رمضان المبارک کے بابرکت مہینے میں محمد طلحہ محمود فاونڈیشن کے زیر اہتمام افطار دسترخوان کا سلسلہ جاری

چترال (نمائندہ چترال ٹائمز) رمضان المبارک کے بابرکت مہینے میں فلاحی خدمات کے تسلسل کو برقرار رکھتے ہوئے محمد طلحہ محمود فاؤنڈیشن کی جانب سے افطار دسترخوان کا باقاعدہ اہتمام کیا جا رہا ہے، جو اپر چترال کے بونی، ضلع چترال کے مختلف علاقوں اور گلگت بلتستان کے ضلع دیامر (داریل، تانگیر اور چلاس) تک جاری ہے۔ فاؤنڈیشن کی یہ کاوش مستحق اور ضرورت مند افراد کے لیے ماہِ صیام میں سہولت اور آسانی کا ذریعہ بن رہی ہے۔

چترال شہر میں بائی پاس روڈ پر قائم مرکزی افطار دسترخوان کے علاوہ مختلف اہم مقامات پر بھی روزانہ کی بنیاد پر افطار کا بندوبست کیا جا رہا ہے۔ ان مقامات میں ڈسٹرکٹ ہیڈکوارٹر ہسپتال چترال، ویمن اینڈ چلڈرن ہسپتال چترال، شاہی مسجد چترال، ڈسٹرکٹ جیل، ریسکیو 1122 مرکز، دارالامان، دروش بازار، کیٹگری ڈی ہسپتال دروش، حمیّدہ ایجوکیشن اینڈ بورڈنگ اکیڈمی اور دارالایتام چترال شامل ہیں۔ ان تمام مقامات پر روزانہ بڑی تعداد میں روزہ داروں کو باعزت انداز میں افطار فراہم کیا جا رہا ہے۔

فاؤنڈیشن کے منتظمین کے مطابق یہ فلاحی سلسلہ پورے رمضان المبارک جاری رہے گا، ان شاء اللہ، اور اس کا مقصد معاشرے کے کمزور اور ضرورت مند طبقات تک براہِ راست رسائی حاصل کر کے انہیں ماہِ صیام کی برکتوں میں شریک کرنا ہے۔ مقامی افراد نے اس اقدام کو سراہتے ہوئے اسے سماجی یکجہتی اور ہمدردی کی روشن مثال قرار دیا ہے۔

محمد طلحہ محمود فاونڈیشن کے زیرانتظام چترال مستوج روڈ پر مروئی نالہ میں پائپ بچھاکر سڑک ٹریفک کے لئے ہموار کردیا گیا

چترال ( نمائندہ چترال ٹائمز ) چترال مستوج روڈ پر مروئے کے مقام پر نالہ میں پانی منجمد ہونے کے باعث مسافروں کے ساتھ ٹرانسپورٹروں کو بھی انتہائی مشکلات درپیش تھے، جس کی مرمت کے لئے علاقے کے عوام میڈیا کے زریعے فریاد کرتے رہے مگرضلعی انتظامیہ ، متعلقہ محکمہ اور نہ منتخب نمائندوں کی طرف سے  شنوائی ہوئی ، تاہم محمد طلحہ محمود فاؤنڈیشن کے زمہ داروں نے اس کا نوٹس لیتے ہوئے فاونڈیشن کی جانب سے مروئی نالے پر آرسی سی پائپ لگا دیے گئے ہیں۔ اور نالے کے دونوں اطراف پھنسے ہوئے مسافروں کے لئے کھانے کا بندوبست بھی محمد طلحہ محمود فاؤنڈیشن کی جانب سے کیا گیا۔ فاونڈیشن کی طرف سے آڑتالیس انچ قطر کے پائپ مروئے نالہ میں بچھانے کے ساتھ سڑک کو ٹریفک کے لئے ہموار کردیا گیا جہاں آئے روز  پھسلن کی وجہ سے مسافر انتہائی مشکلات کا شکار تھے، علاقےکے عوام اور مسافروں نے محمد طلحہ محمود فاونڈیشن کی کاوشوں کو سراہتے ہوئے سینٹر طلحہ محمود کو خراج تحسین پیش کیاہے۔

محمد طلحہ محمود فاونڈیشن نے اپنے ایک اور وعدے کو عملی جامہ پہناتے ہوئے گورنمنٹ مڈل سکول موڑدہ ایون میں کمپیوٹر لیب قائم کر دیا

چترال ( نمائندہ چترال ٹائمز  ) چترال بھر میں مختلف منصوبوں پر کم کرنے والا غیر سرکاری ادارہ  محمد طلحہ محمود فاونڈیشن نے اپنے ایک اور وعدے کو عملی جامہ پہناتے ہوئے گورنمنٹ مڈل سکول موڑدہ ایون میں کمپیوٹر لیب قائم کر دیا ہے ۔جس کا افتتاح جمعرات کے روز ایک ہر وقار تقریب کے مہمان خصوصی ڈسٹرکٹ ایجوکیشن آفیسر چترال محمود غزنوی نے فیتہ کاٹ کر کیا ۔ شاہی جامع مسجد چترال کے خطیب مولانا خلیق الزمان اس تقریب کےصدر محفل تھے ۔ تقریب میں سیکرٹری طلحہ محمود فاونڈیشن مبشر حسین ، کو آرڈنیٹر سید نزاکت شاہ، آفس انچارچ عمر مقصود کے علاوہ مقامی عمائدین حافظ خوشولی خان ،ڈی ایس پی سرکل ایون حسن اللہ ، معروف سیاسی و سماجی شخصیات خیرالاعظم ، سابق ڈی پی ایم ایس آر ایس پی دیر نور عجب خان ، عنایت اللہ اسیر، سابق ناظم مجیب الرحمن،سکول کے اساتذہ طلباء کی بڑی تعداد موجود تھی ۔

انچارج سکول ٹیچر زرتاج احمد نے تمام مہمانوں کا شکریہ ادا کیا ۔ اور طلحہ محمود فاونڈیشن کی طرف سے سکول کیلئے کمپیوٹر لیب کے قیام کی تعریف کی ۔ انہوں نے ڈی ای او محمود غزنوی کی چترا ل میں تعلیم کیلئے کئے جانے والے اقدامات کو مثالی قرار دیا ۔ تقریب سے خطاب کرتےہوئےمہمان خصوصی ڈسٹرکٹ ایجوکیشن آفیسر چترال لوئر محمود غزنوی نے طلباء کیلئے کمیوٹر لیب کے قیام پراپنے ادارے کی طرف سے طلحہ محمود فاونڈیشن کا شکریہ اد کیا ۔ اور کہا ۔کہ دور جدید میں کمپیوٹر کی تعلیم طلباء کیلئے انتہائی ضروری ہے ۔ اور کمپیوٹر پر عبور کے بغیر طلباء علمی مسابقت کا مقابلہ نہیں کر سکتے ۔ اس لئے یہ لیب مقامی طلبا ء کو آئی ٹی کے بارے میں علم کے حصول میں نہایت معاون ثابت ہو سکتا ہے ۔ تقریب سے صدر محفل خطیب شاہی مسجد چترال نے خطاب کرتے ہوئے سنیٹر طلحہ محمود اور ان کی ٹیم کی خدمات کو سراہا ۔ اور مختلف مقامات میں جاری منصوبوں کو چترال کی ترقی اور لوگوں کے مسائل حل کرنے کیلئے اہم قرار دیا ۔ تقریب سے طلحہ محمود فاونڈیشن کے ذمہ داروں و دیگر نے بھی خطاب کیا ۔ قبل ازین جب مہمانان گرامی سکول پہنچے تو طلباء انہیں پھولوں کے ہار پہنائے ۔