ضلعی انتظامیہ اور چترال چیمبر آف کامرس اینڈ انڈسٹری کے زہراہتمام کھلی کچہری کا انعقاد

Posted on December 30, 2024December 30, 2024

ضلعی انتظامیہ اور چترال چیمبر آف کامرس اینڈ انڈسٹری کے زہراہتمام کھلی کچہری کا انعقاد

چترال ( نمائندہ چترال ٹائمز ) ڈپٹی کمشنر لوئر چترال محسن اقبال کی زیر صدارت چترال چیمبر آف کامرس اینڈ انڈسٹری کے تعاون سے چیمبر آف کامرس کے آفس میں کھلی کچہری کا انعقاد کیا گیا،
کھلی کچہری میں لائن ڈیپارٹمنٹس کے افسران , مختلف شعبوں سے تعلق رکھنے والے افراد جن میں بار ایسوسیشن، ، تجار یونین، کنٹرکٹر، مائن منرل، کرش پلانٹ پیٹرول پمپ، سی ڈی ایم اور دوسرے مختلف ایسوسیشن کے نمائندوں اور لائن ڈیپارٹمنٹ کے افراد ذمہ داراں شریک ہوۓ۔

عوام نے درپیش مسائل سے جن میں روڈز , سیاحت, کاروبار کے مواقع , چترال اکنامک زون ,اور علاقے میں صنعت کاروں کو درپیش مختلف مسائل سے ڈپٹی کمشنر کو اگاہ کیا۔
ڈپٹی کمشنر نے مسائل سننے کے بعد کچھ مسائل کو حل کرانے کے حوالے سے موقع پہ احکامات جاری کیۓ ۔ اور دیگر مسائل کو بھی صوبائی حکومت کے نوٹس میں لاکر جلد حل کرانے کی یقین دہانی کرائی۔
ڈپٹی کمشنر نے کہا ہے کہ وزیر اعلیٰ خیبر پختونخوا کے وژن کے مطابق عوامی مسائل سے واقفیت حاصل کرنے کیلۓ خصوصی کھلی کچہریوں کا انعقاد کیاجارہا ہے۔
جس میں تمام محکموں سے متعلق عوامی مسائل ومشکلات سے اگاہی حاصل کرکے ان کو حل کرانے کے حوالے سے اقدامات اٹھاۓ جارہۓ ہیں۔چترال چیمبرآف کامرس اینڈ انڈسٹری کے صدر حاجی محبوب اعظم نے ڈی سی سمیت تمام شرکا کا شکریہ ادا کرتے ہوئے کہا کہ ڈپٹی کمشنر کاروباری طبقے کے مسائل ترجیحی بنیادوں پر حل کریں گے،

ماں کے دودھ کی افادیت سے متعلق آگاہی کاعالمی مہینہ اگست کی مناسبت سے اپر چترال میں اجلاس

Posted on August 4, 2023

ماں کے دودھ کی افادیت سے متعلق آگاہی کاعالمی مہینہ اگست کی مناسبت سے اپر چترال میں اجلاس

چترال ( نمایندہ چترال ٹایمز ) ماں کے دودھ کی افادیت کے متعلق آگاہی کاعالمی مہینہ اگست کی مناسبت سے ایک اہم اجلاس جمعہ کے روز زیر صدارت ڈسٹرکٹ ہیلتھ آفیسر اپر چترال ڈاکٹر ارشاد احمد ڈی ایچ اوآفس بونی اپر چترال میں منعقدہوا ، اجلاس میں ایم ایس ہیڈکوارٹر ہسپتال بونی ڈاکٹر فرمان ولی خان، مولانا احسان الحق وفا، اسماعیلی لوکل کونسل بورڈ کے صدر یوسف حیات، چیرمین بونی 2 انور ولی خان، محکمہ ایجوکیشن کے رحمت ولی خان ، سوشل ویلفیئر ڈیپارٹمنٹ کے مختار احمد سمیت مختلف مکتب فکر کے لوگوں نے شرکت کی۔ پروگرام کا باقاعدہ آغاز تلاوت کلام پاک سے ہوا ۔ کوآرڈینیٹر ایل ایچ ڈبلیو محترمہ حمیدہ یونس نے معزز شرکاء کو خوش آمدید کہتے ہوئے اجلاس کی اغراض و مقاصد بیان کی اور ماں کے دودھ کی افادیت پر روشنی ڈالی۔ڈسٹرکٹ ہیلتھ آفیسر اپرچترال ڈاکٹر ارشاد احمد نے اپنے خطاب میں کہا کہ عالمی ادارے صحت کہتا ہے کہ بچے کے لئے پہلی بہترین خوراک ماں کا دودھ ہوتا ہے اور چھ ماہ تک بچے کو اس کے علاؤہ کچھ اور نہیں دینا چاہئے اور اس کا کوئی نعم البدل نہیں ہے ہمیں اس سلسلے میں ہرگھر تک آگاہی پہنچانا ہے

مولانا احسان الحق وفا نےبچے کے لئے ماں کے دودھ کی افادیت پر مفصّل خطاب کیا اور اس بات پر زور دیا کہ قرآن مجید کے حکم (والوالدت یرضعن اولادھن حولین کاملین )کے مطابق ہر ماں کو اپنے بچے کو پیدائش سے لیکر دو سال تک دودھ پلانا ضروری ہے ۔اسماعیلی لوکل کونسل بورڈکے صدر یوسف حیات ، چیرمین یوسی 2بونی، انور ولی خان نے بھی بچے کے لئے ماں کے دودھ کی افادیت پر اظہار خیال کیا، ایم ایس ٹی ایچ کیو ہسپتال بونی ڈاکٹر فرمان ولی خان نے اپنے خطاب میں کہا کہ اسلام اور سائنس اس بات پر متفق ہیں کہ بچے کے لئے ماں کی دودھ انتہائی ضروری ہے ہمیں اس سلسلے میں آگاہی مہم کو مزید تیز کرنی ہوگی۔ کوآرڈینیٹر ایل ایچ ڈبلیو حمیدہ یونس نے اپنے خطاب میں کہا کہ یہ بات مشاہدے میں آئی ہے کہ جن بچوں کو ان کی مائیں دودھ پلاتی ہیں وہ بچے انتہائی صحت مند ہوتے ہیں۔اجلاس ماں کے دودھ کی افادیت کے آگاہی کو تمام گھرانوں تک پہچانےکے عزم کے ساتھ اختتام پذیر ہوا۔