علامہ اقبال اوپن یونیورسٹی کے ملتوی شدہ امتحانات کا نیا شیڈول جاری کر دیا گیا،کنٹرولر امتحانات

Posted on December 30, 2021December 30, 2021

اسلام آباد(سی ایم لنکس)علامہ اقبال اوپن یونیورسٹی اسلام آباد نے خیبر بختونخواہ اور اسلام آباد/راولپنڈی میں ملتوی شدہ امتحانات کا نیا شیڈول جاری کردیا ہے اور متعلقہ طلبہ و طالبات کو نئی تاریخوں کی اطلاع بذریعہ ایس ایم ایس دے دی ہے۔کنٹرولر امتحانات ڈاکٹر ملک توقیر احمد خان کے مطابق18دسمبر کو خیبر پختونخواہ میں بلدیاتی الیکشن کی وجہ سے ایم اے/ایم ایس سی، ایم کام، ایم بی اے/ایم پی اے، ایم ایل آئی ایس اور ایم ایڈ پروگراموں کے ملتوی شدہ پرچے اب 17جنوری کو ہوں گے جبکہ اسلام آباد میں او آئی سی کانفرنس کے انعقاد کی وجہ سے 20۔دسمبر کو اسلام آباد کے پورے ریجن اور راولپنڈی شہر کے امتحانی مراکز 259,261,267,273اور 274میں ملتوی ہونے والے پرچوں کی نئی تاریخ 18جنوری مقرر کی گئی ہے۔امتحانی مراکز میں کوئی تبدیلی نہیں کی گئی ہے۔ پہلے سے جاری کی گئی رول نمبر سلپس نظرثانی شدہ شیڈول کے امتحانات میں شرکت کے لئے قابل قبول ہوں گی۔ علاوہ ازیں یونیورسٹی کے سمسٹربہار2021 میں پیش کئے گئے سرٹیفیکٹ کورس“ایجوکیشنل لیڈرشپ”کا فائنل امتحان 4جنوری سے شروع ہوگاجو14جنوری تک جاری رہے گا۔رول نمبر سلپس/ڈیٹ شیٹ یونیورسٹی کی ویب سائٹwww.aiou.edu.pkپر فراہم کردی گئی ہے۔کنٹرولر امتحانات کے مطابق ویب سائٹ سے ڈاؤن لوڈ شدہ رول نمبر سلپ بھی امتحان میں شرکت کے لئے قابل قبول ہوگی۔

اوپن یونیورسٹی نے میٹرک میں داخلہ کیلئے مڈل پاس ہونے کی شرط ختم کردی۔۔ڈائریکٹر

Posted on August 12, 2021August 12, 2021

چترال (چترال ٹائمز رپورٹ) ریجنل ڈائریکٹر علامہ اقبال اوپن یونیورسٹی چترال شفاعت الرحمان نے ہمارے نمائندے کو بتایا کہ علامہ اقبال اوپن یونیورسٹی میں خزاں 2021 سمسٹر کے داخلوں کاآغاز 15 جولائی 2021 سے ہو گیا ہے۔ یہ داخلوں کا پہلا مرحلہ ہے جس میں میٹرک /ایف اے/میٹرک درسِ نظامی /ایف اے درس نظامی/شارٹ کورسز اور بی ا۔ ایس، ایم فل اور پی ایچ ڈی فیس ٹو فیس پروگرامز میں داخلے دیئے جا رہے ہیں۔ جب کہ ملک میں شرح خواندگی کو بڑھانے کے لئے اور ذیا دہ سے ذیادہ لوگوں کی تعلیمی صلاحیتوں کو بڑھانے کے لئے علامہ اقبال اوپن یونیورسٹی نے میٹرک میں داخلہ لینے کے لئے مڈل پاس ہونے کی شرط ختم کردی ہے لہٰذااب کوئی بھی پاکستانی شہری جس کی عمرتیرہ سال سے ذیادہ ہو یونیورسٹی کے میٹرک جنرل اور میٹرک درس نظامی میں داخلہ لے کر اپنے تعلیمی سفرکا آغاز کر سکتا ہے اور اپنی تعلیمی اہلیت کو بڑھا کر ملک کی تعمیر و ترقی میں اپنا کردار ادا کر سکتا ہے۔

داخلوں کا یہ مرحلہ 6ستمبر تک جاری رہے گا جبکہ دوسرے مرحلے کا آغاز ستمبر کے پہلے ہفتے میں ہو گا جس میں بی۔ایڈ/ایم ایڈ اور بی۔ایس چار سالہ(او۔ڈی۔ایل) پروگرام کے داخلے کیلئے جائیں گے، جاری طلباء و طالبات 16اگست کے بعد اپنے جاری فارم یونیورسٹی کی ویب سائیٹ سے ڈاوٗں لوڈ کرنے کے بعد اپنی فیس جمع کرواسکتے ہیں جبکہ نئے طلباء آن لائن داخلہ کریں یا ریجنل آفس یا کسی بھی قریبی سیل پوئنٹ سے داخلہ فارم حاصل کرنے کے بعد اپنا داخلہ کا عمل مکمل کر سکتے ہیں۔