وزیراعلی اوراسکی ٹیم صوبے اوراس کے عوام بالخصوص سیلاب زدگان کو بے یارومددگار چھوڑ کر کنٹینرپرچڑھ گئےہیں۔ پی پی پی ایم پی اے ملک امجد افریدی ودیگر کی پریس کانفرنس
وزیراعلی اوراسکی ٹیم صوبے اوراس کے عوام بالخصوص سیلاب زدگان کو بے یارومددگار چھوڑ کر کنٹینرپرچڑھ گئےہیں۔ پی پی پی ایم پی اے ملک امجد افریدی ودیگر کی پریس کانفرنس
پشاور ( چترال ٹایمز رپورٹ ) پاکستان پیپلزپارٹی خیبرپختونخوا کے سیکرٹری اطلاعات وایم پی اے ملک امجد آفریدی نے کہاہے کہ صوبے میں مالی بحران کے باوجود صوبائی حکومت لانگ مارچ کو مالی معاونت فراہم کررہی ہے کے پی حکومت کا ہیلی کاپٹر مسلسل استعمال ہورہا ہے صوبے میں برسراقتدارتحریک انصاف کے حکمرانوں کی نااہلی کی وجہ سے آج حکومت کے پاس سرکاری ملازمین کو تنخواہیں دینے کیلئے پیسے نہیں عمران خان کے گھر کے کچن سے لے کر اس کے تمام اخراجات صوبائی حکومت برداشت کر رہی ہے وہ پشاورپریس کلب میں صوبائی رہنماﺅںایوب شاہ ، گوہرانقلابی،،فرزندوزیر اورپی ایس ایف صدرراشدآفریدی ،انعام اللہ کے ہمراہ پریس کانفرنس کررہے تھے ،امجدخان آفریدی نے کہاکہ پی ٹی آئی نے خیبرپختونخوا کو 9 سال میں900 ارب روپے کا مقروض کردیااورتین مہینوں سے سرکاری ملازمین کوان کی تنخواہیں وقت پرنہیں مل رہی ہیں جس کی بڑی وجہ حکومت کی ناقص معاشی حکمت عملی ہے دوسری جانب تحریک انصاف کے چیئرمین عمران نیازی نے صوبائی سرکاری مشینری کو اپنے نام نہاداورریاست دشمن لانگ مارچ کیلئے استعمال میں لارہے ہیں جبکہ وزیراعلی اوراسکی ٹیم صوبے اوراس کے عوام بالخصوص سیلاب زدگان کو بے یارومددگار چھوڑ کرخوشامد کیلئے کنٹینرپرچڑھ گئے اس جعلی خان کاجھوٹابیانیہ قوم مستردکرچکی ہے اور بہت جلد یہ لوگ اپنی انجام کو پہنچیں گے۔
انہوں نے مزید کہاکہ عمران خان کو مسلط کرنے سے سیاست اور جمہوریت کو بے پناہ نقصان پہنچا۔اس شخص کے مسلط ہونے سے سب سے زیادہ متاثر پختونخوا کے عوام ہوئے ہیں صوبے کے امن کو ایک دفعہ پھر دﺅا پر لگا دیا گیا ہے ٹارگٹ کلنگ، بھتہ خوری، اغوا برائے تاوان اور دہشتگردی کے واقعات ہورہے ہیں خیبر پختونخوا میں پی ٹی آئی اور ٹی ٹی پی کا گٹھ جوڑ ایک نظریئے کے تحت مل کر پختون قوم اور اس سرزمین کو دہشتگردوں کے حوالے کررہے ہیں۔
انہوں نے کہاکہ شہید ذوالفقار علی بھٹو کے خلاف بیان بازی کرکے نیازی قوم کو گمراہ نہیں کر سکتے ،عمران کو خبردار کرتے ہیں کہ آئندہ قائد عوام ذوالفقار علی بھٹو کا نام تمیز کے ساتھ لیا کریں، دشمنی نہیں تنقید کریں، بد تمیزی نہیں سیاست کریں دشمنی نہیں ہر انسان کا احترام کرنا انسانیت ہے کمزوری نہیں۔ انہوں نے کہاکہ عمران خان کا مستقبل تاریک ہے، اسٹیبلشمنٹ نے خود کو سیاست سے الگ کرلیا ہے۔ عمران خان نے اپنے دور میں اقتدار میں انتخابات کیوں نہیں کروائے عمران خان الیکشن کمیشن کو متنازع کرنا چاہتے ہیں، عمران خان کو ملک و قوم سے محبت نہیں، وہ صرف اور صرف اقتدار چاہتے ہیں۔ عمران خان کی ذہنیت آمرانہ ہے، عمران خان خود اپنے مارچ کو خونی مارچ کہہ رہے ہیں، عمران خان کا ٹرک جب اسلام آباد پہنچے گا تو خالی ہوگا۔
عمران خان ملک دشمنوں کے ایجنڈپرعمل پیرا ہے اس نے اداروں کیخلاف مہم چلائی۔ جھوٹ بولنا عمران خان کا وطیرہ اور غلط بیانی ان کا منشور ہے سائفر ڈرامہ پٹ چکا آزادی بیانیہ نیا دھوکا ہے ،سیکرٹری اطلاعات نے کہاکہ ملک میں ہر شہری کیلئے ایک قانون ہونا چاہئیے،کوئی شخص قانون سے بالاتر نہیں۔عوام کو نظر آرہا ہے کہ کون عوامی حکمرانی چاہتا ہے اور کون بیساکھیوں کے ذریعے اقتدار میں آنا چاہتا ہے۔جب تک ملک میں آئین و قانون کی حکمرانی،پارلیمنٹ کی بالادستی نہیں ہوگی،تمام دعوے جھوٹ ہیں انہوں نے کہاکہ پارلیمان کی بے توقیری ہوتی رہی ہے،عوام بھگت رہے ہیں۔بیساکھیوں کی سیاست نے ملک کو اندرونی و بیرونی مشکلات سے دوچار کیا ہے۔جو کچھ عمران خان کہہ اور کررہا ہے، کوئی اور ہوتا تو ایک دن بھی جیل سے باہر نہیں ہوتاآئین شکنوں کو قانون کے کٹہرے میں کھڑا کیا جائے،جمہوریت کو کمزور کرنے والے عوام کے دوست نہیں ہوسکتے۔عوام کے بنیادی مسائل میں روزبروز اضافہ ہورہا ہے،خدارا عوام کی حالت زار پر رحم کریں