دروش(چترال ٹائمز رپورٹ ) دروش بار ایسو سی ایشن کے نو منتخب کابینہ نے حلف اٹھالیا۔ دروش بار روم میں منعقدہ پروقار تقریب میں سول جج ون جو ہر علی شاہ اور سول جج ٹو حسن علی کے علاوہ دروش کے تمام وکلا ء برادران نے شرکت کی۔ تفصیلات کے مطابق دروش بار کے نو منتخب کا بینہ میں صدر اکرام حسین ایڈوکیٹ ، نائب صدر شیر افضل ایڈوکیٹ ، جنرل سیکرٹری شیر بہادر ایڈوکیٹ ، فائنانس سیکرٹری حسین احمد ایڈوکیٹ جبکہ میر اعظم خان ایڈوکیٹ لائبیرین نے اپنے عہدوں کا حلف اٹھالیا۔ تقریب کے مہمان خصوصی علاقہ قاضی ون جو ہز علی شاہ نے کابینہ سے حلف اٹھالیا۔ تقریب سے نو منتخب صدر اکرام حسین ایدوکیٹ نے خطاب کرتے ہوئے کہا کہ بار کے صدارت جیسے اعلیٰ منصب کیلئے مجھ پر اعتماد کرنے پر دروش بار کے وکلاء صاحبان کا مشکور ہوں اور میں اپنی پوری توانائی قانون کی حکمرانی اور بار کی فلاح و بہبود کیلئے صرف کرونگا۔

یہ خبر شیئر کریں: