چترال کی ایک اور بیٹی طاہرہ بی بی نے پی ایچ ڈی کی ڈگری مکمل کرلی
چترال ( چترال ٹائمز رپورٹ ) چترال کی ایک اور ہونہار بیٹی طاہرہ بی بی دخترمحمد غفران (مرحوم ) ساکن بروز چترال لوئر حال اسلام آباد نے علامہ اقبال اوپن یونیورسٹی اسلام آباد سے ایجوکیشن(ای پی ایم ) میں پی ایچ ڈی کی ڈگری مکمل کی ہے ۔ گزشتہ دنوں اپنی مقالہ کی کامیابی سے دفاع کرتے ہوئے پی ایچ ڈی ڈگری کا حقدار پایا ہے۔ انھوں نے یہ ڈگری انٹرنل سپروائزر ڈاکٹرافشان ہما اور ایکسٹرنل سپروائزرز ڈاکٹر محمد فیضل بن اے غنی یونیورسٹی آف ملیشیا اور ڈاکٹر اینٹولی اولیکسیانڈویونیورسٹی آف ہانگ کانگ کے زیرنگرانی اے گریڈ میں مکمل کی ہے ۔