بریپ (چترال) کے سیب اور ان کی اقسام : تحریر: حاجی یار خان بریپ
بریپ (چترال) کے سیب اور ان کی اقسام : تحریر: حاجی یار خان بریپ
اللّٰہ پاک نے علاقہ یارخون (اپر چترال) کو مختلف قدرتی نعمتوں اور خوبیوں سے نوازا ھے جس میں ایک گاؤں (بریپ) جو علاقہ یارخون کا گیٹ وے ھے دیگر قدرتی خوبیوں کے علاؤہ ایک بڑی خوبی یہ ھے کہ بریپ کے سیب نہ صرف پاکستان میں شہرت رکھتے ہیں بلکہ ھم کہہ سکتے ھیں کہ یہ پوری دنیا کے اچھے سیبوں میں شمار ھو تے ھیں بریپ گاؤں کی مٹی،اب و ہوا اور پانی سیب کے درخت کے لئے انتہائی مناسب ہیں ماہ اگست میں سیب پکنا شروع ھو جاتے ہیں اور ماہ اکتوبر کے وسط تک درختوں پر پھل موجود رھتے ھیں اس دوران سیبوں کے خریدار یہاں آتے ھیں اور سیب مالکان سے ان کی وابستگی ھوتی ھے وہ باغ کے مالکان سے باغ کو چٹی خرید لیتے ہیں یا تو پیٹی کے حساب سے خرید لیتے ھیں گزشتہ سالوں کی نسبت اس سال کالا کولا/رائل گالا سیب جس میں 50 سے 55 کلو بھر جاتا ھے آخری سیزن میں 5500 روپے میں فروخت ھوئی جبکہ چوپوش(ازدوپ) 2000 روپے میں پٹی فروخت ھوئی، اس طرح سیبوں کے باغ رکھنے والے مالکان کو خاطر خواہ فائدہ ھوا بریپ میں ذیل اقسام کے سیب پائے جاتے ھیں :
1- چوپوش(ازدوپ)
2- کالا کولا
3- رائل گالا
4-شیشہ گولڈن
5- باسوٹی
6-خوش وختی
7- ریڈ ڈیلیشیس
8-گولڈن گرین
9- گولڈن یلو
10-شوت اشریکی ریڈ
11- شوت اشریکی گرین
12- شوکوشی
13- استا چیکان
14- شیرین والوغ
15-اشکیٹ پالوغ وغیرہ
( اگر اور کوئی نام مجھ رہ گیا ھو تو بریپ والے میری رہنمائی کر سکتے ہیں)
بریپ کے سیبوں کے درختوں اور پھلوں کو جو مسائل درپیش ھوتے ھیں ان کے حل کے لئے زرعی ماہرین ،محکمہ زراعت اور این،جی،اوز جو اس فیلڈ کے لئے کام کرتے ھیں سے التماس ہے کہ وہ ان مسائل کے حل کے لیے ورکشاپ وغیرہ کے ذریعے زمینداروں کی رھنمائی فرمائیں تاکہ زمیندار ذیادہ سے ذیادہ فائدہ اٹھا سکیں ، سیبوں کے درختوں اور پھلوں کے مسائل
1- بعض درختوں میں کیڑے لگتے ہیں
2- درخت سالانہ پھل نہیں دیتے
3- پھول اور پھل کے وقت جال والے کیڑے لگتے ھیں اگر اس وقت ادویات کا اسپرے کرتے ہیں تو ماہرین کا خیال ہے کہ یہ پھل صحت کے لیے اچھا نہیں ھوتا
4- پودوں کے نیچے کس وقت کھاد ڈالنا مناسب ھو گا اور کونسا کھاد بہتر رھے گا اور کس مقدار میں کونسا کھاد اچھا ھو گا
5- درختوں کو پانی کتنے دنوں کے بعد دینا بہتر ھو گا
6-شاخ تراشی کا صحیح طریقہ کار
7-مارکیٹنگ سے متعلق رھنمائی وغیرہ
بریپ (چترال) کے سیب اور ان کی اقسام : تحریر: حاجی یار خان بریپ
