Chitral Times

Oct 19, 2021

ﺗﻔﺼﻴﻼﺕ

اپرچترال میں بجلی کی ناروالوڈشیڈنگ ، لوگ سڑکوں پرنکلنے پرمجبور، انتظامیہ کو 13اپریل تک کی ڈیڈلائن،

شیئر کریں:

بونی (ذاکرزخمی) اپر چترال میں بجلی کی ناروالوڈشیڈنگ کے خلاف تحریک حقوق اپر چترال کی کال پر سیاسی عمائدین اور تحریک کے کارکنوں کا ایک ہنگامی اجلاس تحریک کے صدر مختار احمد کے ہاں منعقد ہوا جس میں تحریک کے کارکنوں کے علاوہ تقریباً تمام سیاسی پارٹیوں کی نمائیندے موجود تھے۔ ان میں جمیعت علماء اسلام کے ضلعی امیر مولانا شیر کریم شاہ، سابق تحصیل ناظم مولانا محمد یوسف، امیرِ جماعتِ اسلامی مولانا جاوید،ریٹائرڈ پرنسپل عبد الکبیر، محمد یونس لال، تحریک حقوق کے صدر مختار احمد،تحریکِ انصاف کے بابر علی،اے۔این۔پی کے قربان علی،پی۔پی۔پی کے رحمت سلام اور پرویز لال،عید علی،حسین زرین, سابق وی سی ناظم سلامت و دیگر کارکنان نے شرکت کی۔صدارت رحمت سلام لال نے کی جبکہ نظامت کے فرائض پرویز لال انجام دے رہے تھے۔
شراکاء اس بات پر شدید برہمی کا اظہار کیا کہ گزشتہ پانچ مہینوں سے پیڈو اور پیسکو عوام پر ظلم ڈھائے ہوئے ہیں۔ اور مختلف حیلے بہانے سے عوام کو اندھیرے میں رکھے ہوئے ہیں۔ اور اس وقت کرونا وائریس کے پیچھے خود کو محفوظ سمجھ رہے ہیں اور اپنی ناہلی کرونا کے پیچھے چھپانے کی ناکام کوشش میں مصروف ہیں۔ عوامِ اپر چترال کو کرونا سے زیادہ یہی ادارے ستا رہے ہیں۔ برداشت کی بھی کوئی حد ہوتی ہے۔ اب یہ بالکل نا قابلِ برداشت ہو چکا ہے۔ ایک طرف عوام کرونا کی وجہ سے گھروں میں مقید ہیں دوسری طرف ادارے اور انتظامیہ خاموش تماشائی بنے ہوئے ہیں۔
رمضان المبارک بھی قریب ہے ایسی صورت حال میں مزید خاموشی عوام سے برداشت نہیں ہوگی۔ اجلاس میں متفقہ قرارداد کے ذریعے ادارے اور انتظامیہ کو باخبر کیا گیا کہ 13 اپریل تک بجلی کا نظام درست نہ ہوا تو عوام سڑکوں پر ائینگے جو احتجاج، دھرنا اور لانگ مارچ کی صورت میں اپنے بنیادی حق لینے تک جاری رہیگی۔

یہاں یہ بات قابل ذکر ہے کہ ایک طرف کرونا وائریس کی پریشانی اوپر سے بدترین لوڈ شیڈنگ اپر چترال کے عوام کی زندگی مفلوج ہو کر رہ گئی ہے۔کرونا کے حفاظتی اقدامات کے پیش نظر حکومتی لاک ڈاون کی وجہ سے جہاں عوام گھروں میں محصور ہیں وہاں انہیں ملکی حالات سے باخبر ہونے کے بھی ذرائع میسر نہیں۔سکول بند ہیں۔دوسرے علاقوں میں انٹرنیٹ کے ذریعے آن لائن اپنی تعلیمی سرگرمیاں جاری رکھے ہوئے ہیں وہاں اپر چترال میں بجلی کی سہولت تک میسر نہیں۔ ان حالات کے پیش نظر حالات کے ستائے عوام ایک بار پھر تمام حالات کے پرواہ کیے بیغر سڑکوں پر انے پرمجبورہوئی ہے۔

upper chitral loadsheeding meeting 3
upper chitral loadsheeding meeting 3
upper chitral loadsheeding meeting 1
upper chitral loadsheeding meeting 1

شیئر کریں: