں، وہ کسی ذاتی قیمت کے حامل نہیں ہیں، آج حالت یہ ہوچکی کہ کوئی غریب یا ایسا شخص جو بلند منصب پر فائز نہیں، کیسی ہی بلند پایہ بات کیوں نہ کہے، کوئی شخص اس درخو اعتنا سمجھنے کے لئے تیار نہیں ہوتا۔ اس کے برعکس کوئی دولت مند یا صاحب منصب کتنی ہی گھٹیا بات کیو ں نہ کہے، چاروں طرف سے مرحبا اور سبحان اللہ کے غلغلے بلند ہونے شروع ہوجاتے ہیں، نتیجہ یہ کہ آدمیت، وجہ تکریم آدمی ہونے کے بجائے اضافی نسبتیں باعث تعظیم بن رہی ہیں، اس لئے بلند پایہ بات کرنے والے غریب یا غیر منصب دار افراد یہ کہہ کر الگ ہو بیٹھے ہیں کہ جب اس ریس میں ہماری اس آواز کی قیمت ہی کچھ نہیں تو ایسی آواز نکالنے سے حاصل ہی کیا ہے۔

یہ ان کی بنیادی غلطی ہے، اگر حق کی آواز کہنے والا بھی اضافی آسروں کا محتاج ہوجائے تو حق کا نام لینے والا باقی نہ رہے، پھر دوسری وجہ یہ بھی ہے کہ اس قسم کی تڑپ اور خلش رکھنے والے افراد ملک کے مختلف گوشوں میں بکھرے پڑے اورایک دوسرے سے بے خبر ہیں، اس لئے ہر شخص اپنے آپ کو تنہا محسوس کرتا ہے، اگر وہ ایک دوسرے سے قریب ہوجائیں تو یہی قرب ایک دوسرے کی تقویت کا باعث ہوگا۔ سوال یہ ہے کہ اس قسم کے سوچنے والے دماغ اور قوم کے مستقبل کے تحٖفظ کا درد رکھنے والے دل بالآخر کب تک حالات کو صورت آئینہ دیکھتے جائیں گے؟، کیا ان کے یک جا ہوکر متفقہ فکر سے کوئی عملی حل کے تلاش کرنے کی کوئی صورت پیدا نہیں ہوسکتی؟، انہیں معلوم ہونا چاہے کہ جب بربادیوں کا سیلاب آیا کرتا ہے تو وہ صرف انہی کے گھروں تک ہی محدود نہیں رہا کرتا جو ا ن تباہوں کا باعث ہوتے ہیں۔سیلاب کی رو میں ہر ایک خس و خاشاک کی طرح بہہ جایا کرتا ہے، میری ذاتی رائے میں اس قسم کے منتشر افراد میں سے ہر شخص اپنی اپنی جگہ اس احساس کو دل میں لئے بیٹھا ہے لیکن خود پہل کرنے کے بجائے اس انتظار میں ہے کہ کوئی اور شخص باہر نکلے، لیکن سوال یہ ہے کہ اس انتظار کی بالآخر کوئی حد بھی ہے، کہیں ایسا نہ ہو کہ آپ یہی کچھ سوچتے رہیں اور بربادیوں کے سیلاب سر پر ہی آجائیں۔

مہنگائی کی طوفانی لہر جو پچھلے چند  سالوں سے شدت کے ساتھ  پاکستان کو  اپنی لپیٹ میں لئےہوئے ہے، اب برداشت کی تمام حدود  پار کر  رہی ہے۔تیل، چینی، آٹا، دالیں، سبزیاں، انڈے، گوشت، بجلی و گیس کے بل ، سکول فیس آبادی کے بڑے طبقے کی برداشت سے باہر ہو چکے ہیں۔ جب ہم اس بات کا جائزہ لیتے ہیں کہ موجودہ معاشی نظام کام کیسے کرتا ہے  تو ہمیں مہنگائی اور اس  سرمایہ دارانہ نظام کے درمیان ایک گہرا اور لازمی  رشتہ  دیکھنے کو ملتا ہے۔

ماضی میں ڈالر، پاؤنڈ اور فرانک کی طرح روپیہ بھی کسی قیمتی دھات کی بنیاد پر جاری ہوا کرتا  تھا۔ ڈالر کی صورت میں وہ قیمتی دھات سونا ہوتی تھی جبکہ روپے کی صورت میں وہ چاندی ہوا کرتی تھی۔ کرنسی کا یہ نظام مالیاتی نظام  نہ صرف اس خطے میں اندرونی طور پر بلکہ بین الاقوامی تجارت میں بھی استحکام فراہم کرنے کا باعث ہوتا تھا۔ یہی وجہ ہے کہ اسلام کے زیر سایہ برصغیر پاک و ہند عالمی معیشت کے لیے ایک انجن کا کردار ادا کیا کرتا تھا۔

لیکن سرمایہ دارانہ نظام کے تحت جاری ہونے والے سودی قرضوں اور سٹاک مارکیٹ نے کرنسی کی اس قدر طلب پیدا کی جس کو  سونے اور چاندی کی رسد(Supply) پورا نہیں کرسکتی تھی۔اس کے علاوہ جنگ عظیم اول اور دوئم بھی کرنسی کی طلب میں بے پناہ اضافے  کا سبب بنیں۔ لہٰذا ریاستوں نے قیمتی دھات کی بنیاد پر جاری ہونے والی کرنسی کے نظام کو چھوڑ دیا اور زیادہ سے زیادہ نوٹ چھاپنے شروع کردیے جن کے پیچھے سونے اور چاندی کے ذخائر موجود نہیں تھے اور اس طرح ہر چھاپے جانے والا نوٹ پچھلے نوٹ سے قدر و قیمت میں کم ہوتا ہے  جس وجہ سے اشیاء کی قیمتیں پہلے کے مقابلے میں زیادہ ہو جاتی ہیں۔یوں اشیاء کی قیمتوں میں مسلسل اضافہ اس  سرمایہ  دارانہ نظام کاطرہ ٔامتیاز ہے،  لہٰذا اس نظام میں   ہر ملک افراط زرکے پیمانے کا حساب رکھتا  ہے کہ وہ کس قدر تیزی سے بڑھ رہا ہے۔ مصنوعی کاغذی کرنسی کے نتیجہ میں پیدا ہونے  والا افراطِ زر ،  مہنگائی  پیدا کرنے والی چار بنیادی وجوہات میں سے ایک بہت بڑی وجہ ہے۔

 مہنگائی کی دوسری وجہ حکومت کی جانب سے  ڈیمانڈ سپلائی کے میکینزم کی نگہداشت میں نا اہلی اور کرپٹ حکومتی عہدیداروں کا اس عمل کی نگہداشت میں بڑے بڑے سرمایہ داروں کو سپورٹ کرنا ہے، جس سے  مارکیٹ میں اشیائے ضرورت کی کمی کی وجہ سے ان کی قیمتوں میں اضافہ ہو جاتا ہے۔ سرمایہ دارانہ نظام کے جمہوری حکمران عالمی طاقتوں اور مقامی سرمایہ داروں کے فرنٹ مین بن کر سپلائی چین کو  ہائی جیک کرنے کی کوششوں میں کوئی مداخلت نہیں کرتے  بلکہ الٹا ان کی بلیک میلنگ میں آ کر ان کے سامنے سر جھکاتے ہیں۔ یہ سرمایہ دار ذخیرہ اندوزی کر کے اور کارٹیل بنا کر سپلائی کی قلت پیدا کرتے ہیں تاکہ اشیاء کی قیمت بڑھا کر دن دوگنا، رات چوگنا منافع کما سکیں۔ دوسری جانب حکومت آئی ایم ایف کو ڈالر کی قسطیں پوری کرنے کے چکر میں ضروری اشیاء درآمد ہی نہیں کرتی یا تاخیر سے درآمد کرتی ہے خواہ و تیل، LNG ہو یا گندم، چینی اور دیگر اجناس، تاکہ ڈالر کو بچا کر کرنٹ اکاؤنٹ کا خسارہ کم کیا جا سکے اور بین الاقوامی سود خوروں کی قسطیں پوری کی جا سکیں خواہ عوام کے پاس دو وقت کے کھانے کی روٹی ہی کیوں  نہ ختم  ہو جائے۔ یوں سپلائی کی قلت  قیمتوں کے بڑھنے  پر منتج ہوتی  ہے اور مہنگائی کا سبب بنتی ہے ۔

مہنگائی میں اضافے کی تیسری بڑی وجہ توانائی (انرجی) کی قیمت میں ہوشربا اضافہ ہے جس سے کاروباری اور تجارتی سرگرمیوں کی لاگت میں اضافہ ہوتا ہے۔ بجلی بنانے کے کارخانوں کی نجکاری سے  انرجی   انفراسٹرکچر    عوامی اور ملکی کنٹرول سے نکل کر چند  ملٹی نیشنل سرمایہ داروں کے  قابو میں آ جاتا ہے جو   توانائی کی فراہمی اور اس کی قیمتوں پر بڑی حد تک  اثر انداز ہوتے ہیں۔

اور مہنگائی میں اضافے کی چوتھی بڑی اور بنیادی وجہ سرمایہ دارانہ معیشت  میں ٹیکس کا نظام ہے جو بل واسطہ(ڈائریکٹ) اور بلا واسطہ(ان ڈائریکٹ)  ٹیکسوں پر مشتمل ہے۔  ان میں سے اکثرٹیکس خصوصی طور پر  بلا واسطہ   ٹیکس،  تمام اشیاء اور خدمات پر بالعموم لاگو کیے جاتے ہیں  جس وجہ سے اشیاء اور خدمات کی قیمتیں  اپنی اصل قیمتوں سے   بہت زیادہ  بڑھ جاتی ہیں۔ اس کی ایک مثال پٹرولیم مصنوعات کی اصل قیمتوں  پر لاگو کیا جانے والا جنرل سیلز ٹیکس اور پٹرولیم لیوی ہیں۔

اگر ہم اس سرمایہ دارانہ نظام کے متبادل کی  بات کریں تو اسلام کا معاشی نظام  اپنی  تمام تر خصوصیات کے ساتھ بالکل ایک منفرد نظام کے طور پر سامنے آتا ہے۔  اسلام نے ریاست پر یہ لازم کیا ہے کہ وہ قیمتی دھات کی بنیاد پر کرنسی نوٹوں کو جاری کرے اور اس طرح اسلام نے افراط زر کی بنیادی وجہ ہی کا خاتمہ کردیاہے۔ اسلام نے سونے اور چاندی کو ریاست کی کرنسی کی بنیاد ٹھہرایا ہے، اسی لئے رسول اللہ ﷺ نے  صرف  سونے اور چاندی کو ہی کرنسی کی بنیاد بنانے کی اجازت دی ہے اور مسلمانوں کو حکم دیا ہے کہ وہ سونے  کے دیناراور چاندی کے درہم ڈھالیں جن کا وزن بالترتیب  4.25گرام اور 2.975گرام ہو۔ یہی وجہ تھی کہ ریاست خلافت ایک ہزار سال سے بھی زائد عرصے تک قیمتوں  میں  استحکام قائم رکھنے  میں کامیاب رہی۔سونا اور چاندی  ،کرنسی کو ایک حقیقی قدر فراہم کرتے ہیں جس کے نتیجے میں کرنسی کی قدر  اور اشیاء کی قیمتوں میں استحکام رہتا ہے۔ لہٰذا ایک اسلامی ریاست کرنسی کو سونے اور چاندی کی مضبوط بنیاد فراہم کرتی ہے ، اور منظم نظام کے ذریعے سونے اور چاندی کے ذخائر جمع کرتی ہے، سونے اور چاندی کے ذخائر کو مستحکم رکھنے کے لیے جہاں ممکن ہو،  بارٹر ( یعنی جنس کے بدلے جنس کی) تجارت بھی اختیار کرتی ہے اور بین الاقوامی تجارت  سونے اور چاندی میں کرنے پر اصرار کرتی ہے جس کے نتیجے میں آئی ایم ایف کی کڑی نگرانی میں قائم ڈالر کی موجودہ جابرانہ بالادستی کا خاتمہ  ہوتا ہے۔لہٰذا  ایک اسلامی ریاست میں کرنسی کے سونے اور چاندی پر مبنی ہونے کے باعث،  افراط زر  کا مسٔلہ جڑ سے ختم ہو جاتا ہے کیونکہ اب حکومت مالیاتی(Fiscal)خسارہ پورا کرنے کیلئے نوٹ نہیں چھاپ سکتی نہ ہی شرح سود کی کمی و بیشی سے معاشرے میں کرنسی کی مقدار کو کم یا زیادہ کیا جا سکتا ہے۔

جہاں تک مہنگائی کی دوسری بڑی وجہ کا تعلق ہے تو اسلامی نظام  میں  اسلامی ریاست کا سربراہ یعنی خلیفہ  مسئول ہوتا  ہے اور وہ اپنی رعایا کی فلاح و بہبود اور ان کی ضروریات پوری کرنے کا ذمہ دار ہوتا ہے جس کے بارے میں آخرت میں اس کا سخت محاسبہ ہو گا۔ پس خلیفہ ذخیرہ اندوزوں کے خلاف سخت ایکشن لے کر تعزیری سزائیں نافذ کرتا ہے۔ مناپلی اور کارٹیل بنانے کی حوصلہ شکنی کرتا ہے اور ریاستی وسائل اور عقوبات کے نظام سے اس کا قلع قمع کرتا ہے، اور ملکی تاجروں کیلئے درآمدات پر تمام ٹیکسزکا خاتمہ کرتا ہے تاکہ مارکیٹ سپلائی پر چند سرمایہ داروں کی اجارہ داری قائم نہ ہو سکے۔ اور یہ سب خلیفہ کی صوبدید نہیں بلکہ اللہ سبحانہ و تعالیٰ کے احکامات  پر مبنی ہوتا ہے، جس کا نفاذ خلیفہ پر لازم ہے۔   رسول اللہ ﷺ نے فرمایا؛ مَنْ احْتَكَرَ عَلَى الْمُسْلِمِينَ طَعَامًا ضَرَبَهُ اللَّهُ بِالْجُذَامِ وَالْإِفْلَاسِ “جو کوئی اشیائے خوراک ذخیرہ کر کے مسلمانوں کو اس سے محروم کرے گا تو اللہ اسے جذام (leprosy)اور افلاس کا شکار کر دے گا”(احمد  اور  ابن ماجہ بروایت عمرؓ، حدیث صحیح )۔

 پھر جہاں تک تیسری بنیادی وجہ کا تعلق ہے تو اسلام توانائی کے وسائل کی نجی ملکیت کی ممانعت کرتا ہے اور انہیں عوامی ملکیت قرار دیتا ہے جن کی نگہبانی ریاست کرتی ہے اور ان سے حاصل ہونے والے فوائد کو براہ راست عوام تک پہنچاتی ہے۔  ایک اسلامی ریاست میں خلیفہ کے لیے یہ جائز نہیں کہ وہ تیل اور گیس کے ذخائر یا بجلی بنانے کے کارخانوں کی نج کاری کر سکے، یوں اسلام انرجی کی قیمتوں کو متوازن اور عوام کی پہنچ میں رکھتا ہے۔

   اور جہاں تک چوتھی بڑی وجہ کا تعلق ہے  تو اسلام میں جنرل سیلز ٹیکس اور اس قسم  کے دیگر بلا واسطہ ٹیکس عائد کرنا، جوغریبوں اور  امیروں  پر بلا امتیاز لاگو ہوتے ہوں، حرام اور  بہت بڑا گناہ ہے۔رسول اللہ ﷺ کا  فرمان ہے : لا یدخل الجنۃ صاحب المکس “جو ٹیکس  لے وہ جنت میں  داخل نہ ہو گا” (احمد، ابو داؤد ، حاکم)۔ یوں اسلام میں اشیاء اور خدمات کی قیمتیں اپنی اصل پر  قائم رہتی ہیں۔

لہٰذا معلوم ہوا کہ مہنگائی موجودہ نظام کا ایک لازمی جزو ہونے کی حیثیت سے اس کے  خمیر میں یوں  گندھی ہوئی ہے  اور اس کے انگ انگ میں یوں  پھیلی ہوئی ہے کہ  اس کو اس نظام سے الگ کرنا  کسی طرح بھی ممکن  نہیں ۔  یقیناً یہ  ایک ایسی  اسلامی ریاست  کے قیام کا وقت ہے جو  اسلام کے نفاذ  کے ذریعےہماری معاشی خوشحالی کو یقینی بنائے  جیسا کہ اس نے صدیوں تک اسے یقینی بنایا تھا۔موجودہ حکومت  بھی اپنے سے  پچھلی  جمہوری اور آمرانہ حکومتوں  کی مانند ناکام ہو چکی ہے کیونکہ اسلام کے علاوہ کوئی بھی نظام مسلم دنیا میں کامیاب نہیں ہو سکتا۔   اگر مسلمانوں کو دنیا میں ترقی کی راہ پر گامزن ہونا ہے تو انہیں چاہیئے کہ وہ سب سے پہلے ایک ایسی اسلامی ریاست کا قیام عمل میں لائیں جو اسلام کو  اس کے معاشی نظام سمیت  ہماگیر  طور پر نافذ کرے۔

  عالمی ماحولیاتی تبدیلی کا چیلنج  !
دنیا کے 191 ملکوں میں سے صرف آٹھ ممالک ہی پیرس ماحولیاتی معاہدے کے اہداف کو حاصل کرنے میں کوشاں
 قادرخان یوسف زئی کے قلم سے

 اقوام متحدہ کے زیر اہتمام اسکاٹ لینڈ کے شہر گلاسکو میں کوپ 26  ماحولیاتی کانفرنس، برطانیہ کی زیر صدارت 12 نومبر تک جاری ہے۔ گلاسکو سمٹ میں 120 سے زائد ممالک کے سربراہان مملکت، متعدد تنظیمیں اور ماحولیاتی ماہرین حصہ لے رہے ہیں۔پاکستان کی نمائندگی وفاقی وزیر موسمیاتی تبدیلی ملک امین اسلم نے کی۔ کانفرنس میں خصوصی طور پاکستان پویلین بنایا گیا تھا۔ جرمن چانسلر،متحدہ عرب امارت کے وزیر ماحولیاتی تبدیلی نے پویلین دیکھا جبکہ عالمی بینک، ایشیائی ترقیاتی بینک،اسلامی ترقیاتی بینک کے صدور سمیت ڈی جی ریلیف انٹرنیشنل اٹامک انرجی ایجنسی نے پاکستانی پویلین کا دورہ کیا۔ڈی جی ریلیف انٹرنیشنل اٹامک انرجی ایجنسی نے پاکستان کے ذمہ دارانہ نیوکلیئر ملک ہونے کا اعتراف کرتے ہوئے دورہ اورمدد کی بھی پیشکش کی۔ جب کہ کئی عالمی رہنما ؤں سے سائیڈ لائن ملاقات بھی ہوئی جس میں صدر بائیڈن اور چانسلر مرکل بھی شامل ہیں۔  سمٹ کو منتظمین کی جانب سے گوبل وارمنگ سے انسانیت کو بچانے کے حوالے سے انتہائی اہم قرار دیا جارہا ہے۔  خیال رہے کہ چینی صدر شی جن پنگ، روسی صدر ولادیمیر پوتن اور ترک صدر رجب طیب اردوان اس سمٹ میں شریک نہیں ہیں تاہم چین کے صدر کا تحریری پیغام پڑھ کر سنایا گیا۔چین کی وزارتِ خارجہ کے ترجمان وینگ وینبن  کے مطابق  کانفرنس کے منتظمین کی جانب سے ویڈیو لنک فراہم نہیں کیا گیا تھا اور چینی صدر نے کرونا وبا کی صورت حال کے باعث شرکت نہیں، جب کہ ترک صدر سیکورٹی کی صورت حال پر عدم اطمینان کی وجہ سے شریک نہیں ہوئے۔امریکی جو بائیڈن نے روس اور چین کی عدم شرکت پر کہا کہ 120ممالک کی سربراہ کانفرنس میں شرکت نہ کرنا بڑی غلطی ہے۔

عالمی موسمیاتی تبدیلوں پر عملی اقدامات نہ اٹھانے پر تنقید
 سمٹ کے دوران ماحولیات سے وابستہ بعض تنظیموں نے احتجاج و مظاہرے بھی کئے کہ عالمی قوتوں کو اب زبانی کلام سے آگے بڑھتے ہوئے عملیت کی جانب قدم اٹھانا چاہے، بالخصوص امیر ممالک جن کی معیشت کا دارومدار ایسی صنعتوں پر ہے، جس کے باعث ماحول کا درجہ حرارت اضافے کا باعث بن رہا ہے۔ جرمنی کی چانسلر انگیلا میر کل کا کہنا تھا کہ ہم نے  2015 (پیرس معاہدے) میں رہنما خطوط کے طورپر کئی اہم فیصلے کیے تھے۔ ہمیں یہ بات زائد از ایک بار سننے کو ملی ہے کہ ہم ابھی تک وہاں نہیں پہنچے ہیں جہاں ہمیں ہونا چاہئے تھا۔”میرکل کا مزید کہنا تھا،”ہمیں پیرس معاہدے کو نافذ کرنا ہوگا اور ہم اسے نافذ کرسکتے ہیں۔ عالمی برادری کو ہم سے یہ امید ہے کہ ہم اس کانفرنس کے اختتام پر اپنے آپ کو اس سے زیادہ بہتر شکل میں پیش کریں گے جیسا کہ ہم نے خود کو آغاز میں پا یا تھا۔” 2015 کے پیرس معاہدے کے بعد بڑے پیمانے پر سمٹ کا انعقاد عملی اقدامات کے لئے سنجیدگی کا متقاضی ہے۔امریکہ پیرس عالمی ماحولیاتی معاہدے سے الگ  ہوگیا تھا تاہم نئے امریکی صدر جو بائیڈن اپنے سابق صدر ٹرمپ کا فیصلہ واپس لیتے ہوئے امریکہ کو پیرس معاہدہ کا دوبارہ حصہ بنا لیا۔ جنوری کو عہدہ سنبھالنے کے چند گھنٹوں کے اندر، صدر بائیڈن نے پیرس معاہدے میں دوبارہ شمولیت اختیار کی۔ اس کے فوراً بعد انہوں نے سب سے زیادہ گرین ہاؤس گیسوں کا اخراج کرنے والے 17 سمیت، 40 عالمی رہنماؤں کا موسمیاتی سربراہی اجلاس بلایا اور 2030 تک اخراجوں میں 50-52 فیصد کمی کا اعلان کیا، جس کا مقصد 2050 تک نیٹ زیرو تک پہنچنے کی راہ پر ڈالنا  قرار دیا گیا۔ امریکہ کا کردار ماحولیات کے حوالے سے اہمیت کا حامل ہے کیونکہ معیشت کو مضبوط بنانے کے نتیجے میں انہیں علاقائی عدم استحکام کا بھی سامنا درپیش ہے۔ بیشتر امریکی ریاستوں میں آب و ہوا کی تبدیلی، خشک سالی، سیلاب، طوفانوں اور جنگلی حیات کو آگ سے نقصانات کا سامنا ہورہا ہے۔ امریکہ اس امر کا اقرار کرتا ہے کہ آب و ہوا کے بحران سے اکیلا نہیں نمٹا جاسکتا۔  عالمی حدت کو1.5ڈگری سنٹی گریڈ تک محدود رکھنے کے لئے اقوام عالم کو سنگین چینلجز کا سامنا ہے۔

گلاسکو کانفرنس کا مرکزی نکتہ
گلاسکو کانفرنس میں 2050 تک درجہ حرارت کی کمی اور زیرو پوائنٹ تک لانا اہم ایجنڈا کا حصہ بن چکا ہے جب کہ چین 2060 تک زیرو پوائنٹ پر لانے کا خواہش مند ہے۔عالمی ماحولیاتی سر براہی اجلاس میں درجہ حرارت کی کمی کے لئے اقدامات کے عہد بھی کئے جارہے ہیں، اسی ضمن میں 100سے زائد ممالک نے2030تک جنگلات کی تباہی کو روکنے کے عہد کا اعلان بھی کیا ہے، جواس منصوبے پر عمل درآمد کے لئے خطیر رقم کے فنڈ جمع کرنے پر اتفاق رائے ہوا ہے۔، خیال رہے کہ جنگلات کو تباہی سے روکنے کے منصوبے میں شامل 100 سے زائد ممالک میں شامل جرمنی اور یوپی یونین  دنیا کے 85  فیصد رقبے کی نمائندگی کرتے ہیں, یہ 34ملین مربع کلومیٹر کا رقبہ بنتا ہے۔امریکی صدر نے 2050 تک ملک کو کاربن فری بنانے کا وعدہ بھی کیا ہے، اس کے لئے ماحول دوست منصوبوں میں ہوا، شمسی توانائی، الیکڑوک گاریوں اور ماس ٹرانزٹ منصوبوں کی حوصلہ افزائی کا بھی عندیہ دیا ہے۔

عالمی ماحولیاتی کے بحران سے انسانی صحت حق خطرات
عالمی طبی جریدے ‘لانسیٹ‘ کی جانب سے جاری کردہ سالانہ رپورٹوں میں صحت کے 44 مسائل کو ماحولیاتی تبدیلیوں کا ذمے قرار دیا گیا ہے، گرمی کی شدت کی باعث اموات، معتدی وبائی امراض اور نقل مکانی کے باعث غذائی قلت کو شامل کیا گیا ہے۔ ’لانسیٹ کاؤنٹ ڈاون‘ پروجیکٹ کی ریسرچ ڈائریکٹر اور بائیو کیمسٹ مرینا رومانیلو نے دنیا کو خبردار کرتے ہوئے کہا ہے کہ ہر بیماری سنگین ہو تی جارہی  ہے۔رپورٹ کی شریک مصنفہ اور یونیورسٹی آف واشنگٹن میں انوائرمنٹل ہیلتھ کی پروفیسر کرسٹی ایبی ماننا ہے کہ ان کے اسباب کی وجہ دنیا میں درجہ حرارت کا بتدریج بڑھنا ہے۔،”۔انسٹیٹیوٹ آف اکنامکس اینڈ پیس کی جانب سے ‘ایکولوجیکل تھریٹ رپورٹ’ میں دنیا کے 178ممالک  کے ماحولیاتی نظام کے حوالے سے جائزہ لیا گیا ہے تاکہ ماحولیاتی تبدیلی کے حوالے سے کن کن ممالک کو کس قسم کے مضر اثرات کا سامنا ہوسکتا ہے۔خوراک  اور  پانی سے متعلق خطرات، آبادی میں اضافہ، درجہ حرارت میں تبدیلیاں، اور قدرتی آفات سے متعلق ڈیٹا کا مقامی اقتصادی صورتحال، حکومت، کاروباری ماحول اور انسانی حقوق کے ڈیٹا کے ساتھ موازنہ کر کے یہ رپورٹ مرتب کی گئی ہے۔ رپورٹ میں ان خدشات کا اظہار کیا گیا ہے کہ نقصانات کے ازالے کے لئے حکمت عملی وضع نہ کرنے سے تین خطے ایسے ہیں جہاں تنوع تنازعات جنم لے سکتے ہیں۔ جس کے نتیجے میں بڑے پیمانے پر انسانی ہجرت کے خدشات کا بھی اظہار کیا گیا ہے کہ ماحول سے پہنچنے والے نقصان کو قابو کرنے کی ضرورت ہے۔  انسٹیٹیوٹ آف اکنامکس اینڈ پیس کے یورپ اور مشرق وسطیٰ کے ڈائریکٹر سیرج اسٹروبانٹس  کے مطابق کہ اس رپورٹ میں ایسے 30 ممالک کی نشاندہی کی گئی ہے”جہاں کے ماحولیاتی نظاموں کو شدید خطرات لاحق ہیں اور وہاں مالی بدعنوانیاں، کمزور ادارے، کاروبار کرنے کا ناموافق ماحول اور وسائل کی غیر منصفانہ تقسیم جیسے مسائل عام ہیں۔ان ممالک میں سب سے زیادہ خطرات سے دوچار ممالک میں ایران، موزمبیق، ماڈاگاسکر، پاکستان اور کینیا  ہیں۔ اس وقت تو یہ ممالک بظاہر مستحکم ہیں لیکن ان ممالک کے ماحولیتی نظاموں کو خطرہ ہے۔ یہاں امن و امان کی صورتحال بھی کمزور ہے جس کے باعث انہیں مستقبل میں شدید بحران کا سامنا کرنا پڑ سکتا ہے۔”  

عالمی ماحولیاتی کے بحران سے دنیا کو پانی کی کمی کا سامنا
 ماحولیاتی تبدیلیوں میں سب سے سنگین مسئلے، پانی کی شدید قلت نے خطرناک صورت حال پیدا کردی ہے ، گلئیشیر کے پگھلنے کے عمل کے بعد موسمیاتی تبدیلیوں نے سب کچھ بدلنا شروع کیا ہوا ہے۔ دنیا کی ایک چوتھائی آبادی کو کم از کم پانی کی شدید قلت کا سامنا ہے۔  پانی کے بحران کو ورلڈ اکنامک فورم کے عالمی خطرات کے لحاظ سے ’امپیکٹ لسٹ‘ میں  2012 کے بعد سے پہلے پانچ بڑے معاملات کی فہرست میں شامل کیا ہے۔  2017 کی شدید خشک سالی نے دوسری جنگ عظیم کے بعد کے دور کا بدترین انسانی بحران پیدا کرنے میں اہم کردار ادا کیا، اس دوران افریقہ اور مشرق وسطیٰ کے دو کروڑ افراد خوراک کی کمی اور تنازعات کے باعث گھر چھوڑنے پر مجبور ہوئے۔امریکی ریاست کیلیفورنیا کے شہر اوکلینڈ میں قائم پیسیفک انسٹی ٹیوٹ کے سربراہ پیٹر گلیک نے گذشتہ تین دہائیوں میں پانی کی قلت، تنازع اور ہجرت کے درمیان تعلق کا مطالعہ کیا ہے۔ ان کا خیال ہے کہ پانی پر تنازعات بڑھ رہے ہیں۔وہ کہتے ہیں کہ ’بہت ہی کم استثنیٰ کے ساتھ، کوئی بھی پیاس سے نہیں مرتا، لیکن زیادہ تر لوگ آلودہ پانی یا پانی تک رسائی کے تنازعات میں مر رہے ہیں۔اقوام متحدہ کے جنرل سیکرٹری انتونیو گوتریس نے خبردار کیا ہے کہ آگ لگا کر، کھدائیاں کر کے، سرنگیں بنا کر، زمین کو نقصان پہنچا کر انسان اپنی قبریں خود کھود رہے ہیں۔گلاسگو موسمیاتی کانفرنس سے خطاب میں انتونیو گوتریس نے ایہی مطالبہ کیا کہ کرہ ارض اور انسانیت کو بچانے کے لیے اقدامات کرنے ہوں گے۔

ماحولیاتی بحران کو مالیاتی بحران کا سامنا
عالمی ماحولیاتی بحران کو حل کرنے کے لئے دراصل مالیاتی فنڈز کا مہیا نہ ہونا اہم سبب بنا ہوا ہے۔سمٹ میں زیادہ توجہ سے اس امر کی جانب مبذول کرائی گئی کہ امیر ممالک اور ایسے ادارے جنہوں نے اپنی ترقی کے لئے ماحولیاتی کو شدید نقصان پہنچایا ہے وہ اب فنڈز کی فراہمی کو ممکن بنائیں تاکہ ایسے ترقی پزیر ممالک جہاں اشیا ء صرف کی تیاری کے لئے کم معاوضے پر ایسی مصنوعات تیار کی جاتی ہیں جو امیر ممالک میں استعمال ہوتی ہیں لیکن اس کے مضر ذرات کی وجہ سے لاکھوں انسانوں کی زندگیوں کو نقصان کو کم کیا جاسکے۔ بتایا جارہا ہے کہ دنیا میں 191 ملکوں میں سے صرف آٹھ ممالک ہی پیرس ماحولیاتی معاہدے کے اہداف کو حاصل کرنے کی کوشش کر رہے ہیں۔ اس کے تحت دنیا کے تمام ملکوں کے لیے عالمی درجہ حرارت میں اضافے کو دو ڈگری سیلسیئس سے نیچے رکھنے کا ہدف مقرر کیا گیا ہے اور  کوشش کی جا رہی ہیکہ گرین ہاوس گیسوں کے اخراج کو کم کرکے اسے 1.5 ڈگری سیلسیئس سے زیادہ نہ بڑھنے دیا جائے۔

عالمی ماحولیاتی بحران میں ترقی یافتہ ممالک اصل ذمے دار
دنیا کے ترقی یافتہ صنعتی ملکوں اور خاص طور سے امریکہ، یورپی یونین کے بڑے ممالک اور ابھرتی ہوئی معیشتوں کو کاربن ڈائی آکسائڈ گیس کے اخراج اور زمین کی حدت میں اضافہ کا اصل ذمہ دار ٹھہرایا جارہا ہے۔ یہی وجہ ہے کہ حالیہ برسوں کے دوران موسمیاتی تبدیلیوں کے بارے میں ہونے والے چند اجلاسوں میں، ماحولیاتی ضابطوں کی پابندی اور گرین ہاوس گیسوں کے اخراج میں کمی کے مطالبات بھی زیادہ تر، اس صورتحال کے اہم ذمہ دار ملکوں سے کیے جاتے رہے ہیں، لیکن اب تک ان مطالبات کا کوئی نتیجہ برآمد نہیں ہوا ہے اور اس بارے میں اب تک کوئی ٹھوس اور موثر قدم بھی نہیں اٹھایا گیا۔ خیال رہے کہ امریکی فوج تیل کی سب سے زیادہ کھپت کرنے والا ادارہ ہے۔ امریکی فوج کے زیراستعمال گاڑیوں سے نکلنے والا دھواں بھی فضا کو آلودہ کرنے کا سبب بنتا ہے۔ دنیا میں استعمال ہونے والے تیل کی پوری کھپت کا 25 فیصد جنگی جہازوں میں استعمال ہو جاتا ہے۔آئی ایم ایف کی رپورٹ کے مطابق امریکا، ڈنمارک اور نیوزی لینڈ جیسے زیادہ آمدنی والے ممالک ترقی پذیر ممالک کے مقابلہ میں دوگنا کوڑا پیدا کرتے ہیں۔امیر ممالک کے باشندے ناصرف زیادہ مصنوعات استعمال کرتے ہیں اور ان کی ویسٹ دیگر کوڑے کرکٹ کے مقابلہ میں پیپر اور پلاسٹک کا فضلہ زیادہ ہوتا ہے۔رپورٹ کے مطابق امیر ممالک میں اوسط فی کس ویسٹ کی شرح زیادہ ہے تاہم ترقی پذیر ممالک دنیا بھر میں پیدا ہونیوالے کل کچرے کا آدھے سے زیادہ حصہ پیدا کرتے ہیں۔عالمی مالیاتی فنڈ نے بین الاقوامی برادری پر زور دیا ہے کہ کچرے کی شرح میں کمی کے لئے جامع حکمت عملی کے تحت مربوط اقدامات کرے تاکہ کرہ ارض سمیت آبی ذخائر اور ماحولیات کی آلودگی جیسے مسائل سے تحفظ فراہم کیا جاسکے۔

درجہ حرارت میں کمی لانے کے لئے فنڈز مہیا کرنے کے وعدے
امریکی صدر کی جانب سے آب و ہوا کی تبدیلیوں سے نمٹنے کے لیے 555 ارب ڈالرز کا بل جمعرات کو کانگریس میں پیش کیا ہے۔ منظور ہونے کے بعد یہ امریکی تاریخ کا سب سے بڑا پیکچ ہوگا، جب کہ  صدر بائیڈن کے مجوزہ پیکج میں 100 ارب ڈالرز جنگلات میں لگنے والی آگ، سمندری طوفانوں اور خشک سالی سے نمٹنے پر خرچ کیے جا نے کا عندیہ دیا گیا ہے۔  مریکہ ترقی پذیر ممالک کو آب و ہوا کی تبدیلی کے خطرات سے بچانے کے لیے ایک منصوبہ لانے کا ارادہ رکھتا ہے جس کے ذریعے 2024 تک امریکہ سالانہ تین ارب ڈالر کی امداد دے گا۔ یہ امداد ماضی کی امداد سے دو گنا ہو گی اور امریکی حکام پراُمید ہیں کہ اس امداد میں اضافے سے ترقی پذیر ممالک کے سالانہ 100 ارب ڈالرز کے ہدف تک پہنچا جا سکے گا۔بینک آف امریکہ کے سی ای او برائن موئنہان نے کہا کہ ان کا بینک موسمیاتی فنانسنگ میں سالانہ 100 بلین ڈالر جمع کرے گا۔ 114 رہنماؤں نے جنگلات کو بچانے کے لئے ایک نئے منصوبے کی توثیق کی جس کی حمایت میں 12 بلین عوامی اور 7.2 بلین پرائیویٹ فنڈنگ ہے۔ 30 سے زائد مالیاتی اداروں کے CEOs نے جنگلات کی کٹائی سے منسلک سرگرمیوں میں سرمایہ کاری کو ختم کرنے کا عہد کیا۔بل اینڈ میلنڈا گیٹس فاؤنڈیشن’ دنیا بھر کے چھوٹے کاشت کاروں کو فصلوں کی پیداوار بڑھانے میں مدد کے منصوبے کے لیے 31 کروڑ 50 لاکھ ڈالر کا عطیہ فراہم کرے گی، بل گیٹس کا کہنا ہے کہ 31 کروڑ 50 لاکھ ڈالر کے عطیے کے علاوہ اگر ایک ارب ڈالر اضافی میسر آجائیں تو اس کاوش کو مزید بہتر انداز سے پورا کرنے میں مدد ملے گی۔
توقع کی جا رہی ہے کہ  12 نومبر تک عالمی ماحولیاتی کانفرنس میں فنڈنگ کے مسائل پر سیر حاصل پیش رفت ممکن ہوسکتی ہے، تاہم یہ ابھی تک وعدے وعید تک ہی مبنی ہیں، جب تک دنیا کے ترقی یافتہ صنعتی ملکوں میں ایسے منصوبوں کو کم اور ختم نہ کیا جاتا جن کی وجہ سے دنیا کا درجہ حرارت بڑھتا جارہا ہے، اس وقت تک توقع نہیں کی جاسکتی کہ دنیا کی بڑی آبادی کو عظیم تباہی سے بچایا جاسکے۔ عالمی ماحولیاتی بحران کو کم کرنے کے لئے دنیا کے ترقی یافتہ صنعتی ملکوں کو ترقی پذیر ممالک میں زیادہ کام کرنے کی ضرورت پیش آئے گی کیونکہ ان کے لئے ترقی پذیر اور غریب ممالک ایسی اشیا ء کے بنانے میں مصروف ہیں جو صرف ان ممالک کو ہی نہیں بلکہ ترقی یافتہ ممالک کو بھی مستقبل میں ماحولیاتی مسائل سے دوچار کررہا ہے۔ جہاں جنگوں نے کرہ ارض کی آب و ہوا کو تبدیل کیا وہاں جدید سہولیات کے حصول نے خود انسانوں کے لئے خوف ناک مسائل پیدا کردیئے ہیں جسے عملی طور پر اقدامات سے ہی نمٹا جاسکتا ہے۔

دو مہینے پہلے جدید دور کے ایک قدیم ”فقیر“ سے ملاقات کا شرف حاصل ہوا۔ حالانکہ ہمیں فقیر لوگ بالکل نہیں پسند۔مگر جس معاشرے کا ہم حصہ ہیں اس میں مستند بات بازاروں میں گھومنے والے اور کوڑا کرکٹ کے ڈھیر کے پاس انہی کا حصہ دکھائی دینے والے مجذوب افراد کو سب سے زیادہ اہمیت دی جاتی ہے اور کہا جاتا ہے کہ اصل میں وہ پہنچے ہوئے لوگ ہیں۔اس لئے ان سے ڈرنا چاہئے اور میں واقعتا ایسے لوگوں سے ڈرتا ہوں۔ انسانی ہمدردی کے بجائے ایسے لوگوں سے رشتہ صرف خوف کی وجہ سے رکھنے کا عادی ہوں مبادا وہ کوئی بددعا نہ دیں اور ہماری پوری زندگی برباد نہ ہوجائے۔مگر ہم جس فقیر سے ملنے گئے تھے وہ کسی ڈر اور خوف کے بجائے مقابلے اور برابری کی بنیاد پر گئے تھے۔ چیلنج تھا کہ آپ ہوں گے بہت ہی قدیم صحافی۔ ہم نے بھی بال دھوپ میں سفید نہیں کئے۔
 ملاقات کا سبب پوچھا ان کا کہنا تھا کہ وہ”فقراء“کا ایک باقاعدہ گینگ تشکیل دے چکے ہیں۔ گینگ میں شمولیت کی دعوت دینی تھی اس لئے بلائے گئے تھے ہم۔ جب ہم نے کوئی خاص دلچسپی نہیں لی تو ہمیں گینگ کے فقراء کی تفصیلات فراہم کی گئیں۔

قدیم فقیر کی طرح گینگ اپنے اپنے شعبے میں یدطولی رکھنے والے افراد پر مشتمل تھا ہمیں یقین نہیں آیا کہ چترال میں ایسا بھی کوئی گروپ، فورم اور فلاحی ادارہ ہوسکتا ہے جس میں زندگی کے تمام شعبوں، ہر مکتبہ فکر اور تمام سیاسی نظریوں کے لوگ صرف فلاح انسانیت کے لئے شامل ہوچکے ہیں۔ جو لینے کے بجائے دینے کے تصور اور جذبے دونوں سے مالامال ہیں۔گروپ کے تمام مخیر حضرات اور ممبران اس ایک نکتے پر اتفاق کرچکے ہیں کہ انسانیت کی خدمت کرتے ہوئے ایک دوسرے کی ٹانگیں کھینچنے کے بجائے ایک دوسرے کی مدد کریں گے۔کسی بھی نیک کام میں حصہ داری کو کسی پر احسان کے بجائے اپنی خوش قسمتی سمجھیں گے۔ اپنی بساط سے باہر ہو کر اگر کسی کی مدد کرنی ہو تو غریب اور مستحق کے لئے کسی بھی مخیر شخص کے سامنے جھولی پھیلانے سے گریز نہیں کریں گے۔  نیک کام کے لئے ایک پلیٹ فارم مہیا کیا گیا ہے۔ پلیٹ فارم صرف ایک بنیادی اصول”فلاح انسانیت سب سے پہلے“ کی بنیاد پر چلایا جارہا ہے۔ اس نیک گینگ کو چترال انفارمیشن اینڈ ہیلپ گروپ کا نام دیا گیا ہے۔جو کہ اب تک ہزاروں مستحقین کی ان کی ضروریات کے حساب سے مدد کرچکا ہے اور سلسلہ جاری ہے۔

 اس گروپ کے ممبران دنیا بھر میں خاص طور پر پاکستان کے تمام شہروں میں پھیلے ہوئے ہیں۔ یہ ناردرن ایریا اوچترال کے ان لوگوں کی مدد کرتے ہیں جو واقعی میں مجبور و بے بس ہیں۔ مدد کرنے کا ان کا طریقہ کار بھی رائج الوقت تمام طریقوں سے بہترین ہم نے پایا ہے۔ گروپ کے واٹس ایپ گروپ میں کسی بھی ممبر کی جانب سے ایک مسیج کا آنا ہوتا ہے کہ چترال کے کسی گاؤں میں یا ملک کے کسی بھی شہر میں ایک مستحق شخص موجود ہے۔ مستحق شخص کے بارے میں تفصیلات فراہم کئے جاتے ہیں۔ اس گاؤں یا شہر کے قریب ترین موجود گروپ کے ممبران کو ذمہ داریاں دی جاتی ہیں کہ ہم ان کی کیا اور کتنی مدد کرسکتے ہیں۔تفصیلات بھی گھنٹوں میں حاصل کی جاتی ہیں عام طور پرکیس گروپ تک لانے والا ممبر تمام تفصیلات پہلے حاصل کرچکا ہوتا ہے۔ کام کاآغاز ہوتا ہے۔ مخیر حضرات چونکہ اس کا گروپ پہلے سے ہی حصہ ہیں اس لئے اکثر و بیشتر کوئی ڈونر ڈھونڈھنے کی ضرورت نہیں پڑتی۔ اگر ضرورت پڑے تو دنوں کاکام گھنٹوں میں کرنے کا فن گروپ کے سرکردہ شخصیات اچھی طرح سے جانتے ہیں۔ گروپ میں تمام تر لوگ رضاکارنہ طور پر شامل ہیں،کام بھی رضاکارانہ طور پر ہی کرتے ہیں۔

سب سے اچھی بات یہی ہے کہ اس گروپ کے ممبران جس کسی کی مدد کرتے ہیں ان میں سے اکثر کو پتہ نہیں ہوتا کہ ان کی مدد کر کون رہا ہے۔ سالوں سے کئی خاندانوں کو راشن فراہم کرنے والے گروپ کے مخیر حضرات یہ تک بتانے کو تیار نہیں کہ ہم نے کچھ کیا ہے جوکہ بنیادی اسلامی تعلیمات کے عین مطابق اور واقعی میں فلاح کا کام ہے۔ ورنہ اس زمانے میں سو روپے کی امداد دیتے ہوئے ہزاروں تصویریں روز سوشل میڈیا پر گردش کررہی ہوتی ہیں۔ چترال انفارمیشن اینڈ ہیلپ گروپ کے ممبران نے کم از کم لوگوں کی عزت نفس سے کھیلنے کے بجائے امداد کا ایک بہترین طریقہ شروع کیا ہے۔یہ سلسلہ رکنا نہیں چاہئے بلکہ جس کسی سے ہوسکے اور جتنا ہوسکے چترال انفارمیشن اینڈ ہیلپ گروپ کے ہاتھ مضبوط کرنے کی ضرورت ہے۔

گروپ کی دوسری اچھی بات جس پر کوئی بھی یقین کرنے کو تیار نہیں ہوگا۔ مساوات و برابری کا رویہ ہے۔ چترال کے تقریبا تمام بڑے نام چاہے وہ سیاسی ہوں، مذہبی ہوں،صحافی ہوں یا پھر انتظامی افسران۔ کسی کے لئے کوئی الگ اسٹیٹس موجود نہیں۔ واقعی میں سب برابر ہیں۔ جو قوانین وضح کئے گئے ہیں اس کے حساب سے گروپ میں ذاتی تشہیر یا نظریے کی تشہیر کی اجازت نہیں دی جاتی۔ نہ ہی آپ گروپ یا گروپ سے باہر کسی بھی شخصیت یا ادارے کی دل آزاری یا تضحیک کا رویہ اپنا سکتے ہیں۔ گرجتے برستے لوگ اس فورم کی بدولت آپس میں نرمی اور دوستی کا رشتہ اپنا چکے ہیں۔ ضرورت اس امر کی ہے کہ ہم چترال انفارمیشن اینڈ ہیلپ گروپ کے کام کرنیکے انداز اور ایک دوسرے کو برداشت کرنے کا رویہ پورے معاشرے کو سکھاسکیں تاکہ چترال واقعی میں امن کا، دوستی کا اور تہذیب یافتہ ہونے کااعزاز حاصل کرسکے۔

مالک کے آگے اور گھوڑے کے پیچھے سے گزرنے میں انسان بہت کم فائدے میں رہتا ہے۔ مالک کام  اور گھوڑا لات لگائے بغیر نہیں رہتا۔ہمارے ساتھ بھی کچھ ایسا ہی ہوا ہے۔ ہم جیت کر بھی ہار گئے ہیں۔ ہم نہ تو جیتنے والے کے پاس جاسکتے اور نہ ہی ہارنے والے کے پاس۔ جیتنے والا کہتا میری حکومت نہیں میں کیا کروں؟ہارنے والا کہتا میں جیتا ہی نہیں میں کیا کروں؟ دراصل دونوں جیتے ہوئے ہیں ہاری صرف عوام ہے۔ نیچے والا حلقہ شاہ جی بیچ کر اوپر سے جیت گئے اور اوپر والا حلقہ میاں جی بیچ کر نیچے سے جیت گئے۔ سیاسی احترام بھی نرالا ہے جہاں بزرگوں کی تکریم کے بجائے بزرگوں کو ہرانے کے لیے شیر اور تیر اکھٹے ہو جاتے ہیں۔دونوں سے کوئی امید بھی نہیں لگائی جا سکتی کیوں کے دونوں انسانوں کوجان سے مارنے کے لیے مشہور ہیں۔شاہ جی نے ایسی سیاست متعارف کروائی ہے جس کی نظیر نہیں ملتی۔

ہر قوم و قبیلے سے رشتہ داری اور خاندانی وابستگی کی ڈرامہ بازی، ہر فرد کا نمبر محفوظ کرنے کی شعبدہ بازی،ہر جعلی سکیم میں حصہ، ہر بھرتی پر جیب گرم، ہر دوسرے فردسے کاروباری شراکت داری،ہر سڑک میں جعل سازی، ہر پل میں بے ضابطگی، اقربا پروری، رشوت خوانی، جعلی سازی اور میرٹ کا استحصال قابل ذکر ہیں۔جڑی بوٹی کی سمگلنگ، جنگلات کا قتل عام،ٹھیکہ سسٹم کی بھر مار اورواچروں کی یلغار بھی لاثانی رہی۔جہاں سابقہ سپیکر نے ووٹ لینے کا ریکارڈ قائم کیا وہاں پر تاریخی مینڈیٹ کے باوجود ایک حلقے سے راہ فرار اختیار کرنے کا ریکارڈ بھی انہی کے سر سجتا ہے۔ اپنے دور میں محکموں کوآپس میں لڑوایا، تعلیم یافتہ نوجوانوں کو ٹرخایا، ووٹروں کوبلایا اور اسمبلی گیٹ پر پٹوایا،سیاسی حریفوں کو تھانوں میں بلوایا، اپنے بنیادی حقوق کے لیے احتجاج کرنے والوں پر لاٹھی چارج کروایا اورآفات سماوی کا پیسہ جی بھر کرکھایا۔ عوام بھارتی گولہ باری سے مرتی رہی اور ایک بنکر تک نہ بنوایا۔ سارا پیسہ کہاں گیا؟اس کا جواب کون دے گا؟نیلم میں آفات سماوی کا پیسہ کون کھا گیا؟

احساس پروگرام کی رقم سرکاری ملازمین ہڑپ کر گئے اس کی نہ تو ریکوری ہوئی نہ کچھ خبر، فائرنگ سے شہید اور زخمی ہونے والوں کا معاوضہ کس نے ہڑپ کیا؟ لیسوا، بکوالی، سالخلہ اور دیگر آفت زدہ علاقوں کی امداد کدھرگئی؟ اس کا جواب تو یقینا مقتدرہ ہی دے سکتے ہیں۔ اپنے بچے عوام کے ٹیکسوں سے بنے محلات میں رکھے ہوئے اور ووٹروں کے بچے اس یخ بستہ سردی میں چھت کے بغیر رہ رہے،اس کا ذمہ دار کون ہے؟ شاہ جی اور میاں جی نے نہ صرف پوری منصوبہ بندی سے پی ٹی آئی کو ہرایا بلکہ اپنا پنج سالہ بھی بھر پور انداز سے لگایا ہے۔ دونوں عوام کو یہ کہتے کہتے پانچھ سال پیسے بنائیں گے کہ وہ حکومت میں نہیں ہیں حالانکہ ایم ایل اے فنڈ سے بہت سارے کام کروائے جا سکتے ہیں۔ اس کے علاوہ دونوں متذکرین کون سے غریب غرباء میں سے ہیں اگر انہیں واقعی نیلم کی فکر ہوتو اپنے ذاتی اکاونٹ سے کسی بھی وزیر سے زیادہ کام کروا سکتے ہیں۔

محترم میاں صاحب تو موروثی سیاست کی بدترین مثال ہیں اور شاہ جی کی پارٹی بھی موروثیت کے گرد گھومتی ہے۔ جب پارٹی ہی موروثیت پر چلے پھر کسی تبدیلی کی امید عبس ہے۔ اب تو لفظ تبدیلی سن کر بھی ڈر لگتا ہے کیونکہ تبدیلی کے نام پر جتنی تباہی مہنگائی خان لا چکا ہے اس کے بعد شاید لوگ اپنے بچوں کا نام عمران خا ن رکھتے ہوئے بھی ڈرجائیں۔ لیسوا، بکوالی، سالخلہ اور دیگر آفت زدہ علاقوں کے متاثرین کے سردی سے ٹھٹھرتے، بھوکے سے بلکتے، پاس سے تڑپتے بچے، خالی پیٹ سونے والی مائیں، بازار سے خالی ہاتھ واپس آتاسفید داڑھی والا ضعیف، کمزور، لاغر اور جھکی ہوئی کمر والا غمزدہ، بے بس، بے سہارا اور ناامید باپ بچوں کے ساتھ آنکھیں نہیں ملاپاتا۔ پھٹا ہو ٹینٹ جسے ٹھنڈی ہوا کے جھونکے دن میں کئی بار اکھاڑ دیتے ہیں، وہ گھرانے جو بھوک، پیاس اور سردی کی وجہ سے سو نہیں پاتے۔ عوام کے ٹیکسوں کے محلات میں سونے والے ایم ایل ایز کیا جانیں ان غریب، بے بس، بے سہارا، بے گھر اور بے سروسامان افراد کورات کو بھو ک نہیں سونے دیتی اگر آنکھ لگ ہی جائے تو یخ بستہ سرد ہوا کی سائیں سائیں کی آواز انہیں جاگنے پر مجبور کر دیتی ہے۔بارش کا ہر قطرہ انہیں طوفاں دکھائی دیتا، برف کا ہر گال انہیں گلیشئر کا پہاڑ دکھائی دیتا، بجلی کی گرج ان کے وسان خطا کر دیتی کیونکہ یہ بے سروسامان، کھلے آسمان کے نیچے پھٹے ہوئے خیمے لگائے افراد کی ستم ظریفی اور بدحالی کی داستان بارش، برف اور بجلی کی کڑک سے جڑی ہوئی ہے۔

ہم صدر، وزیر اعظم، سپیکر اور وزراء پر غریبوں کے ٹیکسوں سے اربوں خرچ کر تے مگر غریب، محتاج بے گھر اور بے سہارا افرادجن کے ووٹوں اور ٹیکسوں سے ان وزیروں مشیروں کے خاندان عیش و عشرت کی زندگی گزارتے ان کے لیے دو وقت کی روٹی اور سر چھپانے کو چھت بھی مہیا کرنے کی توفیق نہیں ہوتی۔ اگر ہم صدر، وزیر اعظم اور سپیکر کے اخراجات کا تیسرا حصہ بھی مختص کرتے تو یہ سب خاندان اس وقت دوبارہ آباد ہو چکے ہوتے۔ آفات سماوی سے بڑھ کر بڑی آفت یہ سیاسی لوگ ہیں جن کے کان پر جوں تک نہیں رینگتی۔ یہ اللہ کی طرف سے انسانوں کی شکل میں ہم پر عذاب اور سزاء کے طور پر نازل کیے گئے ہیں۔حاجی، مفتی، میاں اور شاہ جی اپنے بچوں کوبکوالی، لیسوا، سالخلا اور دیگر متاثرہ علاقوں کے متاثرین خاندانوں کے ساتھ رکھیں تو ان کو پتہ چلے غریب کس حال میں رہتا ہے۔ یہ ووٹ کے لیے ہمارے بچوں کو گود میں اٹھا لیتے، ان کے ساتھ سیلفیاں بناتے، ان کو پیار کرتے حتی کے غریب کے بچے کی بہتی ناک بھی مسکرا کر صاف کرتے مگر جیتنے کے بعد یہ بچے ان کی راہ دیکھتے دیکھتے تھک جاتے۔

محلات میں رہنے والے کبھی غریب یا اس کے مسائل کو نہیں سمجھ سکتے۔ سابقہ اور موجودہ ایم ایل ایز اپنے خاندان کو ان متاثرین کے خیموں میں منتقل کرتے شرماتے اور ہچکچاتے ہیں تو ووٹ مانگتے شرم کیوں نہیں آتی؟ ستم ظریفی دیکھیں سابقہ اور موجودہ ایم ایل ایز اگر چاہیں تو ان تمام متاثرین کو اپنے بنگلوں میں رہائش فراہم کر سکتے ہیں۔ ان کے محلات ان کے پیٹوں اور حرص کی طرح بہت وسیع ہیں جو بھرنے کا نام نہیں لیتے۔ اس میں کیا قباحت ہے کل متاثرہ خاندانوں کو سابقہ اور موجودہ ایم ایل ایز اور ٹکٹ ہولڈر رہائش فراہم کریں مگر ہاتھی کے دانت کھانے کے اور دکھانے کے اور۔ تسبیح پکڑ کر الیکشن مہم چلانے والوں کویہ خیمہ زن نظر نہیں آتے؟ جیتنے پر سجدے میں گرنے کا ناٹک کرنے والواں کو بھوک افلاس سے بلکتے اور سردی سے ٹھٹھرتے بچے نظر نہیں آتے؟جیتنے کے لیے مزاروں پر چادریں چڑھانے، آتش بازی کرنے، محفل رقص و سرور سجانے، مٹھائیاں تقسیم کرنے والوں کو ان متاثرین کی ننگے سر مائیں بیٹیاں اور بھوکے ننگے بچے نظر نہیں آتے؟ یہ بے حس، بے مروت،بے شرم اور بے ضمیر لوگوں کو کب احساس ندامت ہو گا؟ اللہ نے ان متاثرین سے ز مین بھی چھین لی ورنہ ان مصائب کا سامنا کرنے کے بجائے یہ شائد زمین میں ہی گھڑ جاتے۔

موجودہ دونوں ایم ایل ایز کواگر اب بھی نیلم کے ان بے بس متاثرین کا احساس نہیں ہوتا تو پھر کبھی نہیں ہو گا۔ نیلم میں فاتحہ خوانی کی سیاست کافی مقبول ہے۔ شائد شاہ جی اور میاں جی ان متاثرین کو اس لیے نہ معاوضہ دلوا رہے نہ ان کے لیے مناسب رہائش اور جگہ کا انتظام کر رہے کیونکہ اگر یہ زندہ رہ گئے تو الیکشن سے پہلے کسی کی فاتحہ خوانی کے بہانے الیکشن کمپین کیسے چلائیں گے؟حاجی، میاں، مفتی اور شاہ جی یہ بات آپ بخوبی جانتے ہیں اقتدار کے دن بہت جلد گزر جاتے۔ اس عوام نے آپ کو عزت دی، رفعتیں دیں، اعتماد کیا، ووٹ دیا اور اسمبلیوں تک اس لیے نہیں پہنچایا ہے کہ غریب، مفلس، نادار اور بے سہارا افراد اس یخ بستہ سردی میں بھوکے پیٹ، ننگے بدن آپ کی راہ تکتے تکتے اپنی بینائی اورگوئیائی سے بھی محروم ہوجائیں۔متاثرین کی آہ اور بدعا سے بچیں،تاریخ گواہ ہے شہنشاہ، شہزادے اور شہزادیاں روکھی روٹی کھاتے اور فٹ پاتھوں پر سوتے دیکھے گئے ہیں۔

دو خبریں ایک ساتھ آئی ہیں پہلی خبر یہ ہے کہ عالمی ادارہ خوراک (WFP)نے افغا نستا ن میں خوراک کی کمی سے پیدا ہو نے والے قحط کی پیشگوئی کی ہے دوسری خبر یہ ہے کہ ٹریڈنگ کار پوریشن آف پا کستان نے صو بہ خیبر پختونخوا کو گندم کی فرا ہمی سے معذرت کر تے ہوئے 11ارب 94کروڑ روپے کے سابقہ بقا یا جا ت کی فوری ادائیگی کا مطا لبہ کیا ہے گویا ڈیورنڈ لائن کے ”دونوں طرف آگ ہے برابر لگی ہوئی“ اور یہ کوئی دوسری آگ نہیں پیٹ کے جہنم کی آگ ہے اقوام متحدہ نے اپنی تازہ ترین رپورٹ میں اس خد شے کا اظہار کیا ہے کہ اگلے سال کی دوسری ششما ہی تک افغا نستا ن کی 55فیصد آبادی یعنی 2کروڑ 30لا کھ افراد کو شدید قحط کی صورت حال کا سامنا ہو گا.

رپورٹ میں کہا گیا ہے کہ غذائی اجنا س کی قلت کے ساتھ ساتھ غر بت اور بے روز گاری کی شرح میں بھی مسلسل اضا فہ ہو رہا ہے گزشتہ ڈھا ئی مہینوں کی غیر یقینی صورت حال کے پیش نظر افغا نستان میں 30لا کھ ہنر مند مزدور اور کاریگر بے روز گار ی سے دو چار ہوئے ہیں یہ آنے والے سال کے لئے خطرے کی گھنٹی ہے عالمی نشر یا تی ادارہ بی بی سی نے اپنے حا لیہ پروگرام میں عالمی ادارہ خوراک (WFP) کے ایگزیکٹیو ڈائریکٹر ڈیوڈ بیسلے (David Beasley) کا بیان نشر کیا ہے بیان میں عالمی ادارہ خوراک کے سر براہ نے امریکہ، یو رپ اور دیگر خوشحال یا متمول اقوام سے انسا نیت کے نا م پر درد مندانہ اپیل کی ہے کہ افغا نستان میں قحط کا شکار ہونے والے بچوں اور بچیوں کو اپنے بچوں اور بچیوں کی نظر سے دیکھو اور دل کھول کر اس مد میں امداد فراہم کرو تا کہ 60کروڑ 80لا کھ ڈالر کی مطلو بہ رقم مہیا ہو سکے.

نیوز ڈیسک کی رپورٹ یہ ہے کہ افغا نستا ن4کروڑ کی ابادی کا زرخیز ملک ہے اس ملک کی زمین 1978تک سونا اگلتی تھی گندم، جوار، چاول، جو اور دالوں کی زبردست فصلیں ہوتی تھیں یہ ملک انگور، انار، بادام، تر بوز، کشمش وغیرہ کے لئے مشہور تھا 43سالوں کی خا نہ جنگی اور 20سالوں کی براہ راست امریکی حکمرا نی کے بعد ملک کی 55فیصد آبادی قحط سے کیوں دو چار ہوئی؟ اس کے تین بڑے اسباب تھے پہلا سبب یہ تھا کہ افغا نستان کے دیہی اور شہری علا قوں سے ایک کروڑ کے لگ بھگ ابادی وطن چھوڑ کر نقل مکا نی پر مجبور ہوئی ان میں سے 50لا کھ افغا نی اب بھی وطن سے با ہر ہیں اس نقل مکا نی نے زراعت اور با غبا نی کو متا ثر کیا دوسرا سبب یہ تھا کہ 2001میں چار مہینوں تک بی-

52طیا روں کی کارپٹ بمباری میں ہر مو آب(Moab) اور ڈیزی کٹر (Dezycutter) بم نے 20فٹ کی گہرائی اور دوہزار مر بع فٹ کے احا طے تک زمین کو فصل اور سبزے کے لئے نا کا رہ بنا دیا رہی سہی کسر بارودی سرنگوں نے پوری کی تیسرا سبب یہ تھا کہ انا ج اور با غا ت کی جگہ پوست کی کا شت کو فروغ حا صل ہوا چنا نچہ افغا نستان اپنی خوراک کی ضروریات کے لئے بیرونی امداد کا محتاج ہوا دوخبروں کی روشنی میں ڈیورنڈ لائن کے دونوں طرف قحط کے شدید خدشات ہیں، اگر ہماری صو بائی حکومت نے اپنے ذمے کم و بیش 12ارب روپے کے واجبات ادا کئے تو ہم قحط سے بچ سکتے ہیں تا ہم افغانستان میں خوراک کی کمی کا خد شہ بر قرار رہے گا۔

خداوندتعالیٰ نے اس کائنات کے نظام کو بہتر طور پر چلانے کے لئے مرد اور عورت دونوں کے اندر طاقت اور صلاحیت کے انمول خزانے ودیعت کر رکھا ہے جن کو استعمال میں  لاتے  ہوئے دونوں  اس کائنات کی خوبصورتی میں  اپنا حصہ ڈالتے رہےہیں۔ یہ خوبی اور صلاحیت اگر عورت کے اندر موجود ہو تو وہ شرارِ زندگی بن کر تہذیب وتمدن کے حسن کو دوبالا کرتی ہے  کیونکہ  عورت کا وجود  صرف تصویرِ کائنات میں رنگ بھرنےکے لئے نہیں بلکہ تسخیرِ کائنات کے عمل میں برابر  شریک رہنے  اور مردوں کے دوش بدوش ہمسفر  کی صلاحیت موجود رہی ہے۔یہی مثال دخترِچترال  محترمہ دلشاد پری کےلئے دی جاسکتی ہےکیونکہ انہوں نے قدرت کی دی ہوئی صلاحیتوں کو اپناتے ہوئے مردوں کے شانہ بشانہ کے-پی-کے کے محکمہ پولیس میں اپنی کرئیر کا آغاز کیا  اور کئی مراحل سے گزر کر آج لوٹکوہ کے شغور تھانے میں بحیثیت خاتون SHO تعینات ہوچکی ہیں۔آپ کی یہ تقرری نہ صرف چترال کے عوام بلکہ چترال کی پوری خواتین کے لئے باعث فخر ،قابلِ صد تحسین  اور اہم پیغام ہے کہ اگر عورت اپنی خوابیدہ صلاحیتوں کو بروئی کار لائیں تو وہ بھی ناممکن کو ممکن بنانے میں اہم کردار ادا کرسکتی ہے۔

دلشاد  پری5 نومبر 1989 ء کو  اپر چترال کے خوبصورت اور ہردلعزیز گاؤں بونی گولوغوٹیک  کے ایک معزز قبیلہ سادات خاندان میں آنکھ کھولی جن کے آباواجداد کو علاقے میں کئی عشروں سے  مذہبی خدمات انجام دینے کی وجہ سے  ہمیشہ عزت اور احترام کی نگاہ سے دیکھا جاتا ہے۔ آپ کے والد گرامی سید عزیز ولی شاہ   ہیں  جس نے گزشتہ کئی عشروں سے محکمہ پولیس میں ایک وفادار اور مخلص حوالدار کی حیثیت سے اپنی ذمہ داریاں  بہ حسنِ خوبی انجام دے کر سبکدوش ہوئے اور کئی سال خوشی اور مسکراہٹ کے  حسین لمحات اپنے بچوں کے ساتھ بانٹ کر اس دارِ فانی سے کوچ کر گئے۔آپ  کی اولاد میں ایک بیٹا  اور تین بیٹیاں ہیں۔دلشاد پری موصوف کی دوسری بیٹی ہیں جو بہت ہی لائق، ہونہار  اور سخت محنتی ہیں۔ والد نے دورانِ ملازمت اور ریٹارمنٹ کے بعد بھی  اپنی اولاد کی تعلیم و تربیت میں کوئی کسر باقی نہیں رکھا ۔ اولاد کی خوشی کے لئے شب وروز محنت کرتا رہا  اور سب کے ساتھ یکسان  سلوک اور ان کو اُن کا  حق دلانے میں اپنا  مثبت کردار ادا کیا ۔جس کی وجہ سے آپ کی ساری اولاد مختلف شعبوں سے منسلک ہوکر عزت کی زندگی گزار رہے ہیں۔

البتہ دلشاد پری بہت ہی ذہین اور ہوشیار بیٹی تھی جنہوں نے اپنی بنیادی تعلیم کا آغاز آغاخان گرلز ہائی سکول بونی دوکاندہ سے کیا  جہاں مارچ 2005ء کو  مٹرک کا امتحان اچھے نمبروں کے ساتھ پاس کرکے اپنی سکنڈری تعلیم کے لئے پامیر پبلک سکول بونی کا انتخاب کیا جہاں سے 2007ء کو ایف ایس  سی کا امتحان پاس کرکے  گورنمنٹ گرلز کالج سیدو شریف سوات میں پڑھائی شروع کی اور 2009 ء کو BSC  کا امتحان پاس کرکے کامیابی سے ہمکنار ہونے کے بعد ایم ایس سی کے لئے جہانزیب کالج سوات میں داخلہ لے لیا ۔ اس کالج میں آپ کی پڑھائی جاری تھی کہ 2010 ء کو  KPK  کے محکمہ پولیس میں لیڈی کنسٹبل کی حیثیت سے اپنی  ملازمت کا آغاز کیا اور ساتھ ساتھ اپنی پڑھائی بھی جاری رکھی  اور ایک سال تک مزید  محنت اور لگن سے اپنا  مطالعہ جاری رکھ کر 2012 کو  اپنی MSC یعنی Organic Chemistry   ( نامیاتی کیمیا) میں سند  حاصل کرنے میں کامیاب ہوئی۔دلشاد پری جیسا کہ بتایا گیا  ذہین ہونے کے ساتھ ساتھ سخت مخنتی اور اپنے کام سے کام رکھنے والی خاتون ہیں ۔ وہ یونیورسٹی کی تعلیم سے فارغ ہونے کے بعد بھی آرام  سے بیٹھنے کے لئے تیار نہیں تھی بلکہ وہ اپنے قیمتی لمحات کو اپنی  صلاحیت اور ہنر میں اضافہ کرنے کے لئے استعمال کرتی رہی ۔یہی وجہ تھی کہ آپ وکالت کی تعلیم کے ساتھ ساتھ Bed  کی ڈگری بھی حاصل کرنے میں کامیاب ہوئی۔ اسطرح  آپ صحافت اور DIT میں  بھی ڈپلومہ حاصل کرچکی ہیں ۔

آپ کو شروع ہی سے قانون کے خدوخال اور اس کے بنیادی اصولوں کو سمجھنے کے لئے شوق اور دلچسپی رہی تھی۔  آپ کوئی پیشہ ور وکیل بننا نہیں چاہتی تھی بلکہ پولیس کے محکمے سے وابستہ ہوکر قانون سے خوب واقفیت  حاصل  کرکے قانون کے مطابق معاشرتی مسائل کو حل کرنے کا ارادہ  رکھتی تھی۔اس مقصد کے حصول کے لئے آپ نے  اپنے ڈیپارٹمنٹ سے NOC لیکر مسلم لاء کالج سوات میں ایڈمیشن لیا  اور  تین سال میں LLB  کی سند حاصل کی۔وکالت کی تعلیم کے لئے آپ کے ڈیپارٹمنٹ کے اعلیٰ افسران کی پشت پناہی بھی آپ کو حاصل رہی جن کی ہمہ وقت مدد اور تعاون سے آپ نے اپنی تعلیم مکمل کی ۔دلشاد پری کا کہنا ہے کہ اگر  افسرانِ اعلیٰ کی اعلیٰ ظرفی  اور مدد شامل حال نہ ہوتی تو وہ اپنے مقصد میں کامیاب نہ ہوتی۔اسطرح مسلم لاء کالج  سوات میں دوران تعلیم  میرے بہت سے اساتذہ کرام نے  عقلی، ذہنی اور اخلاقی تربیت میں میری بھرپور معاونت کی اور جن کی کاوشوں سے ہی میری خوابیدہ صلاحیتوں میں نکھار پیدا ہوئیں۔ان اساتذہ  میں کالج کے پرنسپل احمد شاہ  اور شہزادہ رحمٰن قبلِ زکر ہیں اور میں اپنی پوری زندگی اُن معزز اساتذہ کرام کا شکر گزار رہونگی۔

وکالت کی تعلیم سے فارغ ہونے کے بعد عملی زندگی میں چترال کے نامور قانون دان اور معزز شخصیت محترم صاحب نادر لال کی صحبت اور اُس کی ماہرانہ تجربوں سے بھی فیض حاصل کیا اور اُن کے زرۤین اصولوں کو اپنی عملی زندگی میں اپنانے کی کوشش کی۔یہی وجہ ہے کہ اُن کے دیئے ہوئے اصول آج بھی اس کی زندگی کے لئے مشغلِ راہ ہیں۔

آپ کے ذہن میں پختہ ارادہ  اور  ایک مضبوط وژن تھا  اس مقصد کو اپنا منشور بناکر پولیس کی ملازمت کا انتخاب کیا  اور معاشرے کے مظلوم لوگوں خصوصاََ خواتین کے مسائل اور ان کی محرومیوں کے سد باب کے لئے اپنی خدمات پیش کی۔آپ کی سوچ کی بلند فکری اس بات سے بھی عیاں ہے کہ آپ نے اچھا خاصا تعلیم یافتہ ہونے کے باوجود بھی کسی اعلیٰ عہدے کے انتظار میں اپنا  وقت ضائع نہیں کیا بلکہ محکمہ پولیس میں ایک لیڈی کنسٹبل کی حیثیت سے اپنی ملازمت شروع کی اس دوران مختلف شعبہ جات میں کام کرنے کا تجربہ ہوا  جس سے آپ کو مشکل  اور دقیق مسائل  جیسے چیلنجیز  سامنے آئے جن میں FRO  محرر اور وومن رپورٹنگ  انچارچ وغیرہ شامل تھی۔ ان ایۤام میں خواتین کو ان کا جائز حق دلانے کے لئے کوشان رہی جن میں گھریلو جھگڑا،تشدد اور جائیداد وغیرہ کے مسائل نمٹاتی رہی۔ ان اہم ذمہ داریوں میں ہر بار کامیابی آپ کے قدم چومتی رہی اور لوگ آپ کی کامیابی کی تعریفیں  کرنے لگےاور خصوصاََ مظلوم خواتین آپ کو دعائیں دینے لگیں اور یہ دعائیں آخر کار رنگ لائیں جن کی وجہ سے آپ نے تین بار کیڈٹ کا اعزاز حاصل  کیا ۔آپ کے بہت سے احباب اور رشتہ داروں نے آپ سے کہا کہ  اچھی تعلیم یافتہ ہونے کے باوجود بھی پولیس میں لیڈی کنسٹبل کی حیثیت سے کیوں کام کرتی ہیں؟ آپ ان تمام منفی اور تلخ باتوں سے دل برداشتہ نہیں ہوئی بلکہ استقامت اور صبرو تحمل سے علامہ محمد اقبال کے اس  پُرحکمت شعر کے مصداق  اپنے کام سے کام رکھی۔

تند باد مخالف سے نہ گھبرا اے عقاب

یہ تو چلتی ہے تجھے اونچا اوڑانے کے لئے

دلشاد پری پر خدا مہربان تھا کہ 2017 ء میں آپ نے اپنے محکمے میں کمیشن حاصل  کرکے ASI  بھرتی ہوئی  اور پھر آپ کی ترقی کی راہیں کھلتی رہیں۔ آپ نے مزید دلچسپی اور لگن کے ساتھ اپنی ذمہ داریاں نبھاتی رہی اور کبھی بھی کسی کو شکایت کرنے کا موقع نہیں دیا ۔ آپ کی محنت اور اچھی کارکردگی کو دیکھ کر افسرانِ اعلیٰ بھی  آپ کے بارے میں اچھے تاثرات قلمبند کئے اور اپ کو  حراجِ تحسین پیش کئے۔ان خصوصیات کی وجہ سے ڈیپارٹمنٹ کے تمام سٹاف آپ کی صلاحیت اور حسنِ سلوک سے متاثر ہوئے اور آپ کو ہمیشہ عزۤت کی نگاہ سے دیکھتے ہیں۔  جب سونیہ شمروز  خان پہلی بار  ڈی پی او لوئیر چترال مقرر ہوئی تو آپ کے حسنِ اخلاق ، حسنِ کارکردگی  کو قریب سے دیکھی تو بہت زیادہ معترف ہوئی جس کا واضح ثبوت یہ ہے کہ سونیہ شمروز  خان نے آپ پر اعتماد کرتی ہوئی چترال میں پہلی بار  خاتون  SHO  کی حیثیت سے آپ کی تقرری کا نوٹیفکشن جاری کیا جس کی وجہ سے آپ 20 ستمبر 2021 ء سے لوٹکوہ کے شغور تھانے میں اپنی ذمہ داری کا آغاز کیا۔

یہ اہم ذمہ داری ایک خاتون کے لئے کوئی آسان نہیں تھی مگر دلشاد پری میں یہ خصوصیات  پہلے سے بہ حدِ قوت موجود تھیں کہ وہ اپنی مردانہ وار صلاحیتوں کو بروئے کا ر لاتی ہوئی ان مشکل گھڑیوں کو آسانی میں بدل کر اہم کردار ادا کی ۔ تبھی تو چترال کی ڈی پی او نے آپ پر بھروسہ اور اعتماد کرتی ہوئی یہ اہم ذمہ داری آپ کو سونپ دی تھی۔آپ نے شغور تھانے میں جب سے SHO تعینات ہوچکی ہیں  اپنی بہترین صلاحیت کے مطابق اپنی ذمہ داریاں نبھا رہی ہیں۔ اپنے ماتحت سٹاف کے ساتھ بھی آپ کا رویہ بہت ہی مشفقانہ ہے۔آپ نے اپنے آپ کو کبھی بھی  ایک افسر تصور نہیں کیا بلکہ ایک عام سپاہی کی حیثیت سے  اپنے دیگر ساتھیوں کے ساتھ مل کر اپنی ذمہ داریاں انجام دینے میں خوشی محسوس کرتی ہیں۔ آپ کی ان اعلیٰ خوبیوں اور صفات کی وجہ سے آپ کے تمام سٹاف آپ کے حسنِ عمل اور کردار سے مطمئن ہیں۔ یہی وجہ ہے کہ وہ  آپ کے ساتھ کام کرتے ہوئے   دلی خوشی محسوس کرتے ہیں۔

ہماری دعا ہے کہ پروردگار عالم اپنی مہربانی اور رحم و کرم کے طفیل دلشاد پری پر اور بھی  اپنی رحمتیں اور مہربانیاں نچھاور کرے تاکہ معاشرے کے مظلوم طبقے کو ان کی جائز حقوق ملے اور معاشرے کے لوگ امن و سکون اور آشتی کے سایئے میں  زندگی گزار کر معاشرے کے پرامن شہری ہونے کے ناطے اپنا مثبت کردار ادا کرنے کے قابل ہوسکے۔