شہزادہ افتخارالدین اور شہزادہ خالد پرویز کا بروز دومون میں عوامی اجتماع سے خطاب، اس دفعہ ووٹ اپوزیشن کودینے کے بجائے ترقی کو دینے کا مطالبہ
شہزادہ افتخارالدین اور شہزادہ خالد پرویز کا بروز دومون میں عوامی اجتماع سے خطاب، اس دفعہ ووٹ اپوزیشن کودینے کے بجائے ترقی کو دینے کا مطالبہ
چترال ( نمائندہ چترال ٹائمز ) پاکستان مسلم لیگ ن کے نامز د امیداوار شہزادہ افتخارالدین اور پاکستان تحریک انصاف پارلیمنٹیرین ،ن لیگ ، اے این پی اور پاکستان راہ حق پارٹی کے مشترکہ امیدوار براۓ صوباٸ اسمبلی پی کے ٹو چترال لوٸر شہزادہ خالد پرویز نے چمرکن ، بروز کوڑ اور دومون کا دورہ کیا ۔سینئر ایڈوکیٹ عبدالولی نے لوگوں کے ایک بڑے اجتماع سے خطاب کرتے ہوئے واضح کیا کہ پاکستان مسلم لیگ نواز وفاقی سطح پر اگلی حکومت بنائے گی اس لیے چترالیوں کو ایک رکن قومی اسمبلی منتخب کرنے کی ضرورت ہے جو آئندہ وفاقی حکومت کا حصہ ہو۔ حکومت اور چترال کے لیے ترقیاتی فنڈز حاصل کریں۔ انھوں نے کہا کہ صوبے میں بھی جس کی حکومت بننے کی توقع ہے وہ پی ٹی آئی پی ہےلہذا چترال کے باشعور عوام کو اس دفعہ اپوزشین میں ممبر بھیجنے کے بجائے حکومتی امیدواروں کو ووٹ دیں گے تاکہ چترال کی ترقی جہاں روکا تھا وہیں سے دوبارہ شروع ہو۔
اس موقع پر خطاب کرتے ہوئے شہزادہ افتخارالدین نے کہا کہ بروز اور ایون سمیت چترال اور دروش کے لئے پی ایم ایل این کی حکومت میں گیس پلانٹ منظور ہوکے تمام لوازمات مکمل ہوئے تھے صرف پلانٹ کی ٹرانسپورٹیشن رہتی تھی مگر سابق انصاف کی حکومت میں اُس گیس پلانٹ منصوبوں کو سرد خانے میں ڈال دیا گیااور خریدی گئی زمین کو بھی دوبارہ بیجنے کے در پے تھے جس کو روکنے اور پلانٹس منصوبوں کی بحالی کے لئے ہمیں ہائی کورٹ سے رجوع کرنا پڑا۔ انھوں نے کہا کہ چترال کے تمام روڈز پراجیکٹس اور بجلی کے منصوبے ہمارے دور میں منظور ہوئے تھے مگر بدقسمتی سے سب اپ کے سامنے ہے۔ انھوں نے کہاکہ ان منصوبوں کو دوبارہ زندہ کرنا ہے تو ۸ تاریخ کو ضرور ووٹ دیں۔تقریب سے شہزادہ خالد پرویز، نوراحمد چارویلو، صفت زرین ودیگر نے بھی خطاب کیا۔ اس سے قبل دونوں امیدواروں چمرکن اور دومون پہنچنے پر عوام نے شاندار استقبال کیا اور جلوس کی شکل میں جلسہ گاہ پہنچایا، اور مکمل سپورٹ کی حامی بھرلی۔
