یوم دفاع پاکستان 6 ستمبر کے مناسبت سے موردیر موڑکھو میں پروقار تقریب

Posted on September 6, 2022

یوم دفاع پاکستان 6 ستمبر کے مناسبت سے موردیر موڑکھو میں پروقار تقریب۔

اپر چترال (جمشیداحمد) ملک بھر کی طرح یوم دفاع پاکستان اپر چترال میں بھی جوش وجذبے سے مناٸی گٸی اس حوالے سے موردیر موڑکھو میں ایک پر وقار تقریب منعقد ہوٸی جس کی صدارت منیجر نشینل بنک عدنان زین العابدین نے کی جب کہ مہماں خصوصی پرنسپل ہاٸی سیکنڈری سکول کوشٹ صاحب الرخمن تھے تقریب میں عماٸیدین علاقہ شہدا۶ کے ورثا۶ مختلف سکولوں کے طلباوطالبات ریٹاٸیرڈ ارم فورس تنظیم تحصیل موڑکھو کے اراکین علاقے کے فوجی پینشنرز حضرات اور نوجوان موردیر کثیر تعداد میں شرکت کی۔تقریب کا باقاعدہ اغاز تلاوت کلام پاک سے کیا گیا تلاوت کلام پاک کے بعد ہاٸی سکول کوشٹ کے طلبا سودیس اور ساتھیوں نے قومی ترانہ پیش کی قومی ترانہ کے بعد معصوم خان نے ابتداٸی کلمات پیش کرتے ہوۓ معزز مہمانوں کو خوش امدید کہا اور شرکا کا شکریہ ادا کیا اس کے بعد شہدا ۶کی درجات کی بلندی اور ان کے روح کے ایصال و ثواب کے لیے قاری سعیدالرحمت نے دعا اور فاتحہ خوانی کی مولانا اصف اقبال نے شہادت کے موضع پر تقریر پیش کی اور شہدا اور غازیوں کی قربانیوں کا ذکر کرتے ہوۓ انہیں سلام اور خراج عقیدت پیش کی۔

 

اغاخان سکول موردیر کے رخسار اور اس کے ساتھی حمد باری تعالی اور ارینہ اور مسکان نعت رسول مقبول پیش کی حمد باری تعالی اور نعت رسول مقبول کے بعد ریٹاٸرڈ انرری کپٹن خیر بیگ اف ریشن نے خطاب کیا اور شہدا۶ کو سلام پیش کی انہوں نے اپنے خطاب میں 1971 کی پاک بھارت جنگ کی انکھوں دیکھا حال جنگی حالات واقعات افواج پاکستان کی بہادری اور شہدا اور غازیوں کی دستان حاضریں کو سناٸی بلخصوص اس وقت کےجنگی محاذ میں اپنے ساتھی شہید فیض اللہ جان ساکن موردیر کی بہادری اور شہادت کی دستان سناٸی جس سے پورا مجمع اب دیدہ ہوۓ شہدا۶ ورثا میں نورالصبا بن شہید فیض اللہ جان نے خطاب کیا اور شہدا وطن اور غازیوں کو سلام پیش کی اور عمادالاسلام سید شمش الاسلام کے بھاٸی نے خطاب کیا اور شہدا ۶کو سلام اورخراج تحسین پیش کی۔

 

اس کے علاوہ (ر)صوبیدارغلام مصطفی لال ریٹاٸیرڈ صوبیدار میجر محمد ایوب چیرمین وی سی موردیر موژگول ریاض احمد اور طالبہ فریحا کنول نے تقریر پیش کی ۔تقریب کے مہماں خصوصی پرنسپل ہاٸی سکنیڈری سکول کوشٹ صاحب الرخمن نے اس دن 6 ستمبر یوم دفاع پاکستان کے حوالے سے خطاب کیا شہدا کو سلام اور خراج تحسیں پیش کی اور منعقدہ تقریب کی تعریف کی نوجوانوں کو محنت کرکے نام پیدا کرنے اور وطن عزیز پاکستان سے محبت اور خدمت کرنے کی نصیحت کی۔اخر میں یہ تقریب صدرے محفل منیجر عدنان زین العابدین کی صدارتی خطاب کے ساتھ اختتام پزیر ہوٸی تقریب کی نظامت کے فراٸیض نعمان زین العابدین نے انجام دین تقریب کے شہدا ۶کے مزاروں پر حاضری دی گٸی پھول چڑھاٸی اور فاتحہ خوانی کی گٸی۔

چترال سکاوٹس کے زیراہتمام یوم دفاع پاکستان کے حوالے سے چترال میں تقریب

Posted on September 6, 2021September 6, 2021

چترال (نمائندہ چترال ٹائمز)چترال سکاوٹس کے زیر اہتمام یوم دفاع پاکستان اس تجدید عہد کے ساتھ منایا گیا کہ ملک وقوم کے لئے جان دینے والے شہیدوں کی قربانیوں کو رائیگان نہیں جانے دیا جائے گاا وریہ کہ مکار اور عیار دشمن کی مکارانہ چال بازیوں اور ہائیبرڈ جنگ سے نئی نسل کو بچانے میں کوئی کسر نہیں چھوڑیں گے جوکہ روایتی جنگ میں بری طرح شکست کھانے کے بعد محاذ بدل دی ہے۔

تقریب میں چترال سکاوٹس، پاک آرمی اور چترال پولیس کے شہداء کے ورثاء میں تخائف تقسیم کئے گئے اور مقررین نے اپنی تقریروں میں شہداء کو زبردست خراج عقیدت پیش کرتے ہوئے کہاکہ انہوں نے اپنی آج کو دوسروں کی کل پر قربان کرکے جرات وبہادری کی مثال قائم کردی۔ چترال سکاوٹس کے کمانڈنٹ بریگیڈئر علی محمد ظفر نے کہاکہ اللہ کی نصرت اور قوم کی دعاؤں سے اس دن مسلح افواج نے عددی اکثریت کے نشے میں شرابور دشمن کو وہ عبرت ناک شکست دے دی کہ دنیا حیران رہ گئی۔ انہوں نے کہاکہ اگرچہ پاکستان نے دہشت گردی کی عفریت کو بھی شکست دے دی ہے لیکن خطے میں تیزی سے بدلتی ہوئی حالات کے پیش نظر چوکنا رہنا ہوگا۔

انہوں نے کہاکہ معربی سرحد پر ایف سی کے فرنٹئر کور کے جوان ہمہ وقت چوکس ہیں اور جانوں کا نذرانہ دے کر معربی سرحدوں کو محفوظ بنائے ہیں جس میں چترال سکاوٹس کا بھی نمایان کردار ہے جوکہ ایف سی کی مایہ ناز یونٹ ہے اورعزم وقربانی کے جذبے سیاچین سے باجوڑ خیبر تک وطن کی حفاظت پر مامور ہیں۔ انہوں نے کہاکہ چترال سکاوٹس نہ صرف دفاع وطن کے لئے ہر محاذ پر موجود ہے بلکہ قدرتی آفات میں بھی عوام کی خدمت کے لئے حاضر ہیں۔

اس موقع پرسابق ضلع ناظم مغفرت شاہ نے خطاب میں مادر وطن پر قربان ہونے والے شہداء کو خراج تحسین پیش کرتے ہوئے کہاکہ پاکستان اسلام کا قلعہ ہے جوکہ خالصتاً اسلامی نظرئیے کی بنیاد پر معرض میں وجود میں آئی ہے اور اس کی حفاظت کے لئے جان کی قربانی دینے والے اللہ کے محبوب ترین لوگ ہوسکتے ہیں۔ اور اس کے دائمی دشمن کے عزائم کے پیش نظر ہمیں مزید قربانیوں کے لئے تیار رہنا ہوگا۔ معروف دانشور ڈاکٹر عنایت اللہ فیضی نے اپنے خطاب میں 1965کے جنگ پر روشنی ڈالی اور شہادت کے مرتبے پر فائض ہونے والوں کو خراج تحسین پیش کرتے ہوئے کہاکہ شہداء کو اپنی شہادت کی بہت پہلے ہی وجدان کے ذریعے اشارہ مل جاتی ہے جس کا عملی ثبوت انہوں نے کپٹن اجمل شہید اورلاسپور کے حوالدار محمد یوسف شہید کی شہادتوں کی صورت میں پیش کیا جنہوں نے بہت پہلے اپنے دوستوں اور رشتہ داروں کو اس بارے میں بتاچکے تھے۔

ایس پی انوسٹی گیشن محمد خالد نے آزادی کی اہمیت پر روشنی ڈالتے ہوئے کہاکہ شہداء قوم کے وہ عظیم محسن ہیں جوکہ دوسروں کی آزادی کے لئے اپنی جانوں کا نذرانہ پیش کرنے میں ایک لمحہ بھی پس وپیش نہیں کرتے۔ انہوں نے ملاکنڈ ڈویژن میں پولیس کی قربانیوں کا خصوصی تذکرہ کیا۔ ایڈیشنل ڈپٹی کمشنر (جنرل) حیات شاہ نے چترال سکاوٹس کی خدمات کو سراہتے ہوئے کہاکہ چترال سکاوٹس کے افسران اور جوان قوم کے توقعات پر ہمیشہ پورا اترتے رہے ہیں۔ انہوں نے کہاکہ دہشت گردی کے خلاف جنگ میں چترال سکاوٹس کا کردار نہایت ہی قابل رشک ہے جس کے افسران اور جوان چترال سے باہر شہادتیں پیش کی اور اس ضلع کو دہشت گردوں سے پاک رکھا۔ چترال سکاوٹس کے فیملی پارک کے احاطے میں منعقدہ اس تقریب میں فرنٹئر کور پبلک سکول کے طلباء طالبات نے اس دن کی اہمیت سے ٹیبلو اور خاکے پیش کئے جنہیں حاضرین نے سراہا۔

اس سے قبل چترال سکاوٹس کے ہیڈ کوارٹرز کے کوارٹرز گارڈ میں شہداء کے روح کی ایصال ثواب کے لئے دعائیہ تقریب ہوئی جس میں چترال سکاوٹس کا چاق وچوبند دستے نے کمانڈنٹ کو سلامی دی اور شہداء کے درجات کی بلندی اور ملک کی سالمیت اور استحکام کیلئے خصوصی دعائیں مانگی گئیں۔