کنگ سلمان ریلیف سینٹر نے پاکستان میں فوڈ سکیورٹی سپورٹ پروجیکٹ کے تیسرے مرحلے کا آغاز کر دیا، ملک کے 34 پسماندہ اضلاع میں 30,000 غذائی پیکجز تقسیم کرے گا

Posted on July 6, 2025

کنگ سلمان ریلیف سینٹر نے پاکستان میں فوڈ سکیورٹی سپورٹ پروجیکٹ کے تیسرے مرحلے کا آغاز کر دیا، ملک کے 34 پسماندہ اضلاع میں 30,000 غذائی پیکجز تقسیم کرے گا

اسلام آباد( نمائندہ چترال ٹائمز ) کنگ سلمان ہیومینٹیرین ایڈ اینڈ ریلیف سینٹر نے سال 2025 کے لیے پاکستان میں اپنے فوڈ سیکیورٹی سپورٹ پراجیکٹ کے تیسرے مرحلے کا باضابطہ آغاز کر دیا ہے۔ کنگ سلمان ریلیف سینٹر چترال لوئیر اور اپر سمیت ملک کے 34 پسماندہ اضلاع میں 30,000 غذائی پیکجز تقسیم کرے گا، جس سے 2,10,000 سے زائد افراد مستفید ہوں گے۔

پروجیکٹ کی افتتاحی تقریبِ سعودی سفارت خانہ اسلام آباد میں منعقد ہوئی، جس میں مملکتِ سعودی عرب کے پاکستان میں سفیر، جناب نواف بن سعید المالکی؛ وفاقی وزیر برائے قومی غذائی تحفظ و تحقیق، جناب رانا تنویر حسین، اور کنگ سلمان ریلیف سینٹر پاکستان کے ڈائریکٹر عبداللہ البقمی نے شرکت کی۔

یہ اقدام اس منصوبے کے پہلے دو کامیاب مراحل کی تکمیل کے بعد کیا جا رہا ہے، جن کے دوران پانچ ماہ کے عرصے میں بلوچستان، سندھ، پنجاب، خیبر پختونخوا، گلگت بلتستان، اور آزاد جموں و کشمیر کے 61 اضلاع میں 60,000 فوڈ پیکجز تقسیم کیے گئے۔

اس فوڈ پیكج میں تمام تر ضروری اشیاء خردونوش شامل ہیں۔ ایك فوڈ پیك 95 كلوگرام پر مشتمل ہے جس میں 80 كلو فائن آٹا،5كلو دال چنا، 5لیٹر كوكنگ آئل اور 5كلو چینی شامل ہیں۔ یہ پیکجز ایک خاندان کو پورے مہینے کے لیے کفایت فراہم کرنے کے لیے ڈیزائن کیے گئے ہیں جوکہ کنگ سلمان ریلیف سینٹر کی نگرانی اور مقامی حکومت کے تعاون سے تقسیم کیے جائیں گے۔

یہ منصوبہ نیشنل ڈیزاسٹر مینجمنٹ اتھارٹی، صوبائی ڈیزاسٹر مینجمنٹ اتھارٹیز، اور دیگر مقامی شراکت داروں کے تعاون سے نافذ کیا جا رہا ہے۔ اس کا مقصد غذائی عدم تحفظ کا تدارک، غذائی صحت میں بہتری، اور قدرتی آفات سے متاثرہ و پسماندہ طبقات کی مدد کرنا ہے۔ تقسیم کے لئے مستحق خاندانوں کی نشاندہی مقامی حکام کے ساتھ مل کر کی جائے گی تاکہ امداد درست حقداروں تک پہنچ سکے۔

یہ پروجیکٹ مملکت سعودی عرب کے انسانی ہمدردی کے منصوبوں کے تحت پاکستان میں کنگ سلمان ہیومینٹیرین ایڈ اینڈ ریلیف سینٹر کی زیر نگرانی ضرورت مند افراد میں شفاف طریقے سے مقامی حکومت کے تعاون سے تقسیم کیے جائیں گے۔

کنگ سلمان ریلیف سینٹر کا پاکستان میں 50,000 ونٹر کٹس کی تقسیم مکمل 

Posted on March 14, 2025

کنگ سلمان ریلیف سینٹر کا پاکستان میں 50,000 ونٹر کٹس کی تقسیم مکمل

اسلام آباد(چترال ٹائمزرپورٹ ) کنگ سلمان ہیومینیٹیرین ایڈ اینڈ ریلیف سینٹر نے موسم سرما امدادی منصوبہ کامیابی سے مکمل کر لیا، جو کہ ایک وسیع پیمانے پر جاری انسانی ہمدردی کا اقدام تھا، جس کا مقصد پاکستان میں شدید سردی اور قدرتی آفات سے متاثرہ کمیونٹیز کی مدد کرنا تھا۔

یہ منصوبہ نیشنل ڈیزاسٹر مینجمنٹ اتھارٹی ، پروونشل ڈیزاسٹر مینجمنٹ اتھارٹیز کے تعاون سے مکمل کیا گیا۔ 50,000 ونٹر کٹس چترال سمیت  پاکستان کے 52 اضلاع میں تقسیم کی گئیں، جن میں سب سے زیادہ متاثرہ اور سرد ترین علاقے شامل تھے۔ یہ امداد خیبر پختونخوا کے 17 اضلاع، گلگت بلتستان کے 10 اضلاع، بلوچستان کے 11 اضلاع، آزاد جموں و کشمیر کے 6 اضلاع، سندھ کے 6 اضلاع، اور پنجاب کے 2 اضلاع میں مستحق خاندانوں تک پہنچائی گئی۔

ہر ونٹر پیکج میں دو اعلیٰ معیار کی پالیسٹر رضائیاں، مردوں اور خواتین کے لیے گرم شال کٹس، اور بچوں و بڑوں کے لیے موسم سرما کے کپڑے شامل تھے، تاکہ خاندانوں کو شدید سردی سے بچاؤ کے لیے ضروری مدد فراہم کی جا سکے۔ یہ تقسیم صوبائی حکومتوں کے قریبی تعاون اور حیات فاؤنڈیشن کی شراکت داری سے شفاف طریقے سے مکمل کی گئی۔

یہ منصوبہ 337,079 سے زائد افراد کو فائدہ پہنچا چکا ہے، جو کے کنگ سلمان ریلیف انسانی ہمدردی کے مشن اور ضرورت مند کمیونٹیز کی مدد کے عزم کو مزید مضبوط کرتا ہے۔ کنگ سلمان ریلیف عالمی سطح پر انسانی امداد کی فراہمی میں پیش پیش ہے اور قدرتی آفات و شدید موسم سے متاثرہ افراد کے لیے اپنی خدمات جاری رکھے گا۔

کنگ سلمان ریلیف سینٹر کی جانب سے پاکستان کے 52 سرد ترین اور برف سے ڈھکے اضلاع میں 50,000 ونٹر کِٹس تقسیم

Posted on February 13, 2025

کنگ سلمان ریلیف سینٹر کی جانب سے پاکستان کے 52 سرد ترین اور برف سے ڈھکے اضلاع میں 50,000 ونٹر کِٹس تقسیم

چترال ( چترال ٹائمز رپورٹ ) کنگ سلمان ریلیف سینٹر کی جانب سے پاکستان کے 52 سرد ترین اور برف سے ڈھکے اضلاع میں 50,000 ونٹر کِٹس تقسیم کر رہا ہے۔ ان میں سے 16,000 کِٹس خیبر پختونخوا کے لیے مختص کی گئی ہیں، جہاں اب تک  چترال سمیت 11 اضلاع میں 12,200 ونٹر کِٹس تقسیم کی جا چکی ہیں، جبکہ باقی 3,800 کِٹس مزید 6 اضلاع میں تقسیم کے عمل میں ہیں۔

ہر ونٹر پیکیج میں دو رضائیاں، مردوں اور خواتین کے لیے اونی شالیں، اور بچوں اور بڑوں کے لیے گرم کپڑے شامل ہیں۔ شفافیت اور مؤثر عمل درآمد کو یقینی بنانے کے لیے، یہ منصوبہ نیشنل ڈیزاسٹر مینجمنٹ اتھارٹی ، پرووِنشل ڈیزاسٹر مینجمنٹ اتھارٹیز ، مقامی انتظامیہ، اور حیات فاؤنڈیشن جیسے کلیدی شراکت داروں کے تعاون سے چلایا جا رہا ہے۔

ان مشترکہ کوششوں کے ذریعے، یہ اقدام پاکستان بھر میں 350,000 سے زائد افراد کو فائدہ پہنچانے کی توقع ہے، جو کنگ سلمان ریلیف کے ضرورت مندوں کی مشکلات کم کرنے اور ان کی فلاح و بہبود کو بہتر بنانے کے عزم کا اعادہ کرتا ہے۔

کنگ سلمان ریلیف سینٹر نے پاکستان میں سال 2025کیلئے شیلٹر اور ونٹر کٹس کی تقسیم کے پروجیکٹ کا آغاز کردیا 

Posted on January 30, 2025

کنگ سلمان ریلیف سینٹر نے پاکستان میں سال 2025کیلئے شیلٹر اور ونٹر کٹس کی تقسیم کے پروجیکٹ کا آغاز کردیا

اسلام آباد ( چترال ٹائمزرپورٹ ) کنگ سلمان ہیومینیٹیرین ایڈ اینڈ ریلیف سینٹر نے پاکستان میں کمزور طبقات کی مدد کے لیے اپنی سالانہ انسانی ہمدردی کی مہم کے تحت 84,500 شیلٹر اور ونٹر کٹس کی تقسیم کرنے کے لیے ایک اہم منصوبے کا اعلان کیا ہے۔

اسلام آباد میں ایک باضابطہ افتتاحی تقریب کا انعقاد کیا گیا، جہاں سفیر نواف بن سعید المالکی، رانا تنویر حسین، وفاقی وزیر برائے نیشنل فوڈ سیکیورٹی اینڈ ریسرچ، پاکستان اور کنگ سلمان ہیومینیٹیرین ایڈ اینڈ ریلیف سینٹر پاکستان کے ڈائریکٹر عبداللہ البقمی نے سرکاری طور پر ونٹر پیکجز کی ترسیل کا افتتاح کیا۔
پروجیکٹ کے پہلے مرحلے میں پاکستان کے 50 سرد ترین اور برف سے ڈھکے اضلاع کے رہائشیوں میں 50,000 ونٹر کٹس تقسیم كی جاری ہے جس میں خیبر پختونخوا میں 16,000 کٹس، بلوچستان میں 12,000، گلگت بلتستان میں 10,000، آزاد جموں و کشمیر میں 6,000، سندھ میں 4,000، اور پنجاب میں 2,000 کٹس مختص ہیں۔ ونٹر پیکیج میں 2 عدد رضائیاں مردانہ زنانہ گرم شالیں اور بچوں و بڑوں کے لیے گرم ملبوسات شامل بیں۔

باقی 34,500 شیلٹر کٹس کو آفات کے ردعمل کے لیے اسٹریٹجک طور پر مختص کیا جائے گا، اور ان کی تقسیم تین اضافی مراحل میں کی جائے گی، جو دسمبر 2025 تک مکمل ہوگی۔

شفافیت اور مؤثر عمل درآمد کو یقینی بنانے کے لیے، یہ منصوبہ اہم شراکت داروں کے ساتھ قریبی تعاون میں انجام دیا جائے گا، جن میں نیشنل ڈیزاسٹر مینجمنٹ اتھارٹی، صوبائی ڈیزاسٹر مینجمنٹ اتھارٹیز ، گلگت بلتستان ڈیزاسٹر مینجمنٹ اتھارٹی ، اسٹیٹ ڈیزاسٹر مینجمنٹ اتھارٹی اور مقامی انتطامیہ شامل ہیں۔
ان مشترکہ کاوشوں سے 591,500 سے زائد افراد کو فائدہ پہنچانے کی توقع ہے، جو پاکستان بھر میں ضرورت مندوں کی مشکلات کو کم کرنے اور ان کی فلاح و بہبود کو بہتر بنانے کے لیے کنگ سلمان ریلیف سینٹر کے عزم کو اجاگر کرتی ہے۔

کنگ سلمان ریلیف سینٹر نے خیبر پختونخوا میں بارش اورسیلاب سے متاثرہ 4,000 خاندانوں کیلئے امدادکی تقسیم شروع 

Posted on October 5, 2024October 5, 2024

کنگ سلمان ریلیف سینٹر نے خیبر پختونخوا میں بارش اورسیلاب سے متاثرہ 4,000 خاندانوں کیلئے امدادکی تقسیم شروع

اپرچترال ( چترال ٹائمزرپورٹ ) خیبرپختونخوا میں شدید بارشوں کی وجہ سے آنے والے سیلاب کے بعد، کنگ سلمان ہیومینٹیرین ایڈ اینڈ ریلیف سینٹر نے فوری طور پر 4,000 شیلٹر اور نان فوڈ آئٹمز کٹس تقسیم شروع کردی گئی تاکہ متاثرہ افراد کی بنیادی ضرورتوں کو پورا کیا جاسکے۔
یہ امدادی کٹس میں شیلٹرز، سولر پینلز، کمبل، پلاسٹک کی چٹائیاں، کچن سیٹ، پانی کے کولر، اور اینٹی بیکٹیریل صابن شامل ہیں جن سے 28,000 سے زائد افراد مستفید ہو‏‏نگے۔

یہ امداد خیبر پختونخوا کے پانچ متاثرہ اضلاع (1000 کٹس اپر چترال ، 500 کٹس لوئر چترال، 500 کٹس کوہستان،1000 کٹس مانسہرہ،1000 کٹس ڈی آئی خان) میں سیلاب سے متاثرہ افراد میں نیشنل ڈیزاسٹر مینجمنٹ اتھارٹی اور حکومت خیبرپختونخوا اور حیات فاؤنڈیشن کے تعاون سےتقسیم کی جائینگی ۔
یہ امداد خیبر پختونخوا کے پانچ متاثرہ اضلاع جن میں اپر چترال کے لیے 1000 کٹس، لوئر چترال کے لیے 500 کٹس، کوہستان کے لیے 500 کٹس، مانسہرہ کے لیے 1000 کٹس، اور ڈی آئی خان کے لیے 1000 کٹس تقسیم کی جائے گی ۔ یہ امدادی کٹس نیشنل ڈیزاسٹر مینجمنٹ اتھارٹی، حکومت خیبرپختونخوا، اور حیات فاؤنڈیشن کے تعاون سے تقسیم کی جائیں گی۔

کنگ سلمان ریلیف سینٹر کی طرف سے چترال سمیت پاکستان میں شدید بارشوں اور سیلاب سے متاثرہ 12,000 خاندانوں کیلئے ہنگامی امدادی سامان روانہ کردیا گیا ، ترجمان

Posted on September 28, 2024

کنگ سلمان ریلیف سینٹر کی طرف سے چترال سمیت پاکستان میں شدید بارشوں اور سیلاب سے متاثرہ 12,000 خاندانوں کیلئے ہنگامی امدادی سامان روانہ کردیا گیا ، ترجمان

اسلام آباد( چترال ٹائمزرپورٹ ) پاکستان میں سیلاب اور شدید بارشوں سے متاثرہ 12,000 خاندانوں کی اہم ضروریات کو پورا کرنے کیلئے کنگ سلمان ریلیف سینٹر نے 12,000 شیلٹر اور نان فوڈ آئٹمز (NFIs) پر مشتمل کٹس روانہ کی ہیں۔ امدادی کٹس میں شیلٹرز، سولر پینلز، کمبل، پلاسٹک میٹ، کچن سیٹ، واٹر کولر اور اینٹی بیکٹیریل صابن پر مشتمل ان 12,000 شیلٹر NFIs کٹس سے 84,000 افراد سے زائد افراد مستفید ہونگے۔

جاری پریس ریلیز کے مطابق یہ کٹس پاکستان کے 20 متاثرہ اضلاع جن میں اپر چترال، لوئر چترال، کوہستان، مانسہرہ، ڈیرہ اسماعیل خان، نصیر آباد، اُستہ محمد، جھل مگسی، قلعہ سیف اللہ، راجن پور، کوٹ ادو، مظفرگڑھ، بدین، سجاول، سانگھڑ، جیکب آباد، استور، غذر، کوٹلی اور بھمبر میں رہنے والے متاثرین میں نیشنل ڈیزاسٹر مینجمنٹ اتھارٹی (NDMA)قسیم کی جائیگی۔ یہ امدادی کٹس نیشنل ڈیزاسٹر مینجمنٹ اتھارٹی (NDMA) صوبائی ڈیزاسٹر مینجمنٹ اتھارٹیز (PDMAs)، اور مقامی انتظامیہ کے تعاون سے سیلاب سے متاثرہ علاقوں میں تقسیم کیے جائیں گے۔ یہ اقدام انسانی ہمدردی کی کوششوں کے لیے مملکت سعودی عرب کے عزم کی نشاندہی کرتا ہے اور مصیبت کے وقت پاکستان میں متاثرہ خاندانوں کی مدد کے لیے جاری لگن کی عکاسی کرتا ہے۔

کنگ سلمان ریلیف سینٹر کی طرف سے خیبر پختونخوا اوربلوچستان کے 9000 حالیہ سیلاب سے متاثرہ گھرانوں کیلئے ہنگامی امداد روانہ

Posted on April 28, 2024

کنگ سلمان ریلیف سینٹر کی طرف سے خیبر پختونخوا اوربلوچستان کے 9000 حالیہ سیلاب سے متاثرہ گھرانوں کیلئے ہنگامی امداد روانہ

اسلام آباد(چترال ٹائمزرپورٹ ) خیبرپختونخوا اور بلوچستان میں حاليه شدید بارشوں کی وجہ سے آنے والے تباہ کن سیلاب کے پیش نظر کنگ سلمان ریلیف سینٹر نے سیلاب متاثرین کی اہم ضروریات کو پورا کرنے کیلئے 9,000 شیلٹر اور نان فوڈ آئٹمز (NFIs) پر مشتمل کٹس روانہ کی ہیں۔

ضروری امدادی کٹس میں شیلٹرز، سولر پینلز، کمبل، پلاسٹک میٹ، کچن سیٹ، واٹر کولر اور اینٹی بیکٹیریل صابن پر مشتمل ان 9,000 شیلٹر NFIs کٹس سے 63,000 افراد سے زائد افراد مستفید ہونگے۔

اس ہنگامی امداد سے خیبرپختونخوا کے پانچ اضلاع (اپر دیر، لوئر چترال، سوات، چارسدہ، ڈی آئی خان) جبکہ بلوچستان کے تین اضلاع (گوادر، چاغی، پشین) میں رہنے والے سیلاب متاثرین کو براہ راست فائدہ پہنچے گا۔ یہ امدادی کٹس نیشنل ڈیزاسٹر مینجمنٹ اتھارٹی (NDMA) اور حکومت خیبرپختونخوا اور بلوچستان کے تعاون سے سیلاب سے متاثرہ علاقوں میں تقسیم کیے جائیں گے۔ یہ اقدام انسانی ہمدردی کی کوششوں کے لیے مملکت سعودی عرب کے عزم کی نشاندہی کرتا ہے اور مصیبت کے وقت پاکستان میں متاثرہ خاندانوں کی مدد کے لیے جاری لگن کی عکاسی کرتا ہے۔

کنگ سلمان ریلیف سینٹرکا پاکستان میں نان فوڈ آئٹمز اور ونٹر کٹس کی تقسیم کے پروجیکٹ کا آغاز

Posted on October 6, 2023

کنگ سلمان ریلیف سینٹرکا پاکستان میں نان فوڈ آئٹمز اور ونٹر کٹس کی تقسیم کے پروجیکٹ کا آغاز
کنگ سلمان ریلیف سینٹر نے پاکستان میں سال 2023-24 کیلئے شیلٹر NFIs (نان فوڈ آئٹمز) اور ونٹر کٹس کی تقسیم کے پروجیکٹ کا آغاز۔

اسلام آباد ( چترال ٹایمزرپورٹ ) کنگ سلمان ہیومینٹیرین ایڈ اینڈ ریلیف سینٹر (KSrelief) نے پاکستان میں شیلٹر NFIs (نان فوڈ آئٹمز) اور ونٹر کٹس کی تقسیم کے پروجیکٹ کا آغاز کردیا جس کا مقصد 25,000 شیلٹر NFIs (نان فوڈ آئٹمز) اور 25,000 ونٹر کٹس ان افراد میں تقسیم کرنا ہے جو حال ہی میں سیلاب سے متاثر ہوئے ہیں یہ پروجیکٹ چار مراحل پر مشتمل ہے۔ جوکہ نیشنل ڈیزاسٹر مینجمنٹ اتھارٹی (NDMA) کے تعاون سے جاری ہے۔
حالیہ سال پاکستان کو مون سون کی غیر معمولی بارشوں اور سیلاب کی وجہ سے ایک نازک صورتحال کا سامنا کرنا پڑا۔ ان سیلابوں نے ملک کے مختلف علاقوں میں لوگوں کی بڑی تعداد کو نمایاں طور پر متاثر کیا ہے۔ کنگ سلمان ہیومینٹیرین ایڈ اینڈ ریلیف سینٹر ان متاثرہ علاقوں میں ضروری امداد فراہم کرنے میں سرگرم عمل ہے ۔

ونٹر پیکج کے پہلے مرحلے میں تین صوبوں میں کل 25,000 ونٹر کٹس تقسیم کی جا‏‏ئیگی۔ 11,000 ونٹر کٹس خیبر پختونخواہ میں پانچ اضلاع ، جن میں چترال اپر، چترال لوئر، دیر اپر، کوہستان اپر، اور سوات اپر شامل ہیں۔ دریں اثنا، صوبہ بلوچستان میں قلات، سوراب، قلعہ سیف اللہ اور زیارت کے علاقوں میں 8000 ونٹر کٹس مزید برآں، گلگت بلتستان کے سرد ترین علاقے میں غذر، استور اور گوپس یاسین میں 6000 کٹس تقسیم کی جائیں گی۔ ان ونٹر کٹس میں کل 50,000 لحاف اور 25,000 ونٹر کٹس شامل ہیں، جن میں مردانہ اور زنانہ گرم شالوں کے ساتھ ساتھ بچوں اور بڑوں کو سرد موسم میں گرم رکھنے کے لیے گرم ملبوسات شامل ہیں۔
اس پراجیکٹ کو انتہائی شفافیت کے ساتھ، NDMA، اقوام متحدہ کے مشنز، صوبائی اور مقامی حکومت کے تعاون سے عمل میں لایا جائے گا۔ اس مشترکہ کوشش کا مقصد 350,000 ضرورت مند افراد تک ریلیف پہنچانا ہے۔

کنگ سلمان ریلیف سینٹر نے خیبر پختونخواہ میں حالیہ سیلاب سے متاثرہ علاقوں (چترال اور دیر) میں 12000 فوڈ پیکجز کی تقسیم کا عمل مکمل کر لیا 

Posted on September 13, 2023

کنگ سلمان ریلیف سینٹر نے خیبر پختونخواہ میں حالیہ سیلاب سے متاثرہ علاقوں (چترال اور دیر) میں 12000 فوڈ پیکجز کی تقسیم کا عمل مکمل کر لیا

اسلام آباد(چترال ٹائمز رپورٹ ) کنگ سلمان ہیومینٹیرین ایڈ اینڈ ریلیف سنٹر (KSrelief) نے پاکستان کے تمام صوبوں میں نیشنل ڈیزاسٹر مینجمنٹ اتھارٹی (NDMA) کے تعاون سے چار مرحلوں میں پاکستان میں فوڈ سیکیورٹی سپورٹ پروجیکٹ کا آغازکیا تھا۔ جاری پریس ریلیز کے مطابق اس پروجیکٹ کے دوسرے مرحلے میں کنگ سلمان ریلیف سنٹر (KSrelief) نے زیریں اور بالائی چترال اور دیر خیبر پختونخواہ کے سیلاب سے متاثرہ افراد میں مقامی حکومت کے تعاون سے 12,000 فوڈ پیکج تقسیم کیے۔

یہ پیکیج سال 2023-24 کے لیے پاکستان میں فوڈ سیکیورٹی سپورٹ پروجیکٹ کے دوسرے مرحلے کا ایک حصہ ہے۔ اس دوسرے مرحلے کے دوران، KSrelief پنجاب کے ضلع مظفر گڑھ اور بہاولنگر میں سیلاب متاثرین میں 4,400 فوڈ پیکجز،صوبہ سندھ کے ضلع سجاول اور دادو میں 5,000 فوڈ پیکجزکی تقسیم بھی جاری ہے جبکہ بلوچستان میں خاران، صحبت پور اور واشوک میں 11,000 فوڈ پیکجز تقسیم کیے جا‏ئیں گئے ۔ توقع ہے کہ اس اقدام سے پاکستان بھر میں 32400 فوڈ پیکجز تقسیم کرکے کل 226,800 افراد کو فائدہ پہنچے گا۔

اس فوڈ پیكج میں تمام تر ضروری اشیائے خرد ونوش شامل ہیں۔ ایك فوڈ پیك 95 كلوگرام پر مشتمل ہے جس میں 80 كلو فائن آٹا، 5 كلو گرام دال چنا، 5 لٹر كوكنگ آئل اور 5كلو گرام چینی شامل ہیں۔ یہ پروجیکٹ مملکت سعودی عرب کے انسانی ہمدردی کے منصوبوں کے تحت پاکستان میں کنگ سلمان ہیومینٹیرین ایڈ اینڈ ریلیف سنٹر (KSrelief) کے زیر نگرانی ضرورت مند افراد میں شفاف طریقے سے مقامی حکومت کے تعاون سے پائے تکمیل تک پہنچایا جائے گا۔