گلگت بلتستان سے تعلق رکھنے والے کوہ پیماؤں کی ٹیم تریچمیر بیس کیمپ کی طرف روانہ
چترال(نمائندہ چترال ٹائمز)گلگت بلتستان سے تعلق رکھنے والے کوہ پیماؤں کا ایک پندرہ رکنی ٹیم کوہ ہندوکش کی سب سے اونچی چوٹی تریچ میر کی طرف روانہ ہوگئی۔گزشتہ روز اپنے اعزاز میں ٹور آپریٹنگ کمپنی کے چیف ایگزیکٹو آفیسر محمد فاروق اقبال کی جانب سے دی گئی عشائیے کے موقع پر مقامی میڈیا سے گفتگو کرتے ہوئے معروف کوہ پیما اورٹیم لیڈر سعد نے کہاکہ تریچ میر کے بیس کیمپ تک ان کی مہم جوئی کا مقصد جی۔بی کے مشہور و معروف مہم جو امتیاز کو خراج عقیدت پیش کرنا ہے جو کہ گزشتہ سال کوہ ہندوکش کی ایک اور چوٹی کو سر کرنے کی مہم کے دوران شہید ہوئے تھے۔ اس ٹیم میں ملک کے مایہ ناز کوہ پیما محمد علی سدپارہ، عبدول، ساجد، سرباز، حسن اور دوسرے شامل تھے۔
