نو تعینات ڈی۔پی۔او لوئر چترال افتخار شاہ نے اپنے عہدے کا چارج سنبھال لیا
نو تعینات ڈی۔پی۔او لوئر چترال افتخار شاہ نے اپنے عہدے کا چارج سنبھال لیا
چترال ( چترال ٹائمزرپورٹ ) نو تعینات ڈسٹرکٹ پولیس آفیسر لوئر چترال افتخار شاہ نے لوئر چترال پولیس کی کمان سنبھال لی۔ لوئر چترال پولیس لائن پہنچنے پر افیسران نے ڈی۔پی۔او کا پرتپاک استقبال کیا۔لوئر چترال پولیس کے چاق و چوبند دستے نے ڈی۔پی۔او کو سلامی پیش کی۔ڈی۔پی۔او لوئر چترال نے یادگار شہداء پر حاضری دی،پھول چڑھائے اور شہداء کی روح کے ایصال ثواب کے لئے فاتحہ خوانی کی۔پولیس لائن لوئر چترال کا دورہ کرکے مختلف شعبہ جات کا معائنہ کیا۔ ہر شعبے کی کارکردگی کا تفصیلی جائزہ لیا اور اس میں بہتری لانے کی خصوصی ہدایت دی۔
